ᠡᠽᠧᠺᠢᠶᠧᠯ ᠳᠥᠴᠢᠨ ᠬᠣᠶᠠᠷ
ᠲᠠᠬᠢᠯᠴᠢᠳ ᠤᠨ ᠥᠷᠥᠭᠡ ᠨᠦᠭᠦᠳ
1 ᠲᠡᠷᠡ ᠬᠥᠮᠦᠨ ᠨᠠᠮᠠᠶᠢ ᠬᠣᠢᠰᠢ ᠭᠠᠷᠭᠠᠨ ᠭᠠᠳᠠᠨᠠᠬᠢ ᠬᠦᠷᠢᠶᠡᠨ ᠳᠦ ᠠᠪᠠᠴᠢᠵᠤ᠂ ᠲᠤᠰᠠᠭᠠᠷᠯᠠᠬᠤ ᠲᠠᠯᠠᠪᠠᠢ ᠪᠣᠯᠣᠨ ᠬᠣᠢᠰᠢ ᠬᠠᠷᠠᠭᠰᠠᠨ ᠪᠠᠷᠢᠯᠭᠠ ᠶᠢᠨ ᠬᠠᠷᠠᠯᠳᠤᠭᠠ ᠠᠪᠠᠴᠢᠪᠠ᠃ 2 ᠬᠣᠢᠰᠢ ᠬᠠᠷᠠᠭᠰᠠᠨ ᠡᠭᠦᠳᠡ ᠲᠠᠢ ᠲᠡᠷᠡ ᠪᠠᠷᠢᠯᠭᠠ ᠵᠠᠭᠤᠨ ᠲᠣᠬᠣᠢ ᠤᠷᠲᠤ᠂ ᠲᠠᠪᠢᠨ ᠲᠣᠬᠣᠢ ᠥᠷᠭᠡᠨ ᠪᠠᠢᠪᠠ᠃ 3 ᠲᠡᠷᠡ ᠪᠠᠷᠢᠯᠭᠠ ᠬᠣᠶᠠᠷ ᠡᠩᠨᠡᠭᠡ ᠥᠷᠥᠭᠡ ᠲᠠᠢ᠂ ᠨᠢᠭᠡ ᠡᠩᠨᠡᠭᠡ ᠨᠢ ᠬᠣᠷᠢᠨ ᠲᠣᠬᠣᠢ ᠥᠷᠭᠡᠨ ᠳᠣᠲᠣᠭᠠᠳᠤ ᠬᠦᠷᠢᠶᠡ ᠤᠷᠤᠭᠤ᠂ ᠨᠥᠭᠥᠭᠡ ᠡᠩᠨᠡᠭᠡ ᠨᠢ ᠭᠠᠳᠠᠨᠠᠬᠢ ᠬᠦᠷᠢᠶᠡᠨ ᠦ ᠴᠢᠯᠠᠭᠤ ᠳᠡᠪᠢᠰᠦᠭᠰᠡᠨ ᠭᠠᠵᠠᠷ ᠤᠷᠤᠭᠤ ᠬᠠᠷᠠᠳᠠᠭ᠃ ᠲᠡᠷᠡ ᠪᠠᠷᠢᠯᠭᠠ ᠭᠤᠷᠪᠠᠨ ᠳᠠᠪᠬᠤᠷ ᠪᠠᠢᠪᠠ᠃ 4 ᠲᠡᠷᠡ ᠬᠣᠶᠠᠷ ᠡᠩᠨᠡᠭᠡ ᠥᠷᠥᠭᠡ ᠨᠦᠭᠦᠳ ᠦᠨ ᠬᠣᠭᠣᠷᠣᠨᠳᠣ ᠠᠷᠪᠠᠨ ᠲᠣᠬᠣᠢ ᠥᠷᠭᠡᠨ᠂ ᠵᠠᠭᠤᠨ ᠲᠣᠬᠣᠢ ᠤᠷᠲᠤ ᠳᠣᠲᠣᠭᠠᠳᠤ ᠬᠣᠩᠭᠢᠯ ᠪᠤᠢ᠃ ᠲᠡᠳᠡᠭᠡᠷ ᠥᠷᠥᠭᠡᠨ ᠦ ᠡᠭᠦᠳᠡ ᠨᠢ ᠬᠣᠢᠲᠤ ᠲᠠᠯᠠ ᠳᠤ ᠪᠠᠢᠪᠠ᠃ 5 ᠬᠣᠩᠭᠢᠯ ᠨᠢ ᠳᠡᠭᠡᠳᠦ ᠳᠠᠪᠬᠤᠷ ᠲᠤ ᠳᠣᠣᠷᠠᠳᠤ ᠪᠣᠯᠣᠨ ᠳᠤᠮᠳᠠ ᠳᠠᠪᠬᠤᠷ ᠠᠴᠠ ᠢᠯᠡᠭᠦᠦ ᠵᠠᠢ ᠡᠵᠡᠯᠡᠭᠰᠡᠨ ᠲᠤᠯᠠ ᠳᠡᠭᠡᠳᠦ ᠳᠠᠪᠬᠤᠷ ᠤᠨ ᠥᠷᠥᠭᠡ ᠨᠦᠭᠦᠳ ᠨᠢ ᠢᠯᠡᠭᠦᠦ ᠪᠠᠭᠠ᠃ 6 ᠲᠡᠷᠡ ᠪᠠᠷᠢᠯᠭᠠ ᠭᠤᠷᠪᠠᠨ ᠳᠠᠪᠬᠤᠷ ᠠᠲᠠᠯᠠ ᠬᠦᠷᠢᠶᠡᠨ ᠦ ᠥᠷᠥᠭᠡ ᠨᠦᠭᠦᠳ ᠰᠢᠭ ᠪᠠᠭᠠᠨᠠ ᠲᠠᠢ ᠪᠢᠰᠢ ᠤᠴᠢᠷ ᠠᠴᠠ ᠳᠡᠭᠡᠳᠦ ᠳᠠᠪᠬᠤᠷ ᠤᠨ ᠥᠷᠥᠭᠡ ᠨᠢ ᠳᠣᠣᠷᠠᠳᠤ ᠪᠣᠯᠣᠨ ᠳᠤᠮᠳᠠ ᠳᠠᠪᠬᠤᠷ ᠤᠨ ᠬᠢ ᠡᠴᠡ ᠪᠠᠭᠠ᠃ 7 ᠡᠨᠡ ᠥᠷᠥᠭᠡ ᠨᠦᠭᠦᠳ ᠪᠣᠯᠣᠨ ᠭᠠᠳᠠᠨᠠᠬᠢ ᠬᠦᠷᠢᠶᠡ ᠲᠠᠢ ᠵᠡᠷᠭᠡᠴᠡᠭᠡ ᠭᠠᠳᠠᠨᠠ ᠬᠡᠷᠡᠮ ᠪᠤᠢ᠂ ᠲᠡᠷᠡ ᠬᠡᠷᠡᠮ ᠲᠠᠪᠢᠨ ᠲᠣᠬᠣᠢ ᠤᠷᠲᠤ᠃ 8 ᠭᠠᠳᠠᠨᠠᠬᠢ ᠬᠦᠷᠢᠶᠡ ᠤᠷᠤᠭᠤ ᠬᠠᠷᠠᠭᠰᠠᠨ ᠥᠷᠥᠭᠡ ᠨᠦᠭᠦᠳ ᠦᠨ ᠡᠩᠨᠡᠭᠡ ᠨᠢ ᠲᠠᠪᠢᠨ ᠲᠣᠬᠣᠢ ᠤᠷᠲᠤ᠃ ᠥᠷᠭᠥᠭᠡ ᠤᠷᠤᠭᠤ ᠬᠠᠷᠠᠭᠰᠠᠨ ᠥᠷᠥᠭᠡ ᠨᠦᠭᠦᠳ ᠦᠨ ᠡᠩᠨᠡᠭᠡ ᠵᠠᠭᠤᠨ ᠲᠣᠬᠣᠢ ᠤᠷᠲᠤ ᠪᠠᠢᠪᠠ᠃ 9 ᠳᠣᠣᠷᠠᠳᠤ ᠥᠷᠥᠭᠡ ᠨᠦᠭᠦᠳ ᠵᠡᠭᠦᠨ ᠲᠠᠯᠠ ᠳᠠᠭᠠᠨ ᠨᠢᠭᠡ ᠣᠷᠣᠬᠤ ᠡᠭᠦᠳᠡ ᠲᠠᠢ᠂ ᠬᠥᠮᠦᠰ ᠲᠡᠷᠡᠭᠦᠷ ᠭᠠᠳᠠᠨᠠᠬᠢ ᠬᠦᠷᠢᠶᠡᠨ ᠡᠴᠡ ᠳᠣᠲᠣᠭᠰᠢ ᠣᠷᠣᠳᠠᠭ ᠪᠠᠢᠪᠠ᠃ 10 ᠡᠮᠦᠨᠡ ᠵᠦᠭ ᠲᠦ ᠴᠤ ᠥᠷᠭᠥᠭᠡ ᠪᠣᠯᠣᠨ ᠭᠠᠳᠠᠨᠠᠬᠢ ᠬᠦᠷᠢᠶᠡᠨ ᠦ ᠬᠣᠭᠣᠷᠣᠨᠳᠣ ᠥᠷᠥᠭᠡ ᠨᠦᠭᠦᠳ ᠪᠠᠢᠪᠠ᠂ 11 ᠲᠡᠷᠡ ᠥᠷᠥᠭᠡ ᠨᠦᠭᠦᠳ ᠦᠨ ᠬᠣᠭᠣᠷᠣᠨᠳᠣ ᠴᠤ ᠬᠣᠩᠭᠢᠯ ᠪᠠᠢᠪᠠ᠂ ᠲᠡᠷᠡ ᠥᠷᠥᠭᠡ ᠨᠦᠭᠦᠳ ᠬᠣᠢᠲᠤ ᠲᠠᠯᠠ ᠶᠢᠨ ᠥᠷᠥᠭᠡ ᠨᠦᠭᠦᠳ ᠲᠡᠢ ᠠᠳᠠᠯᠢ ᠬᠠᠷᠠᠭᠳᠠᠵᠠᠢ᠃ ᠥᠷᠥᠭᠡᠨ ᠦ ᠤᠷᠲᠤ ᠥᠷᠭᠡᠨ ᠨᠢ ᠠᠳᠠᠯᠢ ᠪᠥᠭᠡᠳ ᠭᠠᠷᠬᠤ ᠡᠭᠦᠳᠡ᠂ ᠪᠦᠲᠦᠴᠡ᠂ ᠬᠣᠩᠭᠢᠯ ᠨᠢ ᠴᠤ ᠠᠳᠠᠯᠢ ᠪᠠᠢᠪᠠ᠃ 12 ᠭᠠᠳᠠᠨᠠᠬᠢ ᠬᠦᠷᠢᠶᠡᠨ ᠡᠴᠡ ᠥᠷᠥᠭᠡ ᠨᠦᠭᠦᠳ ᠤᠷᠤᠭᠤ ᠣᠷᠣᠬᠤ ᠡᠭᠦᠳᠡ ᠴᠤ ᠵᠡᠭᠦᠨᠰᠢ ᠬᠠᠷᠠᠭᠰᠠᠨ ᠪᠥᠭᠡᠳ ᠡᠨᠡ ᠨᠢ ᠲᠡᠳᠡᠭᠡᠷ ᠦᠨ ᠡᠮᠦᠨᠡᠬᠢ ᠬᠡᠷᠡᠮ ᠦᠨ ᠦᠵᠦᠭᠦᠷ ᠲᠦ ᠪᠠᠢᠳᠠᠭ᠃
13 ᠲᠡᠷᠡ ᠨᠠᠳᠠ ᠳᠤ᠄ 《ᠥᠷᠭᠥᠭᠡᠨ ᠦ ᠬᠦᠷᠢᠶᠡ ᠨᠦᠭᠦᠳ ᠤᠷᠤᠭᠤ ᠬᠠᠷᠠᠭᠰᠠᠨ ᠬᠣᠢᠨᠠ ᠪᠠ ᠡᠮᠦᠨᠡ ᠥᠷᠥᠭᠡ ᠨᠦᠭᠦᠳ ᠨᠢ ᠠᠷᠢᠭᠤᠨ ᠭᠠᠵᠠᠷ ᠪᠣᠯᠬᠣᠷ ᠶᠣᠬᠣᠸᠠ ᠳᠤ ᠣᠢᠷᠠᠲᠤᠬᠤ ᠲᠠᠬᠢᠯᠴᠢᠳ ᠡ᠊ᠨᠳᠡ ᠠᠷᠢᠭᠤᠨ ᠠᠴᠠ ᠠᠷᠢᠭᠤᠨ ᠡᠷᠭᠦᠯ ᠤᠳ ᠢ ᠢᠳᠡᠵᠦ᠂ ᠢᠳᠡᠭᠡᠨ ᠡᠷᠭᠦᠯ᠂ ᠨᠢᠭᠦᠯ ᠦᠨ ᠲᠠᠬᠢᠯ᠂ ᠭᠡᠮ ᠦᠨ ᠲᠠᠬᠢᠯ ᠵᠡᠷᠭᠡ ᠠᠷᠢᠭᠤᠨ ᠠᠴᠠ ᠠᠷᠢᠭᠤᠨ ᠡᠷᠭᠦᠯ ᠤᠳ ᠢ ᠲᠠᠯᠪᠢᠬᠤ ᠪᠣᠯᠣᠨᠠ᠃ 14 ᠲᠠᠬᠢᠯᠴᠢᠳ ᠠᠷᠢᠭᠤᠨ ᠭᠠᠵᠠᠷ ᠲᠤ ᠣᠷᠣᠪᠠᠯ᠂ ᠲᠡᠨᠳᠡ ᠡᠴᠡ ᠰᠢᠭᠤᠳ ᠭᠠᠳᠠᠨᠠᠬᠢ ᠬᠦᠷᠢᠶᠡ ᠤᠷᠤᠭᠤ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠃ ᠦᠢᠯᠡᠴᠢᠯᠡᠬᠦ ᠳᠡᠭᠡᠨ ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠨᠢ ᠠᠷᠢᠭᠤᠨ ᠤᠴᠢᠷ ᠠᠴᠠ ᠲᠡᠭᠦᠨ ᠢ ᠲᠡᠨᠳᠡ ᠨᠢ ᠲᠠᠢᠯᠵᠤ᠂ ᠥᠭᠡᠷᠡ ᠬᠤᠪᠴᠠᠰᠤ ᠡᠮᠦᠰᠬᠦ ᠡᠴᠡ ᠨᠠᠰᠢ ᠠᠷᠠᠳ ᠲᠦᠮᠡᠨ ᠦ ᠲᠡᠨᠳᠡ ᠣᠴᠢᠵᠤ ᠪᠣᠯᠬᠤ ᠦᠭᠡᠢ》 ᠭᠡᠯᠡ᠃
15 ᠲᠡᠷᠡ ᠪᠡᠷ ᠥᠷᠭᠥᠭᠡᠨ ᠦ ᠳᠣᠲᠣᠷᠠᠬᠢ ᠵᠦᠢᠯᠡᠰ ᠢ ᠬᠡᠮᠵᠢᠵᠦ ᠳᠠᠭᠤᠰᠤᠭᠠᠳ ᠨᠠᠮᠠᠶᠢ ᠵᠡᠭᠦᠨᠰᠢ ᠬᠠᠷᠠᠭᠰᠠᠨ ᠬᠠᠭᠠᠯᠭᠠᠨ ᠵᠠᠮ ᠢᠶᠠᠷ ᠭᠠᠷᠭᠠᠪᠠ᠂ ᠲᠡᠭᠡᠭᠡᠳ ᠲᠡᠷᠡ ᠡᠷᠭᠢᠨ ᠲᠣᠭᠣᠷᠢᠨ ᠢ ᠨᠢ ᠪᠦᠭᠦᠳᠡ ᠶᠢ ᠬᠡᠮᠵᠢᠪᠡ᠃ 16 ᠲᠡᠷᠡ ᠪᠡᠷ ᠬᠡᠮᠵᠢᠬᠦ ᠰᠠᠪᠠᠭᠠ ᠪᠠᠷ ᠵᠡᠭᠦᠨ ᠲᠠᠯᠠ ᠶᠢ ᠬᠡᠮᠵᠢᠬᠦ ᠳᠦ᠂ ᠬᠡᠮᠵᠢᠬᠦ ᠰᠠᠪᠠᠭᠠ ᠪᠠᠷ ᠲᠠᠪᠤᠨ ᠵᠠᠭᠤᠨ ᠰᠠᠪᠠᠭᠠ᠂ 17 ᠬᠣᠢᠲᠤ ᠲᠠᠯᠠ ᠶᠢ ᠬᠡᠮᠵᠢᠬᠦ ᠳᠦ᠂ ᠬᠡᠮᠵᠢᠬᠦ ᠰᠠᠪᠠᠭᠠ ᠪᠠᠷ ᠲᠠᠪᠤᠨ ᠵᠠᠭᠤᠨ ᠰᠠᠪᠠᠭᠠ᠂ 18 ᠡᠮᠦᠨᠡ ᠲᠠᠯᠠ ᠶᠢ ᠬᠡᠮᠵᠢᠬᠦ ᠳᠦ᠂ ᠬᠡᠮᠵᠢᠬᠦ ᠰᠠᠪᠠᠭᠠ ᠪᠠᠷ ᠲᠠᠪᠤᠨ ᠵᠠᠭᠤᠨ ᠰᠠᠪᠠᠭᠠ᠂ 19 ᠪᠠᠷᠠᠭᠤᠨᠰᠢ ᠡᠷᠭᠢᠭᠡᠳ ᠬᠡᠮᠵᠢᠬᠦ ᠳᠦ᠂ ᠬᠡᠮᠵᠢᠬᠦ ᠰᠠᠪᠠᠭᠠ ᠪᠠᠷ ᠲᠠᠪᠤᠨ ᠵᠠᠭᠤᠨ ᠰᠠᠪᠠᠭᠠ ᠪᠠᠢᠪᠠ᠃ 20 ᠲᠡᠢᠨ ᠬᠦ ᠲᠡᠷᠡ ᠬᠡᠰᠡᠭ ᠦᠨ ᠳᠥᠷᠪᠡᠨ ᠲᠠᠯᠠ ᠶᠢ ᠬᠡᠮᠵᠢᠪᠡ᠃ ᠡᠷᠭᠢᠨ ᠲᠣᠭᠣᠷᠢᠨ ᠳᠤᠨᠢ ᠠᠷᠢᠭᠤᠨ ᠢ ᠠᠷᠢᠭᠤᠨ ᠪᠤᠰᠤ ᠠᠴᠠ ᠲᠤᠰᠠᠭᠠᠷᠯᠠᠬᠤ ᠲᠠᠪᠤᠨ ᠵᠠᠭᠤᠨ ᠲᠣᠬᠣᠢ ᠤᠷᠲᠤ᠂ ᠲᠠᠪᠤᠨ ᠵᠠᠭᠤᠨ ᠲᠣᠬᠣᠢ ᠥᠷᠭᠡᠨ ᠬᠡᠷᠡᠮ ᠪᠠᠢᠪᠠ᠃