ᠡᠬᠢᠯᠡᠯ ᠠᠷᠪᠠᠨ ᠭᠤᠷᠪᠠ
ᠠᠪᠷᠠᠮ ᠯᠣᠲ ᠰᠠᠯᠤᠯᠴᠠᠪᠠ
1 ᠡᠢᠨ ᠬᠦ ᠠᠪᠷᠠᠮ ᠡᠬᠡᠨᠡᠷ ᠪᠣᠯᠣᠨ ᠬᠠᠮᠤᠭ ᠶᠠᠭᠤᠮᠠᠰ ᠢᠶᠠᠨ ᠠᠪᠤᠭᠠᠳ ᠶᠧᠵᠢᠫᠲ ᠡᠴᠡ ᠭᠠᠷᠴᠤ ᠨᠧᠭᠧᠪ ᠥᠭᠡᠳᠡ ᠣᠳᠴᠠᠢ᠃ ᠯᠣᠲ ᠴᠤ ᠲᠡᠭᠦᠨ ᠲᠡᠢ ᠬᠠᠮᠲᠤ ᠶᠠᠪᠤᠪᠠ᠃
2 ᠠᠪᠷᠠᠮ ᠮᠠᠯ ᠰᠦᠷᠦᠭ᠂ ᠠᠯᠲᠠ ᠮᠥᠩᠭᠥ ᠶᠡᠬᠡ ᠲᠡᠢ᠂ ᠮᠠᠰᠢ ᠪᠠᠶᠠᠨ ᠪᠠᠢᠭᠰᠠᠨ ᠶᠤᠮ᠃ 3 ᠲᠡᠷᠡ ᠪᠡᠷ ᠨᠧᠭᠧᠪ ᠡᠴᠡ ᠭᠠᠷᠴᠤ ᠪᠧᠲ᠋ᠧᠯ ᠵᠦᠭ ᠨᠡᠭᠦᠵᠦ ᠶᠠᠪᠤᠭᠰᠠᠭᠠᠷ᠂ ᠪᠧᠲ᠋ᠧᠯ᠂ ᠠᠶ ᠬᠣᠶᠠᠷ ᠤᠨ ᠬᠣᠭᠣᠷᠣᠨᠳᠣᠬᠢ ᠭᠠᠵᠠᠷ ᠲᠤ ᠬᠦᠷᠪᠡ᠃ ᠤᠷᠢᠳᠤ ᠨᠢ ᠠᠪᠷᠠᠮ ᠲᠡᠨᠳᠡ ᠮᠠᠢᠬᠠᠨ ᠢᠶᠠᠨ ᠪᠠᠷᠢᠵᠤ᠂ 4 ᠪᠠᠰᠠ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠣᠰᠬᠠᠭᠰᠠᠨ ᠶᠤᠮ᠃ ᠲᠡᠨᠳᠡ ᠠᠪᠷᠠᠮ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠪᠠ᠃ 5 ᠠᠪᠷᠠᠮ ᠲᠠᠢ ᠬᠠᠮᠲᠤ ᠶᠠᠪᠤᠭᠠ ᠯᠣᠲ ᠪᠠᠰᠠ ᠮᠠᠯ ᠰᠦᠷᠦᠭ᠂ ᠮᠠᠢᠬᠠᠨ ᠲᠠᠢ ᠪᠣᠯᠬᠣᠷ 6 ᠲᠡᠳᠡ ᠨᠢᠭᠡ ᠳᠣᠣᠷᠠ ᠠᠮᠢᠳᠤᠷᠠᠬᠤ ᠳᠤ᠂ ᠲᠡᠷᠡ ᠭᠠᠵᠠᠷ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢᠪᠠ᠃ ᠲᠡᠳᠡᠨ ᠦ ᠡᠳ᠋ ᠬᠥᠷᠥᠩᠭᠡ ᠠᠷᠪᠢᠨ ᠪᠣᠯᠬᠣᠷ ᠨᠢᠭᠡ ᠳᠣᠣᠷᠠ ᠠᠮᠢᠳᠤᠷᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠵᠠᠢ᠃ 7 ᠲᠡᠢᠮᠦ ᠡᠴᠡ ᠠᠪᠷᠠᠮ ᠤᠨ ᠮᠠᠯᠴᠢᠳ᠂ ᠯᠣᠲ ᠤᠨ ᠮᠠᠯᠴᠢᠳ ᠬᠣᠭᠣᠷᠣᠨᠳᠣ ᠪᠠᠨ ᠬᠡᠷᠡᠭᠦᠯ ᠪᠣᠯᠪᠠ᠃ ᠲᠡᠷᠡ ᠨᠤᠲᠤᠭ ᠲᠤ ᠺᠠᠨᠠᠨᠴᠤᠳ ᠪᠣᠯᠣᠨ ᠫᠧᠷᠢᠽᠴᠦᠳ ᠴᠤ ᠨᠤᠲᠤᠭᠯᠠᠨ ᠰᠠᠭᠤᠳᠠᠭ ᠪᠠᠢᠯᠠ᠃
8 ᠠᠪᠷᠠᠮ ᠯᠣᠲ ᠲᠤ᠄ 《ᠪᠢᠳᠡ ᠪᠣᠯ ᠠᠬᠠᠨ ᠳᠡᠭᠦᠦᠰ ᠰᠢᠦ᠃ ᠴᠢ ᠪᠢᠳᠡ ᠬᠣᠶᠠᠷ ᠤᠨ ᠬᠣᠭᠣᠷᠣᠨᠳᠣ᠂ ᠪᠠᠰᠠ ᠲᠠᠨ ᠤ᠂ ᠮᠠᠨ ᠤ ᠮᠠᠯᠴᠢᠳ ᠤᠨ ᠬᠣᠭᠣᠷᠣᠨᠳᠣ ᠬᠡᠷᠡᠭᠦᠯ ᠪᠦᠦ ᠪᠠᠢᠭ︕ 9 ᠪᠦᠬᠦ ᠭᠠᠵᠠᠷ ᠨᠤᠲᠤᠭ ᠴᠢᠨᠦ ᠡᠮᠦᠨᠡ ᠪᠠᠢᠭᠠ ᠪᠤᠰᠤ ᠤᠤ︖ ᠴᠢ ᠨᠠᠳᠠ ᠠᠴᠠ ᠰᠠᠯᠵᠤ ᠶᠠᠪᠤᠭᠠᠴᠢ᠃ ᠬᠡᠷᠪᠡ ᠴᠢ ᠵᠡᠭᠦᠨᠰᠢ ᠪᠠᠨ ᠶᠠᠪᠤᠪᠠᠯ᠂ ᠪᠢ ᠪᠠᠷᠠᠭᠤᠨᠰᠢ ᠪᠠᠨ ᠶᠠᠪᠤᠶᠠ᠃ ᠬᠡᠷᠪᠡ ᠴᠢ ᠪᠠᠷᠠᠭᠤᠨᠰᠢ ᠪᠠᠨ ᠶᠠᠪᠤᠪᠠᠯ ᠪᠢ ᠵᠡᠭᠦᠨᠰᠢ ᠪᠠᠨ ᠶᠠᠪᠤᠶᠠ》 ᠭᠡᠪᠡ᠃ 10 ᠯᠣᠲ ᠨᠢᠳᠦ ᠡᠷᠭᠦᠨ᠂ ᠶᠣᠷᠳᠠᠨ ᠤ ᠲᠠᠯᠠ ᠬᠥᠨᠳᠡᠢ ᠶᠢ ᠦᠵᠡᠬᠦ ᠳᠦ᠂ ᠽᠣᠶᠠᠷ ᠬᠦᠷᠲᠡᠯᠡᠬᠢ ᠪᠦᠬᠦ ᠭᠠᠵᠠᠷ ᠨᠢ ᠶᠣᠬᠣᠸᠠ ᠶᠢᠨ ᠴᠡᠴᠡᠷᠯᠢᠭ ᠪᠤᠶᠤ ᠶᠧᠵᠢᠫᠲ ᠤᠨ ᠨᠤᠲᠤᠭ ᠮᠡᠲᠦ ᠤᠰᠤ ᠰᠠᠢᠲᠠᠢ ᠪᠠᠢᠯᠠ᠃ ᠲᠡᠷᠡ ᠦᠶᠡ ᠳᠦ ᠶᠣᠬᠣᠸᠠ ᠰᠣᠳᠣᠮ᠂ ᠭᠣᠮᠣᠷᠠ ᠬᠣᠶᠠᠷ ᠢ ᠬᠠᠷᠠᠬᠠᠨ ᠤᠰᠠᠳᠬᠠᠭᠠ ᠦᠭᠡᠢ ᠪᠠᠢᠭᠰᠠᠨ ᠶᠤᠮ᠃ 11 ᠯᠣᠲ ᠶᠣᠷᠳᠠᠨ ᠤ ᠲᠠᠯᠠ ᠬᠥᠨᠳᠡᠢ ᠶᠢ ᠪᠦᠬᠦᠯᠢ ᠪᠠᠷ ᠨᠢ ᠰᠣᠩ᠋ᠭᠣᠵᠤ᠂ ᠵᠡᠭᠦᠨ ᠲᠡᠰᠢ ᠨᠡᠭᠦᠵᠡᠢ᠃ ᠡᠢᠨ ᠬᠦ ᠲᠡᠳᠡ ᠪᠡᠶᠡ ᠪᠡᠶᠡ ᠡᠴᠡ ᠪᠡᠨ ᠰᠠᠯᠵᠠᠭᠠᠪᠠ᠃ 12 ᠠᠪᠷᠠᠮ ᠺᠠᠨᠠᠨ ᠨᠤᠲᠤᠭ ᠲᠤ ᠰᠠᠭᠤᠭᠰᠠᠭᠠᠷ ᠪᠠᠢᠵᠤ᠂ ᠯᠣᠲ ᠲᠠᠯᠠ ᠶᠢᠨ ᠬᠣᠲᠠ ᠨᠤᠭᠤᠳ ᠢᠶᠠᠷ ᠰᠠᠭᠤᠵᠤ ᠰᠣᠳᠣᠮ ᠤᠨ ᠣᠢᠷᠠᠯᠴᠠᠭᠠ ᠮᠠᠢᠬᠠᠨ ᠢᠶᠠᠨ ᠪᠣᠰᠬᠠᠵᠠᠢ᠃ 13 ᠬᠠᠷᠢᠨ ᠰᠣᠳᠣᠮᠴᠤᠳ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠠᠳᠠᠭ ᠤᠨ ᠮᠠᠭᠤ ᠨᠢᠭᠦᠯᠲᠡᠳ ᠪᠠᠢᠭᠰᠠᠨ ᠶᠤᠮ᠃
14 ᠯᠣᠲ ᠰᠠᠯᠵᠤ ᠶᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠶᠣᠬᠣᠸᠠ ᠠᠪᠷᠠᠮ ᠳᠤ᠄ 《ᠴᠢ ᠨᠢᠳᠦ ᠪᠡᠨ ᠡᠷᠭᠦᠨ᠂ ᠪᠠᠢᠭᠠ ᠭᠠᠵᠠᠷ ᠠᠴᠠ ᠪᠠᠨ ᠬᠣᠢᠨᠠ᠂ ᠡᠮᠦᠨᠡ᠂ ᠪᠠᠷᠠᠭᠤᠨ᠂ ᠵᠡᠭᠦᠨ ᠵᠦᠭ ᠲᠦ ᠬᠠᠷᠠᠭᠲᠤᠨ᠃ 15 ᠴᠢᠨᠦ ᠬᠠᠷᠠᠵᠤ ᠪᠠᠢᠭᠠ ᠲᠡᠷᠡ ᠪᠦᠬᠦ ᠭᠠᠵᠠᠷ ᠨᠤᠲᠤᠭ ᠢ ᠪᠢ ᠴᠢᠮᠠ ᠳᠤ ᠪᠣᠯᠣᠨ ᠴᠢᠨᠦ ᠦᠷᠡ ᠤᠳᠤᠮ ᠳᠤ ᠡᠭᠦᠷᠢᠳᠡ ᠥᠭᠭᠥᠨᠡ᠃ 16 ᠪᠢ ᠪᠠᠰᠠ ᠦᠷᠡ ᠤᠳᠤᠮ ᠢ ᠴᠢᠨᠢ ᠭᠠᠵᠠᠷ ᠤᠨ ᠲᠣᠭᠣᠰᠣ ᠮᠡᠲᠦ ᠣᠯᠠᠰᠢᠷᠠᠭᠤᠯᠤᠨᠠ᠃ ᠬᠡᠷᠪᠡ ᠬᠥᠮᠦᠨ ᠭᠠᠵᠠᠷ ᠤᠨ ᠲᠣᠭᠣᠰᠣ ᠶᠢ ᠲᠣᠭᠠᠯᠠᠵᠤ ᠴᠢᠳᠠᠳᠠᠭ ᠪᠣᠯ᠂ ᠴᠢᠨᠦ ᠦᠷᠡ ᠤᠳᠤᠮ ᠢ ᠴᠤ ᠲᠣᠭᠠᠯᠠᠵᠤ ᠴᠢᠳᠠᠨᠠ᠃ 17 ᠪᠢ ᠲᠡᠭᠦᠨ ᠢ ᠴᠢᠮᠠ ᠳᠤ ᠥᠭᠭᠥᠶᠡ᠂ ᠴᠢ ᠲᠡᠭᠦᠨ ᠦ ᠳᠡᠭᠡᠭᠦᠷ ᠬᠥᠨᠳᠡᠯᠡᠨ ᠢᠶᠡᠷ᠂ ᠭᠤᠯᠳᠤ ᠢᠶᠠᠷ ᠶᠠᠪᠤᠭᠠᠳ ᠦᠵᠡ》 ᠭᠡᠪᠡ᠃ 18 ᠡᠢᠮᠦ ᠡᠴᠡ ᠠᠪᠷᠠᠮ ᠮᠠᠢᠬᠠᠨ ᠢᠶᠠᠨ ᠨᠡᠭᠦᠯᠭᠡᠵᠦ᠂ ᠾᠧᠪᠷᠣᠨ ᠳᠠᠬᠢ ᠮᠠᠮᠷᠧ ᠭᠡᠳᠡᠭ ᠬᠥᠮᠦᠨ ᠦ ᠴᠠᠷᠠᠰᠤᠨ ᠮᠣᠳᠣ ᠲᠠᠢ ᠭᠠᠵᠠᠷ ᠲᠤ ᠣᠴᠢᠨ ᠰᠠᠭᠤᠷᠢᠰᠢᠵᠤ᠂ ᠲᠡᠨᠳᠡ ᠶᠣᠬᠣᠸᠠ ᠳᠤ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠣᠰᠬᠠᠵᠠᠢ᠃