ᠡᠽᠧᠺᠢᠶᠧᠯ ᠬᠣᠷᠢ ᠶᠢᠰᠦ
ᠶᠧᠵᠢᠫᠲ ᠤᠨ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠠᠷᠪᠠᠳᠠᠬᠢ ᠣᠨ ᠤ ᠠᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠠᠷᠪᠠᠨ ᠬᠣᠶᠠᠷ ᠤᠨ ᠡᠳᠦᠷ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠵᠦ᠂ ᠠᠢᠯᠠᠳᠪᠠ᠄ 2 《ᠬᠥᠮᠦᠨ ᠦ ᠬᠦᠦ ᠡ᠂ ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠤᠷᠤᠭᠤ ᠨᠢᠭᠤᠷ ᠢᠶᠠᠨ ᠬᠠᠨᠳᠤᠭᠤᠯᠤᠨ᠂ ᠲᠡᠭᠦᠨ ᠦ ᠡᠰᠡᠷᠭᠦ᠂ ᠮᠥᠨ ᠪᠦᠬᠦ ᠶᠧᠵᠢᠫᠲ ᠤᠨ ᠡᠰᠡᠷᠭᠦ ᠡᠰᠢ ᠦᠵᠡᠭᠦᠯᠦᠨ 3 ᠶᠠᠷᠢ᠂ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠡ᠂ ᠬᠠᠷᠠ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ᠃〉 〈ᠮᠢᠨᠦ ᠮᠥᠷᠡᠨ 15 ᠮᠢᠨᠦᠬᠢ᠂ ᠪᠢ ᠥᠪᠡᠷ ᠢᠶᠡᠨ ᠡᠭᠦᠨ ᠢ ᠪᠦᠲᠦᠭᠡᠪᠡ〉 ᠭᠡᠵᠦ ᠮᠥᠷᠡᠨ ᠦ ᠪᠠᠨ ᠳᠤᠮᠳᠠ ᠬᠡᠪᠲᠡᠭᠰᠡᠨ ᠲᠣᠮᠣ ᠮᠠᠲᠠᠷ ᠶᠤᠮ ᠴᠢ︕
4 ᠪᠢ ᠡᠷᠡᠦ ᠳᠦ ᠴᠢᠨᠢ ᠳᠡᠭᠡᠭᠡ ᠵᠣᠭᠣᠨ᠂ ᠮᠥᠷᠡᠨ ᠦ ᠴᠢᠨᠢ ᠵᠢᠭᠠᠰᠤ ᠶᠢ ᠴᠢᠨᠦ ᠬᠠᠢᠷᠰᠤᠨ ᠳᠤ ᠨᠠᠭᠠᠯᠳᠤᠭᠤᠯᠤᠨᠠ ᠪᠢ ᠴᠢᠮᠠᠶᠢ ᠬᠠᠢᠷᠰᠤᠨ ᠳᠤ ᠴᠢᠨᠢ ᠨᠠᠭᠠᠯᠳᠤᠭᠰᠠᠨ ᠬᠠᠮᠤᠭ ᠵᠢᠭᠠᠰᠤ ᠲᠠᠢ ᠬᠠᠮᠲᠤ ᠮᠥᠷᠡᠨ ᠦ ᠴᠢᠨᠢ ᠳᠤᠮᠳᠠ ᠠᠴᠠ ᠭᠠᠷᠭᠠᠵᠤ
5 ᠴᠢᠮᠠᠶᠢ ᠮᠥᠷᠡᠨ ᠦ ᠴᠢᠨᠢ ᠬᠠᠮᠤᠭ ᠵᠢᠭᠠᠰᠤ ᠲᠠᠢ ᠬᠠᠮᠲᠤ ᠴᠥᠯ ᠳᠤ ᠬᠠᠶᠠᠨᠠ ᠴᠢ ᠬᠡᠭᠡᠷᠡ ᠲᠠᠯᠠ ᠳᠤ ᠤᠨᠠᠨ ᠴᠢᠮᠠᠶᠢ ᠬᠡᠨ ᠴᠤ ᠴᠤᠭᠯᠠᠭᠤᠯᠵᠤ ᠪᠤᠯᠠᠰᠢᠯᠠᠬᠤ ᠦᠭᠡᠢ ᠪᠢ ᠴᠢᠮᠠᠶᠢ ᠭᠠᠵᠠᠷ ᠤᠨ ᠠᠷᠢᠶᠠᠲᠠᠨ᠂ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤᠳ ᠤᠨ ᠢᠳᠡᠰᠢ ᠪᠣᠯᠭᠠᠨᠠ᠃
6 ᠲᠡᠢᠨ ᠬᠦ ᠶᠧᠵᠢᠫᠲ ᠤᠨ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ ᠤᠤᠯ ᠨᠢ ᠴᠢ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠳᠤ ᠬᠤᠯᠤᠰᠤᠨ ᠲᠠᠶᠠᠭ ᠮᠡᠲᠦ ᠪᠠᠢᠪᠠ᠂
7 ᠭᠠᠷ ᠢᠶᠠᠷ ᠢᠶᠠᠨ ᠴᠢᠮᠠᠶᠢ ᠪᠠᠷᠢᠬᠤ ᠳᠤ ᠴᠢ ᠬᠤᠭᠤᠷᠠᠵᠤ ᠲᠡᠳᠡᠨ ᠦ ᠮᠥᠷᠥ ᠶᠢ ᠰᠢᠷᠬᠠᠲᠤᠭᠤᠯᠪᠠ ᠴᠢᠮᠠᠶᠢ ᠲᠦᠰᠢᠬᠦ ᠳᠦ ᠴᠢ ᠬᠤᠭᠤᠷᠠᠵᠤ ᠲᠡᠳᠡᠨ ᠦ ᠨᠢᠷᠤᠭᠤ ᠶᠢ ᠭᠡᠮᠲᠦᠭᠡᠪᠡ᠃》
8 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠴᠢᠮᠠ ᠳᠡᠭᠡᠷᠡ ᠢᠯᠳᠦ ᠠᠪᠴᠢᠷᠠᠵᠤ᠂ ᠴᠢᠮᠠ ᠠᠴᠠ ᠬᠥᠮᠦᠨ ᠪᠣᠯᠣᠨ ᠠᠮᠢᠲᠠᠨ ᠢ ᠲᠠᠰᠤᠯᠤᠨᠠ᠃ 9 ᠶᠧᠵᠢᠫᠲ ᠤᠨ ᠨᠤᠲᠤᠭ ᠡᠵᠡᠭᠦᠢ ᠵᠡᠯᠢᠭᠦᠳ ᠪᠣᠯᠬᠤ ᠳᠤ᠂ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃ ᠴᠢ᠄ 〈ᠡᠨᠡ ᠮᠥᠷᠡᠨ ᠮᠢᠨᠦᠬᠢ᠂ ᠪᠢ ᠡᠭᠦᠨ ᠢ ᠪᠦᠲᠦᠭᠡᠪᠡ〉 ᠭᠡᠵᠦ ᠬᠡᠯᠡᠭᠰᠡᠨ ᠤᠴᠢᠷ 10 ᠬᠠᠷᠠᠭᠲᠤᠨ᠂ ᠪᠢ ᠴᠢᠨᠦ ᠡᠰᠡᠷᠭᠦ᠂ ᠮᠥᠨ ᠮᠥᠷᠡᠨ ᠦ ᠴᠢᠨᠢ ᠡᠰᠡᠷᠭᠦ ᠪᠠᠢᠨᠠ᠂ ᠶᠧᠵᠢᠫᠲ ᠤᠨ ᠨᠤᠲᠤᠭ ᠢ ᠮᠢᠭᠳᠣᠯ ᠠᠴᠠ ᠠᠰᠸᠠᠨ ᠬᠦᠷᠲᠡᠯᠡ᠂ ᠴᠢᠨᠠᠭᠰᠢ ᠨᠢ ᠺᠦᠱ ᠤᠨ ᠬᠢᠯᠢ ᠬᠦᠷᠲᠡᠯᠡ ᠪᠦᠷᠢᠮᠦᠰᠦᠨ ᠡᠵᠡᠭᠦᠢ ᠵᠡᠯᠢᠭᠦᠳ ᠪᠣᠯᠭᠠᠨᠠ᠃ 11 ᠬᠥᠮᠦᠨ ᠦ ᠬᠥᠯ ᠲᠡᠷᠡᠭᠦᠷ ᠥᠩᠭᠡᠷᠡᠬᠦ ᠦᠭᠡᠢ᠂ ᠠᠷᠢᠶᠠᠲᠠᠨ ᠤ ᠬᠥᠯ ᠴᠤ ᠲᠡᠷᠡᠭᠦᠷ ᠥᠩᠭᠡᠷᠡᠬᠦ ᠦᠭᠡᠢ᠃ ᠲᠡᠷᠡ ᠭᠠᠵᠠᠷ ᠳᠥᠴᠢᠨ ᠵᠢᠯ ᠤᠨ ᠲᠤᠷᠰᠢ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠪᠠᠢᠬᠤ ᠪᠣᠯᠣᠨᠠ᠃ 12 ᠪᠢ ᠶᠧᠵᠢᠫᠲ ᠢ ᠪᠠᠯᠭᠠᠰᠤ ᠪᠣᠯᠣᠭᠰᠠᠨ ᠣᠷᠣᠨ ᠨᠤᠭᠤᠳ ᠤᠨ ᠳᠤᠮᠳᠠᠬᠢ ᠪᠠᠯᠭᠠᠰᠤ ᠪᠣᠯᠭᠠᠨᠠ᠂ ᠲᠡᠭᠦᠨ ᠦ ᠬᠣᠲᠠ ᠨᠤᠭᠤᠳ ᠬᠣᠭᠣᠰᠣᠷᠠᠭᠰᠠᠨ ᠬᠣᠲᠠ ᠨᠤᠭᠤᠳ ᠤᠨ ᠳᠤᠮᠳᠠ ᠳᠥᠴᠢᠨ ᠵᠢᠯ ᠤᠨ ᠲᠤᠷᠰᠢ ᠪᠠᠯᠭᠠᠰᠤ ᠪᠠᠢᠬᠤ ᠪᠣᠯᠣᠨᠠ᠃ ᠪᠢ ᠶᠧᠵᠢᠫᠲ᠋ᠴᠦᠳ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠷᠬᠠᠭᠠᠵᠤ᠂ ᠭᠦᠷᠦᠨ ᠨᠦᠭᠦᠳ ᠢᠶᠡᠷ ᠪᠤᠲᠠᠷᠠᠭᠠᠨᠠ᠃》
13 ᠭᠡᠪᠡᠴᠦ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠳᠥᠴᠢᠨ ᠵᠢᠯ ᠤᠨ ᠡᠴᠦᠰ ᠲᠦ ᠪᠢ ᠶᠧᠵᠢᠫᠲ᠋ᠴᠦᠳ ᠢ ᠲᠠᠷᠬᠠᠨ ᠣᠴᠢᠭᠰᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠢᠨᠢ ᠳᠤᠮᠳᠠ ᠠᠴᠠ ᠴᠤᠭᠯᠠᠭᠤᠯᠵᠤ᠂ 14 ᠶᠧᠵᠢᠫᠲ ᠤᠨ ᠴᠥᠯᠡᠭᠳᠡᠭᠰᠡᠳ ᠢ ᠡᠷᠭᠢᠭᠦᠯᠵᠦ᠂ ᠤᠤᠭᠠᠯ ᠨᠤᠲᠤᠭ ᠫᠠᠲ᠋ᠷᠣᠰ ᠤᠷᠤᠭᠤ ᠨᠢ ᠪᠤᠴᠠᠭᠠᠨᠠ᠃ ᠲᠡᠳᠡ ᠲᠡᠨᠳᠡ ᠳᠣᠣᠷᠠᠳᠤ ᠬᠠᠭᠠᠨᠴᠢᠯᠠᠯ ᠪᠣᠯᠣᠨᠠ᠂ 15 ᠬᠠᠭᠠᠨᠴᠢᠯᠠᠯ ᠤᠳ ᠤᠨ ᠬᠠᠮᠤᠭ ᠤᠨ ᠳᠣᠣᠷᠠᠳᠤ ᠪᠣᠯᠵᠤ᠂ ᠳᠠᠬᠢᠨ ᠬᠡᠵᠢᠶᠡ ᠴᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠡᠭᠡᠷᠡ ᠮᠠᠨᠳᠤᠬᠤ ᠦᠭᠡᠢ᠂ ᠲᠡᠭᠦᠨ ᠢ ᠪᠢ ᠥᠴᠦᠬᠡᠨ ᠪᠣᠯᠭᠠᠬᠤ ᠤᠴᠢᠷ ᠠᠴᠠ ᠲᠡᠷᠡ ᠳᠠᠬᠢᠨ ᠬᠡᠵᠢᠶᠡ ᠴᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠵᠠᠬᠢᠷᠬᠤ ᠦᠭᠡᠢ᠃ 16 ᠲᠡᠢᠨ ᠬᠦ ᠶᠧᠵᠢᠫᠲ ᠨᠢ ᠢᠰᠷᠧᠯ ᠤᠨ ᠭᠡᠷ ᠦᠨ ᠨᠠᠢᠳᠠᠪᠤᠷᠢ ᠪᠠᠢᠬᠤ ᠪᠠᠨ ᠪᠣᠯᠢᠵᠤ᠂ ᠥᠪᠡᠷ ᠤᠷᠤᠭᠤ ᠨᠢ ᠡᠷᠭᠢᠨ ᠲᠦᠰᠢᠬᠦ ᠨᠢ ᠭᠡᠮ ᠪᠤᠷᠤᠭᠤ ᠭᠡᠳᠡᠭ ᠢ ᠰᠠᠨᠠᠭᠤᠯᠤᠨᠠ᠃ ᠲᠡᠭᠡᠬᠦ ᠳᠦ ᠲᠡᠳᠡ ᠨᠠᠮᠠᠶᠢ ᠡᠵᠡᠨ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃》
17 ᠬᠣᠷᠢᠨ ᠳᠣᠯᠣᠳᠠᠬᠢ ᠵᠢᠯ ᠤᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠨᠢᠭᠡᠨ ᠳᠦ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄ 18 《ᠬᠥᠮᠦᠨ ᠦ ᠬᠦᠦ ᠡ᠂ ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠲᠢᠷ ᠢ ᠴᠣᠬᠢᠬᠤ ᠪᠠᠷ ᠴᠡᠷᠢᠭ ᠢᠶᠠᠨ ᠮᠠᠰᠢ ᠶᠡᠬᠡ ᠵᠦᠳᠡᠷᠡᠭᠡᠭᠰᠡᠨ ᠲᠤᠯᠠ ᠲᠣᠯᠣᠭᠠᠢ ᠨᠤᠭᠤᠳ ᠨᠢ ᠬᠠᠯᠵᠠᠷᠠᠵᠤ᠂ ᠮᠥᠷᠥ ᠨᠦᠭᠦᠳ ᠨᠢ ᠰᠢᠯᠪᠤᠷᠠᠭᠰᠠᠨ ᠪᠢᠯᠡ᠃ ᠭᠡᠪᠡᠴᠦ ᠲᠡᠷᠡ ᠥᠪᠡᠷ ᠢᠶᠡᠨ ᠴᠤ᠂ ᠴᠡᠷᠢᠭ ᠤᠳ ᠨᠢ ᠴᠤ ᠵᠦᠳᠡᠷᠡᠭᠰᠡᠨ ᠦ ᠪᠠᠨ ᠠᠰᠢᠭ ᠢ ᠲᠢᠷ ᠡᠴᠡ ᠣᠯᠣᠭᠠ ᠦᠭᠡᠢ᠃ 19 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠪᠢ ᠶᠧᠵᠢᠫᠲ ᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠲᠤ ᠥᠭᠬᠦ ᠭᠡᠵᠦ ᠪᠠᠢᠨᠠ᠃ ᠲᠡᠷᠡ ᠪᠡᠷ ᠲᠡᠭᠦᠨ ᠦ ᠪᠠᠶᠠᠯᠢᠭ ᠢ ᠪᠤᠯᠢᠶᠠᠨ᠂ ᠳᠡᠭᠡᠷᠡᠮᠳᠡᠨ ᠣᠯᠵᠠᠯᠠᠨᠠ᠃ ᠴᠡᠷᠢᠭ ᠤᠳ ᠤᠨ ᠬᠢᠨᠢ ᠬᠥᠯᠥᠰᠥ ᠡᠨᠡ ᠪᠣᠯᠣᠨᠠ᠃ 20 ᠲᠡᠳᠡ ᠮᠢᠨᠦ ᠲᠥᠯᠥᠭᠡ ᠦᠢᠯᠡᠳᠦᠭᠰᠡᠨ ᠲᠤᠯᠠ ᠪᠢ ᠵᠦᠳᠡᠷᠡᠯ ᠦᠨ ᠬᠢᠨᠢ ᠬᠥᠯᠥᠰᠥ ᠪᠣᠯᠭᠠᠨ ᠶᠧᠵᠢᠫᠲ ᠢ ᠲᠡᠭᠦᠨ ᠳᠦ ᠥᠭᠭᠥᠨᠡ᠃〉 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
21 ᠲᠡᠷᠡ ᠡᠳᠦᠷ ᠪᠢ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠤ ᠡᠪᠡᠷ ᠢ ᠤᠷᠭᠤᠭᠤᠯᠤᠨᠠ᠃ ᠴᠢᠨᠦ ᠠᠮᠠ ᠶᠢ ᠨᠡᠭᠡᠭᠡᠨ᠂ ᠴᠢᠮᠠ ᠪᠠᠷ ᠲᠡᠳᠡᠨ ᠳᠦ ᠶᠠᠷᠢᠭᠤᠯᠤᠨᠠ᠃ ᠲᠡᠢᠨ ᠬᠦ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃》