ᠡᠽᠧᠺᠢᠶᠧᠯ ᠭᠤᠴᠢ
ᠶᠧᠵᠢᠫᠲ ᠤᠨ ᠲᠤᠬᠠᠢ ᠭᠠᠰᠢᠭᠤᠳᠠᠯ
1 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄
2 《ᠬᠥᠮᠦᠨ ᠦ ᠬᠦᠦ ᠡ᠂ ᠡᠰᠢ ᠦᠵᠡᠭᠦᠯᠵᠦ ᠶᠠᠷᠢ᠂ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠲᠠ ᠨᠠᠷ ᠤᠬᠢᠯᠠᠵᠠᠭᠠ᠂ ᠲᠡᠷᠡ ᠡᠳᠦᠷ ᠭᠠᠰᠠᠯᠠᠩᠲᠠᠶᠠ᠃〉
3 ᠲᠡᠷᠡ ᠡᠳᠦᠷ ᠣᠢᠷᠠᠲᠤᠯᠠ᠂ ᠶᠣᠬᠣᠸᠠ ᠶᠢᠨ ᠡᠳᠦᠷ ᠣᠢᠷᠠᠲᠤᠯᠠ ᠡᠭᠦᠯᠡ ᠲᠠᠢ ᠡᠳᠦᠷ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠴᠠᠭ ᠪᠣᠯᠵᠤ ᠪᠠᠢᠨᠠ᠃
4 ᠶᠧᠵᠢᠫᠲ ᠳᠡᠭᠡᠷᠡ ᠰᠡᠯᠡᠮᠡ ᠪᠠᠭᠤᠵᠤ᠂ ᠺᠦᠱ ᠲᠤ ᠵᠣᠪᠠᠯᠠᠩ ᠪᠣᠯᠣᠨᠠ ᠶᠧᠵᠢᠫᠲ ᠲᠤ ᠠᠯᠠᠭᠳᠠᠭᠰᠠᠳ ᠤᠨᠠᠬᠤ ᠳᠤ ᠪᠠᠶᠠᠯᠢᠭ ᠨᠢ ᠪᠤᠯᠢᠶᠠᠭᠳᠠᠵᠤ᠂ ᠰᠠᠭᠤᠷᠢ ᠨᠢ ᠨᠤᠷᠠᠭᠠᠭᠳᠠᠨᠠ᠃
5 ᠺᠦᠱ᠂ ᠫᠦᠲ᠂ ᠯᠦᠳ᠋᠂ ᠪᠦᠬᠦ ᠠᠷᠠᠪ᠂ ᠯᠢᠪᠢᠶᠠ ᠪᠠ ᠬᠣᠯᠪᠣᠭᠠᠲᠠᠨ ᠤᠯᠤᠰ ᠤᠨ ᠬᠢᠨ ᠶᠧᠵᠢᠫᠲ ᠲᠠᠢ ᠬᠠᠮᠲᠤ ᠢᠯᠳᠦᠨ ᠳᠦ ᠤᠨᠠᠬᠤ ᠪᠣᠯᠣᠨᠠ᠃》
6 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠶᠧᠵᠢᠫᠲ ᠤᠨ ᠬᠣᠯᠪᠣᠭᠠᠲᠠᠳ ᠤᠨᠠᠵᠤ᠂ ᠪᠠᠷᠳᠠᠮᠨᠠᠯ ᠪᠠ ᠬᠦᠴᠦ ᠨᠢ ᠪᠠᠭᠤᠷᠠᠨᠠ᠃ ᠢᠩᠭᠢᠭᠡᠳ ᠲᠡᠳᠡ ᠮᠢᠭᠳᠣᠯ ᠠᠴᠠ ᠠᠰᠸᠠᠨ ᠬᠦᠷᠲᠡᠯᠡ᠂ ᠶᠧᠵᠢᠫᠲ ᠤᠨ ᠳᠣᠲᠣᠷᠠ ᠢᠯᠳᠦᠨ ᠳᠦ ᠤᠨᠠᠨᠠ᠃》 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
7 《ᠲᠡᠳᠡ ᠡᠵᠡᠭᠦᠢᠷᠡᠭᠰᠡᠨ ᠭᠦᠷᠦᠨ ᠨᠦᠭᠦᠳ ᠡᠴᠡ ᠴᠤ ᠢᠯᠡᠭᠦᠦ ᠡᠵᠡᠭᠦᠢᠷᠡᠵᠦ ᠬᠣᠲᠠ ᠨᠤᠭᠤᠳ ᠨᠢ ᠬᠣᠭᠣᠰᠣᠷᠠᠭᠰᠠᠨ ᠬᠣᠲᠠ ᠨᠤᠭᠤᠳ ᠠᠴᠠ ᠴᠤ ᠢᠯᠡᠭᠦᠦ ᠬᠣᠭᠣᠰᠣᠷᠠᠨᠠ᠃
8 ᠶᠧᠵᠢᠫᠲ ᠲᠤ ᠭᠠᠯ ᠲᠠᠯᠪᠢᠵᠤ᠂ ᠪᠦᠬᠦ ᠬᠠᠮᠰᠠᠭᠠᠲᠠᠨ ᠢ ᠨᠢ ᠪᠤᠲᠠ ᠴᠣᠬᠢᠬᠤ ᠴᠠᠭ ᠲᠤ ᠮᠢᠨᠢ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃
9 ᠲᠡᠷᠡ ᠡᠳᠦᠷ ᠪᠢ ᠡᠯᠴᠢᠳ ᠢ ᠺᠦᠱ ᠤᠷᠤᠭᠤ ᠣᠩ᠋ᠭᠣᠴᠠ ᠪᠠᠷ ᠶᠠᠪᠤᠭᠤᠯᠤᠨᠠ᠂ ᠶᠧᠵᠢᠫᠲ ᠤᠨ ᠵᠣᠪᠠᠬᠤ ᠡᠳᠦᠷ ᠲᠦ ᠲᠡᠳᠡ ᠠᠢᠳᠠᠰ ᠲᠤ ᠠᠪᠲᠠᠨᠠ᠃ ᠤᠴᠢᠷ ᠨᠢ ᠲᠡᠷᠡ ᠠᠶᠤᠯ ᠢᠷᠡᠵᠦ ᠪᠠᠢᠨᠠ︕》
10 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠤᠨ ᠭᠠᠷ ᠢᠶᠠᠷ ᠶᠧᠵᠢᠫᠲ ᠤᠨ ᠣᠯᠠᠨ ᠲᠦᠮᠡᠨ ᠢ ᠤᠰᠠᠳᠬᠠᠨᠠ᠃
11 ᠥᠨᠥᠬᠢ ᠭᠦᠷᠦᠨ ᠢ ᠤᠰᠠᠳᠬᠠᠬᠤ ᠪᠠᠷ ᠲᠡᠷᠡ ᠪᠡᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠠᠮᠤᠭ ᠤᠨ ᠬᠡᠷᠴᠡᠭᠡᠢ ᠶᠢ᠂ ᠥᠪᠡᠷ ᠦᠨ ᠢᠶᠠᠨ ᠴᠡᠷᠢᠭ ᠢ ᠳᠠᠭᠠᠭᠤᠯᠤᠨ ᠢᠷᠡᠨᠡ ᠶᠧᠵᠢᠫᠲ ᠤᠨ ᠡᠰᠡᠷᠭᠦ ᠲᠡᠳᠡ ᠢᠯᠳᠦ ᠪᠡᠨ ᠰᠤᠭᠤᠯᠵᠤ᠂ ᠲᠡᠷᠡ ᠭᠠᠵᠠᠷ ᠢ ᠠᠯᠠᠭᠳᠠᠭᠰᠠᠳ ᠢᠶᠠᠷ ᠳᠦᠭᠦᠷᠭᠡᠨᠡ᠃
12 ᠪᠢ ᠭᠣᠣᠯ ᠤᠳ ᠢ ᠨᠢ ᠰᠢᠷᠭᠢᠭᠡᠨ᠂ ᠭᠠᠵᠠᠷ ᠢ ᠨᠢ ᠬᠣᠷᠣᠨ ᠮᠠᠭᠤ ᠬᠥᠮᠦᠰ ᠲᠦ ᠬᠤᠳᠠᠯᠳᠤᠨᠠ᠃ ᠪᠢ ᠭᠠᠵᠠᠷ ᠢ ᠨᠢ ᠳᠣᠲᠣᠷᠠᠬᠢ ᠪᠦᠬᠦᠨ ᠲᠡᠢ ᠨᠢ ᠬᠠᠮᠲᠤ ᠬᠠᠷᠢᠴᠤᠳ ᠤᠨ ᠭᠠᠷ ᠢᠶᠠᠷ ᠬᠣᠭᠣᠰᠣᠷᠠᠭᠤᠯᠤᠨᠠ᠃ ᠶᠣᠬᠣᠸᠠ ᠪᠢ ᠡᠭᠦᠨ ᠢ ᠶᠠᠷᠢᠯᠠ᠃》
13 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠰᠢᠲᠦᠭᠡᠨ ᠨᠦᠭᠦᠳ ᠢ ᠰᠦᠢᠷᠡᠭᠦᠯᠵᠦ᠂ ᠮᠧᠮᠹᠢᠰ ᠡᠴᠡ ᠬᠥᠷᠥᠭ ᠤᠳ ᠢ ᠠᠷᠢᠯᠭᠠᠨᠠ ᠶᠧᠵᠢᠫᠲ ᠡᠴᠡ ᠳᠠᠬᠢᠨ ᠬᠠᠭᠠᠨ ᠭᠠᠷᠬᠤ ᠦᠭᠡᠢ ᠶᠧᠵᠢᠫᠲ ᠲᠤ ᠪᠢ ᠠᠢᠳᠠᠰ ᠢ ᠥᠭᠭᠥᠨᠡ᠃
14 ᠪᠢ ᠫᠠᠲ᠋ᠷᠣᠰ ᠢ ᠬᠣᠭᠣᠰᠣᠷᠠᠭᠤᠯᠵᠤ᠂ ᠽᠣᠶᠠᠨ ᠳᠤ ᠭᠠᠯ ᠲᠠᠯᠪᠢᠵᠤ᠂ ᠲᠧᠪᠧᠱ ᠢ ᠰᠢᠳᠬᠡᠨᠡ᠃
15 ᠪᠢ ᠶᠧᠵᠢᠫᠲ ᠤᠨ ᠴᠠᠢᠵᠠ ᠽᠢᠨ ᠳᠤ ᠬᠢᠯᠢᠩ ᠢᠶᠠᠨ ᠠᠰᠬᠠᠵᠤ᠂ ᠲᠧᠪᠧᠱ ᠤᠨ ᠣᠯᠠᠨ ᠲᠦᠮᠡᠨ ᠢ ᠰᠥᠨᠥᠭᠡᠨᠡ᠃
16 ᠪᠢ ᠶᠧᠵᠢᠫᠲ ᠲᠤ ᠭᠠᠯ ᠲᠠᠯᠪᠢᠨᠠ ᠽᠢᠨ ᠶᠡᠬᠡᠳᠡ ᠲᠠᠷᠴᠢᠯᠠᠵᠤ ᠲᠧᠪᠧᠱ ᠡᠪᠳᠡᠷᠡᠵᠦ᠂ ᠮᠧᠮᠹᠢᠰ ᠡᠳᠦᠷ ᠪᠦᠷᠢ ᠭᠠᠴᠢᠭᠳᠠᠨᠠ᠃
17 ᠣᠨ ᠪᠠ ᠫᠢ ᠪᠧᠰᠧᠲ ᠤᠨ ᠵᠠᠯᠠᠭᠤᠰ ᠢᠯᠳᠦᠨ ᠳᠦ ᠤᠨᠠᠨ ᠡᠮᠡᠭᠲᠡᠢᠴᠦᠳ ᠨᠢ ᠣᠯᠵᠠᠯᠠᠭᠳᠠᠨᠠ᠃
18 ᠲᠧᠬᠠᠹᠨᠧᠾᠧᠰ ᠲᠤ ᠶᠧᠵᠢᠫᠲ ᠤᠨ ᠪᠤᠭᠤᠯᠠᠭᠠ ᠶᠢ ᠡᠪᠳᠡᠬᠦ ᠦᠶᠡ ᠳᠦ ᠮᠢᠨᠢ ᠲᠡᠨᠳᠡ ᠡᠳᠦᠷ ᠨᠢ ᠬᠠᠷᠠᠩ᠋ᠭᠤᠢᠯᠠᠵᠤ ᠪᠠᠷᠳᠠᠮᠨᠠᠯ ᠪᠠ ᠬᠦᠴᠦ ᠠᠯᠠᠭᠠ ᠪᠣᠯᠣᠨᠠ ᠬᠣᠲᠠ ᠶᠢ ᠨᠢ ᠡᠭᠦᠯᠡᠰ ᠪᠦᠷᠬᠦᠵᠦ᠂ ᠥᠬᠢᠳ ᠨᠢ ᠣᠯᠵᠠᠯᠠᠭᠳᠠᠨᠠ᠃
19 ᠲᠡᠢᠨ ᠬᠦ ᠪᠢ ᠶᠧᠵᠢᠫᠲ ᠢ ᠰᠢᠳᠬᠡᠬᠦ ᠳᠦ᠂ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠨᠡ᠃》
20 ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠳᠣᠯᠣᠭᠠᠨ ᠳᠤ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄ 21 《ᠬᠥᠮᠦᠨ ᠦ ᠬᠦᠦ ᠡ᠂ ᠪᠢ ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠶᠢᠨ ᠭᠠᠷ ᠢ ᠬᠤᠭᠤᠯᠪᠠ᠃ ᠬᠠᠷᠠ᠂ ᠲᠡᠷᠡ ᠨᠢ ᠡᠳᠡᠭᠡᠷᠡᠬᠦ ᠪᠡᠷ ᠪᠣᠭᠣᠭᠳᠠᠭᠠ ᠦᠭᠡᠢ᠂ ᠢᠯᠳᠦ ᠪᠠᠷᠢᠬᠤ ᠲᠡᠩᠬᠡᠭᠡ ᠲᠠᠢ ᠪᠣᠯᠬᠤ ᠪᠠᠷ ᠣᠷᠢᠶᠠᠭᠳᠠᠭᠠ ᠦᠭᠡᠢ᠃ 22 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠪᠢ ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠶᠢᠨ ᠡᠰᠡᠷᠭᠦ ᠪᠠᠢᠨᠠ᠂ ᠪᠢ ᠲᠡᠭᠦᠨ ᠦ ᠡᠷᠡᠭᠦᠯ ᠭᠠᠷ ᠪᠣᠯᠣᠨ ᠬᠤᠭᠤᠷᠠᠭᠰᠠᠨ ᠭᠠᠷ ᠢ ᠬᠣᠶᠠᠭᠤᠯᠠ ᠶᠢ ᠨᠢ ᠬᠤᠭᠤᠯᠵᠤ᠂ ᠲᠡᠭᠦᠨ ᠦ ᠭᠠᠷ ᠠᠴᠠ ᠢᠯᠳᠦ ᠶᠢ ᠨᠢ ᠤᠨᠠᠭᠠᠨ᠂ 23 ᠶᠧᠵᠢᠫᠲ᠋ᠴᠦᠳ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠷᠬᠠᠭᠠᠵᠤ᠂ ᠭᠦᠷᠦᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠤᠲᠠᠷᠠᠭᠠᠨᠠ᠃ 24 ᠬᠠᠷᠢᠨ ᠪᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠤ ᠭᠠᠷ ᠢ ᠲᠡᠩᠬᠡᠷᠡᠭᠦᠯᠵᠦ᠂ ᠭᠠᠷ ᠲᠤᠨᠢ ᠢᠯᠳᠦ ᠪᠡᠨ ᠥᠭᠭᠥᠨᠡ᠃ ᠪᠢ ᠹᠠᠷᠠᠣ᠋ ᠶᠢᠨ ᠭᠠᠷ ᠢ ᠬᠤᠭᠤᠯᠬᠤ ᠤᠴᠢᠷ ᠠᠴᠠ ᠲᠡᠷᠡ ᠪᠡᠷ ᠬᠦᠨᠳᠦ ᠰᠢᠷᠬᠠᠲᠤᠭᠰᠠᠨ ᠬᠥᠮᠦᠨ ᠶᠣᠣᠯᠠᠬᠤ ᠠᠳᠠᠯᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠤ ᠡᠮᠦᠨᠡ ᠶᠣᠣᠯᠠᠬᠤ ᠪᠣᠯᠣᠨᠠ᠃ 25 ᠲᠡᠢᠨ ᠬᠦ ᠪᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠤ ᠭᠠᠷ ᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠳᠦ᠂ ᠹᠠᠷᠠᠣ᠋ ᠶᠢᠨ ᠭᠠᠷ ᠰᠤᠯᠠᠷᠠᠨᠠ᠃ ᠪᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠤ ᠭᠠᠷ ᠲᠤ ᠢᠯᠳᠦ ᠪᠡᠨ ᠥᠭᠴᠦ᠂ ᠲᠡᠷᠡ ᠲᠡᠭᠦᠨ ᠢ ᠶᠧᠵᠢᠫᠲ ᠤᠷᠤᠭᠤ ᠰᠤᠩ᠋ᠭᠠᠬᠤ ᠦᠶᠡ ᠳᠦ᠂ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃ 26 ᠪᠢ ᠶᠧᠵᠢᠫᠲ᠋ᠴᠦᠳ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠷᠬᠠᠭᠠᠵᠤ᠂ ᠭᠦᠷᠦᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠤᠲᠠᠷᠠᠭᠠᠨᠠ᠂ ᠲᠡᠢᠨ ᠬᠦ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃〉》 ᠭᠡᠪᠡ᠃