ᠡᠬᠢᠯᠡᠯ ᠳᠥᠴᠢᠨ ᠨᠠᠢ᠌ᠮᠠ
ᠮᠠᠨᠠᠰᠧ ᠡᠹᠷᠠᠢᠮ ᠬᠣᠶᠠᠷ
1 ᠡᠳᠡᠭᠡᠷ ᠶᠠᠪᠤᠳᠠᠯ ᠤᠨ ᠳᠠᠷᠠᠭᠠ ᠨᠢᠭᠡᠨ ᠬᠥᠮᠦᠨ ᠶᠣᠰᠧᠹ ᠲᠤ᠄ 《ᠡᠴᠢᠭᠡ ᠲᠠᠨᠢ ᠡᠪᠡᠳᠴᠢᠲᠡᠢ ᠪᠠᠢᠨᠠ︕》 ᠭᠡᠵᠦ ᠬᠡᠯᠡᠭᠰᠡᠨ ᠳᠦ᠂ ᠲᠡᠷᠡ ᠮᠠᠨᠠᠰᠧ᠂ ᠡᠹᠷᠠᠢᠮ ᠬᠣᠶᠠᠷ ᠬᠦᠦ ᠪᠡᠨ ᠳᠠᠭᠠᠭᠤᠯᠤᠨ ᠣᠴᠢᠪᠠ᠃ 2 《ᠬᠦᠦ ᠶᠣᠰᠧᠹ ᠴᠢᠨᠢ ᠲᠠᠨ ᠳᠡᠭᠡᠷᠡ ᠬᠦᠷᠴᠦ ᠢᠷᠡᠯᠡ》 ᠭᠡᠵᠦ ᠨᠢᠭᠡ ᠨᠢ ᠶᠠᠺᠣᠪ ᠲᠤ ᠬᠡᠯᠡᠬᠦ ᠳᠦ᠂ ᠢᠰᠷᠧᠯ ᠥᠪᠡᠷ ᠢ ᠪᠠᠨ ᠬᠦᠴᠦᠯᠡᠨ ᠣᠷᠣ ᠳᠡᠭᠡᠷᠡ ᠪᠡᠨ ᠥᠨᠳᠡᠢᠵᠦ ᠰᠠᠭᠤᠪᠠ᠃ 3 ᠶᠠᠺᠣᠪ ᠶᠣᠰᠧᠹ ᠲᠤ᠄ 《ᠲᠡᠭᠦᠰ ᠬᠦᠴᠦᠲᠦ ᠪᠤᠷᠬᠠᠨ ᠺᠠᠨᠠᠨ ᠨᠤᠲᠤᠭ ᠤᠨ ᠯᠦᠽ ᠲᠤ ᠨᠠᠳᠠ ᠳᠤ ᠦᠵᠡᠭᠳᠡᠵᠦ᠂ ᠨᠠᠮᠠᠶᠢ ᠢᠷᠥᠭᠡᠨ᠄ 4 〈ᠪᠢ ᠴᠢᠮᠠᠶᠢ ᠦᠷᠡᠵᠢᠭᠦᠯᠦᠨ ᠣᠯᠠᠰᠢᠷᠠᠭᠤᠯᠤᠨᠠ︕ ᠪᠢ ᠴᠢᠮᠠ ᠠᠴᠠ ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠡᠭᠦᠰᠭᠡᠵᠦ᠂ ᠡᠨᠡ ᠭᠠᠵᠠᠷ ᠢ ᠴᠢᠨᠦ ᠬᠣᠢᠴᠢ ᠦᠶᠡ ᠶᠢᠨ ᠬᠢᠨ ᠳᠤ ᠡᠭᠦᠷᠢᠳᠡ ᠶᠢᠨ ᠥᠮᠴᠢ ᠪᠣᠯᠭᠠᠨ ᠥᠭᠭᠥᠨᠡ〉》 ᠭᠡᠵᠦ ᠬᠡᠯᠡᠭᠰᠡᠨ᠃ 5 ᠲᠡᠢᠮᠦ ᠡᠴᠡ ᠶᠧᠵᠢᠫᠲ ᠲᠤ ᠴᠢᠮᠠ ᠳᠡᠭᠡᠷᠡ ᠢᠷᠡᠬᠦ ᠶᠢᠨ ᠮᠢᠨᠢ ᠡᠮᠦᠨᠡ ᠡ᠊ᠨᠳᠡ ᠲᠥᠷᠥᠭᠰᠡᠨ ᠬᠣᠶᠠᠷ ᠬᠦᠦ ᠴᠢᠨᠢ ᠮᠢᠨᠦᠬᠢ ᠪᠣᠯᠣᠨᠠ᠃ ᠷᠧᠣᠪᠧᠨ᠂ ᠰᠢᠮᠧᠶᠣᠨ ᠬᠣᠶᠠᠷ ᠨᠢ ᠮᠢᠨᠦ ᠬᠦᠦ ᠮᠥᠨ ᠰᠢᠭ ᠡᠹᠷᠠᠢᠮ᠂ ᠮᠠᠨᠠᠰᠧ ᠬᠣᠶᠠᠷ ᠴᠤ ᠮᠢᠨᠦᠬᠢ ᠶᠤᠮ᠃ 6 ᠲᠡᠳᠡᠨ ᠦ ᠳᠠᠷᠠᠭᠠ ᠴᠢᠮᠠ ᠳᠤ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠤᠳ ᠨᠢ ᠴᠢᠨᠦᠬᠢ ᠪᠣᠯᠪᠠᠴᠤ ᠲᠡᠳᠡ ᠴᠤ ᠠᠬᠠ ᠨᠠᠷ ᠤᠨ ᠢᠶᠠᠨ ᠥᠪᠯᠡᠬᠦ ᠭᠠᠵᠠᠷ ᠲᠤ ᠨᠡᠷᠡ ᠶᠢᠨ ᠬᠢᠨᠢ ᠳᠣᠣᠷᠠ ᠥᠪᠡᠷᠰᠡᠳ ᠦᠨ ᠢᠶᠠᠨ ᠥᠪ ᠢ ᠥᠪᠯᠡᠬᠦ ᠶᠣᠰᠣᠲᠠᠢ᠃ 7 ᠤᠴᠢᠷ ᠨᠢ ᠨᠠᠮᠠᠶᠢ ᠫᠠᠳᠠᠨ ᠠᠴᠠ ᠪᠤᠴᠠᠬᠤ ᠦᠶᠡ ᠳᠦ᠂ ᠺᠠᠨᠠᠨ ᠨᠤᠲᠤᠭ ᠤᠨ ᠡᠹᠷᠠᠲ ᠳᠥᠭᠥᠲᠡᠯᠡ ᠡᠵᠢ ᠷᠠᠾᠢᠯ ᠴᠢᠨᠢ ᠵᠠᠮ ᠳᠡᠭᠡᠷᠡ ᠮᠢᠨᠦ ᠡᠮᠦᠨᠡ ᠨᠠᠰᠤ ᠪᠠᠷᠠᠭᠰᠠᠨ ᠶᠤᠮ᠃ ᠪᠢ ᠲᠡᠭᠦᠨ ᠢ ᠡᠹᠷᠠᠲ (ᠪᠧᠲ᠋ᠯᠧᠾᠧᠮ) ᠬᠦᠷᠬᠦ ᠵᠠᠮ ᠳᠤ ᠣᠷᠣᠰᠢᠭᠤᠯᠤᠭᠰᠠᠨ ᠪᠢᠯᠡ᠃
8 ᠢᠰᠷᠧᠯ ᠶᠣᠰᠧᠹ ᠤᠨ ᠬᠥᠪᠡᠭᠦᠳ ᠢ ᠬᠠᠷᠠᠭᠠᠳ᠄ 《ᠡᠳᠡ ᠨᠠᠷ ᠴᠢᠨᠢ ᠬᠡᠨ ᠪᠤᠢ︖》 ᠭᠡᠪᠡ᠃ 9 ᠶᠣᠰᠧᠹ ᠡᠴᠢᠭᠡ ᠳᠡᠭᠡᠨ᠄ 《ᠡ᠊ᠨᠳᠡ ᠪᠠᠢᠬᠤ ᠳᠤ ᠮᠢᠨᠢ ᠪᠤᠷᠬᠠᠨ ᠤ ᠨᠠᠳᠠ ᠳᠤ ᠬᠠᠢᠷᠠᠯᠠᠭᠰᠠᠨ ᠬᠥᠪᠡᠭᠦᠳ ᠶᠤᠮ》 ᠭᠡᠰᠡᠨ ᠳᠦ᠂ ᠲᠡᠷᠡ᠄ 《ᠨᠠᠳᠠ ᠳᠡᠭᠡᠷᠡ ᠠᠪᠴᠢᠷᠠ︕ ᠪᠢ ᠲᠡᠳᠡᠨ ᠢ ᠢᠷᠥᠭᠡᠶᠡ︕》 ᠭᠡᠯᠡ᠃ 10 ᠢᠰᠷᠧᠯ ᠥᠨᠳᠥᠷ ᠨᠠᠰᠤᠲᠠᠢ ᠪᠣᠯᠣᠭᠰᠠᠨ ᠪᠣᠯᠬᠣᠷ ᠬᠠᠷᠠᠭᠠ ᠨᠢ ᠮᠠᠭᠤᠳᠠᠵᠤ᠂ ᠰᠠᠢᠨ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠯᠠ᠃ ᠶᠣᠰᠧᠹ ᠬᠥᠪᠡᠭᠦᠳ ᠢᠶᠡᠨ ᠠᠪᠴᠢᠷᠠᠬᠤ ᠳᠤ᠂ ᠢᠰᠷᠧᠯ ᠲᠡᠳᠡᠨ ᠢ ᠦᠨᠦᠰᠦᠭᠡᠳ ᠲᠡᠪᠡᠷᠢᠪᠡ᠃ 11 ᠢᠰᠷᠧᠯ ᠶᠣᠰᠧᠹ ᠲᠤ᠄ 《ᠴᠢᠨᠦ ᠴᠢᠷᠠᠢ ᠶᠢ ᠳᠠᠬᠢᠨ ᠬᠠᠷᠠᠨᠠ ᠭᠡᠵᠦ ᠪᠢ ᠪᠣᠳᠣᠳᠠᠭ ᠦᠭᠡᠢ ᠪᠠᠢᠵᠤ ᠪᠢᠯᠡ᠃ ᠭᠡᠲᠡᠯᠡ ᠪᠤᠷᠬᠠᠨ ᠴᠢᠨᠦ ᠦᠷᠡ ᠬᠡᠦᠬᠡᠳ ᠤᠳ ᠢ ᠴᠤ ᠨᠠᠳᠠ ᠳᠤ ᠬᠠᠷᠠᠭᠤᠯᠤᠯᠠ︕》 ᠭᠡᠪᠡ᠃ 12 ᠶᠣᠰᠧᠹ ᠡᠴᠢᠭᠡ ᠶᠢᠨ ᠢᠶᠠᠨ ᠡᠪᠦᠳᠦᠭ ᠡᠴᠡ ᠬᠣᠶᠠᠷ ᠬᠦᠦ ᠪᠡᠨ ᠵᠠᠢᠯᠠᠭᠤᠯᠵᠤ᠂ ᠭᠠᠵᠠᠷ ᠲᠤ ᠰᠥᠭᠥᠳᠥᠨ ᠮᠥᠷᠭᠥᠪᠡ᠃ 13 ᠶᠣᠰᠧᠹ ᠬᠣᠶᠠᠷ ᠬᠦᠦ ᠪᠡᠨ ᠠᠪᠤᠭᠠᠳ᠂ ᠡᠹᠷᠠᠢᠮ ᠢ ᠥᠪᠡᠷ ᠦᠨ ᠢᠶᠠᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠰᠷᠧᠯ ᠤᠨ ᠵᠡᠭᠦᠨ ᠭᠠᠷ ᠲᠠᠯᠠ ᠳᠤ᠂ ᠮᠠᠨᠠᠰᠧ ᠶᠢ ᠥᠪᠡᠷ ᠦᠨ ᠢᠶᠠᠨ ᠵᠡᠭᠦᠨ ᠭᠠᠷ ᠢᠶᠠᠷ ᠢᠰᠷᠧᠯ ᠤᠨ ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠳᠤ ᠭᠠᠷᠭᠠᠨ ᠡᠴᠢᠭᠡ ᠤᠷᠤᠭᠤ ᠪᠠᠨ ᠠᠪᠴᠢᠷᠠᠪᠠ᠃ 14 ᠭᠡᠪᠡᠴᠦ ᠢᠰᠷᠧᠯ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠰᠤᠩ᠋ᠭᠠᠨ᠂ ᠪᠠᠭᠠ ᠬᠦᠦ ᠡᠹᠷᠠᠢᠮ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠲᠠᠯᠪᠢᠵᠤ᠂ ᠮᠠᠨᠠᠰᠧ ᠨᠢ ᠬᠡᠳᠦᠢᠪᠡᠷ ᠲᠣᠮᠣ ᠬᠦᠦ ᠨᠢ ᠪᠣᠯᠪᠠᠴᠤ ᠲᠡᠭᠦᠨ ᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠵᠡᠭᠦᠨ ᠭᠠᠷ ᠢᠶᠠᠨ ᠵᠥᠷᠢᠭᠦᠯᠦᠨ ᠲᠠᠯᠪᠢᠵᠠᠢ᠃ 15 ᠲᠡᠭᠡᠭᠡᠳ ᠶᠣᠰᠧᠹ ᠢ ᠢᠷᠥᠭᠡᠨ 《ᠮᠢᠨᠦ ᠡᠴᠢᠭᠡ ᠡᠪᠦᠭᠡᠳ ᠠᠪᠷᠠᠬᠠᠮ᠂ ᠢᠰᠠᠺ ᠨᠠᠷ ᠢ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠠᠯᠬᠤᠭᠤᠯᠤᠭᠰᠠᠨ ᠪᠤᠷᠬᠠᠨ ᠥᠨᠥᠳᠥᠷ ᠬᠦᠷᠲᠡᠯᠡ ᠦᠷᠭᠦᠯᠵᠢ ᠮᠢᠨᠦ ᠬᠣᠨᠢᠴᠢᠨ ᠪᠠᠢᠭᠰᠠᠨ ᠪᠤᠷᠬᠠᠨ
16 ᠦᠢ ᠣᠯᠠᠨ ᠭᠠᠢ ᠵᠣᠪᠠᠯᠠᠩ ᠠᠴᠠ ᠨᠠᠮᠠᠶᠢ ᠵᠣᠯᠢᠭᠰᠠᠨ ᠲᠩᠷᠢ ᠡᠯᠴᠢ ᠡᠨᠡ ᠵᠠᠯᠠᠭᠤᠰ ᠢ ᠢᠪᠡᠭᠡᠭᠡᠴᠢ ᠲᠡᠳᠡ ᠮᠢᠨᠦ ᠨᠡᠷᠡ ᠪᠡᠷ᠂ ᠪᠠᠰᠠ ᠮᠢᠨᠦ ᠳᠡᠭᠡᠳᠦᠰ ᠠᠪᠷᠠᠬᠠᠮ ᠪᠣᠯᠣᠨ ᠢᠰᠠᠺ ᠤᠨ ᠨᠡᠷᠡ ᠪᠡᠷ ᠳᠠᠭᠤᠳᠠᠭᠤᠯᠬᠤ ᠪᠣᠯᠲᠤᠭᠠᠢ ᠲᠡᠳᠡ ᠭᠠᠵᠠᠷ ᠳᠡᠯᠡᠬᠡᠢ ᠳᠡᠭᠡᠷᠡ ᠦᠷᠡᠵᠢᠨ ᠣᠯᠠᠰᠢᠷᠠᠬᠤ ᠪᠣᠯᠲᠤᠭᠠᠢ︕》 ᠭᠡᠪᠡ᠃
17 ᠡᠴᠢᠭᠡ ᠨᠢ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠡᠹᠷᠠᠢᠮ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠢ ᠶᠣᠰᠧᠹ ᠬᠠᠷᠠᠭᠠᠳ᠂ ᠰᠡᠳᠬᠢᠯ ᠨᠢ ᠠᠶᠠᠭᠦᠢᠷᠡᠵᠦ ᠡᠴᠢᠭᠡ ᠶᠢᠨ ᠢᠶᠠᠨ ᠪᠠᠷᠠᠭᠤᠨ ᠭᠠᠷ ᠢ ᠮᠠᠨᠠᠰᠧ ᠶᠢᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠰᠢᠯᠵᠢᠭᠦᠯᠬᠦ ᠭᠡᠵᠦ ᠡᠹᠷᠠᠢᠮ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠡᠴᠡ ᠠᠪᠴᠤ᠂ 18 ᠡᠴᠢᠭᠡ ᠳᠡᠭᠡᠨ᠄ 《ᠢᠩᠭᠢᠵᠦ ᠪᠣᠯᠬᠤ ᠦᠭᠡᠢ᠂ ᠠᠪᠤ ᠮᠢᠨᠢ ᠡ︕ ᠤᠤᠭᠠᠨ ᠬᠦᠦ ᠨᠢ ᠡᠨᠡ ᠪᠠᠢᠨᠠ︕ ᠡᠨᠡ ᠬᠦᠦ ᠶᠢᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠲᠠᠯᠪᠢᠭᠠᠷᠠᠢ》 ᠭᠡᠰᠡᠨ ᠳᠦ᠂ 19 ᠡᠴᠢᠭᠡ ᠨᠢ ᠦᠯᠦ ᠵᠥᠪᠰᠢᠶᠡᠷᠡᠵᠦ᠄ 《ᠪᠢ ᠮᠡᠳᠡᠵᠦ ᠪᠠᠢᠨᠠ᠂ ᠬᠦᠦ ᠮᠢᠨᠢ᠂ ᠪᠢ ᠮᠡᠳᠡᠵᠦ ᠪᠠᠢᠨᠠ᠃ ᠲᠡᠷᠡ ᠴᠤ ᠨᠢᠭᠡᠨ ᠣᠪᠣᠭ ᠪᠣᠯᠵᠤ᠂ ᠠᠭᠤᠤ ᠶᠡᠬᠡ ᠪᠣᠯᠣᠨᠠ᠃ ᠬᠠᠷᠢᠨ ᠳᠡᠭᠦᠦ ᠨᠢ ᠲᠡᠭᠦᠨ ᠡᠴᠡ ᠠᠭᠤᠤ ᠪᠣᠯᠵᠤ᠂ ᠦᠷᠡ ᠤᠳᠤᠮ ᠠᠴᠠ ᠨᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠡᠭᠦᠰᠦᠨᠡ》 ᠭᠡᠵᠦ ᠬᠡᠯᠡᠪᠡ᠃ 20 ᠲᠡᠭᠡᠭᠡᠳ ᠲᠡᠷᠡ ᠡᠳᠦᠷ ᠲᠡᠭᠡᠨ ᠲᠡᠳᠡᠨ ᠢ ᠢᠷᠥᠭᠡᠵᠦ᠄ 《ᠢᠰᠷᠧᠯ ᠢᠷᠥᠭᠡᠯ ᠲᠠᠯᠪᠢᠬᠤ ᠳᠠᠭᠠᠨ ᠴᠢᠨᠦ ᠨᠡᠷᠡ ᠶᠢ ᠳᠠᠭᠤᠳᠠᠵᠤ 〈ᠪᠤᠷᠬᠠᠨ ᠴᠢᠮᠠᠶᠢ ᠡᠹᠷᠠᠢᠮ ᠲᠠᠢ ᠠᠳᠠᠯᠢ ᠮᠠᠨᠠᠰᠧ ᠲᠠᠢ ᠠᠳᠠᠯᠢ ᠪᠣᠯᠭᠠᠬᠤ ᠪᠣᠯᠲᠤᠭᠠᠢ︕〉 ᠬᠡᠮᠡᠬᠦ ᠪᠣᠯᠣᠨᠠ》
ᠭᠡᠳ ᠡᠹᠷᠠᠢᠮ ᠢ ᠮᠠᠨᠠᠰᠧ ᠶᠢᠨ ᠲᠦᠷᠦᠭᠦᠨ ᠳᠦ ᠲᠠᠯᠪᠢᠪᠠ᠃ 21 ᠢᠰᠷᠧᠯ ᠶᠣᠰᠧᠹ ᠲᠤ᠄ 《ᠬᠠᠷᠠ᠂ ᠦᠬᠦᠬᠦ ᠴᠠᠭ ᠮᠢᠨᠢ ᠪᠣᠯᠣᠯᠠ᠃ ᠬᠠᠷᠢᠨ ᠪᠤᠷᠬᠠᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠭᠰᠠᠭᠠᠷ᠂ ᠲᠠ ᠨᠠᠷ ᠢ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠴᠢᠨᠢ ᠨᠤᠲᠤᠭ ᠤᠷᠤᠭᠤ ᠪᠤᠴᠠᠭᠠᠨᠠ᠃ 22 ᠪᠢ ᠴᠢᠮᠠ ᠳᠤ ᠠᠬᠠ ᠨᠠᠷ ᠲᠤ ᠴᠢᠨᠢ ᠥᠭᠭᠥᠭᠰᠡᠨ ᠡᠴᠡ ᠢᠯᠡᠭᠦᠦ ᠨᠢᠭᠡ ᠬᠤᠪᠢ 79 ᠶᠢ ᠥᠭᠭᠥᠨᠡ᠃ ᠡᠭᠦᠨ ᠢ ᠪᠢ ᠠᠮᠣᠷᠢᠴᠤᠳ ᠤᠨ ᠭᠠᠷ ᠠᠴᠠ ᠢᠯᠳᠦ᠂ ᠨᠤᠮᠤ ᠪᠠᠷ ᠢᠶᠠᠨ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠶᠤᠮ》 ᠭᠡᠪᠡ᠃