ᠡᠬᠢᠯᠡᠯ ᠬᠣᠷᠢᠨ ᠨᠢᠭᠡ
ᠢᠰᠠᠺ ᠲᠥᠷᠥᠭᠰᠡᠨ ᠨᠢ
1 ᠶᠣᠬᠣᠸᠠ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠢᠶᠠᠨ ᠰᠠᠷᠠᠾ ᠢ ᠡᠷᠭᠢᠵᠦ ᠦᠵᠡᠪᠡ᠃ ᠶᠣᠬᠣᠸᠠ ᠰᠠᠷᠠᠾ ᠲᠤ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ ᠢᠶᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠳᠦ᠂ 2 ᠰᠠᠷᠠᠾ ᠵᠢᠷᠮᠦᠰᠦᠯᠡᠵᠦ᠂ ᠪᠤᠷᠬᠠᠨ ᠤ ᠠᠮᠠᠯᠠᠭᠰᠠᠨ ᠴᠠᠭ ᠲᠤ ᠥᠨᠳᠥᠷ ᠨᠠᠰᠤᠯᠠᠭᠰᠠᠨ ᠠᠪᠷᠠᠬᠠᠮ ᠳᠤ ᠬᠦᠦ ᠲᠥᠷᠥᠭᠦᠯᠵᠦ ᠥᠭᠪᠡ᠃ 3 ᠠᠪᠷᠠᠬᠠᠮ ᠰᠠᠷᠠᠾ ᠤᠨ ᠥᠪᠡᠷ ᠲᠤᠨᠢ ᠲᠥᠷᠥᠭᠦᠯᠵᠦ ᠥᠭᠭᠥᠭᠰᠡᠨ ᠬᠦᠦ ᠶᠢ ᠢᠰᠠᠺ ᠭᠡᠵᠦ ᠨᠡᠷᠡᠯᠡᠪᠡ᠃ 4 ᠬᠦᠦ ᠢᠰᠠᠺ ᠢᠶᠠᠨ ᠨᠠᠢ᠌ᠮᠠᠨ ᠬᠣᠨᠣᠭ ᠳᠡᠭᠡᠷᠡ ᠨᠢ ᠠᠪᠷᠠᠬᠠᠮ ᠪᠤᠷᠬᠠᠨ ᠤ ᠲᠤᠰᠢᠶᠠᠭᠰᠠᠨ ᠢᠶᠠᠷ ᠬᠥᠪᠴᠢᠷᠬᠡᠢ ᠶᠢ ᠨᠢ ᠬᠥᠨᠳᠡᠵᠦ ᠥᠭᠴᠡᠢ᠃ 5 ᠬᠦᠦ ᠢᠰᠠᠺ ᠢᠶᠠᠨ ᠲᠥᠷᠥᠭᠦᠯᠬᠦ ᠳᠦ᠂ ᠠᠪᠷᠠᠬᠠᠮ ᠵᠠᠭᠤᠨ ᠨᠠᠰᠤᠲᠠᠢ ᠪᠠᠢᠯᠠ᠃ 6 ᠰᠠᠷᠠᠾ᠄ 《ᠪᠤᠷᠬᠠᠨ ᠨᠠᠳᠠ ᠳᠤ ᠢᠨᠢᠶᠡᠮᠰᠦᠭᠯᠡᠯ ᠠᠪᠴᠢᠷᠠᠯᠠ᠃ ᠰᠣᠨᠣᠰᠣᠭᠰᠠᠨ ᠪᠣᠯᠭᠠᠨ ᠨᠠᠳᠠ ᠲᠠᠢ ᠬᠠᠮᠲᠤ ᠢᠨᠢᠶᠡᠮᠰᠦᠭᠯᠡᠨᠡ》 ᠭᠡᠪᠡ᠃ 7 ᠰᠠᠷᠠᠾ᠄ 《〈ᠰᠠᠷᠠᠾ ᠬᠡᠦᠬᠡᠳ ᠤᠳ ᠢᠶᠠᠨ ᠬᠥᠬᠥᠭᠦᠯᠦᠨᠡ〉 ᠭᠡᠵᠦ ᠬᠡᠨ ᠠᠪᠷᠠᠬᠠᠮ ᠳᠤ ᠥᠭᠦᠯᠡᠬᠦ ᠪᠠᠢᠭᠰᠠᠨ ᠶᠤᠮ ᠪᠤᠢ︖ ᠬᠠᠷᠢᠨ ᠪᠢ ᠨᠠᠰᠤ ᠥᠲᠡᠯᠦᠭᠰᠡᠨ ᠲᠡᠭᠦᠨ ᠳᠦ ᠬᠦᠦ ᠲᠥᠷᠥᠭᠦᠯᠵᠦ ᠥᠭᠭᠥᠯᠡ》 ᠭᠡᠪᠡ᠃
ᠬᠠᠭᠠᠷ ᠢᠱᠮᠠᠶᠧᠯ ᠬᠣᠶᠠᠷ ᠬᠥᠭᠡᠭᠡᠭᠳᠡᠪᠡ
8 ᠬᠦᠦ ᠥᠰᠴᠦ᠂ ᠬᠥᠬᠥᠨ ᠡᠴᠡ ᠭᠠᠷᠴᠠᠢ᠃ ᠠᠪᠷᠠᠬᠠᠮ ᠢᠰᠠᠺ ᠤᠨ ᠬᠥᠬᠥᠨ ᠡᠴᠡ ᠭᠠᠷᠬᠤ ᠡᠳᠦᠷ ᠶᠡᠬᠡ ᠨᠠᠢᠷ ᠬᠢᠵᠡᠢ᠃ 9 ᠬᠠᠷᠢᠨ ᠶᠧᠵᠢᠫᠲ ᠪᠦᠰᠡᠭᠦᠢ ᠬᠠᠭᠠᠷ ᠤᠨ ᠠᠪᠷᠠᠬᠠᠮ ᠳᠤ ᠲᠥᠷᠥᠭᠦᠯᠵᠦ ᠥᠭᠭᠥᠭᠰᠡᠨ ᠬᠦᠦ ᠨᠢ ᠢᠰᠠᠺ ᠢᠶᠠᠷ ᠲᠣᠭᠯᠠᠭᠠᠮ ᠬᠢᠵᠦ ᠪᠠᠢᠭᠠ ᠶᠢ ᠰᠠᠷᠠᠾ ᠬᠠᠷᠠᠭᠠᠳ᠂ 10 ᠠᠪᠷᠠᠬᠠᠮ ᠳᠤ᠄ 《ᠲᠡᠷᠡ ᠰᠢᠪᠡᠭᠴᠢᠨ ᠢ ᠬᠦᠦ ᠲᠠᠢ ᠨᠢ ᠬᠠᠮᠲᠤ ᠵᠠᠢᠯᠠᠭᠤᠯ᠃ ᠲᠡᠷᠡ ᠰᠢᠪᠡᠭᠴᠢᠨ ᠤ ᠬᠦᠦ ᠮᠢᠨᠦ ᠬᠦᠦ ᠢᠰᠠᠺ ᠲᠠᠢ ᠬᠠᠮᠲᠤ ᠥᠪ ᠵᠠᠯᠭᠠᠮᠵᠢᠯᠠᠬᠤ ᠤᠴᠢᠷ ᠦᠭᠡᠢ》 ᠭᠡᠪᠡ᠃ 11 ᠭᠡᠪᠡᠴᠦ ᠲᠡᠷᠡ ᠨᠢ ᠴᠤ ᠥᠪᠡᠷ ᠦᠨ ᠬᠢᠨᠢ ᠬᠦᠦ ᠪᠣᠯᠬᠣᠷ ᠠᠪᠷᠠᠬᠠᠮ ᠡᠨᠡ ᠶᠠᠪᠤᠳᠠᠯ ᠳᠡᠭᠡᠷᠡ ᠶᠡᠬᠡ ᠭᠤᠨᠢᠭᠯᠠᠬᠤ ᠳᠤ᠂ 12 ᠪᠤᠷᠬᠠᠨ ᠠᠪᠷᠠᠬᠠᠮ ᠳᠤ᠄ 《ᠴᠢ ᠲᠡᠷᠡ ᠬᠦᠦ᠂ ᠰᠢᠪᠡᠭᠴᠢᠨ ᠬᠣᠶᠠᠷ ᠠᠴᠠ ᠪᠣᠯᠵᠤ ᠰᠡᠳᠬᠢᠯ ᠪᠦᠦ ᠵᠣᠪᠠ᠃ ᠬᠠᠷᠢᠨ ᠰᠠᠷᠠᠾ ᠤᠨ ᠴᠢᠮᠠ ᠳᠤ ᠬᠡᠯᠡᠵᠦ ᠪᠤᠢ ᠪᠦᠭᠦᠳᠡ ᠶᠢ ᠵᠥᠪᠰᠢᠶᠡᠷᠡ᠃ ᠤᠴᠢᠷ ᠨᠢ ᠢᠰᠠᠺ ᠠᠴᠠ ᠭᠠᠷᠤᠯ ᠲᠠᠢ ᠨᠢ ᠯᠠ ᠴᠢᠨᠦ ᠦᠷᠡ ᠤᠳᠤᠮ ᠭᠡᠵᠦ ᠨᠡᠷᠡᠯᠡᠭᠳᠡᠨᠡ᠃ 13 ᠭᠡᠬᠦ ᠳᠦ ᠰᠢᠪᠡᠭᠴᠢᠨ ᠤ ᠬᠦᠦ ᠴᠤ ᠴᠢᠨᠦ ᠦᠷᠡ ᠤᠳᠤᠮ ᠤᠴᠢᠷ ᠪᠢ ᠲᠡᠭᠦᠨ ᠡᠴᠡ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠢ ᠡᠭᠦᠰᠭᠡᠨᠡ》 ᠭᠡᠪᠡ᠃ 14 ᠠᠪᠷᠠᠬᠠᠮ ᠥᠷᠯᠥᠭᠡ ᠡᠷᠲᠡᠯᠡᠨ ᠪᠣᠰᠴᠤ ᠬᠠᠭᠠᠷ ᠲᠤ ᠪᠣᠣᠪᠣ ᠪᠣᠯᠣᠨ ᠲᠤᠯᠤᠮ ᠲᠠᠢ ᠤᠰᠤ ᠠᠪᠴᠢᠷᠠᠵᠤ᠂ ᠮᠥᠷᠥᠨ ᠳᠦᠨᠢ ᠡᠭᠦᠷᠦᠭᠦᠯᠦᠭᠡᠳ ᠬᠦᠦ ᠲᠠᠢ ᠨᠢ ᠬᠠᠮᠲᠤ ᠶᠠᠪᠤᠭᠤᠯᠵᠠᠢ᠃ ᠬᠠᠭᠠᠷ ᠲᠡᠨᠳᠡ ᠡᠴᠡ ᠭᠠᠷᠴᠤ᠂ ᠪᠧᠷ ᠱᠧᠪᠠ ᠶᠢᠨ ᠵᠡᠯᠢᠭᠦᠳ ᠲᠠᠯᠠ ᠪᠠᠷ ᠲᠡᠨᠦᠭᠦᠴᠢᠯᠡᠨ ᠶᠠᠪᠤᠪᠠ᠃
15 ᠲᠤᠯᠤᠮ ᠲᠠᠢ ᠤᠰᠤ ᠨᠢ ᠳᠠᠭᠤᠰᠤᠭᠰᠠᠨ ᠳᠤ᠂ ᠬᠠᠭᠠᠷ ᠬᠦᠦ ᠪᠡᠨ ᠪᠤᠲᠠᠨ ᠤ ᠳᠣᠣᠷᠠ ᠣᠷᠬᠢᠭᠠᠳ᠄ 16 《ᠪᠢ ᠬᠦᠦ ᠶᠢᠨ ᠢᠶᠠᠨ ᠦᠬᠦᠬᠦ ᠶᠢ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠨᠢ》 ᠭᠡᠳ ᠬᠠᠷᠪᠤᠭᠰᠠᠨ ᠰᠤᠮᠤᠨ ᠤ ᠳᠤᠰᠤᠭᠠᠯ ᠤᠨ ᠭᠠᠵᠠᠷ ᠲᠤ ᠣᠴᠢᠵᠤ᠂ ᠬᠦᠦ ᠶᠢᠨ ᠢᠶᠠᠨ ᠡᠰᠡᠷᠭᠦ ᠬᠠᠷᠠᠵᠤ ᠰᠠᠭᠤᠭᠠᠳ᠂ ᠳᠠᠭᠤ ᠲᠠᠯᠪᠢᠨ ᠤᠬᠢᠯᠠᠪᠠ᠃ 17 ᠪᠤᠷᠬᠠᠨ ᠬᠦᠦ ᠶᠢᠨ ᠬᠢᠨᠢ ᠤᠬᠢᠯᠠᠬᠤ ᠶᠢ ᠰᠣᠨᠣᠰᠣᠯᠠ᠂ ᠪᠤᠷᠬᠠᠨ ᠤ ᠡᠯᠴᠢ ᠲᠩᠷᠢ ᠡᠴᠡ ᠬᠠᠭᠠᠷ ᠢ ᠳᠠᠭᠤᠳᠠᠵᠤ᠄ 《ᠬᠠᠭᠠᠷ ᠡ︕ ᠶᠠᠭᠤ ᠪᠣᠯᠣᠭᠰᠠᠨ ᠪᠤᠢ︖ ᠪᠦᠦ ᠠᠶᠤ᠃ ᠪᠤᠷᠬᠠᠨ ᠲᠡᠨᠳᠡ ᠪᠠᠢᠭᠠ ᠬᠥᠪᠡᠭᠦᠨ ᠦ ᠳᠠᠭᠤ ᠶᠢ ᠰᠣᠨᠣᠰᠣᠯᠠ︕ 18 ᠣᠳᠣ ᠴᠢ ᠪᠣᠰ᠂ ᠬᠥᠪᠡᠭᠦᠨ ᠢᠶᠡᠨ ᠪᠣᠰᠬᠠᠵᠤ ᠲᠡᠪᠡᠷᠢᠨ ᠠᠪ︕ ᠪᠢ ᠲᠡᠭᠦᠨ ᠡᠴᠡ ᠠᠭᠤᠤ ᠦᠨᠳᠦᠰᠦᠲᠡᠨ ᠢ ᠡᠭᠦᠰᠭᠡᠨᠡ》 ᠭᠡᠪᠡ᠃ 19 ᠪᠤᠷᠬᠠᠨ ᠬᠠᠭᠠᠷ ᠤᠨ ᠨᠢᠳᠦ ᠶᠢ ᠨᠡᠭᠡᠭᠡᠭᠰᠡᠨ ᠳᠦ᠂ ᠲᠡᠷᠡ ᠤᠰᠤᠨ ᠤ ᠤᠨᠳᠤᠷᠤᠭᠠ ᠣᠯᠵᠤ ᠬᠠᠷᠠᠭᠠᠳ ᠣᠴᠢᠵᠤ ᠲᠤᠯᠤᠮ ᠢᠶᠠᠨ ᠤᠰᠤ ᠪᠠᠷ ᠳᠦᠭᠦᠷᠭᠡᠨ᠂ ᠬᠥᠪᠡᠭᠦᠨ ᠳᠡᠭᠡᠨ ᠤᠤᠭᠤᠯᠭᠠᠯᠠ᠃
20 ᠪᠤᠷᠬᠠᠨ ᠲᠡᠷᠡ ᠬᠥᠪᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠭᠰᠠᠨ ᠪᠥᠭᠡᠳ ᠲᠡᠷᠡ ᠥᠰᠴᠦ ᠲᠣᠮᠣ ᠪᠣᠯᠵᠠᠢ᠃ ᠲᠡᠷᠡ ᠵᠡᠯᠢᠭᠦᠳ ᠲᠠᠯᠠ ᠳᠤ ᠰᠠᠭᠤᠷᠢᠰᠢᠵᠤ᠂ ᠬᠠᠷᠪᠤᠭᠠᠴᠢ ᠪᠣᠯᠪᠠ᠃ 21 ᠲᠡᠷᠡ ᠫᠠᠷᠠᠨ ᠤ ᠵᠡᠯᠢᠭᠦᠳ ᠲᠠᠯᠠ ᠳᠤ ᠨᠤᠲᠤᠭᠰᠢᠭᠰᠠᠨ ᠪᠥᠭᠡᠳ ᠡᠵᠢ ᠨᠢ ᠲᠡᠭᠦᠨ ᠳᠦ ᠶᠧᠵᠢᠫᠲ ᠨᠤᠲᠤᠭ ᠠᠴᠠ ᠡᠬᠡᠨᠡᠷ ᠠᠪᠴᠤ ᠥᠭᠴᠡᠢ᠃
ᠪᠧᠷ ᠱᠧᠪᠠ ᠳᠠᠬᠢ ᠭᠡᠷᠡ
22 ᠲᠡᠷᠡ ᠦᠶᠡ ᠳᠦ ᠠᠪᠢᠮᠧᠯᠧᠺ ᠪᠣᠯᠣᠨ ᠲᠡᠭᠦᠨ ᠦ ᠴᠡᠷᠢᠭ ᠤᠨ ᠵᠠᠩᠵᠤᠨ ᠹᠢᠺᠣᠯ ᠨᠠᠷ ᠠᠪᠷᠠᠬᠠᠮ ᠳᠤ᠄ 《ᠴᠢ ᠶᠠᠭᠤ ᠬᠢᠭᠰᠡᠨ ᠴᠤ ᠪᠤᠷᠬᠠᠨ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠨᠠ᠃ 23 ᠣᠳᠣ ᠴᠢ ᠪᠤᠷᠬᠠᠨ ᠤ ᠡᠮᠦᠨᠡ ᠨᠠᠳᠠ ᠳᠤ ᠲᠠᠩ᠋ᠭᠠᠷᠢᠭᠯᠠᠨ᠂ ᠨᠠᠳᠠ ᠳᠤ ᠪᠣᠯᠣᠨ ᠮᠢᠨᠦ ᠬᠦᠦ᠂ ᠮᠢᠨᠦ ᠦᠷᠡ ᠤᠳᠤᠮ ᠳᠤ ᠮᠠᠭᠤ ᠪᠠᠷ ᠬᠠᠨᠳᠤᠬᠤ ᠦᠭᠡᠢ ᠪᠠᠢᠬᠤ ᠶᠢ ᠠᠮᠠᠯᠠᠭᠲᠤᠨ᠃ ᠴᠢᠮᠠᠶᠢ ᠡᠨᠡᠷᠢᠭᠰᠡᠨ ᠲᠡᠢ ᠮᠢᠨᠢ ᠠᠳᠠᠯᠢ ᠴᠢ ᠪᠠᠰᠠ ᠨᠠᠮᠠᠶᠢ᠂ ᠮᠥᠨ ᠴᠢᠨᠦ ᠰᠠᠭᠤᠵᠤ ᠪᠠᠢᠭᠠ ᠡᠨᠡ ᠨᠤᠲᠤᠭ ᠤᠨ ᠬᠢᠨ ᠢ ᠡᠨᠡᠷᠢᠭᠡᠷᠡᠢ》 ᠭᠡᠬᠦ ᠳᠦ᠂ 24 ᠠᠪᠷᠠᠬᠠᠮ᠄ 《ᠲᠠᠩ᠋ᠭᠠᠷᠢᠭᠯᠠᠶᠠ》 ᠭᠡᠪᠡ᠃ 25 ᠠᠪᠢᠮᠧᠯᠧᠺ ᠤᠨ ᠵᠠᠷᠤᠴᠠ ᠨᠠᠷ ᠬᠤᠳᠳᠤᠭ ᠢ ᠨᠢ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠬᠡᠷᠡᠭ ᠦᠨ ᠲᠤᠬᠠᠢ ᠠᠪᠷᠠᠬᠠᠮ ᠠᠪᠢᠮᠧᠯᠧᠺ ᠲᠤ ᠭᠣᠮᠣᠳᠠᠯ ᠲᠠᠯᠪᠢᠭᠰᠠᠨ ᠳᠤ᠂ 26 ᠠᠪᠢᠮᠧᠯᠧᠺ᠄ 《ᠬᠡᠨ ᠲᠡᠭᠡᠭᠰᠡᠨ ᠢ ᠪᠢ ᠮᠡᠳᠡᠬᠦ ᠦᠭᠡᠢ᠂ ᠴᠢ ᠴᠤ ᠨᠠᠳᠠ ᠳᠤ ᠳᠤᠭᠤᠯᠭᠠᠭᠠ ᠦᠭᠡᠢ᠂ ᠪᠢ ᠴᠤ ᠡᠨᠡ ᠲᠤᠬᠠᠢ ᠣᠳᠣ ᠬᠦᠷᠲᠡᠯᠡ ᠰᠣᠨᠣᠰᠣᠭᠠ ᠦᠭᠡᠢ》 ᠭᠡᠯᠡ᠃ 27 ᠠᠪᠷᠠᠬᠠᠮ ᠪᠣᠭ ᠮᠠᠯ᠂ ᠦᠬᠡᠷ ᠦᠨ ᠰᠦᠷᠦᠭ ᠠᠪᠴᠢᠷᠠᠵᠤ ᠠᠪᠢᠮᠧᠯᠧᠺ ᠲᠤ ᠥᠭᠭᠥᠭᠰᠡᠨ ᠪᠠ ᠬᠣᠶᠠᠭᠤᠯᠠ ᠪᠠᠨ ᠭᠡᠷᠡ ᠪᠠᠢᠭᠤᠯᠵᠠᠢ᠃ 28 ᠠᠪᠷᠠᠬᠠᠮ ᠪᠠᠰᠠ ᠰᠦᠷᠦᠭ ᠡᠴᠡ ᠪᠡᠨ ᠳᠣᠯᠣᠭᠠᠨ ᠥᠬᠢᠨ ᠬᠤᠷᠠᠭᠠ ᠰᠠᠯᠭᠠᠨ ᠠᠪᠬᠤ ᠳᠤ᠂ 29 ᠠᠪᠢᠮᠧᠯᠧᠺ ᠠᠪᠷᠠᠬᠠᠮ ᠳᠤ᠄ 《ᠡᠨᠡ ᠳᠣᠯᠣᠭᠠᠨ ᠥᠬᠢᠨ ᠬᠤᠷᠠᠭᠠ ᠶᠢ ᠰᠦᠷᠦᠭ ᠡᠴᠡ ᠨᠢ ᠰᠠᠯᠭᠠᠭᠰᠠᠨ ᠤ ᠤᠴᠢᠷ ᠶᠠᠭᠤ ᠪᠤᠢ︖》 ᠭᠡᠰᠡᠨ ᠳᠦ᠂ 30 ᠠᠪᠷᠠᠬᠠᠮ᠄ 《ᠡᠨᠡ ᠬᠤᠳᠳᠤᠭ ᠢ ᠤᠬᠤᠭᠰᠠᠨ ᠤ ᠮᠢᠨᠢ ᠭᠡᠷᠡᠴᠢ ᠪᠣᠯᠬᠤ ᠡᠨᠡ ᠳᠣᠯᠣᠭᠠᠨ ᠥᠬᠢᠨ ᠬᠤᠷᠠᠭᠠ ᠶᠢ ᠴᠢ ᠮᠢᠨᠦ ᠭᠠᠷ ᠠᠴᠠ ᠠᠪᠬᠤ ᠤᠴᠢᠷᠲᠠᠢ》 ᠭᠡᠪᠡ᠃ 31 ᠲᠡᠷᠡ ᠬᠣᠶᠠᠷ ᠲᠡᠨᠳᠡ ᠪᠡᠶᠡ ᠪᠡᠶᠡ ᠳᠡᠭᠡᠨ ᠲᠠᠩ᠋ᠭᠠᠷᠢᠭ ᠲᠠᠯᠪᠢᠭᠰᠠᠨ ᠠᠴᠠ ᠲᠡᠷᠡ ᠭᠠᠵᠠᠷ ᠨᠢ ᠪᠧᠷ ᠱᠧᠪᠠ 36 ᠭᠡᠵᠦ ᠨᠡᠷᠡᠯᠡᠭᠳᠡᠵᠡᠢ᠃ 32 ᠪᠧᠷ ᠱᠧᠪᠠ ᠳᠤ ᠭᠡᠷᠡ ᠲᠣᠭᠲᠠᠭᠰᠠᠨ ᠤ ᠳᠠᠷᠠᠭᠠ ᠠᠪᠢᠮᠧᠯᠧᠺ ᠪᠣᠯᠣᠨ ᠲᠡᠭᠦᠨ ᠦ ᠴᠡᠷᠢᠭ ᠤᠨ ᠵᠠᠩᠵᠤᠨ ᠹᠢᠺᠣᠯ ᠬᠣᠶᠠᠷ ᠮᠣᠷᠳᠠᠨ ᠹᠢᠯᠢᠰᠲ᠋ᠴᠦᠳ ᠦᠨ ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠵᠠᠢ᠃ 33 ᠠᠪᠷᠠᠬᠠᠮ ᠪᠧᠷ ᠱᠧᠪᠠ ᠳᠤ ᠰᠤᠬᠠᠢ ᠮᠣᠳᠣ ᠲᠠᠷᠢᠵᠤ᠂ ᠮᠥᠩᠬᠡ ᠶᠢᠨ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠪᠠ᠃ 34 ᠠᠪᠷᠠᠬᠠᠮ ᠹᠢᠯᠢᠰᠲ᠋ᠴᠦᠳ ᠦᠨ ᠨᠤᠲᠤᠭ ᠲᠤ ᠤᠳᠠᠭᠠᠨ ᠰᠠᠭᠤᠵᠠᠢ᠃