ᠡᠽᠧᠺᠢᠶᠧᠯ ᠭᠤᠴᠢᠨ ᠬᠣᠶᠠᠷ
ᠹᠠᠷᠠᠣ᠋ ᠶᠢᠨ ᠲᠤᠬᠠᠢ ᠭᠠᠰᠢᠭᠤᠳᠠᠯ
1 ᠠᠷᠪᠠᠨ ᠬᠣᠶᠠᠳᠤᠭᠠᠷ ᠣᠨ ᠤ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ ᠨᠢᠭᠡᠨ ᠳᠦ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄
2 《ᠬᠥᠮᠦᠨ ᠦ ᠬᠦᠦ ᠡ᠂ ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠶᠢᠨ ᠲᠥᠯᠥᠭᠡ ᠭᠠᠰᠢᠭᠤᠳᠠᠯ ᠤᠨ ᠳᠠᠭᠤᠤ ᠵᠣᠬᠢᠶᠠᠨ᠂ ᠲᠡᠭᠦᠨ ᠳᠦ ᠶᠠᠷᠢ᠄ 〈ᠴᠢ ᠥᠪᠡᠷ ᠢ ᠪᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠᠬᠢ ᠠᠷᠰᠯᠠᠨ ᠲᠠᠢ ᠠᠳᠠᠯᠢᠳᠬᠠᠳᠠᠭ ᠪᠣᠯᠪᠠᠴᠤ ᠴᠢ ᠳᠠᠯᠠᠢ ᠶᠢᠨ ᠮᠠᠲᠠᠷ ᠲᠠᠢ ᠠᠳᠠᠯᠢ ᠶᠤᠮ ᠮᠥᠷᠡᠨ ᠡᠴᠡ ᠪᠡᠨ ᠦᠰᠦᠷᠦᠨ ᠭᠠᠷᠬᠤ ᠳᠠᠭᠠᠨ᠂ ᠬᠥᠯ ᠢᠶᠡᠷ ᠢᠶᠠᠨ ᠤᠰᠤ ᠶᠢ ᠪᠤᠯᠠᠩ᠋ᠭᠢᠷᠲᠤᠭᠤᠯᠵᠤ ᠮᠥᠷᠡᠨ ᠢ ᠪᠣᠬᠢᠷᠲᠣᠭᠤᠯᠤᠭᠰᠠᠨ᠃〉》
3 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠬᠠᠮᠲᠤ ᠴᠢᠨᠦ ᠳᠡᠭᠡᠷᠡ ᠲᠣᠣᠷ ᠬᠠᠶᠠᠵᠤ ᠲᠡᠳᠡ ᠴᠢᠮᠠᠶᠢ ᠲᠣᠣᠷ ᠢᠶᠠᠷ ᠮᠢᠨᠢ ᠳᠡᠭᠡᠭᠰᠢ ᠲᠠᠲᠠᠪᠠᠯ
4 ᠪᠢ ᠴᠢᠮᠠᠶᠢ ᠭᠠᠵᠠᠷ ᠲᠤ ᠬᠠᠶᠠᠨᠠ᠂ ᠪᠢ ᠴᠢᠮᠠᠶᠢ ᠬᠡᠭᠡᠷᠡ ᠲᠠᠯᠠ ᠤᠷᠤᠭᠤ ᠴᠢᠯᠠᠭᠤᠳᠠᠵᠤ ᠲᠩᠷᠢ ᠶᠢᠨ ᠪᠦᠬᠦ ᠰᠢᠪᠠᠭᠤ ᠶᠢ ᠴᠢᠮᠠ ᠳᠡᠭᠡᠷᠡ ᠰᠠᠭᠤᠯᠭᠠᠨ ᠭᠠᠵᠠᠷ ᠤᠨ ᠪᠦᠬᠦ ᠠᠷᠢᠶᠠᠲᠠᠨ ᠢ ᠴᠢᠮᠠ ᠪᠠᠷ ᠴᠠᠳᠬᠠᠨᠠ᠃
5 ᠮᠢᠬᠠ ᠶᠢ ᠴᠢᠨᠢ ᠪᠢ ᠠᠭᠤᠯᠠᠰ ᠤᠨ ᠳᠡᠭᠡᠷᠡ ᠲᠠᠷᠬᠠᠭᠠᠨ ᠬᠠᠶᠠᠵᠤ ᠬᠡᠭᠦᠷ ᠢᠶᠡᠷ ᠴᠢᠨᠢ ᠬᠥᠨᠳᠡᠢ ᠶᠢ ᠳᠦᠭᠦᠷᠭᠡᠨ
6 ᠤᠷᠤᠰᠬᠤ ᠴᠢᠰᠤ ᠪᠠᠷ ᠴᠢᠨᠢ ᠭᠠᠵᠠᠷ ᠢ ᠤᠮᠳᠠᠯᠠᠵᠤ ᠠᠭᠤᠯᠠᠰ ᠢ ᠨᠣᠷᠭᠠᠨ ᠭᠣᠷᠣᠬᠠ ᠶᠢ ᠳᠦᠭᠦᠷᠭᠡᠨᠡ᠃
7 ᠪᠢ ᠴᠢᠮᠠᠶᠢ ᠮᠥᠬᠥᠭᠡᠬᠦ ᠳᠡᠭᠡᠨ ᠲᠩᠷᠢ ᠶᠢ ᠬᠠᠯᠬᠠᠯᠠᠵᠤ᠂ ᠣᠳᠣᠳ ᠢ ᠨᠢ ᠬᠠᠷᠠᠩ᠋ᠭᠤᠢᠯᠠᠭᠤᠯᠤᠨᠠ ᠪᠢ ᠨᠠᠷᠠ ᠶᠢ ᠡᠭᠦᠯᠡ ᠪᠡᠷ ᠳᠠᠯᠳᠠᠯᠠᠨ᠂ ᠰᠠᠷᠠ ᠴᠤ ᠭᠡᠷᠡᠯᠲᠦᠬᠦ ᠦᠭᠡᠢ᠃
8 ᠴᠢᠨᠦ ᠳᠡᠭᠡᠷᠡ ᠭᠡᠷᠡᠯᠲᠦᠳᠡᠭ ᠣᠭᠲᠠᠷᠭᠤᠢ ᠶᠢᠨ ᠬᠠᠮᠤᠭ ᠭᠡᠷᠡᠯ ᠢ ᠪᠢ ᠪᠦᠳᠡᠭᠢᠷᠡᠭᠦᠯᠵᠦ ᠨᠤᠲᠤᠭ ᠣᠷᠣᠨ ᠳᠤ ᠴᠢᠨᠢ ᠬᠠᠷᠠᠩ᠋ᠭᠤᠢ ᠶᠢ ᠲᠣᠭᠲᠠᠭᠠᠨᠠ᠃》 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠃
9 《ᠤᠰᠠᠳᠤᠯ ᠤᠨ ᠴᠢᠨᠢ ᠴᠢᠮᠡᠭᠡ ᠶᠢ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ᠂ ᠴᠢᠨᠦ ᠦᠯᠦ ᠮᠡᠳᠡᠬᠦ ᠨᠤᠲᠤᠭ ᠲᠤ ᠴᠤ ᠬᠦᠷᠭᠡᠬᠦ ᠳᠡᠭᠡᠨ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠰᠠᠨᠠᠭᠠ ᠶᠢ ᠵᠣᠪᠠᠭᠠᠵᠤ᠂ 10 ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠴᠢᠨᠦ ᠤᠯᠠᠮ ᠢᠶᠠᠷ ᠪᠠᠯᠠᠮᠠᠭᠳᠠᠭᠤᠯᠤᠨᠠ᠃ ᠪᠢ ᠲᠡᠳᠡᠨ ᠦ ᠡᠮᠦᠨᠡ ᠢᠯᠳᠦ ᠪᠡᠨ ᠳᠠᠯᠠᠢᠬᠤ ᠳᠤ᠂ ᠴᠢᠮᠠᠳᠤ ᠶᠠᠭᠤ ᠪᠣᠯᠣᠭᠰᠠᠨ ᠢ ᠦᠵᠡᠭᠡᠳ ᠬᠠᠭᠠᠳ ᠨᠢ ᠴᠡᠴᠡᠷᠡᠨ ᠴᠡᠴᠡᠷᠡᠨᠡ᠃ ᠴᠢᠨᠦ ᠤᠨᠠᠬᠤ ᠡᠳᠦᠷ ᠲᠦ᠂ ᠲᠡᠳᠡᠨ ᠦ ᠬᠥᠮᠦᠨ ᠪᠣᠯᠭᠠᠨ ᠮᠥᠴᠡ ᠪᠦᠷᠢ ᠳᠤ ᠠᠮᠢ ᠪᠠᠨ ᠠᠯᠳᠠᠬᠤ ᠠᠴᠠ ᠠᠶᠤᠨᠠ᠃》
11 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠠᠪᠢᠯᠣᠨ ᠤ ᠬᠠᠭᠠᠨ ᠤ ᠢᠯᠳᠦ ᠴᠢᠮᠠ ᠳᠡᠭᠡᠷᠡ ᠢᠷᠡᠨᠡ᠃
12 ᠪᠦᠬᠦ ᠦᠨᠳᠦᠰᠦᠲᠡᠨ ᠦ ᠳᠣᠲᠣᠷᠠᠬᠢ ᠬᠠᠮᠤᠭ ᠤᠨ ᠬᠠᠷᠭᠢᠰ ᠬᠦᠴᠦᠲᠦ ᠳᠠᠢᠴᠢᠳ ᠤᠨ ᠢᠯᠳᠦ ᠪᠡᠷ ᠪᠢ ᠣᠯᠠᠨ ᠲᠦᠮᠡᠨ ᠢ ᠴᠢᠨᠢ ᠤᠨᠠᠭᠠᠨᠠ᠃ ᠶᠧᠵᠢᠫᠲ ᠤᠨ ᠪᠠᠬᠠᠷᠬᠠᠯ ᠢ ᠲᠡᠳᠡ ᠰᠦᠢᠷᠡᠭᠦᠯᠵᠦ ᠶᠧᠵᠢᠫᠲ ᠤᠨ ᠣᠯᠠᠨ ᠲᠦᠮᠡᠨ ᠢ ᠲᠡᠳᠡ ᠤᠰᠠᠳᠬᠠᠨᠠ᠃
13 ᠬᠠᠮᠤᠭ ᠮᠠᠯ ᠰᠦᠷᠦᠭ ᠢ ᠨᠢ ᠪᠢ ᠶᠡᠬᠡ ᠤᠰᠤᠨ ᠤ ᠳᠡᠷᠭᠡᠳᠡ ᠡᠴᠡ ᠤᠰᠠᠳᠬᠠᠬᠤ ᠲᠤᠯᠠ ᠬᠥᠮᠦᠨ ᠦ ᠬᠥᠯ ᠤᠰᠤ ᠶᠢ ᠳᠠᠬᠢᠨ ᠪᠤᠯᠠᠩ᠋ᠭᠢᠷᠲᠤᠭᠤᠯᠬᠤ ᠦᠭᠡᠢ᠂ ᠮᠠᠯ ᠤᠨ ᠲᠤᠭᠤᠷᠠᠢ ᠴᠤ ᠤᠰᠤ ᠶᠢ ᠳᠠᠬᠢᠨ ᠪᠤᠯᠠᠩ᠋ᠭᠢᠷᠲᠤᠭᠤᠯᠬᠤ ᠦᠭᠡᠢ᠃
14 ᠡᠢᠨ ᠬᠦ ᠪᠢ ᠤᠰᠤ ᠶᠢ ᠨᠢ ᠲᠤᠩ᠋ᠭᠠᠵᠤ ᠤᠷᠤᠰᠬᠠᠯ ᠤᠳ ᠢ ᠨᠢ ᠲᠣᠰᠣ ᠮᠡᠲᠦ ᠤᠷᠤᠰᠬᠠᠨᠠ᠃》 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
15 《ᠪᠢ ᠶᠧᠵᠢᠫᠲ ᠤᠨ ᠨᠤᠲᠤᠭ ᠢ ᠡᠵᠡᠭᠦᠢᠷᠡᠭᠦᠯᠦᠨ ᠲᠡᠷᠡ ᠭᠠᠵᠠᠷ ᠠᠴᠠ ᠪᠢᠯᠬᠠᠭᠰᠠᠨ ᠪᠦᠬᠦᠨ ᠢ ᠨᠢ ᠬᠣᠭᠣᠰᠣᠷᠠᠭᠤᠯᠤᠨ ᠲᠡᠨᠳᠡ ᠠᠮᠢᠳᠤᠷᠠᠳᠠᠭ ᠪᠦᠬᠦᠨ ᠢ ᠴᠣᠬᠢᠬᠤ ᠳᠤ᠂ ᠲᠡᠳᠡ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃
16 ᠭᠠᠰᠢᠭᠤᠳᠠᠬᠤ ᠭᠠᠰᠢᠭᠤᠳᠠᠯ ᠨᠢ ᠡᠨᠡ᠃ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠥᠬᠢᠳ ᠡᠭᠦᠨ ᠢ ᠳᠠᠭᠤᠯᠠᠨ᠂ ᠶᠧᠵᠢᠫᠲ ᠪᠣᠯᠣᠨ ᠣᠯᠠᠨ ᠲᠦᠮᠡᠨ ᠦ ᠬᠢᠨᠢ ᠲᠥᠯᠥᠭᠡ ᠭᠠᠰᠢᠭᠤᠳᠠᠨᠠ᠃》 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
17 ᠠᠷᠪᠠᠨ ᠬᠣᠶᠠᠳᠤᠭᠠᠷ ᠣᠨ ᠤ ᠲᠡᠷᠡ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ᠳᠤ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄ 18 《ᠬᠥᠮᠦᠨ ᠦ ᠬᠦᠦ ᠡ᠂ ᠶᠧᠵᠢᠫᠲ ᠤᠨ ᠣᠯᠠᠨ ᠲᠦᠮᠡᠨ ᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠨ᠂ ᠲᠡᠭᠦᠨ ᠢ ᠪᠣᠯᠣᠨ ᠬᠦᠴᠦᠷᠬᠡᠭ ᠭᠦᠷᠦᠨ ᠨᠦᠭᠦᠳ ᠦᠨ ᠥᠬᠢᠳ ᠢ ᠨᠦᠬᠡᠨ ᠳᠦ ᠤᠨᠠᠭᠰᠠᠳ ᠲᠠᠢ ᠬᠠᠮᠲᠤ ᠳᠣᠣᠷᠠᠳᠤ ᠶᠢᠷᠲᠢᠨᠴᠦ ᠳᠦ ᠬᠠᠶᠠ᠂ 19 ᠲᠡᠭᠦᠨ ᠳᠦ᠄ 〈ᠴᠢ ᠪᠤᠰᠤᠳ ᠠᠴᠠ ᠢᠯᠡᠭᠦᠦ ᠦᠵᠡᠰᠬᠦᠯᠡᠩ ᠭᠡᠵᠢ ᠤᠤ︖ ᠳᠣᠭᠣᠭᠰᠢ ᠶᠠᠪᠤᠵᠤ᠂ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠥᠮᠦᠰ ᠲᠡᠢ ᠬᠠᠮᠲᠤ ᠬᠡᠪᠲᠡ〉 ᠭᠡᠵᠦ ᠶᠠᠷᠢ᠃ 20 ᠲᠡᠳᠡ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠤᠨ ᠳᠤᠮᠳᠠ ᠤᠨᠠᠬᠤ ᠪᠣᠯᠣᠨᠠ᠃ ᠶᠧᠵᠢᠫᠲ ᠢᠯᠳᠦᠨ ᠳᠦ ᠲᠤᠰᠢᠶᠠᠭᠳᠠᠭᠰᠠᠨ᠂ ᠲᠡᠭᠦᠨ ᠢ ᠣᠯᠠᠨ ᠲᠦᠮᠡᠨ ᠲᠡᠢ ᠨᠢ ᠬᠠᠮᠲᠤ ᠴᠢᠷᠴᠦ ᠠᠪᠠᠴᠢ᠃ 21 ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠳᠣᠲᠣᠷᠠᠬᠢ ᠬᠦᠴᠦᠲᠡᠳ ᠦᠨ ᠤᠳᠤᠷᠢᠳᠤᠭᠴᠢᠳ ᠪᠡᠷ ᠶᠧᠵᠢᠫᠲ ᠪᠠ ᠬᠣᠯᠪᠣᠭᠠᠲᠠᠳ ᠤᠨ ᠬᠢᠨᠢ ᠲᠤᠬᠠᠢ᠄ 〈ᠨᠥᠭᠥᠭᠡ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠥᠮᠦᠰ ᠢᠯᠳᠦᠨ ᠳᠦ ᠠᠯᠠᠭᠳᠠᠨ ᠪᠠᠭᠤᠵᠤ ᠢᠷᠡᠭᠡᠳ ᠬᠡᠪᠲᠡᠯᠡ〉 ᠭᠡᠬᠦ ᠪᠣᠯᠣᠨᠠ᠃
22 ᠠᠰᠢᠷᠢᠶᠠ ᠪᠣᠯᠣᠨ ᠪᠦᠬᠦ ᠴᠡᠷᠢᠭ ᠨᠢ ᠲᠡᠨᠳᠡ ᠪᠠᠢᠨᠠ᠃ ᠲᠡᠭᠦᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠢᠯᠳᠦᠨ ᠳᠦ ᠠᠯᠠᠭᠳᠠᠵᠤ ᠤᠨᠠᠭᠰᠠᠨ ᠪᠦᠭᠦᠳᠡ ᠶᠢᠨ ᠪᠤᠯᠠᠰᠢ ᠪᠠᠢᠨᠠ᠃ 23 ᠲᠡᠳᠡᠨ ᠦ ᠪᠤᠯᠠᠰᠢ ᠨᠤᠭᠤᠳ ᠨᠦᠬᠡᠨ ᠦ ᠮᠤᠬᠤᠷ ᠲᠤ ᠪᠤᠢ᠂ ᠲᠡᠢᠨ ᠬᠦ ᠴᠡᠷᠢᠭ ᠤᠳ ᠨᠢ ᠲᠡᠭᠦᠨ ᠦ ᠪᠤᠯᠠᠰᠢᠨ ᠤ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠪᠠᠢᠨᠠ᠂ ᠠᠮᠢᠳᠤᠷᠠᠭᠰᠠᠳ ᠤᠨ ᠣᠷᠣᠨ ᠳᠤ ᠠᠢᠳᠠᠰ ᠲᠥᠷᠥᠭᠦᠯᠵᠦ ᠪᠠᠢᠭᠰᠠᠨ ᠲᠡᠳᠡ ᠪᠦᠭᠦᠳᠡ ᠢᠯᠳᠦᠨ ᠳᠦ ᠠᠯᠠᠭᠳᠠᠵᠤ ᠤᠨᠠᠭᠰᠠᠨ ᠪᠠᠢᠨᠠ᠃
24 ᠡᠯᠠᠮ ᠲᠡᠨᠳᠡ ᠪᠠᠢᠭᠠ ᠪᠥᠭᠡᠳ ᠬᠠᠮᠤᠭ ᠣᠯᠠᠨ ᠲᠦᠮᠡᠨ ᠨᠢ ᠲᠡᠭᠦᠨ ᠦ ᠪᠤᠯᠠᠰᠢᠨ ᠤ ᠲᠣᠭᠣᠷᠢᠨ ᠳᠤ ᠪᠠᠢᠨᠠ᠃ ᠲᠡᠳᠡ ᠪᠦᠭᠦᠳᠡ ᠢᠯᠳᠦᠨ ᠳᠦ ᠠᠯᠠᠭᠳᠠᠵᠤ ᠤᠨᠠᠭᠰᠠᠳ ᠪᠢᠯᠡ᠂ ᠠᠮᠢᠳᠤᠷᠠᠭᠰᠠᠳ ᠤᠨ ᠣᠷᠣᠨ ᠳᠤ ᠠᠢᠳᠠᠰ ᠲᠥᠷᠥᠭᠦᠯᠵᠦ ᠪᠠᠢᠭᠰᠠᠨ ᠲᠡᠳᠡ ᠪᠦᠭᠦᠳᠡᠭᠡᠷ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠡᠪ ᠢᠶᠡᠷ ᠢᠶᠠᠨ ᠳᠣᠣᠷᠠᠳᠤ ᠶᠢᠷᠲᠢᠨᠴᠦ ᠳᠦ ᠣᠷᠣᠵᠤ᠂ ᠨᠦᠬᠡᠨ ᠳᠦ ᠤᠨᠠᠭᠰᠠᠳ ᠲᠠᠢ ᠬᠠᠮᠲᠤ ᠢᠴᠢᠭᠦᠷᠢ ᠪᠠᠨ ᠡᠭᠦᠷᠦᠭᠰᠡᠨ᠃ 25 ᠲᠡᠭᠦᠨ ᠦ ᠣᠷᠣ ᠠᠯᠠᠭᠳᠠᠭᠰᠠᠳ ᠤᠨ ᠳᠤᠮᠳᠠ ᠵᠠᠰᠠᠭᠳᠠᠭᠰᠠᠨ ᠪᠠᠢᠨᠠ᠃ ᠲᠡᠭᠦᠨ ᠦ ᠪᠤᠯᠠᠰᠢ ᠶᠢᠨ ᠲᠣᠭᠣᠷᠢᠨ ᠳᠤ ᠣᠯᠠᠨ ᠲᠦᠮᠡᠨ ᠨᠢ ᠪᠠᠢᠨᠠ᠃ ᠲᠡᠳᠡ ᠪᠦᠭᠦᠳᠡ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠡᠪ ᠢᠶᠡᠷ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠨ᠃ ᠲᠡᠳᠡ ᠠᠮᠢᠳᠤᠷᠠᠭᠰᠠᠳ ᠤᠨ ᠣᠷᠣᠨ ᠳᠤ ᠠᠢᠳᠠᠰ ᠲᠥᠷᠥᠭᠦᠯᠵᠦ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠨᠦᠬᠡᠨ ᠳᠦ ᠤᠨᠠᠭᠰᠠᠳ ᠲᠠᠢ ᠬᠠᠮᠲᠤ ᠢᠴᠢᠭᠦᠷᠢ ᠪᠠᠨ ᠡᠭᠦᠷᠦᠭᠰᠡᠨ᠂ ᠲᠡᠳᠡ ᠠᠯᠠᠭᠳᠠᠭᠰᠠᠳ ᠤᠨ ᠳᠤᠮᠳᠠ ᠲᠠᠯᠪᠢᠭᠳᠠᠪᠠ᠃
26 ᠮᠧᠱᠧᠺ᠂ ᠲᠦᠪᠠᠯ ᠪᠠ ᠲᠡᠳᠡᠨ ᠦ ᠪᠦᠬᠦ ᠣᠯᠠᠨ ᠲᠦᠮᠡᠨ ᠲᠡᠨᠳᠡ ᠪᠠᠢᠭᠠ ᠪᠥᠭᠡᠳ ᠪᠤᠯᠠᠰᠢ ᠨᠤᠭᠤᠳ ᠨᠢ ᠲᠡᠳᠡᠨ ᠢ ᠬᠦᠷᠢᠶᠡᠯᠡᠵᠦ ᠪᠠᠢᠨᠠ᠃ ᠲᠡᠳᠡ ᠪᠦᠭᠦᠳᠡ ᠠᠮᠢᠳᠤᠷᠠᠭᠰᠠᠳ ᠤᠨ ᠣᠷᠣᠨ ᠳᠤ ᠠᠢᠳᠠᠰ ᠲᠥᠷᠥᠭᠦᠯᠵᠦ ᠪᠠᠢᠭᠰᠠᠨ ᠴᠤ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠡᠪ ᠢᠶᠡᠷ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠨ᠃ 27 ᠭᠡᠬᠦ ᠳᠡᠭᠡᠨ ᠳᠡᠭᠡᠷᠡ ᠦᠶᠡ ᠳᠦ ᠳᠠᠢᠨ ᠤ ᠵᠡᠪᠰᠡᠭ ᠲᠡᠢ ᠪᠡᠨ ᠦᠬᠦᠭᠰᠡᠳ ᠦᠨ ᠣᠷᠣᠨ ᠳᠤ ᠣᠷᠣᠵᠤ᠂ ᠲᠣᠯᠣᠭᠠᠢ ᠳᠣᠣᠷᠠ ᠪᠠᠨ ᠢᠯᠳᠦ ᠪᠡᠨ ᠳᠡᠷᠡᠯᠡᠭᠰᠡᠨ᠂ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠤᠨᠠᠭᠰᠠᠨ ᠳᠠᠢᠴᠢᠳ ᠤᠨ ᠳᠡᠷᠭᠡᠳᠡ ᠲᠡᠳᠡ ᠬᠡᠪᠲᠡᠭᠰᠡᠨ ᠪᠢᠰᠢ ᠶᠤᠮ᠃ ᠡᠳᠡᠭᠡᠷ ᠳᠠᠢᠴᠢᠨ ᠠᠮᠢᠳᠤᠷᠠᠭᠰᠠᠳ ᠤᠨ ᠣᠷᠣᠨ ᠳᠤ ᠠᠢᠳᠠᠰ ᠢ ᠥᠭᠴᠦ ᠪᠠᠢᠭᠰᠠᠨ ᠲᠤᠯᠠ ᠨᠢᠭᠦᠯ ᠤᠳ ᠤᠨ ᠢᠶᠠᠨ ᠰᠢᠳᠬᠡᠯ ᠢ ᠶᠠᠰᠤᠨ ᠳᠡᠭᠡᠷᠡ ᠪᠡᠨ ᠠᠪᠴᠢᠷᠠᠭᠰᠠᠨ᠃ 28 ᠹᠠᠷᠠᠣ᠋ ᠴᠢ ᠴᠤ ᠰᠦᠢᠷᠡᠵᠦ᠂ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠡᠪ ᠢᠶᠡᠷ ᠢᠶᠠᠨ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠲᠠᠢ ᠬᠠᠮᠲᠤ ᠬᠡᠪᠲᠡᠬᠦ ᠪᠣᠯᠣᠨᠠ᠃
29 ᠲᠡᠨᠳᠡ ᠡᠳᠣᠮ ᠪᠠ ᠲᠡᠭᠦᠨ ᠦ ᠪᠦᠬᠦ ᠬᠠᠭᠠᠨ ᠨᠣᠶᠠᠨ ᠪᠠᠢᠨᠠ᠃ ᠲᠡᠳᠡ ᠬᠦᠴᠦᠷᠬᠡᠭ ᠪᠠᠢᠭᠰᠠᠨ ᠴᠤ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠲᠠᠢ ᠬᠠᠮᠲᠤ ᠲᠠᠯᠪᠢᠭᠳᠠᠭᠰᠠᠨ ᠪᠥᠭᠡᠳ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠡᠪ ᠢᠶᠡᠷ ᠢᠶᠠᠨ ᠨᠦᠬᠡᠨ ᠳᠦ ᠤᠨᠠᠭᠰᠠᠳ ᠲᠠᠢ ᠬᠠᠮᠲᠤ ᠬᠡᠪᠲᠡᠨᠡ᠃
30 ᠤᠮᠠᠷᠠᠲᠤ ᠶᠢᠨ ᠪᠦᠬᠦ ᠨᠣᠶᠠᠨ ᠪᠠ ᠰᠢᠢᠳᠣᠨᠴᠤᠳ ᠴᠤ ᠲᠡᠨᠳᠡ ᠪᠠᠢᠨᠠ᠂ ᠲᠡᠳᠡ ᠬᠦᠴᠦ ᠪᠡᠷ ᠢᠶᠠᠨ ᠬᠥᠮᠦᠰ ᠢ ᠠᠶᠤᠯᠭᠠᠳᠠᠭ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠠᠯᠠᠭᠳᠠᠭᠰᠠᠳ ᠲᠠᠢ ᠬᠠᠮᠲᠤ ᠢᠴᠢᠭᠦᠷᠢ ᠲᠠᠢ ᠪᠠᠷ ᠳᠣᠷᠣᠭᠰᠢ ᠪᠠᠨ ᠤᠨᠠᠵᠤ᠂ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠲᠠᠢ ᠬᠠᠮᠲᠤ᠂ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠡᠪ ᠢᠶᠡᠷ ᠢᠶᠠᠨ ᠨᠦᠬᠡᠨ ᠳᠦ ᠤᠨᠠᠭᠰᠠᠨ ᠪᠤᠰᠤᠳ ᠲᠠᠢ ᠬᠠᠮᠲᠤ ᠢᠴᠢᠭᠦᠷᠢ ᠪᠠᠨ ᠡᠭᠦᠷᠦᠨ ᠬᠡᠪᠲᠡᠭᠰᠡᠨ ᠪᠠᠢᠨᠠ᠃
31 ᠬᠠᠮᠤᠭ ᠣᠯᠠᠨ ᠲᠦᠮᠡᠨ ᠢᠶᠡᠨ ᠢᠯᠳᠦᠨ ᠳᠦ ᠠᠯᠠᠭᠤᠯᠤᠭᠰᠠᠨ ᠹᠠᠷᠠᠣ᠋ ᠪᠦᠬᠦ ᠴᠡᠷᠢᠭ ᠲᠠᠢ ᠪᠠᠨ ᠲᠡᠨᠳᠡᠬᠢ ᠶᠢᠨ ᠬᠢᠨ ᠢ ᠬᠠᠷᠠᠪᠠᠯ ᠲᠠᠢᠳᠬᠤᠷᠠᠨᠠ᠃》 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 32 《ᠪᠢ ᠠᠮᠢᠳᠤᠷᠠᠭᠰᠠᠳ ᠤᠨ ᠣᠷᠣᠨ ᠳᠤ ᠹᠠᠷᠠᠣ᠋ ᠪᠠᠷ ᠳᠠᠮᠵᠢᠭᠤᠯᠤᠨ ᠠᠢᠳᠠᠰ ᠥᠭᠴᠦ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠪᠣᠯᠣᠨ ᠲᠡᠭᠦᠨ ᠦ ᠬᠠᠮᠤᠭ ᠣᠯᠠᠨ ᠲᠦᠮᠡᠨ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠥᠮᠦᠰ ᠦᠨ ᠳᠤᠮᠳᠠ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠲᠠᠢ ᠬᠠᠮᠲᠤ ᠬᠡᠪᠲᠡᠬᠦ ᠪᠣᠯᠣᠨᠠ᠃》 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃