ᠡᠽᠧᠺᠢᠶᠧᠯ ᠳᠥᠴᠢᠨ ᠨᠢᠭᠡ
1 ᠲᠡᠷᠡ ᠨᠠᠮᠠᠶᠢ ᠠᠷᠢᠭᠤᠨ ᠭᠠᠵᠠᠷ ᠲᠤ ᠠᠪᠠᠴᠢᠪᠠ᠂ ᠲᠡᠷᠡ ᠪᠡᠷ ᠬᠠᠵᠠᠭᠤ ᠶᠢᠨ ᠪᠠᠭᠠᠨᠠ ᠨᠤᠭᠤᠳ ᠢ ᠬᠡᠮᠵᠢᠬᠦ ᠳᠦ᠂ ᠬᠣᠶᠠᠷ ᠲᠠᠯᠠ ᠶᠢᠨ ᠪᠠᠭᠠᠨᠠ ᠶᠢᠨ ᠥᠷᠭᠡᠨ ᠨᠢ ᠪᠦᠷ ᠵᠢᠷᠭᠤᠭᠠᠨ ᠲᠣᠬᠣᠢ ᠪᠠᠢᠪᠠ᠃ 2 ᠣᠷᠣᠬᠤ ᠡᠭᠦᠳᠡᠨ ᠦ ᠥᠷᠭᠡᠨ ᠨᠢ ᠠᠷᠪᠠᠨ ᠲᠣᠬᠣᠢ᠂ ᠬᠠᠵᠠᠭᠤ ᠶᠢᠨ ᠬᠠᠨᠠ ᠶᠢᠨ ᠵᠤᠵᠠᠭᠠᠨ ᠨᠢ ᠲᠤᠰ ᠪᠦᠷᠢ ᠲᠠᠪᠤᠨ ᠲᠣᠬᠣᠢ ᠪᠠᠢᠪᠠ᠃ ᠲᠡᠷᠡ ᠬᠡᠮᠵᠢᠬᠦ ᠳᠦ᠂ ᠠᠷᠢᠭᠤᠨ ᠭᠠᠵᠠᠷ ᠤᠨ ᠤᠷᠲᠤ ᠨᠢ ᠳᠥᠴᠢᠨ ᠲᠣᠬᠣᠢ᠂ ᠥᠷᠭᠡᠨ ᠨᠢ ᠬᠣᠷᠢᠨ ᠲᠣᠬᠣᠢ ᠪᠠᠢᠯᠠ᠃ 3 ᠳᠣᠲᠣᠭᠠᠳᠤ ᠲᠠᠩᠬᠢᠮ ᠳᠤ ᠣᠷᠣᠵᠤ᠂ ᠬᠠᠵᠠᠭᠤ ᠶᠢᠨ ᠪᠠᠭᠠᠨᠠ ᠨᠤᠭᠤᠳ ᠢ ᠬᠡᠮᠵᠢᠬᠦ ᠳᠦ᠂ ᠬᠣᠶᠠᠷ ᠲᠣᠬᠣᠢ ᠪᠠᠢᠵᠤ᠂ ᠡᠭᠦᠳᠡᠨ ᠦ ᠥᠨᠳᠥᠷ ᠨᠢ ᠵᠢᠷᠭᠤᠭᠠᠨ ᠲᠣᠬᠣᠢ᠂ ᠥᠷᠭᠡᠨ ᠨᠢ ᠳᠣᠯᠣᠭᠠᠨ ᠲᠣᠬᠣᠢ ᠪᠠᠢᠪᠠ᠃ 4 ᠲᠡᠷᠡ ᠳᠣᠲᠣᠭᠣᠳᠤ ᠲᠠᠩᠬᠢᠮ ᠢ ᠬᠡᠮᠵᠢᠬᠦ ᠳᠦ᠂ ᠤᠷᠲᠤ ᠨᠢ ᠬᠣᠷᠢᠨ ᠲᠣᠬᠣᠢ᠂ ᠥᠷᠭᠡᠨ ᠨᠢ ᠬᠣᠷᠢᠨ ᠲᠣᠬᠣᠢ ᠪᠠᠢᠪᠠ᠃ ᠲᠡᠷᠡ ᠨᠠᠳᠠ ᠳᠤ᠄ 《ᠡᠨᠡ ᠪᠣᠯ ᠠᠷᠢᠭᠤᠨ ᠠᠴᠠ ᠠᠷᠢᠭᠤᠨ ᠭᠠᠵᠠᠷ》 ᠭᠡᠯᠡ᠃
5 ᠳᠠᠷᠠᠭᠠ ᠨᠢ ᠥᠷᠭᠥᠭᠡᠨ ᠦ ᠬᠠᠨᠠ ᠶᠢ ᠬᠡᠮᠵᠢᠬᠦ ᠳᠦ᠂ ᠵᠤᠵᠠᠭᠠᠨ ᠨᠢ ᠵᠢᠷᠭᠤᠭᠠᠨ ᠲᠣᠬᠣᠢ ᠪᠠᠢᠪᠠ᠃ ᠥᠷᠭᠥᠭᠡᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠥᠷᠥᠭᠡ ᠨᠦᠭᠦᠳ ᠪᠤᠢ᠂ ᠲᠠᠯᠠ ᠪᠦᠷᠢ ᠨᠢ ᠳᠥᠷᠪᠡᠨ ᠲᠣᠬᠣᠢ ᠪᠠᠢᠪᠠ᠃ 6 ᠡᠳᠡᠭᠡᠷ ᠥᠷᠥᠭᠡ ᠨᠢ ᠨᠢᠭᠡ ᠨᠢ ᠨᠥᠭᠥᠭᠡ ᠶᠢᠨ ᠢᠶᠠᠨ ᠳᠡᠭᠡᠷᠡ ᠭᠤᠷᠪᠠᠨ ᠳᠠᠪᠬᠤᠷ᠂ ᠳᠠᠪᠬᠤᠷ ᠪᠦᠷᠢ ᠳᠤ ᠭᠤᠴᠢᠨ ᠥᠷᠥᠭᠡ ᠪᠠᠢᠪᠠ᠃ ᠥᠷᠥᠭᠡ ᠨᠦᠭᠦᠳ ᠢ ᠪᠡᠬᠢ ᠪᠣᠯᠭᠠᠬᠤ ᠪᠠᠷ ᠥᠷᠭᠥᠭᠡᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠳᠠᠬᠢ ᠬᠠᠨᠠ ᠳᠡᠭᠡᠷᠡ ᠲᠠᠪᠴᠠᠩ ᠤᠳ ᠢ ᠪᠠᠷᠢᠭᠰᠠᠨ ᠲᠤᠯᠠ ᠨᠢᠷᠤᠭᠤ ᠶᠢ ᠥᠷᠭᠥᠭᠡᠨ ᠦ ᠬᠠᠨᠠ ᠳᠤ ᠰᠢᠷᠭᠤᠭᠤᠯᠤᠭᠰᠠᠨ ᠦᠭᠡᠢ᠃ 7 ᠡᠳᠡᠭᠡᠷ ᠥᠷᠥᠭᠡ ᠨᠢ ᠳᠠᠪᠬᠤᠷᠭᠠ ᠨᠡᠮᠡᠭᠳᠡᠬᠦ ᠲᠤᠲᠤᠮ ᠥᠷᠭᠡᠨ ᠪᠣᠯᠵᠤ ᠪᠠᠢᠪᠠ᠃ ᠥᠷᠭᠥᠭᠡ ᠶᠢ ᠬᠦᠷᠢᠶᠡᠯᠡᠵᠦ ᠪᠠᠢᠭᠰᠠᠨ ᠪᠠᠷᠢᠯᠭᠠ ᠨᠢ ᠥᠷᠭᠥᠭᠡᠨ ᠦ ᠪᠦᠬᠦ ᠲᠠᠯᠠ ᠳᠤ ᠳᠠᠪᠬᠤᠷᠭᠠ ᠨᠡᠮᠡᠭᠳᠡᠬᠦ ᠲᠤᠲᠤᠮ ᠥᠷᠭᠡᠵᠢᠵᠦ ᠪᠠᠢᠭᠰᠠᠨ ᠤᠴᠢᠷ ᠠᠴᠠ ᠳᠡᠭᠡᠭᠰᠢᠯᠡᠬᠦ ᠲᠤᠲᠤᠮ ᠥᠷᠭᠥᠭᠡᠨ ᠦ ᠥᠷᠭᠡᠨ ᠨᠢ ᠨᠡᠮᠡᠭᠳᠡᠭᠰᠡᠭᠡᠷ ᠪᠠᠢᠪᠠ᠃ ᠲᠡᠢᠮᠦ ᠡᠴᠡ ᠳᠣᠣᠷᠠᠳᠤ ᠳᠠᠪᠬᠤᠷ ᠠᠴᠠ ᠳᠡᠭᠡᠳᠦ ᠳᠠᠪᠬᠤᠷ ᠲᠤ ᠭᠠᠷᠬᠤ ᠳᠤ ᠳᠤᠮᠳᠠᠬᠢ ᠳᠠᠪᠬᠤᠷ ᠢᠶᠠᠷ ᠳᠠᠮᠵᠢᠬᠤ ᠶᠣᠰᠣᠲᠠᠢ ᠪᠠᠢᠪᠠ᠃ 8 ᠥᠷᠭᠥᠭᠡ ᠨᠢ ᠡᠷᠭᠢᠨ ᠲᠣᠭᠣᠷᠢᠨ ᠳᠠᠭᠠᠨ ᠲᠠᠪᠴᠠᠩ ᠲᠠᠢ ᠶᠢ ᠪᠢ ᠬᠠᠷᠠᠯᠠ᠃ ᠨᠥᠭᠥᠭᠡ ᠥᠷᠥᠭᠡ ᠨᠦᠭᠦᠳ ᠦᠨ ᠰᠠᠭᠤᠷᠢ ᠶᠢᠨ ᠥᠨᠳᠥᠷ ᠨᠢ ᠨᠢᠭᠡ ᠰᠠᠪᠠᠭᠠ ᠵᠢᠷᠭᠤᠭᠠᠨ ᠲᠣᠬᠣᠢ ᠪᠠᠢᠪᠠ᠃ 9 ᠥᠷᠥᠭᠡ ᠨᠦᠭᠦᠳ ᠦᠨ ᠭᠠᠳᠠᠨᠠᠬᠢ ᠬᠠᠨᠠ ᠶᠢᠨ ᠵᠤᠵᠠᠭᠠᠨ ᠨᠢ ᠲᠠᠪᠤᠨ ᠲᠣᠬᠣᠢ ᠪᠠᠢᠪᠠ᠃ ᠥᠷᠭᠥᠭᠡᠨ ᠦ ᠥᠷᠥᠭᠡ ᠨᠦᠭᠦᠳ ᠪᠣᠯᠣᠨ 10 ᠭᠠᠳᠠᠨᠠᠬᠢ ᠥᠭᠡᠷᠡ ᠥᠷᠥᠭᠡ ᠨᠦᠭᠦᠳ ᠦᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠨᠢ ᠥᠷᠭᠥᠭᠡᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠤ ᠲᠠᠯᠠ ᠪᠦᠷᠢ ᠳᠤ ᠬᠣᠷᠢᠨ ᠲᠣᠬᠣᠢ ᠪᠠᠢᠪᠠ᠃ 11 ᠥᠷᠥᠭᠡ ᠨᠦᠭᠦᠳ ᠨᠢ ᠬᠣᠭᠣᠰᠣᠨ ᠵᠠᠢ ᠤᠷᠤᠭᠤ ᠬᠠᠷᠠᠭᠰᠠᠨ ᠬᠣᠶᠠᠷ ᠡᠭᠦᠳᠡ ᠲᠠᠢ᠃ ᠨᠢᠭᠡ ᠨᠢ ᠬᠣᠢᠨᠠ ᠵᠦᠭ᠂ ᠨᠥᠭᠥᠭᠡ ᠨᠢ ᠡᠮᠦᠨᠡ ᠵᠦᠭ ᠬᠠᠷᠠᠵᠤ ᠪᠠᠢᠪᠠ᠃ ᠥᠷᠭᠥᠭᠡᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠳᠠᠬᠢ ᠬᠣᠭᠣᠰᠣᠨ ᠵᠠᠢ ᠶᠢᠨ ᠥᠷᠭᠡᠨ ᠨᠢ ᠲᠠᠪᠤᠨ ᠲᠣᠬᠣᠢ ᠪᠠᠢᠪᠠ᠃
12 ᠥᠷᠭᠥᠭᠡ ᠶᠢ ᠲᠤᠰᠠᠭᠠᠷᠯᠠᠬᠤ ᠲᠠᠯᠠᠪᠠᠢ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢᠭᠡ ᠪᠠᠷᠢᠯᠭᠠ ᠪᠤᠢ᠂ ᠥᠷᠭᠡᠨ ᠨᠢ ᠳᠠᠯᠠᠨ ᠲᠣᠬᠣᠢ᠂ ᠤᠷᠲᠤ ᠨᠢ ᠶᠡᠷᠡᠨ ᠲᠣᠬᠣᠢ ᠪᠠᠢᠪᠠ᠂ ᠲᠡᠭᠦᠨ ᠢ ᠬᠦᠷᠢᠶᠡᠯᠡᠭᠰᠡᠨ ᠬᠠᠨᠠ ᠶᠢᠨ ᠵᠤᠵᠠᠭᠠᠨ ᠨᠢ ᠲᠠᠪᠤᠨ ᠲᠣᠬᠣᠢ ᠪᠠᠢᠪᠠ᠃
13 ᠲᠡᠷᠡ ᠪᠡᠷ ᠥᠷᠭᠥᠭᠡ ᠶᠢ ᠬᠡᠮᠵᠢᠬᠦ ᠳᠦ᠂ ᠤᠷᠲᠤ ᠨᠢ ᠵᠠᠭᠤᠨ ᠲᠣᠬᠣᠢ᠂ ᠲᠤᠰᠠᠭᠠᠷᠯᠠᠬᠤ ᠲᠠᠯᠠᠪᠠᠢ ᠪᠣᠯᠣᠨ ᠪᠠᠷᠢᠯᠭᠠ ᠶᠢ ᠬᠠᠨᠠ ᠨᠤᠭᠤᠳ ᠲᠠᠢ ᠨᠢ ᠬᠡᠮᠵᠢᠬᠦ ᠳᠦ ᠵᠠᠭᠤᠨ ᠲᠣᠬᠣᠢ ᠪᠠᠢᠪᠠ᠃ 14 ᠥᠷᠭᠥᠭᠡᠨ ᠦ ᠤᠷᠳᠤ ᠲᠠᠯᠠ ᠬᠢᠭᠡᠳ ᠬᠣᠶᠠᠷ ᠲᠠᠯᠠ ᠶᠢᠨ ᠲᠤᠰᠠᠭᠠᠷᠯᠠᠬᠤ ᠲᠠᠯᠠᠪᠠᠢ ᠶᠢᠨ ᠥᠷᠭᠡᠨ ᠨᠢ ᠨᠡᠢᠲᠡ ᠵᠠᠭᠤᠨ ᠲᠣᠬᠣᠢ ᠪᠠᠢᠪᠠ᠃
15 ᠲᠡᠷᠡ ᠪᠡᠷ ᠠᠷᠤ ᠲᠠᠯᠠ ᠶᠢᠨ ᠲᠤᠰᠠᠭᠠᠷᠯᠠᠬᠤ ᠲᠠᠯᠠᠪᠠᠢ ᠶᠢᠨ ᠪᠠᠷᠢᠯᠭᠠ ᠶᠢᠨ ᠤᠷᠲᠤ ᠶᠢ ᠬᠣᠶᠠᠷ ᠲᠠᠯᠠ ᠳᠤᠨᠢ ᠪᠤᠢ ᠬᠠᠨᠠ ᠨᠤᠭᠤᠳ ᠲᠠᠢ ᠬᠠᠮᠲᠤ ᠬᠡᠮᠵᠢᠬᠦ ᠳᠦ᠂ ᠪᠠᠰᠠ ᠵᠠᠭᠤᠨ ᠲᠣᠬᠣᠢ ᠪᠠᠢᠪᠠ᠃ ᠳᠣᠲᠣᠭᠠᠳᠤ ᠲᠠᠩᠬᠢᠮ᠂ ᠭᠠᠳᠠᠭᠠᠳᠤ ᠲᠠᠩᠬᠢᠮ᠂ ᠬᠦᠷᠢᠶᠡ ᠤᠷᠤᠭᠤ ᠬᠠᠷᠠᠭᠰᠠᠨ ᠬᠣᠩᠭᠢᠯ᠂ 16 ᠮᠥᠨ ᠪᠣᠱᠣᠭᠠ ᠨᠤᠭᠤᠳ᠂ ᠵᠢᠵᠢᠭ ᠴᠣᠩ᠋ᠬᠣ ᠨᠤᠭᠤᠳ᠂ ᠭᠤᠷᠪᠠᠨ ᠳᠠᠪᠬᠤᠷ ᠤᠨ ᠬᠣᠩᠭᠢᠯ ᠬᠢᠭᠡᠳ ᠱᠠᠯᠠ ᠠᠴᠠ ᠴᠣᠩ᠋ᠬᠣ ᠬᠦᠷᠲᠡᠯᠡᠬᠢ ᠬᠡᠰᠡᠭ ᠨᠢ ᠲᠠᠯᠠ ᠪᠦᠷᠢ ᠳᠤ ᠮᠣᠳᠣ ᠪᠠᠷ ᠪᠦᠷᠢᠭᠳᠡᠵᠦ᠂ ᠴᠣᠩ᠋ᠬᠣ ᠨᠤᠭᠤᠳ ᠨᠢ ᠰᠡᠷᠡᠯᠵᠢ ᠲᠠᠢ᠃ 17 ᠣᠷᠣᠬᠤ ᠡᠭᠦᠳᠡᠨ ᠦ ᠳᠡᠭᠡᠭᠦᠷ᠂ ᠳᠣᠲᠣᠭᠠᠳᠤ ᠲᠠᠩᠬᠢᠮ ᠪᠣᠯᠣᠨ ᠲᠡᠭᠦᠨ ᠦ ᠭᠠᠳᠠᠨᠠ ᠲᠠᠯᠠ ᠶᠢ ᠮᠣᠳᠣ ᠪᠠᠷ ᠪᠦᠷᠢᠭᠰᠡᠨ ᠪᠠᠢᠪᠠ᠃ ᠬᠦᠷᠢᠶᠡᠯᠡᠭᠰᠡᠨ ᠪᠦᠬᠦ ᠬᠠᠨᠠ ᠳᠣᠲᠣᠷᠠ ᠭᠠᠳᠠᠨᠠ ᠪᠠᠨ ᠬᠡ ᠲᠠᠢ᠂ 18 ᠺᠧᠷᠣᠪ ᠤᠳ ᠪᠣᠯᠣᠨ ᠳᠠᠯᠳᠠᠤ ᠮᠣᠳᠣᠨ ᠤ ᠰᠡᠢᠯᠪᠦᠷᠢ ᠲᠠᠢ᠃ ᠳᠠᠯᠳᠠᠤ ᠮᠣᠳᠣ ᠨᠢ ᠬᠣᠶᠠᠷ ᠺᠧᠷᠣᠪ ᠤᠨ ᠬᠣᠭᠣᠷᠣᠨᠳᠣ ᠪᠠᠢᠯᠠ᠂ ᠺᠧᠷᠣᠪ ᠪᠦᠷᠢ ᠨᠢ ᠬᠣᠶᠠᠷ ᠨᠢᠭᠤᠷ ᠲᠠᠢ᠂ 19 ᠳᠠᠯᠳᠠᠤ ᠮᠣᠳᠣ ᠤᠷᠤᠭᠤ ᠨᠢᠭᠡ ᠲᠠᠯᠠ ᠠᠴᠠ ᠨᠢ ᠬᠥᠮᠦᠨ ᠦ ᠨᠢᠭᠤᠷ᠂ ᠨᠥᠭᠥᠭᠡ ᠲᠠᠯᠠ ᠠᠴᠠ ᠨᠢ ᠠᠷᠰᠯᠠᠨ ᠤ ᠨᠢᠭᠤᠷ ᠬᠠᠷᠠᠵᠤ ᠪᠠᠢᠪᠠ᠃ ᠡᠢᠮᠦ ᠰᠡᠢᠯᠪᠦᠷᠢ ᠥᠷᠭᠥᠭᠡᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠬᠠᠮᠢᠭᠠ ᠰᠠᠢ ᠦᠭᠡᠢ ᠪᠠᠢᠪᠠ᠃ 20 ᠱᠠᠯᠠ ᠠᠴᠠ ᠡᠭᠦᠳᠡᠨ ᠦ ᠳᠡᠭᠡᠷᠡ ᠬᠦᠷᠲᠡᠯᠡ᠂ ᠮᠥᠨ ᠭᠠᠳᠠᠭᠠᠳᠤ ᠲᠠᠩᠬᠢᠮ ᠤᠨ ᠬᠠᠨᠠ ᠳᠤ ᠺᠧᠷᠣᠪ ᠤᠳ ᠪᠣᠯᠣᠨ ᠳᠠᠯᠳᠠᠤ ᠮᠣᠳᠣᠨ ᠰᠡᠢᠯᠪᠦᠷᠢ ᠪᠤᠢ᠃
21 ᠭᠠᠳᠠᠭᠠᠳᠤ ᠲᠠᠩᠬᠢᠮ ᠤᠨ ᠪᠠᠭᠠᠨᠠ ᠨᠤᠭᠤᠳ ᠨᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ᠃ ᠠᠷᠢᠭᠤᠨ ᠭᠠᠵᠠᠷ ᠤᠨ ᠡᠮᠦᠨᠡ ᠲᠠᠯᠠ ᠳᠤᠨᠢ 22 ᠮᠣᠳᠣ ᠪᠠᠷ ᠬᠢᠭᠰᠡᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠮᠡᠲᠦ ᠬᠠᠷᠠᠭᠳᠠᠳᠠᠭ ᠭᠤᠷᠪᠠᠨ ᠲᠣᠬᠣᠢ ᠥᠨᠳᠥᠷ᠂ ᠬᠣᠶᠠᠷ ᠲᠣᠬᠣᠢ ᠤᠷᠲᠤ᠂ ᠬᠣᠶᠠᠷ ᠲᠣᠬᠣᠢ ᠥᠷᠭᠡᠨ ᠶᠠᠭᠤᠮᠠ ᠪᠠᠢᠪᠠ᠃ ᠲᠡᠭᠦᠨ ᠦ ᠪᠤᠯᠤᠩ᠂ ᠰᠠᠭᠤᠷᠢ ᠪᠠ ᠬᠠᠵᠠᠭᠤ ᠲᠠᠯᠠ ᠪᠦᠷ ᠮᠣᠳᠣ ᠠᠵᠢ᠃ ᠲᠡᠷᠡ ᠪᠡᠷ ᠨᠠᠳᠠ ᠳᠤ᠄ 《ᠡᠨᠡ ᠪᠣᠯ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠪᠤᠢ ᠰᠢᠷᠡᠭᠡ ᠶᠤᠮ》 ᠭᠡᠯᠡ᠃ 23 ᠳᠣᠲᠣᠭᠣᠳᠤ ᠲᠠᠩᠬᠢᠮ ᠪᠣᠯᠣᠨ ᠠᠷᠢᠭᠤᠨ ᠭᠠᠵᠠᠷ ᠲᠤᠰ ᠪᠦᠷᠢ ᠳᠠᠪᠬᠤᠷ ᠡᠭᠦᠳᠡ ᠲᠠᠢ᠃ 24 ᠡᠭᠦᠳᠡ ᠪᠦᠷᠢ ᠨᠢ ᠬᠣᠶᠠᠷ ᠡᠪᠬᠡᠮᠡᠯ ᠬᠠᠪᠲᠠᠰᠤ ᠲᠠᠢ᠂ ᠬᠠᠪᠲᠠᠰᠤ ᠪᠦᠷᠢ ᠬᠣᠶᠠᠷ ᠨᠤᠭᠤᠰᠤ ᠲᠠᠢ ᠪᠥᠭᠡᠳ 25 ᠭᠠᠳᠠᠭᠠᠳᠤ ᠲᠠᠩᠬᠢᠮ ᠤᠨ ᠡᠭᠦᠳᠡᠨ ᠳᠡᠭᠡᠷᠡ ᠬᠠᠨᠠᠨ ᠳᠡᠭᠡᠷᠡ ᠰᠡᠢᠯᠦᠭᠰᠡᠨ ᠲᠡᠢ ᠠᠳᠠᠯᠢ ᠺᠧᠷᠣᠪ ᠤᠳ ᠪᠣᠯᠣᠨ ᠳᠠᠯᠳᠠᠤ ᠮᠣᠳᠣ ᠰᠡᠢᠯᠦᠭᠳᠡᠭᠰᠡᠨ ᠪᠠᠢᠪᠠ᠃ ᠬᠣᠩᠭᠢᠯ ᠤᠨ ᠳᠡᠭᠡᠭᠦᠷ ᠨᠢ ᠮᠣᠳᠣᠨ ᠰᠡᠭᠦᠳᠡᠷᠡᠪᠴᠢ ᠪᠤᠢ᠃ 26 ᠬᠣᠩᠭᠢᠯ ᠤᠨ ᠬᠣᠶᠠᠷ ᠲᠠᠯᠠ ᠶᠢᠨ ᠬᠠᠨᠠ᠂ ᠥᠷᠭᠥᠭᠡᠨ ᠦ ᠵᠢᠵᠢᠭ ᠥᠷᠥᠭᠡ ᠨᠦᠭᠦᠳ ᠪᠣᠯᠣᠨ ᠰᠡᠭᠦᠳᠡᠷᠡᠪᠴᠢ ᠳᠡᠭᠡᠷᠡ ᠵᠢᠵᠢᠭ ᠴᠣᠩ᠋ᠬᠣ ᠨᠤᠭᠤᠳ ᠬᠢᠭᠡᠳ ᠳᠠᠯᠳᠠᠤ ᠮᠣᠳᠣᠨ ᠤ ᠰᠡᠢᠯᠪᠦᠷᠢ ᠨᠦᠭᠦᠳ ᠪᠠᠢᠯᠠ᠃