ᠶᠧᠷᠧᠮᠢᠶᠠ ᠬᠣᠶᠠᠷ
ᠢᠰᠷᠧᠯ ᠪᠤᠷᠬᠠᠨ ᠢ ᠣᠭᠣᠷᠪᠠ
1 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠵᠦ᠄
2 《ᠴᠢ ᠶᠠᠪᠤᠵᠤ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠬᠢᠨ ᠤ ᠴᠢᠬᠢᠨ ᠳᠤ ᠬᠠᠰᠬᠢᠷᠤᠨ ᠶᠠᠷᠢ᠄ 〈ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠃ ᠵᠠᠯᠠᠭᠤ ᠨᠠᠰᠤᠨ ᠤ ᠦᠨᠡᠨᠴᠢ ᠬᠠᠢᠷᠠ ᠪᠠᠷ ᠰᠦᠢᠲᠦ ᠪᠦᠰᠡᠭᠦᠢ ᠶᠢᠨ ᠬᠠᠢᠷᠠ ᠪᠠᠷ ᠦᠷᠡ ᠲᠠᠷᠢᠭᠠ ᠦᠭᠡᠢ ᠭᠠᠵᠠᠷ ᠢᠶᠠᠷ ᠴᠥᠯ ᠳᠤ ᠨᠠᠮᠠᠶᠢ ᠳᠠᠭᠠᠭᠰᠠᠨ ᠴᠢᠮᠠᠶᠢ ᠪᠢ ᠰᠠᠨᠠᠵᠤ ᠪᠠᠢᠨᠠ᠃
3 ᠢᠰᠷᠧᠯ ᠪᠣᠯ ᠶᠣᠬᠣᠸᠠ ᠳᠤ ᠠᠷᠢᠭᠤᠨ ᠤᠷᠭᠤᠴᠠ ᠶᠢᠨ ᠬᠢᠨᠢ ᠳᠡᠭᠡᠵᠢ ᠪᠠᠢᠭᠰᠠᠨ ᠲᠡᠭᠦᠨ ᠢ ᠢᠳᠡᠭᠰᠡᠨ ᠪᠦᠭᠦᠳᠡ ᠪᠤᠷᠤᠭᠤᠲᠠᠨ ᠪᠣᠯᠵᠤ ᠬᠥᠨᠥᠭᠡᠯ ᠲᠡᠳᠡᠨ ᠦ ᠳᠡᠭᠡᠷᠡ ᠪᠠᠭᠤᠭᠰᠠᠨ ᠪᠢᠯᠡ᠂〉 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ》 ᠭᠡᠪᠡ᠃
4 ᠶᠠᠺᠣᠪ ᠤᠨ ᠭᠡᠷ ᠡ᠂ ᠢᠰᠷᠧᠯ ᠤᠨ ᠭᠡᠷ ᠦᠨ ᠪᠦᠬᠦ ᠤᠷᠤᠭ ᠡ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰᠴᠠᠭᠠ᠃
5 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠡᠴᠢᠭᠡ ᠡᠪᠦᠭᠡᠳ ᠲᠠᠨᠢ ᠨᠠᠳᠠ ᠠᠴᠠ ᠶᠠᠮᠠᠷ ᠪᠤᠷᠤᠭᠤ ᠶᠢ ᠣᠯᠴᠢᠬᠠᠭᠠᠳ ᠨᠠᠳᠠ ᠠᠴᠠ ᠬᠣᠯᠠᠳᠠᠨ᠂ ᠬᠣᠭᠣᠰᠣᠨ ᠤ ᠠᠷᠤ ᠠᠴᠠ ᠶᠠᠪᠤᠵᠤ᠂ ᠬᠣᠭᠣᠰᠣᠨ ᠪᠣᠯᠪᠠ︖
6 ᠲᠡᠳᠡ᠄ 〈ᠶᠧᠵᠢᠫᠲ ᠨᠤᠲᠤᠭ ᠠᠴᠠ ᠭᠠᠷᠭᠠᠵᠤ ᠭᠠᠩ᠋ᠭᠠ ᠵᠢᠯᠠᠭᠠ ᠪᠦᠬᠦᠢ ᠡᠵᠡᠭᠦᠢ ᠴᠥᠯ ᠭᠠᠩ ᠭᠠᠴᠢᠭ ᠪᠦᠬᠦᠢ ᠭᠦᠨ ᠬᠠᠷᠠᠩ᠋ᠭᠤᠢ ᠣᠷᠣᠨ ᠢᠶᠠᠷ ᠬᠥᠮᠦᠨ ᠠᠮᠢᠳᠤᠷᠠᠵᠤ᠂ ᠬᠥᠨᠳᠡᠯᠡᠨ ᠳᠤᠭᠤᠯᠵᠤ ᠦᠵᠡᠭᠡ ᠦᠭᠡᠢ ᠭᠠᠵᠠᠷ ᠢᠶᠠᠷ ᠬᠥᠲᠥᠯᠵᠦ ᠪᠢᠳᠡᠨ ᠢ ᠤᠳᠤᠷᠢᠳᠤᠭᠰᠠᠨ ᠶᠣᠬᠣᠸᠠ ᠮᠢᠨᠢ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖〉 ᠭᠡᠵᠦ ᠠᠰᠠᠭᠤᠭᠠ ᠴᠤ ᠦᠭᠡᠢ᠃
7 ᠥᠩ ᠰᠢᠮᠡᠯᠢᠭ ᠭᠠᠵᠠᠷ ᠲᠤ ᠪᠢ ᠲᠠ ᠨᠠᠷ ᠢ ᠠᠪᠴᠢᠷᠠᠵᠤ ᠦᠷᠡ ᠵᠢᠮᠢᠰ᠂ ᠣᠬᠢ ᠰᠠᠢᠨ ᠢ ᠨᠢ ᠢᠳᠡᠭᠦᠯᠬᠦ ᠭᠡᠰᠡᠨ ᠬᠠᠷᠢᠨ ᠲᠠ ᠨᠠᠷ ᠢᠷᠡᠵᠦ᠂ ᠮᠢᠨᠦ ᠭᠠᠵᠠᠷ ᠢ ᠪᠤᠵᠠᠷᠯᠠᠨ ᠥᠪᠡᠷ ᠦᠨ ᠮᠢᠨᠢ ᠥᠮᠴᠢ ᠶᠢ ᠵᠢᠭᠰᠢᠭᠦᠷᠢᠲᠦ ᠵᠦᠢᠯ ᠪᠣᠯᠭᠠᠭᠰᠠᠨ᠃
8 ᠲᠠᠬᠢᠯᠴᠢᠳ ᠨᠢ 〈ᠶᠣᠬᠣᠸᠠ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖〉 ᠭᠡᠵᠦ ᠡᠰᠡ ᠠᠰᠠᠭᠤᠨ ᠰᠤᠷᠭᠠᠯ ᠵᠢᠭᠠᠭᠴᠢᠳ ᠨᠢ ᠨᠠᠮᠠᠶᠢ ᠦᠯᠦ ᠮᠡᠳᠡᠨ ᠵᠠᠬᠢᠷᠤᠭᠴᠢᠳ ᠨᠢ ᠮᠢᠨᠦ ᠡᠰᠡᠷᠭᠦ ᠪᠣᠰᠴᠤ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠨᠢ ᠪᠠᠯ ᠢᠶᠠᠷ ᠡᠰᠢ ᠦᠵᠡᠭᠦᠯᠵᠦ ᠠᠰᠢᠭ ᠦᠭᠡᠢ ᠬᠣᠭᠣᠰᠣᠨ ᠤ ᠠᠷᠤ ᠠᠴᠠ ᠶᠠᠪᠤᠭᠰᠠᠨ᠃
9 ᠲᠡᠢᠮᠦ ᠡᠴᠡ ᠪᠢ ᠲᠠ ᠨᠠᠷ ᠲᠠᠢ ᠮᠡᠳᠬᠡᠯᠴᠡᠵᠦ ᠬᠡᠦᠬᠡᠳ ᠤᠳ ᠤᠨ ᠴᠢᠨᠢ ᠬᠡᠦᠬᠡᠳ ᠲᠡᠢ ᠴᠤ ᠮᠡᠳᠬᠡᠯᠴᠡᠭᠰᠡᠭᠡᠷ ᠪᠠᠢᠬᠤ ᠪᠣᠯᠣᠨᠠ᠃ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ》 ᠭᠡᠪᠡ᠃
10 ᠰᠠᠢᠫᠷᠦ᠋ᠰ ᠤᠨ ᠠᠷᠠᠯ ᠤᠷᠤᠭᠤ ᠭᠠᠲᠤᠯᠤᠨ ᠣᠴᠢᠭᠠᠳ ᠠᠵᠢᠭᠯᠠ ᠺᠧᠳᠠᠷ ᠤᠷᠤᠭᠤ ᠬᠥᠮᠦᠨ ᠢᠯᠡᠭᠡᠵᠦ ᠯᠠᠪᠯᠠ ᠡᠢᠮᠦᠷᠬᠦ ᠵᠦᠢᠯ ᠪᠣᠯᠵᠤ ᠪᠠᠢᠭᠰᠠᠨ ᠤᠤ︖ ᠬᠠᠷᠠ᠂
11 ᠥᠪᠡᠷ ᠦᠨ ᠢᠶᠠᠨ ᠪᠤᠷᠬᠠᠳ ᠢ ᠰᠣᠯᠢᠭᠰᠠᠨ ᠦᠨᠳᠦᠰᠦᠲᠡᠨ ᠪᠠᠢᠨᠠ ᠤᠤ︖ (ᠦᠨᠡᠨ ᠳᠡᠭᠡᠨ ᠲᠡᠳᠡᠨ ᠦ ᠪᠤᠷᠬᠠᠳ ᠪᠤᠷᠬᠠᠨ ᠪᠢᠰᠢ) ᠠᠷᠠᠳ ᠲᠦᠮᠡᠨ ᠮᠢᠨᠢ ᠬᠠᠷᠢᠨ ᠠᠯᠳᠠᠷ ᠬᠦᠨᠳᠦ ᠪᠡᠨ ᠠᠰᠢᠭ ᠦᠭᠡᠢ ᠬᠣᠭᠣᠰᠣᠨ ᠵᠦᠢᠯ ᠢᠶᠠᠷ ᠰᠣᠯᠢᠵᠠᠢ᠃
12 ᠲᠩᠷᠢ ᠨᠦᠭᠦᠳ ᠡ᠂ ᠰᠣᠴᠢᠭᠲᠤᠨ︕ ᠴᠡᠴᠡᠷᠡᠨ ᠪᠠᠯᠮᠠᠭᠳᠠᠭᠲᠤᠨ》 ᠭᠡᠵᠦ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
13 ᠮᠢᠨᠦ ᠠᠷᠠᠳ ᠲᠦᠮᠡᠨ ᠬᠣᠶᠠᠷ ᠮᠠᠭᠤ ᠶᠢ ᠦᠢᠯᠡᠳᠦᠭᠰᠡᠨ ᠪᠢᠯᠡ ᠠᠮᠢ ᠶᠢᠨ ᠤᠰᠤᠨ ᠤ ᠤᠨᠳᠤᠷᠤᠭᠠ ᠪᠣᠯᠬᠤ ᠨᠠᠮᠠᠶᠢ ᠲᠡᠳᠡ ᠣᠭᠣᠷᠴᠤ ᠤᠰᠤ ᠲᠣᠭᠲᠠᠭᠠᠬᠤ ᠦᠭᠡᠢ ᠡᠪᠳᠡᠷᠬᠡᠢ ᠨᠥᠭᠡᠴᠡᠯᠡᠭᠦᠷ ᠢ ᠥᠪᠡᠷᠰᠡᠳ ᠲᠡᠭᠡᠨ ᠤᠬᠤᠭᠰᠠᠨ ᠶᠤᠮ᠃
14 ᠢᠰᠷᠧᠯ ᠨᠢ ᠪᠣᠭᠣᠯ ᠶᠤᠮ ᠤᠤ︖ ᠡᠰᠡᠪᠡᠯ ᠲᠥᠷᠥᠯᠬᠢ ᠶᠢᠨ ᠵᠠᠷᠤᠴᠠ ᠶᠤᠮ ᠤᠤ︖ ᠶᠠᠭᠠᠬᠢᠭᠠᠳ ᠲᠡᠷᠡ ᠪᠤᠰᠤᠳ ᠤᠨ ᠣᠯᠵᠠ ᠪᠣᠯᠪᠠ︖
15 ᠵᠠᠯᠠᠭᠤ ᠠᠷᠰᠯᠠᠨ ᠨᠤᠭᠤᠳ ᠲᠡᠭᠦᠨ ᠤᠷᠤᠭᠤ ᠴᠢᠩᠭ᠍ᠠ ᠳᠠᠭᠤ ᠪᠠᠷ ᠠᠷᠬᠢᠷᠠᠪᠠ᠂ ᠭᠠᠵᠠᠷ ᠨᠤᠲᠤᠭ ᠨᠢ ᠲᠡᠳᠡᠨ ᠡᠴᠡ ᠪᠣᠯᠵᠤ ᠵᠡᠯᠢᠭᠦᠳ ᠬᠣᠭᠣᠰᠣᠨ ᠪᠣᠯᠣᠭᠠᠳ ᠬᠣᠲᠠ ᠲᠣᠰᠬᠣᠳ ᠨᠢ ᠰᠢᠲᠠᠵᠤ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠪᠣᠯᠵᠠᠢ᠃
16 ᠮᠧᠮᠹᠢᠰ ᠪᠣᠯᠣᠨ ᠲᠠᠫᠠᠨᠾᠧᠰ ᠤᠨ ᠡᠷᠡᠴᠦᠳ ᠴᠤ ᠲᠣᠯᠣᠭᠠᠢ ᠶᠢᠨ ᠲᠢᠲᠢᠮ ᠢ ᠴᠢᠨᠢ ᠡᠪᠳᠡᠵᠡᠢ᠃
17 ᠥᠪᠡᠷ ᠢ ᠴᠢᠨᠢ ᠵᠠᠮᠴᠢᠯᠠᠵᠤ ᠪᠠᠢᠬᠤ ᠳᠤ ᠪᠤᠷᠬᠠᠨ ᠶᠣᠬᠣᠸᠠ ᠪᠠᠨ ᠣᠷᠬᠢᠭᠰᠠᠨ ᠢᠶᠠᠷ ᠡᠨᠡ ᠪᠦᠭᠦᠳᠡ ᠶᠢ ᠴᠢ ᠥᠪᠡᠷ ᠳᠡᠭᠡᠷᠡ ᠪᠡᠨ ᠠᠪᠴᠢᠷᠠᠵᠠᠢ᠃
18 ᠡᠳᠦᠭᠡ ᠴᠢ ᠨᠢᠯ ᠮᠥᠷᠡᠨ ᠡᠴᠡ ᠤᠤᠭᠤᠬᠤ ᠭᠡᠵᠦ ᠶᠧᠵᠢᠫᠲ ᠲᠤ ᠣᠴᠢᠭᠰᠠᠨ ᠴᠤ ᠶᠠᠭᠠᠬᠢᠬᠤ ᠪᠤᠢ︖ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠡᠴᠡ ᠤᠤᠭᠤᠬᠤ ᠭᠡᠵᠦ ᠠᠰᠢᠷᠢᠶᠠ ᠳᠤ ᠣᠴᠢᠭᠰᠠᠨ ᠴᠤ ᠶᠠᠭᠠᠬᠢᠬᠤ ᠪᠤᠢ︖
19 ᠥᠪᠡᠷ ᠦᠨ ᠴᠢᠨᠢ ᠥᠭᠡᠳᠡ ᠦᠭᠡᠢ ᠶᠠᠪᠤᠳᠠᠯ ᠴᠢᠮᠠᠶᠢ ᠰᠢᠳᠬᠡᠵᠦ ᠥᠪᠡᠷ ᠦᠨ ᠴᠢᠨᠢ ᠤᠷᠪᠠᠯᠲᠠ ᠴᠢᠮᠠᠶᠢ ᠰᠢᠭᠦᠨᠡ᠂ ᠲᠡᠢᠨ ᠬᠦ ᠴᠢ ᠶᠣᠬᠣᠸᠠ ᠪᠤᠷᠬᠠᠨ ᠢᠶᠠᠨ ᠣᠷᠬᠢᠵᠤ᠂ ᠨᠠᠮᠠᠶᠢ ᠦᠯᠦ ᠬᠦᠨᠳᠦᠯᠡᠬᠦ ᠨᠢ ᠭᠠᠰᠢᠭᠤᠨ ᠪᠡᠷᠬᠡ ᠪᠣᠯᠬᠤ ᠶᠢ ᠬᠠᠷᠠᠵᠤ᠂ ᠮᠡᠳᠡᠨᠡ᠃ ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃》
20 ᠥᠨᠢ ᠡᠷᠳᠡᠨ ᠡᠴᠡ ᠴᠢ ᠪᠣᠭᠤᠯᠠᠭᠠ ᠪᠠᠨ ᠬᠤᠭᠤᠯᠵᠤ ᠥᠪᠡᠷ ᠲᠦ ᠮᠠᠨᠢ ᠦᠢᠯᠡᠴᠢᠯᠡᠬᠦ ᠦᠭᠡᠢ ᠭᠡᠳ ᠤᠶᠠᠭᠠ ᠪᠠᠨ ᠬᠠᠶᠠᠭᠰᠠᠨ ᠥᠨᠳᠥᠷ ᠲᠣᠯᠣᠭᠠᠳ ᠬᠢᠭᠡᠳ ᠱᠠᠩᠰᠢ ᠮᠣᠳᠣ ᠪᠦᠷᠢ ᠶᠢᠨ ᠳᠣᠣᠷᠠ ᠶᠠᠩ᠋ᠬᠠᠨ ᠮᠡᠲᠦ ᠬᠡᠪᠲᠡᠭᠰᠡᠨ᠃
21 ᠪᠢ ᠴᠢᠮᠠᠶᠢ ᠰᠢᠯᠢᠮᠡᠯ ᠦᠵᠦᠮ᠂ ᠵᠢᠩᠬᠢᠨᠢ ᠰᠠᠢᠨ ᠦᠷᠡ ᠪᠣᠯᠭᠠᠨ ᠲᠠᠷᠢᠭᠰᠠᠨ ᠬᠠᠷᠢᠨ ᠴᠢ ᠶᠠᠭᠠᠬᠢᠭᠠᠳ ᠮᠢᠨᠦ ᠡᠮᠦᠨᠡ ᠥᠭᠡᠷᠡᠴᠢᠯᠡᠭᠳᠡᠵᠦ ᠬᠠᠷᠢ ᠶᠢᠨ ᠦᠵᠦᠮ ᠦᠨ ᠭᠠᠵᠢ ᠨᠠᠬᠢᠶᠠ ᠪᠣᠯᠪᠠ︖
22 ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ ᠪᠡᠶᠡ ᠪᠡᠨ ᠬᠤᠵᠢᠷ ᠢᠶᠠᠷ ᠤᠬᠢᠶᠠᠵᠤ᠂ ᠰᠠᠪᠤᠩ ᠶᠡᠬᠡ ᠬᠡᠷᠡᠭᠯᠡᠭᠰᠡᠨ ᠴᠤ ᠭᠡᠮ ᠪᠤᠷᠤᠭᠤ ᠶᠢᠨ ᠴᠢᠨᠢ ᠲᠣᠯᠪᠣ ᠮᠢᠨᠦ ᠡᠮᠦᠨᠡ ᠪᠠᠢᠭᠰᠠᠭᠠᠷ ᠪᠠᠢᠨᠠ᠃
23 《ᠪᠢ ᠪᠡᠶᠡ ᠪᠡᠨ ᠪᠤᠵᠠᠷᠯᠠᠭᠠ ᠦᠭᠡᠢ ᠪᠠᠯ ᠤᠨ ᠬᠣᠢᠨᠠ ᠠᠴᠠ ᠶᠠᠪᠤᠭᠠ ᠦᠭᠡᠢ》 ᠭᠡᠵᠦ ᠬᠡᠯᠡᠵᠦ ᠶᠠᠭᠠᠬᠢᠨ ᠴᠢᠳᠠᠨᠠ ᠪᠤᠢ︖ ᠴᠢ ᠬᠥᠨᠳᠡᠢ ᠳᠦ ᠪᠠᠢᠭᠠ ᠮᠥᠷ ᠢᠶᠡᠨ ᠬᠠᠷᠠᠭᠠᠴᠢ︕ ᠬᠡᠷᠬᠢᠨ ᠬᠢᠭᠰᠡᠨ ᠦᠢᠯᠡ ᠪᠡᠨ ᠰᠠᠨᠠᠭᠠᠴᠢ︕ ᠴᠢ ᠪᠣᠯ ᠡᠰᠢ ᠲᠡᠰᠢ ᠭᠦᠶᠦᠳᠡᠭ ᠣᠷᠣᠭᠠ ᠢᠩᠭᠡ
24 ᠴᠥᠯ ᠳᠤ ᠳᠠᠰᠤᠨ᠂ ᠰᠠᠯᠬᠢ ᠦᠨᠦᠷᠯᠡᠨ ᠲᠠᠴᠢᠶᠠᠳᠠᠭ ᠵᠡᠷᠯᠢᠭ ᠡᠮᠡ ᠡᠯᠵᠢᠭᠡ᠂ ᠣᠷᠣᠭᠠ ᠣᠷᠣᠬᠤ ᠳᠤᠨᠢ ᠲᠡᠭᠦᠨ ᠢ ᠬᠡᠨ ᠡᠷᠭᠢᠬᠦᠯᠵᠦ ᠴᠢᠳᠠᠬᠤ ᠪᠤᠢ︖ ᠡᠷᠡ ᠡᠯᠵᠢᠭᠡ ᠨᠦᠭᠦᠳ ᠲᠡᠭᠦᠨ ᠢ ᠬᠠᠢᠬᠤ ᠪᠠᠷ ᠵᠦᠳᠡᠷᠡᠬᠦ ᠬᠡᠷᠡᠭ ᠠᠯᠠᠭᠠ ᠣᠷᠣᠭᠠ ᠶᠢᠨ ᠰᠠᠷᠠ ᠳᠠᠭᠠᠨ ᠲᠡᠷᠡ ᠣᠯᠳᠠᠬᠤ ᠯᠠ ᠪᠣᠯᠣᠨᠠ᠃
25 ᠬᠣᠭᠣᠯᠠᠢ ᠴᠢᠨᠢ ᠬᠠᠲᠠᠬᠤ ᠪᠣᠯᠣᠭᠤᠵᠠᠢ ᠬᠥᠯ ᠴᠢᠨᠢ ᠭᠦᠶᠦᠭᠡᠳ ᠨᠢᠴᠦᠭᠦᠷᠡᠬᠦ ᠪᠣᠯᠣᠭᠤᠵᠠᠢ᠂ ᠬᠠᠷᠢᠨ ᠴᠢ᠄ 《ᠬᠡᠷᠡᠭ ᠦᠭᠡᠢ︕ ᠪᠢ ᠬᠠᠷᠢ ᠶᠢᠨ ᠪᠤᠷᠬᠠᠳ ᠲᠤ ᠬᠠᠢᠷᠠᠲᠠᠢ᠂ ᠪᠢ ᠲᠡᠳᠡᠨ ᠢ ᠳᠠᠭᠠᠨᠠ》 ᠭᠡᠳᠡᠭ᠃
26 ᠬᠤᠯᠠᠭᠠᠢᠴᠢ ᠪᠠᠷᠢᠭᠳᠠᠬᠤ ᠪᠠᠷ ᠢᠶᠠᠨ ᠰᠢᠪᠰᠢᠭ ᠪᠣᠯᠳᠠᠭ ᠤᠨ ᠠᠳᠠᠯᠢ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠰᠢᠪᠰᠢᠭ ᠪᠣᠯᠣᠨᠠ᠃ ᠲᠡᠳᠡᠨ ᠦ ᠬᠠᠭᠠᠳ᠂ ᠲᠦᠰᠢᠮᠡᠳ᠂ ᠲᠠᠬᠢᠯᠴᠢᠳ᠂ ᠮᠥᠨ ᠲᠡᠳᠡᠨ ᠦ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠴᠤ
27 ᠮᠣᠳᠣᠨ ᠳᠤ᠄ 《ᠲᠠ ᠪᠣᠯ ᠮᠢᠨᠦ ᠡᠴᠢᠭᠡ》 ᠭᠡᠵᠦ ᠴᠢᠯᠠᠭᠤᠨ ᠳᠤ᠄ 《ᠲᠠ ᠨᠠᠮᠠᠶᠢ ᠲᠥᠷᠥᠭᠦᠯᠦᠭᠰᠡᠨ》 ᠭᠡᠵᠦ ᠪᠠᠢᠨᠠ ᠨᠠᠳᠠ ᠤᠷᠤᠭᠤ ᠲᠡᠳᠡ ᠨᠢᠭᠤᠷ ᠢᠶᠠᠨ ᠪᠤᠰᠤ᠂ ᠨᠢᠷᠤᠭᠤ ᠪᠠᠨ ᠬᠠᠷᠠᠭᠤᠯᠪᠠ᠂ ᠬᠠᠷᠢᠨ ᠲᠡᠳᠡ ᠵᠣᠪᠠᠯᠠᠩ ᠤᠨ ᠦᠶᠡ ᠳᠡᠭᠡᠨ᠄ 《ᠪᠣᠰᠴᠤ᠂ ᠪᠢᠳᠡᠨ ᠢ ᠠᠪᠤᠷᠠᠭᠠᠴᠢ》 ᠭᠡᠬᠦ ᠪᠣᠯᠣᠨᠠ᠃
28 ᠥᠪᠡᠷᠰᠡᠳ ᠦᠨ ᠢᠶᠠᠨ ᠲᠥᠯᠥᠭᠡ ᠪᠦᠲᠦᠭᠡᠭᠰᠡᠨ ᠪᠤᠷᠬᠠᠳ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖ ᠵᠣᠪᠠᠯᠠᠩ ᠤᠨ ᠦᠶᠡ ᠲᠤ ᠴᠢᠨᠢ ᠠᠪᠤᠷᠠᠬᠤ ᠴᠢᠳᠠᠯ ᠲᠠᠢ ᠪᠣᠯ ᠲᠡᠳᠡ ᠪᠣᠰᠣᠭᠠᠳ ᠠᠪᠤᠷᠠᠭ ᠥ᠂ ᠶᠦᠳᠠ᠂ ᠴᠢ ᠬᠣᠲᠠ ᠨᠤᠭᠤᠳ ᠤᠨ ᠢᠶᠠᠨ ᠲᠣᠭᠠ ᠪᠠᠷ ᠪᠤᠷᠬᠠᠳ ᠲᠠᠢ ᠪᠠᠢᠨᠠ᠃
29 ᠲᠠ ᠨᠠᠷ ᠪᠦᠭᠦᠳᠡ ᠨᠠᠳᠠ ᠠᠴᠠ ᠲᠡᠷᠰᠯᠡᠴᠢᠬᠡᠭᠡᠳ ᠶᠠᠭᠠᠬᠢᠭᠠᠳ ᠨᠠᠳᠠ ᠳᠤ ᠭᠣᠮᠣᠳᠠᠯ ᠲᠣᠭᠠᠴᠢᠨᠠ ᠪᠤᠢ︖ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄
30 《ᠬᠡᠳᠦᠢᠪᠡᠷ ᠪᠢ ᠬᠥᠪᠡᠭᠦᠳ ᠢ ᠴᠢᠨᠢ ᠵᠢᠮᠡᠯᠡᠭᠰᠡᠨ ᠴᠤ ᠨᠡᠮᠡᠷᠢ ᠦᠭᠡᠢ ᠪᠠᠢᠪᠠ ᠭᠡᠰᠬᠡᠯᠲᠡ ᠶᠢ ᠮᠢᠨᠢ ᠲᠡᠳᠡ ᠬᠦᠯᠢᠶᠡᠨ ᠠᠪᠤᠭᠠ ᠦᠭᠡᠢ ᠢᠯᠳᠦ ᠴᠢᠨᠢ ᠬᠥᠨᠥᠭᠡᠯᠲᠦ ᠠᠷᠰᠯᠠᠨ ᠮᠡᠲᠦ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠢ ᠵᠠᠯᠭᠢᠪᠠ᠃
31 ᠡᠨᠡ ᠦᠶᠡ ᠶᠢᠨ ᠬᠢᠨ ᠡ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠠᠩ᠋ᠬᠠᠷ ᠪᠢ ᠢᠰᠷᠧᠯ ᠤᠨ ᠬᠤᠪᠢ ᠳᠤ ᠴᠥᠯ᠂ ᠡᠰᠡᠪᠡᠯ ᠬᠠᠷᠠᠩ᠋ᠭᠤᠢ ᠶᠢᠨ ᠣᠷᠣᠨ ᠪᠠᠢᠪᠠ ᠤᠤ︖ ᠶᠠᠭᠠᠬᠢᠭᠠᠳ ᠮᠢᠨᠦ ᠠᠷᠠᠳ ᠲᠦᠮᠡᠨ᠄ 〈ᠪᠢᠳᠡ ᠴᠢᠯᠥᠭᠡᠯᠡᠭᠳᠡᠯᠡ᠂ ᠳᠠᠬᠢᠵᠤ ᠲᠠᠨ ᠤᠷᠤᠭᠤ ᠣᠴᠢᠬᠤ ᠦᠭᠡᠢ〉 ᠭᠡᠵᠦ ᠬᠡᠯᠡᠨᠡ ᠪᠤᠢ︖
32 ᠣᠩ᠋ᠭᠣᠨ ᠥᠬᠢᠨ ᠭᠣᠶᠣᠯ ᠴᠢᠮᠡᠭᠯᠡᠯ ᠢᠶᠡᠨ᠂ ᠰᠢᠨᠡ ᠪᠡᠷᠢ ᠬᠤᠷᠢᠮ ᠤᠨ ᠬᠤᠪᠴᠠᠰᠤ ᠪᠠᠨ ᠮᠠᠷᠲᠠᠨᠠ ᠭᠡᠵᠢ ᠤᠤ︖ ᠬᠠᠷᠢᠨ ᠮᠢᠨᠦ ᠠᠷᠠᠳ ᠲᠦᠮᠡᠨ ᠨᠠᠮᠠᠶᠢ ᠲᠣᠢᠮᠣ ᠦᠭᠡᠢ ᠣᠯᠠᠨ ᠡᠳᠦᠷ ᠮᠠᠷᠲᠠᠵᠠᠢ᠂
33 ᠠᠮᠠᠷᠠᠭ ᠣᠯᠬᠤ ᠳᠠᠭᠠᠨ ᠴᠢ ᠶᠠᠮᠠᠷ ᠶᠡᠬᠡ ᠠᠷᠭᠠ ᠲᠠᠢ ᠪᠤᠢ︕ ᠶᠠᠩ᠋ᠬᠠᠨ ᠬᠦᠷᠲᠡᠯᠡ ᠴᠢᠮᠠ ᠠᠴᠠ ᠠᠷᠭᠠ ᠰᠤᠷᠬᠤ ᠪᠣᠯᠵᠠᠢ᠂
34 ᠬᠣᠷᠮᠣᠢ ᠴᠢᠨᠢ ᠦᠯᠦ ᠬᠤᠯᠠᠭᠠᠢᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠭᠡᠮ ᠦᠭᠡᠢ ᠶᠠᠳᠠᠭᠤᠰ ᠤᠨ ᠠᠮᠢ ᠶᠢᠨ ᠴᠢᠰᠤ ᠲᠠᠢ᠃ ᠡᠳᠡᠭᠡᠷ ᠪᠦᠬᠦᠨ ᠦ ᠳᠡᠭᠡᠷᠡ᠂
35 ᠴᠢ᠄ 〈ᠪᠢ ᠭᠡᠮ ᠦᠭᠡᠢ᠃ ᠲᠡᠭᠦᠨ ᠦ ᠠᠭᠤᠷ ᠨᠠᠳᠠ ᠠᠴᠠ ᠡᠷᠭᠢᠯᠡ〉 ᠭᠡᠳᠡᠭ᠂ ᠬᠠᠷᠠ᠂ ᠴᠢ᠄ 〈ᠨᠢᠭᠦᠯ ᠦᠢᠯᠡᠳᠦᠭᠡ ᠦᠭᠡᠢ〉 ᠭᠡᠰᠡᠨ ᠲᠤᠯᠠ ᠪᠢ ᠴᠢᠮᠠ ᠳᠤ ᠶᠠᠯᠠ ᠤᠨᠤᠭᠠᠨᠠ᠃
36 ᠴᠢ ᠶᠠᠭᠤᠨ ᠳᠤ ᠵᠦᠭ ᠴᠢᠭ ᠦᠭᠡᠢ ᠶᠠᠪᠤᠨ ᠵᠠᠮ ᠢᠶᠠᠨ ᠥᠭᠡᠷᠡᠴᠢᠯᠡᠭᠰᠡᠭᠡᠷ ᠪᠠᠢᠨᠠ ᠪᠤᠢ︖ ᠠᠰᠢᠷᠢᠶᠠ ᠴᠢᠮᠠᠶᠢ ᠰᠢᠪᠰᠢᠭ ᠪᠣᠯᠭᠠᠭᠰᠠᠨ ᠲᠠᠢ ᠠᠳᠠᠯᠢ ᠶᠧᠵᠢᠫᠲ ᠴᠤ ᠴᠢᠮᠠᠶᠢ ᠰᠢᠪᠰᠢᠭ ᠪᠣᠯᠭᠠᠬᠤ ᠪᠥᠭᠡᠳ
37 ᠲᠡᠨᠳᠡ ᠡᠴᠡ ᠴᠤ ᠴᠢ ᠭᠠᠷ ᠢᠶᠠᠷ ᠢᠶᠠᠨ ᠨᠢᠭᠤᠷ ᠢᠶᠠᠨ ᠪᠦᠲᠡᠭᠡᠨ ᠭᠠᠷᠬᠤ ᠪᠣᠯᠣᠨᠠ ᠨᠠᠢᠳᠠᠭᠰᠠᠨ ᠬᠣᠯᠪᠣᠭᠠᠲᠠᠳ ᠢ ᠴᠢᠨᠢ ᠶᠣᠬᠣᠸᠠ ᠣᠭᠣᠷᠣᠭᠰᠠᠨ᠂ ᠲᠡᠳᠡ ᠴᠢᠮᠠ ᠳᠤ ᠨᠡᠮᠡᠷᠢ ᠪᠣᠯᠬᠤ ᠦᠭᠡᠢ》 ᠭᠡᠪᠡ᠃