ᠶᠧᠷᠧᠮᠢᠶᠠ ᠠᠷᠪᠠᠨ ᠳᠣᠯᠣᠭᠠ
1 ᠶᠦᠳᠠ ᠶᠢᠨ ᠨᠢᠭᠦᠯ ᠵᠢᠷᠦᠬᠡᠨ ᠦ ᠬᠢᠨᠢ ᠰᠠᠮᠪᠠᠷᠠ ᠳᠤ᠂ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠦ ᠬᠢᠨᠢ ᠡᠪᠡᠷ ᠲᠦ ᠲᠡᠮᠦᠷ ᠦᠵᠦᠭ ᠢᠶᠡᠷ ᠪᠢᠴᠢᠭᠳᠡᠵᠦ᠂ ᠠᠯᠮᠠᠰ ᠤᠨ ᠦᠵᠦᠭᠦᠷ ᠢᠶᠡᠷ ᠰᠡᠢᠯᠦᠭᠳᠡᠭᠰᠡᠨ ᠪᠠᠢᠨᠠ᠃
2 ᠲᠡᠳᠡ ᠬᠡᠦᠬᠡᠳ ᠤᠳ ᠢᠶᠠᠨ ᠰᠠᠨᠠᠳᠠᠭ ᠰᠢᠭ᠋ ᠥᠨᠳᠥᠷ ᠲᠣᠯᠣᠭᠠᠳ ᠳᠡᠭᠡᠷᠡᠬᠢ᠂ ᠱᠠᠩᠰᠢ ᠮᠣᠳᠣᠳ ᠤᠨ ᠳᠡᠷᠭᠡᠳᠡᠬᠢ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠪᠣᠯᠣᠨ ᠠᠱᠧᠷᠠ ᠶᠢᠨ ᠮᠣᠳᠣᠨ ᠱᠣᠩ ᠢᠶᠠᠨ ᠰᠠᠨᠠᠳᠠᠭ᠃
3 ᠴᠢᠨᠦ ᠪᠦᠬᠦ ᠬᠢᠯᠢ ᠶᠢᠨ ᠳᠣᠲᠣᠷᠠᠬᠢ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠪᠢ ᠬᠡᠭᠡᠷᠡ ᠲᠠᠯᠠ ᠳᠠᠬᠢ ᠥᠪᠡᠷ ᠦᠨ ᠢᠶᠠᠨ ᠠᠭᠤᠯᠠ ᠶᠢ ᠮᠥᠨ ᠴᠢᠨᠦ ᠡᠳ᠋ ᠪᠠᠶᠠᠯᠢᠭ ᠪᠣᠯᠣᠨ ᠪᠦᠬᠦ ᠡᠷᠳᠡᠨᠢᠰ ᠢ ᠴᠢᠨᠦ ᠮᠥᠷᠭᠥᠯ ᠦᠨ ᠮᠠᠨᠳᠠᠯ ᠤᠳ ᠲᠠᠢ ᠬᠠᠮᠲᠤ ᠣᠯᠵᠠ ᠪᠣᠯᠭᠠᠨᠠ᠂
4 ᠴᠢ ᠦᠢᠯᠡᠰ ᠦᠨ ᠢᠶᠠᠨ ᠤᠯᠠᠮ ᠢᠶᠠᠷ ᠨᠠᠳᠠ ᠠᠴᠠ ᠠᠪᠤᠭᠰᠠᠨ ᠥᠪ ᠢᠶᠡᠨ ᠭᠠᠷ ᠠᠴᠠ ᠪᠠᠨ ᠠᠯᠳᠠᠬᠤ ᠪᠥᠭᠡᠳ ᠥᠪᠡᠷ ᠦᠨ ᠢᠶᠠᠨ ᠮᠡᠳᠡᠳᠡᠭ ᠦᠭᠡᠢ ᠣᠷᠣᠨ ᠳᠤ ᠥᠰᠲᠡᠨ ᠨᠦᠭᠦᠳ ᠲᠡᠭᠡᠨ ᠦᠢᠯᠡᠴᠢᠯᠡᠨᠡ ᠴᠢ ᠮᠢᠨᠦ ᠠᠭᠤᠷ ᠬᠢᠯᠢᠩ ᠳᠤ ᠭᠠᠯ ᠨᠣᠴᠣᠭᠠᠭᠰᠠᠨ ᠲᠤᠯᠠ ᠲᠡᠷᠡ ᠨᠢ ᠡᠭᠦᠷᠢᠳᠡ ᠰᠢᠲᠠᠬᠤ ᠪᠣᠯᠣᠨᠠ᠃
5 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠥᠮᠦᠨ ᠳᠦ ᠢᠲᠡᠭᠡᠵᠦ᠂ ᠬᠦᠴᠦᠨ ᠳᠡᠭᠡᠨ ᠨᠠᠢᠳᠠᠵᠤ ᠵᠢᠷᠦᠬᠡ ᠪᠡᠨ ᠶᠣᠬᠣᠸᠠ ᠠᠴᠠ ᠡᠷᠭᠢᠭᠦᠯᠦᠭᠰᠡᠨ ᠬᠥᠮᠦᠨ ᠬᠠᠷᠢᠶᠠᠯ ᠲᠠᠢ᠃
6 ᠴᠥᠯ ᠳᠠᠬᠢ ᠪᠤᠲᠠ ᠮᠡᠲᠦ ᠲᠡᠷᠡ ᠰᠠᠢᠨ ᠤ ᠪᠠᠷᠠ ᠬᠠᠷᠠᠯ ᠦᠭᠡᠢ᠂ ᠬᠥᠮᠦᠨ ᠰᠠᠭᠤᠳᠠᠭ ᠦᠭᠡᠢ ᠳᠠᠪᠤᠰᠤ ᠲᠠᠢ ᠨᠤᠲᠤᠭ ᠴᠥᠯ ᠦᠨ ᠬᠠᠭᠤᠷᠠᠢ ᠭᠠᠵᠠᠷ ᠲᠤ ᠰᠠᠭᠤᠬᠤ ᠪᠣᠯᠣᠨᠠ᠃
7 ᠬᠠᠷᠢᠨ ᠶᠣᠬᠣᠸᠠ ᠳᠤ ᠢᠲᠡᠭᠡᠵᠦ᠂ ᠶᠣᠬᠣᠸᠠ ᠳᠤ ᠨᠠᠢᠳᠠᠯᠭᠠ ᠲᠠᠯᠪᠢᠭᠰᠠᠨ ᠬᠥᠮᠦᠨ ᠪᠤᠶᠠᠨ ᠲᠠᠢ︕
8 ᠤᠰᠤᠨ ᠤ ᠳᠡᠷᠭᠡᠳᠡ ᠲᠠᠷᠢᠭᠳᠠᠭᠰᠠᠨ ᠮᠣᠳᠣ ᠮᠡᠲᠦ ᠲᠡᠷᠡ ᠤᠷᠤᠰᠬᠠᠯ ᠤᠨ ᠬᠠᠵᠠᠭᠤ ᠳᠤ ᠦᠨᠳᠦᠰᠦ ᠪᠡᠨ ᠰᠤᠩ᠋ᠭᠠᠵᠤ ᠬᠠᠯᠠᠭᠤᠨ ᠪᠣᠯᠬᠤ ᠳᠤ ᠠᠶᠤᠬᠤ ᠦᠭᠡᠢ ᠨᠠᠪᠴᠢᠰ ᠨᠢ ᠨᠣᠭᠣᠭᠠᠨ ᠪᠠᠢᠭᠰᠠᠭᠠᠷ ᠭᠠᠩ ᠭᠠᠴᠢᠭ ᠤᠨ ᠵᠢᠯ ᠳᠤ ᠲᠦᠭᠰᠢᠯ ᠦᠭᠡᠢ ᠦᠷᠡ ᠵᠢᠮᠢᠰ ᠭᠠᠷᠭᠠᠬᠤ ᠪᠠᠨ ᠴᠤ ᠪᠣᠯᠢᠬᠤ ᠦᠭᠡᠢ᠃
9 ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠵᠠᠯᠢ ᠲᠠᠢ ᠡᠳᠡᠭᠡᠷᠡᠰᠢ ᠦᠭᠡᠢ ᠡᠪᠡᠳᠴᠢᠨ ᠲᠡᠢ ᠨᠢ ᠬᠥᠮᠦᠨ ᠦ ᠰᠠᠨᠠᠭᠠ ᠬᠡᠨ ᠲᠡᠭᠦᠨ ᠢ ᠣᠢᠯᠠᠭᠠᠵᠤ ᠴᠢᠳᠠᠬᠤ ᠪᠢᠯᠡ︖
10 ᠬᠠᠷᠢᠨ ᠶᠣᠬᠣᠸᠠ ᠪᠢ ᠰᠠᠨᠠᠭᠠ ᠶᠢ ᠰᠢᠯᠭᠠᠵᠤ ᠰᠡᠳᠬᠢᠯ ᠢ ᠴᠡᠩᠨᠡᠭᠡᠳ ᠬᠥᠮᠦᠨ ᠪᠦᠷᠢ ᠳᠤ ᠵᠠᠮ ᠤᠨ ᠬᠢᠨᠢ ᠳᠠᠭᠠᠤ ᠦᠢᠯᠡᠳᠦᠭᠰᠡᠨ ᠦ ᠬᠢᠨᠢ ᠦᠷᠡ ᠵᠢᠮᠢᠰ ᠤᠨ ᠳᠠᠭᠠᠤ ᠬᠠᠷᠢᠭᠤᠯᠤᠨᠠ᠃
11 ᠡᠳ᠋ ᠬᠥᠷᠥᠩᠭᠡ ᠶᠢ ᠰᠢᠳᠤᠷᠭᠤ ᠪᠤᠰᠤ ᠪᠠᠷ ᠤᠯᠳᠠᠭ ᠬᠥᠮᠦᠨ ᠥᠪᠡᠷ ᠦᠨ ᠲᠥᠷᠥᠭᠦᠯᠦᠭᠡ ᠦᠭᠡᠢ ᠥᠨᠳᠡᠭᠡ ᠶᠢ ᠳᠠᠷᠤᠳᠠᠭ ᠢᠲᠠᠭᠤ ᠲᠠᠢ ᠠᠳᠠᠯᠢ ᠬᠢᠵᠢᠶᠡᠯᠢ ᠨᠠᠰᠤᠨ ᠳᠤᠨᠢ ᠲᠡᠳᠡᠭᠡᠷ ᠡᠳ᠋ ᠥᠪᠡᠷ ᠢ ᠨᠢ ᠣᠷᠬᠢᠵᠤ᠂ ᠬᠣᠵᠢᠮ ᠨᠢ ᠲᠡᠷᠡ ᠮᠤᠩ᠋ᠬᠠᠭ ᠪᠣᠯᠣᠨᠠ᠃
12 ᠡᠬᠢᠨ ᠡᠴᠡ ᠪᠡᠨ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠰᠦᠷ ᠵᠢᠪᠬᠤᠯᠠᠩᠲᠤ ᠰᠡᠨᠲᠢ᠂ ᠪᠢᠳᠡᠨ ᠦ ᠠᠷᠢᠭᠤᠨ ᠭᠠᠵᠠᠷ ᠳᠠᠬᠢ
13 ᠢᠰᠷᠧᠯ ᠤᠨ ᠨᠠᠢᠳᠠᠪᠤᠷᠢ ᠶᠣᠬᠣᠸᠠ︕ ᠲᠠᠨ ᠢ ᠣᠷᠬᠢᠭᠰᠠᠨ ᠪᠦᠭᠦᠳᠡ ᠢᠴᠢᠭᠦᠷᠢ ᠳᠤ ᠤᠨᠠᠨ ᠲᠠᠨ ᠠᠴᠠ ᠡᠷᠭᠢᠭᠰᠡᠨ ᠪᠦᠭᠦᠳᠡ ᠭᠠᠵᠠᠷ ᠳᠡᠭᠡᠷᠡ ᠨᠡᠷᠡ ᠪᠡᠨ ᠪᠢᠴᠢᠭᠦᠯᠬᠦ ᠪᠣᠯᠣᠨᠠ ᠲᠡᠳᠡ ᠠᠮᠢᠳᠤ ᠤᠰᠤᠨ ᠤ ᠤᠨᠳᠤᠷᠤᠭᠠ ᠪᠣᠯᠬᠤ ᠶᠣᠬᠣᠸᠠ ᠶᠢ ᠣᠷᠬᠢᠭᠰᠠᠨ ᠶᠤᠮ᠂
14 ᠶᠣᠬᠣᠸᠠ᠂ ᠨᠠᠮᠠᠶᠢ ᠡᠳᠡᠭᠡᠭᠡᠭᠡᠴᠢ᠂ ᠲᠡᠭᠡᠪᠡᠯ ᠪᠢ ᠡᠳᠡᠭᠡᠷᠡᠨᠡ ᠨᠠᠮᠠᠶᠢ ᠠᠪᠤᠷᠠᠭᠠᠴᠢ᠂ ᠲᠡᠭᠡᠪᠡᠯ ᠪᠢ ᠠᠪᠤᠷᠠᠭᠳᠠᠨᠠ ᠲᠠ ᠪᠣᠯ ᠮᠢᠨᠦ ᠮᠠᠭᠲᠠᠭᠠᠯ ᠶᠤᠮ︕
15 ᠬᠠᠷᠠᠭᠠᠴᠢ᠂ ᠲᠡᠳᠡ ᠨᠠᠳᠠ ᠳᠤ᠄ 《ᠶᠣᠬᠣᠸᠠ ᠶᠢᠨ ᠦᠭᠡ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖ ᠡᠳᠦᠭᠡ ᠪᠡᠶᠡᠯᠡᠭᠳᠡᠭ︕》 ᠭᠡᠯᠴᠡᠵᠦ ᠪᠠᠢᠨᠠ᠃
16 ᠬᠠᠷᠢᠨ ᠪᠢ ᠲᠠᠨ ᠢ ᠳᠠᠭᠠᠬᠤ ᠬᠣᠨᠢᠴᠢᠨ ᠪᠣᠯᠬᠤ ᠠᠴᠠ ᠪᠤᠯᠲᠠᠭᠠ ᠦᠭᠡᠢ ᠭᠠᠰᠠᠯᠠᠩᠲᠤ ᠡᠳᠦᠷ ᠢ ᠪᠢ ᠬᠦᠰᠡᠭᠡ ᠦᠭᠡᠢ ᠶᠢ ᠲᠠ ᠮᠡᠳᠡᠨᠡ᠃ ᠤᠷᠤᠭᠤᠯ ᠠᠴᠠ ᠮᠢᠨᠢ ᠭᠠᠷᠤᠭᠰᠠᠨ ᠪᠦᠭᠦᠳᠡ ᠶᠠᠭ ᠲᠠᠨ ᠤ ᠡᠮᠦᠨᠡ ᠪᠠᠢᠨᠠ᠂
17 ᠲᠠ ᠨᠠᠳᠠ ᠳᠤ ᠪᠦᠦ ᠰᠦᠷᠳᠡᠭᠦᠯᠦᠯ ᠪᠣᠯᠣᠭᠠᠴᠢ ᠭᠠᠮᠰᠢᠭ ᠤᠨ ᠡᠳᠦᠷ ᠮᠢᠨᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠪᠣᠯ ᠲᠠ ᠶᠤᠮ᠃
18 ᠨᠠᠮᠠᠶᠢ ᠬᠠᠪᠴᠢᠭᠴᠢ ᠶᠢ ᠰᠢᠪᠰᠢᠭ ᠪᠣᠯᠭᠠᠭᠠᠴᠢ ᠬᠠᠷᠢᠨ ᠨᠠᠮᠠᠶᠢ ᠪᠦᠦ ᠰᠢᠪᠰᠢᠭ ᠪᠣᠯᠭᠠᠭᠠᠴᠢ ᠲᠡᠳᠡᠨ ᠢ ᠰᠦᠷᠳᠡᠭᠦᠯ᠂ ᠬᠠᠷᠢᠨ ᠨᠠᠮᠠᠶᠢ ᠪᠦᠦ ᠰᠦᠷᠳᠡᠭᠦᠯᠦᠭᠡᠴᠢ ᠭᠠᠮᠰᠢᠭ ᠤᠨ ᠡᠳᠦᠷ ᠢ ᠲᠡᠳᠡᠨ ᠳᠡᠭᠡᠷᠡ ᠪᠠᠭᠤᠯᠭᠠᠵᠤ ᠳᠠᠬᠢᠨ ᠰᠦᠢᠷᠡᠯ ᠢᠶᠡᠷ ᠲᠡᠳᠡᠨ ᠢ ᠰᠦᠢᠷᠡᠭᠦᠯᠦᠭᠡᠴᠢ᠃
ᠠᠮᠠᠷᠠᠯ ᠤᠨ ᠡᠳᠦᠷ ᠢ ᠠᠷᠢᠭᠤᠨ ᠢᠶᠠᠷ ᠰᠠᠬᠢ
19 ᠶᠣᠬᠣᠸᠠ ᠨᠠᠳᠠ ᠳᠤ ᠡᠢᠨ ᠬᠦ ᠠᠢᠯᠠᠳᠪᠠ᠄ 《ᠴᠢ ᠶᠦᠳᠠ ᠶᠢᠨ ᠬᠠᠭᠠᠳ ᠤᠨ ᠣᠷᠣᠵᠤ ᠭᠠᠷᠳᠠᠭ ᠨᠡᠢᠲᠡ ᠶᠢᠨ ᠬᠠᠭᠠᠯᠭᠠ ᠬᠢᠭᠡᠳ ᠶᠧᠷᠦ᠋ᠰᠠᠯᠧᠮ ᠤᠨ ᠪᠦᠬᠦ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠣᠴᠢᠵᠤ ᠵᠣᠭᠰᠣᠭᠠᠳ 20 ᠬᠥᠮᠦᠰ ᠲᠦ᠄ 〈ᠡᠳᠡᠭᠡᠷ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠤ ᠢᠷᠡᠳᠡᠭ ᠶᠦᠳᠠ ᠶᠢᠨ ᠬᠠᠭᠠᠳ ᠪᠣᠯᠣᠨ ᠪᠦᠬᠦ ᠶᠦᠳᠠ ᠶᠢᠨ ᠬᠢᠨ᠂ ᠪᠠᠰᠠ ᠶᠧᠷᠦ᠋ᠰᠠᠯᠧᠮ ᠤᠨ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠡ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰᠴᠠᠭᠠ᠃ 21 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠠᠮᠢ ᠶᠢᠨ ᠢᠶᠠᠨ ᠲᠥᠯᠥᠭᠡ ᠲᠠ ᠨᠠᠷ ᠠᠮᠠᠷᠠᠯ ᠤᠨ ᠡᠳᠦᠷ ᠠᠴᠢᠶᠠ ᠡᠭᠦᠷᠬᠦ ᠪᠤᠶᠤ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠭᠠᠯᠭᠠ ᠪᠠᠷ ᠠᠴᠢᠶᠠ ᠣᠷᠣᠭᠤᠯᠬᠤ ᠠᠴᠠ ᠪᠣᠯᠭᠣᠮᠵᠢᠯᠠ᠃ 22 ᠠᠮᠠᠷᠠᠯ ᠤᠨ ᠡᠳᠦᠷ ᠭᠡᠷ ᠡᠴᠡ ᠪᠡᠨ ᠠᠴᠢᠶᠠ ᠭᠠᠷᠭᠠᠵᠤ ᠪᠣᠯᠬᠤ ᠦᠭᠡᠢ᠂ ᠲᠡᠢᠨ ᠬᠦ ᠲᠠ ᠨᠠᠷ ᠶᠠᠮᠠᠷ ᠴᠤ ᠠᠵᠢᠯ ᠬᠢᠬᠦ ᠦᠭᠡᠢ ᠪᠠᠷ ᠠᠮᠠᠷᠠᠯ ᠤᠨ ᠡᠳᠦᠷ ᠢ ᠠᠷᠢᠭᠤᠨ ᠢᠶᠠᠷ ᠰᠠᠬᠢᠵᠠᠭᠠ᠃ ᠡᠴᠢᠭᠡ ᠡᠪᠦᠭᠡᠳ ᠲᠦ ᠴᠢᠨᠢ ᠪᠢ ᠲᠡᠢᠨ ᠬᠦ ᠲᠤᠰᠢᠶᠠᠭᠰᠠᠨ ᠪᠣᠯᠪᠠᠴᠤ 23 ᠲᠡᠳᠡ ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠣᠭᠰᠠᠨ ᠦᠭᠡᠢ᠃ ᠲᠡᠳᠡ ᠰᠤᠷᠭᠠᠯ ᠢ ᠰᠣᠨᠣᠰᠣᠭᠰᠠᠨ ᠴᠤ ᠦᠭᠡᠢ᠂ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠴᠤ ᠦᠭᠡᠢ ᠰᠢᠯᠢ ᠪᠠᠨ ᠲᠠᠲᠠᠵᠤ ᠪᠢᠯᠡ᠃
24 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠢᠨ ᠲᠠ ᠨᠠᠷ ᠮᠢᠨᠦᠬᠢ ᠶᠢ ᠠᠩ᠋ᠬᠠᠷᠤᠯ ᠲᠠᠢ ᠰᠣᠨᠣᠰᠣᠭᠠᠳ ᠠᠮᠠᠷᠠᠯ ᠤᠨ ᠡᠳᠦᠷ ᠡᠨᠡ ᠬᠣᠲᠠ ᠶᠢᠨ ᠬᠠᠭᠠᠯᠭᠠ ᠪᠠᠷ ᠠᠴᠢᠶᠠ ᠣᠷᠣᠭᠤᠯᠤᠯ ᠦᠭᠡᠢ᠂ ᠶᠠᠮᠠᠷ ᠴᠤ ᠠᠵᠢᠯ ᠬᠢᠬᠦ ᠦᠭᠡᠢ ᠪᠠᠷ ᠠᠮᠠᠷᠠᠯ ᠤᠨ ᠡᠳᠦᠷ ᠢ ᠠᠷᠢᠭᠤᠨ ᠢᠶᠠᠷ ᠰᠠᠬᠢᠬᠤ ᠶᠤᠮ ᠪᠣᠯ᠂ 25 ᠳ᠋ᠠᠸᠢᠳ᠋ ᠤᠨ ᠰᠡᠨᠲᠢ ᠳᠤ ᠰᠠᠭᠤᠬᠤ ᠬᠠᠭᠠᠳ ᠲᠦᠰᠢᠮᠡᠳ ᠦᠨ ᠢᠶᠠᠨ ᠬᠠᠮᠲᠤ ᠮᠣᠷᠢ ᠤᠨᠤᠨ ᠲᠡᠷᠭᠡ ᠬᠥᠯᠵᠦ᠂ ᠶᠦᠳᠠ ᠶᠢᠨ ᠠᠷᠠᠳ ᠲᠦᠮᠡᠨ ᠬᠢᠭᠡᠳ ᠶᠧᠷᠦ᠋ᠰᠠᠯᠧᠮ ᠤᠨ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠬᠠᠮᠲᠤ ᠡᠨᠡ ᠬᠣᠲᠠ ᠶᠢᠨ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠤ ᠢᠷᠡᠭᠰᠡᠭᠡᠷ ᠪᠠᠢᠵᠤ᠂ ᠡᠨᠡ ᠬᠣᠲᠠ ᠡᠭᠦᠷᠢᠳᠡ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠪᠠᠨ ᠦᠯᠡᠳᠡᠬᠦ ᠪᠣᠯᠣᠨᠠ᠂ 26 ᠪᠠᠰᠠ ᠶᠦᠳᠠ ᠶᠢᠨ ᠬᠣᠲᠠ ᠨᠤᠭᠤᠳ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠡᠷᠭᠢᠨ ᠲᠣᠭᠣᠷᠢᠨ ᠤ ᠲᠣᠰᠬᠣᠳ᠂ ᠪᠢᠨᠶᠠᠮᠢᠨ ᠤ ᠨᠤᠲᠤᠭ ᠠᠴᠠ᠂ ᠥᠷᠥᠨᠡ ᠶᠢᠨ ᠳᠣᠪᠣ ᠲᠣᠯᠣᠭᠠᠳ᠂ ᠠᠭᠤᠯᠠᠷᠬᠠᠭ ᠨᠤᠲᠤᠭ᠂ ᠮᠥᠨ ᠡᠮᠦᠨᠡ ᠪᠦᠰᠡ ᠨᠤᠲᠤᠭ ᠠᠴᠠ ᠬᠥᠮᠦᠰ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠵᠡᠷᠭᠡ ᠲᠠᠬᠢᠯ ᠤᠳ᠂ ᠢᠳᠡᠭᠡᠨ ᠲᠠᠬᠢᠯ ᠪᠣᠯᠣᠨ ᠤᠲᠤᠯᠭᠠ ᠶᠢ ᠲᠠᠯᠠᠷᠬᠠᠯ ᠤᠨ ᠲᠠᠬᠢᠯ ᠤᠳ ᠲᠠᠢ ᠬᠠᠮᠲᠤ ᠠᠪᠴᠢᠷᠠᠵᠤ᠂ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠲᠤ ᠣᠷᠣᠬᠤ ᠪᠣᠯᠣᠨᠠ᠃ 27 ᠬᠠᠷᠢᠨ ᠲᠠ ᠨᠠᠷ ᠮᠢᠨᠦᠬᠢ ᠶᠢ ᠰᠣᠨᠣᠰᠣᠯ ᠦᠭᠡᠢ᠂ ᠠᠮᠠᠷᠠᠯ ᠤᠨ ᠡᠳᠦᠷ ᠠᠴᠢᠶᠠ ᠡᠭᠦᠷᠴᠦ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠤ ᠢᠷᠡᠨ ᠠᠮᠠᠷᠠᠯ ᠤᠨ ᠡᠳᠦᠷ ᠢ ᠠᠷᠢᠭᠤᠨ ᠢᠶᠠᠷ ᠰᠠᠬᠢᠬᠤ ᠦᠭᠡᠢ ᠪᠣᠯ᠂ ᠪᠢ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠨᠢ ᠭᠠᠯ ᠲᠠᠯᠪᠢᠬᠤ ᠪᠥᠭᠡᠳ ᠲᠡᠷᠡ ᠭᠠᠯ ᠶᠧᠷᠦ᠋ᠰᠠᠯᠧᠮ ᠤᠨ ᠣᠷᠳᠣᠨ ᠨᠤᠭᠤᠳ ᠢ ᠵᠠᠯᠭᠢᠲᠠᠯᠠ ᠪᠠᠨ ᠤᠨᠲᠠᠷᠠᠬᠤ ᠦᠭᠡᠢ ᠪᠠᠢᠬᠤ ᠪᠣᠯᠣᠨᠠ᠃〉》