ᠶᠧᠷᠧᠮᠢᠶᠠ ᠠᠷᠪᠠ
ᠪᠤᠷᠬᠠᠨ ᠬᠢᠭᠡᠳ ᠰᠢᠲᠦᠭᠡᠨ ᠨᠦᠭᠦᠳ
1 ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ᠂ ᠶᠣᠬᠣᠸᠠ ᠶᠢᠨ ᠲᠠ ᠨᠠᠷ ᠲᠤ ᠠᠢᠯᠠᠳᠴᠤ ᠪᠤᠢ ᠦᠭᠡ ᠶᠢ ᠰᠣᠨᠣᠰ᠃ 2 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠢᠴᠤᠳ ᠤᠨ ᠵᠠᠮ ᠢ ᠪᠦᠦ ᠰᠤᠷ ᠬᠠᠷᠢᠴᠤᠳ ᠲᠩᠷᠢ ᠶᠢᠨ ᠲᠡᠮᠳᠡᠭ ᠤᠳ ᠠᠴᠠ ᠠᠶᠤᠳᠠᠭ ᠬᠠᠷᠢᠨ ᠲᠠ ᠨᠠᠷ ᠲᠡᠳᠡᠭᠡᠷ ᠡᠴᠡ ᠪᠦᠦ ᠠᠶᠤ᠃
3 ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠦ ᠵᠠᠩᠰᠢᠯ ᠬᠡᠢ ᠬᠣᠭᠣᠰᠣᠨ ᠶᠤᠮ᠂ ᠬᠥᠮᠦᠰ ᠣᠢ ᠶᠢᠨ ᠮᠣᠳᠣ ᠶᠢ ᠳᠠᠭᠠᠷᠢᠵᠤ ᠳᠠᠷᠬᠠᠨ ᠲᠡᠭᠦᠨ ᠢ ᠪᠠᠭᠠᠵᠢ ᠪᠠᠷ ᠰᠡᠢᠯᠵᠦ
4 ᠪᠤᠰᠤᠳ ᠨᠢ ᠲᠡᠭᠦᠨ ᠢ ᠠᠯᠲᠠ ᠮᠥᠩᠭᠥ ᠪᠡᠷ ᠴᠢᠮᠡᠵᠦ ᠬᠠᠳᠠᠭᠠᠰᠤ ᠠᠯᠤᠬᠠ ᠪᠠᠷ ᠬᠥᠳᠡᠯᠬᠦ ᠦᠭᠡᠢ ᠪᠣᠯᠲᠠᠯᠠ ᠨᠢ ᠪᠡᠬᠢᠯᠡᠳᠡᠭ᠂
5 ᠰᠢᠲᠦᠭᠡᠨ ᠨᠦᠭᠦᠳ ᠨᠢ ᠲᠠᠷᠪᠤᠰ ᠤᠨ ᠲᠠᠯᠠᠪᠠᠢ ᠳᠠᠬᠢ ᠮᠠᠨᠤᠤᠬᠠᠢ ᠮᠡᠲᠦ ᠶᠠᠷᠢᠵᠤ ᠴᠤ ᠴᠢᠳᠠᠳᠠᠭ ᠦᠭᠡᠢ᠂ ᠶᠠᠪᠤᠵᠤ ᠴᠤ ᠴᠢᠳᠠᠳᠠᠭ ᠦᠭᠡᠢ᠂ ᠵᠠᠪᠠᠯ ᠡᠭᠦᠷᠦᠭᠦᠯᠳᠡᠭ︕ ᠲᠡᠳᠡᠨ ᠡᠴᠡ ᠪᠦᠦ ᠠᠶᠤ᠂ ᠲᠡᠳᠡ ᠰᠠᠢᠨ ᠢ ᠴᠤ᠂ ᠰᠠᠭᠠᠷ ᠢ ᠴᠤ ᠤᠴᠠᠷᠠᠭᠤᠯᠵᠤ ᠴᠢᠳᠠᠳᠠᠭ ᠦᠭᠡᠢ᠃
6 ᠶᠣᠬᠣᠸᠠ᠂ ᠲᠠᠨ ᠲᠠᠢ ᠠᠳᠠᠯᠢ ᠬᠡᠨ ᠴᠤ ᠦᠭᠡᠢ ᠲᠠ ᠪᠣᠯ ᠠᠭᠤᠤ᠂ ᠲᠠᠨ ᠤ ᠨᠡᠷᠡ ᠠᠭᠤᠤ ᠬᠦᠴᠦ ᠲᠠᠢ᠃
7 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠠᠭᠠᠨ ᠲᠠᠨ ᠠᠴᠠ ᠬᠡᠨ ᠡᠮᠢᠶᠡᠬᠦ ᠦᠭᠡᠢ ᠪᠠᠢᠵᠤ ᠴᠢᠳᠠᠬᠤ ᠪᠢᠯᠡ︖ ᠲᠠᠨ ᠠᠴᠠ ᠯᠠ ᠡᠮᠢᠶᠡᠬᠦ ᠤᠴᠢᠷ ᠲᠠᠢ︕ ᠬᠠᠮᠤᠭ ᠬᠠᠭᠠᠨ ᠤ ᠳᠤᠮᠳᠠ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠦ ᠮᠡᠷᠭᠡᠳ ᠦᠨ ᠳᠤᠮᠳᠠ ᠲᠠᠨ ᠲᠠᠢ ᠠᠳᠠᠯᠢ ᠬᠡᠨ ᠴᠤ ᠦᠭᠡᠢ᠃
8 ᠲᠡᠳᠡ ᠮᠣᠳᠣᠨ ᠰᠢᠲᠦᠭᠡᠨ ᠢᠶᠡᠷ ᠵᠢᠭᠠᠯᠭᠠᠳᠠᠭ ᠢᠶᠠᠷ ᠢᠶᠠᠨ ᠪᠦᠭᠦᠳᠡ ᠬᠠᠷᠠᠩ᠋ᠭᠤᠢ ᠮᠤᠩ᠋ᠬᠠᠭ ᠪᠣᠯᠣᠭᠰᠠᠨ᠂
9 ᠲᠡᠳᠡᠭᠡᠷ ᠨᠢ ᠲᠠᠷᠱᠢᠱ ᠤᠨ ᠳᠠᠪᠲᠠᠭᠰᠠᠨ ᠮᠥᠩᠭᠥ ᠪᠡᠷ ᠦᠹᠠᠽ ᠠᠴᠠ ᠠᠪᠴᠢᠷᠠᠭᠰᠠᠨ ᠠᠯᠲᠠ ᠪᠠᠷ ᠤᠷᠠᠨ ᠪᠠᠷᠢᠮᠠᠯᠴᠢ᠂ ᠠᠯᠲᠠᠨ ᠤ ᠳᠠᠷᠬᠠᠨ ᠤ ᠭᠠᠷ ᠢᠶᠠᠷ ᠬᠢᠭᠳᠡᠭᠰᠡᠨ ᠬᠥᠬᠡ᠂ ᠶᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠱᠤᠭᠤᠮᠠᠯ ᠤᠷᠠ ᠴᠢᠳᠠᠪᠤᠷᠢ ᠲᠠᠢ ᠳᠠᠷᠬᠠᠳ ᠤᠨ ᠪᠦᠲᠦᠭᠡᠯ ᠶᠤᠮ᠃
10 ᠬᠠᠷᠢᠨ ᠶᠣᠬᠣᠸᠠ ᠪᠣᠯ ᠵᠢᠩᠬᠢᠨᠢ ᠪᠤᠷᠬᠠᠨ︕ ᠭᠠᠭᠴᠠᠬᠠᠨ ᠲᠡᠷᠡ ᠯᠠ ᠠᠮᠢᠳᠤ ᠪᠤᠷᠬᠠᠨ᠂ ᠮᠥᠩᠬᠡ ᠶᠢᠨ ᠬᠠᠭᠠᠨ ᠪᠢᠯᠡ ᠠᠭᠤᠷᠯᠠᠬᠤ ᠳᠤᠨᠢ ᠭᠠᠵᠠᠷ ᠳᠡᠯᠡᠬᠡᠢ ᠬᠥᠳᠡᠯᠵᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠡᠭᠦᠨ ᠦ ᠬᠢᠯᠢᠩ ᠢ ᠳᠡᠢᠯᠵᠦ ᠦᠯᠦ ᠴᠢᠳᠠᠨᠠ᠃
11 ᠲᠠ ᠨᠠᠷ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠳᠦ᠄ 〈ᠲᠩᠷᠢ ᠭᠠᠵᠠᠷ ᠢ ᠪᠦᠲᠦᠭᠡᠭᠰᠡᠨ ᠦᠭᠡᠢ ᠪᠤᠷᠬᠠᠳ ᠭᠠᠵᠠᠷ ᠤᠨ ᠳᠡᠭᠡᠷᠡ ᠡᠴᠡ ᠪᠣᠯᠣᠨ ᠲᠩᠷᠢ ᠶᠢᠨ ᠳᠣᠣᠷᠠ ᠠᠴᠠ ᠤᠰᠠᠳᠬᠤ ᠪᠣᠯᠣᠨᠠ〉 ᠭᠡᠵᠦ ᠬᠡᠯᠡ᠂
12 ᠬᠠᠷᠢᠨ ᠪᠤᠷᠬᠠᠨ ᠥᠪᠡᠷ ᠦᠨ ᠢᠶᠠᠨ ᠬᠦᠴᠦ ᠴᠢᠳᠠᠯ ᠢᠶᠠᠷ ᠭᠠᠵᠠᠷ ᠢ ᠪᠦᠲᠦᠭᠡᠵᠦ ᠥᠪᠡᠷ ᠦᠨ ᠢᠶᠠᠨ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠳᠡᠯᠡᠬᠡᠢ ᠶᠢ ᠲᠣᠭᠲᠠᠭᠠᠨ ᠥᠪᠡᠷ ᠦᠨ ᠢᠶᠠᠨ ᠣᠶᠤᠨ ᠤᠬᠠᠭᠠᠨ ᠢᠶᠠᠷ ᠲᠩᠷᠢ ᠶᠢ ᠳᠡᠯᠭᠡᠭᠰᠡᠨ ᠶᠤᠮ᠂
13 ᠳᠤᠤᠭᠠᠷᠬᠤ ᠳᠤᠨᠢ ᠲᠩᠷᠢ ᠶᠢᠨ ᠤᠰᠤ ᠬᠦᠷᠬᠢᠷᠡᠳᠡᠭ ᠲᠡᠷᠡ ᠭᠠᠵᠠᠷ ᠤᠨ ᠬᠢᠵᠠᠭᠠᠷ ᠠᠴᠠ ᠡᠭᠦᠯᠡᠰ ᠢ ᠬᠥᠭᠡᠷᠦᠭᠦᠯᠵᠦ ᠴᠠᠬᠢᠯᠭᠠᠨ ᠴᠠᠬᠢᠯᠤᠭᠤᠯᠵᠤ᠂ ᠪᠣᠷᠣᠭᠠ ᠣᠷᠣᠭᠤᠯᠤᠨ ᠬᠥᠮᠥᠷᠭᠡ ᠡᠴᠡ ᠪᠡᠨ ᠰᠠᠯᠬᠢ ᠶᠢ ᠭᠠᠷᠭᠠᠳᠠᠭ᠃
14 ᠬᠥᠮᠦᠨ ᠪᠦᠷᠢ ᠮᠡᠳᠡᠯᠭᠡ ᠦᠭᠡᠢ ᠮᠤᠩ᠋ᠬᠠᠭ ᠳᠠᠷᠬᠠᠨ ᠪᠦᠷᠢ ᠬᠢᠭᠰᠡᠨ ᠰᠢᠲᠦᠭᠡᠨ ᠢᠶᠡᠷ ᠢᠶᠠᠨ ᠰᠢᠪᠰᠢᠭ ᠪᠣᠯᠳᠠᠭ ᠲᠡᠭᠦᠨ ᠦ ᠴᠢᠳᠬᠤᠮᠠᠯ ᠬᠥᠷᠥᠭ ᠤᠳ ᠨᠢ ᠬᠠᠭᠤᠷᠮᠠᠭ᠂ ᠲᠡᠳᠡᠭᠡᠷ ᠦᠨ ᠳᠣᠲᠣᠷᠠ ᠠᠮᠢᠰᠬᠤᠯ ᠦᠭᠡᠢ ᠪᠥᠭᠡᠳ
15 ᠳᠡᠮᠡᠢ᠂ ᠬᠣᠭᠣᠰᠣᠨ ᠪᠦᠲᠦᠭᠡᠯ ᠰᠢᠳᠬᠡᠭᠳᠡᠬᠦ ᠦᠶᠡ ᠳᠡᠭᠡᠨ ᠤᠰᠠᠳᠬᠤ ᠪᠣᠯᠣᠨᠠ᠃
16 ᠬᠠᠷᠢᠨ ᠶᠠᠺᠣᠪ ᠤᠨ ᠥᠪ ᠨᠢ ᠡᠳᠡᠭᠡᠷ ᠲᠡᠢ ᠠᠳᠠᠯᠢ ᠪᠢᠰᠢ᠂ ᠲᠡᠷᠡ ᠪᠣᠯ ᠪᠦᠬᠦᠨ ᠦ ᠪᠦᠲᠦᠭᠡᠭᠴᠢ᠂ ᠲᠡᠭᠦᠨ ᠦ ᠥᠮᠴᠢ ᠪᠣᠯᠣᠭᠰᠠᠨ ᠣᠪᠣᠭ ᠨᠢ ᠢᠰᠷᠧᠯ᠂ ᠲᠡᠭᠦᠨ ᠦ ᠨᠡᠷᠡ ᠨᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠃
ᠢᠷᠡᠵᠦ ᠪᠤᠢ ᠰᠦᠢᠷᠡᠯ
17 ᠪᠦᠰᠡᠯᠡᠭᠳᠡᠭᠰᠡᠨ ᠬᠣᠲᠠ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠡ ᠪᠠᠭᠯᠠᠭᠠ ᠨᠤᠭᠤᠳ ᠢᠶᠠᠨ ᠭᠠᠵᠠᠷ ᠠᠴᠠ ᠴᠤᠭᠯᠠᠭᠤᠯ
18 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠡᠨᠡ ᠤᠳᠠᠭᠠ ᠪᠢ ᠡᠨᠡ ᠨᠤᠲᠤᠭ ᠤᠨ ᠰᠠᠭᠤᠭᠠᠯᠢᠴᠢᠳ ᠢ ᠰᠢᠳᠡᠬᠦ ᠭᠡᠵᠦ ᠪᠠᠢᠨᠠ᠂ ᠪᠢ ᠲᠡᠳᠡᠨ ᠳᠦ ᠵᠣᠪᠠᠯᠠᠩ ᠤᠴᠠᠷᠠᠭᠤᠯᠵᠤ᠂ ᠲᠡᠳᠡᠨ ᠢ ᠣᠯᠵᠠ ᠪᠣᠯᠭᠠᠨᠠ᠃〉
19 ᠪᠢ ᠭᠠᠰᠠᠯᠠᠩᠲᠠᠶᠠ︕ ᠪᠢ ᠭᠡᠮᠲᠦᠵᠡᠢ ᠰᠢᠷᠬᠠ ᠮᠢᠨᠢ ᠬᠦᠨᠳᠦ ᠪᠠᠢᠨᠠ ᠬᠠᠷᠢᠨ ᠪᠢ᠄ 〈ᠡᠨᠡ ᠪᠣᠯ ᠮᠢᠨᠦ ᠵᠣᠪᠠᠯᠠᠩ᠂ ᠪᠢ ᠳᠠᠭᠠᠭᠠᠬᠤ ᠶᠣᠰᠣᠲᠠᠢ〉 ᠭᠡᠪᠡ᠂
20 ᠮᠠᠢᠬᠠᠨ ᠮᠢᠨᠢ ᠰᠦᠢᠳᠬᠡᠭᠳᠡᠭᠰᠡᠨ᠂ ᠪᠦᠬᠦ ᠣᠭᠣᠰᠣᠷ ᠨᠢ ᠲᠠᠰᠤᠷᠠᠵᠤ ᠬᠡᠦᠬᠡᠳ ᠤᠳ ᠮᠢᠨᠢ ᠨᠠᠳᠠ ᠠᠴᠠ ᠶᠠᠪᠤᠵᠤ᠂ ᠠᠯᠠᠭᠠ ᠪᠣᠯᠣᠭᠰᠠᠨ ᠮᠠᠢᠬᠠᠨ ᠢ ᠮᠢᠨᠢ ᠳᠡᠯᠭᠡᠵᠦ᠂ ᠬᠥᠰᠢᠭᠡ ᠨᠦᠭᠦᠳ ᠢ ᠮᠢᠨᠢ ᠲᠣᠭᠲᠠᠭᠠᠬᠤ ᠬᠡᠨ ᠴᠤ ᠪᠠᠢᠬᠤ ᠦᠭᠡᠢ᠃
21 ᠬᠣᠨᠢᠴᠢᠳ ᠮᠤᠩ᠋ᠬᠠᠭ ᠪᠣᠯᠵᠤ᠂ ᠶᠣᠬᠣᠸᠠ ᠶᠢ ᠬᠠᠢᠳᠠᠭ ᠦᠭᠡᠢ ᠲᠤᠯᠠ ᠠᠮᠵᠢᠯᠲᠠ ᠤᠯᠳᠠᠭ ᠦᠭᠡᠢ ᠪᠦᠬᠦ ᠬᠣᠨᠢᠨ ᠰᠦᠷᠦᠭ ᠨᠢ ᠪᠤᠲᠠᠷᠠᠵᠠᠢ᠃
22 ᠬᠠᠷᠠ᠂ ᠮᠡᠳᠡᠭᠡ ᠢᠷᠡᠵᠦ ᠪᠠᠢᠨᠠ︕ ᠶᠡᠬᠡ ᠱᠤᠤᠭᠢᠶᠠᠨ ᠬᠣᠢᠲᠤ ᠵᠦᠭ ᠦᠨ ᠨᠤᠲᠤᠭ ᠠᠴᠠ ᠲᠡᠳᠡ ᠶᠦᠳᠠ ᠶᠢᠨ ᠬᠣᠲᠠ ᠲᠣᠰᠬᠣᠳ ᠢ ᠡᠵᠡᠭᠦᠢᠷᠡᠭᠦᠯᠵᠦ᠂ ᠴᠢᠨᠣᠠ ᠶᠢᠨ ᠡᠭᠦᠷ ᠪᠣᠯᠭᠠᠬᠤ ᠭᠡᠵᠦ ᠪᠠᠢᠨᠠ᠃
ᠶᠧᠷᠧᠮᠢᠶᠠ ᠶᠢᠨ ᠳᠠᠭᠠᠳᠬᠠᠯ
23 ᠶᠣᠬᠣᠸᠠ᠂ ᠬᠥᠮᠦᠨ ᠦ ᠵᠠᠮ ᠥᠪᠡᠷ ᠦᠨ ᠬᠢᠨᠢ ᠪᠢᠰᠢ ᠠᠯᠬᠤᠮ ᠢᠶᠠᠨ ᠴᠢᠭᠯᠡᠭᠦᠯᠬᠦ ᠨᠢ ᠴᠤ ᠠᠯᠬᠤᠬᠤ ᠬᠥᠮᠦᠨ ᠦ ᠬᠢᠨᠢ ᠪᠢᠰᠢ ᠭᠡᠳᠡᠭ ᠢ ᠪᠢ ᠤᠬᠠᠭᠠᠷᠠᠯᠠ᠃
24 ᠨᠠᠮᠠᠶᠢ ᠠᠭᠤᠷ ᠢᠶᠠᠷ ᠢᠶᠠᠨ ᠪᠤᠰᠤ᠂ ᠵᠥᠪᠬᠡᠨ ᠵᠥᠪ ᠶᠣᠰᠣ ᠪᠠᠷ ᠰᠠᠬᠢᠯᠭᠠᠵᠢᠭᠤᠯᠤᠭᠠᠴᠢ᠂ ᠶᠣᠬᠣᠸᠠ ᠡᠰᠡ ᠲᠡᠭᠡᠪᠡᠯ ᠪᠢ ᠤᠰᠠᠳᠬᠤ ᠪᠣᠯᠣᠨᠠ᠂
25 ᠲᠠ ᠠᠭᠤᠷ ᠬᠢᠯᠢᠩ ᠢᠶᠠᠨ ᠥᠪᠡᠷ ᠢ ᠲᠠᠨᠢ ᠮᠡᠳᠡᠳᠡᠭ ᠦᠭᠡᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠳᠡᠭᠡᠷᠡ ᠥᠪᠡᠷ ᠦᠨ ᠲᠠᠨᠢ ᠨᠡᠷᠡ ᠶᠢ ᠳᠠᠭᠤᠳᠠᠳᠠᠭ ᠦᠭᠡᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠳᠡᠭᠡᠷᠡ ᠠᠰᠬᠠᠭᠠᠴᠢ ᠲᠡᠳᠡ ᠶᠠᠺᠣᠪ ᠢ ᠵᠠᠯᠭᠢᠭᠰᠠᠨ ᠪᠢᠯᠡ ᠲᠡᠳᠡ ᠲᠡᠭᠦᠨ ᠢ ᠵᠠᠯᠭᠢᠨ᠂ ᠡᠴᠦᠰᠯᠡᠭᠦᠯᠵᠦ᠂ ᠣᠷᠣᠨ ᠭᠡᠷ ᠢ ᠨᠢ ᠡᠵᠡᠭᠦᠢᠷᠡᠭᠦᠯᠦᠭᠰᠡᠨ ᠶᠤᠮ᠃