ᠡᠽᠧᠺᠢᠶᠧᠯ ᠬᠣᠷᠢᠨ ᠳᠥᠷᠪᠡ
ᠵᠢᠪᠡᠷᠡᠭᠰᠡᠨ ᠲᠣᠭᠣᠭᠠ ᠪᠣᠯᠬᠤ ᠶᠧᠷᠦ᠋ᠰᠠᠯᠧᠮ
1 ᠶᠢᠰᠦᠳᠦᠭᠡᠷ ᠣᠨ ᠤ ᠠᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠠᠷᠪᠠᠨ ᠳᠤ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄ 2 《ᠬᠥᠮᠦᠨ ᠦ ᠬᠦᠦ ᠡ᠂ ᠥᠨᠥᠳᠥᠷ ᠢ᠂ ᠶᠠᠭ ᠡᠨᠡ ᠡᠳᠦᠷ ᠢ ᠲᠡᠮᠳᠡᠭᠯᠡ᠃ ᠶᠠᠭ ᠡᠨᠡ ᠡᠳᠦᠷ ᠪᠠᠪᠢᠯᠣᠨ ᠤ ᠬᠠᠭᠠᠨ ᠶᠧᠷᠦ᠋ᠰᠠᠯᠧᠮ ᠢ ᠪᠦᠰᠡᠯᠡᠵᠦ ᠡᠬᠢᠯᠡᠯᠡ᠃ 3 ᠡᠨᠡ ᠲᠡᠷᠰᠯᠡᠭᠦᠦ ᠭᠡᠷ ᠦᠨ ᠬᠢᠨ ᠳᠤ ᠦᠯᠢᠭᠡᠷᠯᠡᠯ ᠢᠶᠡᠷ ᠶᠠᠷᠢ᠄ 〈ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠲᠣᠭᠣᠭᠠ ᠪᠠᠨ ᠲᠠᠯᠪᠢ᠂ ᠲᠣᠭᠣᠭᠠ ᠪᠠᠨ ᠲᠠᠯᠪᠢᠵᠤ ᠳᠣᠲᠣᠷᠠ ᠨᠢ ᠤᠰᠤ ᠬᠢ᠃
4 ᠲᠡᠭᠦᠨ ᠦ ᠳᠣᠲᠣᠷᠠ ᠬᠡᠷᠴᠢᠭᠰᠡᠨ ᠮᠢᠬᠠ ᠬᠠ ᠭᠤᠶᠠ᠂ ᠬᠠᠮᠤᠭ ᠤᠨ ᠰᠠᠢᠨ ᠮᠢᠬᠠ ᠶᠢ ᠬᠢᠵᠦ᠂ ᠬᠠᠮᠤᠭ ᠤᠨ ᠰᠠᠢᠨ ᠶᠠᠰᠤ ᠪᠠᠷ ᠳᠦᠭᠦᠷᠭᠡ᠃
5 ᠰᠦᠷᠦᠭ ᠬᠣᠨᠢ ᠡᠴᠡ ᠰᠢᠯᠢᠳᠡᠭ ᠢ ᠨᠢ ᠠᠪ ᠲᠣᠭᠣᠭᠠᠨ ᠳᠣᠣᠷᠠ ᠲᠦᠯᠡᠭᠡ ᠵᠡᠷᠭᠡᠯᠡ ᠲᠣᠭᠣᠭᠠ ᠲᠠᠢ ᠶᠢ ᠰᠠᠢᠲᠤᠷ ᠪᠤᠴᠠᠯᠭᠠ ᠳᠣᠲᠣᠷᠠ ᠨᠢ ᠶᠠᠰᠤ ᠶᠢ ᠨᠢ ᠴᠢᠨᠠ᠃〉
6 ᠣᠳᠣ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠵᠣᠯ ᠦᠭᠡᠢ ᠡ︕ ᠴᠢᠰᠤᠲᠤ ᠬᠣᠲᠠ᠂ ᠵᠢᠪᠡ ᠨᠢ ᠠᠷᠢᠯᠳᠠᠭ ᠦᠭᠡᠢ ᠵᠢᠪᠡ ᠳᠡᠭᠡᠨ ᠢᠳᠡᠭᠳᠡᠭᠰᠡᠨ ᠲᠣᠭᠣᠭᠠ ᠳᠣᠲᠣᠷᠠ ᠠᠴᠠ ᠨᠢ ᠮᠢᠬᠠ ᠶᠢ ᠬᠡᠰᠡᠭ ᠬᠡᠰᠡᠭ ᠢᠶᠡᠷ ᠨᠢ ᠰᠣᠩ᠋ᠭᠣᠯ ᠦᠭᠡᠢ ᠪᠠᠷ ᠭᠠᠷᠭᠠ᠃
7 ᠨᠥᠭᠥᠭᠡ ᠡᠮᠡᠭᠲᠡᠢ ᠶᠢᠨ ᠤᠷᠤᠰᠬᠠᠭᠰᠠᠨ ᠴᠢᠰᠤ ᠥᠪᠡᠷ ᠦᠨ ᠬᠢᠨᠢ ᠳᠣᠲᠣᠷᠠ ᠪᠠᠢᠨᠠ ᠲᠡᠷᠡ ᠡᠮᠡ ᠴᠢᠰᠤ ᠶᠢ ᠨᠢᠴᠦᠭᠦᠨ ᠬᠠᠳᠠᠨ ᠳᠡᠭᠡᠷᠡ ᠤᠷᠤᠰᠬᠠᠵᠠᠢ ᠬᠥᠷᠥᠰᠥᠨ ᠳᠡᠭᠡᠷᠡ ᠤᠷᠤᠰᠬᠠᠭᠰᠠᠨ ᠪᠢᠰᠢ᠂ ᠰᠢᠷᠣᠢ ᠳᠤ ᠪᠤᠯᠠᠭᠰᠠᠨ ᠪᠢᠰᠢ
8 ᠥᠰᠢᠶᠡ ᠠᠪᠬᠤ ᠬᠢᠯᠢᠩ ᠢ ᠮᠢᠨᠢ ᠪᠠᠳᠠᠷᠠᠭᠠᠨ ᠤᠷᠤᠰᠬᠠᠭᠰᠠᠨ ᠴᠢᠰᠤ ᠶᠢ ᠨᠢ ᠪᠢ ᠨᠢᠴᠦᠭᠦᠨ ᠬᠠᠳᠠᠨ ᠳᠡᠭᠡᠷᠡ ᠳᠠᠯᠳᠠᠯᠠᠯ ᠦᠭᠡᠢ ᠣᠷᠬᠢᠭᠰᠠᠨ᠃〉
9 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠵᠣᠯ ᠦᠭᠡᠢ ᠡ︕ ᠴᠢᠰᠤᠲᠤ ᠬᠣᠲᠠ ᠡ᠂ ᠪᠢ ᠪᠠᠰᠠ ᠲᠦᠯᠡᠭᠡ ᠶᠢ ᠥᠨᠳᠥᠷ ᠣᠪᠣᠭᠠᠯᠠᠨᠠ᠃
10 ᠮᠣᠳᠣ ᠵᠡᠷᠭᠡᠯᠡᠨ᠂ ᠭᠠᠯ ᠨᠣᠴᠣᠭᠠ᠂ ᠮᠢᠬᠠ ᠶᠢ ᠰᠠᠢᠲᠤᠷ ᠴᠢᠨᠠ᠂ ᠠᠮᠲᠠᠯᠠᠭᠴᠢ ᠬᠢ ᠶᠠᠰᠤ ᠶᠢ ᠨᠢ ᠲᠦᠯᠡ᠃
11 ᠬᠣᠭᠣᠰᠣᠨ ᠲᠣᠭᠣᠭᠠ ᠶᠢ ᠨᠡᠭᠦᠷᠡᠰᠦᠨ ᠳᠡᠭᠡᠷᠡ ᠲᠠᠯᠪᠢ ᠲᠣᠭᠣᠭᠠ ᠬᠠᠯᠠᠵᠤ᠂ ᠬᠦᠷᠡᠯ ᠨᠢ ᠤᠯᠠᠢᠬᠤ ᠳᠤ ᠳᠣᠲᠣᠷᠠᠬᠢ ᠭᠬᠢᠷ ᠨᠢ ᠭᠠᠷᠴᠤ᠂ ᠵᠢᠪᠡ ᠨᠢ ᠠᠷᠢᠯᠤᠭ᠃
12 ᠬᠠᠮᠤᠭ ᠴᠢᠷᠮᠠᠢᠯᠲᠠ ᠴᠢᠨᠢ ᠬᠣᠭᠣᠰᠣᠨ ᠪᠣᠯᠪᠠ ᠭᠠᠯ ᠢᠶᠠᠷ ᠴᠤ ᠭᠠᠷᠬᠤ ᠦᠭᠡᠢ ᠦᠯᠡᠮᠵᠢ ᠶᠡᠬᠡ ᠵᠢᠪᠡ ᠪᠠᠢᠨᠠ ᠲᠡᠭᠦᠨ ᠦ ᠵᠢᠪᠡ ᠨᠢ ᠭᠠᠯ ᠳᠣᠲᠣᠷᠠ ᠪᠠᠢᠭ︕
13 ᠪᠤᠵᠠᠷ ᠵᠠᠪᠬᠠᠢᠷᠠᠯ ᠠᠴᠠ ᠴᠢᠨᠢ ᠪᠢ ᠴᠢᠮᠠᠶᠢ ᠴᠡᠪᠡᠷᠰᠢᠭᠦᠯᠬᠦ ᠭᠡᠰᠡᠨ ᠠᠲᠠᠯᠠ ᠴᠢ ᠪᠤᠵᠠᠷ ᠠᠴᠠ ᠪᠠᠨ ᠴᠡᠪᠡᠷᠰᠢᠭᠡ ᠦᠭᠡᠢ ᠡᠢᠮᠦ ᠡᠴᠡ ᠥᠪᠡᠷ ᠦᠨ ᠢᠶᠠᠨ ᠬᠢᠯᠢᠩ ᠢ ᠭᠦᠢᠴᠡᠭᠡᠬᠦ ᠬᠦᠷᠲᠡᠯᠡ ᠮᠢᠨᠢ ᠴᠢ ᠴᠡᠪᠡᠷᠰᠢᠬᠦ ᠦᠭᠡᠢ᠃
14 ᠶᠣᠬᠣᠸᠠ ᠪᠢ ᠶᠠᠷᠢᠯᠠ᠃ ᠴᠠᠭ ᠨᠢ ᠢᠷᠡᠵᠦ ᠪᠤᠢ᠂ ᠪᠢ ᠪᠡᠶᠡᠯᠡᠭᠦᠯᠦᠨᠡ᠃ ᠪᠢ ᠵᠥᠭᠡᠯᠡᠷᠡᠬᠦ ᠦᠭᠡᠢ᠂ ᠥᠷᠥᠰᠢᠶᠡᠬᠦ ᠦᠭᠡᠢ᠂ ᠥᠷᠥᠪᠳᠥᠬᠦ ᠦᠭᠡᠢ᠂ ᠵᠠᠮ ᠮᠥᠷ ᠦᠨ ᠴᠢᠨᠢ ᠳᠠᠭᠠᠤ ᠴᠢᠮᠠᠶᠢ ᠰᠢᠭᠦᠨᠡ᠃〉》 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
ᠡᠽᠧᠺᠢᠶᠧᠯ ᠤᠨ ᠡᠬᠡᠨᠡᠷ ᠨᠠᠰᠤ ᠪᠠᠷᠠᠪᠠ
15 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄
16 《ᠬᠥᠮᠦᠨ ᠦ ᠬᠦᠦ ᠡ᠂ ᠬᠠᠷᠠ᠂ ᠪᠢ ᠴᠢᠨᠦ ᠨᠢᠳᠦ ᠲᠤᠰᠳᠠᠭ ᠬᠥᠮᠦᠨ ᠢ ᠴᠣᠬᠢᠵᠤ ᠴᠢᠮᠠ ᠠᠴᠠ ᠠᠪᠬᠤ ᠭᠡᠵᠦ ᠪᠠᠢᠨᠠ᠃ ᠬᠠᠷᠢᠨ ᠴᠢ ᠪᠦᠦ ᠰᠢᠨᠠᠯ᠂ ᠪᠦᠦ ᠤᠬᠢᠯᠠ᠂ ᠪᠦᠦ ᠨᠢᠯᠪᠤᠰᠤ ᠤᠨᠠᠭᠠ᠃ 17 ᠴᠢᠮᠡᠭᠡ ᠦᠭᠡᠢ ᠭᠠᠰᠢᠭᠤᠳᠠ᠃ ᠦᠬᠦᠭᠰᠡᠳ ᠦᠨ ᠲᠥᠯᠥᠭᠡ ᠪᠦᠦ ᠭᠠᠰᠠᠯᠠ᠃ ᠲᠣᠯᠣᠭᠠᠢ ᠶᠢᠨ ᠣᠷᠢᠶᠠᠯᠲᠠ ᠪᠠᠨ ᠦᠯᠡᠳᠡᠭᠡᠵᠦ᠂ ᠬᠥᠯ ᠳᠡᠭᠡᠨ ᠱᠠᠬᠠᠢ ᠡᠮᠦᠰ᠃ ᠰᠠᠬᠠᠯ ᠢᠶᠠᠨ ᠪᠦᠦ ᠨᠢᠭᠤ᠃ ᠭᠠᠰᠢᠭᠤᠳᠠᠭᠰᠠᠳ ᠤᠨ ᠢᠳᠡᠳᠡᠭ ᠬᠣᠭᠣᠯᠠ ᠶᠢ ᠪᠦᠦ ᠢᠳᠡ》 ᠭᠡᠪᠡ᠃ 18 ᠥᠷᠯᠥᠭᠡ ᠨᠢ ᠪᠢ ᠡᠭᠦᠨ ᠦ ᠲᠤᠬᠠᠢ ᠠᠷᠠᠳ ᠲᠦᠮᠡᠨ ᠳᠦ ᠶᠠᠷᠢᠵᠤ᠂ ᠦᠳᠡᠰᠢ ᠨᠢ ᠮᠢᠨᠦ ᠡᠬᠡᠨᠡᠷ ᠦᠬᠦᠪᠡ᠃ ᠳᠠᠷᠠᠭᠠ ᠥᠷᠯᠥᠭᠡ ᠨᠢ ᠪᠢ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠨᠢ ᠦᠢᠯᠡᠳᠬᠦ ᠳᠦ᠂
19 ᠠᠷᠠᠳ ᠲᠦᠮᠡᠨ ᠨᠠᠳᠠ᠄ 《ᠡᠳᠡᠭᠡᠷ ᠶᠠᠪᠤᠳᠠᠯ ᠴᠢᠨᠢ ᠪᠢᠳᠡᠨ ᠳᠦ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠶᠢ ᠲᠠ ᠬᠡᠯᠡᠵᠦ ᠥᠭᠬᠦ ᠦᠭᠡᠢ ᠤᠤ︖》 ᠭᠡᠪᠡ᠃ 20 ᠪᠢ ᠲᠡᠳᠡᠨ ᠳᠦ᠄ 《ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠭᠰᠡᠨ᠄ 21 〈ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠳᠤ ᠶᠠᠷᠢ᠂ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠂ ᠬᠠᠷᠠ᠂ ᠲᠠ ᠨᠠᠷ ᠤᠨ ᠦᠯᠡᠮᠵᠢ ᠪᠠᠬᠠᠷᠬᠠᠯ᠂ ᠨᠢᠳᠦ ᠲᠤᠰᠳᠠᠭ ᠰᠡᠳᠬᠢᠯ ᠤᠨ ᠴᠢᠨᠢ ᠲᠡᠮᠡᠦᠯᠦᠯ ᠪᠣᠯᠬᠤ ᠠᠷᠢᠭᠤᠨ ᠭᠠᠵᠠᠷ ᠢᠶᠠᠨ ᠪᠢ ᠪᠤᠵᠠᠷᠯᠠᠬᠤ ᠭᠡᠵᠦ ᠪᠠᠢᠨᠠ︕ ᠲᠠ ᠨᠠᠷ ᠤᠨ ᠠᠷᠤ ᠳᠠᠭᠠᠨ ᠣᠷᠬᠢᠭᠰᠠᠨ ᠬᠥᠪᠡᠭᠦᠳ ᠥᠬᠢᠳ ᠢᠯᠳᠦᠨ ᠳᠦ ᠤᠨᠠᠨᠠ᠃ 22 ᠲᠡᠷᠡ ᠦᠶᠡ ᠳᠦ ᠲᠠ ᠨᠠᠷ ᠮᠢᠨᠦ ᠦᠢᠯᠡᠳᠦᠭᠰᠡᠨ ᠰᠢᠭ ᠦᠢᠯᠡᠳᠦᠨ᠂ ᠰᠠᠬᠠᠯ ᠢᠶᠠᠨ ᠨᠢᠭᠤᠬᠤ ᠦᠭᠡᠢ᠂ ᠭᠠᠰᠢᠭᠤᠳᠠᠭᠰᠠᠳ ᠤᠨ ᠢᠳᠡᠳᠡᠭ ᠬᠣᠭᠣᠯᠠ ᠶᠢ ᠢᠳᠡᠬᠦ ᠦᠭᠡᠢ᠃ 23 ᠲᠣᠯᠣᠭᠠᠢ ᠳᠠᠭᠠᠨ ᠣᠷᠢᠶᠠᠯᠲᠠ ᠲᠠᠢ᠂ ᠬᠥᠯ ᠳᠡᠭᠡᠨ ᠱᠠᠬᠠᠢ ᠲᠠᠢ ᠪᠠᠢᠵᠤ᠂ ᠰᠢᠨᠠᠯᠬᠤ ᠦᠭᠡᠢ᠂ ᠤᠬᠢᠯᠠᠬᠤ ᠦᠭᠡᠢ᠃ ᠬᠠᠷᠢᠨ ᠥᠪᠡᠷᠰᠡᠳ ᠦᠨ ᠢᠶᠠᠨ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠳᠣᠷᠣᠢᠲᠠᠨ᠂ ᠪᠡᠶᠡ ᠪᠡᠶᠡ ᠪᠡᠨ ᠬᠠᠷᠠᠨ ᠭᠠᠰᠢᠭᠤᠳᠠᠨᠠ᠃ 24 ᠲᠡᠢᠨ ᠬᠦ ᠡᠽᠧᠺᠢᠶᠧᠯ ᠲᠠ ᠨᠠᠷ ᠤᠨ ᠲᠡᠮᠳᠡᠭ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠦᠢᠯᠡᠳᠦᠭᠰᠡᠨ ᠪᠦᠬᠦᠨ ᠦ ᠳᠠᠭᠠᠤ ᠲᠠ ᠨᠠᠷ ᠴᠤ ᠦᠢᠯᠡᠳᠬᠦ ᠪᠣᠯᠣᠨᠠ᠃ ᠲᠡᠭᠡᠬᠦ ᠳᠦ ᠲᠠ ᠨᠠᠷ ᠨᠠᠮᠠᠶᠢ ᠡᠵᠡᠨ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃〉
25 〈ᠬᠥᠮᠦᠨ ᠦ ᠬᠦᠦ ᠡ᠂ ᠪᠢ ᠲᠡᠳᠡᠨ ᠦ ᠪᠡᠬᠢᠯᠡᠯᠲᠡ᠂ ᠲᠡᠳᠡᠨ ᠦ ᠪᠠᠶᠠᠰᠤᠯ᠂ ᠢᠷᠠᠭᠤ ᠠᠯᠳᠠᠷ᠂ ᠨᠢᠳᠦ ᠲᠤᠰᠳᠠᠭ ᠰᠡᠳᠬᠢᠯ ᠤᠨ ᠬᠢᠨᠢ ᠲᠡᠮᠡᠦᠯᠦᠯ ᠢ ᠬᠥᠪᠡᠭᠦᠳ ᠥᠬᠢᠳ ᠲᠠᠢ ᠨᠢ ᠬᠠᠮᠲᠤ ᠠᠪᠬᠤ ᠲᠡᠷᠡ ᠡᠳᠦᠷ ᠲᠦ᠂ 26 ᠶᠠᠭ ᠲᠡᠷᠡ ᠡᠳᠦᠷ ᠠᠮᠢ ᠮᠤᠯᠲᠤᠷᠠᠭᠰᠠᠨ ᠨᠢᠭᠡᠨ ᠨᠢ ᠴᠢᠮᠠ ᠳᠤ ᠢᠷᠡᠵᠦ᠂ ᠴᠢᠬᠢᠨ ᠳᠤ ᠴᠢᠨᠢ ᠮᠡᠳᠡᠭᠡ ᠬᠦᠷᠭᠡᠨᠡ᠃ 27 ᠶᠠᠭ ᠲᠡᠷᠡ ᠡᠳᠦᠷ ᠠᠮᠢ ᠮᠤᠯᠲᠤᠷᠠᠵᠤ ᠢᠷᠡᠭᠰᠡᠨ ᠲᠡᠷᠡ ᠬᠥᠮᠦᠨ ᠳᠦ ᠠᠮᠠ ᠴᠢᠨᠢ ᠨᠡᠭᠡᠭᠡᠭᠳᠡᠵᠦ᠂ ᠴᠢ ᠶᠠᠷᠢᠬᠤ ᠪᠥᠭᠡᠳ ᠳᠠᠭᠤ ᠦᠭᠡᠢ ᠪᠠᠢᠬᠤ ᠪᠠᠨ ᠪᠣᠯᠢᠨᠠ᠃ ᠲᠡᠢᠨ ᠬᠦ ᠴᠢ ᠲᠡᠳᠡᠨ ᠦ ᠲᠡᠮᠳᠡᠭ ᠪᠣᠯᠵᠤ᠂ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ〉 ᠭᠡᠰᠡᠨ》 ᠭᠡᠪᠡ᠃