ᠡᠽᠧᠺᠢᠶᠧᠯ ᠲᠠᠪᠤ
ᠶᠧᠷᠦ᠋ᠰᠠᠯᠧᠮ ᠳᠤ ᠢᠷᠡᠬᠦ ᠰᠦᠢᠷᠡᠯ
1 ᠬᠥᠮᠦᠨ ᠦ ᠬᠦᠦ ᠡ᠂ ᠬᠤᠷᠴᠠ ᠢᠯᠳᠦ ᠶᠢ ᠦᠰᠦᠴᠢᠨ ᠤ ᠲᠣᠩ᠋ᠭᠣᠷᠠᠭ ᠪᠣᠯᠭᠠᠨ ᠭᠡᠵᠢᠭᠡ ᠪᠠ ᠰᠠᠬᠠᠯ ᠢᠶᠠᠨ ᠬᠤᠰᠤᠭᠠᠳ᠂ ᠦᠰᠦ ᠶᠢ ᠵᠢᠩᠯᠡᠭᠦᠷ ᠢᠶᠡᠷ ᠵᠢᠩᠯᠡᠵᠦ ᠬᠤᠪᠢᠶᠠ᠃ 2 ᠪᠦᠰᠡᠯᠡᠯᠲᠡ ᠶᠢᠨ ᠡᠳᠦᠷ ᠤᠳ ᠭᠦᠢᠴᠡᠬᠦ ᠳᠦ᠂ ᠭᠤᠷᠪᠠᠨ ᠤ ᠨᠢᠭᠡ ᠶᠢ ᠨᠢ ᠬᠣᠲᠠ ᠶᠢᠨ ᠳᠤᠮᠳᠠ ᠭᠠᠯ ᠳᠤ ᠰᠢᠲᠠᠭᠠᠵᠤ᠂ ᠭᠤᠷᠪᠠᠨ ᠤ ᠨᠢᠭᠡ ᠶᠢ ᠨᠢ ᠬᠣᠲᠠ ᠶᠢ ᠲᠣᠭᠣᠷᠢᠭᠤᠯᠤᠨ ᠢᠯᠳᠦ ᠪᠡᠷ ᠴᠠᠪᠴᠢᠵᠤ᠂ ᠦᠯᠡᠳᠡᠭᠰᠡᠨ ᠭᠤᠷᠪᠠᠨ ᠤ ᠨᠢᠭᠡ ᠶᠢ ᠨᠢ ᠰᠠᠯᠬᠢᠨ ᠳᠤ ᠬᠡᠶᠢᠰᠭᠡ᠃ ᠲᠡᠭᠡᠭᠡᠳ ᠪᠢ ᠲᠡᠳᠡᠨ ᠦ ᠠᠷᠤ ᠠᠴᠠ ᠢᠯᠳᠦ ᠰᠤᠭᠤᠯᠤᠨᠠ᠃ 3 ᠴᠢ ᠨᠥᠭᠥᠭᠡ ᠦᠰᠦᠨ ᠡᠴᠡ ᠴᠥᠭᠡᠨ ᠬᠡᠳᠦᠨ ᠰᠢᠷᠬᠡᠭ ᠢ ᠠᠪᠴᠤ᠂ ᠨᠥᠮᠥᠷᠭᠡ ᠶᠢᠨ ᠢᠶᠠᠨ ᠬᠣᠷᠮᠣᠢ ᠳᠤ ᠵᠠᠩᠭᠢᠳ᠃ 4 ᠳᠠᠬᠢᠨ ᠬᠡᠳᠦᠨ ᠰᠢᠷᠬᠡᠭ ᠠᠪᠴᠤ᠂ ᠭᠠᠯ ᠳᠤ ᠬᠠᠶᠠᠵᠤ ᠰᠢᠲᠠᠭᠠ᠃ ᠲᠡᠨᠳᠡ ᠡᠴᠡ ᠢᠰᠷᠧᠯ ᠤᠨ ᠪᠦᠬᠦ ᠭᠡᠷ ᠦᠨ ᠬᠢᠨ ᠳᠤ ᠭᠠᠯ ᠵᠣᠯᠭᠠᠨᠠ》 ᠭᠡᠪᠡ᠃
5 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠶᠧᠷᠦ᠋ᠰᠠᠯᠧᠮ ᠡᠢᠮᠦ ᠪᠣᠯᠣᠨᠠ᠄ ᠪᠢ ᠲᠡᠭᠦᠨ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠯᠪᠢᠵᠤ᠂ ᠡᠷᠭᠢᠨ ᠲᠣᠭᠣᠷᠢᠨ ᠳᠤᠨᠢ ᠭᠦᠷᠦᠨ ᠨᠦᠭᠦᠳ ᠢ ᠪᠠᠢᠯᠭᠠᠭᠰᠠᠨ᠃ 6 ᠬᠠᠷᠢᠨ ᠲᠡᠷᠡ ᠪᠡᠷ ᠵᠢᠷᠤᠮ ᠪᠠ ᠲᠣᠭᠲᠠᠭᠠᠯ ᠤᠳ ᠠᠴᠠ ᠮᠢᠨᠢ ᠭᠠᠵᠢᠵᠤ᠂ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠤᠯᠤᠰ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡᠴᠡ ᠴᠤ ᠢᠯᠡᠭᠦᠦ ᠪᠡᠷ ᠬᠣᠷᠣᠨ ᠮᠠᠭᠤ ᠶᠢ ᠦᠢᠯᠡᠳᠪᠡ᠃ ᠲᠡᠷᠡ ᠪᠡᠷ ᠵᠢᠷᠤᠮ ᠤᠳ ᠢ ᠮᠢᠨᠢ ᠳᠠᠭᠠᠯ ᠦᠭᠡᠢ᠂ ᠲᠣᠭᠲᠠᠭᠠᠯ ᠤᠳ ᠢ ᠮᠢᠨᠢ ᠣᠭᠣᠷᠣᠭᠰᠠᠨ ᠶᠤᠮ᠃》 7 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠠ ᠨᠠᠷ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡᠴᠡ ᠴᠤ ᠢᠯᠡᠭᠦᠦ ᠰᠠᠮᠠᠭᠤᠷᠠᠵᠤ᠂ ᠲᠣᠭᠲᠠᠭᠠᠯ ᠤᠳ ᠢ ᠮᠢᠨᠢ ᠮᠥᠷᠳᠡᠭᠡ ᠦᠭᠡᠢ᠂ ᠵᠢᠷᠤᠮ ᠤᠳ ᠢ ᠮᠢᠨᠢ ᠰᠠᠬᠢᠭᠠ ᠦᠭᠡᠢ᠂ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠪᠠᠷᠢᠮᠵᠢᠶᠠ ᠳᠤ ᠴᠤ ᠬᠦᠷᠬᠦ ᠪᠡᠨ ᠪᠣᠯᠢᠭᠰᠠᠨ᠃》 8 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ᠂ ᠢᠰᠷᠧᠯ ᠡ᠂ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠨᠢᠳᠦᠨ ᠦ ᠡᠮᠦᠨᠡ ᠴᠢᠮᠠ ᠳᠡᠭᠡᠷᠡ ᠰᠢᠳᠬᠡᠯ ᠪᠠᠭᠤᠯᠭᠠᠨᠠ᠃ 9 ᠬᠠᠮᠤᠭ ᠵᠢᠭᠰᠢᠭᠦᠷᠢᠲᠦ ᠦᠢᠯᠡᠰ ᠦᠨ ᠴᠢᠨᠢ ᠤᠯᠠᠮ ᠢᠶᠠᠷ ᠪᠢ ᠬᠡᠵᠢᠶᠡ ᠴᠤ ᠦᠢᠯᠡᠳᠦᠭᠡ ᠦᠭᠡᠢ᠂ ᠳᠠᠬᠢᠨ ᠬᠡᠵᠢᠶᠡ ᠴᠤ ᠦᠢᠯᠡᠳᠬᠦ ᠦᠭᠡᠢ ᠵᠦᠢᠯ ᠢ ᠴᠢᠮᠠ ᠳᠤ ᠦᠢᠯᠡᠳᠦᠨᠡ᠃ 10 ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠤᠨ ᠳᠤᠮᠳᠠ ᠡᠴᠢᠭᠡ ᠨᠦᠭᠦᠳ ᠨᠢ ᠬᠥᠪᠡᠭᠦᠳ ᠢᠶᠡᠨ ᠢᠳᠡᠵᠦ᠂ ᠬᠥᠪᠡᠭᠦᠳ ᠨᠢ ᠡᠴᠢᠭᠡ ᠨᠦᠭᠦᠳ ᠢᠶᠡᠨ ᠢᠳᠡᠬᠦ ᠬᠡᠷᠡᠭ ᠭᠠᠷᠤᠨᠠ᠃ ᠪᠢ ᠴᠢᠮᠠ ᠳᠤ ᠰᠢᠳᠬᠡᠯ ᠪᠠᠭᠤᠯᠭᠠᠵᠤ᠂ ᠪᠦᠬᠦ ᠦᠯᠡᠳᠡᠭᠰᠡᠳ ᠢ ᠴᠢᠨᠢ ᠵᠦᠭ ᠪᠦᠷᠢ ᠳᠤ ᠪᠤᠲᠠᠷᠠᠭᠠᠨᠠ 3 ᠃》 11 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠴᠢ ᠪᠦᠬᠦ ᠵᠢᠪᠡᠭᠦᠦ ᠲᠠᠢ ᠰᠢᠲᠦᠭᠡᠨ᠂ ᠪᠦᠬᠦ ᠵᠢᠭᠰᠢᠭᠦᠷᠢᠲᠦ ᠦᠢᠯᠡᠰ ᠢᠶᠡᠷ ᠢᠶᠠᠨ ᠮᠢᠨᠦ ᠠᠷᠢᠭᠤᠨ ᠭᠠᠵᠠᠷ ᠢ ᠪᠤᠵᠠᠷᠯᠠᠭᠰᠠᠨ ᠤᠴᠢᠷ ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠪᠢ ᠴᠤ ᠴᠢᠮᠠ ᠠᠴᠠ ᠬᠣᠯᠠᠳᠠᠬᠤ ᠪᠥᠭᠡᠳ ᠴᠢᠮᠠᠶᠢ ᠥᠷᠥ ᠡᠪᠡᠳᠦᠨ ᠬᠠᠷᠠᠬᠤ ᠦᠭᠡᠢ᠂ ᠥᠷᠥᠰᠢᠶᠡᠬᠦ ᠦᠭᠡᠢ᠃ 12 ᠲᠠ ᠨᠠᠷ ᠤᠨ ᠭᠤᠷᠪᠠᠨ ᠤ ᠨᠢᠭᠡ ᠨᠢ ᠳᠣᠲᠣᠷᠠ ᠪᠠᠢᠬᠤ ᠳᠠᠭᠠᠨ ᠲᠠᠬᠤᠯ ᠢᠶᠠᠷ ᠦᠬᠦᠵᠦ᠂ ᠡᠰᠡᠪᠡᠯ ᠥᠯᠥᠰᠬᠥᠯᠡᠩ ᠢᠶᠡᠷ ᠡᠴᠦᠰᠯᠡᠨᠡ᠃ ᠭᠤᠷᠪᠠᠨ ᠤ ᠨᠢᠭᠡ ᠨᠢ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠢᠯᠳᠦᠨ ᠳᠦ ᠤᠨᠠᠨᠠ᠂ ᠭᠤᠷᠪᠠᠨ ᠤ ᠨᠢᠭᠡ ᠶᠢ ᠨᠢ ᠪᠢ ᠵᠦᠭ ᠪᠦᠷᠢ ᠳᠤ ᠲᠠᠷᠬᠠᠭᠠᠵᠤ᠂ ᠲᠡᠳᠡᠨ ᠦ ᠠᠷᠤ ᠠᠴᠠ ᠢᠯᠳᠦ ᠰᠤᠭᠤᠯᠤᠨᠠ᠃
13 ᠡᠢᠨ ᠬᠦ ᠠᠭᠤᠷ ᠮᠢᠨᠢ ᠭᠦᠢᠴᠡᠵᠦ᠂ ᠬᠢᠯᠢᠩ ᠮᠢᠨᠢ ᠨᠠᠮᠳᠠᠵᠤ᠂ ᠪᠢ ᠲᠠᠢᠳᠬᠤᠷᠠᠬᠤ ᠪᠣᠯᠣᠨᠠ᠃ ᠪᠢ ᠬᠢᠯᠢᠩ ᠢᠶᠠᠨ ᠭᠦᠢᠴᠡᠭᠡᠬᠦ ᠦᠶᠡ ᠳᠦ ᠯᠠ ᠲᠡᠳᠡ ᠶᠣᠬᠣᠸᠠ ᠮᠢᠨᠦ ᠬᠠᠷᠠᠳᠠᠯ ᠢᠶᠠᠷ ᠶᠠᠷᠢᠭᠰᠠᠨ ᠢ ᠮᠡᠳᠡᠬᠦ ᠪᠣᠯᠣᠨᠠ᠃ 14 ᠪᠢ ᠴᠢᠮᠠᠶᠢ ᠡᠵᠡᠭᠦᠢᠷᠡᠭᠦᠯᠵᠦ᠂ ᠬᠠᠵᠠᠭᠤ ᠪᠠᠷ ᠴᠢᠨᠢ ᠥᠩᠭᠡᠷᠡᠬᠦ ᠪᠦᠬᠦᠨ ᠦ ᠨᠢᠳᠦᠨ ᠦ ᠡᠮᠦᠨᠡ᠂ ᠡᠷᠭᠢᠨ ᠲᠣᠭᠣᠷᠢᠨ ᠤ ᠴᠢᠨᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠢᠴᠢᠭᠦᠷᠢ ᠪᠣᠯᠭᠠᠨᠠ᠃ 15 ᠴᠢᠮᠠ ᠳᠡᠭᠡᠷᠡ ᠪᠢ ᠠᠭᠤᠷ ᠬᠢᠯᠢᠩ ᠲᠠᠢ ᠪᠠᠷ ᠰᠢᠷᠦᠭᠦᠨ ᠵᠢᠮᠡᠯᠡᠯ ᠦᠨ ᠰᠢᠳᠬᠡᠯ ᠶᠠᠪᠤᠭᠤᠯᠬᠤ ᠳᠤ᠂ ᠴᠢ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠦ ᠡᠯᠡᠭ ᠳᠣᠭᠣᠭᠢ᠂ ᠰᠡᠷᠡᠮᠵᠢᠯᠡᠭᠦᠯᠦᠯ ᠪᠠ ᠵᠢᠭ᠍ᠰᠢᠯ ᠪᠣᠯᠣᠨᠠ᠃ ᠶᠣᠬᠣᠸᠠ ᠪᠢ ᠠᠢᠯᠠᠳᠤᠯᠠ᠃ 16 ᠪᠢ ᠲᠠ ᠨᠠᠷ ᠢ ᠤᠰᠠᠳᠬᠠᠬᠤ ᠪᠠᠷ ᠠᠶᠤᠮᠰᠢᠭᠲᠠᠢ ᠥᠯᠥᠰᠬᠥᠯᠡᠩ ᠦᠨ ᠰᠤᠮᠤ ᠬᠠᠷᠪᠤᠨᠠ᠂ ᠲᠠ ᠨᠠᠷ ᠢ ᠤᠰᠠᠳᠬᠠᠬᠤ ᠪᠠᠷ ᠬᠠᠷᠪᠤᠨᠠ᠃ ᠪᠢ ᠴᠢᠮᠠ ᠳᠡᠭᠡᠷᠡ ᠥᠯᠥᠰᠬᠥᠯᠡᠩ ᠢ ᠨᠡᠮᠡᠭᠳᠡᠭᠦᠯᠦᠭᠰᠡᠭᠡᠷ ᠬᠦᠨᠡᠰᠦᠨ ᠦ ᠴᠢᠨᠢ ᠬᠠᠩ᠋ᠭᠠᠯᠭᠠ ᠶᠢ ᠲᠠᠰᠤᠯᠤᠨᠠ᠃ 17 ᠪᠢ ᠲᠠ ᠨᠠᠷ ᠤᠷᠤᠭᠤ ᠥᠯᠥᠰᠬᠥᠯᠡᠩ ᠬᠢᠭᠡᠳ ᠠᠷᠢᠶᠠᠲᠠᠨ ᠢ ᠢᠯᠡᠭᠡᠵᠦ᠂ ᠲᠡᠳᠡᠭᠡᠷ ᠨᠢ ᠴᠢᠮᠠᠶᠢ ᠬᠡᠦᠬᠡᠳ ᠤᠳ ᠠᠴᠠ ᠴᠢᠨᠢ ᠬᠠᠭᠠᠴᠠᠭᠠᠨᠠ᠃ ᠲᠠᠬᠤᠯ ᠪᠣᠯᠣᠨ ᠠᠯᠠᠯᠳᠤᠭᠠᠨ ᠲᠠ ᠨᠠᠷ ᠢ ᠳᠠᠭᠠᠷᠢᠬᠤ ᠪᠥᠭᠡᠳ ᠪᠢ ᠲᠠ ᠨᠠᠷ ᠤᠨ ᠳᠡᠭᠡᠷᠡ ᠢᠯᠳᠦ ᠠᠪᠴᠢᠷᠠᠨᠠ᠃ ᠶᠣᠬᠣᠸᠠ ᠪᠢ ᠠᠢᠯᠠᠳᠤᠯᠠ᠃》