ᠡᠬᠢᠯᠡᠯ ᠠᠷᠪᠠᠨ ᠲᠠᠪᠤ
ᠪᠤᠷᠬᠠᠨ ᠠᠪᠷᠠᠮ ᠲᠠᠢ ᠭᠡᠷᠡ ᠪᠠᠢᠭᠤᠯᠪᠠ
1 ᠡᠳᠡᠭᠡᠷ ᠦᠨ ᠳᠠᠷᠠᠭᠠ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠠᠪᠷᠠᠮ ᠳᠤ ᠦᠵᠡᠭᠳᠡᠯ ᠢᠶᠡᠷ ᠢᠷᠡᠵᠦ᠄ 《ᠪᠦᠦ ᠠᠶᠤ︕ ᠠᠪᠷᠠᠮ ᠡ᠂ ᠪᠢ ᠪᠣᠯ ᠴᠢᠨᠦ ᠪᠠᠮᠪᠠᠢ᠂ ᠴᠢᠮᠠᠶᠢ ᠦᠯᠡᠮᠵᠢ ᠶᠡᠬᠡ ᠪᠡᠷ ᠱᠠᠩᠨᠠᠬᠤ ᠪᠣᠯᠣᠨᠠ》 ᠭᠡᠵᠡᠢ᠃ 2 ᠠᠪᠷᠠᠮ᠄ 《ᠡᠵᠡᠨ ᠶᠣᠬᠣᠸᠠ ᠮᠢᠨᠢ︕ ᠲᠠ ᠨᠠᠳᠠ ᠳᠤ ᠶᠠᠭᠤ ᠬᠠᠢᠷᠠᠯᠠᠬᠤ ᠰᠠᠨ ᠪᠣᠯ︖ ᠪᠢ ᠦᠷᠡ ᠬᠡᠦᠬᠡᠳ ᠦᠭᠡᠢ ᠪᠣᠯᠬᠣᠷ ᠳ᠋ᠠᠮᠠᠰᠺᠦ᠋ᠰ ᠬᠥᠮᠦᠨ ᠡᠯᠢᠶᠧᠽᠧᠷ ᠮᠢᠨᠦ ᠥᠪ ᠢ ᠵᠠᠯᠭᠠᠮᠵᠢᠯᠠᠬᠤ ᠪᠣᠯᠣᠨᠠ》 ᠭᠡᠪᠡ᠃ 3 ᠠᠪᠷᠠᠮ ᠵᠠᠯᠭᠠᠭᠠᠳ᠄ 《ᠲᠠ ᠨᠠᠳᠠ ᠳᠤ ᠦᠷᠡ ᠤᠳᠤᠮ ᠵᠠᠶᠠᠭᠠᠭᠠ ᠦᠭᠡᠢ ᠰᠢᠦ᠃ ᠡᠨᠡ ᠭᠡᠷ ᠲᠦ ᠲᠥᠷᠥᠭᠰᠡᠨ ᠵᠠᠷᠤᠴᠠ ᠮᠢᠨᠦ ᠥᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠬᠤ ᠨᠢ ᠡ︕》 ᠭᠡᠵᠦ ᠬᠡᠯᠡᠵᠡᠢ᠃ 4 ᠲᠡᠭᠡᠲᠡᠯᠡ ᠶᠣᠬᠣᠸᠠ ᠶᠢᠨ ᠦᠭᠡ ᠲᠡᠭᠦᠨ ᠳᠦ ᠢᠷᠡᠵᠦ᠄ 《ᠴᠢᠨᠦ ᠥᠪ ᠢ ᠵᠠᠯᠭᠠᠮᠵᠢᠯᠠᠭᠴᠢ ᠨᠢ ᠲᠡᠷᠡ ᠪᠢᠰᠢ᠂ ᠬᠠᠷᠢᠨ ᠥᠪᠡᠷ ᠦᠨ ᠴᠢᠨᠢ ᠪᠡᠶᠡ ᠡᠴᠡ ᠲᠥᠷᠥᠬᠦ ᠬᠥᠪᠡᠭᠦᠨ ᠯᠠ ᠴᠢᠨᠦ ᠥᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠣᠨᠠ》 ᠭᠡᠳ᠂ 5 ᠲᠡᠭᠦᠨ ᠢ ᠭᠠᠳᠠᠭᠰᠢ ᠭᠠᠷᠭᠠᠭᠠᠳ᠄ 《ᠲᠩᠷᠢ ᠥᠭᠡᠳᠡ ᠬᠠᠷᠠ ᠴᠢ᠂ ᠲᠡᠷᠡ ᠣᠳᠣᠳ ᠢ ᠲᠣᠭᠠᠯᠠᠵᠤ ᠴᠢᠳᠠᠪᠠᠰᠤ ᠲᠣᠭᠠᠯᠠ》 ᠭᠡᠪᠡ᠃ ᠲᠡᠷᠡ ᠪᠠᠰᠠ ᠳᠠᠬᠢᠨ᠄ 《ᠴᠢᠨᠦ ᠦᠷᠡ ᠤᠳᠤᠮ ᠡᠢᠮᠦ ᠣᠯᠠᠨ ᠪᠣᠯᠣᠨᠠ》 ᠭᠡᠵᠦ ᠠᠢᠯᠠᠳᠪᠠ᠃ 6 ᠠᠪᠷᠠᠮ ᠶᠣᠬᠣᠸᠠ ᠳᠤ ᠢᠲᠡᠭᠡᠭᠰᠡᠨ ᠳᠦ᠂ ᠶᠣᠬᠣᠸᠠ ᠲᠡᠭᠦᠨ ᠢ ᠵᠥᠪᠲᠦ ᠳᠦ ᠲᠣᠭᠠᠴᠠᠪᠠ᠃
7 ᠲᠡᠷᠡ ᠪᠡᠷ ᠠᠪᠷᠠᠮ ᠳᠤ᠄ 《ᠪᠢ ᠪᠣᠯ ᠶᠣᠬᠣᠸᠠ᠂ ᠴᠢᠮᠠ ᠳᠤ ᠡᠨᠡ ᠭᠠᠵᠠᠷ ᠨᠤᠲᠤᠭ ᠢ ᠥᠭᠴᠦ ᠡᠵᠡᠮᠰᠢᠭᠦᠯᠬᠦ ᠪᠡᠷ ᠴᠢᠮᠠᠶᠢ ᠺᠠᠯᠳᠧᠶᠠ ᠶᠢᠨ ᠦᠦᠷ ᠡᠴᠡ ᠠᠪᠴᠢᠷᠠᠭᠰᠠᠨ ᠶᠤᠮ》 ᠭᠡᠬᠦ ᠳᠦ᠂ 8 ᠠᠪᠷᠠᠮ᠄ 《ᠡᠵᠡᠨ ᠶᠣᠬᠣᠸᠠ ᠮᠢᠨᠢ︕ ᠪᠢ ᠡᠨᠡ ᠭᠠᠵᠠᠷ ᠢ ᠡᠵᠡᠮᠰᠢᠬᠦ ᠪᠡᠨ ᠶᠠᠭᠠᠬᠢᠨ ᠮᠡᠳᠡᠬᠦ ᠪᠤᠢ︖》 ᠭᠡᠵᠦ ᠠᠰᠠᠭᠤᠪᠠ᠃ 9 ᠶᠣᠬᠣᠸᠠ ᠲᠡᠭᠦᠨ ᠳᠦ᠄ 《ᠨᠠᠳᠠ ᠳᠤ ᠵᠣᠷᠢᠭᠤᠯᠵᠤ ᠭᠤᠨᠵᠢᠨ ᠦᠨᠢᠶᠡ᠂ ᠬᠢᠵᠠᠯᠠᠩ ᠡᠮᠡ ᠢᠮᠠᠭᠠ᠂ ᠬᠢᠵᠠᠯᠠᠩ ᠡᠷᠡ ᠬᠣᠨᠢ᠂ ᠬᠡᠭᠦᠷᠵᠡᠭᠡᠨᠡ᠂ ᠲᠠᠭᠲᠠᠭᠠᠨ ᠵᠤᠯᠵᠠᠭᠠ ᠵᠡᠷᠭᠡ ᠶᠢ ᠠᠪᠴᠢᠷᠠ》 ᠭᠡᠪᠡ᠃ 10 ᠠᠪᠷᠠᠮ ᠲᠡᠷᠡ ᠪᠦᠬᠦᠨ ᠢ ᠠᠪᠴᠤ ᠬᠣᠶᠠᠷ ᠲᠠᠯᠠᠯᠠᠨ ᠬᠤᠪᠢᠶᠠᠭᠠᠳ ᠲᠠᠯᠠ ᠪᠦᠷᠢ ᠶᠢ ᠥᠭᠡᠳᠡ ᠥᠭᠡᠳᠡ ᠡᠴᠡ ᠨᠢ ᠬᠠᠷᠠᠭᠤᠯᠤᠨ ᠲᠠᠯᠪᠢᠵᠠᠢ᠃ ᠬᠠᠷᠢᠨ ᠰᠢᠪᠠᠭᠤᠳ ᠢ ᠬᠤᠪᠢᠶᠠᠭᠰᠠᠨ ᠦᠭᠡᠢ᠃ 11 ᠮᠢᠬᠠᠴᠢᠨ ᠰᠢᠪᠠᠭᠤᠳ ᠦᠬᠦᠭᠰᠡᠨ ᠠᠮᠢᠲᠠᠳ ᠳᠡᠭᠡᠷᠡ ᠪᠠᠭᠤᠵᠤ ᠢᠷᠡᠬᠦ ᠳᠦ᠂ ᠠᠪᠷᠠᠮ ᠦᠷᠭᠦᠭᠡᠵᠦ ᠬᠥᠭᠡᠭᠡᠪᠡ᠃
12 ᠨᠠᠷᠠ ᠰᠢᠩᠭᠡᠬᠦ ᠦᠶᠡ ᠪᠡᠷ ᠠᠪᠷᠠᠮ ᠭᠦᠨ ᠨᠣᠢᠷ ᠲᠤ ᠠᠪᠲᠠᠵᠤ᠂ ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠪᠣᠯᠣᠨ ᠠᠶᠤᠮᠰᠢᠭᠲᠤ ᠠᠢᠳᠠᠰ ᠲᠡᠭᠦᠨ ᠢ ᠨᠥᠮᠥᠷᠪᠡ︕ 13 ᠶᠣᠬᠣᠸᠠ ᠠᠪᠷᠠᠮ ᠳᠤ᠄
14 ᠬᠠᠷᠢᠨ ᠲᠡᠳᠡᠨ ᠢ ᠪᠣᠭᠣᠯᠴᠢᠯᠠᠬᠤ ᠲᠡᠷᠡ ᠭᠦᠷᠦᠨ ᠢ ᠪᠢ ᠰᠢᠳᠬᠡᠨᠡ᠃ ᠡᠭᠦᠨ ᠦ ᠳᠠᠷᠠᠭᠠ ᠯᠠ ᠲᠡᠳᠡ ᠶᠡᠬᠡ ᠡᠳ᠋ ᠬᠥᠷᠥᠩᠭᠡ ᠲᠡᠢ ᠭᠠᠷᠴᠤ ᠢᠷᠡᠨᠡ᠃ 15 ᠴᠢᠨᠦ ᠲᠤᠬᠠᠢ ᠳᠤ ᠭᠡᠪᠡᠯ᠂ ᠴᠢ ᠤᠷᠲᠤ ᠨᠠᠰᠤᠯᠠᠭᠠᠳ ᠡᠴᠢᠭᠡ ᠡᠪᠦᠭᠡᠳ ᠤᠷᠤᠭᠤ ᠪᠠᠨ ᠠᠮᠤᠷ ᠲᠠᠢᠪᠤᠩ ᠢᠶᠠᠷ ᠣᠴᠢᠵᠤ ᠶᠠᠰᠤ ᠪᠠᠨ ᠲᠠᠯᠪᠢᠬᠤ ᠪᠣᠯᠣᠨᠠ᠃ 16 ᠬᠠᠷᠢᠨ ᠴᠢᠨᠦ ᠦᠷᠡ ᠤᠳᠤᠮ ᠳᠥᠷᠪᠡᠳᠡᠬᠢ ᠦᠶᠡ ᠳᠡᠭᠡᠨ ᠡ᠊ᠨᠳᠡ ᠪᠤᠴᠠᠵᠤ ᠢᠷᠡᠬᠦ ᠪᠣᠯᠣᠨᠠ᠃ ᠠᠮᠣᠷᠢᠴᠤᠳ ᠤᠨ ᠭᠡᠮ ᠨᠢᠭᠦᠯ ᠠᠷᠠᠢ ᠳᠦᠭᠦᠷᠦᠭᠡ ᠦᠭᠡᠢ》 ᠭᠡᠪᠡ᠃
17 ᠨᠠᠷᠠ ᠰᠢᠩ᠋ᠭᠡᠵᠦ ᠬᠠᠷᠠᠩ᠋ᠭᠤᠢ ᠪᠣᠯᠬᠤ ᠳᠤ ᠤᠲᠤᠭᠠ ᠭᠠᠷᠴᠤ ᠪᠠᠢᠭᠠ ᠵᠤᠤᠬᠠ ᠪᠣᠯᠣᠨ ᠭᠠᠯ ᠪᠠᠮᠪᠠᠷ ᠨᠥᠭᠥᠭᠡ ᠲᠠᠯᠠᠯᠠᠭᠳᠠᠭᠰᠠᠨ ᠮᠢᠬᠠᠨ ᠤ ᠳᠤᠮᠳᠠᠭᠤᠷ ᠥᠩᠭᠡᠷᠡᠨ ᠭᠠᠷᠪᠠ︕ 18 ᠲᠡᠷᠡ ᠡᠳᠦᠷ ᠶᠣᠬᠣᠸᠠ ᠠᠪᠷᠠᠮ ᠲᠠᠢ ᠭᠡᠷᠡ ᠪᠠᠢᠭᠤᠯᠵᠤ᠄ 《ᠪᠢ ᠴᠢᠨᠦ ᠦᠷᠡ ᠤᠳᠤᠮ ᠳᠤ ᠶᠧᠵᠢᠫᠲ ᠮᠥᠷᠡᠨ ᠡᠴᠡ ᠶᠡᠬᠡ ᠮᠥᠷᠡᠨ ᠪᠤᠶᠤ ᠡᠶᠦ᠋ᠹᠷᠠᠲ᠋ᠧᠰ ᠬᠦᠷᠲᠡᠯᠡᠬᠢ ᠡᠨᠡ ᠭᠠᠵᠠᠷ ᠢ ᠥᠭᠭᠥᠶᠡ᠃ 19 ᠲᠡᠨᠳᠡ ᠺᠧᠨᠴᠦᠳ᠂ ᠺᠧᠨᠢᠽᠴᠦᠳ᠂ ᠺᠠᠳ᠋ᠮᠣᠨᠴᠤᠳ᠂ 20 ᠾᠧᠲ᠋ᠴᠦᠳ᠂ ᠫᠧᠷᠢᠽᠴᠦᠳ᠂ ᠷᠧᠹᠠᠢᠮᠴᠤᠳ᠂ 21 ᠠᠮᠣᠷᠢᠴᠤᠳ᠂ ᠺᠠᠨᠠᠨᠴᠤᠳ᠂ ᠭᠢᠷᠭᠠᠱᠴᠤᠳ᠂ ᠶᠧᠪᠦ᠋ᠰᠴᠦᠳ ᠰᠠᠭᠤᠳᠠᠭ ᠶᠤᠮ》 ᠭᠡᠵᠦ ᠠᠢᠯᠠᠳᠪᠠ᠃