ᠶᠧᠷᠧᠮᠢᠶᠠ ᠠᠷᠪᠠᠨ ᠭᠤᠷᠪᠠ
ᠮᠠᠭᠠᠯᠢᠩ᠋ᠭᠤᠨ ᠪᠦᠰᠡ
1 ᠶᠣᠬᠣᠸᠠ ᠨᠠᠳᠠ ᠳᠤ᠄ 《ᠴᠢ ᠶᠠᠪᠤᠭᠠᠳ ᠮᠠᠭᠠᠯᠢᠩ᠋ᠭᠤᠨ ᠪᠦᠰᠡ ᠬᠤᠳᠠᠯᠳᠤᠨ ᠠᠪᠴᠤ᠂ ᠪᠡᠯᠬᠡᠭᠦᠰᠦ ᠪᠡᠷ ᠢᠶᠠᠨ ᠪᠦᠰᠡᠯᠡ᠂ ᠲᠡᠭᠦᠨ ᠢ ᠤᠰᠤᠨ ᠳᠤ ᠪᠦᠦ ᠣᠷᠣᠭᠤᠯ》 ᠭᠡᠵᠦ ᠠᠢᠯᠠᠳᠤᠭᠰᠠᠨ ᠳᠤ᠂ 2 ᠪᠢ ᠶᠣᠬᠣᠸᠠ ᠶᠢᠨ ᠦᠭᠡᠨ ᠦ ᠳᠠᠭᠠᠤ ᠪᠦᠰᠡ ᠬᠤᠳᠠᠯᠳᠤᠨ ᠠᠪᠴᠤ᠂ ᠪᠡᠯᠬᠡᠭᠦᠰᠦ ᠪᠡᠷ ᠢᠶᠠᠨ ᠪᠦᠰᠡᠯᠡᠪᠡ᠃ 3 ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠬᠣᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠢᠷᠡᠵᠦ᠄ 4 《ᠣᠳᠣ ᠴᠢ ᠬᠤᠳᠠᠯᠳᠤᠨ ᠠᠪᠤᠭᠠᠳ ᠪᠡᠯᠬᠡᠭᠦᠰᠦ ᠪᠡᠷ ᠢᠶᠠᠨ ᠪᠦᠰᠡᠯᠡᠭᠰᠡᠨ ᠪᠦᠰᠡ ᠶᠢ ᠠᠪᠴᠤ᠂ ᠡᠶᠦ᠋ᠹᠷᠠᠲ᠋ᠧᠰ ᠤᠷᠤᠭᠤ ᠣᠴᠢᠭᠠᠳ᠂ ᠲᠡᠭᠦᠨ ᠢ ᠲᠡᠨᠳᠡ ᠬᠠᠳᠠᠨ ᠤ ᠵᠠᠪᠰᠠᠷ ᠲᠤ ᠨᠢᠭᠤ》 ᠭᠡᠬᠦ ᠳᠦ᠂ 5 ᠪᠢ ᠶᠣᠬᠣᠸᠠ ᠶᠢᠨ ᠲᠤᠰᠢᠶᠠᠭᠰᠠᠨ ᠤ ᠳᠠᠭᠠᠤ ᠶᠠᠪᠤᠵᠤ᠂ ᠡᠶᠦ᠋ᠹᠷᠠᠲ᠋ᠧᠰ ᠤᠨ ᠬᠠᠵᠠᠭᠤ ᠳᠤ ᠪᠦᠰᠡ ᠶᠢ ᠨᠢᠭᠤᠪᠠ᠃ 6 ᠣᠯᠠᠨ ᠡᠳᠦᠷ ᠦᠨ ᠳᠠᠷᠠᠭᠠ ᠶᠣᠬᠣᠸᠠ ᠨᠠᠳᠠ ᠳᠤ᠄ 《ᠪᠣᠰᠴᠤ ᠡᠶᠦ᠋ᠹᠷᠠᠲ᠋ᠧᠰ ᠤᠷᠤᠭᠤ ᠶᠠᠪᠤᠵᠤ᠂ ᠮᠢᠨᠦ ᠴᠢᠮᠠ ᠳᠤ ᠲᠤᠰᠢᠶᠠᠨ ᠲᠡᠨᠳᠡ ᠨᠢᠭᠤᠯᠭᠠᠭᠰᠠᠨ ᠪᠦᠰᠡ ᠶᠢ ᠠᠪ》 ᠭᠡᠰᠡᠨ ᠳᠦ᠂ 7 ᠪᠢ ᠡᠶᠦ᠋ᠹᠷᠠᠲ᠋ᠧᠰ ᠤᠷᠤᠭᠤ ᠶᠠᠪᠤᠵᠤ ᠨᠢᠭᠤᠭᠰᠠᠨ ᠭᠠᠵᠠᠷ ᠢᠶᠠᠨ ᠰᠡᠨᠳᠡᠯᠵᠦ᠂ ᠪᠦᠰᠡ ᠶᠢ ᠠᠪᠴᠤ ᠦᠵᠡᠬᠦ ᠳᠦ᠂ ᠥᠨᠥᠬᠢ ᠪᠦᠰᠡ ᠦᠵᠢᠷᠡᠵᠦ᠂ ᠪᠦᠷᠢᠮᠦᠰᠦᠨ ᠬᠡᠷᠡᠭ ᠦᠭᠡᠢ ᠪᠣᠯᠣᠭᠰᠠᠨ ᠪᠠᠢᠪᠠ︕
8 ᠲᠡᠭᠡᠲᠡᠯᠡ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄ 9 《ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠲᠡᠢᠨ ᠬᠦ ᠪᠢ ᠶᠦᠳᠠ ᠶᠢᠨ ᠪᠠᠷᠳᠠᠮᠨᠠᠯ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠶᠡᠬᠡ ᠪᠠᠷᠳᠠᠮᠨᠠᠯ ᠢ ᠦᠵᠢᠷᠡᠭᠦᠯᠦᠨᠡ᠃ 10 ᠡᠨᠡ ᠬᠣᠷᠣᠨ ᠮᠠᠭᠤ ᠠᠷᠠᠳ ᠲᠦᠮᠡᠨ ᠮᠢᠨᠦ ᠦᠭᠡ ᠶᠢ ᠰᠣᠨᠣᠰᠬᠤ ᠦᠭᠡᠢ᠂ ᠵᠥᠷᠢᠭᠦᠳ ᠰᠠᠨᠠᠭᠠ ᠪᠠᠨ ᠳᠠᠭᠠᠨ᠂ ᠥᠭᠡᠷᠡ ᠪᠤᠷᠬᠠᠳ ᠤᠨ ᠠᠷᠤ ᠠᠴᠠ ᠶᠠᠪᠤᠵᠤ᠂ ᠲᠡᠳᠡᠭᠡᠷ ᠲᠦ ᠦᠢᠯᠡᠴᠢᠯᠡᠨ ᠮᠥᠷᠭᠥᠳᠡᠭ ᠲᠤᠯᠠ ᠡᠨᠡ ᠪᠦᠰᠡ ᠰᠢᠭ ᠪᠦᠷᠢᠮᠦᠰᠦᠨ ᠬᠡᠷᠡᠭ ᠦᠭᠡᠢ ᠪᠣᠯᠣᠨᠠ᠃ 11 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ ᠬᠥᠮᠦᠨ ᠪᠦᠰᠡ ᠶᠢ ᠪᠡᠯᠬᠡᠭᠦᠰᠦᠨ ᠳᠡᠭᠡᠨ ᠤᠷᠢᠶᠠᠳᠠᠭ ᠰᠢᠭ᠋᠂ ᠪᠢ ᠢᠰᠷᠧᠯ ᠤᠨ ᠪᠦᠬᠦᠯᠢ ᠭᠡᠷ ᠪᠣᠯᠣᠨ ᠶᠦᠳᠠ ᠶᠢᠨ ᠪᠦᠬᠦᠯᠢ ᠭᠡᠷ ᠢ ᠥᠪᠡᠷ ᠲᠡᠭᠡᠨ ᠤᠷᠢᠶᠠᠵᠤ᠂ ᠥᠪᠡᠷ ᠦᠨ ᠢᠶᠠᠨ ᠨᠡᠷᠡ ᠠᠯᠳᠠᠷ ᠪᠠ ᠬᠦᠨᠳᠦᠳᠬᠡᠯ ᠦᠨ ᠲᠥᠯᠥᠭᠡ ᠲᠡᠳᠡᠨ ᠢ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠪᠣᠯᠭᠠᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠲᠡᠳᠡ ᠰᠣᠨᠣᠰᠣᠭᠠ ᠦᠭᠡᠢ᠃〉》
ᠳᠣᠩᠪᠣ ᠲᠠᠢ ᠳᠠᠷᠠᠰᠤ
12 ᠲᠡᠢᠮᠦ ᠡᠴᠡ ᠴᠢ ᠲᠡᠳᠡᠨ ᠳᠦ᠄ 《ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠳᠣᠩᠪᠣ ᠪᠦᠷᠢ ᠳᠠᠷᠠᠰᠤ ᠪᠠᠷ ᠳᠦᠭᠦᠷᠦᠨᠡ〉 ᠭᠡᠰᠡᠨ》 ᠭᠡᠵᠦ ᠬᠡᠯᠡ᠃ ᠲᠡᠳᠡ ᠴᠢᠮᠠ ᠳᠤ᠄ 《ᠳᠣᠩᠪᠣ ᠪᠦᠷᠢ ᠳᠠᠷᠠᠰᠤ ᠪᠠᠷ ᠳᠦᠭᠦᠷᠦᠨᠡ ᠭᠡᠳᠡᠭ ᠢ ᠪᠢᠳᠡ ᠰᠠᠢᠨ ᠮᠡᠳᠡᠳᠡᠭ ᠦᠭᠡᠢ ᠭᠡᠵᠢ ᠤᠤ︖》 ᠭᠡᠬᠦ ᠪᠣᠯᠣᠨᠠ᠃ 13 ᠲᠡᠭᠡᠪᠡᠯ ᠴᠢ᠄ 《ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠪᠢ ᠡᠨᠡ ᠣᠷᠣᠨ ᠤ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠢ᠂ ᠳ᠋ᠠᠸᠢᠳ᠋ ᠤᠨ ᠰᠡᠨᠲᠢ ᠳᠤ ᠰᠠᠭᠤᠭᠴᠢ ᠬᠠᠭᠠᠳ᠂ ᠲᠠᠬᠢᠯᠴᠢᠳ᠂ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠤᠨ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠢ ᠪᠦᠭᠦᠳᠡ ᠶᠢ ᠨᠢ ᠰᠣᠭᠲᠣᠭᠤᠷᠠᠯ ᠢᠶᠠᠷ ᠳᠦᠭᠦᠷᠭᠡᠵᠦ᠂ 14 ᠡᠴᠢᠭᠡ ᠬᠦᠦ ᠶᠢ ᠴᠤ ᠪᠡᠶᠡ ᠪᠡᠶᠡ ᠲᠠᠢ ᠨᠢ ᠬᠠᠭᠠᠷᠠᠭᠤᠯᠤᠨᠠ᠂ ᠪᠢ ᠲᠡᠳᠡᠨ ᠢ ᠡᠨᠡᠷᠢᠬᠦ ᠦᠭᠡᠢ᠂ ᠥᠷᠥᠪᠳᠦᠬᠦ ᠦᠭᠡᠢ᠂ ᠥᠷᠥᠰᠢᠶᠡᠬᠦ ᠦᠭᠡᠢ ᠤᠰᠠᠳᠬᠠᠨᠠ᠂ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ〉》 ᠭᠡᠵᠦ ᠬᠡᠯᠡ᠃
ᠣᠯᠵᠠᠯᠠᠭᠳᠠᠬᠤ ᠶᠢ ᠡᠰᠢ ᠦᠵᠡᠭᠦᠯᠪᠡ
15 ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠴᠠᠭᠠ᠂ ᠪᠢᠲᠡᠭᠡᠢ ᠪᠠᠷᠳᠠᠮᠨᠠ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
16 ᠬᠠᠷᠠᠩ᠋ᠭᠤᠢ ᠶᠢ ᠲᠡᠷᠡ ᠠᠪᠴᠢᠷᠠᠬᠤ ᠠᠴᠠ ᠡᠮᠦᠨᠡ ᠪᠦᠷᠦᠩᠬᠦᠢ ᠠᠭᠤᠯᠠᠰ ᠳᠡᠭᠡᠷᠡ ᠬᠥᠯ ᠴᠢᠨᠢ ᠪᠦᠳᠦᠷᠢᠬᠦ ᠡᠴᠡ ᠡᠮᠦᠨᠡ ᠪᠤᠷᠬᠠᠨ ᠶᠣᠬᠣᠸᠠ ᠳᠠᠭᠠᠨ ᠠᠯᠳᠠᠷ ᠢ ᠡᠷᠭᠦ᠃ ᠭᠡᠷᠡᠯ ᠭᠡᠭᠡ ᠶᠢ ᠲᠠ ᠨᠠᠷ ᠬᠦᠯᠢᠶᠡᠳᠡᠭ ᠪᠣᠯᠪᠠᠴᠤ ᠲᠡᠭᠦᠨ ᠢ ᠲᠡᠷᠡ ᠭᠦᠨ ᠬᠠᠷᠠᠩ᠋ᠭᠤᠢ ᠪᠣᠯᠭᠠᠨ᠂ ᠦᠬᠦᠯ ᠦᠨ ᠰᠡᠭᠦᠳᠡᠷ ᠢᠶᠡᠷ ᠰᠣᠯᠢᠨᠠ᠂
17 ᠡᠭᠦᠨ ᠢ ᠲᠠ ᠨᠠᠷ ᠡᠰᠡ ᠰᠣᠨᠣᠰᠪᠠᠯ ᠶᠡᠬᠡ ᠵᠠᠩ ᠤᠨ ᠴᠢᠨᠢ ᠤᠯᠠᠮ ᠢᠶᠠᠷ ᠪᠢ ᠰᠡᠮᠬᠡᠨ ᠤᠬᠢᠯᠠᠨᠠ ᠶᠣᠬᠣᠸᠠ ᠶᠢᠨ ᠰᠦᠷᠦᠭ ᠣᠯᠵᠠᠯᠠᠭᠳᠠᠬᠤ ᠶᠢᠨ ᠤᠯᠠᠮ ᠢᠶᠠᠷ ᠨᠢᠳᠦ ᠮᠢᠨᠢ ᠭᠠᠰᠢᠭᠤᠨ ᠢᠶᠠᠷ ᠤᠬᠢᠯᠠᠵᠤ᠂ ᠨᠢᠯᠪᠤᠰᠤ ᠤᠷᠤᠰᠬᠠᠨᠠ᠃
18 ᠬᠠᠭᠠᠨ ᠳᠤ ᠪᠣᠯᠣᠨ ᠡᠬᠡ ᠬᠠᠲᠤᠨ ᠳᠤ ᠴᠤ᠄ 《ᠰᠦᠷ ᠲᠡᠢ ᠲᠢᠲᠢᠮ ᠲᠠᠨᠢ ᠤᠨᠠᠨᠠ ᠰᠠᠭᠤᠳᠠᠯ ᠠᠴᠠ ᠪᠠᠨ ᠪᠠᠭᠤ》 ᠭᠡᠵᠦ ᠬᠡᠯᠡ᠃
19 ᠡᠮᠦᠨᠡ ᠵᠦᠭ ᠦᠨ ᠬᠣᠲᠠ ᠨᠤᠭᠤᠳ ᠬᠠᠭᠠᠭᠳᠠᠨ᠂ ᠨᠡᠭᠡᠭᠡᠬᠦ ᠬᠥᠮᠦᠨ ᠠᠯᠠᠭᠠ᠂ ᠪᠦᠬᠦ ᠶᠦᠳᠠ ᠴᠥᠯᠡᠭᠳᠡᠨᠡ᠂ ᠪᠦᠬᠦᠯᠢ ᠪᠠᠷ ᠢᠶᠠᠨ ᠴᠥᠯᠡᠭᠳᠡᠨᠡ
20 ᠨᠢᠳᠦ ᠪᠡᠨ ᠡᠷᠭᠦᠵᠦ᠂ ᠬᠣᠢᠲᠤ ᠵᠦᠭ ᠡᠴᠡ ᠢᠷᠡᠵᠦ ᠪᠠᠢᠭᠠ ᠳᠠᠢᠰᠤᠨ ᠢᠶᠠᠨ ᠬᠠᠷᠠ᠂ ᠬᠠᠷᠢᠭᠤᠴᠠᠭᠰᠠᠨ ᠰᠦᠷᠦᠭ᠂ ᠰᠠᠢᠬᠠᠨ ᠬᠣᠨᠢᠳ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖
21 ᠬᠣᠯᠪᠣᠭᠠᠲᠠᠨ ᠨᠠᠢᠵᠠ ᠪᠠᠷ ᠴᠢᠨᠢ ᠶᠣᠬᠣᠸᠠ ᠴᠢᠮᠠᠶᠢ ᠨᠣᠶᠠᠯᠠᠭᠤᠯᠪᠠᠯ ᠴᠢ ᠶᠠᠭᠤ ᠭᠡᠬᠦ ᠪᠢᠯᠡ︖ ᠨᠢᠷᠠᠢᠯᠠᠬᠤ ᠭᠡᠵᠦ ᠪᠤᠢ ᠪᠦᠰᠡᠭᠦᠢ ᠰᠢᠭ ᠡᠪᠡᠳᠦᠭᠡᠳ ᠲᠠᠷᠴᠢᠯᠠᠬᠤ ᠪᠢᠰᠢ ᠤᠤ︖
22 ᠬᠡᠷᠪᠡ ᠴᠢ ᠳᠣᠲᠣᠷᠠ ᠪᠠᠨ᠄ 《ᠡᠳᠡᠭᠡᠷ ᠵᠦᠢᠯᠡᠰ ᠶᠠᠭᠠᠬᠢᠭᠠᠳ ᠨᠠᠳᠠ ᠳᠤ ᠲᠣᠬᠢᠶᠠᠯᠳᠤᠪᠠ︖》 ᠭᠡᠪᠡᠯ ᠭᠡᠮ ᠪᠤᠷᠤᠭᠤ ᠴᠢᠨᠢ ᠣᠯᠠᠨ ᠪᠣᠯᠬᠣᠷ ᠪᠠᠩ᠋ᠵᠠᠯ ᠴᠢᠨᠢ ᠢᠷᠠᠭᠳᠠᠨ᠂ ᠥᠰᠥᠭᠡᠢ ᠴᠢᠨᠢ ᠭᠢᠰᠬᠢᠭᠳᠡᠭᠰᠡᠨ ᠶᠤᠮ᠃
23 ᠺᠦᠱ ᠬᠥᠮᠦᠨ ᠠᠷᠠᠰᠤ ᠪᠠᠨ᠂ ᠢᠷᠪᠢᠰ ᠲᠣᠯᠪᠣ ᠪᠠᠨ ᠥᠭᠡᠷᠡᠴᠢᠯᠡᠵᠦ ᠴᠢᠳᠠᠬᠤ ᠤᠤ︖ ᠡᠰᠡ ᠲᠡᠭᠡᠪᠡᠯ ᠮᠠᠭᠤ ᠳᠤ ᠳᠠᠳᠤᠭᠰᠠᠨ ᠲᠠ ᠨᠠᠷ ᠪᠠᠰᠠ ᠰᠠᠢᠨ ᠢ ᠦᠢᠯᠡᠳᠴᠦ ᠴᠢᠳᠠᠨᠠ ᠳᠠ᠃
24 ᠲᠠ ᠨᠠᠷ ᠢ ᠪᠢ ᠴᠥᠯ ᠦᠨ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠦ ᠬᠡᠪᠡᠭ ᠮᠡᠲᠦ ᠪᠤᠲᠠᠷᠠᠭᠠᠬᠤ ᠪᠥᠭᠡᠳ
25 ᠡᠨᠡ ᠨᠢ ᠨᠠᠮᠠᠶᠢ ᠮᠠᠷᠲᠠᠵᠤ ᠬᠤᠳᠠᠯ ᠳᠤ ᠢᠲᠡᠭᠡᠭᠰᠡᠨ ᠢᠶᠡᠷ ᠴᠢᠨᠦ ᠠᠪᠬᠤ ᠨᠣᠭᠳᠠᠯ᠂ ᠮᠢᠨᠦ ᠬᠡᠮᠵᠢᠭᠰᠡᠨ ᠬᠤᠪᠢ ᠪᠣᠯᠣᠨᠠ᠂ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠂
26 ᠪᠠᠰᠠ ᠪᠢ ᠴᠢᠨᠦ ᠬᠣᠷᠮᠣᠢ ᠶᠢ ᠨᠢᠭᠤᠷ ᠳᠡᠭᠡᠭᠦᠷ ᠴᠢᠨᠢ ᠰᠡᠬᠦᠵᠦ᠂ ᠴᠢᠨᠦ ᠢᠴᠢᠭᠦᠷᠢ ᠶᠢ ᠢᠯᠡᠷᠡᠭᠦᠯᠦᠨᠡ᠂
27 ᠪᠢ ᠲᠣᠯᠣᠭᠠᠳ ᠳᠡᠭᠡᠷᠡ ᠴᠢᠨᠦ ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠳᠠᠯ ᠤᠳ᠂ ᠲᠠᠴᠢᠶᠠᠩ᠋ᠭᠤᠢ ᠳᠠᠭᠤ᠂ ᠢᠴᠢᠭᠦᠷᠢ ᠦᠭᠡᠢ ᠵᠠᠪᠬᠠᠢᠷᠠᠯ ᠢ ᠬᠡᠭᠡᠷᠡ ᠲᠠᠯᠠ ᠳᠡᠭᠡᠷᠡ ᠴᠢᠨᠦ ᠵᠢᠭᠰᠢᠭᠦᠷᠢᠲᠦ ᠶᠠᠪᠤᠳᠠᠯ ᠤᠳ ᠢ ᠬᠠᠷᠠᠭᠰᠠᠨ ᠪᠢᠯᠡ᠃ ᠶᠧᠷᠦ᠋ᠰᠠᠯᠧᠮ ᠭᠠᠰᠠᠯᠠᠩᠲᠠᠶᠠ︕ ᠴᠢ ᠬᠡᠳᠦᠢ ᠤᠳᠠᠭᠠᠨ ᠴᠡᠪᠡᠷ ᠪᠤᠰᠤ ᠪᠠᠢᠬᠤ ᠪᠤᠢ︖