ᠡᠬᠢᠯᠡᠯ ᠭᠤᠷᠪᠠ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠳᠣᠷᠣᠢᠲᠠᠯ
1 ᠶᠣᠬᠣᠸᠠ ᠪᠤᠷᠬᠠᠨ ᠤ ᠵᠣᠬᠢᠶᠠᠭᠰᠠᠨ ᠬᠡᠭᠡᠷᠡ ᠶᠢᠨ ᠠᠮᠢᠲᠠᠨ ᠤ ᠳᠣᠲᠣᠷᠠ ᠠᠴᠠ ᠬᠠᠮᠤᠭ ᠤᠨ ᠢᠯᠡᠭᠦᠦ ᠵᠠᠯᠢ ᠲᠠᠢ ᠨᠢ ᠮᠣᠭᠠᠢ ᠪᠠᠢᠵᠠᠢ᠃ ᠲᠡᠷᠡ ᠪᠡᠷ ᠡᠮᠡᠭᠲᠡᠢ ᠳᠦ᠄ 《〈ᠴᠡᠴᠡᠷᠯᠢᠭ ᠤᠨ ᠪᠦᠬᠦ ᠮᠣᠳᠣᠨ ᠠᠴᠠ ᠪᠦᠦ ᠢᠳᠡ〉 ᠭᠡᠵᠦ ᠪᠤᠷᠬᠠᠨ ᠲᠠ ᠨᠠᠷ ᠲᠤ ᠦᠨᠡᠬᠡᠷ ᠬᠡᠯᠡᠭᠰᠡᠨ ᠤᠤ︖》 ᠭᠡᠰᠡᠨ ᠳᠦ᠂ 2 ᠡᠮᠡᠭᠲᠡᠢ ᠨᠢ ᠮᠣᠭᠠᠢ ᠳᠤ᠄ 《ᠪᠢᠳᠡ ᠴᠡᠴᠡᠷᠯᠢᠭ ᠤᠨ ᠮᠣᠳᠣᠨ ᠤ ᠵᠢᠮᠢᠰ ᠡᠴᠡ ᠢᠳᠡᠵᠦ ᠪᠣᠯᠣᠨᠠ ᠯᠠ ᠳᠠ᠃ 3 ᠭᠡᠪᠡᠴᠦ ᠴᠡᠴᠡᠷᠯᠢᠭ ᠤᠨ ᠭᠣᠣᠯ ᠳᠤ ᠪᠠᠢᠭᠠ ᠮᠣᠳᠣᠨ ᠤ ᠵᠢᠮᠢᠰ ᠤᠨ ᠲᠤᠬᠠᠢ ᠳᠤ ᠪᠤᠷᠬᠠᠨ᠄ 〈ᠲᠡᠭᠦᠨ ᠡᠴᠡ ᠪᠦᠦ ᠢᠳᠡ᠂ ᠲᠡᠭᠦᠨ ᠳᠦ ᠪᠦᠦ ᠬᠦᠷ᠂ ᠡᠰᠡ ᠲᠡᠭᠡᠪᠡᠯ ᠲᠠ ᠨᠠᠷ ᠦᠬᠦᠨᠡ〉 ᠭᠡᠵᠦ ᠠᠢᠯᠠᠳᠤᠭᠰᠠᠨ》 ᠭᠡᠪᠡ᠃ 4 ᠮᠣᠭᠠᠢ ᠡᠮᠡᠭᠲᠡᠢ ᠳᠦ᠄ 《ᠲᠠ ᠨᠠᠷ ᠶᠡᠷᠦ ᠡᠴᠡ ᠦᠬᠦᠬᠦ ᠦᠭᠡᠢ᠃ 5 ᠲᠠ ᠨᠠᠷ ᠲᠡᠭᠦᠨ ᠡᠴᠡ ᠢᠳᠡᠭᠰᠡᠨ ᠲᠡᠷᠡ ᠡᠳᠦᠷ ᠲᠡᠭᠡᠨ ᠯᠠ ᠨᠢᠳᠦ ᠴᠢᠨᠢ ᠨᠡᠭᠡᠭᠡᠭᠳᠡᠨ ᠪᠤᠷᠬᠠᠨ ᠰᠢᠭ᠋ ᠪᠣᠯᠵᠤ᠂ ᠰᠠᠢᠨ ᠮᠠᠭᠤ ᠶᠢ ᠮᠡᠳᠡᠬᠦ ᠪᠣᠯᠣᠨᠠ᠂ ᠡᠭᠦᠨ ᠢ ᠪᠤᠷᠬᠠᠨ ᠰᠠᠢᠨ ᠮᠡᠳᠡᠨᠡ ᠳᠠ》 ᠭᠡᠵᠡᠢ᠃ 6 ᠡᠮᠡᠭᠲᠡᠢ ᠬᠠᠷᠠᠬᠤ ᠳᠤ᠂ ᠲᠡᠷᠡ ᠮᠣᠳᠣ ᠨᠢ ᠬᠦᠨᠡᠰᠦ ᠪᠣᠯᠬᠤ ᠳᠤ ᠰᠠᠢᠨ᠂ ᠨᠢᠳᠦ ᠪᠤᠯᠢᠶᠠᠮᠠ᠂ ᠤᠬᠠᠭᠠᠨ ᠲᠠᠢ ᠪᠣᠯᠭᠠᠮᠠᠷ ᠬᠦᠰᠡᠭᠦᠰᠢᠲᠡᠢ ᠪᠠᠢᠵᠠᠢ᠃ ᠡᠮᠡᠭᠲᠡᠢ ᠵᠢᠮᠢᠰ ᠡᠴᠡ ᠨᠢ ᠠᠪᠴᠤ ᠢᠳᠡᠭᠰᠡᠨ ᠪᠥᠭᠡᠳ ᠬᠠᠮᠲᠤ ᠪᠠᠢᠭᠰᠠᠨ ᠨᠥᠬᠥᠷ ᠲᠡᠭᠡᠨ ᠴᠤ ᠥᠭᠭᠥᠭᠰᠡᠨ ᠳᠦ᠂ ᠲᠡᠷᠡ ᠪᠠᠰᠠ ᠢᠳᠡᠵᠡᠢ᠃ 7 ᠲᠡᠭᠡᠲᠡᠯᠡ ᠲᠡᠷᠡ ᠬᠣᠶᠠᠷ ᠤᠨ ᠨᠢᠳᠦ ᠨᠡᠭᠡᠭᠡᠭᠳᠡᠵᠦ ᠨᠢᠴᠦᠭᠦᠨ ᠪᠠᠢᠭᠠ ᠪᠠᠨ ᠣᠯᠵᠤ ᠮᠡᠳᠡᠪᠡ᠃ ᠲᠡᠳᠡ ᠢᠨᠵᠢᠷ ᠮᠣᠳᠣᠨ ᠤ ᠨᠠᠪᠴᠢᠰ ᠢ ᠬᠣᠭᠣᠷᠣᠨᠳᠣ ᠨᠢ ᠬᠣᠯᠪᠣᠵᠤ ᠥᠪᠡᠷᠰᠡᠳ ᠲᠡᠭᠡᠨ ᠬᠣᠷᠮᠣᠢᠪᠴᠢ ᠬᠢᠵᠡᠢ᠃
8 ᠡᠳᠦᠷ ᠦᠨ ᠰᠡᠷᠢᠭᠦᠨ ᠦ ᠦᠶᠡ ᠳᠦ᠂ ᠶᠣᠬᠣᠸᠠ ᠪᠤᠷᠬᠠᠨ ᠤ ᠴᠡᠴᠡᠷᠯᠢᠭ ᠳᠤᠮᠳᠠᠭᠤᠷ ᠠᠯᠬᠤᠵᠤ ᠶᠠᠪᠤᠭᠠ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠭᠠᠳ᠂ ᠠᠳᠠᠮ ᠡᠬᠡᠨᠡᠷ ᠲᠡᠢ ᠪᠡᠨ ᠬᠣᠶᠠᠭᠤᠯᠠ ᠶᠣᠬᠣᠸᠠ ᠪᠤᠷᠬᠠᠨ ᠤ ᠣᠷᠣᠰᠢᠬᠤᠢ ᠠᠴᠠ ᠵᠠᠢᠯᠠᠨ ᠴᠡᠴᠡᠷᠯᠢᠭ ᠤᠨ ᠮᠣᠳᠣᠳ ᠤᠨ ᠳᠤᠮᠳᠠ ᠨᠢᠭᠤᠭᠳᠠᠵᠠᠢ᠃ 9 ᠶᠣᠬᠣᠸᠠ ᠪᠤᠷᠬᠠᠨ ᠠᠳᠠᠮ ᠢ ᠳᠠᠭᠤᠳᠠᠵᠤ᠄ 《ᠴᠢ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖》 ᠭᠡᠰᠡᠨ ᠳᠦ᠂ 10 ᠲᠡᠷᠡ᠄ 《ᠪᠢ ᠴᠡᠴᠡᠷᠯᠢᠭ ᠲᠤ ᠲᠠᠨ ᠤ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠭᠰᠠᠨ᠃ ᠪᠢ ᠨᠢᠴᠦᠭᠦᠨ ᠪᠣᠯᠬᠣᠷ ᠠᠶᠤᠵᠤ᠂ ᠨᠢᠭᠤᠭᠳᠠᠭᠰᠠᠨ ᠶᠤᠮ》 ᠭᠡᠪᠡ᠃ 11 ᠪᠤᠷᠬᠠᠨ᠄ 《ᠴᠢᠮᠠᠶᠢ ᠨᠢᠴᠦᠭᠦᠨ ᠭᠡᠵᠦ ᠬᠡᠨ ᠴᠢᠮᠠ ᠳᠤ ᠬᠡᠯᠡᠭᠰᠡᠨ ᠪᠤᠢ︖ ᠪᠦᠦ ᠢᠳᠡ ᠭᠡᠵᠦ ᠮᠢᠨᠦ ᠴᠢᠮᠠ ᠳᠤ ᠲᠤᠰᠢᠶᠠᠭᠰᠠᠨ ᠲᠡᠷᠡ ᠮᠣᠳᠣᠨ ᠤ ᠵᠢᠮᠢᠰ ᠡᠴᠡ ᠴᠢ ᠢᠳᠡᠭᠰᠡᠨ ᠤᠤ︖》 ᠭᠡᠬᠦ ᠳᠦ᠂ 12 ᠬᠥᠮᠦᠨ᠄ 《ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠯᠭᠠᠬᠤ ᠪᠠᠷ ᠲᠠᠨ ᠤ ᠥᠭᠭᠥᠭᠰᠡᠨ ᠡᠮᠡᠭᠲᠡᠢ ᠨᠠᠳᠠ ᠳᠤ ᠨᠥᠭᠥᠭᠡ ᠮᠣᠳᠣᠨ ᠤ ᠵᠢᠮᠢᠰ ᠡᠴᠡ ᠥᠭᠭᠥᠭᠰᠡᠨ᠂ ᠲᠡᠭᠡᠭᠡᠳ ᠯᠠ ᠪᠢ ᠢᠳᠡᠭᠰᠡᠨ》 ᠭᠡᠯᠡ᠃ 13 ᠶᠣᠬᠣᠸᠠ ᠪᠤᠷᠬᠠᠨ ᠲᠡᠷᠡ ᠡᠮᠡᠭᠲᠡᠢ ᠳᠦ᠄ 《ᠴᠢ ᠶᠠᠭᠤ ᠬᠢᠴᠢᠬᠡ ᠨᠢ ᠡᠨᠡ ᠪᠤᠢ︖》 ᠭᠡᠰᠡᠨ ᠳᠦ᠂ ᠲᠡᠷᠡ ᠡᠮᠡᠭᠲᠡᠢ᠄ 《ᠨᠥᠭᠥᠭᠡ ᠮᠣᠭᠠᠢ ᠨᠠᠮᠠᠶᠢ ᠮᠡᠬᠡᠯᠡᠭᠰᠡᠨ ᠡᠴᠡ ᠪᠢ ᠢᠳᠡᠭᠰᠡᠨ》 ᠭᠡᠪᠡ᠃ 14 ᠶᠣᠬᠣᠸᠠ ᠪᠤᠷᠬᠠᠨ ᠲᠡᠷᠡ ᠮᠣᠭᠠᠢ ᠳᠤ᠄ 《ᠡᠢᠮᠦ ᠶᠠᠭᠤᠮᠠ ᠬᠢᠭᠰᠡᠨ ᠲᠤᠯᠠ ᠴᠢ ᠡᠨᠡ ᠪᠦᠬᠦ ᠮᠠᠯ ᠠᠳᠤᠭᠤᠰᠤ᠂ ᠬᠡᠭᠡᠷᠡ ᠶᠢᠨ ᠠᠯᠢᠪᠠ ᠠᠮᠢᠲᠠᠨ ᠠᠴᠠ ᠢᠯᠡᠭᠦᠦ ᠪᠡᠷ ᠬᠠᠷᠢᠶᠠᠭᠳᠠᠪᠠ ᠠᠮᠢᠳᠤ ᠶᠢᠨ ᠪᠦᠬᠦᠢᠯᠡ ᠡᠳᠦᠷ ᠢᠶᠡᠨ ᠴᠢ ᠬᠡᠪᠡᠯᠢ ᠪᠠᠷ ᠢᠶᠠᠨ ᠮᠥᠯᠬᠥᠵᠦ ᠰᠢᠷᠣᠢ ᠢᠳᠡᠬᠦ ᠪᠣᠯᠪᠠ᠃
15 ᠴᠢ ᠪᠣᠯᠣᠨ ᠲᠡᠷᠡ ᠡᠮᠡ ᠶᠢᠨ ᠬᠣᠭᠣᠷᠣᠨᠳᠣ ᠴᠢᠨᠦ ᠦᠷᠡ ᠪᠣᠯᠣᠨ ᠲᠡᠷᠡ ᠡᠮᠡ ᠶᠢᠨ ᠦᠷᠡ ᠶᠢᠨ ᠬᠣᠭᠣᠷᠣᠨᠳᠣ ᠪᠢ ᠳᠠᠢᠰᠤᠩᠨᠠᠯ ᠢ ᠣᠷᠣᠭᠤᠯᠤᠨᠠ᠂ ᠲᠡᠷᠡ ᠡᠮᠡ ᠶᠢᠨ ᠦᠷᠡ ᠲᠣᠯᠣᠭᠠᠢ ᠶᠢ ᠴᠢᠨᠢ ᠪᠢᠴᠠᠯᠤᠨᠠ ᠲᠡᠭᠦᠨ ᠦ ᠦᠷᠡ ᠶᠢᠨ ᠥᠰᠥᠭᠡᠢ ᠶᠢ ᠴᠢ ᠨᠢᠴᠠᠯᠤᠨᠠ》 ᠭᠡᠳ
16 ᠲᠡᠷᠡ ᠡᠮᠡᠭᠲᠡᠢ ᠳᠦ᠄ 《ᠦᠯᠡᠮᠵᠢ ᠶᠡᠬᠡ ᠪᠡᠷ ᠪᠢ ᠵᠢᠷᠮᠦᠰᠦᠨ ᠦ ᠴᠢᠨᠢ ᠵᠣᠪᠠᠯᠠᠩ ᠢ ᠨᠡᠮᠡᠭᠳᠡᠭᠦᠯᠦᠨᠡ ᠦᠷᠡ ᠬᠡᠦᠬᠡᠳ ᠢᠶᠡᠨ ᠴᠢ ᠵᠣᠪᠠᠯᠠᠩ ᠳᠣᠲᠣᠷᠠ ᠲᠥᠷᠥᠭᠦᠯᠦᠨᠡ ᠴᠢ ᠡᠷᠡ ᠪᠡᠨ ᠬᠦᠰᠡᠮᠵᠢᠯᠡᠨᠡ ᠲᠡᠷᠡ ᠴᠢᠮᠠᠶᠢ ᠵᠠᠬᠢᠷᠤᠨᠠ 5 》 ᠭᠡᠪᠡ᠃
17 ᠲᠡᠷᠡ ᠠᠳᠠᠮ ᠳᠤ᠄ 《ᠡᠬᠡᠨᠡᠷ ᠦᠨ ᠢᠶᠠᠨ ᠦᠭᠡ ᠶᠢ ᠴᠢ ᠰᠣᠨᠣᠰᠴᠤ᠂ 〈ᠲᠡᠭᠦᠨ ᠡᠴᠡ ᠪᠦᠦ ᠢᠳᠡ︕〉 ᠭᠡᠵᠦ ᠮᠢᠨᠦ ᠲᠤᠰᠢᠶᠠᠭᠰᠠᠨ ᠮᠣᠳᠣᠨ ᠠᠴᠠ ᠢᠳᠡᠭᠰᠡᠨ ᠤᠴᠢᠷ ᠴᠢᠮᠠ ᠠᠴᠠ ᠪᠣᠯᠣᠭᠠᠳ ᠬᠥᠷᠥᠰᠥᠲᠦ ᠭᠠᠵᠠᠷ ᠬᠠᠷᠢᠶᠠᠭᠳᠠᠪᠠ ᠠᠮᠢᠳᠤ ᠶᠢᠨ ᠢᠶᠠᠨ ᠪᠦᠬᠦᠢᠯᠡ ᠡᠳᠦᠷ ᠢᠶᠡᠨ ᠴᠢ ᠵᠣᠪᠠᠯᠠᠩ ᠲᠠᠢ ᠪᠠᠷ ᠲᠡᠭᠦᠨ ᠡᠴᠡ ᠬᠣᠭᠣᠯᠠᠯᠠᠨᠠ᠃
18 ᠲᠡᠷᠡ ᠴᠢᠨᠦ ᠲᠥᠯᠥᠭᠡ ᠠᠵᠢᠷᠭᠠᠨᠠ ᠬᠠᠯᠠᠭᠠᠢ ᠤᠷᠭᠤᠭᠤᠯᠤᠨᠠ ᠴᠢ ᠬᠡᠭᠡᠷᠡ ᠡᠴᠡ ᠨᠣᠭᠣᠭᠠ ᠢᠳᠡᠬᠦ ᠪᠣᠯᠣᠨᠠ᠃
19 ᠴᠢ ᠰᠢᠷᠣᠢ ᠳᠤ ᠪᠤᠴᠠᠲᠠᠯᠠ ᠪᠠᠨ ᠮᠠᠩᠨᠠᠢ ᠶᠢᠨ ᠢᠶᠠᠨ ᠬᠥᠯᠥᠰᠥ ᠶᠢ ᠳᠤᠰᠤᠯᠠᠭᠤᠯᠤᠨ ᠪᠠᠢᠵᠤ ᠬᠣᠭᠣᠯᠠ ᠪᠠᠨ ᠣᠯᠵᠤ ᠢᠳᠡᠨᠡ ᠴᠢ ᠲᠡᠨᠳᠡ ᠡᠴᠡ ᠠᠪᠤᠭᠳᠠᠭᠰᠠᠨ᠂ ᠴᠢ ᠰᠢᠷᠣᠢ ᠪᠣᠯᠬᠣᠷ ᠰᠢᠷᠣᠢ ᠳᠤ ᠪᠤᠴᠠᠬᠤ ᠪᠣᠯᠣᠨᠠ》 ᠭᠡᠵᠡᠢ᠃
20 ᠠᠳᠠᠮ ᠡᠬᠡᠨᠡᠷ ᠢᠶᠡᠨ ᠬᠠᠸᠠ 6 ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠤᠴᠢᠷ ᠨᠢ ᠲᠡᠷᠡ ᠠᠮᠢᠳᠤ ᠬᠥᠮᠦᠨ ᠪᠦᠬᠦᠨ ᠦ ᠡᠬᠡ ᠪᠣᠯᠣᠭᠰᠠᠨ ᠠᠵᠢ᠃ 21 ᠶᠣᠬᠣᠸᠠ ᠪᠤᠷᠬᠠᠨ ᠠᠷᠠᠰᠤᠨ ᠬᠤᠪᠴᠠᠰᠤ ᠬᠢᠵᠦ᠂ ᠠᠳᠠᠮ ᠪᠠ ᠲᠡᠭᠦᠨ ᠦ ᠡᠬᠡᠨᠡᠷ ᠲᠦ ᠡᠮᠦᠰᠬᠡᠵᠡᠢ᠃
22 ᠶᠣᠬᠣᠸᠠ ᠪᠤᠷᠬᠠᠨ᠄ 《ᠬᠠᠷᠠᠭᠲᠤᠨ︕ ᠬᠥᠮᠦᠨ ᠣᠳᠣ ᠪᠢᠳᠡᠨ ᠦ ᠨᠢᠭᠡ ᠲᠡᠢ ᠨᠢ ᠠᠳᠠᠯᠢ ᠪᠣᠯᠣᠭᠠᠳ ᠰᠠᠢᠨ ᠮᠠᠭᠤ ᠶᠢ ᠮᠡᠳᠡᠬᠦ ᠪᠣᠯᠣᠭᠰᠠᠨ᠃ ᠣᠳᠣ ᠲᠡᠷᠡ ᠭᠠᠷ ᠢᠶᠠᠨ ᠰᠤᠩ᠋ᠭᠠᠨ ᠠᠮᠢ ᠶᠢᠨ ᠮᠣᠳᠣᠨ ᠤ ᠵᠢᠮᠢᠰ ᠡᠴᠡ ᠪᠠᠰᠠ ᠠᠪᠴᠤ ᠢᠳᠡᠭᠡᠳ ᠮᠥᠩᠬᠡ ᠨᠠᠰᠤᠯᠠᠬᠤ ᠪᠣᠯᠣᠭᠤᠵᠠᠢ》 ᠭᠡᠵᠦ ᠠᠢᠯᠠᠳᠴᠠᠢ᠃ 23 ᠶᠣᠬᠣᠸᠠ ᠪᠤᠷᠬᠠᠨ ᠡᠳᠧᠨ ᠴᠡᠴᠡᠷᠯᠢᠭ ᠡᠴᠡ ᠬᠥᠮᠦᠨ ᠢ ᠬᠥᠭᠡᠭᠡᠵᠦ ᠭᠠᠷᠭᠠᠪᠠ᠃ ᠲᠡᠭᠡᠭᠡᠳ ᠰᠢᠷᠣᠢ ᠠᠴᠠ ᠠᠪᠤᠭᠳᠠᠭᠰᠠᠨ ᠬᠥᠮᠦᠨ ᠭᠠᠵᠠᠷ ᠰᠢᠷᠣᠢ ᠶᠢ ᠳᠣᠳᠣᠮᠳᠠᠬᠤ ᠪᠣᠯᠪᠠ᠃ 24 ᠲᠡᠢᠨ ᠬᠦ ᠪᠤᠷᠬᠠᠨ ᠲᠡᠷᠡ ᠬᠥᠮᠦᠨ ᠢ ᠬᠥᠭᠡᠭᠡᠭᠰᠡᠨ ᠦ ᠳᠠᠷᠠᠭᠠ᠂ ᠺᠧᠷᠣᠪ ᠤᠳ ᠢ᠂ ᠨᠠᠰᠢ ᠴᠠᠰᠢ ᠡᠷᠭᠢᠯᠳᠦᠭᠴᠢ ᠭᠠᠯᠲᠤ ᠢᠯᠳᠦ ᠶᠢ ᠡᠳᠧᠨ ᠴᠡᠴᠡᠷᠯᠢᠭ ᠤᠨ ᠵᠡᠭᠦᠨ ᠲᠠᠯᠠ ᠳᠤ ᠪᠠᠢᠷᠢᠯᠠᠭᠤᠯᠵᠤ᠂ ᠠᠮᠢ ᠶᠢᠨ ᠮᠣᠳᠣ ᠬᠦᠷᠬᠦ ᠵᠠᠮ ᠢ ᠰᠠᠬᠢᠭᠤᠯᠪᠠ᠃