ᠡᠬᠢᠯᠡᠯ ᠶᠢᠰᠦ
ᠰᠣᠯᠣᠩ᠋ᠭᠠᠨ ᠭᠡᠷᠡ
1 ᠪᠤᠷᠬᠠᠨ ᠨᠣᠶᠠ ᠪᠣᠯᠣᠨ ᠲᠡᠭᠦᠨ ᠦ ᠬᠥᠪᠡᠭᠦᠳ ᠢ ᠢᠷᠥᠭᠡᠨ᠂ ᠲᠡᠳᠡᠨ ᠳᠦ᠄ 《ᠦᠷᠡᠵᠢᠨ ᠣᠯᠠᠰᠢᠷᠠᠵᠤ᠂ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠳᠦᠭᠦᠷᠭᠡᠭᠲᠦᠨ᠃ 2 ᠭᠠᠵᠠᠷ ᠳᠡᠭᠡᠷᠡᠬᠢ ᠬᠠᠮᠤᠭ ᠠᠮᠢᠲᠠᠨ᠂ ᠣᠭᠲᠠᠷᠭᠤᠢ ᠶᠢᠨ ᠬᠠᠮᠤᠭ ᠰᠢᠪᠠᠭᠤ᠂ ᠭᠠᠵᠠᠷ ᠤᠨ ᠬᠠᠮᠤᠭ ᠮᠥᠯᠬᠥᠭᠴᠢ᠂ ᠳᠠᠯᠠᠢ ᠶᠢᠨ ᠬᠠᠮᠤᠭ ᠵᠢᠭᠠᠰᠤ ᠲᠠ ᠨᠠᠷ ᠠᠴᠠ ᠠᠶᠤᠵᠤ ᠡᠮᠢᠶᠡᠨᠡ᠃ ᠲᠡᠳᠡ ᠪᠦᠭᠦᠳᠡ ᠶᠢ ᠪᠢ ᠲᠠ ᠨᠠᠷ ᠤᠨ ᠭᠠᠷ ᠲᠤ ᠲᠤᠰᠢᠶᠠᠶᠠ᠃ 3 ᠠᠯᠢᠪᠠ ᠠᠮᠢᠳᠤ᠂ ᠬᠥᠳᠡᠯᠵᠦ ᠪᠠᠢᠭᠠ ᠪᠦᠬᠦᠨ ᠨᠢ ᠲᠠ ᠨᠠᠷ ᠤᠨ ᠢᠳᠡᠬᠦ ᠬᠣᠭᠣᠯᠠ ᠪᠣᠯᠣᠨᠠ᠃ ᠪᠢ ᠲᠠ ᠨᠠᠷ ᠲᠤ ᠡᠪᠡᠰᠦ ᠨᠣᠭᠣᠭᠠ ᠶᠢ ᠥᠭᠭᠥᠭᠰᠡᠨ ᠰᠢᠭ ᠢᠶᠠᠨ ᠡᠨᠡ ᠪᠦᠬᠦᠨ ᠢ ᠲᠠ ᠨᠠᠷ ᠲᠤ ᠥᠭᠭᠥᠶᠡ᠃ 4 ᠭᠠᠭᠴᠠ ᠬᠦ ᠮᠢᠬᠠ ᠶᠢ ᠠᠮᠢ ᠲᠠᠢ᠂ ᠴᠢᠰᠤ ᠲᠠᠢ ᠨᠢ ᠪᠦᠦ ᠢᠳᠡ᠃ 5 ᠲᠠ ᠨᠠᠷ ᠤᠨ ᠠᠮᠢ ᠪᠣᠯᠬᠤ ᠴᠢᠰᠤᠨ ᠤ ᠲᠥᠯᠥᠭᠡ ᠪᠢ ᠵᠠᠪᠠᠯ ᠨᠡᠬᠡᠮᠵᠢᠯᠡᠨᠡ᠃ ᠪᠢ ᠴᠢᠨᠦ ᠥᠰᠢᠶᠡ ᠶᠢ ᠶᠠᠮᠠᠷ ᠴᠤ ᠠᠮᠢᠲᠠᠨ ᠠᠴᠠ ᠠᠪᠤᠨᠠ᠃ ᠪᠢ ᠬᠥᠮᠦᠨ ᠦ ᠠᠮᠢ ᠶᠢᠨ ᠥᠰᠢᠶᠡ ᠶᠢ ᠶᠠᠮᠠᠷ ᠴᠤ ᠠᠬᠠ ᠳᠡᠭᠦᠦ ᠡᠴᠡ ᠨᠢ ᠠᠪᠤᠨᠠ᠃
6 ᠬᠡᠨ ᠬᠥᠮᠦᠨ ᠦ ᠴᠢᠰᠤ ᠶᠢ ᠤᠷᠤᠰᠬᠠᠪᠠᠯ ᠬᠥᠮᠦᠨ ᠲᠡᠭᠦᠨ ᠦ ᠴᠢᠰᠤ ᠶᠢ ᠤᠷᠤᠰᠬᠠᠨᠠ ᠪᠤᠷᠬᠠᠨ ᠬᠥᠮᠦᠨ ᠢ ᠥᠪᠡᠷ ᠦᠨ ᠢᠶᠠᠨ ᠲᠥᠷᠬᠥ ᠪᠡᠷ ᠵᠣᠬᠢᠶᠠᠪᠠ᠃
7 ᠬᠠᠷᠢᠨ ᠲᠠ ᠨᠠᠷ ᠦᠷᠡᠵᠢᠨ ᠣᠯᠠᠰᠢᠷᠠᠲᠤᠭᠠᠢ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠪᠢᠯᠬᠠᠭᠤᠯᠤᠨ᠂ ᠲᠡᠭᠦᠨ ᠳᠡᠭᠡᠷᠡ ᠣᠯᠠᠰᠢᠷᠠᠲᠤᠭᠠᠢ》 ᠭᠡᠵᠡᠢ᠃
8 ᠪᠤᠷᠬᠠᠨ ᠨᠣᠶᠠ ᠪᠣᠯᠣᠨ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠭᠠ ᠬᠥᠪᠡᠭᠦᠳ ᠲᠤᠨᠢ᠄ 9 《ᠠᠩ᠋ᠬᠠᠷᠤᠭᠲᠤᠨ᠂ ᠪᠢ ᠲᠠ ᠨᠠᠷ ᠪᠣᠯᠣᠨ ᠲᠠ ᠨᠠᠷ ᠠᠴᠠ ᠬᠣᠢᠰᠢᠬᠢ ᠦᠷᠡ ᠤᠳᠤᠮ ᠲᠠᠢ ᠴᠢᠨᠢ ᠬᠠᠮᠲᠤ 10 ᠮᠥᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠭᠠ ᠬᠠᠮᠤᠭ ᠠᠮᠢᠲᠠᠨ᠂ ᠰᠢᠪᠠᠭᠤᠳ᠂ ᠮᠠᠯ ᠠᠳᠤᠭᠤᠰᠤ᠂ ᠭᠠᠵᠠᠷ ᠤᠨ ᠬᠠᠮᠤᠭ ᠵᠡᠷᠯᠢᠭ ᠠᠮᠢᠲᠠᠨ᠂ ᠲᠤᠬᠠᠢᠯᠠᠪᠠᠯ ᠣᠩ᠋ᠭᠣᠴᠠᠨ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠭᠠᠵᠠᠷ ᠳᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠠᠮᠢᠲᠠᠨ ᠲᠠᠢ ᠭᠡᠷᠡ ᠪᠡᠨ ᠪᠠᠢᠭᠤᠯᠬᠤ ᠪᠠᠷ ᠪᠠᠢᠨᠠ᠃ 11 ᠪᠢ ᠲᠠ ᠨᠠᠷ ᠲᠠᠢ ᠭᠡᠷᠡ ᠪᠡᠨ ᠪᠠᠢᠭᠤᠯᠤᠶᠠ᠃ ᠬᠠᠮᠤᠭ ᠮᠢᠬᠠᠨ ᠪᠡᠶᠡᠲᠡᠨ ᠳᠠᠬᠢᠭᠠᠳ ᠦᠶᠡᠷ ᠦᠨ ᠤᠰᠤᠨ ᠳᠤ ᠤᠰᠠᠳᠬᠤ ᠦᠭᠡᠢ᠂ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠰᠦᠢᠷᠡᠭᠦᠯᠬᠦ ᠦᠶᠡᠷ ᠳᠠᠬᠢᠨ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ》 ᠭᠡᠪᠡ᠃ 12 ᠪᠤᠷᠬᠠᠨ᠄ 《ᠲᠠ ᠨᠠᠷ ᠪᠣᠯᠣᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠭᠠ ᠬᠠᠮᠤᠭ ᠠᠮᠢᠲᠠᠨ᠂ ᠮᠥᠨ ᠬᠣᠢᠴᠢ ᠶᠢᠨ ᠪᠦᠬᠦ ᠦᠶᠡ ᠶᠢᠨ ᠬᠢᠨ ᠲᠠᠢ ᠪᠠᠢᠭᠤᠯᠬᠤ ᠮᠢᠨᠦ ᠭᠡᠷᠡ ᠶᠢᠨ ᠲᠡᠮᠳᠡᠭ ᠨᠢ ᠡᠨᠡ᠄ 13 ᠪᠢ ᠡᠭᠦᠯᠡᠨ ᠳᠦ ᠰᠣᠯᠣᠩ᠋ᠭᠠ ᠪᠠᠨ ᠲᠠᠲᠠᠭᠤᠯᠤᠶᠠ᠃ ᠡᠨᠡ ᠨᠢ ᠮᠢᠨᠦ ᠭᠠᠵᠠᠷ ᠳᠡᠯᠡᠬᠡᠢ ᠯᠦᠭᠡ ᠲᠣᠭᠲᠠᠭᠠᠭᠰᠠᠨ ᠭᠡᠷᠡ ᠶᠢᠨ ᠲᠡᠮᠳᠡᠭ ᠪᠣᠯᠣᠨᠠ᠃ 14 ᠡᠢᠮᠦ ᠡᠴᠡ ᠭᠠᠵᠠᠷ ᠤᠨ ᠳᠡᠭᠡᠭᠦᠷ ᠡᠭᠦᠯᠡ ᠭᠠᠷᠭᠠᠬᠤ ᠳᠤ ᠮᠢᠨᠢ ᠲᠡᠷᠡ ᠡᠭᠦᠯᠡᠨ ᠳᠡᠭᠡᠷᠡ ᠰᠣᠯᠣᠩ᠋ᠭᠠ ᠬᠠᠷᠠᠭᠳᠠᠪᠠᠯ 15 ᠪᠢ ᠲᠠ ᠨᠠᠷ ᠬᠢᠭᠡᠳ ᠮᠢᠬᠠᠨ ᠪᠡᠶᠡᠲᠦ ᠲᠥᠷᠥᠯ ᠪᠦᠷᠢ ᠶᠢᠨ ᠬᠠᠮᠤᠭ ᠠᠮᠢᠲᠠᠨ ᠯᠤᠭᠠ ᠪᠠᠢᠭᠤᠯᠤᠭᠰᠠᠨ ᠭᠡᠷᠡ ᠶᠢ ᠪᠢ ᠳᠤᠷᠠᠰᠤᠨ ᠰᠠᠨᠠᠬᠤ ᠪᠣᠯᠣᠨᠠ᠃ ᠡᠢᠮᠦ ᠡᠴᠡ ᠤᠰᠤ ᠳᠠᠬᠢᠭᠠᠳ ᠮᠢᠬᠠᠨ ᠪᠡᠶᠡ ᠲᠡᠢ ᠪᠦᠬᠦᠨ ᠢ ᠤᠰᠠᠳᠬᠠᠬᠤ ᠦᠶᠡᠷ ᠪᠣᠯᠬᠤ ᠦᠭᠡᠢ᠃ 16 ᠡᠭᠦᠯᠡᠨ ᠳᠦ ᠰᠣᠯᠣᠩ᠋ᠭᠠ ᠲᠠᠲᠠᠬᠤ ᠪᠣᠯᠭᠠᠨ ᠳᠤ᠂ ᠲᠡᠭᠦᠨ ᠢ ᠬᠠᠷᠠᠭᠠᠳ ᠪᠤᠷᠬᠠᠨ ᠤ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠮᠢᠬᠠᠨ ᠪᠡᠶᠡᠲᠦ ᠬᠠᠮᠤᠭ ᠠᠮᠢᠲᠠᠨ ᠯᠤᠭᠠ ᠪᠠᠢᠭᠤᠯᠤᠭᠰᠠᠨ ᠮᠥᠩᠬᠡ ᠶᠢᠨ ᠭᠡᠷᠡ ᠶᠢ ᠳᠤᠷᠠᠰᠤᠨ ᠰᠠᠨᠠᠬᠤ ᠪᠣᠯᠣᠨᠠ》 ᠭᠡᠪᠡ᠃ 17 ᠪᠤᠷᠬᠠᠨ ᠨᠣᠶᠠ ᠳᠤ᠄ 《ᠡᠨᠡ ᠪᠣᠯ ᠮᠢᠨᠦ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠬᠠᠮᠤᠭ ᠮᠢᠬᠠᠨ ᠪᠡᠶᠡᠲᠡᠨ ᠲᠡᠢ ᠪᠠᠢᠭᠤᠯᠤᠭᠰᠠᠨ ᠭᠡᠷᠡ ᠶᠢᠨ ᠲᠡᠮᠳᠡᠭ ᠪᠣᠯᠣᠨᠠ》 ᠭᠡᠪᠡ᠃
ᠨᠣᠶᠠ ᠶᠢᠨ ᠬᠥᠪᠡᠭᠦᠳ
18 ᠣᠩ᠋ᠭᠣᠴᠠ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠨᠣᠶᠠ ᠶᠢᠨ ᠬᠥᠪᠡᠭᠦᠳ ᠪᠣᠯ ᠱᠧᠮ᠂ ᠾᠠᠮ᠂ ᠶᠠᠹᠧᠲ᠃ ᠾᠠᠮ ᠨᠢ ᠺᠠᠨᠠᠨ ᠤ ᠡᠴᠢᠭᠡ ᠶᠤᠮ᠃ 19 ᠨᠣᠶᠠ ᠶᠢᠨ ᠡᠨᠡ ᠭᠤᠷᠪᠠᠨ ᠬᠥᠪᠡᠭᠦᠨ ᠡᠴᠡ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠡᠭᠦᠰᠦᠨ ᠲᠠᠷᠬᠠᠵᠠᠢ᠃
20 ᠲᠠᠷᠢᠶᠠᠴᠢᠨ ᠨᠣᠶᠠ ᠦᠵᠦᠮ ᠦᠨ ᠬᠦᠷᠢᠶᠡᠯᠡᠩ ᠪᠠᠢᠭᠤᠯᠵᠤ ᠡᠬᠢᠯᠡᠪᠡ᠃ 21 ᠨᠢᠭᠡᠨ ᠡᠳᠦᠷ ᠲᠡᠷᠡ ᠦᠵᠦᠮ ᠦᠨ ᠳᠠᠷᠠᠰᠤ ᠤᠤᠭᠤᠵᠤ ᠰᠣᠭᠲᠣᠭᠠᠳ ᠮᠠᠢᠬᠠᠨ ᠳᠣᠲᠣᠷᠠ ᠪᠠᠨ ᠨᠢᠴᠦᠭᠦᠨ ᠬᠡᠪᠲᠡᠵᠦ ᠪᠠᠢᠪᠠ᠃ 22 ᠺᠠᠨᠠᠨ ᠤ ᠡᠴᠢᠭᠡ ᠾᠠᠮ ᠡᠴᠢᠭᠡ ᠶᠢᠨ ᠢᠶᠠᠨ ᠨᠢᠴᠦᠭᠦᠨ ᠪᠠᠢᠳᠠᠯ ᠢ ᠬᠠᠷᠠᠭᠠᠳ ᠭᠠᠳᠠᠭᠰᠢ ᠭᠠᠷᠴᠤ᠂ ᠠᠬᠠ ᠳᠡᠭᠦᠦ ᠳᠡᠭᠡᠨ ᠳᠤᠭᠤᠯᠭᠠᠵᠠᠢ᠃ 23 ᠱᠧᠮ᠂ ᠶᠠᠹᠧᠲ ᠬᠣᠶᠠᠷ ᠨᠥᠮᠥᠷᠭᠡ ᠠᠪᠴᠤ ᠮᠥᠷᠥᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠨ ᠠᠷᠤ ᠲᠡᠰᠢ ᠪᠠᠨ ᠤᠬᠤᠷᠢᠭᠰᠠᠭᠠᠷ ᠢᠷᠡᠵᠦ ᠡᠴᠢᠭᠡ ᠶᠢᠨ ᠢᠶᠠᠨ ᠨᠢᠴᠦᠭᠦᠨ ᠪᠡᠶᠡ ᠳᠡᠭᠡᠷᠡ ᠨᠥᠮᠥᠷᠭᠡᠪᠡ᠃ ᠲᠡᠳᠡ ᠨᠢᠭᠤᠷ ᠢᠶᠠᠨ ᠠᠷᠤᠨᠰᠢ ᠪᠠᠨ ᠬᠠᠷᠠᠭᠤᠯᠤᠭᠠ ᠦᠭᠡᠢ᠂ ᠡᠴᠢᠭᠡ ᠶᠢᠨ ᠢᠶᠠᠨ ᠨᠢᠴᠦᠭᠦᠨ ᠪᠡᠶᠡ ᠶᠢ ᠬᠠᠷᠠᠭᠰᠠᠨ ᠦᠭᠡᠢ᠃ 24 ᠰᠣᠭᠲᠣᠭᠤ ᠠᠴᠠ ᠪᠠᠨ ᠰᠡᠷᠭᠦᠭᠰᠡᠨ ᠨᠣᠶᠠ ᠵᠠᠯᠠᠭᠤ ᠬᠦᠦ ᠶᠢᠨ ᠢᠶᠠᠨ ᠥᠪᠡᠷ ᠲᠤᠨᠢ ᠶᠠᠭᠤ ᠬᠢᠭᠰᠡᠨ ᠢ ᠮᠡᠳᠡᠭᠡᠳ᠄ 25 《ᠺᠠᠨᠠᠨ ᠬᠠᠷᠢᠶᠠᠭᠳᠠᠬᠤ ᠪᠣᠯᠲᠤᠭᠠᠢ ᠲᠡᠷᠡ ᠠᠬᠠ ᠳᠡᠭᠦᠦᠰ ᠦᠨ ᠢᠶᠠᠨ ᠪᠣᠭᠣᠯ ᠤᠨ ᠪᠣᠭᠣᠯ ᠪᠣᠯᠣᠨᠠ》 ᠭᠡᠵᠡᠢ᠃
26 ᠲᠡᠷᠡ ᠪᠠᠰᠠ᠄ 《ᠱᠧᠮ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ ᠺᠠᠨᠠᠨ ᠱᠧᠮ ᠤᠨ ᠪᠣᠭᠣᠯ ᠪᠣᠯᠣᠭ᠃
27 ᠪᠤᠷᠬᠠᠨ ᠶᠠᠹᠧᠲ ᠢ ᠲᠡᠯᠡᠵᠦ ᠶᠠᠹᠧᠲ ᠱᠧᠮ ᠤᠨ ᠮᠠᠢᠬᠠᠨ ᠨᠤᠭᠤᠳ ᠲᠤ ᠰᠠᠭᠤᠬᠤ ᠪᠣᠯᠲᠤᠭᠠᠢ ᠺᠠᠨᠠᠨ ᠲᠡᠭᠦᠨ ᠦ ᠪᠣᠭᠣᠯ ᠪᠣᠯᠣᠭ︕》 ᠭᠡᠵᠡᠢ᠃
28 ᠦᠶᠡᠷ ᠪᠣᠯᠣᠭᠰᠠᠨ ᠠᠴᠠ ᠬᠣᠢᠰᠢ ᠨᠣᠶᠠ ᠭᠤᠷᠪᠠᠨ ᠵᠠᠭᠤ ᠲᠠᠪᠢᠨ ᠵᠢᠯ ᠠᠮᠢᠳᠤᠷᠠᠵᠠᠢ᠃ 29 ᠲᠡᠷᠡ ᠨᠡᠢᠲᠡ ᠶᠢᠰᠦᠨ ᠵᠠᠭᠤ ᠲᠠᠪᠢᠨ ᠵᠢᠯ ᠠᠮᠢᠳᠤᠷᠠᠭᠠᠳ ᠥᠭᠡᠳᠡ ᠪᠣᠯᠪᠠ᠃