ᠡᠬᠢᠯᠡᠯ ᠭᠤᠴᠢᠨ ᠲᠠᠪᠤ
ᠶᠠᠺᠣᠪ ᠪᠧᠲ᠋ᠧᠯ ᠳᠤ ᠪᠤᠴᠠᠪᠠ
1 ᠪᠤᠷᠬᠠᠨ ᠶᠠᠺᠣᠪ ᠲᠤ᠄ 《ᠣᠳᠣ ᠴᠢ ᠪᠧᠲ᠋ᠧᠯ ᠤᠷᠤᠭᠤ ᠶᠠᠪᠤᠵᠤ᠂ ᠲᠡᠨᠳᠡ ᠰᠠᠭᠤᠷᠢᠰᠢ᠃ ᠠᠬᠠ ᠡᠰᠠᠦ᠋ ᠡᠴᠡ ᠪᠡᠨ ᠨᠢᠭᠤᠷ ᠪᠤᠷᠤᠭᠤᠯᠤᠨ ᠵᠢᠭᠤᠲᠠᠵᠤ ᠪᠠᠢᠬᠤ ᠳᠤ ᠴᠢᠨᠢ ᠴᠢᠮᠠ ᠳᠤ ᠦᠵᠡᠭᠳᠡᠭᠰᠡᠨ ᠪᠤᠷᠬᠠᠨ ᠳᠤ ᠵᠣᠷᠢᠭᠤᠯᠤᠨ ᠲᠡᠨᠳᠡ ᠪᠡᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠣᠰᠬᠠ》 ᠭᠡᠪᠡ᠃ 2 ᠶᠠᠺᠣᠪ ᠭᠡᠷ ᠦᠨ ᠬᠢᠨ ᠪᠣᠯᠣᠨ ᠬᠠᠮᠲᠤ ᠪᠠᠢᠭᠠ ᠪᠦᠬᠦ ᠬᠥᠮᠦᠰ ᠲᠡᠭᠡᠨ᠄ 《ᠲᠠ ᠨᠠᠷ ᠥᠪᠡᠷᠰᠡᠳ ᠲᠡᠭᠡᠨ ᠪᠠᠢᠭᠠ ᠬᠠᠷᠢ ᠶᠢᠨ ᠪᠤᠷᠬᠠᠳ ᠢᠶᠠᠨ ᠬᠠᠶᠠ᠂ ᠪᠡᠶᠡᠰ ᠢᠶᠡᠨ ᠠᠷᠢᠭᠤᠰᠭᠠ᠂ ᠬᠤᠪᠴᠠᠰᠤ ᠪᠠᠨ ᠰᠣᠯᠢᠵᠠᠭᠠ︕ 3 ᠵᠠ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠪᠧᠲ᠋ᠧᠯ ᠤᠷᠤᠭᠤ ᠶᠠᠪᠤᠵᠠᠭᠠᠶᠠ᠃ ᠵᠣᠪᠠᠯᠠᠩᠲᠤ ᠡᠳᠦᠷ ᠲᠦ ᠮᠢᠨᠢ ᠬᠠᠷᠢᠭᠤ ᠥᠭᠴᠦ᠂ ᠶᠠᠪᠤᠬᠤ ᠵᠠᠮ ᠳᠤ ᠮᠢᠨᠢ ᠬᠠᠮᠲᠤ ᠪᠠᠢᠭᠰᠠᠨ ᠪᠤᠷᠬᠠᠨ ᠳᠤ ᠵᠣᠷᠢᠭᠤᠯᠵᠤ᠂ ᠲᠡᠨᠳᠡ ᠪᠢ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠣᠰᠬᠠᠨᠠ》 ᠭᠡᠵᠦ ᠬᠡᠯᠡᠭᠰᠡᠨ ᠳᠦ᠂ 4 ᠲᠡᠳᠡ ᠭᠠᠷ ᠲᠠᠭᠠᠨ ᠪᠠᠢᠭᠠ ᠬᠠᠮᠤᠭ ᠬᠠᠷᠢ ᠶᠢᠨ ᠪᠤᠷᠬᠠᠳ᠂ ᠴᠢᠬᠢᠨ ᠳᠡᠭᠡᠨ ᠪᠠᠢᠭᠠ ᠡᠭᠡᠮᠦᠭ ᠤᠳ ᠢᠶᠠᠨ ᠶᠠᠺᠣᠪ ᠲᠤ ᠥᠭᠴᠡᠢ᠃ ᠶᠠᠺᠣᠪ ᠲᠡᠳᠡᠭᠡᠷ ᠢ ᠱᠧᠺᠧᠮ ᠤᠨ ᠬᠠᠪᠢ ᠳᠠᠬᠢ ᠴᠠᠷᠠᠰᠤᠨ ᠮᠣᠳᠣᠨ ᠤ ᠳᠣᠣᠷᠠ ᠪᠤᠯᠠᠪᠠ᠃ 5 ᠲᠡᠭᠡᠭᠡᠳ ᠲᠡᠳᠡ ᠬᠥᠳᠡᠯᠪᠡ᠃ ᠪᠤᠷᠬᠠᠨ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠪᠠᠢᠭᠠ ᠪᠦᠬᠦ ᠬᠣᠲᠠ ᠳᠤ ᠠᠢᠳᠠᠰ ᠨᠥᠮᠥᠷᠥᠭᠦᠯᠦᠭᠰᠡᠨ ᠢᠶᠡᠷ ᠶᠠᠺᠣᠪ ᠤᠨ ᠬᠥᠪᠡᠭᠦᠳ ᠦᠨ ᠬᠣᠢᠨᠠ ᠠᠴᠠ ᠬᠡᠨ ᠴᠤ ᠮᠥᠷᠳᠡᠨ ᠬᠥᠭᠡᠭᠡᠭᠰᠡᠨ ᠦᠭᠡᠢ᠃ 6 ᠶᠠᠺᠣᠪ ᠬᠠᠮᠲᠤ ᠪᠠᠢᠭᠠ ᠪᠦᠬᠦ ᠬᠥᠮᠦᠨ ᠲᠡᠢ ᠪᠡᠨ ᠺᠠᠨᠠᠨ ᠨᠤᠲᠤᠭ ᠳᠠᠬᠢ ᠯᠦᠽ᠂ ᠲᠤᠬᠠᠢᠯᠠᠪᠠᠯ ᠪᠧᠲ᠋ᠧᠯ ᠳᠤ ᠬᠦᠷᠴᠦ ᠢᠷᠡᠭᠡᠳ᠂ 7 ᠲᠡᠨᠳᠡ ᠪᠡᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠣᠰᠬᠠᠵᠤ ᠡᠨᠡ ᠭᠠᠵᠠᠷ ᠢ ᠡᠯᠪᠧᠲ᠋ᠧᠯ 66 ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠤᠴᠢᠷ ᠨᠢ ᠶᠠᠺᠣᠪ ᠠᠬᠠ ᠠᠴᠠ ᠪᠠᠨ ᠵᠢᠭᠤᠲᠠᠵᠤ ᠪᠠᠢᠬᠤ ᠳᠤ ᠪᠤᠷᠬᠠᠨ ᠲᠡᠨᠳᠡ ᠥᠪᠡᠷ ᠢ ᠪᠠᠨ ᠲᠡᠭᠦᠨ ᠳᠦ ᠢᠯᠡᠷᠬᠡᠶᠢᠯᠡᠭᠰᠡᠨ ᠶᠤᠮ᠃ 8 ᠷᠧᠪᠧᠺᠠ ᠶᠢᠨ ᠠᠰᠠᠷᠠᠭᠴᠢ ᠡᠬᠡ ᠳ᠋ᠧᠪᠣᠷᠠ ᠨᠠᠰᠤ ᠪᠠᠷᠠᠵᠤ᠂ ᠪᠧᠲ᠋ᠧᠯ ᠡᠴᠡ ᠳᠣᠣᠷᠠᠬᠢ ᠬᠥᠨᠳᠡᠢ ᠶᠢᠨ ᠴᠠᠷᠠᠰᠤᠨ ᠮᠣᠳᠣᠨ ᠤ ᠳᠣᠣᠷᠠ ᠪᠤᠯᠠᠰᠢᠯᠠᠭᠳᠠᠭᠰᠠᠨ ᠢᠶᠠᠷ ᠲᠡᠷᠡ ᠮᠣᠳᠣ ᠶᠢ ᠠᠯᠣᠨ ᠪᠠᠺᠦ᠋ᠲ 67 ᠭᠡᠵᠦ ᠨᠡᠷᠡᠯᠡᠵᠡᠢ᠃
9 ᠶᠠᠺᠣᠪ ᠫᠠᠳᠠᠨ ᠠᠷᠠᠮ ᠠᠴᠠ ᠪᠤᠴᠠᠵᠤ ᠢᠷᠡᠭᠰᠡᠨ ᠦ ᠳᠠᠷᠠᠭᠠ᠂ ᠪᠤᠷᠬᠠᠨ ᠲᠡᠭᠦᠨ ᠳᠦ ᠳᠠᠬᠢᠨᠲᠠ ᠦᠵᠡᠭᠳᠡᠵᠦ᠂ ᠲᠡᠭᠦᠨ ᠢ ᠢᠷᠥᠭᠡᠯᠡ᠃ 10 ᠪᠤᠷᠬᠠᠨ ᠲᠡᠭᠦᠨ ᠳᠦ᠄ 《ᠨᠡᠷᠡ ᠴᠢᠨᠢ ᠶᠠᠺᠣᠪ ᠭᠡᠳᠡᠭ ᠣᠳᠣ ᠴᠠᠰᠢᠳᠠ ᠶᠠᠺᠣᠪ ᠭᠡᠭᠳᠡᠬᠦ ᠦᠭᠡᠢ ᠢᠰᠷᠧᠯ ᠭᠡᠭᠳᠡᠬᠦ ᠪᠣᠯᠣᠨᠠ》
ᠭᠡᠳ ᠲᠡᠭᠦᠨ ᠢ ᠢᠰᠷᠧᠯ ᠭᠡᠵᠦ ᠨᠡᠷᠡᠯᠡᠵᠡᠢ᠃ 11 ᠪᠤᠷᠬᠠᠨ ᠲᠡᠭᠦᠨ ᠳᠦ᠄ 《ᠪᠢ ᠪᠣᠯ ᠲᠡᠭᠦᠰ ᠬᠦᠴᠦᠲᠦ ᠪᠤᠷᠬᠠᠨ ᠴᠢ ᠦᠷᠡᠵᠢᠨ ᠣᠯᠠᠰᠢᠷᠠᠭᠲᠤᠨ︕ ᠴᠢᠮᠠ ᠠᠴᠠ ᠨᠢᠭᠡ ᠦᠨᠳᠦᠰᠦᠲᠡᠨ ᠬᠢᠭᠡᠳ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠴᠢᠭᠤᠯᠭᠠᠨ ᠡᠭᠦᠰᠴᠦ ᠴᠢᠨᠦ ᠪᠡᠶᠡ ᠡᠴᠡ ᠡᠵᠡᠨ ᠬᠠᠭᠠᠳ ᠴᠤ ᠭᠠᠷᠬᠤ ᠪᠣᠯᠣᠨᠠ᠃
12 ᠠᠪᠷᠠᠬᠠᠮ ᠪᠣᠯᠣᠨ ᠢᠰᠠᠺ ᠲᠤ ᠥᠭᠭᠥᠭᠰᠡᠨ ᠭᠠᠵᠠᠷ ᠢᠶᠠᠨ ᠪᠢ ᠴᠢᠮᠠ ᠳᠤ ᠥᠭᠭᠥᠨᠡ ᠲᠡᠷᠡ ᠭᠠᠵᠠᠷ ᠢ ᠪᠢ ᠴᠢᠨᠦ ᠬᠣᠢᠴᠢ ᠦᠶᠡ ᠶᠢᠨ ᠬᠢᠨ ᠳᠤ ᠴᠤ ᠥᠭᠭᠥᠨᠡ》 ᠭᠡᠪᠡ᠃
13 ᠲᠡᠭᠡᠭᠡᠳ ᠪᠤᠷᠬᠠᠨ ᠲᠡᠭᠦᠨ ᠲᠡᠢ ᠶᠠᠷᠢᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠲᠡᠭᠦᠨ ᠢ ᠣᠷᠬᠢᠨ᠂ ᠳᠡᠭᠡᠭᠰᠢ ᠪᠠᠨ ᠣᠳᠪᠠ᠃ 14 ᠶᠠᠺᠣᠪ ᠪᠤᠷᠬᠠᠨ ᠤ ᠥᠪᠡᠷ ᠲᠡᠢ ᠨᠢ ᠶᠠᠷᠢᠵᠤ ᠪᠠᠢᠭᠰᠠᠨ ᠲᠡᠷᠡ ᠭᠠᠵᠠᠷ ᠲᠤ ᠴᠢᠯᠠᠭᠤᠨ ᠪᠠᠭᠠᠨᠠ ᠪᠣᠰᠬᠠᠭᠠᠳ ᠳᠡᠭᠡᠷᠡ ᠨᠢ ᠲᠠᠬᠢᠯ ᠤᠨ ᠤᠮᠳᠠᠭᠠᠨ ᠠᠰᠬᠠᠨ᠂ ᠲᠣᠰᠣ ᠴᠢᠳᠬᠤᠵᠠᠢ᠃ 15 ᠶᠠᠺᠣᠪ ᠪᠤᠷᠬᠠᠨ ᠤ ᠥᠪᠡᠷ ᠲᠡᠢ ᠨᠢ ᠶᠠᠷᠢᠵᠤ ᠪᠠᠢᠭᠰᠠᠨ ᠲᠡᠷᠡ ᠭᠠᠵᠠᠷ ᠢ ᠪᠧᠲ᠋ᠧᠯ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠪᠠᠢᠨᠠ᠃
ᠷᠠᠾᠢᠯ ᠥᠭᠡᠳᠡ ᠪᠣᠯᠪᠠ
16 ᠲᠡᠭᠡᠭᠡᠳ ᠲᠡᠳᠡ ᠪᠧᠲ᠋ᠧᠯ ᠡᠴᠡ ᠬᠥᠳᠡᠯᠪᠡ᠃ ᠡᠹᠷᠠᠲ ᠲᠤ ᠠᠷᠠᠢ ᠬᠦᠷᠦᠭᠡ ᠦᠭᠡᠢ ᠪᠠᠢᠬᠤ ᠳᠤ ᠷᠠᠾᠢᠯ ᠨᠢᠷᠠᠢᠯᠠᠬᠤ ᠪᠣᠯᠵᠤ᠂ ᠬᠦᠴᠦᠲᠡᠢ ᠳᠤᠩᠰᠢᠨ ᠡᠪᠡᠳᠴᠡᠢ᠃ 17 ᠲᠡᠷᠡ ᠲᠥᠷᠥᠭᠦᠯᠬᠦ ᠪᠡᠷ ᠡᠪᠡᠳᠴᠦ ᠵᠣᠪᠠᠵᠤ ᠪᠠᠢᠬᠤ ᠳᠤ ᠡᠬᠡ ᠪᠠᠷᠢᠭᠴᠢ ᠨᠢ᠄ 《ᠪᠢᠲᠡᠭᠡᠢ ᠠᠶᠤ᠃ ᠲᠠ ᠪᠠᠰᠠ ᠨᠢᠭᠡ ᠬᠦᠦ ᠲᠠᠢ ᠪᠣᠯᠣᠯᠠ》 ᠭᠡᠵᠦ ᠬᠡᠯᠡᠪᠡ᠃ 18 ᠬᠠᠷᠢᠨ ᠲᠡᠷᠡ ᠨᠠᠰᠤ ᠪᠠᠷᠠᠬᠤ ᠶᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠰᠦᠨᠡᠰᠦ ᠨᠢ ᠵᠠᠢᠯᠠᠵᠤ ᠪᠠᠢᠬᠤ ᠳᠤ ᠬᠦᠦ ᠪᠡᠨ ᠪᠧᠨ ᠣᠨᠢ 68 ᠭᠡᠵᠦ ᠨᠡᠷᠡᠯᠡᠭᠰᠡᠨ ᠪᠣᠯᠪᠠᠴᠤ ᠡᠴᠢᠭᠡ ᠨᠢ ᠲᠡᠭᠦᠨ ᠢ ᠪᠢᠨᠶᠠᠮᠢᠨ 69 ᠭᠡᠵᠦ ᠨᠡᠷᠡᠯᠡᠪᠡ᠃ 19 ᠷᠠᠾᠢᠯ ᠡᠢᠨ ᠬᠦ ᠨᠠᠰᠤ ᠪᠠᠷᠠᠵᠤ᠂ ᠡᠹᠷᠠᠲ ᠪᠤᠶᠤ ᠪᠧᠲ᠋ᠯᠧᠾᠧᠮ ᠣᠷᠣᠬᠤ ᠵᠠᠮ ᠳᠡᠭᠡᠷᠡ ᠪᠤᠯᠠᠰᠢᠯᠠᠭᠳᠠᠪᠠ᠃ 20 ᠲᠡᠭᠦᠨ ᠦ ᠪᠤᠯᠠᠰᠢᠨ ᠳᠡᠭᠡᠷᠡ ᠶᠠᠺᠣᠪ ᠬᠥᠰᠢᠶᠡ ᠪᠣᠰᠬᠠᠭᠰᠠᠨ ᠪᠥᠭᠡᠳ ᠲᠡᠷᠡ ᠬᠥᠰᠢᠶᠡ ᠣᠳᠣ ᠬᠦᠷᠲᠡᠯᠡ ᠷᠠᠾᠢᠯ ᠤᠨ ᠪᠤᠯᠠᠰᠢᠨ ᠤ ᠲᠡᠮᠳᠡᠭ ᠪᠣᠯᠣᠭᠰᠠᠭᠠᠷ ᠪᠠᠢᠨᠠ᠃ 21 ᠢᠰᠷᠧᠯ ᠳᠠᠬᠢᠨ ᠬᠥᠳᠡᠯᠵᠦ᠂ ᠡᠳᠧᠷ ᠤᠨ ᠴᠠᠮᠬᠠᠭ ᠢ ᠥᠩᠭᠡᠷᠡᠭᠡᠳ ᠮᠠᠢᠬᠠᠨ ᠢᠶᠠᠨ ᠪᠣᠰᠬᠠᠪᠠ᠃
22 ᠢᠰᠷᠧᠯ ᠲᠡᠷᠡ ᠭᠠᠵᠠᠷ ᠲᠤ ᠰᠠᠭᠤᠵᠤ ᠪᠠᠢᠬᠤ ᠦᠶᠡ ᠳᠦ ᠷᠧᠣᠪᠧᠨ᠂ ᠡᠴᠢᠭᠡ ᠶᠢᠨ ᠢᠶᠠᠨ ᠲᠠᠲᠠᠪᠤᠷᠢ ᠡᠮᠡ ᠪᠢᠯᠾᠠ ᠳᠡᠭᠡᠷᠡ ᠣᠴᠢᠵᠤ ᠲᠡᠭᠦᠨ ᠲᠡᠢ ᠤᠨᠲᠠᠪᠠ᠃ ᠢᠰᠷᠧᠯ ᠡᠨᠡ ᠶᠠᠪᠤᠳᠠᠯ ᠢ ᠰᠣᠨᠣᠰᠣᠭᠰᠠᠨ ᠪᠠᠢᠯᠠ᠃ ᠶᠠᠺᠣᠪ ᠠᠷᠪᠠᠨ ᠬᠣᠶᠠᠷ ᠬᠦᠦ ᠲᠠᠢ ᠪᠠᠢᠪᠠ᠃ 23 ᠯᠧᠶᠠ ᠶᠢᠨ ᠬᠥᠪᠡᠭᠦᠳ᠄ ᠶᠠᠺᠣᠪ ᠤᠨ ᠤᠤᠭᠠᠨ ᠬᠦᠦ ᠷᠧᠣᠪᠧᠨ᠂ ᠤᠳᠠᠭᠠᠬᠢ ᠨᠢ ᠰᠢᠮᠧᠶᠣᠨ᠂ ᠯᠧᠸᠢ᠂ ᠶᠦᠳᠠ᠂ ᠢᠰᠠᠺᠠᠷ᠂ ᠽᠧᠪᠦ᠋ᠯᠣᠨ᠃ 24 ᠷᠠᠾᠢᠯ ᠤᠨ ᠬᠥᠪᠡᠭᠦᠳ᠄ ᠶᠣᠰᠧᠹ᠂ ᠪᠢᠨᠶᠠᠮᠢᠨ ᠬᠣᠶᠠᠷ᠃ 25 ᠷᠠᠾᠢᠯ ᠤᠨ ᠰᠢᠪᠡᠭᠴᠢᠨ ᠪᠢᠯᠾᠠ ᠶᠢᠨ ᠬᠥᠪᠡᠭᠦᠳ᠄ ᠳ᠋ᠠᠨ᠂ ᠨᠠᠹᠲ᠋ᠠᠯᠢ ᠬᠣᠶᠠᠷ᠃ 26 ᠯᠧᠶᠠ ᠶᠢᠨ ᠰᠢᠪᠡᠭᠴᠢᠨ ᠽᠢᠯᠫᠠ ᠶᠢᠨ ᠬᠥᠪᠡᠭᠦᠳ᠄ ᠭᠠᠳ᠋᠂ ᠠᠱᠧᠷ ᠬᠣᠶᠠᠷ᠃ ᠲᠡᠳᠡ ᠪᠣᠯ ᠫᠠᠳᠠᠨ ᠠᠷᠠᠮ ᠳᠤ ᠲᠥᠷᠥᠭᠰᠡᠨ ᠶᠠᠺᠣᠪ ᠤᠨ ᠬᠥᠪᠡᠭᠦᠳ ᠶᠤᠮ᠃
ᠢᠰᠠᠺ ᠥᠭᠡᠳᠡ ᠪᠣᠯᠪᠠ
27 ᠲᠡᠭᠡᠭᠡᠳ ᠶᠠᠺᠣᠪ ᠠᠷᠪᠠ ᠬᠣᠲᠠ ᠶᠢᠨ ᠬᠠᠪᠢ ᠳᠠᠬᠢ ᠮᠠᠮᠷᠧ ᠤᠷᠤᠭᠤ ᠶᠠᠪᠤᠵᠤ᠂ ᠡᠴᠢᠭᠡ ᠢᠰᠠᠺ ᠲᠠᠭᠠᠨ ᠣᠴᠢᠭᠰᠠᠨ ᠪᠠᠢᠨᠠ᠃ ᠠᠷᠪᠠ ᠬᠣᠲᠠ ᠪᠤᠶᠤ ᠾᠧᠪᠷᠣᠨ ᠪᠣᠯ ᠠᠪᠷᠠᠬᠠᠮ ᠲᠡᠳᠦᠢ ᠦᠭᠡᠢ ᠢᠰᠠᠺ ᠤᠨ ᠴᠤ ᠰᠠᠭᠤᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠶᠤᠮ᠃ 28 ᠢᠰᠠᠺ ᠵᠠᠭᠤ ᠨᠠᠶᠠᠨ ᠨᠠᠰᠤᠲᠠᠢ ᠪᠠᠢᠯᠠ᠃ 29 ᠢᠰᠠᠺ ᠥᠲᠡᠯᠦᠨ ᠨᠠᠰᠤᠨ ᠤ ᠲᠣᠭᠠ ᠨᠢ ᠭᠦᠢᠴᠡᠬᠦ ᠳᠦ᠂ ᠠᠮᠢᠰᠬᠤᠯ ᠬᠤᠷᠢᠶᠠᠨ ᠨᠠᠰᠤ ᠪᠠᠷᠠᠵᠤ᠂ ᠥᠪᠡᠷ ᠦᠨ ᠬᠥᠮᠦᠰ ᠤᠷᠤᠭᠤ ᠠᠪᠠᠴᠢᠭᠳᠠᠵᠠᠢ᠃ ᠬᠦᠦ ᠡᠰᠠᠦ᠋᠂ ᠶᠠᠺᠣᠪ ᠬᠣᠶᠠᠷ ᠨᠢ ᠲᠡᠭᠦᠨ ᠢ ᠣᠷᠣᠰᠢᠭᠤᠯᠤᠭᠰᠠᠨ ᠪᠠᠢᠨᠠ᠃