ᠡᠽᠧᠺᠢᠶᠧᠯ ᠠᠷᠪᠠᠨ ᠨᠠᠢ᠌ᠮᠠ
ᠭᠡᠮᠲᠡᠨ ᠬᠢᠭᠰᠡᠨ ᠭᠡᠮ ᠦᠨ ᠢᠶᠠᠨ ᠤᠯᠠᠮ ᠢᠶᠠᠷ ᠰᠢᠳᠬᠡᠭᠳᠡᠨᠡ
1 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠵᠦ᠄ 2 《ᠢᠰᠷᠧᠯ ᠤᠨ ᠨᠤᠲᠤᠭ ᠲᠤ ᠶᠠᠭᠤᠨ ᠤ ᠤᠴᠢᠷ ᠲᠠ ᠨᠠᠷ᠄ 〈ᠡᠴᠢᠭᠡ ᠨᠢ ᠢᠰᠭᠦᠯᠡᠩ ᠦᠵᠦᠮ ᠢᠳᠡᠪᠡᠯ᠂ ᠬᠡᠦᠬᠡᠳ ᠦᠨ ᠬᠢᠨᠢ ᠰᠢᠳᠦ ᠬᠠᠪᠤᠨᠠ〉 ᠬᠡᠮᠡᠬᠦ ᠵᠦᠢᠷ ᠦᠭᠡ ᠶᠢ ᠶᠠᠷᠢᠳᠠᠭ ᠶᠤᠮ ᠪᠤᠢ︖ 3 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠂ ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠲᠠ ᠨᠠᠷ ᠡᠨᠡ ᠵᠦᠢᠷ ᠦᠭᠡ ᠶᠢ ᠢᠰᠷᠧᠯ ᠳᠤ ᠳᠠᠬᠢᠨ ᠶᠠᠷᠢᠬᠤ ᠦᠭᠡᠢ ᠪᠣᠯᠣᠨᠠ᠃》 4 《ᠤᠴᠢᠷ ᠨᠢ ᠪᠦᠬᠦ ᠠᠮᠢ ᠮᠢᠨᠦᠬᠢ︕ ᠡᠴᠢᠭᠡ ᠶᠢᠨ ᠬᠢᠨᠢ ᠠᠮᠢ ᠴᠤ᠂ ᠬᠥᠪᠡᠭᠦᠨ ᠦ ᠬᠢᠨᠢ ᠠᠮᠢ ᠴᠤ ᠮᠢᠨᠦᠬᠢ︕ ᠨᠢᠭᠦᠯ ᠢ ᠦᠢᠯᠡᠳᠦᠭᠰᠡᠨ ᠬᠥᠮᠦᠨ ᠯᠠ ᠦᠬᠦᠬᠦ ᠪᠣᠯᠣᠨᠠ᠃
5 ᠬᠠᠷᠢᠨ ᠨᠢᠭᠡ ᠬᠥᠮᠦᠨ ᠵᠥᠪᠲᠦ ᠪᠥᠭᠡᠳ ᠵᠥᠪ ᠰᠢᠳᠤᠷᠭᠤ ᠶᠢ ᠦᠢᠯᠡᠳᠦᠨ᠂ 6 ᠠᠭᠤᠯᠠᠨ ᠳᠡᠭᠡᠷᠡᠬᠢ ᠳᠤᠭᠠᠩ ᠳᠤ ᠦᠯᠦ ᠢᠳᠡᠨ᠂ ᠢᠰᠷᠧᠯ ᠤᠨ ᠭᠡᠷ ᠦᠨ ᠰᠢᠲᠦᠭᠡᠨ ᠨᠦᠭᠦᠳ ᠤᠷᠤᠭᠤ ᠨᠢᠳᠦ ᠪᠡᠨ ᠦᠯᠦ ᠡᠷᠭᠦᠨ᠂ ᠬᠥᠷᠰᠢ ᠶᠢᠨ ᠢᠶᠠᠨ ᠡᠬᠡᠨᠡᠷ ᠢ ᠦᠯᠦ ᠪᠤᠵᠠᠷᠯᠠᠨ᠂ ᠡᠬᠡᠨᠡᠷ ᠲᠡᠭᠡᠨ ᠰᠠᠷᠠ ᠶᠢᠨ ᠲᠡᠮᠳᠡᠭ ᠦᠨ ᠬᠢᠨᠢ ᠦᠶᠡ ᠳᠦ ᠦᠯᠦ ᠬᠦᠷᠴᠦ᠂ 7 ᠬᠥᠮᠦᠨ ᠢ ᠦᠯᠦ ᠳᠠᠷᠤᠯᠠᠨ᠂ ᠥᠷᠢᠲᠡᠨ ᠳᠡᠭᠡᠨ ᠪᠠᠷᠢᠴᠠᠭᠠᠨ ᠤ ᠬᠢᠨᠢ ᠶᠠᠭᠤᠮᠠ ᠶᠢ ᠪᠤᠴᠠᠭᠠᠵᠤ᠂ ᠳᠡᠭᠡᠷᠡᠮ ᠲᠣᠨᠣᠭᠠ ᠦᠯᠦ ᠬᠢᠵᠦ᠂ ᠥᠯᠥᠰᠥᠭᠰᠡᠨ ᠬᠥᠮᠦᠨ ᠳᠦ ᠬᠣᠭᠣᠯᠠ ᠪᠠᠨ ᠥᠭᠴᠦ᠂ ᠨᠢᠴᠦᠭᠦᠨ ᠬᠥᠮᠦᠨ ᠳᠦ ᠬᠤᠪᠴᠠᠰᠤ ᠨᠥᠮᠥᠷᠭᠡᠨ᠂ 8 ᠥᠨᠳᠥᠷ ᠬᠦᠦ ᠲᠠᠢ ᠵᠢᠭᠡᠯᠡᠯᠭᠡ ᠲᠠᠯᠪᠢᠬᠤ ᠦᠭᠡᠢ᠂ ᠭᠠᠷ ᠢᠶᠠᠨ ᠵᠥᠪ ᠪᠤᠰᠤ ᠠᠴᠠ ᠲᠠᠲᠠᠵᠤ᠂ ᠬᠥᠮᠦᠨ ᠬᠥᠮᠦᠨ ᠦ ᠬᠣᠭᠣᠷᠣᠨᠳᠣ ᠦᠨᠡᠨ ᠰᠢᠳᠤᠷᠭᠤ ᠶᠢ ᠪᠡᠶᠡᠯᠡᠭᠦᠯᠵᠦ᠂ 9 ᠲᠣᠭᠲᠠᠭᠠᠯ ᠤᠳ ᠢ ᠮᠢᠨᠢ ᠮᠥᠷᠳᠡᠨ᠂ ᠵᠢᠷᠤᠮ ᠤᠳ ᠢ ᠮᠢᠨᠢ ᠰᠠᠬᠢᠨ ᠭᠣᠣᠯᠴᠢ ᠪᠠᠷ ᠦᠢᠯᠡᠳᠪᠡᠯ᠂ ᠲᠡᠷᠡ ᠨᠢ ᠵᠥᠪᠲᠦ ᠬᠥᠮᠦᠨ᠂ ᠯᠠᠪᠲᠠᠢ ᠠᠮᠢᠳᠤᠷᠠᠨᠠ᠃》 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠃
10 《ᠬᠠᠷᠢᠨ ᠲᠡᠭᠦᠨ ᠳᠦ ᠴᠢᠰᠤ ᠤᠷᠤᠰᠬᠠᠭᠴᠢ ᠳᠣᠭᠰᠢᠨ ᠬᠦᠦ ᠲᠥᠷᠥᠪᠡ ᠭᠡᠵᠦ ᠪᠣᠳᠣᠶᠠ᠂ ᠬᠡᠷᠪᠡ ᠲᠡᠷᠡ ᠬᠦᠦ ᠳᠠᠷᠠᠭᠠᠬᠢ ᠵᠦᠢᠯᠡᠰ ᠦᠨ ᠠᠯᠢ ᠨᠢᠭᠡ ᠶᠢ ᠦᠢᠯᠡᠳᠪᠡᠯ᠂ 11 ᠡᠴᠢᠭᠡ ᠡᠴᠡ ᠪᠡᠨ ᠱᠠᠯ ᠥᠭᠡᠷᠡ ᠪᠡᠷ᠂ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠳᠤᠭᠠᠩ ᠳᠤ ᠢᠳᠡᠵᠦ᠂ ᠬᠥᠷᠰᠢ ᠶᠢᠨ ᠢᠶᠠᠨ ᠡᠬᠡᠨᠡᠷ ᠢ ᠪᠤᠵᠠᠷᠯᠠᠨ᠂ 12 ᠦᠭᠡᠭᠦᠦ ᠶᠠᠳᠠᠭᠤ ᠶᠢ ᠳᠠᠷᠤᠯᠠᠵᠤ᠂ ᠳᠡᠭᠡᠷᠡᠮ ᠲᠣᠨᠣᠭᠠ ᠬᠢᠵᠦ᠂ ᠪᠠᠷᠢᠴᠠᠭᠠ ᠶᠢ ᠦᠯᠦ ᠪᠤᠴᠠᠭᠠᠨ᠂ ᠰᠢᠲᠦᠭᠡᠨ ᠨᠦᠭᠦᠳ ᠤᠷᠤᠭᠤ ᠨᠢᠳᠦ ᠪᠡᠨ ᠡᠷᠭᠦᠵᠦ᠂ ᠵᠢᠭᠰᠢᠭᠦᠷᠢᠲᠦ ᠵᠦᠢᠯᠡᠰ ᠢ ᠦᠢᠯᠡᠳᠦᠨ᠂ 13 ᠥᠨᠳᠥᠷ ᠬᠦᠦ ᠲᠠᠢ ᠵᠢᠭᠡᠯᠡᠯᠭᠡ ᠲᠠᠯᠪᠢᠳᠠᠭ ᠪᠣᠯ᠂ ᠲᠡᠷᠡ ᠠᠮᠢᠳᠤᠷᠠᠬᠤ ᠤᠤ︖ ᠠᠮᠢᠳᠤᠷᠠᠬᠤ ᠦᠭᠡᠢ᠃ ᠡᠳᠡᠭᠡᠷ ᠵᠢᠭᠰᠢᠭᠦᠷᠢ ᠶᠢᠨ ᠠᠯᠢ ᠨᠢᠭᠡ ᠶᠢ ᠦᠢᠯᠡᠳᠦᠭᠰᠡᠨ ᠤᠴᠢᠷ ᠲᠡᠷᠡ ᠯᠠᠪᠲᠠᠢ ᠦᠬᠦᠨᠡ᠃ ᠴᠢᠰᠤ ᠨᠢ ᠥᠪᠡᠷ ᠳᠡᠭᠡᠷᠡ ᠨᠢ ᠪᠠᠢᠬᠤ ᠪᠣᠯᠣᠨᠠ᠃
14 ᠬᠠᠷᠢᠨ ᠲᠡᠷᠡ ᠬᠥᠮᠦᠨ ᠴᠤ ᠬᠦᠦ ᠲᠠᠢ ᠭᠡᠵᠦ ᠪᠣᠳᠣᠶᠠ᠂ ᠬᠡᠷᠪᠡ ᠲᠡᠷᠡ ᠬᠦᠦ ᠡᠴᠢᠭᠡ ᠶᠢᠨ ᠢᠶᠠᠨ ᠦᠢᠯᠡᠳᠦᠭᠰᠡᠨ ᠠᠯᠢᠪᠠ ᠨᠢᠭᠦᠯ ᠢ ᠦᠵᠡᠭᠡᠳ ᠠᠶᠤᠵᠤ᠂ ᠲᠡᠭᠦᠨᠴᠢᠯᠡᠨ ᠦᠢᠯᠡᠳᠦᠭᠡ ᠦᠭᠡᠢ᠂ 15 ᠠᠭᠤᠯᠠᠨ ᠳᠡᠭᠡᠷᠡᠬᠢ ᠳᠤᠭᠠᠩ ᠳᠤ ᠦᠯᠦ ᠢᠳᠡᠨ᠂ ᠢᠰᠷᠧᠯ ᠤᠨ ᠭᠡᠷ ᠦᠨ ᠰᠢᠲᠦᠭᠡᠨ ᠨᠦᠭᠦᠳ ᠤᠷᠤᠭᠤ ᠨᠢᠳᠦ ᠪᠡᠨ ᠦᠯᠦ ᠡᠷᠭᠦᠨ᠂ ᠬᠥᠷᠰᠢ ᠶᠢᠨ ᠢᠶᠠᠨ ᠡᠬᠡᠨᠡᠷ ᠢ ᠦᠯᠦ ᠪᠤᠵᠠᠷᠯᠠᠨ᠂ 16 ᠬᠥᠮᠦᠨ ᠢ ᠦᠯᠦ ᠳᠠᠷᠤᠯᠠᠨ᠂ ᠪᠠᠷᠢᠴᠠᠭᠠᠨ ᠤ ᠶᠠᠭᠤᠮᠠ ᠦᠯᠦ ᠠᠪᠴᠤ᠂ ᠳᠡᠭᠡᠷᠡᠮ ᠲᠣᠨᠣᠭᠠ ᠦᠯᠦ ᠬᠢᠵᠦ᠂ ᠬᠠᠷᠢᠨ ᠥᠯᠥᠰᠥᠭᠰᠡᠨ ᠬᠥᠮᠦᠨ ᠳᠦ ᠬᠣᠭᠣᠯᠠ ᠪᠠᠨ ᠥᠭᠴᠦ᠂ ᠨᠢᠴᠦᠭᠦᠨ ᠳᠦ ᠬᠤᠪᠴᠠᠰᠤ ᠨᠥᠮᠥᠷᠭᠡᠨ᠂ 17 ᠨᠢᠭᠦᠯ ᠡᠴᠡ ᠭᠠᠷ ᠢᠶᠠᠨ ᠲᠠᠲᠠᠨ᠂ ᠥᠨᠳᠥᠷ ᠬᠦᠦ ᠦᠯᠦ ᠠᠪᠤᠨ᠂ ᠮᠢᠨᠦ ᠵᠠᠷᠯᠢᠭ ᠢ ᠪᠡᠶᠡᠯᠡᠭᠦᠯᠵᠦ᠂ ᠲᠣᠭᠲᠠᠭᠠᠯ ᠤᠳ ᠢ ᠮᠢᠨᠢ ᠳᠠᠭᠠᠵᠤ ᠮᠥᠷᠳᠡᠪᠡᠯ᠂ ᠲᠡᠷᠡ ᠡᠴᠢᠭᠡ ᠶᠢᠨ ᠢᠶᠠᠨ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠦᠬᠦᠬᠦ ᠪᠢᠰᠢ᠂ ᠯᠠᠪᠲᠠᠢ ᠠᠮᠢᠳᠤᠷᠠᠨᠠ᠃ 18 ᠬᠠᠷᠢᠨ ᠡᠴᠢᠭᠡ ᠨᠢ ᠬᠥᠮᠦᠨ ᠢ ᠳᠠᠷᠤᠯᠠᠨ ᠳᠠᠷᠤᠯᠠᠵᠤ᠂ ᠠᠬᠠ ᠳᠡᠭᠦᠦ ᠪᠡᠨ ᠲᠣᠨᠣᠵᠤ᠂ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠳᠤᠮᠳᠠ ᠰᠠᠢᠨ ᠪᠤᠰᠤ ᠶᠢ ᠦᠢᠯᠡᠳᠦᠭᠰᠡᠨ ᠤᠴᠢᠷ ᠥᠪᠡᠷ ᠦᠨ ᠢᠶᠠᠨ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠦᠬᠦᠨᠡ᠃
19 ᠬᠠᠷᠢᠨ ᠲᠠ ᠨᠠᠷ᠄ 〈ᠬᠦᠦ ᠨᠢ ᠶᠠᠭᠠᠬᠢᠭᠠᠳ ᠡᠴᠢᠭᠡ ᠶᠢᠨ ᠢᠶᠠᠨ ᠨᠢᠭᠦᠯ ᠢ ᠡᠭᠦᠷᠬᠦ ᠦᠭᠡᠢ ᠪᠠᠢᠬᠤ ᠪᠤᠢ︖〉 ᠭᠡᠯᠴᠡᠳᠡᠭ᠃ ᠲᠡᠷᠡ ᠬᠦᠦ ᠵᠥᠪ ᠰᠢᠳᠤᠷᠭᠤ ᠶᠢ ᠦᠢᠯᠡᠳᠦᠨ᠂ ᠪᠦᠬᠦ ᠲᠣᠭᠲᠠᠭᠠᠯ ᠢ ᠮᠢᠨᠢ ᠰᠠᠬᠢᠨ ᠲᠡᠳᠡᠭᠡᠷ ᠢ ᠦᠢᠯᠡᠳᠦᠭᠰᠡᠨ ᠤᠴᠢᠷ ᠵᠠᠪᠠᠯ ᠠᠮᠢᠳᠤᠷᠠᠨᠠ᠃ 20 ᠭᠡᠪᠡᠴᠦ ᠨᠢᠭᠦᠯ ᠢ ᠦᠢᠯᠡᠳᠦᠭᠴᠢ ᠨᠢ ᠦᠬᠦᠬᠦ ᠪᠣᠯᠣᠨᠠ᠃ ᠲᠡᠢᠨ ᠬᠦ ᠬᠦᠦ ᠨᠢ ᠡᠴᠢᠭᠡ ᠶᠢᠨ ᠢᠶᠠᠨ ᠨᠢᠭᠦᠯ ᠢ ᠡᠭᠦᠷᠬᠦ ᠦᠭᠡᠢ᠂ ᠡᠴᠢᠭᠡ ᠨᠢ ᠴᠤ ᠬᠦᠦ ᠶᠢᠨ ᠢᠶᠠᠨ ᠨᠢᠭᠦᠯ ᠢ ᠡᠭᠦᠷᠬᠦ ᠦᠭᠡᠢ᠃ ᠵᠥᠪᠲᠡᠨ ᠦ ᠵᠥᠪ ᠶᠠᠪᠤᠳᠠᠯ ᠡᠵᠡᠨ ᠳᠡᠭᠡᠨ᠂ ᠪᠤᠷᠤᠭᠤᠲᠠᠨ ᠤ ᠪᠤᠷᠤᠭᠤ ᠶᠠᠪᠤᠳᠠᠯ ᠴᠤ ᠡᠵᠡᠨ ᠳᠡᠭᠡᠨ᠃
21 ᠭᠡᠪᠡᠴᠦ ᠪᠤᠷᠤᠭᠤᠲᠠᠨ ᠦᠢᠯᠡᠳᠦᠭᠰᠡᠨ ᠬᠠᠮᠤᠭ ᠨᠢᠭᠦᠯ ᠡᠴᠡ ᠪᠡᠨ ᠡᠷᠭᠢᠵᠦ᠂ ᠪᠦᠬᠦ ᠲᠣᠭᠲᠠᠭᠠᠯ ᠢ ᠮᠢᠨᠢ ᠰᠠᠬᠢᠨ᠂ ᠵᠥᠪ ᠰᠢᠳᠤᠷᠭᠤ ᠶᠢ ᠦᠢᠯᠡᠳᠪᠡᠯ᠂ ᠲᠡᠷᠡ ᠦᠬᠦᠬᠦ ᠦᠭᠡᠢ᠂ ᠵᠠᠪᠠᠯ ᠠᠮᠢᠳᠤᠷᠠᠨᠠ᠃ 22 ᠬᠢᠭᠰᠡᠨ ᠠᠯᠢᠪᠠ ᠭᠡᠮ ᠪᠤᠷᠤᠭᠤ ᠨᠢ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ᠂ ᠦᠢᠯᠡᠳᠦᠭᠰᠡᠨ ᠵᠥᠪ ᠡᠴᠡ ᠪᠡᠨ ᠪᠣᠯᠵᠤ ᠠᠮᠢᠳᠤᠷᠠᠨᠠ᠃ 23 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠪᠢ ᠪᠤᠷᠤᠭᠤᠲᠠᠨ ᠤ ᠦᠬᠦᠯ ᠳᠦ ᠪᠠᠶᠠᠷᠯᠠᠨᠠ ᠭᠡᠵᠢ ᠤᠤ︖ ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠵᠠᠮ ᠠᠴᠠ ᠪᠠᠨ ᠡᠷᠭᠢᠵᠦ᠂ ᠠᠮᠢᠳᠤᠷᠠᠬᠤ ᠳᠤᠨᠢ ᠪᠠᠶᠠᠷᠯᠠᠬᠤ ᠦᠭᠡᠢ ᠭᠡᠵᠢ ᠤᠤ︖ 24 ᠭᠡᠪᠡᠴᠦ ᠵᠥᠪᠲᠡᠨ ᠵᠥᠪ ᠡᠴᠡ ᠪᠡᠨ ᠡᠷᠭᠢᠵᠦ᠂ ᠨᠢᠭᠦᠯ ᠦᠢᠯᠡᠳᠴᠦ᠂ ᠪᠤᠷᠤᠭᠤᠲᠠᠨ ᠤ ᠦᠢᠯᠡᠳᠳᠡᠭ ᠦᠨ ᠠᠳᠠᠯᠢ ᠵᠢᠭᠰᠢᠭᠦᠷᠢᠲᠦ ᠵᠦᠢᠯᠡᠰ ᠢ ᠦᠢᠯᠡᠳᠪᠡᠯ᠂ ᠲᠡᠷᠡ ᠠᠮᠢᠳᠤᠷᠠᠬᠤ ᠤᠤ︖ ᠦᠢᠯᠡᠳᠦᠭᠰᠡᠨ ᠪᠦᠬᠦ ᠵᠥᠪ ᠨᠢ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ᠂ ᠦᠢᠯᠡᠳᠦᠭᠰᠡᠨ ᠭᠡᠮ ᠪᠤᠷᠤᠭᠤ ᠪᠣᠯᠣᠨ ᠨᠢᠭᠦᠯ ᠦᠨ ᠢᠶᠠᠨ ᠤᠯᠠᠮ ᠢᠶᠠᠷ ᠦᠬᠦᠬᠦ ᠪᠣᠯᠣᠨᠠ᠃
25 ᠭᠡᠪᠡᠴᠦ ᠲᠠ ᠨᠠᠷ᠄ 〈ᠡᠵᠡᠨ ᠦ ᠵᠠᠮ ᠭᠣᠣᠯᠴᠢ ᠪᠤᠰᠤ〉 ᠭᠡᠯᠴᠡᠳᠡᠭ᠃ ᠣᠳᠣ ᠰᠣᠨᠣᠰ᠂ ᠢᠰᠷᠧᠯ ᠤᠨ ᠭᠡᠷ ᠡ︕ ᠮᠢᠨᠦ ᠵᠠᠮ ᠭᠣᠣᠯᠴᠢ ᠪᠤᠰᠤ ᠭᠡᠵᠢ ᠤᠤ︖ ᠭᠣᠣᠯᠴᠢ ᠪᠤᠰᠤ ᠨᠢ ᠲᠠ ᠨᠠᠷ ᠤᠨ ᠵᠠᠮ ᠪᠢᠰᠢ ᠤᠤ︖ 26 ᠵᠥᠪᠲᠡᠨ ᠵᠥᠪ ᠡᠴᠡ ᠪᠡᠨ ᠡᠷᠭᠢᠵᠦ᠂ ᠨᠢᠭᠦᠯ ᠦᠢᠯᠡᠳᠪᠡᠯ᠂ ᠡᠭᠦᠨ ᠦ ᠤᠯᠠᠮ ᠢᠶᠠᠷ ᠲᠡᠷᠡ ᠦᠬᠦᠨᠡ᠂ ᠦᠢᠯᠡᠳᠦᠭᠰᠡᠨ ᠨᠢᠭᠦᠯ ᠦᠨ ᠢᠶᠠᠨ ᠤᠯᠠᠮ ᠢᠶᠠᠷ ᠦᠬᠦᠨᠡ᠃ 27 ᠬᠠᠷᠢᠨ ᠪᠤᠷᠤᠭᠤᠲᠠᠨ ᠦᠢᠯᠡᠳᠦᠭᠰᠡᠨ ᠪᠤᠷᠤᠭᠤ ᠠᠴᠠ ᠪᠠᠨ ᠡᠷᠭᠢᠵᠦ᠂ ᠵᠥᠪ ᠰᠢᠳᠤᠷᠭᠤ ᠶᠢ ᠦᠢᠯᠡᠳᠪᠡᠯ᠂ ᠲᠡᠷᠡ ᠠᠮᠢ ᠪᠠᠨ ᠠᠪᠤᠷᠠᠨᠠ᠃ 28 ᠲᠡᠷᠡ ᠲᠤᠩ᠋ᠭᠠᠭᠠᠳ᠂ ᠦᠢᠯᠡᠳᠦᠭᠰᠡᠨ ᠬᠠᠮᠤᠭ ᠭᠡᠮ ᠪᠤᠷᠤᠭᠤ ᠠᠴᠠ ᠪᠠᠨ ᠡᠷᠭᠢᠭᠰᠡᠨ ᠤᠴᠢᠷ ᠦᠬᠦᠬᠦ ᠦᠭᠡᠢ᠂ ᠯᠠᠪᠲᠠᠢ ᠠᠮᠢᠳᠤᠷᠠᠨᠠ᠃ 29 ᠭᠡᠪᠡᠴᠦ ᠢᠰᠷᠧᠯ ᠤᠨ ᠭᠡᠷ᠄ 〈ᠡᠵᠡᠨ ᠦ ᠵᠠᠮ ᠭᠣᠣᠯᠴᠢ ᠪᠤᠰᠤ ᠪᠠᠢᠨᠠ〉 ᠭᠡᠯᠴᠡᠳᠡᠭ᠃ ᠢᠰᠷᠧᠯ ᠤᠨ ᠭᠡᠷ ᠡ᠂ ᠮᠢᠨᠦ ᠵᠠᠮ ᠭᠣᠣᠯᠴᠢ ᠪᠤᠰᠤ ᠭᠡᠵᠢ ᠤᠤ︖ ᠬᠠᠷᠢᠨ ᠭᠣᠣᠯᠴᠢ ᠪᠤᠰᠤ ᠨᠢ ᠲᠠ ᠨᠠᠷ ᠤᠨ ᠵᠠᠮ ᠪᠢᠰᠢ ᠤᠤ︖》
30 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠢᠰᠷᠧᠯ ᠤᠨ ᠭᠡᠷ ᠡ᠂ ᠪᠢ ᠲᠠ ᠨᠠᠷ ᠤᠨ ᠬᠥᠮᠦᠨ ᠪᠦᠷᠢ ᠶᠢ ᠵᠠᠮ ᠤᠨ ᠬᠢᠨᠢ ᠳᠠᠭᠠᠤ ᠰᠢᠭᠦᠨᠡ᠃ ᠲᠠ ᠨᠠᠷ ᠭᠡᠮᠰᠢ︕ ᠬᠠᠮᠤᠭ ᠭᠡᠮ ᠪᠤᠷᠤᠭᠤ ᠠᠴᠠ ᠪᠠᠨ ᠡᠷᠭᠢ᠂ ᠲᠡᠭᠡᠪᠡᠯ ᠨᠢᠭᠦᠯ ᠡᠴᠡ ᠪᠣᠯᠵᠤ ᠰᠦᠢᠷᠡᠬᠦ ᠦᠭᠡᠢ᠃ 31 ᠲᠠ ᠨᠠᠷ ᠬᠠᠮᠤᠭ ᠭᠡᠮ ᠪᠤᠷᠤᠭᠤ ᠪᠠᠨ ᠬᠠᠶᠠᠵᠤ᠂ ᠥᠪᠡᠷ ᠢ ᠪᠠᠨ ᠰᠢᠨᠡ ᠵᠢᠷᠦᠬᠡ᠂ ᠰᠢᠨᠡ ᠰᠦᠨᠡᠰᠦ ᠲᠠᠢ ᠪᠣᠯᠭᠠ᠃ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠡ᠂ ᠶᠠᠭᠠᠬᠢᠭᠠᠳ ᠲᠠ ᠨᠠᠷ ᠦᠬᠦᠬᠦ ᠶᠣᠰᠣᠲᠠᠢ ᠪᠤᠢ︖》 32 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠬᠡᠨ ᠦ ᠴᠤ ᠦᠬᠦᠯ ᠳᠦ ᠪᠠᠶᠠᠷᠯᠠᠳᠠᠭ ᠦᠭᠡᠢ᠂ ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠭᠡᠮᠰᠢᠵᠦ ᠠᠮᠢᠳᠤᠷᠠ᠃》