ᠡᠽᠧᠺᠢᠶᠧᠯ ᠭᠤᠴᠢᠨ ᠲᠠᠪᠤ
ᠡᠳᠣᠮ ᠤᠨ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄
2 《ᠬᠥᠮᠦᠨ ᠦ ᠬᠦᠦ ᠡ᠂ ᠰᠧᠷ ᠠᠭᠤᠯᠠ ᠤᠷᠤᠭᠤ ᠨᠢᠭᠤᠷ ᠢᠶᠠᠨ ᠬᠠᠨᠳᠤᠭᠤᠯᠤᠨ᠂ ᠲᠡᠭᠦᠨ ᠦ ᠡᠰᠡᠷᠭᠦ ᠡᠰᠢ ᠦᠵᠡᠭᠦᠯᠵᠦ᠂
3 ᠲᠡᠭᠦᠨ ᠳᠦ ᠶᠠᠷᠢ᠂ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ᠂ ᠰᠧᠷ ᠠᠭᠤᠯᠠ ᠡ ᠪᠢ ᠴᠢᠮᠠ ᠤᠷᠤᠭᠤ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠨ᠂ ᠴᠢᠮᠠᠶᠢ ᠡᠵᠡᠭᠦᠢᠷᠡᠭᠦᠯᠵᠦ ᠬᠣᠭᠣᠰᠣᠷᠠᠭᠤᠯᠤᠨᠠ᠃
4 ᠪᠢ ᠬᠣᠲᠠ ᠨᠤᠭᠤᠳ ᠢ ᠴᠢᠨᠢ ᠪᠠᠯᠭᠠᠰᠤ ᠪᠣᠯᠭᠠᠵᠤ᠂ ᠴᠢ ᠡᠵᠡᠭᠦᠢᠷᠡᠬᠦ ᠪᠣᠯᠣᠨᠠ ᠲᠡᠢᠨ ᠬᠦ ᠴᠢ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃〉
5 ᠡᠷᠲᠡᠨ ᠡᠴᠡ ᠴᠢ ᠳᠠᠢᠰᠤᠩᠨᠠᠯ ᠡᠪᠦᠷᠯᠡᠭᠰᠡᠭᠡᠷ ᠢᠰᠷᠧᠯᠴᠦᠳ ᠢ ᠭᠠᠮᠰᠢᠭ ᠤᠨ ᠬᠢᠨᠢ ᠦᠶᠡ ᠳᠦ᠂ ᠰᠢᠳᠬᠡᠯ ᠦᠨ ᠬᠢᠨᠢ ᠴᠠᠭ ᠲᠤ ᠢᠯᠳᠦᠨ ᠦ ᠬᠦᠴᠦᠨ ᠳᠦ ᠲᠤᠰᠢᠶᠠᠭᠰᠠᠨ ᠪᠢᠯᠡ᠃》 6 ᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠪᠢ ᠴᠢᠮᠠᠶᠢ ᠴᠢᠰᠤᠨ ᠳᠤ ᠲᠤᠰᠢᠶᠠᠵᠤ᠂ ᠴᠢᠰᠤ ᠴᠢᠮᠠᠶᠢ ᠳᠠᠭᠠᠨᠠ᠃ ᠴᠢ ᠴᠢᠰᠤ ᠤᠷᠤᠰᠬᠠᠬᠤ ᠶᠢ ᠵᠢᠭᠰᠢᠭᠡ ᠦᠭᠡᠢ ᠤᠴᠢᠷ ᠠᠴᠠ ᠴᠢᠰᠤ ᠤᠷᠤᠰᠬᠠᠯᠲᠠ ᠴᠢᠮᠠᠶᠢ ᠳᠠᠭᠠᠨᠠ᠃ 7 ᠪᠢ ᠰᠧᠷ ᠠᠭᠤᠯᠠ ᠶᠢ ᠡᠵᠡᠭᠦᠢᠷᠡᠭᠦᠯᠦᠨ ᠬᠣᠭᠣᠰᠣᠷᠠᠭᠤᠯᠵᠤ᠂ ᠲᠡᠭᠦᠨ ᠢᠶᠡᠷ ᠢᠷᠡᠵᠦ ᠶᠠᠪᠤᠭᠴᠢ ᠶᠢ ᠲᠡᠨᠳᠡ ᠡᠴᠡ ᠲᠠᠰᠤᠯᠤᠨᠠ᠃ 8 ᠪᠢ ᠠᠭᠤᠯᠠᠰ ᠢ ᠨᠢ ᠠᠯᠠᠭᠳᠠᠭᠰᠠᠳ ᠢᠶᠠᠷ ᠳᠦᠭᠦᠷᠭᠡᠨᠡ᠃ ᠲᠣᠯᠣᠭᠠᠳ᠂ ᠬᠥᠨᠳᠡᠢ᠂ ᠪᠦᠬᠦ ᠭᠣᠷᠣᠬᠠ ᠪᠠᠷ ᠴᠢᠨᠢ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠤᠨᠠᠨᠠ᠃ 9 ᠪᠢ ᠴᠢᠮᠠᠶᠢ ᠡᠭᠦᠷᠢᠳᠡ ᠬᠣᠭᠣᠰᠣᠷᠠᠭᠤᠯᠬᠤ ᠪᠥᠭᠡᠳ ᠬᠣᠲᠠ ᠨᠤᠭᠤᠳ ᠴᠢᠨᠢ ᠳᠠᠬᠢᠨ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠪᠣᠯᠬᠤ ᠦᠭᠡᠢ᠃ ᠲᠡᠭᠡᠬᠦ ᠳᠦ ᠲᠠ ᠨᠠᠷ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃
10 ᠶᠣᠬᠣᠸᠠ ᠲᠡᠨᠳᠡ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠳᠤ᠂ ᠴᠢ᠄ 〈ᠡᠨᠡ ᠬᠣᠶᠠᠷ ᠦᠨᠳᠦᠰᠦᠲᠡᠨ᠂ ᠡᠨᠡ ᠬᠣᠶᠠᠷ ᠨᠤᠲᠤᠭ ᠮᠢᠨᠦᠬᠢ ᠪᠣᠯᠵᠤ᠂ ᠪᠢᠳᠡ ᠲᠡᠳᠡᠨ ᠢ ᠡᠵᠡᠮᠰᠢᠨᠡ〉 ᠭᠡᠵᠦ ᠬᠡᠯᠡᠭᠰᠡᠨ ᠤᠴᠢᠷ ᠠᠴᠠ 11 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠂ ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠲᠡᠳᠡᠨ ᠢ ᠦᠵᠡᠨ ᠶᠠᠳᠠᠭᠰᠠᠨ ᠠᠴᠠ ᠪᠣᠯᠵᠤ ᠭᠠᠷᠭᠠᠭᠰᠠᠨ ᠠᠭᠤᠷ ᠬᠢᠯᠢᠩ᠂ ᠠᠲᠠᠭᠠᠷᠬᠠᠯ ᠤᠨ ᠴᠢᠨᠢ ᠳᠠᠭᠠᠤ ᠪᠢ ᠴᠢᠮᠠ ᠳᠤ ᠦᠢᠯᠡᠳᠦᠨᠡ᠃ ᠴᠢᠮᠠᠶᠢ ᠲᠡᠢᠨ ᠬᠦ ᠰᠢᠳᠬᠡᠬᠦ ᠳᠡᠭᠡᠨ ᠪᠢ ᠲᠡᠳᠡᠨ ᠦ ᠳᠤᠮᠳᠠ ᠥᠪᠡᠷ ᠢ ᠪᠠᠨ ᠮᠡᠳᠡᠭᠦᠯᠬᠦ ᠪᠣᠯᠣᠨᠠ᠃ 12 ᠲᠡᠭᠡᠬᠦ ᠳᠦ ᠴᠢ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃ ᠢᠰᠷᠧᠯ ᠤᠨ ᠠᠭᠤᠯᠠᠰ ᠤᠨ ᠲᠤᠬᠠᠢ᠄ 〈ᠲᠡᠳᠡ ᠡᠵᠡᠭᠦᠢᠷᠡᠭᠰᠡᠨ᠂ ᠪᠢᠳᠡᠨ ᠦ ᠢᠳᠡᠰᠢ ᠪᠣᠯᠣᠨ ᠲᠤᠰᠢᠶᠠᠭᠳᠠᠭᠰᠠᠨ〉 ᠭᠡᠵᠦ ᠳᠣᠷᠣᠮᠵᠢᠯᠠᠭᠰᠠᠨ ᠪᠦᠬᠦ ᠦᠭᠡ ᠶᠢ ᠴᠢᠨᠢ ᠪᠢ ᠰᠣᠨᠣᠰᠣᠯᠠ᠃ 13 ᠮᠢᠨᠦ ᠡᠰᠡᠷᠭᠦ ᠪᠠᠷᠳᠠᠮᠨᠠᠭᠰᠠᠨ ᠶᠠᠷᠢᠶᠠ᠂ ᠮᠢᠨᠦ ᠡᠰᠡᠷᠭᠦ ᠶᠠᠷᠢᠭᠰᠠᠨ ᠣᠯᠠᠨ ᠦᠭᠡ ᠶᠢ ᠴᠢᠨᠢ ᠪᠢ ᠰᠣᠨᠣᠰᠣᠭᠰᠠᠨ᠃》 14 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠦᠬᠦ ᠳᠡᠯᠡᠬᠡᠢ ᠪᠠᠶᠠᠷᠯᠠᠬᠤ ᠳᠤ᠂ ᠪᠢ ᠴᠢᠮᠠᠶᠢ ᠬᠣᠭᠣᠰᠣᠷᠠᠭᠤᠯᠬᠤ ᠪᠣᠯᠣᠨᠠ᠃ 15 ᠢᠰᠷᠧᠯ ᠤᠨ ᠭᠡᠷ ᠦᠨ ᠥᠪ ᠬᠣᠭᠣᠰᠣᠷᠠᠬᠤ ᠳᠤ᠂ ᠴᠢ ᠪᠠᠶᠠᠷᠯᠠᠭᠰᠠᠨ ᠲᠤᠯᠠ ᠪᠢ ᠴᠢᠮᠠ ᠳᠤ ᠲᠡᠭᠦᠨᠴᠢᠯᠡᠨ ᠦᠢᠯᠡᠳᠦᠨᠡ᠃ ᠰᠧᠷ ᠠᠭᠤᠯᠠ ᠡ᠂ ᠴᠢ ᠪᠣᠯᠣᠨ ᠪᠦᠬᠦ ᠡᠳᠣᠮ ᠪᠦᠬᠦᠯᠢ ᠪᠠᠷ ᠢᠶᠠᠨ ᠬᠣᠭᠣᠰᠣᠷᠠᠬᠤ ᠪᠣᠯᠣᠨᠠ᠃ ᠲᠡᠢᠨ ᠬᠦ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃》