ᠡᠬᠢᠯᠡᠯ ᠬᠣᠷᠢ ᠶᠢᠰᠦ
ᠶᠠᠺᠣᠪ ᠤᠨ ᠠᠵᠢᠯ ᠪᠠ ᠭᠡᠷᠯᠡᠯᠲᠡ
1 ᠶᠠᠺᠣᠪ ᠬᠥᠯ ᠬᠥᠩᠭᠡᠷᠡᠨ ᠶᠠᠪᠤᠵᠤ᠂ ᠳᠣᠷᠣᠨᠠ ᠵᠦᠭ ᠦᠨ ᠬᠥᠮᠦᠰ ᠦᠨ ᠨᠤᠲᠤᠭ ᠲᠤ ᠬᠦᠷᠴᠡᠢ᠃ 2 ᠲᠡᠷᠡ ᠬᠠᠷᠠᠬᠤ ᠳᠤ᠂ ᠬᠡᠭᠡᠷᠡ ᠲᠠᠯᠠ ᠳᠤ ᠨᠢᠭᠡᠨ ᠬᠤᠳᠳᠤᠭ ᠪᠠᠢᠵᠠᠢ︕ ᠳᠡᠷᠭᠡᠳᠡ ᠨᠢ ᠭᠤᠷᠪᠠᠨ ᠰᠦᠷᠦᠭ ᠬᠣᠨᠢ ᠬᠡᠪᠲᠡᠵᠦ ᠪᠠᠢᠪᠠ︕ ᠬᠣᠨᠢᠴᠢᠳ ᠲᠡᠷᠡ ᠬᠤᠳᠳᠤᠭ ᠠᠴᠠ ᠬᠣᠨᠢ ᠪᠠᠨ ᠤᠰᠤᠯᠠᠳᠠᠭ ᠪᠠᠢᠪᠠ᠃ ᠬᠤᠳᠳᠤᠭ ᠤᠨ ᠠᠮᠠ ᠶᠢ ᠲᠣᠮᠣ ᠴᠢᠯᠠᠭᠤ ᠪᠠᠷ ᠳᠠᠷᠤᠳᠠᠭ ᠪᠥᠭᠡᠳ 3 ᠪᠦᠬᠦ ᠰᠦᠷᠦᠭ ᠴᠤᠭᠯᠠᠬᠤ ᠦᠶᠡ ᠳᠦ ᠬᠣᠨᠢᠴᠢᠳ ᠬᠤᠳᠳᠤᠭ ᠤᠨ ᠠᠮᠠᠨ ᠠᠴᠠ ᠴᠢᠯᠠᠭᠤ ᠶᠢ ᠥᠩᠬᠥᠷᠢᠭᠦᠯᠦᠨ ᠵᠠᠢᠯᠠᠭᠤᠯᠵᠤ᠂ ᠬᠣᠨᠢ ᠪᠠᠨ ᠤᠰᠤᠯᠠᠭᠠᠳ᠂ ᠳᠠᠷᠠᠭᠠ ᠨᠢ ᠤᠭ ᠴᠢᠯᠠᠭᠤ ᠪᠠᠨ ᠬᠤᠳᠳᠤᠭ ᠤᠨ ᠠᠮᠠᠰᠠᠷ ᠳᠡᠭᠡᠷᠡ ᠪᠤᠴᠠᠭᠠᠨ ᠲᠠᠯᠪᠢᠳᠠᠭ ᠪᠠᠢᠵᠠᠢ᠃
4 ᠶᠠᠺᠣᠪ ᠲᠡᠳᠡᠨ ᠡᠴᠡ᠄ 《ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ᠂ ᠲᠠ ᠨᠠᠷ ᠬᠠᠮᠢᠭᠠ ᠠᠴᠠ ᠢᠷᠡᠪᠡ︖》 ᠭᠡᠵᠦ ᠠᠰᠠᠭᠤᠭᠰᠠᠨ ᠳᠤ᠂ ᠲᠡᠳᠡ᠄ 《ᠾᠠᠷᠠᠨ ᠠᠴᠠ ᠢᠷᠡᠭᠰᠡᠨ》 ᠭᠡᠵᠡᠢ᠃ 5 ᠶᠠᠺᠣᠪ ᠲᠡᠳᠡᠨ ᠳᠦ᠄ 《ᠨᠠᠬᠣᠷ ᠤᠨ ᠠᠴᠢ ᠬᠦᠦ ᠯᠠᠪᠠᠨ ᠢ ᠲᠠᠨᠢᠬᠤ ᠤᠤ︖》 ᠭᠡᠬᠦ ᠳᠦ᠂ ᠲᠡᠳᠡ᠄ 《ᠲᠠᠨᠢᠨᠠ》 ᠭᠡᠪᠡ᠃ 6 ᠶᠠᠺᠣᠪ ᠲᠡᠳᠡᠨ ᠳᠦ᠄ 《ᠲᠡᠷᠡ ᠠᠮᠤᠷ ᠤᠤ︖》 ᠭᠡᠰᠡᠨ ᠳᠦ᠂ ᠲᠡᠳᠡ᠄ 《ᠠᠮᠤᠷ᠂ ᠬᠠᠷᠠ᠂ ᠲᠡᠭᠦᠨ ᠦ ᠥᠬᠢᠨ ᠷᠠᠾᠢᠯ ᠬᠣᠨᠢ ᠪᠠᠨ ᠲᠠᠭᠤᠭᠠᠳ ᠢᠷᠡᠵᠦ ᠪᠠᠢᠨᠠ》 ᠭᠡᠵᠡᠢ᠃ 7 ᠶᠠᠺᠣᠪ᠄ 《ᠬᠠᠷᠠ᠂ ᠡᠳᠦᠷ ᠶᠠᠭᠠᠬᠢᠭᠠ ᠴᠤ ᠦᠭᠡᠢ ᠪᠠᠢᠨᠠ᠃ ᠮᠠᠯ ᠰᠦᠷᠦᠭ ᠪᠤᠴᠠᠬᠤ ᠴᠠᠭ ᠪᠣᠯᠣᠭᠠ ᠦᠭᠡᠢ ᠪᠠᠢᠨᠠ᠂ ᠲᠠ ᠨᠠᠷ ᠬᠣᠨᠢ ᠪᠠᠨ ᠤᠰᠤᠯᠠᠭᠠᠳ᠂ ᠪᠡᠯᠴᠢᠭᠡᠷ ᠲᠦ ᠭᠠᠷᠭᠠᠬᠤ ᠦᠭᠡᠢ ᠤᠤ︖》 ᠭᠡᠪᠡ᠃ 8 ᠬᠠᠷᠢᠨ ᠲᠡᠳᠡ᠄ 《ᠪᠢᠳᠡ ᠲᠡᠭᠡᠬᠦ ᠦᠭᠡᠢ᠃ ᠪᠢᠳᠡ ᠡ᠊ᠨᠳᠡ ᠪᠠᠢᠵᠤ ᠪᠦᠬᠦ ᠰᠦᠷᠦᠭ ᠴᠤᠭᠯᠠᠭᠰᠠᠨ ᠤ ᠳᠠᠷᠠᠭᠠ ᠯᠠ ᠴᠢᠯᠠᠭᠤ ᠶᠢ ᠬᠤᠳᠳᠤᠭ ᠤᠨ ᠠᠮᠠᠨ ᠠᠴᠠ ᠵᠠᠢᠯᠠᠭᠤᠯᠵᠤ ᠬᠣᠨᠢ ᠪᠠᠨ ᠤᠰᠤᠯᠠᠨᠠ》 ᠭᠡᠪᠡ᠃
9 ᠶᠠᠺᠣᠪ ᠲᠡᠳᠡᠨ ᠲᠡᠢ ᠶᠠᠷᠢᠵᠤ ᠪᠠᠢᠬᠤ ᠳᠤ᠂ ᠷᠠᠾᠢᠯ ᠡᠴᠢᠭᠡ ᠶᠢᠨ ᠢᠶᠠᠨ ᠬᠣᠨᠢᠨ ᠰᠦᠷᠦᠭ ᠢ ᠲᠠᠭᠤᠵᠤ ᠢᠷᠡᠯᠡ᠃ ᠲᠡᠷᠡ ᠪᠡᠷ ᠬᠣᠨᠢᠴᠢᠨ ᠪᠠᠢᠵᠠᠢ᠃ 10 ᠶᠠᠺᠣᠪ ᠨᠠᠭᠠᠴᠤ ᠠᠪᠤ ᠯᠠᠪᠠᠨ ᠤ ᠥᠬᠢᠨ ᠷᠠᠾᠢᠯ ᠪᠣᠯᠣᠨ ᠨᠠᠭᠠᠴᠤ ᠠᠪᠤ ᠯᠠᠪᠠᠨ ᠤ ᠪᠠᠨ ᠬᠣᠨᠢ ᠶᠢ ᠬᠠᠷᠠᠭᠠᠳ ᠬᠤᠳᠳᠤᠭ ᠤᠨ ᠠᠮᠠᠨ ᠳᠤ ᠳᠥᠭᠥᠨ ᠣᠴᠢᠵᠤ ᠴᠢᠯᠠᠭᠤ ᠶᠢ ᠥᠩᠬᠥᠷᠢᠭᠦᠯᠦᠨ ᠵᠠᠢᠯᠠᠭᠤᠯᠤᠭᠠᠳ ᠨᠠᠭᠠᠴᠤ ᠠᠪᠤ ᠯᠠᠪᠠᠨ ᠤ ᠪᠠᠨ ᠬᠣᠨᠢᠨ ᠰᠦᠷᠦᠭ ᠢ ᠤᠰᠤᠯᠠᠪᠠ᠃ 11 ᠲᠡᠭᠡᠭᠡᠳ ᠶᠠᠺᠣᠪ ᠷᠠᠾᠢᠯ ᠢ ᠦᠨᠦᠰᠦᠭᠡᠳ᠂ ᠴᠢᠩᠭ᠍ᠠ ᠳᠠᠭᠤ ᠪᠠᠷ ᠤᠬᠢᠯᠠᠨ᠂ 12 ᠷᠠᠾᠢᠯ ᠳᠤ ᠥᠪᠡᠷ ᠢ ᠪᠠᠨ ᠡᠴᠢᠭᠡ ᠶᠢᠨ ᠬᠢᠨᠢ ᠳᠡᠭᠦᠦ ᠷᠧᠪᠧᠺᠠ ᠶᠢᠨ ᠬᠦᠦ ᠪᠣᠯᠬᠤ ᠪᠠᠨ ᠬᠡᠯᠡᠭᠰᠡᠨ ᠳᠦ᠂ ᠲᠡᠷᠡ ᠪᠡᠷ ᠭᠦᠶᠦᠨ ᠶᠠᠪᠤᠵᠤ ᠡᠴᠢᠭᠡ ᠳᠡᠭᠡᠨ ᠳᠤᠭᠤᠯᠭᠠᠪᠠ᠃
13 ᠲᠡᠭᠡᠬᠦ ᠳᠦ᠂ ᠯᠠᠪᠠᠨ ᠥᠬᠢᠨ ᠳᠡᠭᠦᠦ ᠶᠢᠨ ᠢᠶᠠᠨ ᠬᠦᠦ ᠶᠠᠺᠣᠪ ᠤᠨ ᠲᠤᠬᠠᠢ ᠮᠡᠳᠡᠭᠡ ᠶᠢ ᠰᠣᠨᠣᠰᠣᠮᠠᠭᠴᠠ ᠲᠡᠭᠦᠨ ᠲᠡᠢ ᠠᠭᠤᠯᠵᠠᠬᠤ ᠪᠠᠷ ᠭᠦᠶᠦᠨ ᠣᠴᠢᠵᠤ᠂ ᠲᠡᠪᠡᠷᠢᠨ ᠦᠨᠦᠰᠦᠭᠡᠳ᠂ ᠭᠡᠷ ᠲᠡᠭᠡᠨ ᠳᠠᠭᠠᠭᠤᠯᠤᠨ ᠣᠷᠣᠪᠠ᠃ ᠶᠠᠺᠣᠪ ᠪᠦᠬᠦ ᠵᠦᠢᠯ ᠢᠶᠠᠨ ᠯᠠᠪᠠᠨ ᠳᠤ ᠥᠭᠦᠯᠡᠭᠰᠡᠨ ᠳᠦ᠂ 14 ᠯᠠᠪᠠᠨ ᠲᠡᠭᠦᠨ ᠳᠦ᠄ 《ᠴᠢ ᠦᠨᠡᠬᠡᠷ ᠮᠢᠨᠦ ᠶᠠᠰᠤ ᠮᠢᠬᠠᠨ ᠤ ᠲᠠᠰᠤᠷᠬᠠᠢ ᠮᠥᠨ》 ᠭᠡᠪᠡ᠃ ᠡᠢᠨ ᠬᠦ ᠶᠠᠺᠣᠪ ᠲᠡᠭᠦᠨ ᠲᠡᠢ ᠨᠢᠭᠡ ᠰᠠᠷᠠ ᠬᠠᠮᠲᠤ ᠰᠠᠭᠤᠵᠠᠢ᠃
15 ᠯᠠᠪᠠᠨ ᠶᠠᠺᠣᠪ ᠲᠤ᠄ 《ᠴᠢ ᠮᠢᠨᠦ ᠬᠠᠮᠢᠶᠠᠲᠠᠨ ᠮᠥᠨ᠃ ᠭᠡᠪᠡᠴᠦ ᠴᠢ ᠢᠩᠭᠢᠵᠦ ᠬᠥᠯᠥᠰᠥ ᠬᠠᠷᠠᠮᠵᠢ ᠠᠪᠬᠤ ᠦᠭᠡᠢ ᠪᠠᠷ ᠨᠠᠳᠠ ᠳᠤ ᠠᠵᠢᠯ ᠬᠢᠵᠦ ᠥᠭᠭᠥᠭᠡᠳ ᠪᠠᠢᠵᠤ ᠪᠣᠯᠣᠨᠠ ᠤᠤ︖ ᠴᠢᠮᠠ ᠳᠤ ᠶᠠᠮᠠᠷ ᠬᠥᠯᠥᠰᠥ ᠬᠠᠷᠠᠮᠵᠢ ᠥᠭᠪᠡᠯ ᠵᠣᠬᠢᠬᠤ ᠶᠢ ᠨᠠᠳᠠ ᠳᠤ ᠬᠡᠯᠡᠭᠡᠴᠢ︕》 ᠭᠡᠪᠡ᠃ 16 ᠯᠠᠪᠠᠨ ᠬᠣᠶᠠᠷ ᠥᠬᠢᠨ ᠲᠠᠢ ᠪᠥᠭᠡᠳ ᠲᠣᠮᠣ ᠶᠢᠨ ᠬᠢᠨᠢ ᠨᠡᠷᠡ ᠯᠧᠶᠠ᠂ ᠪᠠᠭᠠ ᠶᠢᠨ ᠬᠢᠨᠢ ᠨᠡᠷᠡ ᠷᠠᠾᠢᠯ ᠪᠢᠯᠡ᠃ 17 ᠯᠧᠶᠠ ᠶᠢᠨ ᠨᠢᠳᠦ ᠭᠠᠯ ᠦᠭᠡᠢ᠂ ᠬᠠᠷᠢᠨ ᠷᠠᠾᠢᠯ ᠨᠢ ᠪᠡᠶᠡ ᠪᠢᠯᠳᠠᠷ ᠭᠤᠸᠠᠯᠢᠭ᠂ ᠴᠢᠷᠠᠢ ᠦᠵᠡᠰᠬᠦᠯᠡᠩ ᠠᠵᠢ᠃ 18 ᠶᠠᠺᠣᠪ ᠷᠠᠾᠢᠯ ᠢ ᠬᠠᠢᠷᠠᠯᠠᠭᠰᠠᠨ ᠲᠤᠯᠠ᠄ 《ᠪᠢ ᠲᠠᠨ ᠤ ᠪᠠᠭᠠ ᠥᠬᠢᠨ ᠷᠠᠾᠢᠯ ᠤᠨ ᠲᠥᠯᠥᠭᠡ ᠲᠠᠨ ᠳᠤ ᠳᠣᠯᠣᠭᠠᠨ ᠵᠢᠯ ᠠᠵᠢᠯ ᠬᠢᠵᠦ ᠥᠭᠭᠥᠶᠡ》 ᠭᠡᠰᠡᠨ ᠳᠦ᠂ 19 ᠯᠠᠪᠠᠨ᠄ 《ᠲᠡᠭᠦᠨ ᠢ ᠴᠢᠮᠠ ᠳᠤ ᠥᠭᠬᠦ ᠨᠢ ᠥᠭᠡᠷᠡ ᠬᠥᠮᠦᠨ ᠳᠦ ᠥᠭᠭᠥᠭᠰᠡᠨ ᠡᠴᠡ ᠳᠡᠭᠡᠷᠡ᠃ ᠴᠢ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢ》 ᠭᠡᠵᠡᠢ᠃ 20 ᠶᠠᠺᠣᠪ ᠷᠠᠾᠢᠯ ᠤᠨ ᠲᠥᠯᠥᠭᠡ ᠯᠠᠪᠠᠨ ᠳᠤ ᠳᠣᠯᠣᠭᠠᠨ ᠵᠢᠯ ᠠᠵᠢᠯ ᠬᠢᠵᠦ ᠥᠭᠭᠥᠭᠰᠡᠨ ᠪᠠᠢᠨᠠ᠃ ᠶᠠᠺᠣᠪ ᠲᠡᠭᠦᠨ ᠳᠦ ᠬᠠᠢᠷᠠᠲᠠᠢ ᠪᠣᠯᠬᠣᠷ ᠳᠣᠯᠣᠭᠠᠨ ᠵᠢᠯ ᠨᠢ ᠥᠪᠡᠷ ᠲᠤᠨᠢ ᠬᠡᠳᠦᠬᠡᠨ ᠬᠣᠨᠣᠭ ᠮᠡᠲᠦ ᠪᠠᠢᠭᠰᠠᠨ᠃
21 ᠶᠠᠺᠣᠪ ᠯᠠᠪᠠᠨ ᠳᠤ᠄ 《ᠬᠤᠭᠤᠴᠠᠭᠠ ᠳᠠᠭᠤᠰᠤᠯᠠ᠂ ᠨᠠᠳᠠ ᠳᠤ ᠡᠬᠡᠨᠡᠷ ᠢ ᠮᠢᠨᠢ ᠥᠭᠭᠥᠭᠡᠴᠢ᠃ ᠪᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠰᠠᠭᠤᠶᠠ》 ᠭᠡᠵᠡᠢ᠃ 22 ᠯᠠᠪᠠᠨ ᠲᠡᠷᠡ ᠨᠤᠲᠤᠭ ᠤᠨ ᠬᠠᠮᠤᠭ ᠬᠥᠮᠦᠨ ᠢ ᠴᠤᠭᠯᠠᠭᠤᠯᠤᠨ ᠨᠠᠢᠷ ᠬᠢᠭᠰᠡᠨ ᠪᠠᠢᠯᠠ᠃ 23 ᠦᠳᠡᠰᠢ ᠨᠢ ᠯᠠᠪᠠᠨ ᠥᠬᠢᠨ ᠯᠧᠶᠠ ᠪᠠᠨ ᠠᠪᠴᠢᠷᠠᠵᠤ ᠥᠭᠭᠥᠭᠰᠡᠨ ᠳᠦ᠂ ᠶᠠᠺᠣᠪ ᠲᠡᠭᠦᠨ ᠲᠡᠢ ᠳᠡᠷᠡ ᠨᠡᠢᠯᠡᠭᠦᠯᠵᠡᠢ᠃ 24 ᠯᠠᠪᠠᠨ ᠥᠪᠡᠷ ᠦᠨ ᠵᠠᠷᠤᠴᠠ ᠪᠦᠰᠡᠭᠦᠢ ᠽᠢᠯᠫᠠ ᠶᠢ ᠥᠬᠢᠨ ᠯᠧᠶᠠ ᠳᠡᠭᠡᠨ ᠰᠢᠪᠡᠭᠴᠢᠨ ᠪᠣᠯᠭᠠᠨ ᠥᠭᠪᠡ᠃ 25 ᠶᠠᠺᠣᠪ ᠥᠷᠯᠥᠭᠡ ᠨᠢ ᠬᠠᠷᠠᠬᠤ ᠳᠤ᠂ ᠲᠡᠨᠳᠡ ᠯᠧᠶᠠ ᠪᠠᠢᠪᠠ︕ ᠲᠡᠷᠡ ᠯᠠᠪᠠᠨ ᠳᠤ᠄ 《ᠲᠠ ᠨᠠᠳᠠ ᠳᠤ ᠶᠠᠭᠤ ᠬᠢᠴᠢᠬᠡᠬᠦ ᠨᠢ ᠡᠨᠡ ᠪᠤᠢ︖ ᠪᠢ ᠷᠠᠾᠢᠯ ᠤᠨ ᠲᠥᠯᠥᠭᠡ ᠲᠠᠨ ᠳᠤ ᠠᠵᠢᠯ ᠬᠢᠵᠦ ᠥᠭᠭᠥᠭᠰᠡᠨ ᠪᠢᠰᠢ ᠤᠤ︖ ᠲᠠ ᠶᠠᠭᠤᠨ ᠳᠤ ᠨᠠᠮᠠᠶᠢ ᠮᠡᠬᠡᠯᠡᠪᠡ︖》 ᠭᠡᠬᠦ ᠳᠦ᠂ 26 ᠯᠠᠪᠠᠨ᠄ 《ᠮᠠᠨ ᠤ ᠨᠤᠲᠤᠭ ᠲᠤ ᠡᠭᠡᠴᠢ ᠡᠴᠡ ᠨᠢ ᠲᠦᠷᠦᠭᠦᠯᠡᠵᠦ ᠳᠡᠭᠦᠦ ᠶᠢ ᠨᠢ ᠮᠣᠷᠳᠠᠭᠤᠯᠬᠤ ᠵᠠᠩᠰᠢᠯ ᠪᠠᠢᠳᠠᠭ ᠦᠭᠡᠢ᠃ 27 ᠬᠤᠷᠢᠮ ᠤᠨ ᠳᠣᠯᠣᠭᠠ ᠬᠣᠨᠣᠭ ᠢ ᠭᠦᠢᠴᠡᠭᠡ᠃ ᠲᠡᠭᠡᠪᠡᠯ ᠪᠢᠳᠡ ᠴᠢᠮᠠ ᠳᠤ ᠪᠠᠭᠠ ᠥᠬᠢᠨ ᠢᠶᠠᠨ ᠴᠤ ᠥᠭᠭᠥᠨᠡ᠃ ᠣᠷᠣᠨ ᠳᠤᠨᠢ ᠴᠢ ᠨᠠᠳᠠ ᠳᠤ ᠳᠠᠬᠢᠨ ᠳᠣᠯᠣᠭᠠᠨ ᠵᠢᠯ ᠠᠵᠢᠯ ᠬᠢᠵᠦ ᠥᠭᠬᠦ ᠶᠣᠰᠣᠲᠠᠢ》 ᠭᠡᠵᠡᠢ᠃ 28 ᠶᠠᠺᠣᠪ ᠡᠭᠦᠨ ᠢ ᠵᠥᠪᠰᠢᠶᠡᠷᠡᠪᠡ᠃ ᠶᠠᠺᠣᠪ ᠲᠡᠷᠡ ᠳᠣᠯᠣᠭᠠ ᠬᠣᠨᠣᠭ ᠢ ᠭᠦᠢᠴᠡᠭᠡᠭᠰᠡᠨ ᠳᠦ᠂ ᠯᠠᠪᠠᠨ ᠲᠡᠭᠦᠨ ᠳᠦ ᠥᠬᠢᠨ ᠷᠠᠾᠢᠯ ᠢᠶᠠᠨ ᠡᠬᠡᠨᠡᠷ ᠪᠣᠯᠭᠠᠨ ᠥᠭᠴᠡᠢ᠃ 29 ᠯᠠᠪᠠᠨ ᠵᠠᠷᠤᠴᠠ ᠪᠦᠰᠡᠭᠦᠢ ᠪᠢᠯᠾᠠ ᠪᠠᠨ ᠥᠬᠢᠨ ᠷᠠᠾᠢᠯ ᠳᠠᠭᠠᠨ ᠰᠢᠪᠡᠭᠴᠢᠨ ᠪᠣᠯᠭᠠᠨ ᠥᠭᠴᠡᠢ᠃ 30 ᠶᠠᠺᠣᠪ ᠪᠠᠰᠠ ᠷᠠᠾᠢᠯ ᠲᠠᠢ ᠳᠡᠷᠡ ᠨᠡᠢᠯᠡᠭᠦᠯᠦᠭᠰᠡᠨ ᠪᠥᠭᠡᠳ ᠲᠡᠭᠦᠨ ᠢ ᠯᠧᠶᠠ ᠠᠴᠠ ᠢᠯᠡᠭᠦᠦ ᠬᠠᠢᠷᠠᠯᠠᠪᠠ᠃ ᠲᠡᠭᠡᠭᠡᠳ ᠲᠡᠷᠡ ᠯᠠᠪᠠᠨ ᠳᠤ ᠳᠠᠬᠢᠨ ᠳᠣᠯᠣᠭᠠᠨ ᠵᠢᠯ ᠠᠵᠢᠯ ᠬᠢᠵᠦ ᠥᠭᠭᠥᠭᠰᠡᠨ ᠪᠠᠢᠨᠠ᠃
ᠶᠠᠺᠣᠪ ᠤᠨ ᠬᠡᠦᠬᠡᠳ ᠤᠳ
31 ᠶᠣᠬᠣᠸᠠ ᠯᠧᠶᠠ ᠶᠢᠨ ᠬᠠᠢᠷᠠ ᠬᠦᠷᠲᠡᠭᠡ ᠦᠭᠡᠢ ᠶᠢ ᠦᠵᠡᠭᠡᠳ ᠯᠧᠶᠠ ᠶᠢᠨ ᠤᠮᠠᠢ ᠶᠢ ᠨᠡᠭᠡᠭᠡᠪᠡ᠂ ᠬᠠᠷᠢᠨ ᠷᠠᠾᠢᠯ ᠬᠡᠭᠦᠰᠡᠷ ᠪᠠᠢᠵᠠᠢ᠃ 32 ᠯᠧᠶᠠ ᠵᠢᠷᠮᠦᠰᠦᠯᠡᠵᠦ᠂ ᠬᠦᠦ ᠲᠥᠷᠥᠭᠦᠯᠦᠭᠡᠳ ᠲᠡᠭᠦᠨ ᠢ ᠪᠠᠨ ᠷᠧᠣᠪᠧᠨ 47 ᠭᠡᠵᠦ ᠨᠡᠷᠡᠯᠡᠪᠡ᠃ ᠤᠴᠢᠷ ᠨᠢ ᠲᠡᠷᠡ᠄ 《ᠶᠣᠬᠣᠸᠠ ᠮᠢᠨᠦ ᠵᠣᠪᠠᠯᠠᠩ ᠢ ᠬᠠᠷᠠᠵᠠᠢ᠂ ᠣᠳᠣ ᠮᠢᠨᠦ ᠨᠥᠬᠥᠷ ᠨᠠᠮᠠᠶᠢ ᠬᠠᠢᠷᠠᠯᠠᠬᠤ ᠪᠣᠯᠣᠨᠠ︕》 ᠭᠡᠵᠦ ᠬᠡᠯᠡᠪᠡ᠃ 33 ᠲᠡᠷᠡ ᠳᠠᠬᠢᠨ ᠵᠢᠷᠮᠦᠰᠦᠯᠡᠵᠦ᠂ ᠬᠦᠦ ᠲᠥᠷᠥᠭᠦᠯᠦᠭᠡᠳ᠄ 《ᠶᠣᠬᠣᠸᠠ ᠬᠠᠢᠷᠠ ᠬᠦᠷᠲᠡᠭᠡ ᠦᠭᠡᠢ ᠶᠢ ᠮᠢᠨᠢ ᠰᠣᠨᠣᠰᠣᠭᠠᠳ᠂ ᠡᠨᠡ ᠬᠦᠦ ᠶᠢ ᠪᠠᠰᠠ ᠨᠠᠳᠠ ᠳᠤ ᠥᠭᠴᠡᠢ》 ᠭᠡᠳ ᠲᠡᠭᠦᠨ ᠢ ᠪᠠᠨ ᠰᠢᠮᠧᠶᠣᠨ 48 ᠭᠡᠵᠦ ᠨᠡᠷᠡᠯᠡᠪᠡ᠃ 34 ᠲᠡᠷᠡ ᠳᠠᠬᠢᠨ ᠵᠢᠷᠮᠦᠰᠦᠯᠡᠵᠦ᠂ ᠬᠦᠦ ᠲᠥᠷᠥᠭᠦᠯᠦᠭᠡᠳ᠄ 《ᠪᠢ ᠲᠡᠭᠦᠨ ᠳᠦ ᠭᠤᠷᠪᠠᠨ ᠬᠦᠦ ᠲᠥᠷᠥᠭᠦᠯᠵᠦ ᠥᠭᠭᠥᠭᠰᠡᠨ ᠲᠤᠯᠠ ᠨᠥᠬᠥᠷ ᠮᠢᠨᠢ ᠣᠳᠣ ᠯᠠ ᠨᠠᠳᠠ ᠲᠠᠢ ᠬᠣᠯᠪᠣᠭᠳᠠᠬᠤ ᠪᠣᠯᠣᠨᠠ》 ᠭᠡᠳ ᠲᠡᠭᠦᠨ ᠢ ᠪᠠᠨ ᠯᠧᠸᠢ 49 ᠭᠡᠵᠦ ᠨᠡᠷᠡᠯᠡᠪᠡ᠃ 35 ᠲᠡᠷᠡ ᠪᠠᠰᠠ ᠵᠢᠷᠮᠦᠰᠦᠯᠡᠵᠦ᠂ ᠬᠦᠦ ᠲᠥᠷᠥᠭᠦᠯᠦᠭᠡᠳ᠄ 《ᠡᠨᠡ ᠤᠳᠠᠭᠠ ᠪᠢ ᠶᠣᠬᠣᠸᠠ ᠶᠢ ᠮᠠᠭᠲᠠᠨᠠ》 ᠭᠡᠳ ᠲᠡᠭᠦᠨ ᠢ ᠪᠠᠨ ᠶᠦᠳᠠ 50 ᠭᠡᠵᠦ ᠨᠡᠷᠡᠯᠡᠪᠡ᠃ ᠲᠡᠭᠡᠭᠡᠳ ᠲᠡᠭᠦᠨ ᠦ ᠬᠡᠦᠬᠡᠳ ᠲᠥᠷᠥᠭᠦᠯᠬᠦ ᠨᠢ ᠵᠣᠭᠰᠣᠵᠠᠢ᠃