ᠡᠬᠢᠯᠡᠯ ᠠᠷᠪᠠᠨ ᠵᠢᠷᠭᠤᠭᠠ
ᠬᠠᠭᠠᠷ ᠢᠱᠮᠠᠶᠧᠯ ᠬᠣᠶᠠᠷ
1 ᠠᠪᠷᠠᠮ ᠤᠨ ᠡᠬᠡᠨᠡᠷ ᠰᠠᠷᠠᠢ ᠬᠡᠦᠬᠡᠳ ᠲᠥᠷᠥᠭᠦᠯᠦᠭᠡ ᠦᠭᠡᠢ ᠪᠠᠢᠪᠠ᠂ ᠲᠡᠭᠦᠨ ᠳᠦ ᠬᠠᠭᠠᠷ ᠭᠡᠳᠡᠭ ᠶᠧᠵᠢᠫᠲ ᠰᠢᠪᠡᠭᠴᠢᠨ ᠪᠠᠢᠵᠠᠢ᠃ 2 ᠰᠠᠷᠠᠢ ᠠᠪᠷᠠᠮ ᠳᠤ᠄ 《ᠶᠠᠭᠠᠬᠢᠬᠤ ᠪᠤᠢ︖ ᠶᠣᠬᠣᠸᠠ ᠮᠢᠨᠦ ᠲᠥᠷᠥᠬᠦ ᠶᠢ ᠵᠥᠪᠰᠢᠶᠡᠷᠡᠭᠡ ᠦᠭᠡᠢ ᠶᠤᠮ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠲᠠ ᠮᠢᠨᠦ ᠰᠢᠪᠡᠭᠴᠢᠨ ᠳᠡᠭᠡᠷᠡ ᠣᠷᠣᠨᠠ ᠤᠤ︖ ᠪᠢ ᠲᠡᠭᠦᠨ ᠢᠶᠡᠷ ᠳᠠᠮᠵᠢᠭᠤᠯᠤᠨ ᠬᠡᠦᠬᠡᠳ ᠲᠡᠢ ᠪᠣᠯᠵᠤ ᠮᠠᠭᠠᠳ ᠦᠭᠡᠢ》 ᠭᠡᠵᠦ ᠭᠤᠶᠤᠭᠰᠠᠨ ᠳᠤ᠂ ᠠᠪᠷᠠᠮ ᠰᠠᠷᠠᠢ ᠶᠢᠨ ᠦᠭᠡ ᠶᠢ ᠳᠠᠭᠠᠪᠠ᠃ 3 ᠡᠢᠨ ᠬᠦ ᠠᠪᠷᠠᠮ ᠤᠨ ᠡᠬᠡᠨᠡᠷ ᠰᠠᠷᠠᠢ ᠶᠧᠵᠢᠫᠲ ᠰᠢᠪᠡᠭᠴᠢᠨ ᠬᠠᠭᠠᠷ ᠢᠶᠠᠨ ᠠᠪᠴᠢᠷᠠᠵᠤ᠂ ᠥᠪᠡᠷ ᠦᠨ ᠢᠶᠠᠨ ᠨᠥᠬᠥᠷ ᠠᠪᠷᠠᠮ ᠳᠤ ᠲᠠᠲᠠᠪᠤᠷᠢ ᠪᠣᠯᠭᠠᠨ ᠥᠭᠴᠡᠢ᠃ ᠡᠨᠡ ᠶᠠᠪᠤᠳᠠᠯ ᠠᠪᠷᠠᠮ ᠢ ᠺᠠᠨᠠᠨ ᠳᠤ ᠠᠷᠪᠠᠨ ᠵᠢᠯ ᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠪᠣᠯᠣᠭᠰᠠᠨ ᠶᠤᠮ᠃ 4 ᠲᠡᠭᠡᠭᠡᠳ ᠠᠪᠷᠠᠮ ᠬᠠᠭᠠᠷ ᠳᠡᠭᠡᠷᠡ ᠣᠷᠣᠭᠰᠠᠨ ᠳᠤ᠂ ᠬᠠᠭᠠᠷ ᠵᠢᠷᠮᠦᠰᠦᠯᠡᠪᠡ᠃ ᠬᠠᠭᠠᠷ ᠵᠢᠷᠮᠦᠰᠦᠨ ᠪᠣᠯᠣᠭᠰᠠᠨ ᠢᠶᠠᠨ ᠮᠡᠳᠡᠭᠡᠳ ᠡᠵᠡᠭᠲᠡᠢ ᠪᠡᠨ ᠳᠣᠣᠷᠠ ᠦᠵᠡᠬᠦ ᠪᠣᠯᠪᠠ᠃ 5 ᠰᠠᠷᠠᠢ ᠠᠪᠷᠠᠮ ᠳᠤ᠄ 《ᠲᠠᠨ ᠠᠴᠠ ᠪᠣᠯᠵᠤ ᠪᠢ ᠵᠣᠪᠠᠵᠤ ᠦᠬᠦᠯᠡ︕ ᠪᠢ ᠰᠢᠪᠡᠭᠴᠢᠨ ᠢᠶᠠᠨ ᠲᠠᠨ ᠤ ᠡᠪᠦᠷ ᠲᠦ ᠥᠭᠭᠥᠭᠰᠡᠨ ᠯᠠ ᠳᠠ᠃ ᠣᠳᠣ ᠲᠡᠷᠡ ᠵᠢᠷᠮᠦᠰᠦᠨ ᠪᠣᠯᠣᠭᠰᠠᠨ ᠢᠶᠠᠨ ᠮᠡᠳᠡᠭᠡᠳ ᠨᠠᠮᠠᠶᠢ ᠳᠣᠣᠷᠠ ᠦᠵᠡᠵᠦ ᠪᠠᠢᠨᠠ᠃ ᠲᠠ ᠪᠢᠳᠡ ᠬᠣᠶᠠᠷ ᠤᠨ ᠬᠡᠨ ᠦ ᠬᠢᠨᠢ ᠵᠥᠪ ᠪᠠᠢᠬᠤ ᠶᠢ ᠶᠣᠬᠣᠸᠠ ᠰᠢᠭᠦᠭ》 ᠭᠡᠪᠡ᠃ 6 ᠠᠪᠷᠠᠮ ᠰᠠᠷᠠᠢ ᠳᠤ᠄ 《ᠰᠢᠪᠡᠭᠴᠢᠨ ᠴᠢᠨᠢ ᠴᠢᠨᠦ ᠭᠠᠷ ᠲᠤ ᠪᠠᠢᠨᠠ︕ ᠶᠠᠭᠤ ᠳᠤᠷᠠᠲᠠᠢ ᠪᠠᠨ ᠲᠡᠭᠦᠨ ᠳᠦ ᠬᠢ》 ᠭᠡᠪᠡ᠃ ᠲᠡᠭᠡᠭᠡᠳ ᠰᠠᠷᠠᠢ ᠬᠠᠭᠠᠷ ᠲᠤ ᠰᠢᠷᠦᠭᠦᠨ ᠬᠠᠨᠳᠤᠭᠰᠠᠨ ᠳᠤ᠂ ᠬᠠᠭᠠᠷ ᠲᠡᠭᠦᠨ ᠡᠴᠡ ᠵᠢᠭᠤᠲᠠᠵᠠᠢ᠃
7 ᠶᠣᠬᠣᠸᠠ ᠶᠢᠨ ᠲᠩᠷᠢ ᠡᠯᠴᠢ ᠴᠥᠯ ᠦᠨ ᠨᠢᠭᠡᠨ ᠪᠤᠯᠠᠭ ᠤᠨ ᠬᠠᠪᠢ ᠳᠤ ᠬᠠᠭᠠᠷ ᠢ ᠣᠯᠵᠤ ᠬᠠᠷᠠᠪᠠ᠃ ᠲᠡᠷᠡ ᠪᠤᠯᠠᠭ ᠱᠦᠷ ᠬᠦᠷᠬᠦ ᠵᠠᠮ ᠤᠨ ᠳᠡᠷᠭᠡᠳᠡ ᠪᠤᠢ᠃ 8 ᠲᠡᠷᠡ᠄ 《ᠰᠠᠷᠠᠢ ᠶᠢᠨ ᠰᠢᠪᠡᠭᠴᠢᠨ ᠬᠠᠭᠠᠷ ᠡ︕ ᠴᠢ ᠬᠠᠮᠢᠭᠠ ᠠᠴᠠ ᠢᠷᠡᠭᠡᠳ᠂ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠵᠤ ᠪᠠᠢᠨᠠ ᠪᠤᠢ︖》 ᠭᠡᠰᠡᠨ ᠳᠦ᠂ ᠬᠠᠭᠠᠷ᠄ 《ᠪᠢ ᠡᠵᠡᠭᠲᠡᠢ ᠰᠠᠷᠠᠢ ᠠᠴᠠ ᠪᠠᠨ ᠵᠢᠭᠤᠲᠠᠵᠤ ᠶᠠᠪᠤᠨᠠ》 ᠭᠡᠵᠡᠢ᠃ 9 ᠶᠣᠬᠣᠸᠠ ᠶᠢᠨ ᠲᠩᠷᠢ ᠡᠯᠴᠢ ᠲᠡᠭᠦᠨ ᠳᠦ᠄ 《ᠴᠢ ᠡᠵᠡᠭᠲᠡᠢ ᠳᠡᠭᠡᠨ ᠪᠤᠴᠠᠵᠤ ᠣᠴᠢᠭᠠᠳ ᠭᠠᠷ ᠳᠣᠣᠷᠠ ᠨᠢ ᠣᠷᠣᠵᠤ ᠳᠤᠭᠤᠯᠭᠠᠪᠤᠷᠢᠲᠠᠢ ᠪᠠᠢ》 ᠭᠡᠪᠡ᠃ 10 ᠶᠣᠬᠣᠸᠠ ᠶᠢᠨ ᠲᠩᠷᠢ ᠡᠯᠴᠢ ᠲᠡᠭᠦᠨ ᠳᠦ᠄ 《ᠪᠢ ᠦᠷᠡ ᠤᠳᠤᠮ ᠢ ᠴᠢᠨᠢ ᠣᠯᠠᠰᠢᠷᠠᠭᠤᠯᠤᠨ ᠣᠯᠠᠰᠢᠷᠠᠭᠤᠯᠵᠤ᠂ ᠲᠣᠭᠠᠯᠠᠵᠤ ᠪᠠᠷᠠᠰᠢ ᠦᠭᠡᠢ ᠣᠯᠠᠨ ᠪᠣᠯᠭᠠᠨᠠ》 ᠭᠡᠪᠡ᠃ 11 ᠶᠣᠬᠣᠸᠠ ᠶᠢᠨ ᠲᠩᠷᠢ ᠡᠯᠴᠢ ᠲᠡᠭᠦᠨ ᠳᠦ᠄ 《ᠬᠠᠭᠠᠷ᠂ ᠴᠢ ᠣᠳᠣ ᠵᠢᠷᠮᠦᠰᠦᠨ ᠬᠦᠦ ᠲᠥᠷᠥᠭᠦᠯᠬᠦ ᠪᠣᠯᠣᠨᠠ ᠲᠡᠭᠦᠨ ᠢ ᠢᠱᠮᠠᠶᠧᠯ 24 ᠭᠡᠵᠦ ᠳᠠᠭᠤᠳᠠᠨᠠ ᠤᠴᠢᠷ ᠨᠢ ᠵᠣᠪᠠᠯᠠᠩᠲᠤ ᠳᠠᠭᠤ ᠶᠢ ᠴᠢᠨᠢ ᠶᠣᠬᠣᠸᠠ ᠳᠤᠭᠤᠯᠤᠭᠰᠠᠨ
12 ᠬᠦᠦ ᠴᠢᠨᠢ ᠵᠡᠷᠯᠢᠭ ᠡᠯᠵᠢᠭᠡ ᠮᠡᠲᠦ ᠬᠥᠮᠦᠨ ᠪᠣᠯᠣᠨᠠ ᠲᠡᠭᠦᠨ ᠦ ᠭᠠᠷ ᠬᠥᠮᠦᠨ ᠪᠦᠬᠦᠨ ᠦ ᠡᠰᠡᠷᠭᠦ ᠬᠥᠮᠦᠨ ᠪᠦᠬᠦᠨ ᠦ ᠭᠠᠷ ᠲᠡᠭᠦᠨ ᠦ ᠡᠰᠡᠷᠭᠦ ᠪᠥᠭᠡᠳ ᠲᠡᠷᠡ ᠪᠡᠷ ᠬᠠᠮᠤᠭ ᠠᠬᠠ ᠳᠡᠭᠦᠦᠰ ᠡᠴᠡ ᠪᠡᠨ ᠨᠢᠭᠤᠷ ᠪᠤᠷᠤᠭᠤᠯᠤᠨ ᠠᠮᠢᠳᠤᠷᠠᠨᠠ》
ᠭᠡᠪᠡ᠃ 13 ᠬᠠᠭᠠᠷ᠄ 《ᠨᠠᠮᠠᠶᠢ ᠬᠠᠷᠠᠳᠠᠭ ᠨᠢᠭᠡᠨ ᠢ ᠪᠢ ᠡ᠊ᠨᠳᠡ ᠨᠡᠭᠡᠷᠡᠨ ᠬᠠᠷᠠᠭᠰᠠᠨ ᠪᠠᠢᠨᠠ ᠤᠤ︖》 ᠭᠡᠳ ᠥᠪᠡᠷ ᠲᠡᠢ ᠨᠢ ᠶᠠᠷᠢᠭᠰᠠᠨ ᠶᠣᠬᠣᠸᠠ ᠶᠢ 《ᠬᠠᠷᠠᠳᠠᠭ ᠪᠤᠷᠬᠠᠨ》 ᠭᠡᠵᠦ ᠨᠡᠷᠡᠯᠡᠪᠡ᠃ 14 ᠡᠢᠮᠦ ᠤᠴᠢᠷ ᠠᠴᠠ ᠲᠡᠷᠡ ᠪᠤᠯᠠᠭ ᠪᠧᠷ ᠯᠠᠬᠠᠢ ᠷᠣᠢ 25 ᠭᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠪᠥᠭᠡᠳ ᠲᠡᠷᠡ ᠪᠤᠯᠠᠭ ᠺᠠᠳᠧᠱ᠂ ᠪᠧᠷᠧᠳ᠋ ᠬᠣᠶᠠᠷ ᠤᠨ ᠬᠣᠭᠣᠷᠣᠨᠳᠣ ᠪᠤᠢ᠃
15 ᠲᠡᠭᠡᠭᠡᠳ ᠬᠠᠭᠠᠷ ᠠᠪᠷᠠᠮ ᠳᠤ ᠬᠦᠦ ᠲᠥᠷᠥᠭᠦᠯᠵᠦ ᠥᠭᠭᠥᠭᠰᠡᠨ ᠪᠠ ᠠᠪᠷᠠᠮ ᠬᠠᠭᠠᠷ ᠠᠴᠠ ᠲᠥᠷᠥᠭᠰᠡᠨ ᠬᠦᠦ ᠳᠡᠭᠡᠨ ᠢᠱᠮᠠᠶᠧᠯ ᠭᠡᠳᠡᠭ ᠨᠡᠷᠡ ᠥᠭᠪᠡ᠃ 16 ᠬᠠᠭᠠᠷ ᠢᠱᠮᠠᠶᠧᠯ ᠢ ᠠᠪᠷᠠᠮ ᠳᠤ ᠲᠥᠷᠥᠭᠦᠯᠵᠦ ᠥᠭᠬᠦ ᠦᠶᠡ ᠳᠦ ᠠᠪᠷᠠᠮ ᠨᠠᠶᠠᠨ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠪᠠᠢᠵᠠᠢ᠃