ᠡᠽᠧᠺᠢᠶᠧᠯ ᠭᠤᠷᠪᠠ
1 ᠲᠡᠷᠡ ᠨᠠᠳᠠ ᠳᠤ᠄ 《ᠬᠥᠮᠦᠨ ᠦ ᠬᠦᠦ᠂ ᠡᠮᠦᠨᠡ ᠴᠢᠨᠢ ᠪᠠᠢᠭᠠ ᠶᠠᠭᠤᠮᠠ ᠶᠢ ᠢᠳᠡ᠃ ᠡᠨᠡ ᠬᠤᠢᠯᠠᠮᠠᠯ ᠨᠣᠮ ᠢ ᠢᠳᠡᠭᠰᠡᠨ ᠦ ᠳᠠᠷᠠᠭᠠ ᠶᠠᠪᠤᠵᠤ ᠢᠰᠷᠧᠯ ᠤᠨ ᠭᠡᠷ ᠲᠦ ᠶᠠᠷᠢ》 ᠭᠡᠰᠡᠨ ᠳᠦ᠂ 2 ᠪᠢ ᠠᠮᠠ ᠪᠠᠨ ᠠᠩ᠋ᠭᠠᠢᠪᠠ᠂ ᠲᠡᠷᠡ ᠨᠠᠳᠠ ᠳᠤ ᠬᠤᠢᠯᠠᠮᠠᠯ ᠨᠣᠮ ᠢ ᠢᠳᠡᠭᠦᠯᠵᠦ᠂ 3 《ᠬᠥᠮᠦᠨ ᠦ ᠬᠦᠦ ᠡ᠂ ᠮᠢᠨᠦ ᠥᠭᠴᠦ ᠪᠤᠢ ᠡᠨᠡ ᠬᠤᠢᠯᠠᠮᠠᠯ ᠨᠣᠮ ᠢ ᠢᠳᠡᠵᠦ᠂ ᠭᠡᠳᠡᠰᠦ ᠪᠡᠨ ᠴᠠᠳᠬᠠᠵᠤ᠂ ᠪᠡᠶᠡ ᠪᠡᠨ ᠲᠡᠵᠢᠭᠡᠭᠲᠦᠨ》 ᠭᠡᠪᠡ᠃ ᠪᠢ ᠢᠳᠡᠭᠰᠡᠨ ᠳᠦ᠂ ᠲᠡᠷᠡ ᠨᠢ ᠮᠢᠨᠦ ᠠᠮᠠᠨ ᠳᠤ ᠪᠠᠯ ᠮᠡᠲᠦ ᠠᠮᠲᠠᠲᠠᠢ ᠪᠠᠢᠪᠠ᠃
4 ᠲᠡᠷᠡ ᠨᠠᠳᠠ ᠳᠤ᠄ 《ᠬᠥᠮᠦᠨ ᠦ ᠬᠦᠦ ᠡ᠂ ᠢᠰᠷᠧᠯ ᠤᠨ ᠭᠡᠷ ᠤᠷᠤᠭᠤ ᠣᠴᠢᠵᠤ᠂ ᠮᠢᠨᠦ ᠦᠭᠡ ᠶᠢ ᠲᠡᠳᠡᠨ ᠳᠦ ᠶᠠᠷᠢ᠃ 5 ᠪᠢ ᠴᠢᠮᠠᠶᠢ ᠰᠣᠨᠢᠨ ᠶᠠᠷᠢᠶᠠ ᠲᠠᠢ᠂ ᠬᠠᠴᠢᠨ ᠬᠡᠯᠡ ᠲᠠᠢ ᠦᠨᠳᠦᠰᠦᠲᠡᠨ ᠤᠷᠤᠭᠤ ᠢᠯᠡᠭᠡᠬᠦ ᠪᠢᠰᠢ᠂ ᠬᠠᠷᠢᠨ ᠢᠰᠷᠧᠯ ᠤᠨ ᠭᠡᠷ ᠤᠷᠤᠭᠤ ᠢᠯᠡᠭᠡᠵᠦ ᠪᠠᠢᠨᠠ᠃ 6 ᠪᠢ ᠴᠢᠮᠠᠶᠢ ᠰᠣᠨᠢᠨ ᠶᠠᠷᠢᠶᠠ ᠲᠠᠢ᠂ ᠬᠠᠴᠢᠨ ᠬᠡᠯᠡ ᠲᠠᠢ᠂ ᠣᠢᠯᠠᠭᠠᠭᠳᠠᠰᠢ ᠦᠭᠡᠢ ᠦᠭᠡ ᠲᠠᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠤᠷᠤᠭᠤ ᠢᠯᠡᠭᠡᠬᠦ ᠪᠤᠰᠤ᠂ ᠬᠡᠷᠪᠡ ᠴᠢᠮᠠᠶᠢ ᠲᠡᠳᠡᠨ ᠤᠷᠤᠭᠤ ᠢᠯᠡᠭᠡᠭᠰᠡᠨ ᠪᠣᠯ᠂ ᠲᠡᠳᠡ ᠯᠠᠪᠲᠠᠢ ᠴᠢᠨᠦᠬᠢ ᠶᠢ ᠰᠣᠨᠣᠰᠬᠤ ᠪᠠᠢᠭᠰᠠᠨ᠃ 7 ᠬᠠᠷᠢᠨ ᠢᠰᠷᠧᠯ ᠤᠨ ᠪᠦᠬᠦ ᠭᠡᠷ ᠦᠨ ᠬᠢᠨ ᠬᠠᠲᠠᠭᠤ ᠮᠠᠩᠨᠠᠢ᠂ ᠵᠥᠷᠢᠭᠦᠳ ᠵᠢᠷᠦᠬᠡ ᠲᠠᠢ᠂ ᠮᠢᠨᠦᠬᠢ ᠶᠢ ᠰᠣᠨᠣᠰᠬᠤ ᠳᠤᠷᠠ ᠦᠭᠡᠢ ᠪᠠᠢᠳᠠᠭ ᠤᠴᠢᠷ ᠠᠴᠠ ᠴᠢᠨᠦᠬᠢ ᠶᠢ ᠴᠤ ᠰᠣᠨᠣᠰᠬᠤ ᠳᠤᠷᠠ ᠦᠭᠡᠢ ᠪᠠᠢᠬᠠ᠃ 8 ᠬᠠᠷᠢᠨ ᠪᠢ ᠮᠠᠩᠨᠠᠢ ᠶᠢ ᠴᠢᠨᠢ ᠲᠡᠳᠡᠨ ᠦ ᠬᠢ ᠰᠢᠭ ᠬᠠᠲᠠᠭᠤ ᠪᠣᠯᠭᠠᠨ᠂ ᠴᠢᠷᠠᠢ ᠶᠢ ᠴᠢᠨᠢ ᠲᠡᠳᠡᠨ ᠦ ᠬᠢ ᠰᠢᠭ ᠬᠠᠲᠠᠭᠤ ᠪᠣᠯᠭᠠᠭᠰᠠᠨ᠃ 9 ᠪᠢ ᠴᠢᠨᠦ ᠮᠠᠩᠨᠠᠢ ᠶᠢ ᠴᠠᠬᠢᠭᠤᠷ ᠠᠴᠠ ᠴᠤ ᠬᠠᠲᠠᠭᠤ᠂ ᠠᠯᠮᠠᠰ ᠮᠡᠲᠦ ᠪᠣᠯᠭᠠᠭᠰᠠᠨ᠃ ᠲᠡᠳᠡ ᠲᠡᠷᠰᠯᠡᠭᠦᠦ ᠭᠡᠷ ᠦᠨ ᠬᠢᠨ ᠪᠣᠯᠪᠠᠴᠤ ᠲᠡᠳᠡᠨ ᠡᠴᠡ ᠪᠦᠦ ᠠᠶᠤ᠂ ᠲᠡᠳᠡᠨ ᠦ ᠴᠢᠷᠠᠢ ᠠᠴᠠ ᠪᠦᠦ ᠰᠦᠷᠳᠡ》 ᠭᠡᠪᠡ᠃ 10 ᠲᠡᠷᠡ ᠪᠠᠰᠠ ᠨᠠᠳᠠ ᠳᠤ᠄ 《ᠬᠥᠮᠦᠨ ᠦ ᠬᠦᠦ ᠡ᠂ ᠴᠢᠮᠠ ᠳᠤ ᠬᠡᠯᠡᠬᠦ ᠪᠦᠬᠦ ᠦᠭᠡ ᠶᠢ ᠮᠢᠨᠢ ᠴᠢ ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠴᠤ᠂ ᠰᠠᠨᠠᠭᠠᠨ ᠳᠠᠭᠠᠨ ᠠᠪᠤᠭᠠᠳ 11 ᠴᠥᠯᠡᠭᠳᠡᠭᠰᠡᠨ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠪᠠᠨ ᠣᠴᠢᠵᠤ ᠶᠠᠷᠢ᠂ ᠲᠡᠳᠡ ᠰᠣᠨᠣᠰᠣᠭᠰᠠᠨ ᠴᠤ᠂ ᠡᠰᠡ ᠰᠣᠨᠣᠰᠣᠭᠰᠠᠨ ᠴᠤ᠄ 〈ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ〉 ᠭᠡᠵᠦ ᠬᠡᠯᠡ》 ᠭᠡᠪᠡ᠃
12 ᠰᠦᠨᠡᠰᠦ ᠨᠠᠮᠠᠶᠢ ᠡᠷᠭᠦᠬᠦ ᠳᠦ᠂ ᠮᠢᠨᠦ ᠠᠷᠤ ᠳᠤ 《ᠶᠣᠬᠣᠸᠠ ᠶᠢᠨ ᠴᠣᠭ ᠵᠢᠪᠬᠤᠯᠠᠩ ᠥᠪᠡᠷ ᠦᠨ ᠢᠶᠠᠨ ᠭᠠᠵᠠᠷ ᠲᠤ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ》 ᠭᠡᠬᠦ ᠨᠢᠵᠢᠭᠢᠨᠡᠭᠰᠡᠨ ᠶᠡᠬᠡ ᠳᠠᠭᠤ ᠭᠠᠷᠬᠤ ᠶᠢ ᠪᠢ ᠰᠣᠨᠣᠰᠪᠠ᠃ 13 ᠲᠡᠷᠡ ᠨᠢ ᠨᠥᠭᠥᠭᠡ ᠠᠮᠢᠳᠤ ᠪᠡᠶᠡᠲᠡᠳ ᠦᠨ ᠳᠠᠯᠠᠪᠴᠢᠨ ᠤ ᠬᠣᠭᠣᠷᠣᠨᠳᠣ ᠪᠠᠨ ᠱᠦᠷᠭᠦᠯᠴᠡᠭᠰᠡᠨ ᠪᠠ ᠲᠡᠳᠡᠨ ᠦ ᠳᠡᠷᠭᠡᠳᠡᠬᠢ ᠬᠦᠷᠳᠦ ᠨᠦᠭᠦᠳ ᠦᠨ ᠨᠢᠵᠢᠭᠢᠨᠡᠭᠰᠡᠨ ᠶᠡᠬᠡ ᠳᠠᠭᠤ ᠪᠠᠢᠯᠠ᠃ 14 ᠰᠦᠨᠡᠰᠦ ᠨᠠᠮᠠᠶᠢ ᠲᠡᠢᠨ ᠬᠦ ᠡᠷᠭᠦᠵᠦ᠂ ᠲᠡᠨᠳᠡ ᠡᠴᠡ ᠠᠪᠠᠴᠢᠪᠠ᠃ ᠪᠢ ᠰᠦᠨᠡᠰᠦᠨ ᠦ ᠰᠢᠨᠠᠯᠤᠯ ᠲᠠᠢ ᠭᠠᠰᠠᠯᠤᠨ ᠶᠠᠪᠤᠯᠠ᠂ ᠬᠠᠷᠢᠨ ᠶᠣᠬᠣᠸᠠ ᠶᠢᠨ ᠬᠦᠴᠦᠲᠦ ᠮᠤᠲᠤᠷ ᠮᠢᠨᠦ ᠳᠡᠭᠡᠷᠡ ᠪᠠᠢᠪᠠ᠃ 15 ᠢᠩᠭᠢᠵᠦ ᠪᠢ ᠲᠧᠯ ᠠᠪᠢᠪ ᠳᠠᠬᠢ ᠺᠧᠪᠠᠷ ᠭᠣᠣᠯ ᠤᠨ ᠳᠡᠷᠭᠡᠳᠡ ᠰᠠᠭᠤᠵᠤ ᠪᠠᠢᠭᠠ ᠴᠥᠯᠡᠭᠳᠡᠭᠰᠡᠳ ᠤᠷᠤᠭᠤ ᠣᠴᠢᠪᠠ᠃ ᠪᠢ ᠲᠡᠳᠡᠨ ᠦ ᠰᠠᠭᠤᠵᠤ ᠪᠠᠢᠭᠠ ᠭᠠᠵᠠᠷ ᠲᠤ ᠳᠣᠯᠣᠭᠠᠨ ᠬᠣᠨᠣᠭ ᠪᠡᠭᠲᠡᠷᠡᠨ ᠰᠠᠭᠤᠪᠠ᠃
ᠬᠠᠷᠠᠭᠤᠯ ᠢᠶᠠᠷ ᠲᠣᠮᠢᠯᠠᠭᠳᠠᠪᠠ
16 ᠳᠣᠯᠣᠭᠠᠨ ᠬᠣᠨᠣᠭ ᠤᠨ ᠡᠴᠦᠰ ᠲᠦ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠵᠦ ᠠᠢᠯᠠᠳᠤᠨ᠄ 17 《ᠬᠥᠮᠦᠨ ᠦ ᠬᠦᠦ ᠡ᠂ ᠪᠢ ᠴᠢᠮᠠᠶᠢ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠠᠷᠠᠭᠤᠯ ᠢᠶᠠᠷ ᠲᠣᠮᠢᠯᠠᠯᠠ᠃ ᠴᠢ ᠠᠮᠠᠨ ᠠᠴᠠ ᠮᠢᠨᠢ ᠭᠠᠷᠬᠤ ᠦᠭᠡ ᠶᠢ ᠰᠣᠨᠣᠰᠣᠭᠠᠳ ᠮᠢᠨᠦ ᠡᠮᠦᠨᠡ ᠡᠴᠡ ᠲᠡᠳᠡᠨ ᠳᠦ ᠰᠡᠷᠡᠮᠵᠢᠯᠡᠭᠦᠯ᠃ 18 ᠪᠢ ᠪᠤᠷᠤᠭᠤᠲᠠᠨ ᠳᠤ᠄ 〈ᠴᠢ ᠵᠠᠪᠠᠯ ᠦᠬᠦᠨᠡ〉 ᠭᠡᠵᠦ ᠶᠠᠷᠢᠭᠰᠠᠨ ᠠᠲᠠᠯᠠ ᠴᠢ ᠲᠡᠭᠦᠨ ᠳᠦ ᠰᠡᠷᠡᠮᠵᠢᠯᠡᠭᠦᠯᠦᠭᠡ ᠦᠭᠡᠢ᠂ ᠡᠰᠡᠪᠡᠯ 〈ᠪᠤᠷᠤᠭᠤ ᠵᠠᠮ ᠠᠴᠠ ᠪᠠᠨ ᠡᠷᠭᠢᠵᠦ᠂ ᠠᠮᠢ ᠪᠠᠨ ᠠᠪᠤᠷᠠ〉 ᠭᠡᠵᠦ ᠰᠡᠷᠡᠮᠵᠢᠯᠡᠭᠦᠯᠦᠨ ᠶᠠᠷᠢᠭᠠ ᠦᠭᠡᠢ ᠪᠣᠯ᠂ ᠲᠡᠷᠡ ᠪᠤᠷᠤᠭᠤᠲᠠᠨ ᠭᠡᠮ ᠳᠣᠲᠣᠷᠠ ᠪᠠᠨ ᠦᠬᠦᠵᠦ᠂ ᠪᠢ ᠲᠡᠭᠦᠨ ᠦ ᠴᠢᠰᠤ ᠶᠢ ᠴᠢᠨᠦ ᠭᠠᠷ ᠠᠴᠠ ᠨᠡᠬᠡᠨᠡ᠂ 19 ᠬᠡᠷᠪᠡ ᠴᠢ ᠪᠤᠷᠤᠭᠤᠲᠠᠨ ᠳᠤ ᠰᠡᠷᠡᠮᠵᠢᠯᠡᠭᠦᠯᠦᠭᠰᠡᠨ ᠠᠲᠠᠯᠠ ᠲᠡᠷᠡ ᠪᠡᠷ ᠪᠤᠷᠤᠭᠤ ᠶᠠᠪᠤᠳᠠᠯ ᠠᠴᠠ ᠪᠠᠨ᠂ ᠪᠤᠷᠤᠭᠤ ᠵᠠᠮ ᠠᠴᠠ ᠪᠠᠨ ᠡᠷᠭᠢᠬᠦ ᠦᠭᠡᠢ ᠪᠣᠯ᠂ ᠲᠡᠷᠡ ᠭᠡᠮ ᠳᠣᠲᠣᠷᠠ ᠪᠠᠨ ᠦᠬᠦᠨᠡ᠂ ᠬᠠᠷᠢᠨ ᠴᠢ ᠠᠮᠢ ᠪᠠᠨ ᠠᠪᠤᠷᠠᠬᠤ ᠪᠣᠯᠣᠨᠠ᠃ 20 ᠬᠡᠷᠪᠡ ᠵᠥᠪᠲᠦ ᠬᠥᠮᠦᠨ ᠵᠥᠪᠲᠦ ᠪᠠᠢᠳᠠᠯ ᠠᠴᠠ ᠪᠠᠨ ᠡᠷᠭᠢᠵᠦ ᠪᠤᠷᠤᠭᠤ ᠶᠢ ᠦᠢᠯᠡᠳᠬᠦ ᠳᠦ᠂ ᠪᠢ ᠲᠡᠭᠦᠨ ᠦ ᠡᠮᠦᠨᠡ ᠰᠠᠭᠠᠳ ᠬᠢᠵᠦ᠂ ᠲᠡᠷᠡ ᠦᠬᠦᠬᠦ ᠲᠣᠬᠢᠶᠠᠯᠳᠤᠯ ᠳᠤ᠂ ᠴᠢ ᠲᠡᠭᠦᠨ ᠳᠦ ᠰᠡᠷᠡᠮᠵᠢᠯᠡᠭᠦᠯᠦᠭᠡ ᠦᠭᠡᠢ ᠪᠠᠢᠭᠰᠠᠨ ᠪᠣᠯ᠂ ᠲᠡᠷᠡ ᠨᠢᠭᠦᠯ ᠦᠨ ᠢᠶᠠᠨ ᠳᠣᠲᠣᠷᠠ ᠦᠬᠦᠵᠦ᠂ ᠦᠢᠯᠡᠳᠦᠭᠰᠡᠨ ᠵᠥᠪ ᠦᠢᠯᠡᠰ ᠨᠢ ᠴᠤ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ ᠪᠥᠭᠡᠳ ᠲᠡᠭᠦᠨ ᠦ ᠴᠢᠰᠤ ᠶᠢ ᠪᠢ ᠴᠢᠨᠦ ᠭᠠᠷ ᠠᠴᠠ ᠨᠡᠬᠡᠨᠡ᠂ 21 ᠬᠡᠷᠪᠡ ᠴᠢ ᠲᠡᠷᠡ ᠵᠥᠪᠲᠦ ᠬᠥᠮᠦᠨ ᠳᠦ ᠨᠢᠭᠦᠯ ᠦᠢᠯᠡᠳᠴᠦ ᠪᠣᠯᠬᠤ ᠦᠭᠡᠢ ᠶᠢ ᠰᠡᠷᠡᠮᠵᠢᠯᠡᠭᠦᠯᠦᠭᠡᠳ᠂ ᠲᠡᠷᠡ ᠨᠢᠭᠦᠯ ᠦᠢᠯᠡᠳᠬᠦ ᠦᠭᠡᠢ ᠲᠣᠬᠢᠶᠠᠯᠳᠤᠯ ᠳᠤ᠂ ᠲᠡᠷᠡ ᠬᠥᠮᠦᠨ ᠰᠡᠷᠡᠮᠵᠢᠯᠡᠭᠦᠯᠦᠭᠡ ᠶᠢ ᠠᠪᠤᠭᠰᠠᠨ ᠤᠴᠢᠷ ᠠᠴᠠ ᠯᠠᠪᠲᠠᠢ ᠠᠮᠢᠳᠤ ᠦᠯᠡᠳᠡᠬᠦ ᠪᠥᠭᠡᠳ ᠴᠢ ᠴᠤ ᠠᠮᠢ ᠪᠠᠨ ᠠᠪᠤᠷᠠᠬᠤ ᠪᠣᠯᠣᠨᠠ》 ᠭᠡᠪᠡ᠃
ᠡᠽᠧᠺᠢᠶᠧᠯ ᠳᠠᠭᠤ ᠦᠭᠡᠢ ᠪᠣᠯᠪᠠ
22 ᠲᠡᠨᠳᠡ ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠨᠠᠳᠠ ᠳᠤ ᠬᠦᠷᠴᠦ᠂ ᠲᠡᠷᠡ᠄ 《ᠪᠣᠰ᠂ ᠲᠠᠯᠠ ᠤᠷᠤᠭᠤ ᠭᠠᠷᠴᠤ ᠶᠠᠪᠤ᠃ ᠲᠡᠨᠳᠡ ᠪᠢ ᠴᠢᠮᠠ ᠳᠤ ᠶᠠᠷᠢᠨᠠ》 ᠭᠡᠪᠡ᠃ 23 ᠪᠢ ᠪᠣᠰᠣᠨ ᠲᠠᠯᠠ ᠤᠷᠤᠭᠤ ᠭᠠᠷᠪᠠ᠂ ᠬᠠᠷᠠ᠂ ᠶᠣᠬᠣᠸᠠ ᠶᠢᠨ ᠴᠣᠭ ᠵᠢᠪᠬᠤᠯᠠᠩ᠂ ᠺᠧᠪᠠᠷ ᠭᠣᠣᠯ ᠤᠨ ᠳᠡᠷᠭᠡᠳᠡ ᠮᠢᠨᠦ ᠦᠵᠡᠭᠰᠡᠨ ᠲᠡᠢ ᠠᠳᠠᠯᠢᠬᠠᠨ ᠴᠣᠭ ᠵᠢᠪᠬᠤᠯᠠᠩ ᠲᠡᠨᠳᠡ ᠲᠣᠭᠲᠠᠵᠤ ᠪᠠᠢᠪᠠ᠃ ᠪᠢ ᠨᠢᠭᠤᠷ ᠢᠶᠠᠨ ᠭᠠᠵᠠᠷ ᠲᠤ ᠬᠦᠷᠭᠡᠪᠡ᠃ 24 ᠲᠡᠭᠡᠬᠦ ᠳᠦ ᠰᠦᠨᠡᠰᠦ ᠮᠢᠨᠦ ᠳᠣᠲᠣᠷᠠ ᠣᠷᠣᠨ᠂ ᠨᠠᠮᠠᠶᠢ ᠬᠥᠯ ᠳᠡᠭᠡᠷᠡ ᠮᠢᠨᠢ ᠪᠣᠰᠬᠠᠵᠤ᠂ ᠨᠠᠳᠠ ᠳᠤ᠄ 《ᠴᠢ ᠭᠡᠷ ᠲᠡᠭᠡᠨ ᠣᠷᠣᠭᠠᠳ ᠡᠭᠦᠳᠡ ᠪᠡᠨ ᠲᠦᠭᠵᠢ᠃ 25 ᠬᠥᠮᠦᠨ ᠦ ᠬᠦᠦ᠂ ᠠᠩ᠋ᠬᠠᠷᠤᠭᠲᠤᠨ᠂ ᠬᠥᠮᠦᠰ ᠴᠢᠮᠠᠶᠢ ᠣᠯᠣᠰᠣ ᠪᠠᠷ ᠤᠶᠠᠨᠠ᠂ ᠴᠢ ᠬᠦᠯᠢᠭᠳᠡᠬᠦ ᠤᠴᠢᠷ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠣᠨᠠ᠃ 26 ᠪᠢ ᠪᠠᠰᠠ ᠴᠢᠨᠦ ᠬᠡᠯᠡ ᠶᠢ ᠲᠠᠩᠨᠠᠢ ᠳᠤ ᠴᠢᠨᠢ ᠨᠠᠭᠠᠯᠳᠤᠭᠤᠯᠬᠤ ᠲᠤᠯᠠ ᠴᠢ ᠬᠡᠯᠡ ᠦᠭᠡᠢ ᠪᠣᠯᠵᠤ᠂ ᠲᠡᠳᠡᠨ ᠢ ᠵᠢᠮᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠣᠨᠠ᠃ ᠤᠴᠢᠷ ᠨᠢ ᠲᠡᠳᠡ ᠪᠣᠯ ᠲᠡᠷᠰᠯᠡᠭᠦᠦ ᠭᠡᠷ ᠦᠨ ᠬᠢᠨ ᠶᠤᠮ᠃ 27 ᠬᠠᠷᠢᠨ ᠪᠢ ᠴᠢᠮᠠ ᠲᠠᠢ ᠶᠠᠷᠢᠬᠤ ᠳᠠᠭᠠᠨ ᠠᠮᠠ ᠶᠢ ᠴᠢᠨᠢ ᠨᠡᠭᠡᠭᠡᠵᠦ᠂ ᠴᠢ ᠲᠡᠳᠡᠨ ᠳᠦ᠄ 〈ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ〉 ᠭᠡᠵᠦ ᠬᠡᠯᠡᠬᠦ ᠪᠣᠯᠣᠨᠠ᠃ ᠰᠣᠨᠣᠰᠣᠭᠴᠢ ᠨᠢ ᠰᠣᠨᠣᠰᠣᠭ᠂ ᠦᠯᠦ ᠰᠣᠨᠣᠰᠣᠭᠴᠢ ᠨᠢ ᠦᠯᠦ ᠰᠣᠨᠣᠰᠣᠭ᠃ ᠤᠴᠢᠷ ᠨᠢ᠂ ᠲᠡᠳᠡ ᠲᠡᠷᠰᠯᠡᠭᠦᠦ ᠭᠡᠷ ᠦᠨ ᠬᠢᠨ ᠪᠢᠯᠡ᠃