ᠡᠽᠧᠺᠢᠶᠧᠯ ᠭᠤᠴᠢᠨ ᠨᠠᠢ᠌ᠮᠠ
ᠭᠣᠭ ᠤᠨ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠵᠦ ᠠᠢᠯᠠᠳᠪᠠ᠄ 2 《ᠬᠥᠮᠦᠨ ᠦ ᠬᠦᠦ ᠡ᠂ ᠮᠠᠭᠣᠭ ᠤᠨ ᠨᠤᠲᠤᠭ ᠲᠤ ᠪᠤᠢ ᠮᠧᠱᠧᠺ᠂ ᠲᠦᠪᠠᠯ ᠤᠨ ᠲᠡᠷᠢᠭᠦᠨ ᠨᠣᠶᠠᠨ ᠭᠣᠭ ᠤᠷᠤᠭᠤ ᠨᠢᠭᠤᠷ ᠢᠶᠠᠨ ᠬᠠᠨᠳᠤᠭᠤᠯᠤᠨ᠂ ᠲᠡᠭᠦᠨ ᠦ ᠡᠰᠡᠷᠭᠦ ᠡᠰᠢ ᠦᠵᠡᠭᠦᠯ᠄ 3 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠮᠧᠱᠧᠺ ᠪᠣᠯᠣᠨ ᠲᠦᠪᠠᠯ ᠤᠨ ᠲᠡᠷᠢᠭᠦᠨ ᠨᠣᠶᠠᠨ ᠭᠣᠭ ᠡ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ︕ 4 ᠪᠢ ᠴᠢᠮᠠᠶᠢ ᠡᠷᠭᠢᠭᠦᠯᠵᠦ᠂ ᠡᠷᠡᠦ ᠳᠦ ᠴᠢᠨᠢ ᠳᠡᠭᠡᠭᠡ ᠵᠣᠭᠣᠵᠤ᠂ ᠴᠢᠮᠠᠶᠢ ᠮᠣᠷᠢ᠂ ᠮᠣᠷᠢᠲᠠᠨ ᠪᠣᠯᠣᠨ ᠪᠦᠬᠦ ᠴᠡᠷᠢᠭ ᠲᠠᠢ ᠴᠢᠨᠢ ᠬᠠᠮᠲᠤ ᠴᠢᠷᠴᠦ ᠭᠠᠷᠭᠠᠨᠠ᠂ ᠪᠠᠰᠠ ᠪᠦᠷᠢᠨ ᠵᠡᠪᠰᠡᠭᠯᠡᠭᠰᠡᠨ᠂ ᠲᠣᠮᠣ ᠵᠢᠵᠢᠭ ᠪᠠᠮᠪᠠᠢ ᠪᠣᠯᠣᠨ ᠢᠯᠳᠦ ᠪᠠᠷᠢᠭᠰᠠᠨ ᠶᠡᠬᠡ ᠴᠡᠷᠢᠭ ᠢ᠂ 5 ᠮᠥᠨ ᠲᠡᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠭᠰᠠᠳ᠂ ᠲᠤᠬᠠᠢᠯᠠᠪᠠᠯ ᠪᠠᠮᠪᠠᠢ᠂ ᠳᠤᠭᠤᠯᠠᠭᠠ ᠪᠦᠬᠦᠢ ᠫᠧᠷᠰ᠂ ᠺᠦᠱ ᠪᠣᠯᠣᠨ ᠫᠦᠲ᠂ 6 ᠭᠣᠮᠧᠷ ᠪᠣᠯᠣᠨ ᠲᠡᠭᠦᠨ ᠦ ᠪᠦᠬᠦ ᠴᠡᠷᠢᠭ᠂ ᠤᠮᠠᠷᠠᠲᠤ ᠶᠢᠨ ᠬᠢᠵᠠᠭᠠᠷ ᠳᠠᠬᠢ ᠪᠧᠲ ᠲᠣᠭᠠᠷᠮᠠ ᠪᠣᠯᠣᠨ ᠲᠡᠭᠦᠨ ᠦ ᠪᠦᠬᠦ ᠴᠡᠷᠢᠭ ᠵᠡᠷᠭᠡ ᠴᠢᠮᠠ ᠲᠠᠢ ᠬᠠᠮᠲᠤᠷᠠᠭᠰᠠᠨ ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠴᠢᠮᠠ ᠲᠠᠢ ᠬᠠᠮᠲᠤ ᠴᠢᠷᠴᠦ ᠭᠠᠷᠭᠠᠨᠠ᠃
7 ᠪᠡᠯᠡᠬᠡᠨ ᠪᠠᠢ᠃ ᠴᠢ᠂ ᠴᠢᠮᠠ ᠤᠷᠤᠭᠤ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠲᠦᠮᠡᠨ ᠲᠡᠢ ᠬᠠᠮᠲᠤ ᠪᠡᠯᠡᠬᠡᠨ ᠪᠠᠢ᠂ ᠴᠢ ᠲᠡᠳᠡᠨ ᠦ ᠲᠡᠷᠢᠭᠦᠨ ᠪᠣᠯᠣᠨᠠ᠃ 8 ᠣᠯᠠᠨ ᠡᠳᠦᠷ ᠦᠨ ᠳᠠᠷᠠᠭᠠ ᠴᠢ ᠳᠠᠢᠨ ᠳᠤ ᠳᠠᠭᠤᠳᠠᠭᠳᠠᠨᠠ᠂ ᠢᠷᠡᠬᠦ ᠵᠢᠯ ᠤᠳ ᠲᠤ ᠴᠢ ᠢᠯᠳᠦᠨ ᠡᠴᠡ ᠠᠩ᠋ᠭᠢᠵᠢᠷᠠᠭᠰᠠᠨ ᠨᠤᠲᠤᠭ ᠤᠷᠤᠭᠤ ᠳᠣᠪᠲᠣᠯᠬᠤ ᠪᠣᠯᠣᠨᠠ᠃ ᠲᠡᠨᠳᠡᠬᠢ ᠶᠢᠨ ᠬᠢᠨ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠡᠵᠡᠭᠦᠢ ᠪᠠᠢᠭᠰᠠᠨ ᠢᠰᠷᠧᠯ ᠤᠨ ᠠᠭᠤᠯᠠᠰ ᠤᠷᠤᠭᠤ ᠣᠯᠠᠨ ᠭᠦᠷᠦᠨ ᠡᠴᠡ ᠴᠤᠭᠯᠠᠷᠠᠭᠰᠠᠨ ᠪᠠᠢᠬᠤ ᠳᠤ᠂ ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠠᠴᠠ ᠠᠪᠴᠢᠷᠠᠭᠳᠠᠵᠤ ᠪᠦᠭᠦᠳᠡᠭᠡᠷ ᠠᠶᠤᠯ ᠦᠭᠡᠢ ᠠᠮᠢᠳᠤᠷᠠᠵᠤ ᠪᠠᠢᠬᠤ ᠳᠤ᠂ 9 ᠴᠢ ᠰᠢᠭᠤᠷᠭᠠ ᠮᠡᠲᠦ ᠳᠠᠭᠠᠷᠢᠨᠠ᠃ ᠴᠢ ᠬᠠᠮᠤᠭ ᠴᠡᠷᠢᠭ ᠤᠳ᠂ ᠬᠠᠮᠲᠤᠷᠠᠭᠴᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠲᠡᠢ ᠪᠡᠨ ᠡᠭᠦᠯᠡ ᠠᠳᠠᠯᠢ ᠭᠠᠵᠠᠷ ᠢ ᠪᠦᠷᠬᠦᠵᠦ ᠢᠷᠡᠨᠡ᠃〉》
10 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠡᠷᠡ ᠡᠳᠦᠷ ᠴᠢᠨᠦ ᠳᠣᠲᠣᠷᠠ ᠣᠯᠠᠨ ᠰᠠᠨᠠᠭᠠ ᠲᠥᠷᠥᠵᠦ᠂ ᠴᠢ ᠬᠣᠷᠣᠨ ᠮᠠᠭᠤ ᠠᠷᠭᠠ ᠶᠢ ᠰᠡᠳᠦᠨ᠄ 11 〈ᠪᠢ ᠬᠡᠷᠡᠮ ᠦᠭᠡᠢ ᠲᠣᠰᠬᠣᠳ ᠪᠦᠬᠦᠢ ᠨᠤᠲᠤᠭ ᠢ ᠳᠣᠪᠲᠣᠯᠣᠨᠠ᠃ ᠠᠶᠤᠯ ᠦᠭᠡᠢ ᠲᠠᠢᠪᠤᠩ ᠠᠮᠢᠳᠤᠷᠠᠵᠤ ᠪᠠᠢᠭᠠ᠂ ᠬᠠᠨᠠ ᠬᠡᠷᠡᠮ ᠦᠭᠡᠢ᠂ ᠬᠠᠭᠠᠯᠲᠠ ᠬᠠᠭᠠᠯᠭᠠ ᠦᠭᠡᠢ ᠰᠠᠭᠤᠵᠤ ᠪᠠᠢᠭᠠ ᠪᠦᠬᠦ ᠬᠥᠮᠦᠨ ᠤᠷᠤᠭᠤ ᠳᠠᠭᠠᠷᠢᠵᠤ᠂ 12 ᠳᠡᠭᠡᠷᠡᠮᠳᠡᠨ ᠣᠯᠵᠠ ᠣᠯᠣᠨᠠ᠃ ᠡᠢᠨ ᠬᠦ ᠡᠵᠡᠭᠦᠢ ᠪᠠᠢᠭᠰᠠᠨ ᠢᠶᠠᠨ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠪᠣᠯᠣᠭᠰᠠᠨ ᠨᠤᠲᠤᠭ ᠤᠨ ᠡᠰᠡᠷᠭᠦ᠂ ᠭᠦᠷᠦᠨ ᠨᠦᠭᠦᠳ ᠡᠴᠡ ᠴᠤᠭᠯᠠᠷᠠᠨ ᠢᠷᠡᠵᠦ᠂ ᠮᠠᠯ ᠰᠦᠷᠦᠭ᠂ ᠡᠳ᠋ ᠬᠥᠷᠥᠩᠭᠡ ᠲᠠᠢ ᠪᠣᠯᠵᠤ ᠳᠡᠯᠡᠬᠡᠢ ᠶᠢᠨ ᠲᠥᠪ ᠲᠤ ᠰᠠᠭᠤᠵᠤ ᠪᠠᠢᠭᠠ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠪᠢ ᠭᠠᠷ ᠢᠶᠠᠨ ᠳᠠᠯᠠᠢᠨᠠ〉 ᠭᠡᠬᠦ ᠪᠣᠯᠣᠨᠠ᠃ 13 ᠱᠧᠪᠠ᠂ ᠳ᠋ᠧᠳᠠᠨ᠂ ᠲᠠᠷᠱᠢᠱ ᠤᠨ ᠬᠤᠳᠠᠯᠳᠤᠭᠠᠴᠢᠳ ᠪᠠ ᠬᠠᠮᠤᠭ ᠤᠳᠤᠷᠢᠳᠤᠭᠴᠢ 17 ᠴᠢᠮᠠ ᠠᠴᠠ᠄ 〈ᠣᠯᠵᠠ ᠣᠯᠬᠤ ᠪᠠᠷ ᠢᠷᠡᠪᠡ ᠤᠤ︖ ᠴᠢ ᠶᠠᠭᠤᠮᠠ ᠳᠡᠭᠡᠷᠡᠮᠳᠡᠵᠦ᠂ ᠠᠯᠲᠠ ᠮᠥᠩᠭᠥ ᠪᠤᠯᠢᠶᠠᠨ᠂ ᠮᠠᠯ ᠪᠣᠯᠣᠨ ᠡᠳ᠋ ᠬᠥᠷᠥᠩᠭᠡ ᠣᠯᠵᠤ᠂ ᠶᠡᠬᠡ ᠣᠯᠵᠠ ᠣᠯᠬᠤ ᠪᠠᠷ ᠴᠡᠷᠢᠭ ᠢᠶᠠᠨ ᠴᠤᠭᠯᠠᠭᠤᠯᠪᠠ ᠤᠤ︖〉》 ᠭᠡᠵᠦ ᠠᠰᠠᠭᠤᠨᠠ᠃
14 ᠬᠥᠮᠦᠨ ᠦ ᠬᠦᠦ ᠡ᠂ ᠡᠢᠮᠦ ᠡᠴᠡ ᠡᠰᠢ ᠦᠵᠡᠭᠦᠯᠦᠨ ᠭᠣᠭ ᠲᠤ ᠶᠠᠷᠢ᠂ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠮᠢᠨᠦ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠠᠶᠤᠯ ᠦᠭᠡᠢ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠲᠡᠷᠡ ᠡᠳᠦᠷ ᠴᠢ ᠠᠩᠵᠠᠭᠠᠷᠠᠬᠤ ᠪᠢᠵᠡ︖ 15 ᠴᠢ ᠤᠮᠠᠷᠠᠲᠤ ᠶᠢᠨ ᠬᠢᠵᠠᠭᠠᠷ ᠳᠠᠬᠢ ᠥᠪᠡᠷ ᠦᠨ ᠢᠶᠠᠨ ᠨᠤᠲᠤᠭ ᠠᠴᠠ ᠣᠯᠠᠨ ᠦᠨᠳᠦᠰᠦᠲᠡᠨ ᠲᠡᠢ ᠬᠠᠮᠲᠤ ᠦᠢ ᠣᠯᠠᠨ ᠬᠦᠴᠦᠲᠦ ᠮᠣᠷᠢᠲᠤ ᠴᠡᠷᠢᠭ ᠳᠠᠭᠠᠭᠤᠯᠤᠨ ᠭᠠᠷᠴᠤ ᠢᠷᠡᠭᠡᠳ 16 ᠮᠢᠨᠦ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠤᠨ ᠡᠰᠡᠷᠭᠦ ᠭᠠᠵᠠᠷ ᠢ ᠪᠦᠷᠬᠦᠬᠦ ᠡᠭᠦᠯᠡ ᠠᠳᠠᠯᠢ ᠳᠠᠭᠠᠷᠢᠨᠠ᠃ ᠭᠣᠭ ᠡ᠂ ᠢᠷᠡᠬᠦ ᠡᠳᠦᠷ ᠤᠳ ᠲᠤ ᠪᠢ ᠴᠢᠮᠠᠶᠢ ᠨᠤᠲᠤᠭ ᠤᠷᠤᠭᠤ ᠪᠠᠨ ᠠᠪᠴᠢᠷᠠᠨᠠ᠃ ᠢᠩᠭᠢᠭᠡᠳ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠦ ᠥᠪᠡᠷ ᠢ ᠪᠠᠨ ᠮᠡᠳᠡᠭᠦᠯᠬᠦ ᠶᠢᠨ ᠲᠤᠯᠠᠳᠠ ᠲᠡᠳᠡᠨ ᠦ ᠨᠢᠳᠦᠨ ᠡᠮᠦᠨᠡ ᠴᠢᠮᠠ ᠪᠠᠷ ᠳᠠᠮᠵᠢᠭᠤᠯᠤᠨ ᠠᠷᠢᠭᠤᠨ ᠪᠠᠢᠳᠠᠯ ᠢᠶᠠᠨ ᠢᠯᠡᠷᠡᠭᠦᠯᠦᠨᠡ᠃》
17 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠤᠷᠢᠳᠤ ᠶᠢᠨ ᠡᠳᠦᠷ ᠤᠳ ᠲᠤ ᠥᠪᠡᠷ ᠦᠨ ᠢᠶᠠᠨ ᠵᠠᠷᠤᠴᠠ ᠨᠠᠷ᠂ ᠢᠰᠷᠧᠯ ᠤᠨ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠶᠠᠭ ᠴᠢᠨᠦ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠵᠦ ᠪᠠᠢᠭᠰᠠᠨ ᠪᠢᠰᠢ ᠤᠤ︖ ᠲᠡᠳᠡ ᠲᠡᠷᠡ ᠦᠶᠡ ᠳᠦ 〈ᠪᠢ ᠴᠢᠮᠠᠶᠢ ᠲᠡᠰᠢ ᠠᠪᠴᠢᠷᠠᠨᠠ〉 ᠭᠡᠵᠦ ᠣᠯᠠᠨ ᠵᠢᠯ ᠤᠨ ᠲᠤᠷᠰᠢ ᠡᠰᠢ ᠦᠵᠡᠭᠦᠯᠦᠭᠰᠡᠨ᠃ 18 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠲᠡᠷᠡ ᠡᠳᠦᠷ᠂ ᠭᠣᠭ ᠢᠰᠷᠧᠯ ᠤᠨ ᠨᠤᠲᠤᠭ ᠢ ᠳᠠᠭᠠᠷᠢᠨ ᠢᠷᠡᠬᠦ ᠲᠡᠷᠡ ᠡᠳᠦᠷ ᠠᠭᠤᠷ ᠬᠢᠯᠢᠩ ᠮᠢᠨᠢ ᠳᠦᠷᠡᠯᠵᠡᠬᠦ ᠪᠣᠯᠣᠨᠠ᠃ 19 ᠲᠡᠷᠡ ᠡᠳᠦᠷ ᠢᠰᠷᠧᠯ ᠤᠨ ᠨᠤᠲᠤᠭ ᠲᠤ ᠶᠡᠬᠡ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠪᠣᠯᠬᠤ ᠶᠢ ᠪᠢ ᠬᠠᠷᠠᠳᠠᠯᠲᠠ ᠲᠠᠢ᠂ ᠭᠠᠯ ᠬᠢᠯᠢᠩ ᠲᠠᠢ ᠪᠠᠷ ᠲᠤᠩ᠋ᠬᠠᠭᠯᠠᠵᠤ ᠪᠠᠢᠨᠠ᠃ 20 ᠳᠠᠯᠠᠢ ᠶᠢᠨ ᠵᠢᠭᠠᠰᠤ᠂ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤ᠂ ᠬᠡᠭᠡᠷᠡ ᠶᠢᠨ ᠠᠷᠢᠶᠠᠲᠠᠨ᠂ ᠭᠠᠵᠠᠷ ᠢᠶᠠᠷ ᠮᠥᠯᠬᠥᠭᠴᠢ ᠪᠦᠭᠦᠳᠡ᠂ ᠮᠥᠨ ᠭᠠᠵᠠᠷ ᠳᠡᠭᠡᠷᠡᠬᠢ ᠪᠦᠬᠦ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠮᠢᠨᠦ ᠣᠷᠣᠰᠢᠬᠤᠢ ᠳᠤ ᠴᠡᠴᠡᠷᠡᠨᠡ᠂ ᠠᠭᠤᠯᠠᠰ ᠶᠡᠭᠦᠷᠡᠨ᠂ ᠬᠠᠳᠠᠨ ᠴᠣᠬᠢᠶᠠ ᠨᠤᠷᠠᠵᠤ᠂ ᠬᠠᠮᠤᠭ ᠬᠡᠷᠡᠮ ᠭᠠᠵᠠᠷ ᠲᠤ ᠤᠨᠠᠬᠤ ᠪᠣᠯᠣᠨᠠ᠃ 21 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠂ ᠪᠢ ᠥᠪᠡᠷ ᠦᠨ ᠢᠶᠠᠨ ᠪᠦᠬᠦ ᠠᠭᠤᠯᠠᠨ ᠳᠤ ᠭᠣᠭ ᠢ ᠴᠣᠬᠢᠬᠤ ᠢᠯᠳᠦ ᠶᠢ ᠳᠠᠭᠤᠳᠠᠨᠠ᠂ ᠬᠥᠮᠦᠨ ᠪᠦᠷᠢ ᠶᠢᠨ ᠢᠯᠳᠦ ᠠᠬᠠ ᠳᠡᠭᠦᠦ ᠶᠢᠨ ᠢᠶᠠᠨ ᠡᠰᠡᠷᠭᠦ ᠪᠠᠢᠬᠤ ᠪᠣᠯᠣᠨᠠ᠃ 22 ᠪᠢ ᠲᠡᠭᠦᠨ ᠢ ᠲᠠᠬᠤᠯ ᠪᠣᠯᠣᠨ ᠴᠢᠰᠤ ᠪᠠᠷ ᠰᠢᠳᠬᠡᠨᠡ᠃ ᠪᠢ ᠲᠡᠭᠦᠨ ᠦ ᠳᠡᠭᠡᠷᠡ᠂ ᠲᠡᠭᠦᠨ ᠦ ᠴᠡᠷᠢᠭ ᠪᠣᠯᠣᠨ ᠲᠡᠭᠦᠨ ᠲᠡᠢ ᠬᠠᠮᠲᠤᠷᠠᠭᠴᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠳᠡᠭᠡᠷᠡ ᠮᠥᠨᠳᠥᠷ᠂ ᠭᠠᠯ᠂ ᠬᠦᠬᠦᠷ ᠲᠡᠢ ᠠᠭᠠᠳᠠᠷ ᠪᠣᠷᠣᠭᠠᠨ ᠢ ᠣᠷᠣᠭᠤᠯᠬᠤ ᠪᠣᠯᠣᠨᠠ᠃ 23 ᠲᠡᠢᠨ ᠬᠦ ᠪᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠨᠢᠳᠦᠨ ᠡᠮᠦᠨᠡ ᠠᠭᠤᠤ ᠪᠥᠭᠡᠳ ᠠᠷᠢᠭᠤᠨ ᠪᠠᠢᠳᠠᠯ ᠢᠶᠠᠨ ᠢᠯᠡᠷᠡᠭᠦᠯᠦᠨ᠂ ᠥᠪᠡᠷ ᠢ ᠪᠠᠨ ᠮᠡᠳᠡᠭᠦᠯᠬᠦ ᠪᠣᠯᠣᠨᠠ᠃ ᠲᠡᠭᠡᠬᠦ ᠳᠦ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃》