ᠶᠧᠷᠧᠮᠢᠶᠠ ᠲᠠᠪᠢᠨ ᠨᠢᠭᠡ
1 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠪᠠᠪᠢᠯᠣᠨ ᠪᠣᠯᠣᠨ ᠯᠧᠪ ᠺᠠᠮᠠᠢ 16 ᠶᠢᠨ ᠰᠠᠭᠤᠭᠠᠯᠢᠴᠢᠳ ᠤᠷᠤᠭᠤ ᠰᠦᠢᠳᠬᠡᠭᠴᠢ ᠰᠦᠨᠡᠰᠦ ᠶᠢ ᠬᠥᠳᠡᠯᠭᠡᠨᠡ᠃
2 ᠪᠢ ᠪᠠᠪᠢᠯᠣᠨ ᠤᠷᠤᠭᠤ ᠰᠢᠭ᠍ᠰᠢᠭ᠍ᠴᠢᠳ ᠢ ᠢᠯᠡᠭᠡᠬᠦ ᠪᠥᠭᠡᠳ ᠲᠡᠳᠡ ᠲᠡᠭᠦᠨ ᠢ ᠰᠢᠭᠰᠢᠵᠦ᠂ ᠭᠠᠵᠠᠷ ᠨᠤᠲᠤᠭ ᠢ ᠨᠢ ᠬᠣᠭᠣᠰᠣᠷᠠᠭᠤᠯᠤᠨ ᠲᠦᠭᠰᠢᠭᠦᠷᠢ ᠤᠨ ᠬᠢᠨᠢ ᠡᠳᠦᠷ ᠲᠠᠯᠠ ᠪᠦᠷᠢ ᠡᠴᠡ ᠨᠢ ᠳᠣᠪᠲᠣᠯᠣᠨᠠ᠃
3 ᠬᠠᠷᠪᠤᠭᠴᠢ ᠳᠤᠨᠢ ᠨᠤᠮᠤ ᠲᠠᠲᠠᠬᠤ᠂ ᠬᠤᠶᠠᠭ ᠡᠮᠦᠰᠬᠦ ᠵᠠᠢ ᠶᠢ ᠪᠦᠦ ᠵᠥᠪᠰᠢᠶᠡᠷᠡ᠂ ᠢᠳᠡᠷ ᠵᠠᠯᠠᠭᠤᠰ ᠢ ᠨᠢ ᠴᠤ ᠦᠯᠦ ᠥᠷᠥᠰᠢᠶᠡᠨ ᠲᠡᠭᠦᠨ ᠦ ᠪᠦᠬᠦ ᠴᠡᠷᠢᠭ ᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠ᠃
4 ᠲᠡᠳᠡ ᠪᠠᠪᠢᠯᠣᠨ ᠤ ᠨᠤᠲᠤᠭ ᠲᠠᠭᠠᠨ ᠠᠯᠠᠭᠳᠠᠵᠤ ᠡᠰᠡᠪᠡᠯ ᠭᠤᠳᠤᠮᠵᠢ ᠨᠤᠭᠤᠳ ᠲᠠᠭᠠᠨ ᠰᠢᠷᠬᠠᠲᠤᠵᠤ ᠤᠨᠠᠨᠠ᠃》
5 ᠢᠰᠷᠧᠯ ᠪᠣᠯᠣᠨ ᠶᠦᠳᠠ ᠥᠪᠡᠷᠰᠡᠳ ᠦᠨ ᠢᠶᠠᠨ ᠪᠤᠷᠬᠠᠨ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠳᠤ ᠬᠠᠶᠠᠭᠳᠠᠭᠰᠠᠨ ᠪᠢᠰᠢ ᠪᠣᠯᠪᠠᠴᠤ ᠪᠠᠪᠢᠯᠣᠨ ᠤ ᠭᠠᠵᠠᠷ ᠨᠤᠲᠤᠭ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠡᠮᠦᠨᠡ ᠭᠡᠮ ᠪᠤᠷᠤᠭᠤ ᠪᠠᠷ ᠳᠦᠭᠦᠷᠴᠡᠢ᠃
6 ᠲᠠ ᠨᠠᠷ ᠤᠨ ᠬᠥᠮᠦᠨ ᠪᠦᠷᠢ ᠪᠠᠪᠢᠯᠣᠨ ᠠᠴᠠ ᠠᠮᠢ ᠭᠠᠷᠬᠤ ᠪᠠᠷ ᠵᠢᠭᠤᠲᠠ︕ ᠲᠡᠭᠦᠨ ᠦ ᠭᠡᠮ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠲᠠ ᠨᠠᠷ ᠤᠰᠠᠳᠬᠤ ᠬᠡᠷᠡᠭ ᠦᠭᠡᠢ ᠡᠨᠡ ᠪᠣᠯ ᠶᠣᠬᠣᠸᠠ ᠶᠢᠨ ᠥᠰᠢᠶᠡ ᠠᠪᠬᠤ ᠴᠠᠭ᠂ ᠲᠡᠷᠡ ᠥᠪᠡᠷ ᠢᠶᠡᠨ ᠬᠠᠷᠢᠭᠤ ᠥᠭᠭᠥᠨᠡ᠃
7 ᠪᠠᠪᠢᠯᠣᠨ ᠨᠢ ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠲᠤ ᠪᠤᠢ ᠪᠦᠬᠦ ᠳᠡᠯᠡᠬᠡᠢ ᠶᠢ ᠰᠣᠭᠲᠣᠭᠠᠭᠴᠢ ᠠᠯᠲᠠᠨ ᠠᠶᠠᠭᠠ ᠪᠠᠢᠪᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠳᠠᠷᠠᠰᠤᠨ ᠠᠴᠠ ᠨᠢ ᠤᠤᠭᠤᠭᠰᠠᠨ ᠡᠭᠦᠨ ᠦ ᠤᠯᠠᠮ ᠢᠶᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠭᠠᠯᠵᠠᠭᠤᠷᠠᠬᠤ ᠪᠣᠯᠣᠨᠠ᠃
8 ᠪᠠᠪᠢᠯᠣᠨ ᠭᠡᠨᠡᠳᠲᠡᠬᠡᠨ ᠤᠨᠠᠵᠤ ᠨᠤᠷᠠᠨᠠ ᠲᠡᠭᠦᠨ ᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠵᠠᠭᠠ︕ ᠡᠪᠡᠷᠰᠢᠶᠡᠯ ᠦᠨ ᠬᠢᠨᠢ ᠲᠥᠯᠥᠭᠡ ᠭᠠᠪᠤᠷ ᠠᠪᠴᠢᠷᠠ ᠲᠡᠷᠡ ᠡᠳᠡᠭᠡᠷᠡᠵᠦ ᠮᠠᠭᠠᠳ ᠦᠭᠡᠢ᠃
9 ᠪᠠᠪᠢᠯᠣᠨ ᠢ ᠡᠳᠡᠭᠡᠭᠡᠬᠦ ᠭᠡᠰᠡᠨ ᠴᠤ ᠲᠡᠷᠡ ᠡᠳᠡᠭᠡᠷᠡᠬᠦ ᠦᠭᠡᠢ ᠪᠠᠢᠨᠠ ᠪᠢᠳᠡᠨ ᠦ ᠬᠥᠮᠦᠨ ᠪᠦᠷᠢ ᠲᠡᠭᠦᠨ ᠢ ᠣᠷᠬᠢᠭᠠᠳ᠂ ᠨᠤᠲᠤᠭ ᠤᠷᠤᠭᠤ ᠪᠠᠨ ᠶᠠᠪᠤᠵᠠᠭᠠᠶᠠ ᠲᠡᠭᠦᠨ ᠦ ᠬᠦᠯᠢᠶᠡᠬᠦ ᠰᠢᠳᠬᠡᠯ ᠲᠩᠷᠢ ᠳᠤ ᠲᠤᠯᠵᠤ᠂ ᠡᠭᠦᠯᠡᠰ ᠲᠦ ᠬᠦᠷᠬᠦ ᠪᠣᠯᠣᠨᠠ᠃
10 ᠶᠣᠬᠣᠸᠠ ᠪᠢᠳᠡᠨ ᠦ ᠵᠥᠪᠲᠦ ᠪᠣᠯᠬᠤ ᠶᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠵᠠ᠂ ᠪᠢᠳᠡ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠬᠢᠭᠰᠡᠨ ᠵᠦᠢᠯ ᠢ ᠽᠢᠶᠣᠨ ᠳᠤ ᠲᠤᠩ᠋ᠬᠠᠭᠯᠠᠵᠠᠭᠠᠶᠠ︕
11 ᠰᠤᠮᠤ ᠪᠠᠨ ᠬᠤᠷᠴᠠᠯᠠ᠂ ᠪᠠᠮᠪᠠᠢ ᠪᠠᠨ ᠪᠠᠷᠢ᠂ ᠶᠣᠬᠣᠸᠠ ᠪᠠᠪᠢᠯᠣᠨ ᠢ ᠤᠰᠠᠳᠬᠠᠬᠤ ᠵᠣᠷᠢᠯᠭᠠ ᠪᠠᠷ ᠮᠧᠳᠧᠴᠤᠳ ᠤᠨ ᠬᠠᠭᠠᠳ ᠤᠨ ᠰᠦᠨᠡᠰᠦ ᠶᠢ ᠬᠥᠳᠡᠯᠭᠡᠵᠡᠢ᠃ ᠶᠣᠬᠣᠸᠠ ᠡᠢᠨ ᠬᠦ ᠥᠰᠢᠶᠡ ᠠᠪᠤᠨᠠ᠂ ᠣᠷᠳᠣᠨ ᠤ ᠪᠠᠨ ᠲᠥᠯᠥᠭᠡ ᠥᠰᠢᠶᠡ ᠠᠪᠤᠨᠠ᠃
12 ᠪᠠᠪᠢᠯᠣᠨ ᠤ ᠬᠡᠷᠡᠮ ᠦᠨ ᠡᠮᠦᠨᠡ ᠲᠤᠭ ᠪᠣᠰᠬᠠ ᠬᠠᠮᠠᠭᠠᠯᠠᠯᠲᠠ ᠪᠠᠨ ᠪᠡᠬᠢᠵᠢᠭᠦᠯᠵᠦ᠂ ᠬᠠᠷᠠᠭᠤᠯ ᠭᠠᠷᠭᠠᠵᠤ᠂ ᠣᠲᠣᠯᠳᠠ ᠪᠡᠯᠡᠳᠬᠡ ᠶᠣᠬᠣᠸᠠ ᠪᠠᠪᠢᠯᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠤᠨ ᠲᠠᠯᠠ ᠪᠠᠷ ᠠᠢᠯᠠᠳᠤᠭᠰᠠᠨ ᠢᠶᠠᠨ ᠰᠠᠨᠠᠵᠤ ᠪᠡᠯᠡᠶᠡᠭᠦᠯᠦᠨᠡ᠃
13 ᠴᠢ ᠶᠡᠬᠡ ᠤᠰᠤᠨ ᠤ ᠳᠡᠷᠭᠡᠳᠡ ᠡᠯᠪᠡᠭ ᠡᠷᠳᠡᠨᠢᠰ ᠲᠠᠢ ᠠᠮᠢᠳᠤᠷᠠᠵᠤ ᠪᠠᠢᠨᠠ ᠡ᠂ ᠭᠡᠪᠡᠴᠦ ᠴᠢᠨᠦ ᠲᠡᠭᠦᠰᠬᠡᠯ᠂ ᠴᠢᠨᠦ ᠠᠮᠢ ᠲᠠᠰᠤᠷᠠᠬᠤ ᠴᠠᠭ ᠢᠷᠡᠯᠡ᠃
14 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠥᠪᠡᠷ ᠢᠶᠡᠷ ᠢᠶᠠᠨ ᠲᠠᠩ᠋ᠭᠠᠷᠢᠭᠯᠠᠨ᠄ 《ᠪᠢ ᠴᠢᠮᠠᠶᠢ ᠵᠠᠪᠠᠯ ᠴᠠᠷᠴᠠᠬᠠᠢ ᠮᠡᠲᠦ ᠣᠯᠠᠨ ᠴᠡᠷᠢᠭ ᠢᠶᠠᠷ ᠳᠦᠭᠦᠷᠭᠡᠵᠦ ᠲᠡᠳᠡ ᠴᠢᠮᠠ ᠤᠷᠤᠭᠤ ᠤᠤᠬᠠᠢ ᠬᠠᠰᠬᠢᠷᠤᠨᠠ
15 ᠶᠣᠬᠣᠸᠠ ᠥᠪᠡᠷ ᠦᠨ ᠢᠶᠠᠨ ᠬᠦᠴᠦ ᠴᠢᠳᠠᠯ ᠢᠶᠠᠷ ᠭᠠᠵᠠᠷ ᠢ ᠪᠦᠲᠦᠭᠡᠵᠦ ᠥᠪᠡᠷ ᠦᠨ ᠢᠶᠠᠨ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠳᠡᠯᠡᠬᠡᠢ ᠶᠢ ᠲᠣᠭᠲᠠᠭᠠᠨ ᠥᠪᠡᠷ ᠦᠨ ᠢᠶᠠᠨ ᠣᠶᠤᠨ ᠰᠠᠨᠠᠭᠠ ᠪᠠᠷ ᠲᠩᠷᠢ ᠶᠢ ᠳᠡᠯᠭᠡᠭᠰᠡᠨ ᠶᠤᠮ᠂
16 ᠳᠤᠤᠭᠠᠷᠬᠤ ᠳᠤᠨᠢ ᠲᠩᠷᠢ ᠶᠢᠨ ᠤᠰᠤ ᠬᠥᠳᠡᠯᠳᠡᠭ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠠᠴᠠ ᠲᠡᠷᠡ ᠡᠭᠦᠯᠡᠰ ᠢ ᠬᠥᠭᠡᠷᠭᠡᠵᠦ ᠴᠠᠬᠢᠯᠭᠠᠨ ᠴᠠᠬᠢᠯᠤᠭᠤᠯᠵᠤ᠂ ᠪᠣᠷᠣᠭᠠ ᠣᠷᠣᠭᠤᠯᠤᠨ ᠬᠥᠮᠥᠷᠭᠡ ᠡᠴᠡ ᠪᠡᠨ ᠰᠠᠯᠬᠢ ᠶᠢ ᠭᠠᠷᠭᠠᠳᠠᠭ᠃
17 ᠬᠥᠮᠦᠨ ᠪᠦᠷᠢ ᠮᠡᠳᠡᠯᠭᠡ ᠦᠭᠡᠢ ᠮᠤᠩ᠋ᠬᠠᠭ ᠳᠠᠷᠬᠠᠨ ᠪᠦᠷᠢ ᠰᠡᠢᠯᠦᠭᠰᠡᠨ ᠰᠢᠲᠦᠭᠡᠨ ᠢᠶᠡᠷ ᠢᠶᠠᠨ ᠰᠢᠪᠰᠢᠭ ᠪᠣᠯᠳᠠᠭ ᠲᠡᠭᠦᠨ ᠦ ᠴᠢᠳᠬᠤᠮᠠᠯ ᠬᠥᠷᠥᠭ ᠤᠳ ᠬᠠᠭᠤᠷᠮᠠᠭ᠂ ᠲᠡᠳᠡᠭᠡᠷ ᠦᠨ ᠳᠣᠲᠣᠷᠠ ᠠᠮᠢᠰᠬᠤᠯ ᠦᠭᠡᠢ ᠪᠥᠭᠡᠳ
18 ᠳᠡᠮᠡᠢ᠂ ᠬᠣᠭᠣᠰᠣᠨ ᠪᠦᠲᠦᠭᠡᠯ ᠰᠢᠳᠬᠡᠭᠳᠡᠬᠦ ᠦᠶᠡ ᠳᠡᠭᠡᠨ ᠤᠰᠠᠳᠬᠤ ᠪᠣᠯᠣᠨᠠ᠃
19 ᠬᠠᠷᠢᠨ ᠶᠠᠺᠣᠪ ᠤᠨ ᠥᠪ ᠨᠢ ᠡᠳᠡᠭᠡᠷ ᠲᠡᠢ ᠠᠳᠠᠯᠢ ᠪᠢᠰᠢ᠂ ᠲᠡᠷᠡ ᠪᠣᠯ ᠪᠦᠬᠦᠨ ᠦ ᠪᠦᠲᠦᠭᠡᠭᠴᠢ ᠪᠥᠭᠡᠳ ᠲᠡᠭᠦᠨ ᠦ ᠥᠮᠴᠢ ᠪᠣᠯᠣᠭᠰᠠᠨ ᠣᠪᠣᠭ ᠨᠢ ᠢᠰᠷᠧᠯ᠂ ᠲᠡᠭᠦᠨ ᠦ ᠨᠡᠷᠡ ᠨᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠃
20 《ᠴᠢ ᠮᠢᠨᠦ ᠰᠢᠳᠠᠮ᠂ ᠲᠤᠯᠤᠯᠳᠤᠭᠠᠨ ᠤ ᠵᠡᠪᠰᠡᠭ ᠴᠢᠮᠠ ᠪᠠᠷ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠴᠣᠬᠢᠪᠠ ᠴᠢᠮᠠ ᠪᠠᠷ ᠪᠢ ᠬᠠᠭᠠᠨᠴᠢᠯᠠᠯ ᠤᠳ ᠢ ᠤᠰᠠᠳᠬᠠᠪᠠ᠃
21 ᠴᠢᠮᠠ ᠪᠠᠷ ᠪᠢ ᠮᠣᠷᠢ ᠪᠣᠯᠣᠨ ᠮᠣᠷᠢᠲᠠᠨ ᠢ ᠨᠢ ᠴᠣᠬᠢᠪᠠ
22 ᠴᠢᠮᠠ ᠪᠠᠷ ᠪᠢ ᠲᠡᠷᠭᠡ ᠪᠣᠯᠣᠨ ᠲᠡᠷᠭᠡᠴᠢᠨ ᠢ ᠨᠢ ᠴᠣᠬᠢᠪᠠ ᠴᠢᠮᠠ ᠪᠠᠷ ᠪᠢ ᠡᠷᠡᠭᠲᠡᠢ ᠪᠣᠯᠣᠨ ᠡᠮᠡᠭᠲᠡᠢ ᠶᠢ ᠨᠢ ᠴᠣᠬᠢᠪᠠ ᠴᠢᠮᠠ ᠪᠠᠷ ᠪᠢ ᠬᠥᠭᠰᠢᠨ ᠪᠣᠯᠣᠨ ᠵᠠᠯᠠᠭᠤ ᠶᠢ ᠨᠢ ᠴᠣᠬᠢᠪᠠ ᠴᠢᠮᠠ ᠪᠠᠷ ᠪᠢ ᠬᠥᠪᠡᠭᠦᠨ ᠪᠣᠯᠣᠨ ᠥᠬᠢᠨ ᠢ ᠨᠢ ᠴᠣᠬᠢᠪᠠ
23 ᠴᠢᠮᠠ ᠪᠠᠷ ᠪᠢ ᠬᠣᠨᠢᠴᠢᠨ ᠪᠣᠯᠣᠨ ᠰᠦᠷᠦᠭ ᠢ ᠨᠢ ᠴᠣᠬᠢᠪᠠ ᠴᠢᠮᠠ ᠪᠠᠷ ᠪᠢ ᠲᠠᠷᠢᠶᠠᠴᠢᠨ ᠪᠣᠯᠣᠨ ᠦᠬᠡᠷ ᠢ ᠨᠢ ᠴᠣᠬᠢᠪᠠ ᠴᠢᠮᠠ ᠪᠠᠷ ᠪᠢ ᠵᠠᠬᠢᠷᠤᠭᠴᠢᠳ ᠪᠣᠯᠣᠨ ᠲᠦᠰᠢᠮᠡᠳ ᠢ ᠨᠢ ᠴᠣᠬᠢᠪᠠ᠃
24 ᠬᠠᠷᠢᠨ ᠪᠠᠪᠢᠯᠣᠨ ᠪᠣᠯᠣᠨ ᠪᠠᠪᠢᠯᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠤᠨ ᠽᠢᠶᠣᠨ ᠳᠤ ᠲᠠ ᠨᠠᠷ ᠤᠨ ᠨᠢᠳᠦᠨ ᠦ ᠡᠮᠦᠨᠡ ᠦᠢᠯᠡᠳᠦᠭᠰᠡᠨ ᠠᠯᠢᠪᠠ ᠬᠣᠷᠣᠨ ᠮᠠᠭᠤ ᠶᠢᠨ ᠤᠯᠠᠮ ᠢᠶᠠᠷ ᠪᠢ ᠲᠡᠳᠡᠨ ᠳᠦ ᠬᠠᠷᠢᠭᠤ ᠥᠭᠭᠥᠨᠡ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
25 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠦᠬᠦᠢᠯᠡ ᠳᠡᠯᠡᠬᠡᠢ ᠶᠢ ᠤᠰᠠᠳᠬᠠᠭᠴᠢ ᠠᠭᠤᠯᠠ ᠴᠢ ᠬᠠᠷᠠ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ》 《ᠪᠢ ᠴᠢᠮᠠ ᠤᠷᠤᠭᠤ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠵᠤ᠂ ᠴᠢᠮᠠᠶᠢ ᠬᠠᠳᠠᠨ ᠠᠴᠠ ᠥᠩᠬᠥᠷᠢᠭᠦᠯᠦᠨ᠂ ᠰᠢᠲᠠᠭᠰᠠᠨ ᠠᠭᠤᠯᠠ ᠪᠣᠯᠭᠠᠨᠠ᠃
26 ᠴᠢ ᠡᠭᠦᠷᠢᠳᠡ ᠵᠡᠯᠢᠭᠦᠳ ᠪᠠᠢᠬᠤ ᠪᠣᠯᠣᠨᠠ᠂ ᠬᠥᠮᠦᠰ ᠴᠢᠮᠠ ᠠᠴᠠ ᠲᠤᠯᠭᠠᠭᠤᠷᠢ ᠪᠤᠶᠤ ᠰᠠᠭᠤᠷᠢ ᠴᠢᠯᠠᠭᠤ ᠠᠪᠬᠤ ᠦᠭᠡᠢ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
27 ᠭᠠᠵᠠᠷ ᠳᠡᠭᠡᠷᠡ ᠨᠢ ᠲᠤᠭ ᠪᠣᠰᠬᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠦᠷᠢᠶᠡ ᠦᠯᠢᠶᠡ︕ ᠲᠡᠭᠦᠨ ᠢ ᠴᠣᠬᠢᠬᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠲᠤᠰᠠᠭᠠᠷᠯᠠ ᠲᠡᠭᠦᠨ ᠢ ᠴᠣᠬᠢᠬᠤ ᠠᠷᠠᠷᠠᠲ᠂ ᠮᠢᠨᠨᠢ ᠪᠣᠯᠣᠨ ᠠᠱᠺᠧᠨᠠᠽ ᠭᠦᠷᠦᠨ ᠢ ᠴᠤᠭᠯᠠᠭᠤᠯ ᠲᠡᠭᠦᠨ ᠢ ᠴᠣᠬᠢᠬᠤ ᠵᠠᠩᠵᠤᠨ ᠢ ᠲᠣᠮᠢᠯᠠ᠂ ᠴᠠᠷᠴᠠᠬᠠᠢ ᠨᠤᠭᠤᠳ ᠮᠡᠲᠦ ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ ᠮᠣᠷᠢ ᠶᠢ ᠠᠪᠴᠢᠷᠠ᠃
28 ᠲᠡᠭᠦᠨ ᠢ ᠴᠣᠬᠢᠬᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ᠂ ᠮᠧᠳᠧᠴᠤᠳ ᠤᠨ ᠬᠠᠭᠠᠳ᠂ ᠵᠠᠬᠢᠷᠤᠭᠴᠢᠳ᠂ ᠪᠦᠬᠦ ᠲᠦᠰᠢᠮᠡᠯ ᠬᠢᠭᠡᠳ ᠲᠡᠳᠡᠨ ᠦ ᠬᠠᠷᠢᠶᠠᠲᠤ ᠨᠤᠲᠤᠭ ᠪᠦᠷᠢ ᠶᠢ ᠲᠤᠰᠠᠭᠠᠷᠯᠠ᠃
29 ᠪᠠᠪᠢᠯᠣᠨ ᠤ ᠨᠤᠲᠤᠭ ᠢ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠵᠡᠯᠢᠭᠦᠳ ᠪᠣᠯᠭᠠᠬᠤ ᠭᠡᠰᠡᠨ ᠪᠠᠪᠢᠯᠣᠨ ᠤ ᠲᠠᠯᠠ ᠪᠠᠷ ᠬᠢ ᠶᠣᠬᠣᠸᠠ ᠶᠢᠨ ᠵᠣᠷᠢᠯᠭᠠ ᠪᠡᠶᠡᠯᠡᠭᠳᠡᠬᠦ ᠳᠦ ᠭᠠᠵᠠᠷ ᠬᠥᠳᠡᠯᠵᠦ᠂ ᠭᠠᠩ᠋ᠬᠤᠬᠤ ᠪᠣᠯᠣᠨᠠ᠃
30 ᠪᠠᠪᠢᠯᠣᠨ ᠤ ᠳᠠᠢᠴᠢᠳ ᠪᠠᠢᠯᠳᠤᠬᠤ ᠪᠠᠨ ᠪᠣᠯᠢᠵᠤ᠂ ᠪᠠᠲᠤ ᠴᠠᠢᠵᠠ ᠳᠠᠭᠠᠨ ᠦᠯᠡᠳᠡᠪᠡ ᠡᠷᠡ ᠴᠢᠳᠠᠯ ᠨᠢ ᠳᠣᠷᠣᠢᠲᠠᠵᠤ᠂ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠠᠳᠠᠯᠢ ᠪᠣᠯᠣᠯᠠ᠂ ᠣᠷᠣᠨ ᠰᠠᠭᠤᠴᠠ ᠨᠢ ᠭᠠᠯ ᠳᠤ ᠰᠢᠲᠠᠭᠠᠭᠳᠠᠵᠤ᠂ ᠣᠨᠢᠰᠣ ᠲᠦᠭᠵᠢᠶᠡ ᠨᠢ ᠡᠪᠳᠡᠷᠡᠵᠡᠢ᠃
31 ᠨᠢᠭᠡ ᠤᠯᠠᠭᠠᠴᠢ ᠭᠦᠶᠦᠨ ᠨᠥᠭᠥᠭᠡ ᠲᠠᠢ ᠪᠠᠨ ᠠᠭᠤᠯᠵᠠᠵᠤ᠂ ᠨᠢᠭᠡ ᠡᠯᠴᠢ ᠭᠦᠶᠦᠨ ᠨᠥᠭᠥᠭᠡ ᠲᠠᠢ ᠪᠠᠨ ᠠᠭᠤᠯᠵᠠᠨ ᠪᠠᠪᠢᠯᠣᠨ ᠤ ᠬᠠᠭᠠᠨ ᠳᠤ ᠠᠢᠯᠠᠳᠬᠠᠵᠤ᠄ 《ᠬᠣᠲᠠ ᠶᠢᠨ ᠬᠢᠯᠢ ᠡᠵᠡᠯᠡᠭᠳᠡᠵᠦ
32 ᠭᠠᠷᠬᠤ ᠵᠠᠮ ᠤᠳ ᠬᠠᠭᠠᠭᠳᠠᠨ ᠵᠡᠭᠡᠰᠦ ᠲᠠᠢ ᠨᠠᠮᠤᠭ ᠤᠳ ᠴᠤ ᠭᠠᠯ ᠳᠤ ᠰᠢᠲᠠᠭᠠᠭᠳᠠᠵᠤ ᠳᠠᠢᠴᠢᠳ ᠠᠶᠤᠨ ᠰᠠᠨᠳᠤᠷᠪᠠ》 ᠭᠡᠨᠡ᠃
33 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠥᠬᠢᠨ ᠪᠠᠪᠢᠯᠣᠨ ᠪᠡᠷ ᠭᠢᠰᠬᠢᠭᠳᠡᠬᠦ ᠴᠠᠭ ᠨᠢ ᠪᠣᠯᠣᠭᠰᠠᠨ ᠦᠲᠦᠷᠮᠡ ᠲᠠᠢ ᠠᠳᠠᠯᠢ ᠤᠷᠭᠤᠴᠠ ᠬᠤᠷᠢᠶᠠᠬᠤ ᠴᠠᠭ ᠤᠳᠠᠬᠤ ᠦᠭᠡᠢ ᠲᠡᠭᠦᠨ ᠳᠦ ᠢᠷᠡᠨᠡ᠃》
34 《ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠪᠢᠳᠡᠨ ᠢ ᠵᠠᠵᠢᠯᠤᠨ ᠢᠳᠡᠵᠦ ᠪᠢᠳᠡᠨ ᠢ ᠬᠣᠭᠣᠰᠣᠨ ᠰᠠᠪᠠ ᠪᠣᠯᠭᠠᠭᠰᠠᠨ ᠪᠢᠳᠡᠨ ᠢ ᠮᠠᠩ᠋ᠭᠤᠰ ᠮᠡᠲᠦ ᠵᠠᠯᠭᠢᠨ ᠠᠮᠲᠠᠲᠤ ᠬᠣᠭᠣᠯᠠ ᠪᠠᠨ ᠪᠣᠯᠭᠠᠵᠤ᠂ ᠬᠣᠳᠣᠭᠣᠳᠣ ᠪᠠᠨ ᠳᠦᠭᠦᠷᠭᠡᠭᠰᠡᠨ ᠦ ᠳᠠᠷᠠᠭᠠ ᠪᠠᠰᠠ ᠵᠠᠢᠯᠵᠤ ᠭᠠᠷᠭᠠᠭᠰᠠᠨ
35 ᠨᠠᠳᠠ ᠳᠤ ᠪᠣᠯᠣᠨ ᠮᠢᠨᠦ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠳᠤ ᠦᠢᠯᠡᠳᠦᠭᠰᠡᠨ ᠬᠦᠴᠦᠷᠬᠡᠭᠯᠡᠯ ᠪᠠᠪᠢᠯᠣᠨ ᠤᠷᠤᠭᠤ ᠡᠷᠭᠢᠵᠦ ᠪᠠᠭᠤᠭ》 ᠭᠡᠵᠦ ᠽᠢᠶᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠬᠡᠯᠡᠨᠡ᠂ 《ᠮᠢᠨᠦ ᠴᠢᠰᠤ ᠪᠠᠪᠢᠯᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠤᠷᠤᠭᠤ ᠡᠷᠭᠢᠵᠦ ᠪᠠᠭᠤᠭ》 ᠭᠡᠵᠦ ᠶᠧᠷᠦ᠋ᠰᠠᠯᠧᠮ ᠬᠡᠯᠡᠬᠦ ᠪᠣᠯᠣᠨᠠ᠃
36 ᠲᠡᠢᠮᠦ ᠡᠴᠡ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠴᠢᠨᠦ ᠬᠦᠰᠡᠯᠲᠡ ᠶᠢ ᠭᠦᠢᠴᠡᠯᠳᠦᠭᠦᠯᠵᠦ᠂ ᠴᠢᠨᠦ ᠲᠥᠯᠥᠭᠡ ᠥᠰᠢᠶᠡ ᠠᠪᠤᠨᠠ ᠪᠢ ᠲᠡᠭᠦᠨ ᠦ ᠲᠠᠩᠭᠢᠰ ᠢ ᠬᠠᠲᠠᠭᠠᠵᠤ᠂ ᠪᠤᠯᠠᠭ ᠢ ᠨᠢ ᠰᠢᠷᠭᠢᠭᠡᠨᠡ᠃
37 ᠪᠠᠪᠢᠯᠣᠨ ᠡᠪᠳᠡᠷᠬᠡᠢ ᠣᠪᠣᠭᠠ᠂ ᠴᠥᠭᠡᠪᠦᠷᠢ ᠴᠢᠨᠣᠠ ᠨᠤᠭᠤᠳ ᠤᠨ ᠡᠭᠦᠷ ᠵᠢᠭ᠍ᠰᠢᠯ ᠳᠣᠷᠣᠮᠵᠢᠯᠠᠯ ᠤᠨ ᠰᠢᠯᠲᠠᠭᠠᠨ᠂ ᠰᠠᠭᠤᠭᠠᠯᠢᠴᠢ ᠦᠭᠡᠢ ᠭᠠᠵᠠᠷ ᠪᠣᠯᠣᠨᠠ᠃
38 ᠪᠠᠪᠢᠯᠣᠨᠴᠤᠳ ᠪᠦᠭᠦᠳᠡᠭᠡᠷ ᠠᠷᠰᠯᠠᠨ ᠮᠡᠲᠦ ᠠᠷᠬᠢᠷᠠᠵᠤ᠂ ᠠᠷᠰᠯᠠᠨ ᠤ ᠭᠦᠶᠦᠭ ᠮᠡᠲᠦ ᠬᠦᠷᠬᠢᠷᠡᠨᠡ᠃
39 ᠲᠡᠳᠡ ᠬᠠᠯᠠᠮᠰᠠᠭᠰᠠᠨ ᠬᠣᠢᠨᠠ ᠪᠢ ᠲᠡᠳᠡᠨ ᠳᠦ ᠨᠠᠢᠷ ᠬᠢᠵᠦ ᠲᠡᠳᠡᠨ ᠢ ᠰᠣᠭᠲᠣᠭᠠᠨᠠ᠂ ᠲᠡᠳᠡ ᠴᠡᠩᠭᠡᠭᠰᠡᠨ ᠢᠶᠡᠨ ᠡᠭᠦᠷᠢᠳᠡ ᠨᠣᠢᠷᠰᠣᠬᠤ ᠪᠥᠭᠡᠳ ᠰᠡᠷᠢᠬᠦ ᠦᠭᠡᠢ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
40 《ᠪᠢ ᠲᠡᠳᠡᠨ ᠢ ᠬᠤᠷᠠᠭᠠ ᠪᠤᠶᠤ ᠬᠤᠴᠠ ᠤᠬᠤᠨᠠ ᠮᠡᠲᠦ ᠨᠢᠲᠤᠯᠬᠤ ᠭᠠᠵᠠᠷ ᠤᠷᠤᠭᠤ ᠠᠪᠠᠴᠢᠨᠠ᠃
41 ᠥ᠂ ᠱᠧᠱᠠᠺ 17 ᠡᠵᠡᠯᠡᠭᠳᠡᠵᠡᠢ᠂ ᠪᠦᠬᠦ ᠳᠡᠯᠡᠬᠡᠢ ᠶᠢᠨ ᠮᠠᠭᠲᠠᠳᠠᠭ ᠬᠣᠲᠠ ᠪᠤᠯᠢᠶᠠᠭᠳᠠᠵᠠᠢ︕ ᠥ᠂ ᠪᠠᠪᠢᠯᠣᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠵᠢᠭ᠍ᠰᠢᠯ ᠪᠣᠯᠵᠠᠢ︕
42 ᠳᠠᠯᠠᠢ ᠶᠢᠨ ᠤᠰᠤ ᠪᠠᠪᠢᠯᠣᠨ ᠤ ᠳᠡᠭᠡᠭᠦᠷ ᠭᠠᠷᠴᠤ ᠳᠣᠭᠰᠢᠨ ᠳᠠᠪᠠᠯᠭᠠᠨ ᠲᠡᠭᠦᠨ ᠢ ᠨᠥᠮᠥᠷᠴᠡᠢ᠃
43 ᠲᠡᠭᠦᠨ ᠦ ᠬᠣᠲᠠ ᠲᠣᠰᠬᠣᠳ ᠡᠵᠡᠭᠦᠢᠷᠡᠵᠦ᠂ ᠬᠠᠲᠠᠭᠰᠠᠨ ᠴᠥᠯ ᠭᠠᠵᠠᠷ ᠪᠣᠯᠣᠨᠠ᠂ ᠲᠡᠨᠳᠡ ᠬᠥᠮᠦᠨ ᠰᠠᠭᠤᠬᠤ ᠦᠭᠡᠢ ᠲᠡᠷᠡᠭᠦᠷ ᠬᠡᠨ ᠴᠤ ᠥᠩᠭᠡᠷᠡᠬᠦ ᠦᠭᠡᠢ᠃
44 ᠪᠢ ᠪᠠᠪᠢᠯᠣᠨ ᠳᠤ ᠪᠧᠯ ᠢ ᠰᠢᠳᠬᠡᠵᠦ ᠲᠡᠭᠦᠨ ᠦ ᠵᠠᠯᠭᠢᠭᠰᠠᠨ ᠵᠦᠢᠯ ᠢ ᠠᠮᠠᠨ ᠠᠴᠠ ᠨᠢ ᠭᠠᠷᠭᠠᠨᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠡᠭᠦᠨ ᠤᠷᠤᠭᠤ ᠤᠷᠤᠰᠬᠤ ᠪᠠᠨ ᠪᠣᠯᠢᠨᠠ᠃ ᠪᠠᠪᠢᠯᠣᠨ ᠤ ᠬᠡᠷᠡᠮ ᠯᠠᠪᠲᠠᠢ ᠤᠨᠠᠨᠠ︕
45 ᠲᠡᠭᠦᠨ ᠡᠴᠡ ᠭᠠᠷᠴᠤ ᠢᠷᠡ᠂ ᠠᠷᠠᠳ ᠲᠦᠮᠡᠨ ᠮᠢᠨᠢ ᠡ᠂ ᠲᠡᠢᠨ ᠬᠦ ᠲᠠ ᠨᠠᠷ ᠤᠨ ᠬᠥᠮᠦᠨ ᠪᠦᠷᠢ ᠶᠣᠬᠣᠸᠠ ᠶᠢᠨ ᠰᠢᠷᠦᠭᠦᠨ ᠬᠢᠯᠢᠩ ᠡᠴᠡ ᠥᠪᠡᠷᠰᠡᠳ ᠢ ᠪᠠᠨ ᠠᠪᠤᠷᠠ᠃
46 ᠲᠡᠭᠡᠪᠡᠯ ᠲᠡᠷᠡ ᠨᠤᠲᠤᠭ ᠲᠤ ᠰᠣᠨᠣᠰᠳᠠᠬᠤ ᠮᠡᠳᠡᠭᠡ ᠡᠴᠡ ᠪᠣᠯᠣᠭᠠᠳ ᠵᠢᠷᠦᠬᠡ ᠮᠣᠬᠣᠵᠤ᠂ ᠠᠶᠤᠬᠤ ᠬᠡᠷᠡᠭ ᠦᠭᠡᠢ ᠪᠣᠯᠣᠨᠠ᠂ ᠤᠴᠢᠷ ᠨᠢ ᠲᠡᠷᠡ ᠨᠤᠲᠤᠭ ᠲᠤ ᠪᠣᠯᠬᠤ ᠬᠦᠴᠦᠷᠬᠡᠭᠯᠡᠯ᠂ ᠡᠰᠡᠪᠡᠯ ᠵᠠᠬᠢᠷᠤᠭᠴᠢ ᠨᠢ ᠵᠠᠬᠢᠷᠤᠭᠴᠢ ᠲᠠᠢ ᠪᠠᠨ ᠳᠠᠢᠲᠤᠬᠤ ᠮᠡᠳᠡᠭᠡ ᠵᠢᠯ ᠳᠠᠷᠠᠭᠠᠯᠠᠨ ᠥᠭᠡᠷᠡ ᠥᠭᠡᠷᠡ ᠪᠠᠢᠬᠤ ᠪᠣᠯᠣᠨᠠ᠃
47 ᠲᠡᠢᠨ ᠬᠦ ᠪᠢ ᠪᠠᠪᠢᠯᠣᠨ ᠤ ᠰᠢᠲᠦᠭᠡᠨ ᠨᠦᠭᠦᠳ ᠢ ᠰᠢᠳᠬᠡᠨᠡ ᠬᠠᠷᠠ᠂ ᠲᠡᠷᠡ ᠡᠳᠦᠷ ᠤᠳ ᠢᠷᠡᠵᠦ ᠪᠠᠢᠨᠠ ᠲᠡᠭᠦᠨ ᠦ ᠪᠦᠬᠦ ᠭᠠᠵᠠᠷ ᠨᠤᠲᠤᠭ ᠢᠴᠢᠭᠦᠷᠢ ᠳᠤ ᠣᠷᠣᠵᠤ ᠠᠯᠠᠭᠳᠠᠭᠰᠠᠳ ᠨᠢ ᠪᠦᠭᠦᠳᠡᠭᠡᠷ ᠲᠡᠨᠳᠡ ᠪᠡᠨ ᠤᠨᠠᠬᠤ ᠪᠣᠯᠣᠨᠠ᠃
48 ᠤᠮᠠᠷᠠᠲᠤ ᠠᠴᠠ ᠰᠦᠢᠳᠬᠡᠭᠴᠢᠳ ᠢᠷᠡᠬᠦ ᠳᠦ ᠲᠩᠷᠢ ᠭᠠᠵᠠᠷ ᠪᠣᠯᠣᠨ ᠲᠡᠨᠳᠡᠬᠢ ᠶᠢᠨ ᠬᠢᠨ ᠪᠦᠭᠦᠳᠡᠭᠡᠷ ᠪᠠᠪᠢᠯᠣᠨ ᠤ ᠤᠯᠠᠮ ᠢᠶᠠᠷ ᠪᠠᠶᠠᠷ ᠲᠠᠢ ᠪᠠᠷ ᠬᠠᠰᠬᠢᠷᠬᠤ ᠪᠣᠯᠣᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
49 ᠪᠠᠪᠢᠯᠣᠨ ᠢᠰᠷᠧᠯ ᠢ ᠤᠨᠠᠭᠠᠭᠰᠠᠨ ᠤᠴᠢᠷ ᠠᠴᠠ ᠤᠨᠠᠭᠠᠭᠰᠠᠨ ᠭᠦᠷᠦᠨ ᠨᠦᠭᠦᠳ ᠲᠡᠢ ᠪᠡᠨ ᠠᠳᠠᠯᠢ ᠤᠨᠠᠬᠤ ᠶᠣᠰᠣᠲᠠᠢ᠃
50 ᠡᠢᠮᠦ ᠡᠴᠡ ᠢᠯᠳᠦᠨ ᠡᠴᠡ ᠮᠤᠯᠲᠤᠷᠠᠭᠰᠠᠨ ᠬᠥᠮᠦᠰ ᠡ᠂ ᠶᠠᠪᠤ︕ ᠪᠦᠦ ᠵᠣᠭᠰᠣ︕ ᠠᠯᠤᠰ ᠲᠤ ᠪᠠᠢᠬᠤ ᠳᠠᠭᠠᠨ ᠴᠤ ᠶᠣᠬᠣᠸᠠ ᠶᠢ ᠰᠠᠨᠠ ᠶᠧᠷᠦ᠋ᠰᠠᠯᠧᠮ ᠢ ᠰᠠᠨᠠᠭᠠᠨ ᠳᠠᠭᠠᠨ ᠬᠠᠳᠠᠭᠠᠯᠠ᠃
51 ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠦ ᠠᠷᠢᠭᠤᠨ ᠭᠠᠵᠠᠷ ᠲᠤ ᠬᠠᠷᠢᠴᠤᠳ ᠣᠷᠣᠭᠰᠠᠨ ᠪᠠᠰᠤᠮᠵᠢᠯᠠᠯ ᠢ ᠨᠢ ᠰᠣᠨᠣᠰᠣᠭᠠᠳ ᠪᠢᠳᠡ ᠰᠢᠪᠰᠢᠭ ᠪᠣᠯᠣᠯᠠ ᠪᠢᠳᠡᠨ ᠦ ᠨᠢᠭᠤᠷ ᠢ ᠢᠴᠢᠭᠦᠷᠢ ᠪᠦᠷᠬᠦᠪᠡ᠃
52 《ᠲᠡᠢᠮᠦ ᠡᠴᠡ ᠪᠢ ᠲᠡᠭᠦᠨ ᠦ ᠰᠢᠲᠦᠭᠡᠨ ᠨᠦᠭᠦᠳ ᠢ ᠰᠢᠳᠬᠡᠨᠡ᠂ ᠬᠠᠷᠠ᠂ ᠲᠡᠷᠡ ᠡᠳᠦᠷ ᠤᠳ ᠢᠷᠡᠵᠦ ᠪᠠᠢᠨᠠ ᠲᠡᠭᠦᠨ ᠦ ᠣᠷᠣᠨ ᠳᠠᠶᠠᠭᠠᠷ ᠰᠢᠷᠬᠠᠲᠤᠭᠰᠠᠨ ᠣᠯᠠᠨ ᠶᠣᠣᠯᠠᠬᠤ ᠪᠣᠯᠣᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
53 《ᠬᠡᠳᠦᠢᠪᠡᠷ ᠪᠠᠪᠢᠯᠣᠨ ᠲᠩᠷᠢ ᠲᠤᠯᠤᠭᠰᠠᠨ ᠴᠤ ᠲᠣᠯᠣᠭᠠᠳ ᠳᠠᠬᠢ ᠴᠠᠢᠵᠠ ᠨᠤᠭᠤᠳ ᠢᠶᠠᠨ ᠪᠡᠬᠢᠯᠡᠭᠰᠡᠨ ᠴᠤ ᠪᠢ ᠰᠦᠢᠳᠬᠡᠭᠴᠢᠳ ᠢᠶᠠᠨ ᠲᠡᠭᠦᠨ ᠤᠷᠤᠭᠤ ᠶᠠᠪᠤᠭᠤᠯᠤᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
54 ᠪᠠᠪᠢᠯᠣᠨ ᠠᠴᠠ ᠬᠠᠰᠬᠢᠷᠤᠭᠠᠨ ᠤ ᠳᠠᠭᠤ ᠪᠠᠪᠢᠯᠣᠨᠴᠤᠳ ᠤᠨ ᠨᠤᠲᠤᠭ ᠠᠴᠠ ᠶᠡᠬᠡ ᠰᠦᠢᠷᠡᠯ ᠦᠨ ᠴᠢᠮᠡᠭᠡ ᠭᠠᠷᠪᠠ᠂
55 ᠶᠣᠬᠣᠸᠠ ᠪᠠᠪᠢᠯᠣᠨ ᠢ ᠤᠰᠠᠳᠬᠠᠬᠤ ᠭᠡᠵᠦ ᠪᠠᠢᠨᠠ ᠲᠡᠷᠡ ᠲᠡᠳᠡᠨ ᠦ ᠴᠢᠩᠭ᠍ᠠ ᠳᠠᠭᠤ ᠶᠢ ᠨᠠᠮ ᠪᠣᠯᠭᠠᠨᠠ᠂ ᠳᠠᠢᠰᠤᠨ ᠨᠤᠭᠤᠳ ᠤᠨ ᠬᠢᠨᠢ ᠳᠠᠪᠠᠯᠭᠠᠨ ᠶᠡᠬᠡ ᠤᠰᠤ ᠮᠡᠲᠦ ᠬᠦᠷᠬᠢᠷᠡᠵᠦ ᠲᠡᠳᠡᠨ ᠦ ᠬᠢᠨᠢ ᠳᠠᠭᠤ ᠯᠠ ᠰᠣᠨᠣᠰᠳᠠᠵᠤ ᠪᠠᠢᠨᠠ᠃
56 ᠦᠨᠡᠬᠡᠷ ᠪᠠᠪᠢᠯᠣᠨ ᠢ ᠰᠦᠢᠳᠬᠡᠭᠴᠢ ᠢᠷᠡᠨᠡ ᠪᠠᠪᠢᠯᠣᠨ ᠤ ᠳᠠᠢᠴᠢᠳ ᠣᠯᠵᠠᠯᠠᠭᠳᠠᠵᠤ ᠲᠡᠳᠡᠨ ᠦ ᠨᠤᠮᠤ ᠨᠤᠭᠤᠳ ᠬᠤᠭᠤᠯᠤᠭᠳᠠᠨᠠ ᠶᠣᠬᠣᠸᠠ ᠪᠣᠯ ᠬᠠᠷᠢᠭᠤ ᠠᠪᠳᠠᠭ ᠪᠤᠷᠬᠠᠨ᠂ ᠲᠡᠷᠡ ᠵᠠᠪᠠᠯ ᠬᠠᠷᠢᠭᠤᠯᠤᠨᠠ᠃
57 《ᠪᠢ ᠲᠡᠭᠦᠨ ᠦ ᠲᠦᠰᠢᠮᠡᠳ᠂ ᠲᠡᠭᠦᠨ ᠦ ᠮᠡᠷᠭᠡᠳ ᠲᠡᠭᠦᠨ ᠦ ᠵᠠᠬᠢᠷᠤᠭᠴᠢᠳ᠂ ᠲᠡᠭᠦᠨ ᠦ ᠲᠥᠯᠥᠭᠡᠯᠡᠭᠴᠢᠳ ᠪᠣᠯᠣᠨ ᠳᠠᠢᠴᠢᠳ ᠢ ᠰᠣᠭᠲᠣᠭᠠᠨᠠ ᠲᠡᠳᠡ ᠡᠭᠦᠷᠢᠳᠡ ᠨᠣᠢᠷᠰᠣᠵᠤ᠂ ᠰᠡᠷᠢᠬᠦ ᠦᠭᠡᠢ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠭᠳᠡᠳᠡᠭ ᠬᠠᠭᠠᠨ ᠠᠢᠯᠠᠳᠴᠤ ᠪᠠᠢᠨᠠ᠃
58 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠠᠪᠢᠯᠣᠨ ᠤ ᠥᠷᠭᠡᠨ ᠬᠡᠷᠡᠮ ᠪᠦᠷᠢᠮᠦᠰᠦᠨ ᠨᠤᠷᠠᠵᠤ᠂ ᠲᠡᠭᠦᠨ ᠦ ᠥᠨᠳᠥᠷ ᠬᠠᠭᠠᠯᠭᠠ ᠨᠤᠭᠤᠳ ᠭᠠᠯ ᠳᠤ ᠰᠢᠲᠠᠨᠠ ᠲᠡᠢᠨ ᠬᠦ ᠠᠷᠠᠳ ᠣᠯᠠᠨ ᠤ ᠬᠢᠭᠰᠡᠨ ᠠᠵᠢᠯ ᠲᠠᠯᠠᠭᠠᠷ ᠪᠣᠯᠵᠤ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠵᠦᠳᠡᠷᠡᠭᠰᠡᠨ ᠦᠢᠯᠡᠰ ᠭᠠᠯ ᠳᠤ ᠣᠷᠣᠨᠠ᠃》
59 ᠶᠦᠳᠠ ᠶᠢᠨ ᠬᠠᠭᠠᠨ ᠽᠧᠳᠧᠺᠢᠶᠠ ᠶᠢᠨ ᠬᠠᠭᠠᠨᠴᠢᠯᠠᠯ ᠤᠨ ᠬᠢᠨᠢ ᠳᠥᠷᠪᠡᠳᠦᠭᠡᠷ ᠣᠨ ᠳᠤ᠂ ᠲᠡᠭᠦᠨ ᠲᠡᠢ ᠬᠠᠮᠲᠤ ᠮᠠᠰᠧᠶᠠ ᠶᠢᠨ ᠠᠴᠢ᠂ ᠨᠧᠷᠢᠶᠠ ᠶᠢᠨ ᠬᠦᠦ᠂ ᠬᠠᠭᠠᠨ ᠤ ᠰᠢᠳᠠᠷ ᠲᠤᠰᠠᠯᠠᠭᠴᠢ ᠰᠧᠷᠠᠢᠶᠠ ᠪᠠᠪᠢᠯᠣᠨ ᠳᠤ ᠣᠴᠢᠬᠤ ᠪᠣᠯᠣᠯᠠ᠃ ᠲᠡᠷᠡ ᠦᠶᠡ ᠳᠦ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠧᠷᠧᠮᠢᠶᠠ ᠲᠡᠭᠦᠨ ᠳᠦ ᠦᠭᠡ ᠵᠠᠬᠢᠭᠰᠠᠨ ᠶᠤᠮ᠃ 60 ᠶᠧᠷᠧᠮᠢᠶᠠ ᠪᠠᠪᠢᠯᠣᠨ ᠳᠤ ᠪᠠᠭᠤᠬᠤ ᠠᠯᠢᠪᠠ ᠭᠠᠮᠰᠢᠭ ᠢ ᠨᠢᠭᠡᠨ ᠬᠤᠢᠯᠠᠮᠠᠯ ᠳᠤ ᠪᠢᠴᠢᠭᠰᠡᠨ ᠪᠠᠢᠯᠠ᠃ ᠪᠠᠪᠢᠯᠣᠨ ᠤ ᠲᠠᠯᠠ ᠪᠠᠷ ᠬᠢ ᠡᠨᠡ ᠪᠦᠬᠦ ᠦᠭᠡ ᠪᠢᠴᠢᠭᠳᠡᠭᠰᠡᠨ ᠠᠵᠢ᠃ 61 ᠶᠧᠷᠧᠮᠢᠶᠠ ᠰᠧᠷᠠᠢᠶᠠ ᠳᠤ᠄ 《ᠴᠢ ᠪᠠᠪᠢᠯᠣᠨ ᠳᠤ ᠬᠦᠷᠪᠡᠯ᠂ ᠡᠨᠡ ᠪᠦᠬᠦ ᠦᠭᠡ ᠶᠢ ᠴᠢᠩᠭ᠍ᠠ ᠪᠠᠷ ᠤᠩ᠋ᠰᠢᠵᠤ᠂ 62 ᠶᠣᠬᠣᠸᠠ ᠡᠨᠡ ᠭᠠᠵᠠᠷ ᠤᠨ ᠲᠤᠬᠠᠢ᠄ 〈ᠪᠢ ᠡᠭᠦᠨ ᠢ ᠤᠰᠠᠳᠬᠠᠵᠤ᠂ ᠡᠨᠡ ᠭᠠᠵᠠᠷ ᠬᠥᠮᠦᠨ ᠠᠮᠢᠲᠠᠨ ᠠᠮᠢᠳᠤᠷᠠᠬᠤ ᠦᠭᠡᠢ᠂ ᠡᠭᠦᠷᠢᠳᠡ ᠵᠡᠯᠢᠭᠦᠳ ᠪᠣᠯᠣᠨᠠ〉 ᠭᠡᠰᠡᠨ ᠭᠡᠵᠦ ᠬᠡᠯᠡᠭᠲᠦᠨ᠂ 63 ᠲᠡᠢᠨ ᠬᠦ ᠴᠢ ᠡᠨᠡ ᠬᠤᠢᠯᠠᠮᠠᠯ ᠢ ᠤᠩ᠋ᠰᠢᠵᠤ ᠳᠠᠭᠤᠰᠬᠠᠪᠠᠯ᠂ ᠲᠡᠭᠦᠨ ᠳᠦ ᠴᠢᠯᠠᠭᠤ ᠤᠶᠠᠵᠤ᠂ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠦ ᠭᠣᠣᠯ ᠤᠷᠤᠭᠤ ᠰᠢᠳᠡᠭᠡᠳ᠄ 64 〈ᠪᠠᠪᠢᠯᠣᠨ ᠮᠢᠨᠦ ᠠᠪᠴᠢᠷᠠᠬᠤ ᠭᠠᠮᠰᠢᠭ ᠠᠴᠠ ᠪᠣᠯᠵᠤ ᠡᠢᠨ ᠬᠦ ᠵᠢᠪᠴᠦ᠂ ᠳᠠᠬᠢᠨ ᠥᠨᠳᠡᠢᠬᠦ ᠦᠭᠡᠢ᠃ ᠲᠡᠳᠡ ᠳᠣᠷᠣᠢᠲᠠᠬᠤ ᠪᠣᠯᠣᠨᠠ〉 ᠭᠡᠰᠡᠨ ᠭᠡᠵᠦ ᠬᠡᠯᠡ》 ᠭᠡᠵᠡᠢ᠃ ᠡᠳᠡᠭᠡᠷ ᠨᠢ ᠶᠧᠷᠧᠮᠢᠶᠠ ᠶᠢᠨ ᠦᠭᠡᠰ ᠶᠤᠮ᠃