ᠡᠬᠢᠯᠡᠯ ᠬᠣᠷᠢᠨ ᠳᠣᠯᠣᠭᠠ
ᠢᠷᠥᠭᠡᠯ ᠢ ᠶᠠᠺᠣᠪ ᠪᠤᠯᠢᠶᠠᠪᠠ
1 ᠢᠰᠠᠺ ᠬᠥᠭᠰᠢᠷᠡᠵᠦ᠂ ᠨᠢᠳᠦ ᠨᠢ ᠮᠠᠭᠤᠳᠠᠨ᠂ ᠬᠠᠷᠠᠵᠤ ᠴᠢᠳᠠᠬᠤ ᠪᠠᠨ ᠪᠣᠯᠢᠵᠠᠢ᠃ ᠨᠢᠭᠡᠨ ᠡᠳᠦᠷ ᠲᠡᠷᠡ ᠤᠤᠭᠠᠨ ᠬᠦᠦ ᠡᠰᠠᠦ᠋ ᠪᠠᠨ ᠳᠠᠭᠤᠳᠠᠨ᠄ 《ᠬᠦᠦ ᠮᠢᠨᠢ︕》 ᠭᠡᠰᠡᠨ ᠳᠦ᠂ ᠬᠦᠦ ᠨᠢ᠄ 《ᠪᠢ ᠡ᠊ᠨᠳᠡ ᠪᠠᠢᠨᠠ》 ᠭᠡᠵᠦ ᠬᠠᠷᠢᠭᠤᠯᠪᠠ᠃ 2 ᠢᠰᠠᠺ᠄ 《ᠬᠠᠷᠠ᠂ ᠪᠢ ᠬᠥᠭᠰᠢᠷᠡᠵᠦ᠂ ᠬᠡᠳᠦᠢ ᠳᠦ ᠦᠬᠦᠬᠦ ᠪᠡᠨ ᠴᠤ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ᠂ 3 ᠣᠳᠣ ᠴᠢ ᠵᠡᠪᠰᠡᠭ᠂ ᠨᠤᠮᠤ ᠰᠠᠭᠠᠳᠠᠭ ᠢᠶᠠᠨ ᠠᠪᠤᠨ᠂ ᠬᠡᠭᠡᠷᠡ ᠲᠠᠯᠠ ᠳᠤ ᠭᠠᠷᠴᠤ ᠠᠩ ᠠᠩᠨᠠᠭᠠᠳ 4 ᠮᠢᠨᠦ ᠳᠤᠷᠠᠲᠠᠢ ᠠᠮᠲᠠᠲᠤ ᠬᠣᠭᠣᠯᠠ ᠶᠢ ᠬᠢᠵᠦ ᠠᠪᠴᠢᠷᠠᠨ ᠨᠠᠳᠠ ᠳᠤ ᠢᠳᠡᠭᠦᠯᠦᠭᠲᠦᠨ᠃ ᠲᠡᠭᠡᠭᠡᠳ ᠪᠢ ᠦᠬᠦᠬᠦ ᠡᠴᠡ ᠪᠡᠨ ᠡᠮᠦᠨᠡ ᠵᠢᠷᠦᠬᠡ ᠰᠡᠳᠬᠢᠯ ᠡᠴᠡ ᠪᠡᠨ ᠴᠢᠮᠠᠶᠢ ᠢᠷᠥᠭᠡᠵᠦ ᠥᠭᠭᠥᠨᠡ》 ᠭᠡᠪᠡ᠃
5 ᠢᠰᠠᠺ ᠬᠦᠦ ᠡᠰᠠᠦ᠋ ᠳᠡᠭᠡᠨ ᠦᠭᠡ ᠬᠡᠯᠡᠬᠦ ᠳᠦ᠂ ᠷᠧᠪᠧᠺᠠ ᠲᠡᠭᠦᠨ ᠦ ᠬᠢ ᠶᠢ ᠰᠣᠨᠣᠰᠴᠤ ᠪᠠᠢᠵᠠᠢ᠃ ᠡᠰᠠᠦ᠋ ᠠᠩ ᠬᠢᠬᠦ ᠪᠡᠷ ᠬᠡᠭᠡᠷᠡ ᠲᠠᠯᠠ ᠤᠷᠤᠭᠤ ᠣᠴᠢᠭᠰᠠᠨ ᠳᠤ᠂ 6 ᠷᠧᠪᠧᠺᠠ ᠬᠦᠦ ᠶᠠᠺᠣᠪ ᠲᠠᠭᠠᠨ᠄ 《ᠬᠠᠷᠠ᠂ ᠴᠢᠨᠦ ᠠᠬᠠ ᠡᠰᠠᠦ᠋ ᠳᠤ ᠠᠪᠤ ᠶᠢᠨ ᠴᠢᠨᠢ ᠬᠡᠯᠡᠭᠰᠡᠨ ᠦᠭᠡ ᠶᠢ ᠪᠢ ᠰᠣᠨᠣᠰᠣᠯᠠ᠃ 7 ᠲᠡᠷᠡ ᠨᠠᠳᠠ ᠳᠤ᠄ 〈ᠠᠩ ᠤᠨ ᠮᠢᠬᠠ ᠠᠪᠴᠢᠷᠠᠵᠤ᠂ ᠠᠮᠲᠠᠲᠤ ᠬᠣᠭᠣᠯᠠ ᠬᠢᠵᠦ᠂ ᠨᠠᠳᠠ ᠳᠤ ᠢᠳᠡᠭᠦᠯ᠂ ᠲᠡᠭᠡᠭᠡᠳ ᠪᠢ ᠦᠬᠦᠬᠦ ᠡᠴᠡ ᠪᠡᠨ ᠤᠷᠢᠳᠠ ᠴᠢᠮᠠᠶᠢ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠢᠷᠥᠭᠡᠵᠦ ᠥᠭᠭᠥᠶᠡ〉 ᠭᠡᠰᠡᠨ᠃ 8 ᠲᠡᠢᠮᠦ ᠡᠴᠡ ᠬᠦᠦ ᠮᠢᠨᠢ᠂ ᠣᠳᠣ ᠴᠢᠮᠠ ᠳᠤ ᠬᠡᠯᠡᠬᠦ ᠦᠭᠡ ᠶᠢ ᠮᠢᠨᠢ ᠰᠣᠨᠣᠰᠴᠤ ᠳᠠᠭᠠ︕ 9 ᠴᠢ ᠮᠠᠯ ᠳᠡᠭᠡᠷᠡ ᠪᠡᠨ ᠣᠴᠢᠭᠠᠳ ᠨᠠᠳᠠ ᠳᠤ ᠬᠣᠶᠠᠷ ᠲᠠᠷᠭᠤᠨ ᠢᠰᠢᠭᠡ ᠠᠪᠴᠢᠷᠠ᠂ ᠪᠢ ᠲᠡᠭᠦᠪᠡᠷ ᠠᠪᠤ ᠶᠢᠨ ᠴᠢᠨᠢ ᠳᠤᠷᠠᠲᠠᠢ ᠠᠮᠲᠠᠲᠤ ᠬᠣᠭᠣᠯᠠ ᠶᠢ ᠬᠢᠵᠦ ᠥᠭᠭᠥᠶᠡ᠃ 10 ᠴᠢ ᠲᠡᠭᠦᠨ ᠢ ᠠᠪᠤ ᠳᠠᠭᠠᠨ ᠠᠪᠠᠴᠢᠵᠤ ᠢᠳᠡᠭᠦᠯ᠂ ᠲᠡᠭᠡᠪᠡᠯ ᠲᠡᠷᠡ ᠥᠭᠡᠳᠡ ᠪᠣᠯᠬᠤ ᠶᠢᠨ ᠢᠶᠠᠨ ᠡᠮᠦᠨᠡ ᠴᠢᠮᠠᠶᠢ ᠢᠷᠥᠭᠡᠬᠦ ᠪᠣᠯᠣᠨᠠ》 ᠭᠡᠪᠡ᠃ 11 ᠶᠠᠺᠣᠪ ᠡᠬᠡ ᠷᠧᠪᠧᠺᠠ ᠳᠠᠭᠠᠨ᠄ 《ᠬᠠᠷᠠ᠂ ᠮᠢᠨᠦ ᠠᠬᠠ ᠡᠰᠠᠦ᠋ ᠦᠰᠬᠡᠢ ᠬᠥᠮᠦᠨ ᠪᠠᠢᠬᠤ ᠳᠤ᠂ ᠪᠢ ᠪᠣᠯ ᠭᠥᠯᠢᠭᠡᠷ ᠠᠷᠠᠰᠤ ᠲᠠᠢ ᠬᠥᠮᠦᠨ ᠰᠢᠦ᠃ 12 ᠠᠪᠤ ᠮᠢᠨᠢ ᠨᠠᠮᠠᠶᠢ ᠲᠡᠮᠲᠡᠷᠢᠪᠡᠯ ᠶᠠᠭᠠᠬᠢᠨᠠ︕ ᠲᠡᠭᠡᠪᠡᠯ ᠪᠢ ᠲᠡᠭᠦᠨ ᠳᠦ ᠮᠡᠬᠡᠯᠡᠭᠴᠢ ᠲᠠᠢ ᠠᠳᠠᠯᠢ ᠲᠣᠭᠠᠴᠠᠭᠳᠠᠨ᠂ ᠨᠠᠳᠠ ᠳᠡᠭᠡᠷᠡ ᠢᠷᠥᠭᠡᠯ ᠨᠢ ᠪᠠᠢᠲᠤᠭᠠᠢ ᠬᠠᠷᠢᠶᠠᠯ ᠢᠷᠡᠬᠦ ᠪᠣᠯᠣᠨᠠ》 ᠭᠡᠪᠡ᠃ 13 ᠡᠬᠡ ᠨᠢ ᠲᠡᠭᠦᠨ ᠳᠦ᠄ 《ᠬᠠᠷᠢᠶᠠᠯ ᠨᠢ ᠨᠠᠳᠠ ᠳᠡᠭᠡᠷᠡ ᠪᠠᠭᠤᠭ᠂ ᠬᠦᠦ ᠮᠢᠨᠢ︕ ᠴᠢ ᠵᠥᠪᠬᠡᠨ ᠮᠢᠨᠦ ᠦᠭᠡ ᠶᠢ ᠰᠣᠨᠣᠰ᠃ ᠴᠢ ᠡ᠊ᠨᠳᠡ ᠡᠴᠡ ᠭᠠᠷᠴᠤ ᠲᠡᠳᠡᠭᠡᠷ ᠢ ᠨᠠᠳᠠ ᠳᠤ ᠠᠪᠴᠢᠷᠠ》 ᠭᠡᠪᠡ᠃ 14 ᠲᠡᠷᠡ ᠶᠠᠪᠤᠵᠤ᠂ ᠡᠵᠢ ᠳᠡᠭᠡᠨ ᠠᠪᠴᠢᠷᠠᠵᠤ ᠥᠭᠭᠥᠭᠰᠡᠨ ᠳᠦ᠂ ᠡᠵᠢ ᠨᠢ ᠡᠴᠢᠭᠡ ᠶᠢᠨ ᠬᠢᠨᠢ ᠳᠤᠷᠠᠲᠠᠢ ᠠᠮᠲᠠᠲᠤ ᠬᠣᠭᠣᠯᠠ ᠶᠢ ᠬᠢᠵᠡᠢ᠃ 15 ᠷᠧᠪᠧᠺᠠ ᠭᠡᠷ ᠲᠡᠭᠡᠨ ᠬᠠᠳᠠᠭᠠᠯᠠᠵᠤ ᠪᠠᠢᠭᠰᠠᠨ ᠬᠤᠪᠴᠠᠰᠤ ᠪᠤᠶᠤ ᠤᠤᠭᠠᠨ ᠬᠦᠦ ᠡᠰᠡᠦ᠋ ᠶᠢᠨ ᠢᠶᠠᠨ ᠬᠠᠮᠤᠭ ᠤᠨ ᠰᠠᠢᠬᠠᠨ ᠬᠤᠪᠴᠠᠰᠤ ᠶᠢ ᠠᠪᠴᠢᠷᠠᠵᠤ᠂ ᠪᠠᠭᠠ ᠬᠦᠦ ᠶᠠᠺᠣᠪ ᠲᠠᠭᠠᠨ ᠡᠮᠦᠰᠬᠡᠵᠦ᠂ 16 ᠭᠠᠷ ᠪᠣᠯᠣᠨ ᠬᠦᠵᠦᠭᠦᠨ ᠦ ᠬᠢᠨᠢ ᠭᠥᠯᠢᠭᠡᠷ ᠬᠡᠰᠡᠭ ᠢ ᠢᠰᠢᠭᠡᠨ ᠦ ᠠᠷᠠᠰᠤ ᠪᠠᠷ ᠣᠷᠢᠶᠠᠵᠤ᠂ 17 ᠥᠪᠡᠷ ᠦᠨ ᠬᠢᠭᠰᠡᠨ ᠠᠮᠲᠠᠲᠤ ᠬᠣᠭᠣᠯᠠ ᠪᠠ ᠪᠣᠣᠪᠣ ᠶᠢ ᠬᠦᠦ ᠶᠠᠺᠣᠪ ᠲᠠᠭᠠᠨ ᠭᠠᠷᠳᠠᠭᠤᠯᠪᠠ᠃
18 ᠶᠠᠺᠣᠪ ᠡᠴᠢᠭᠡ ᠳᠡᠭᠡᠷᠡ ᠪᠡᠨ ᠣᠴᠢᠵᠤ᠄ 《ᠠᠪᠤ ᠮᠢᠨᠢ ᠡ︕》 ᠭᠡᠵᠦ ᠳᠠᠭᠤᠳᠠᠭᠰᠠᠨ ᠳᠤ᠂ ᠠᠪᠤ ᠨᠢ᠄ 《ᠪᠢ ᠡ᠊ᠨᠳᠡ ᠪᠠᠢᠨᠠ᠃ ᠬᠠᠷᠢᠨ ᠴᠢ ᠠᠯᠢ ᠨᠢ ᠪᠤᠢ︖ ᠬᠦᠦ ᠮᠢᠨᠢ》 ᠭᠡᠪᠡ᠃ 19 ᠶᠠᠺᠣᠪ ᠡᠴᠢᠭᠡ ᠳᠡᠭᠡᠨ᠄ 《ᠪᠢ ᠲᠠᠨ ᠤ ᠤᠤᠭᠠᠨ ᠬᠦᠦ ᠡᠰᠠᠦ᠋ ᠪᠠᠢᠨᠠ᠃ ᠲᠠᠨ ᠤ ᠨᠠᠳᠠ ᠳᠤ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠪᠢ ᠬᠢᠯᠡ᠃ ᠲᠠ ᠣᠳᠣ ᠥᠨᠳᠡᠢᠵᠦ ᠰᠠᠭᠤᠭᠠᠳ᠂ ᠠᠩ ᠤᠨ ᠮᠢᠬᠠᠨ ᠠᠴᠠ ᠮᠢᠨᠢ ᠵᠣᠭᠣᠭᠯᠠᠭᠠᠷᠠᠢ᠃ ᠲᠡᠭᠡᠭᠡᠳ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠨᠠᠮᠠᠶᠢ ᠢᠷᠥᠭᠡᠨᠡ ᠤᠤ︖》 ᠭᠡᠰᠡᠨ ᠳᠦ᠂ 20 ᠢᠰᠠᠺ ᠬᠦᠦ ᠳᠡᠭᠡᠨ᠄ 《ᠴᠢ ᠶᠠᠭᠠᠬᠢᠭᠰᠠᠨ ᠬᠤᠷᠳᠤᠨ ᠠᠩᠨᠠᠭᠰᠠᠨ ᠶᠤᠮ ᠪᠤᠢ︖ ᠬᠦᠦ ᠮᠢᠨᠢ》 ᠭᠡᠰᠡᠨ ᠳᠦ᠂ ᠲᠡᠷᠡ᠄ 《ᠲᠠᠨ ᠤ ᠪᠤᠷᠬᠠᠨ ᠶᠣᠬᠣᠸᠠ ᠲᠡᠭᠦᠨ ᠢ ᠮᠢᠨᠦ ᠡᠮᠦᠨᠡ ᠲᠠᠯᠪᠢᠭᠰᠠᠨ ᠶᠤᠮ》 ᠭᠡᠪᠡ᠃ 21 ᠢᠰᠠᠺ ᠶᠠᠺᠣᠪ ᠲᠤ᠄ 《ᠨᠠᠰᠢ ᠢᠷᠡ᠂ ᠬᠦᠦ ᠮᠢᠨᠢ᠂ ᠮᠢᠨᠦ ᠬᠦᠦ ᠡᠰᠠᠦ᠋ ᠮᠥᠨ ᠤᠤ᠂ ᠪᠢᠰᠢ ᠤᠤ ᠭᠡᠳᠡᠭ ᠢ ᠪᠢ ᠲᠡᠮᠲᠡᠷᠢᠵᠦ ᠦᠵᠡᠶᠡ》 ᠭᠡᠵᠡᠢ᠃ 22 ᠶᠠᠺᠣᠪ ᠡᠴᠢᠭᠡ ᠢᠰᠠᠺ ᠲᠠᠭᠠᠨ ᠣᠢᠷᠠᠲᠤᠨ ᠣᠴᠢᠪᠠ᠃ ᠢᠰᠠᠺ ᠲᠡᠭᠦᠨ ᠢ ᠲᠡᠮᠲᠡᠷᠢᠵᠦ ᠦᠵᠡᠭᠡᠳ᠄ 《ᠳᠠᠭᠤ ᠴᠢᠨᠢ ᠶᠠᠺᠣᠪ ᠤᠨ ᠳᠠᠭᠤ ᠠᠲᠠᠯᠠ᠂ ᠭᠠᠷ ᠴᠢᠨᠢ ᠡᠰᠠᠦ᠋ ᠶᠢᠨ ᠭᠠᠷ ᠪᠠᠢᠨᠠ》 ᠭᠡᠵᠡᠢ᠃ 23 ᠭᠠᠷ ᠨᠢ ᠠᠬᠠ ᠡᠰᠠᠦ᠋ ᠶᠢᠨ ᠬᠢ ᠰᠢᠭ ᠢᠶᠠᠨ ᠦᠰᠦᠬᠡᠢ ᠪᠣᠯᠬᠣᠷ ᠢᠰᠠᠺ ᠲᠡᠭᠦᠨ ᠢ ᠲᠠᠨᠢᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠲᠡᠭᠦᠨ ᠢ ᠢᠷᠥᠭᠡᠬᠦ ᠶᠢᠨ ᠡᠮᠦᠨᠡ 24 ᠢᠰᠠᠺ᠄ 《ᠴᠢ ᠮᠢᠨᠦ ᠬᠦᠦ ᠡᠰᠠᠦ᠋ ᠮᠥᠨ ᠤᠤ︖》 ᠭᠡᠵᠦ ᠯᠠᠪᠯᠠᠭᠰᠠᠨ ᠳᠤ᠂ ᠶᠠᠺᠣᠪ᠄ 《ᠪᠢ ᠮᠥᠨ》 ᠭᠡᠪᠡ᠃ 25 ᠢᠰᠠᠺ᠄ 《ᠨᠠᠳᠠ ᠳᠤ ᠥᠨᠥᠬᠢ ᠶᠠᠭᠤᠮᠠ ᠪᠠᠨ ᠠᠪᠴᠢᠷᠠ᠂ ᠪᠢ ᠬᠦᠦ ᠶᠢᠨ ᠢᠶᠠᠨ ᠠᠩ ᠤᠨ ᠮᠢᠬᠠᠨ ᠠᠴᠠ ᠢᠳᠡᠭᠰᠡᠨ ᠦ ᠳᠠᠷᠠᠭᠠ᠂ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠴᠢᠮᠠᠶᠢ ᠢᠷᠥᠭᠡᠶᠡ》 ᠭᠡᠳ ᠶᠠᠺᠣᠪ ᠤᠨ ᠠᠪᠴᠢᠷᠠᠭᠰᠠᠨ ᠶᠠᠭᠤᠮᠠ ᠶᠢ ᠢᠳᠡᠵᠦ ᠲᠡᠭᠦᠨ ᠦ ᠠᠪᠴᠢᠷᠠᠭᠰᠠᠨ ᠳᠠᠷᠠᠰᠤ ᠶᠢ ᠤᠤᠭᠤᠵᠠᠢ᠃ 26 ᠲᠡᠭᠡᠭᠡᠳ ᠡᠴᠢᠭᠡ ᠢᠰᠠᠺ ᠨᠢ᠄ 《ᠬᠦᠦ ᠮᠢᠨᠢ᠂ ᠨᠠᠰᠢ ᠢᠷᠡᠭᠡᠳ᠂ ᠨᠠᠮᠠᠶᠢ ᠦᠨᠦᠰ》 ᠭᠡᠬᠦ ᠳᠦ᠂ 27 ᠶᠠᠺᠣᠪ ᠣᠢᠷᠠᠲᠤᠨ ᠣᠴᠢᠵᠤ᠂ ᠲᠡᠭᠦᠨ ᠢ ᠦᠨᠦᠰᠦᠭᠰᠡᠨ ᠳᠦ᠂ ᠡᠴᠢᠭᠡ ᠨᠢ ᠬᠤᠪᠴᠠᠰᠤᠨ ᠤ ᠬᠢᠨᠢ ᠦᠨᠦᠷ ᠢ ᠦᠨᠦᠷᠲᠦᠭᠡᠳ᠂ ᠲᠡᠭᠦᠨ ᠢ ᠢᠷᠥᠭᠡᠨ ᠠᠳᠢᠰᠯᠠᠵᠤ᠄ 《ᠬᠥᠶᠶ᠂ ᠬᠦᠦ ᠶᠢᠨ ᠮᠢᠨᠢ ᠦᠨᠦᠷ ᠶᠣᠬᠣᠸᠠ ᠶᠢᠨ ᠢᠷᠥᠭᠡᠭᠰᠡᠨ ᠬᠡᠭᠡᠷᠡ ᠲᠠᠯᠠ ᠶᠢᠨ ᠦᠨᠦᠷ᠂
28 ᠬᠥᠬᠡ ᠲᠩᠷᠢ ᠶᠢᠨ ᠰᠢᠭᠦᠳᠡᠷᠢ ᠭᠠᠵᠠᠷ ᠤᠨ ᠪᠠᠶᠠᠨ ᠲᠠᠷᠭᠤᠨ ᠢ ᠪᠤᠷᠬᠠᠨ ᠴᠢᠮᠠ ᠳᠤ ᠡᠯᠪᠡᠭ ᠦᠷᠡ ᠲᠠᠷᠢᠶᠠ᠂ ᠡᠯᠪᠡᠭ ᠰᠢᠨᠡ ᠳᠠᠷᠠᠰᠤ ᠲᠠᠢ ᠨᠢ ᠬᠠᠮᠲᠤ ᠬᠠᠢᠷᠠᠯᠠᠬᠤ ᠪᠣᠯᠲᠤᠭᠠᠢ︕
29 ᠴᠢᠮᠠ ᠳᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠢᠯᠡᠴᠢᠯᠡᠵᠦ ᠴᠢᠮᠠ ᠳᠤ ᠤᠯᠤᠰ ᠭᠦᠷᠦᠨ ᠨᠦᠭᠦᠳ ᠰᠥᠬᠥᠷᠡᠬᠦ ᠪᠣᠯᠲᠤᠭᠠᠢ︕ ᠴᠢ ᠠᠬᠠ ᠳᠡᠭᠦᠦ ᠨᠠᠷ ᠤᠨ ᠢᠶᠠᠨ ᠡᠵᠡᠨ ᠪᠣᠯᠵᠤ᠂ ᠴᠢᠮᠠ ᠳᠤ ᠡᠬᠡ ᠶᠢᠨ ᠴᠢᠨᠢ ᠬᠥᠪᠡᠭᠦᠳ ᠰᠥᠬᠥᠷᠡᠬᠦ ᠪᠣᠯᠲᠤᠭᠠᠢ᠂ ᠴᠢᠮᠠᠶᠢ ᠬᠠᠷᠢᠶᠠᠭᠴᠢ ᠨᠢ ᠬᠠᠷᠢᠶᠠᠭᠳᠠᠵᠤ ᠴᠢᠮᠠᠶᠢ ᠢᠷᠥᠭᠡᠭᠴᠢ ᠨᠢ ᠢᠷᠥᠭᠡᠭᠳᠡᠬᠦ ᠪᠣᠯᠲᠤᠭᠠᠢ︕》 ᠬᠡᠮᠡᠪᠡ᠃
30 ᠢᠰᠠᠺ ᠶᠠᠺᠣᠪ ᠢ ᠢᠩᠭᠢᠵᠦ ᠢᠷᠥᠭᠡᠨ ᠠᠳᠢᠰᠯᠠᠪᠠ᠂ ᠶᠠᠺᠣᠪ ᠡᠴᠢᠭᠡ ᠢᠰᠠᠺ ᠤᠨ ᠢᠶᠠᠨ ᠡᠮᠦᠨᠡ ᠡᠴᠡ ᠪᠣᠰᠣᠨ ᠭᠠᠷᠴᠤ ᠶᠠᠪᠤᠲᠠᠯᠠ᠂ ᠲᠡᠭᠦᠨ ᠦ ᠠᠬᠠ ᠡᠰᠠᠦ᠋ ᠠᠩ ᠠᠴᠠ ᠪᠠᠨ ᠪᠤᠴᠠᠵᠤ ᠢᠷᠡᠵᠡᠢ᠃ 31 ᠡᠰᠠᠦ᠋ ᠴᠤ ᠠᠮᠲᠠᠲᠤ ᠬᠣᠭᠣᠯᠠ ᠬᠢᠵᠦ᠂ ᠡᠴᠢᠭᠡ ᠳᠡᠭᠡᠨ ᠠᠪᠠᠴᠢᠪᠠ᠃ ᠲᠡᠷᠡ᠄ 《ᠠᠪᠤ ᠮᠢᠨᠢ ᠡ᠂ ᠥᠨᠳᠡᠢᠵᠦ ᠰᠠᠭᠤ᠂ ᠲᠠ ᠬᠦᠦ ᠶᠢᠨ ᠢᠶᠠᠨ ᠠᠩ ᠤᠨ ᠮᠢᠬᠠᠨ ᠠᠴᠠ ᠢᠳᠡᠭᠡᠳ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠨᠠᠮᠠᠶᠢ ᠢᠷᠥᠭᠡᠨ ᠠᠳᠢᠰᠯᠠᠨᠠ ᠤᠤ︖》 ᠭᠡᠵᠦ ᠬᠡᠯᠡᠬᠦ ᠳᠦ᠂ 32 ᠡᠴᠢᠭᠡ ᠢᠰᠠᠺ ᠨᠢ᠄ 《ᠴᠢ ᠬᠡᠨ ᠪᠤᠢ︖》 ᠭᠡᠰᠡᠨ ᠳᠦ᠂ ᠲᠡᠷᠡ ᠪᠡᠷ᠄ 《ᠪᠢ ᠲᠠᠨ ᠤ ᠬᠦᠦ᠂ ᠲᠠᠨ ᠤ ᠤᠤᠭᠠᠨ ᠬᠦᠦ ᠡᠰᠠᠦ᠋ ᠪᠠᠢᠨᠠ》 ᠭᠡᠵᠡᠢ᠃ 33 ᠶᠡᠬᠡ ᠰᠣᠴᠢᠭᠰᠠᠨ ᠢᠰᠠᠺ ᠭᠦᠨ ᠴᠣᠴᠢᠷᠳᠠᠯ ᠳᠤ ᠠᠪᠲᠠᠭᠰᠠᠨ ᠢᠶᠠᠷ᠄ 《ᠲᠡᠭᠡᠪᠡᠯ ᠠᠩ ᠠᠩᠨᠠᠭᠠᠳ ᠨᠠᠳᠠ ᠳᠤ ᠠᠪᠴᠢᠷᠠᠵᠤ ᠥᠭᠭᠥᠭᠰᠡᠨ ᠲᠡᠷᠡ ᠬᠥᠮᠦᠨ ᠬᠡᠨ ᠶᠤᠮ ᠪᠤᠢ︖ ᠴᠢᠮᠠᠶᠢ ᠢᠷᠡᠬᠦ ᠡᠴᠡ ᠡᠮᠦᠨᠡ ᠪᠢ ᠪᠦᠭᠦᠳᠡ ᠶᠢ ᠨᠢ ᠢᠳᠡᠭᠡᠳ᠂ ᠲᠡᠭᠦᠨ ᠢ ᠢᠷᠥᠭᠡᠭᠰᠡᠨ᠂ ᠲᠡᠷᠡ ᠯᠠ ᠢᠷᠥᠭᠡᠭᠳᠡᠨᠡ︕》 ᠭᠡᠪᠡ᠃ 34 ᠡᠰᠠᠦ᠋ ᠡᠴᠢᠭᠡ ᠶᠢᠨ ᠢᠶᠠᠨ ᠦᠭᠡ ᠶᠢ ᠰᠣᠨᠣᠰᠣᠭᠠᠳ᠂ ᠴᠢᠩᠭ᠍ᠠ ᠪᠠᠷ ᠪᠠᠷᠬᠢᠷᠠᠨ ᠭᠠᠰᠢᠭᠤᠨ ᠢᠶᠠᠷ ᠤᠬᠢᠯᠠᠵᠤ᠄ 《ᠨᠠᠮᠠᠶᠢ ᠴᠤ ᠪᠠᠰᠠ ᠢᠷᠥᠭᠡᠨ ᠠᠳᠢᠰᠯᠠᠭᠠᠴᠢ︕ ᠡᠴᠢᠭᠡ ᠮᠢᠨᠢ》 ᠭᠡᠵᠦ ᠬᠡᠯᠡᠭᠰᠡᠨ ᠳᠦ᠂ 35 ᠢᠰᠠᠺ᠄ 《ᠴᠢᠨᠦ ᠳᠡᠭᠦᠦ ᠵᠠᠯᠢᠯᠠᠨ ᠢᠷᠡᠵᠦ᠂ ᠴᠢᠨᠦ ᠢᠷᠥᠭᠡᠯ ᠢ ᠠᠪᠴᠢᠬᠠᠵᠠᠢ》 ᠭᠡᠪᠡ᠃ 36 ᠡᠰᠠᠦ᠋᠄ 《ᠲᠡᠭᠦᠨ ᠢ ᠶᠠᠺᠣᠪ ᠭᠡᠵᠦ ᠨᠡᠷᠡᠯᠡᠳᠡᠭ ᠨᠢ ᠣᠨᠣᠭᠰᠠᠨ ᠪᠤᠰᠤ ᠤᠤ︖ ᠲᠡᠷᠡ ᠣᠳᠣ ᠨᠠᠮᠠᠶᠢ ᠬᠣᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠮᠡᠬᠡᠯᠡᠯᠡ᠃ ᠤᠤᠭᠠᠨ ᠬᠦᠦ ᠶᠢᠨ ᠡᠷᠬᠡ ᠶᠢ ᠮᠢᠨᠢ ᠲᠡᠷᠡ ᠠᠪᠴᠢᠬᠠᠭᠠᠳ᠂ ᠣᠳᠣ ᠢᠷᠥᠭᠡᠯ ᠢ ᠮᠢᠨᠢ ᠪᠠᠰᠠ ᠠᠪᠴᠢᠬᠠᠯᠠ》 ᠭᠡᠵᠦ ᠬᠡᠯᠡᠭᠡᠳ᠄ 《ᠲᠠ ᠮᠢᠨᠦ ᠲᠥᠯᠥᠭᠡ ᠢᠷᠥᠭᠡᠯ ᠦᠯᠡᠳᠡᠭᠡᠭᠡ ᠦᠭᠡᠢ ᠭᠡᠵᠢ ᠤᠤ︖》 ᠭᠡᠰᠡᠨ ᠳᠦ᠂ 37 ᠢᠰᠠᠺ ᠡᠰᠠᠦ᠋ ᠳᠤ ᠬᠠᠷᠢᠭᠤᠯᠤᠨ᠄ 《ᠬᠠᠷᠠ᠂ ᠪᠢ ᠲᠡᠭᠦᠨ ᠢ ᠴᠢᠨᠦ ᠡᠵᠡᠨ ᠪᠣᠯᠭᠠᠭᠠᠳ ᠬᠠᠮᠢᠶᠠᠲᠠᠨ ᠪᠦᠷᠢ ᠶᠢ ᠨᠢ ᠴᠤ ᠲᠡᠭᠦᠨ ᠳᠦ ᠵᠠᠷᠤᠴᠠ ᠪᠠᠷ ᠥᠭᠴᠦ᠂ ᠪᠠᠰᠠ ᠦᠷᠡ ᠲᠠᠷᠢᠶᠠ᠂ ᠳᠠᠷᠠᠰᠤ ᠪᠠᠷ ᠲᠡᠭᠦᠨ ᠢ ᠬᠠᠩ᠋ᠭᠠᠭᠰᠠᠨ ᠪᠣᠯᠬᠣᠷ ᠣᠳᠣ ᠪᠢ ᠴᠢᠮᠠ ᠳᠤ ᠶᠠᠭᠤ ᠬᠢᠵᠦ ᠥᠭᠬᠦ ᠪᠢᠯᠡ︖ ᠬᠦᠦ ᠮᠢᠨᠢ》 ᠭᠡᠪᠡ᠃ 38 ᠬᠠᠷᠢᠨ ᠡᠰᠠᠦ᠋ ᠡᠴᠢᠭᠡ ᠳᠡᠭᠡᠨ᠄ 《ᠲᠠᠨ ᠳᠤ ᠡᠢᠮᠦ ᠢᠷᠥᠭᠡᠯ ᠨᠢ ᠭᠠᠭᠴᠠᠬᠠᠨ ᠪᠠᠢᠳᠠᠭ ᠤᠤ︖ ᠡᠴᠢᠭᠡ ᠮᠢᠨᠢ ᠡ︕ ᠨᠠᠮᠠᠶᠢ ᠪᠠᠰᠠ ᠢᠷᠥᠭᠡᠨ ᠠᠳᠢᠰᠯᠠᠭᠠᠴᠢ︕》 ᠭᠡᠵᠦ ᠬᠡᠯᠡᠭᠡᠳ ᠳᠠᠭᠤ ᠲᠠᠯᠪᠢᠨ ᠤᠬᠢᠯᠠᠪᠠ᠃
39 ᠡᠴᠢᠭᠡ ᠢᠰᠠᠺ ᠨᠢ ᠲᠡᠭᠦᠨ ᠳᠦ᠄ 《ᠬᠠᠷᠠ᠂ ᠰᠠᠭᠤᠷᠢᠰᠢᠬᠤ ᠭᠠᠵᠠᠷ ᠴᠢᠨᠢ ᠪᠠᠶᠠᠨ ᠲᠠᠷᠭᠤᠨ ᠠᠴᠠ ᠠᠯᠤᠰ ᠳᠡᠭᠡᠷᠡ ᠲᠩᠷᠢ ᠶᠢᠨ ᠰᠢᠭᠦᠳᠡᠷᠢ ᠡᠴᠡ ᠴᠤ ᠬᠣᠯᠠ ᠪᠠᠢᠬᠤ ᠪᠣᠯᠣᠨᠠ᠃
40 ᠴᠢ ᠢᠯᠳᠦ ᠪᠡᠷ ᠢᠶᠠᠨ ᠠᠮᠢ ᠵᠢᠭᠤᠵᠤ ᠳᠡᠭᠦᠦ ᠳᠡᠭᠡᠨ ᠵᠠᠷᠤᠭᠳᠠᠬᠤ ᠪᠣᠯᠪᠠᠴᠤ ᠲᠡᠰᠪᠦᠷᠢᠯᠡᠵᠦ ᠶᠠᠳᠠᠬᠤ ᠴᠠᠭ ᠲᠠᠭᠠᠨ ᠴᠢ ᠪᠤᠭᠤᠯᠠᠭᠠ ᠶᠢ ᠨᠢ ᠬᠦᠵᠦᠭᠦᠨ ᠡᠴᠡ ᠪᠡᠨ ᠠᠪᠴᠤ ᠬᠠᠶᠠᠨᠠ》 ᠭᠡᠵᠡᠢ᠃
41 ᠶᠠᠺᠣᠪ ᠢ ᠢᠷᠥᠭᠡᠭᠰᠡᠨ ᠡᠴᠢᠭᠡ ᠶᠢᠨ ᠢᠶᠠᠨ ᠢᠷᠥᠭᠡᠯ ᠡᠴᠡ ᠪᠣᠯᠵᠤ᠂ ᠡᠰᠠᠦ᠋ ᠶᠠᠺᠣᠪ ᠢ ᠵᠠᠨᠤᠪᠠ᠃ 《ᠡᠴᠢᠭᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠡᠮᠭᠡᠨᠢᠬᠦ ᠡᠳᠦᠷ ᠣᠢᠷᠠᠬᠠᠨ᠂ ᠡᠭᠦᠨ ᠦ ᠳᠠᠷᠠᠭᠠ ᠪᠢ ᠳᠡᠭᠦᠦ ᠶᠠᠺᠣᠪ ᠢᠶᠠᠨ ᠠᠯᠠᠨᠠ》 ᠭᠡᠵᠦ ᠲᠡᠷᠡ ᠬᠡᠯᠡᠵᠡᠢ᠃ 42 ᠤᠤᠭᠠᠨ ᠬᠦᠦ ᠡᠰᠠᠦ᠋ ᠶᠢᠨ ᠬᠢᠨᠢ ᠡᠨᠡ ᠦᠭᠡ ᠷᠧᠪᠧᠺᠠ ᠳᠤ ᠬᠦᠷᠬᠦ ᠳᠦ᠂ ᠲᠡᠷᠡ ᠪᠠᠭᠠ ᠬᠦᠦ ᠶᠠᠺᠣᠪ ᠲᠠᠭᠠᠨ ᠬᠡᠯᠡ ᠶᠠᠪᠤᠭᠤᠯᠤᠨ ᠳᠠᠭᠤᠳᠠᠵᠤ᠄ 《ᠡᠰᠠᠦ᠋ ᠠᠬᠠ ᠴᠢᠨᠢ ᠴᠢᠮᠠᠶᠢ ᠠᠯᠠᠵᠤ ᠥᠰᠢᠶᠡ ᠠᠪᠬᠤ ᠭᠡᠵᠦ ᠪᠠᠢᠨᠠ᠃ 43 ᠲᠡᠢᠮᠦ ᠡᠴᠡ ᠬᠦᠦ ᠮᠢᠨᠢ᠂ ᠮᠢᠨᠦ ᠬᠡᠯᠡᠬᠦ ᠶᠢ ᠰᠣᠨᠣᠰ᠂ ᠴᠢ ᠳᠠᠷᠤᠢᠬᠠᠨ ᠾᠠᠷᠠᠨ ᠳᠤ ᠪᠠᠢᠭᠠ ᠮᠢᠨᠦ ᠠᠬᠠ ᠯᠠᠪᠠᠨ ᠤᠷᠤᠭᠤ ᠵᠢᠭᠤᠲᠠᠨ ᠣᠴᠢᠵᠤ᠂ 44 ᠠᠬᠠ ᠶᠢᠨ ᠢᠶᠠᠨ ᠠᠭᠤᠷ ᠢ ᠭᠠᠷᠲᠠᠯᠠ᠂ ᠲᠦᠷ ᠵᠠᠭᠤᠷᠠ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢ᠃ 45 ᠠᠬᠠ ᠶᠢᠨ ᠴᠢᠨᠢ ᠠᠭᠤᠷ ᠭᠠᠷᠴᠤ᠂ ᠥᠪᠡᠷ ᠲᠤᠨᠢ ᠬᠢᠭᠰᠡᠨ ᠵᠦᠢᠯ ᠢ ᠴᠢᠨᠢ ᠮᠠᠷᠲᠠᠬᠤ ᠳᠤ ᠪᠢ ᠴᠢᠮᠠ ᠳᠤ ᠬᠡᠯᠡ ᠶᠠᠪᠤᠭᠤᠯᠵᠤ᠂ ᠴᠢᠮᠠᠶᠢ ᠲᠡᠨᠳᠡ ᠡᠴᠡ ᠠᠪᠴᠢᠷᠠᠨᠠ᠃ ᠶᠠᠭᠠᠬᠢᠭᠠᠳ ᠪᠢ ᠲᠠᠨ ᠤ ᠬᠣᠶᠠᠭᠤᠯᠠ ᠶᠢ ᠨᠢᠭᠡ ᠡᠳᠦᠷ ᠠᠯᠳᠠᠬᠤ ᠶᠣᠰᠣᠲᠠᠢ ᠪᠢᠯᠡ》 ᠭᠡᠪᠡ᠃
46 ᠷᠧᠪᠧᠺᠠ ᠢᠰᠠᠺ ᠲᠤ᠄ 《ᠾᠢᠲ ᠤᠨ ᠥᠬᠢᠳ ᠡᠴᠡ ᠪᠣᠯᠵᠤ ᠪᠢ ᠠᠮᠢᠳᠤᠷᠠᠯ ᠠᠴᠠ ᠵᠠᠯᠬᠠᠵᠤ ᠭᠦᠢᠴᠡᠯᠡ᠃ ᠬᠡᠷᠪᠡ ᠶᠠᠺᠣᠪ ᠲᠡᠳᠡ ᠨᠠᠷ ᠰᠢᠭ ᠾᠢᠲ᠋ᠴᠦᠳ ᠦᠨ ᠥᠬᠢᠳ᠂ ᠡᠨᠡ ᠨᠤᠲᠤᠭ ᠤᠨ ᠥᠬᠢᠳ ᠡᠴᠡ ᠡᠬᠡᠨᠡᠷ ᠠᠪᠤᠪᠠᠯ ᠠᠮᠢᠳᠤ ᠶᠠᠪᠤᠬᠤ ᠶᠢᠨ ᠮᠢᠨᠢ ᠬᠡᠷᠡᠭ ᠶᠠᠭᠤᠨ ᠪᠢᠯᠡ︖》 ᠭᠡᠪᠡ᠃