ᠶᠧᠷᠧᠮᠢᠶᠠ ᠲᠠᠪᠢ
ᠪᠠᠪᠢᠯᠣᠨ ᠤ ᠲᠠᠯᠠ ᠪᠠᠷ ᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠪᠠᠪᠢᠯᠣᠨᠴᠤᠳ ᠤᠨ ᠨᠤᠲᠤᠭ ᠪᠠᠪᠢᠯᠣᠨ ᠤ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠧᠷᠧᠮᠢᠶᠠ ᠪᠠᠷ ᠳᠠᠮᠵᠢᠭᠤᠯᠵᠤ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠤᠭᠰᠠᠨ ᠦᠭᠡ᠄
2 《ᠲᠠ ᠨᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠵᠠᠷᠯᠠᠵᠤ᠂ ᠰᠣᠨᠣᠰᠬᠠ ᠲᠤᠭ ᠡᠷᠭᠦᠵᠦ ᠰᠣᠨᠣᠰᠬᠠ ᠪᠦᠦ ᠨᠢᠭᠤ 〈ᠪᠠᠪᠢᠯᠣᠨ ᠡᠵᠡᠯᠡᠭᠳᠡᠨᠡ ᠪᠧᠯ ᠰᠢᠪᠰᠢᠭ ᠪᠣᠯᠵᠤ᠂ ᠮᠠᠷᠳᠣᠺ ᠨᠤᠷᠠᠨᠠ ᠬᠥᠷᠥᠭ ᠤᠳ ᠨᠢ ᠰᠢᠪᠰᠢᠭ ᠪᠣᠯᠵᠤ᠂ ᠰᠢᠲᠦᠭᠡᠨ ᠨᠦᠭᠦᠳ ᠨᠢ ᠨᠤᠷᠠᠨᠠ〉
3 ᠬᠣᠢᠲᠤ ᠵᠦᠭ ᠦᠨ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠲᠡᠭᠦᠨ ᠤᠷᠤᠭᠤ ᠳᠣᠪᠲᠣᠯᠵᠤ᠂ ᠭᠠᠵᠠᠷ ᠨᠤᠲᠤᠭ ᠢ ᠨᠢ ᠲᠠᠯᠬᠢᠳᠠᠨᠠ᠃ ᠬᠥᠮᠦᠨ ᠴᠤ᠂ ᠠᠷᠢᠶᠠᠲᠠᠨ ᠴᠤ ᠵᠢᠭᠤᠲᠠᠵᠤ᠂ ᠲᠡᠨᠳᠡ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠪᠣᠯᠣᠨᠠ᠃ 4 ᠲᠡᠷᠡ ᠴᠠᠭ ᠲᠤ᠂ ᠲᠡᠷᠡ ᠦᠶᠡ ᠳᠦ ᠢᠰᠷᠧᠯᠴᠦᠳ ᠶᠦᠳᠠᠴᠤᠳ ᠲᠠᠢ ᠬᠠᠮᠲᠤ ᠢᠷᠡᠨᠡ᠂ ᠤᠬᠢᠯᠠᠨ ᠢᠷᠡᠵᠦ ᠶᠣᠬᠣᠸᠠ ᠪᠤᠷᠬᠠᠨ ᠢᠶᠠᠨ ᠡᠷᠢᠬᠦ ᠪᠣᠯᠣᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 5 ᠲᠡᠳᠡ ᠨᠢᠭᠤᠷ ᠢᠶᠠᠨ ᠽᠢᠶᠣᠨ ᠥᠭᠡᠳᠡ ᠬᠠᠨᠳᠤᠭᠤᠯᠤᠨ ᠣᠴᠢᠬᠤ ᠵᠠᠮ ᠢᠶᠠᠨ ᠠᠰᠠᠭᠤᠭᠰᠠᠭᠠᠷ ᠢᠷᠡᠵᠦ᠂ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠮᠥᠩᠬᠡ ᠶᠢᠨ ᠭᠡᠷᠡ ᠪᠡᠷ ᠶᠣᠬᠣᠸᠠ ᠲᠠᠢ ᠨᠢᠭᠡᠳᠦᠨᠡ᠃
6 ᠠᠷᠠᠳ ᠲᠦᠮᠡᠨ ᠮᠢᠨᠢ ᠠᠯᠳᠠᠭᠳᠠᠭᠰᠠᠨ ᠬᠣᠨᠢᠳ ᠪᠠᠢᠵᠠᠢ᠂ ᠬᠣᠨᠢᠴᠢᠳ ᠨᠢ ᠲᠡᠳᠡᠨ ᠢ ᠲᠥᠭᠡᠷᠢᠭᠦᠯᠦᠭᠰᠡᠨ ᠪᠢᠯᠡ᠂ ᠲᠡᠳᠡ ᠠᠭᠤᠯᠠ ᠠᠭᠤᠯᠠ ᠪᠠᠷ ᠲᠡᠨᠦᠵᠦ ᠠᠭᠤᠯᠠ ᠠᠴᠠ ᠲᠣᠯᠣᠭᠠᠳ ᠤᠷᠤᠭᠤ ᠶᠠᠪᠤᠵᠤ ᠠᠮᠠᠷᠠᠬᠤ ᠭᠠᠵᠠᠷ ᠢᠶᠠᠨ ᠮᠠᠷᠲᠠᠵᠠᠢ᠂
7 ᠲᠡᠳᠡᠨ ᠢ ᠣᠯᠣᠭᠰᠠᠨ ᠪᠦᠬᠦᠨ ᠲᠡᠳᠡᠨ ᠢ ᠵᠠᠯᠭᠢᠪᠠ᠂ ᠳᠠᠢᠰᠤᠨ ᠨᠤᠭᠤᠳ ᠨᠢ᠄ 《ᠪᠢᠳᠡ ᠭᠡᠮ ᠪᠤᠷᠤᠭᠤ ᠦᠭᠡᠢ᠃ ᠲᠡᠳᠡᠨ ᠦ ᠡᠴᠢᠭᠡ ᠡᠪᠦᠭᠡᠳ ᠦᠨ ᠨᠠᠢᠳᠠᠪᠤᠷᠢ ᠪᠠᠢᠭᠰᠠᠨ ᠶᠣᠬᠣᠸᠠ ᠲᠡᠳᠡᠨ ᠦ ᠦᠨᠡᠨ ᠦ ᠪᠡᠯᠴᠢᠭᠡᠷ ᠪᠠᠢᠬᠤ ᠳᠤ᠂ ᠲᠡᠳᠡ ᠶᠣᠬᠣᠸᠠ ᠳᠤ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠪᠢᠯᠡ》 ᠭᠡᠰᠡᠨ ᠪᠠᠢᠨᠠ᠃
8 《ᠲᠠ ᠨᠠᠷ ᠰᠦᠷᠦᠭ ᠦᠨ ᠮᠠᠩᠯᠠᠢ ᠤᠬᠤᠨᠠ ᠮᠡᠲᠦ ᠪᠠᠪᠢᠯᠣᠨ ᠠᠴᠠ ᠵᠢᠭᠤᠲᠠ ᠪᠠᠪᠢᠯᠣᠨᠴᠤᠳ ᠤᠨ ᠨᠤᠲᠤᠭ ᠠᠴᠠ ᠵᠠᠢᠯᠠ᠂
9 ᠤᠴᠢᠷ ᠨᠢ᠂ ᠪᠢ ᠤᠮᠠᠷᠠᠲᠤ ᠵᠦᠭ ᠲᠦ ᠬᠦᠴᠦᠲᠦ ᠭᠦᠷᠦᠨ ᠨᠦᠭᠦᠳ ᠦᠨ ᠬᠣᠯᠪᠣᠭᠠ ᠶᠢ ᠡᠭᠦᠰᠭᠡᠨᠡ ᠲᠡᠳᠡᠨ ᠢ ᠪᠠᠪᠢᠯᠣᠨ ᠳᠤ ᠠᠪᠴᠢᠷᠠᠨᠠ᠃ ᠲᠡᠳᠡ ᠲᠡᠭᠦᠨ ᠦ ᠡᠰᠡᠷᠭᠦ ᠪᠠᠢᠯᠳᠤᠭᠠᠨ ᠤ ᠵᠢᠭᠰᠠᠭᠠᠯ ᠪᠡᠯᠡᠳᠦᠭᠡᠳ ᠤᠮᠠᠷᠠ ᠵᠦᠭ ᠡᠴᠡ ᠢᠷᠡᠭᠡᠳ ᠲᠡᠭᠦᠨ ᠢ ᠡᠵᠡᠯᠡᠨᠡ᠃ ᠲᠡᠳᠡᠨ ᠦ ᠰᠤᠮᠤ ᠨᠤᠭᠤᠳ ᠭᠠᠷ ᠬᠣᠭᠣᠰᠣᠨ ᠪᠤᠴᠠᠳᠠᠭ ᠦᠭᠡᠢ ᠬᠠᠰᠢᠷ ᠳᠠᠢᠴᠢᠨ ᠮᠡᠲᠦ᠂
10 ᠪᠠᠪᠢᠯᠣᠨ ᠲᠣᠨᠣᠭᠳᠠᠨᠠ᠂ ᠲᠣᠨᠣᠭᠴᠢ ᠪᠦᠬᠦᠨ ᠬᠠᠨᠲᠠᠯᠠ ᠪᠠᠨ ᠲᠣᠨᠣᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
11 《ᠮᠢᠨᠦ ᠥᠮᠴᠢ ᠶᠢ ᠳᠡᠭᠡᠷᠡᠮᠳᠡᠭᠴᠢᠳ ᠡ᠂ ᠲᠠ ᠨᠠᠷ ᠪᠠᠶᠠᠷ ᠬᠥᠷ ᠲᠡᠢ ᠪᠠᠢᠵᠤ᠂ ᠪᠡᠯᠴᠢᠭᠡᠷ ᠳᠠᠬᠢ ᠭᠤᠨᠵᠢ ᠮᠡᠲᠦ ᠣᠭᠣᠳᠣᠩ᠋ᠨᠠᠨ᠂ ᠠᠵᠢᠷᠭᠠ ᠨᠤᠭᠤᠳ ᠮᠡᠲᠦ ᠢᠨᠴᠠᠭᠠᠳᠠᠭ ᠪᠣᠯᠪᠠᠴᠤ
12 ᠡᠬᠡ ᠴᠢᠨᠢ ᠠᠶᠤᠮᠰᠢᠭᠲᠤ ᠢᠴᠢᠭᠦᠷᠢ ᠳᠤ ᠣᠷᠣᠨ ᠴᠢᠮᠠᠶᠢ ᠲᠥᠷᠥᠭᠦᠯᠦᠭᠰᠡᠨ ᠡᠬᠡ ᠳᠣᠷᠣᠮᠵᠢᠯᠠᠭᠳᠠᠨᠠ ᠬᠠᠷᠠ᠂ ᠲᠡᠷᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠠᠳᠠᠭ ᠲᠤ ᠲᠣᠭᠠᠴᠠᠭᠳᠠᠵᠤ᠂ ᠭᠠᠩ᠋ᠳᠠᠭᠰᠠᠨ ᠭᠠᠵᠠᠷ᠂ ᠵᠡᠯᠢᠭᠦᠳ ᠴᠥᠯ ᠪᠣᠯᠣᠨᠠ᠃
13 ᠶᠣᠬᠣᠸᠠ ᠶᠢᠨ ᠬᠢᠯᠢᠩ ᠤᠨ ᠤᠯᠠᠮ ᠢᠶᠠᠷ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠨᠢᠭᠡᠮᠦᠰᠦᠨ ᠡᠵᠡᠭᠦᠢᠷᠡᠨᠡ ᠪᠠᠪᠢᠯᠣᠨ ᠤ ᠬᠠᠵᠠᠭᠤ ᠪᠠᠷ ᠥᠩᠭᠡᠷᠡᠭᠴᠢ ᠪᠦᠬᠦᠨ ᠠᠶᠤᠬᠤ ᠪᠥᠭᠡᠳ ᠪᠦᠬᠦ ᠭᠠᠢ ᠭᠠᠮᠰᠢᠭ ᠠᠴᠠ ᠨᠢ ᠪᠣᠯᠵᠤ ᠢᠰᠭᠡᠷᠬᠦ ᠪᠣᠯᠣᠨᠠ᠃
14 ᠨᠤᠮᠤ ᠲᠠᠲᠠᠳᠠᠭ ᠲᠠ ᠪᠦᠬᠦᠨ ᠪᠠᠪᠢᠯᠣᠨ ᠢ ᠪᠦᠰᠡᠯᠡᠨ ᠪᠠᠢᠯᠳᠤᠭᠠᠨ ᠤ ᠵᠢᠭᠰᠠᠭᠠᠯ ᠪᠡᠯᠡᠳᠬᠡᠵᠡᠭᠡ ᠲᠡᠷᠡ ᠪᠡᠷ ᠶᠣᠬᠣᠸᠠ ᠳᠤ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ᠂ ᠲᠡᠭᠦᠨ ᠤᠷᠤᠭᠤ ᠰᠤᠮᠤ ᠪᠠᠨ ᠬᠠᠷᠠᠮᠨᠠᠯ ᠦᠭᠡᠢ ᠬᠠᠷᠪᠤ᠃
15 ᠲᠡᠭᠦᠨ ᠢ ᠪᠦᠰᠡᠯᠡ᠂ ᠲᠠᠯᠠ ᠪᠦᠷᠢ ᠡᠴᠡ ᠨᠢ ᠤᠤᠬᠠᠢ ᠬᠠᠰᠬᠢᠷ ᠲᠡᠷᠡ ᠪᠡᠷ ᠪᠠᠭᠤᠵᠤ ᠥᠭᠭᠥᠯᠡ︕ ᠲᠡᠭᠦᠨ ᠦ ᠴᠠᠢᠵᠠ ᠨᠤᠭᠤᠳ ᠨᠤᠷᠠᠵᠤ᠂ ᠬᠡᠷᠡᠮ ᠬᠠᠨᠠ ᠨᠢ ᠬᠡᠮᠬᠡᠷᠡᠵᠡᠢ᠃ ᠶᠣᠬᠣᠸᠠ ᠡᠢᠨ ᠬᠦ ᠥᠰᠢᠶᠡ ᠠᠪᠤᠨᠠ᠂ ᠪᠠᠪᠢᠯᠣᠨ ᠠᠴᠠ ᠥᠰᠢᠶᠡ ᠠᠪ᠂ ᠲᠡᠭᠦᠨ ᠦ ᠦᠢᠯᠡᠳᠦᠭᠰᠡᠨ ᠰᠢᠭ ᠲᠡᠭᠦᠨ ᠳᠦ ᠦᠢᠯᠡᠳ᠃
16 ᠪᠠᠪᠢᠯᠣᠨ ᠳᠤ ᠦᠷᠡ ᠰᠠᠴᠤᠭᠴᠢ ᠶᠢ ᠴᠤ᠂ ᠬᠤᠷᠢᠶᠠᠯᠲᠠ ᠬᠤᠷᠢᠶᠠᠬᠤ ᠬᠠᠳᠤᠭᠴᠢ ᠶᠢ ᠴᠤ ᠪᠦᠦ ᠦᠯᠡᠳᠡᠭᠡ᠂ ᠰᠦᠢᠳᠬᠡᠭᠴᠢ ᠢᠯᠳᠦᠨ ᠦ ᠡᠮᠦᠨᠡ ᠲᠡᠳᠡᠨ ᠦ ᠬᠥᠮᠦᠨ ᠪᠦᠷᠢ ᠡᠷᠭᠢᠵᠦ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠨᠤᠲᠤᠭ ᠤᠷᠤᠭᠤ ᠵᠢᠭᠤᠲᠠᠬᠤ ᠪᠣᠯᠣᠨᠠ᠃
17 ᠢᠰᠷᠧᠯ ᠪᠣᠯ ᠪᠤᠲᠠᠷᠠᠭᠰᠠᠨ ᠬᠣᠨᠢᠨ ᠰᠦᠷᠦᠭ᠂ ᠠᠷᠰᠯᠠᠨ ᠨᠤᠭᠤᠳ ᠲᠡᠭᠦᠨ ᠢ ᠨᠡᠬᠡᠪᠡ᠃ ᠡᠬᠢᠯᠡᠭᠡᠳ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠲᠡᠭᠦᠨ ᠢ ᠢᠳᠡᠵᠦ᠂ ᠳᠠᠷᠠᠭᠠ ᠨᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠲᠡᠭᠦᠨ ᠦ ᠶᠠᠰᠤ ᠶᠢ ᠬᠤᠭᠤᠯᠵᠠᠢ᠃ 18 ᠲᠡᠢᠮᠦ ᠡᠴᠡ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠪᠢ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠢ ᠰᠢᠳᠬᠡᠭᠰᠡᠨ ᠰᠢᠭ ᠢᠶᠠᠨ ᠪᠠᠪᠢᠯᠣᠨ ᠤ ᠬᠠᠭᠠᠨ ᠢ ᠭᠠᠵᠠᠷ ᠨᠤᠲᠤᠭ ᠲᠠᠢ ᠨᠢ ᠰᠢᠳᠬᠡᠬᠦ ᠭᠡᠵᠦ ᠪᠠᠢᠨᠠ᠃ 19 ᠬᠠᠷᠢᠨ ᠪᠢ ᠢᠰᠷᠧᠯ ᠢ ᠪᠡᠯᠴᠢᠭᠡᠷ ᠲᠤᠨᠢ ᠪᠤᠴᠠᠭᠠᠨ ᠠᠪᠴᠢᠷᠠᠶᠠ᠂ ᠲᠡᠷᠡ ᠪᠡᠷ ᠺᠠᠷᠮᠧᠯ ᠪᠣᠯᠣᠨ ᠪᠠᠱᠠᠨ ᠳᠤ ᠢᠳᠡᠰᠢᠯᠡᠵᠦ᠂ ᠡᠹᠷᠠᠢᠮ ᠤᠨ ᠲᠣᠯᠣᠭᠠᠳ ᠪᠣᠯᠣᠨ ᠭᠢᠯᠧᠶᠠᠳ᠋ ᠤᠨ ᠨᠤᠲᠤᠭ ᠲᠤ ᠰᠡᠳᠬᠢᠯ ᠬᠠᠩ᠋ᠭᠠᠯᠤᠭᠤᠨ ᠪᠣᠯᠣᠨᠠ᠃ 20 ᠲᠡᠷᠡ ᠡᠳᠦᠷ ᠤᠳ᠂ ᠲᠡᠷᠡ ᠴᠠᠭ ᠲᠤ ᠪᠢ ᠦᠯᠡᠳᠡᠭᠡᠭᠰᠡᠨ ᠠᠷᠠᠳ ᠲᠦᠮᠡᠨ ᠢᠶᠡᠨ ᠥᠷᠥᠰᠢᠶᠡᠨᠡ᠂ ᠢᠰᠷᠧᠯ ᠡᠴᠡ ᠭᠡᠮ ᠪᠤᠷᠤᠭᠤ ᠶᠢ ᠬᠠᠢᠭᠰᠠᠨ ᠴᠤ ᠣᠯᠬᠤ ᠦᠭᠡᠢ᠂ ᠶᠦᠳᠠ ᠠᠴᠠ ᠨᠢᠭᠦᠯ ᠤᠳ ᠢ ᠬᠠᠢᠭᠰᠠᠨ ᠴᠤ ᠣᠯᠬᠤ ᠦᠭᠡᠢ᠃〉 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
21 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠴᠢ ᠮᠧᠷᠠᠲ᠋ᠠᠢᠮ ᠤᠨ ᠨᠤᠲᠤᠭ ᠲᠤ ᠣᠴᠢᠵᠤ ᠲᠡᠭᠦᠨ ᠢ᠂ ᠮᠥᠨ ᠫᠧᠺᠣᠳ᠋ ᠤᠨ ᠰᠠᠭᠤᠭᠠᠯᠢᠴᠢᠳ ᠢ ᠳᠣᠪᠲᠣᠯ ᠲᠡᠳᠡᠨ ᠢ ᠰᠥᠨᠥᠭᠡᠵᠦ᠂ ᠬᠦᠢᠰᠦ ᠲᠡᠮᠲᠡᠷᠢ᠂》 《ᠡᠳᠡᠭᠡᠷ ᠢ ᠴᠢ ᠵᠠᠬᠢᠭᠰᠠᠨ ᠪᠦᠬᠦᠨ ᠦ ᠮᠢᠨᠢ ᠳᠠᠭᠠᠤ ᠦᠢᠯᠡᠳ᠃
22 ᠲᠡᠷᠡ ᠨᠤᠲᠤᠭ ᠲᠤ ᠲᠤᠯᠤᠯᠳᠤᠭᠠᠨ ᠤ ᠴᠢᠮᠡᠭᠡ ᠪᠣᠯᠣᠨ ᠶᠡᠬᠡ ᠲᠠᠯᠬᠢᠳᠠᠯ ᠤᠨ ᠱᠤᠤᠭᠢᠶᠠᠨ ᠪᠠᠢᠬᠤ ᠪᠣᠯᠣᠨᠠ᠂
23 ᠪᠦᠬᠦ ᠭᠠᠵᠠᠷ ᠳᠡᠯᠡᠬᠡᠢ ᠶᠢᠨ ᠠᠯᠤᠬᠠ ᠪᠠᠢᠭᠰᠠᠨ ᠲᠡᠷᠡ ᠬᠡᠷᠬᠢᠨ ᠲᠠᠰᠤᠯᠤᠭᠳᠠᠵᠤ ᠬᠤᠭᠤᠷᠠᠪᠠ ᠡ︕ ᠪᠠᠪᠢᠯᠣᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠵᠢᠭ᠍ᠰᠢᠯ ᠪᠣᠯᠣᠭᠰᠠᠨ ᠪᠠᠢᠨᠠ᠂
24 ᠪᠠᠪᠢᠯᠣᠨ ᠡ᠂ ᠪᠢ ᠴᠢᠮᠠ ᠳᠤ ᠤᠷᠠᠬᠠ ᠲᠠᠯᠪᠢᠭᠰᠠᠨ ᠴᠢ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠷᠢᠭᠳᠠᠵᠠᠢ ᠴᠢ ᠶᠣᠬᠣᠸᠠ ᠲᠠᠢ ᠰᠥᠷᠭᠡᠦᠴᠡᠯᠳᠦᠭᠰᠡᠨ ᠤᠴᠢᠷ ᠣᠯᠳᠠᠵᠤ ᠪᠠᠷᠢᠭᠳᠠᠭᠰᠠᠨ ᠶᠤᠮ᠃》
25 ᠶᠣᠬᠣᠸᠠ ᠵᠡᠪᠰᠡᠭ ᠦᠨ ᠬᠥᠮᠥᠷᠭᠡ ᠪᠡᠨ ᠨᠡᠭᠡᠭᠡᠵᠦ ᠠᠭᠤᠷ ᠬᠢᠯᠢᠩ ᠤᠨ ᠵᠡᠪᠰᠡᠭ ᠢᠶᠡᠨ ᠭᠠᠷᠭᠠᠯᠠ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠠᠪᠢᠯᠣᠨᠴᠤᠳ ᠤᠨ ᠨᠤᠲᠤᠭ ᠲᠤ ᠲᠡᠢᠨ ᠬᠦ ᠦᠢᠯᠡᠳᠬᠦ ᠭᠡᠵᠦ ᠪᠠᠢᠨᠠ᠃
26 ᠬᠣᠯᠠ ᠶᠢᠨ ᠬᠢᠵᠠᠭᠠᠷ ᠠᠴᠠ ᠢᠷᠡᠵᠦ᠂ ᠲᠡᠭᠦᠨ ᠢ ᠴᠣᠬᠢᠵᠠᠭᠠ᠂ ᠬᠥᠮᠥᠷᠭᠡ ᠨᠦᠭᠦᠳ ᠢ ᠨᠢ ᠨᠡᠭᠡᠭᠡ᠂ ᠶᠠᠭᠤᠮᠠ ᠶᠢ ᠨᠢ ᠣᠪᠣᠭᠠ ᠮᠡᠲᠦ ᠣᠪᠣᠭᠠᠯᠠ᠂ ᠲᠡᠭᠦᠨ ᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠ᠂ ᠲᠡᠭᠦᠨ ᠳᠦ ᠶᠠᠭᠤ ᠴᠤ ᠪᠦᠦ ᠦᠯᠡᠳᠡᠭᠡ᠃
27 ᠲᠡᠭᠦᠨ ᠦ ᠪᠦᠬᠦ ᠵᠠᠯᠠᠭᠤ ᠪᠤᠬᠠ ᠶᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠ ᠲᠡᠳᠡᠨ ᠢ ᠨᠢᠲᠤᠯᠬᠤ ᠭᠠᠵᠠᠷ ᠤᠷᠤᠭᠤ ᠶᠠᠪᠤᠭᠤᠯ︕ ᠲᠡᠳᠡᠨ ᠦ ᠡᠳᠦᠷ᠂ ᠲᠡᠳᠡᠨ ᠦ ᠰᠢᠳᠬᠡᠭᠳᠡᠬᠦ ᠴᠠᠭ ᠢᠷᠡᠭᠰᠡᠨ᠂ ᠲᠡᠳᠡ ᠭᠠᠰᠯᠠᠩᠲᠠᠶᠠ᠂
28 《ᠪᠠᠪᠢᠯᠣᠨ ᠠᠴᠠ ᠵᠢᠭᠤᠲᠠᠭᠰᠠᠨ ᠣᠷᠭᠣᠳᠤᠤᠯ ᠤᠨ ᠬᠢ ᠶᠢ ᠰᠣᠨᠣᠰ᠂ ᠲᠡᠳᠡ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠥᠰᠢᠶᠡ ᠠᠪᠤᠭᠰᠠᠨ ᠢ᠂ ᠥᠪᠡᠷ ᠦᠨ ᠢᠶᠠᠨ ᠣᠷᠳᠣᠨ ᠤ ᠲᠥᠯᠥᠭᠡ ᠥᠰᠢᠶᠡ ᠠᠪᠤᠭᠰᠠᠨ ᠢ ᠽᠢᠶᠣᠨ ᠳᠤ ᠵᠠᠷᠯᠠᠵᠤ ᠪᠠᠢᠨᠠ᠂
29 ᠪᠠᠪᠢᠯᠣᠨ ᠤᠷᠤᠭᠤ ᠨᠤᠮᠤ ᠲᠠᠲᠠᠵᠤ ᠰᠤᠮᠤ ᠬᠠᠷᠪᠤᠵᠤ ᠴᠢᠳᠠᠬᠤ ᠪᠦᠭᠦᠳᠡ ᠶᠢ ᠳᠠᠭᠤᠳᠠ ᠲᠡᠭᠦᠨ ᠢ ᠪᠦᠰᠡᠯᠡᠨ ᠬᠤᠸᠠᠷᠠᠩᠨᠠᠵᠤ᠂ ᠬᠡᠨ ᠢ ᠴᠤ ᠪᠦᠦ ᠳᠤᠲᠠᠭᠠᠯᠭᠠ᠂ ᠦᠢᠯᠡᠳᠦᠭᠰᠡᠨ ᠦ ᠬᠢᠨᠢ ᠳᠠᠭᠠᠤ ᠲᠡᠭᠦᠨ ᠳᠦ ᠬᠠᠷᠢᠭᠤᠯ ᠬᠢᠭᠰᠡᠨ ᠪᠦᠬᠦᠨ ᠦ ᠬᠢᠨᠢ ᠳᠠᠭᠠᠤ ᠲᠡᠭᠦᠨ ᠳᠦ ᠬᠢ᠂ ᠲᠡᠷᠡ ᠪᠡᠷ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠪᠣᠯᠬᠤ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠣᠩᠭᠢᠷᠠᠭᠰᠠᠨ ᠲᠤᠯᠠ
30 ᠲᠡᠷᠡ ᠡᠳᠦᠷ ᠲᠡᠭᠦᠨ ᠦ ᠭᠤᠳᠤᠮᠵᠢ ᠨᠤᠭᠤᠳ ᠲᠤ ᠵᠠᠯᠠᠭᠤᠰ ᠨᠢ ᠤᠨᠠᠵᠤ ᠳᠠᠢᠴᠢᠳ ᠨᠢ ᠪᠦᠭᠦᠳᠡᠭᠡᠷ ᠤᠰᠠᠳᠬᠠᠭᠳᠠᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
31 ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠠᠷᠳᠠᠮᠨᠠᠭᠴᠢ ᠡ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ》 《ᠴᠢᠨᠦ ᠡᠳᠦᠷ᠂ ᠴᠢᠨᠦ ᠰᠢᠳᠬᠡᠭᠳᠡᠬᠦ ᠴᠠᠭ ᠪᠣᠯᠣᠯᠠ᠃
32 ᠣᠩ᠋ᠭᠢᠷᠠᠭᠠ ᠨᠢᠭᠡᠨ ᠪᠦᠳᠦᠷᠢᠵᠦ ᠤᠨᠠᠬᠤ ᠳᠤ ᠪᠣᠰᠬᠠᠬᠤ ᠬᠥᠮᠦᠨ ᠦᠭᠡᠢ ᠪᠣᠯᠣᠨᠠ ᠪᠢ ᠲᠡᠭᠦᠨ ᠦ ᠬᠣᠲᠠ ᠲᠣᠰᠬᠣᠳ ᠲᠤ ᠭᠠᠯ ᠲᠠᠯᠪᠢᠨᠠ᠂ ᠲᠡᠷᠡ ᠭᠠᠯ ᠡᠷᠭᠢᠨ ᠲᠣᠭᠣᠷᠢᠨ ᠤ ᠬᠢᠨᠢ ᠪᠦᠭᠦᠳᠡ ᠶᠢ ᠵᠠᠯᠭᠢᠨᠠ᠃》
33 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠢᠰᠷᠧᠯᠴᠦᠳ ᠴᠤ᠂ ᠶᠦᠳᠠᠴᠤᠳ ᠴᠤ ᠳᠠᠷᠤᠯᠠᠭᠳᠠᠵᠤ ᠪᠠᠢᠨᠠ ᠲᠡᠳᠡᠨ ᠢ ᠣᠯᠵᠠᠯᠠᠭᠰᠠᠨ ᠪᠦᠬᠦᠨ ᠲᠡᠳᠡᠨ ᠢ ᠴᠢᠩᠭ᠍ᠠ ᠪᠠᠷᠢᠵᠤ᠂ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠢᠨᠠ᠃
34 ᠬᠠᠷᠢᠨ ᠲᠡᠳᠡᠨ ᠦ ᠠᠪᠤᠷᠠᠭᠴᠢ ᠨᠢ ᠬᠦᠴᠦᠲᠡᠢ᠂ ᠲᠡᠭᠦᠨ ᠦ ᠨᠡᠷᠡ ᠶᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠳᠡᠭ ᠲᠡᠷᠡ ᠪᠡᠷ ᠲᠡᠳᠡᠨ ᠦ ᠬᠡᠷᠡᠭ ᠢ ᠭᠠᠷᠴᠠᠭᠠ ᠦᠭᠡᠢ ᠥᠮᠥᠭᠯᠡᠵᠦ ᠭᠠᠵᠠᠷ ᠨᠤᠲᠤᠭ ᠤᠨ ᠬᠢᠨ ᠢ ᠨᠢ ᠠᠮᠠᠷᠠᠭᠠᠬᠤ ᠪᠣᠯᠪᠠᠴᠤ ᠪᠠᠪᠢᠯᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠢ ᠲᠦᠭᠰᠢᠭᠡᠬᠦ ᠪᠣᠯᠣᠨᠠ᠃
35 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ ᠢᠯᠳᠦ ᠪᠠᠪᠢᠯᠣᠨᠴᠤᠳ ᠤᠷᠤᠭᠤ ᠪᠠᠪᠢᠯᠣᠨ ᠤ ᠰᠠᠭᠤᠭᠠᠯᠢᠴᠢᠳ᠂ ᠲᠡᠭᠦᠨ ᠦ ᠲᠦᠰᠢᠮᠡᠳ ᠪᠣᠯᠣᠨ ᠲᠡᠭᠦᠨ ᠦ ᠮᠡᠷᠭᠡᠳ ᠤᠷᠤᠭᠤ ᠴᠢᠭᠯᠡᠯᠡ︕》
36 《ᠢᠯᠳᠦ ᠬᠠᠭᠤᠷᠮᠠᠭ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠤᠷᠤᠭᠤ ᠨᠢ ᠴᠢᠭᠯᠡᠬᠦ ᠳᠦ᠂ ᠲᠡᠳᠡ ᠲᠡᠨᠡᠭ ᠪᠣᠯᠵᠤ ᠢᠯᠳᠦ ᠳᠠᠢᠴᠢᠳ ᠤᠷᠤᠭᠤ ᠨᠢ ᠴᠢᠭᠯᠡᠬᠦ ᠳᠦ᠂ ᠲᠡᠳᠡ ᠲᠦᠭᠰᠢᠵᠦ
37 ᠢᠯᠳᠦ ᠲᠡᠭᠦᠨ ᠦ ᠲᠡᠷᠭᠡ᠂ ᠮᠣᠷᠢᠳ᠂ ᠲᠡᠳᠡᠨ ᠦ ᠳᠤᠮᠳᠠ ᠪᠤᠢ ᠪᠦᠬᠦ ᠬᠠᠷᠢ ᠶᠢᠨ ᠴᠡᠷᠢᠭ ᠤᠷᠤᠭᠤ ᠴᠢᠭᠯᠡᠬᠦ ᠳᠦ᠂ ᠲᠡᠳᠡ ᠡᠮᠡᠭᠲᠡᠢ ᠬᠥᠮᠦᠨ ᠮᠡᠲᠦ ᠪᠣᠯᠵᠤ ᠢᠯᠳᠦ ᠲᠡᠭᠦᠨ ᠦ ᠡᠷᠳᠡᠨᠢᠰ ᠤᠷᠤᠭᠤ ᠴᠢᠭᠯᠡᠬᠦ ᠳᠦ᠂ ᠲᠡᠳᠡ ᠲᠣᠨᠣᠭᠳᠠᠨᠠ᠂
38 ᠭᠠᠩ ᠭᠠᠴᠢᠭ ᠲᠡᠭᠦᠨ ᠦ ᠤᠰᠤ ᠤᠷᠤᠭᠤ ᠴᠢᠭᠯᠡᠬᠦ ᠳᠦ᠂ ᠤᠰᠤ ᠨᠢ ᠰᠢᠷᠭᠢᠨᠡ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠲᠡᠷᠡ ᠨᠤᠲᠤᠭ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠷ ᠳᠦᠭᠦᠷᠡᠩ ᠠᠷᠠᠳ ᠲᠦᠮᠡᠨ ᠨᠢ ᠠᠶᠤᠮᠰᠢᠭᠲᠤ ᠰᠢᠲᠦᠭᠡᠨ ᠨᠦᠭᠦᠳ ᠡᠴᠡ ᠪᠣᠯᠵᠤ ᠭᠠᠯᠵᠠᠭᠤᠷᠠᠭᠰᠠᠨ᠃
39 ᠲᠡᠢᠮᠦ ᠡᠴᠡ ᠴᠥᠯ ᠦᠨ ᠠᠷᠢᠶᠠᠲᠠᠨ᠂ ᠴᠢᠨᠣᠠ᠂ ᠲᠡᠮᠡᠭᠡᠨ ᠬᠢᠷᠭᠤᠤᠯ ᠲᠡᠨᠳᠡ ᠠᠮᠢᠳᠤᠷᠠᠨᠠ ᠲᠡᠷᠡ ᠭᠠᠵᠠᠷ ᠬᠡᠵᠢᠶᠡ ᠴᠤ ᠳᠠᠬᠢᠨ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠪᠣᠯᠬᠤ ᠦᠭᠡᠢ ᠲᠡᠢᠨ ᠬᠦ ᠦᠶᠡ ᠶᠢᠨ ᠦᠶᠡ ᠳᠦ ᠠᠮᠢᠳᠤᠷᠠᠬᠤ ᠬᠥᠮᠦᠨ ᠦᠭᠡᠢ ᠪᠣᠯᠣᠨᠠ᠃
40 ᠪᠤᠷᠬᠠᠨ ᠰᠣᠳᠣᠮ ᠪᠣᠯᠣᠨ ᠭᠣᠮᠣᠷᠠ ᠶᠢ ᠬᠥᠷᠰᠢ ᠬᠣᠲᠠ ᠨᠤᠭᠤᠳ ᠤᠨ ᠬᠢᠨᠢ ᠬᠠᠮᠲᠤ ᠬᠥᠮᠥᠷᠢᠭᠰᠡᠨ ᠰᠢᠭ ᠢᠶᠠᠨ ᠲᠡᠨᠳᠡᠬᠢ ᠶᠢ ᠦᠯᠡᠳᠡᠬᠦ ᠬᠥᠮᠦᠨ ᠦᠭᠡᠢ᠂ ᠰᠠᠭᠤᠬᠤ ᠬᠥᠮᠦᠨ ᠦᠭᠡᠢ ᠪᠣᠯᠭᠠᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
41 《ᠬᠠᠷᠠ᠂ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠤᠮᠠᠷᠠᠲᠤ ᠵᠦᠭ ᠡᠴᠡ ᠢᠷᠡᠵᠦ ᠪᠠᠢᠨᠠ︕ ᠨᠢᠭᠡᠨ ᠠᠭᠤᠤ ᠦᠨᠳᠦᠰᠦᠲᠡᠨ ᠣᠯᠠᠨ ᠬᠠᠭᠠᠨ ᠲᠠᠢ ᠬᠠᠮᠲᠤ ᠭᠠᠵᠠᠷ ᠤᠨ ᠬᠢᠵᠠᠭᠠᠷ ᠠᠴᠠ ᠬᠥᠳᠡᠯᠦᠨ ᠭᠠᠷᠴᠤ ᠪᠠᠢᠨᠠ᠃
42 ᠲᠡᠳᠡ ᠨᠤᠮᠤ ᠵᠢᠳᠠ ᠪᠠᠷᠢᠪᠠ ᠬᠠᠷᠭᠢᠰ ᠪᠥᠭᠡᠳ ᠥᠷᠥᠰᠢᠶᠡᠯ ᠦᠭᠡᠢ ᠳᠠᠭᠤ ᠨᠢ ᠳᠠᠯᠠᠢ ᠶᠢᠨ ᠬᠦᠷᠬᠢᠷᠡᠭᠡᠨ ᠮᠡᠲᠦ ᠳᠠᠢᠴᠢᠳ ᠤᠨ ᠵᠢᠭᠰᠠᠭᠠᠯ ᠪᠡᠯᠡᠳᠬᠡᠨ ᠮᠣᠷᠢᠳ ᠢᠶᠠᠨ ᠤᠨᠤᠵᠤ᠂ ᠥᠬᠢᠨ ᠪᠠᠪᠢᠯᠣᠨ ᠴᠢᠮᠠ ᠤᠷᠤᠭᠤ ᠳᠣᠪᠲᠣᠯᠣᠨᠠ᠃
43 ᠪᠠᠪᠢᠯᠣᠨ ᠤ ᠬᠠᠭᠠᠨ ᠲᠡᠳᠡᠨ ᠦ ᠲᠤᠬᠠᠢ ᠮᠡᠳᠡᠭᠡ ᠶᠢ ᠰᠣᠨᠣᠰᠣᠭᠠᠳ ᠵᠣᠷᠢᠭ ᠠᠯᠳᠠᠨ᠂ ᠲᠥᠷᠥᠯᠲᠡ ᠶᠢᠨ ᠬᠢ ᠮᠡᠲᠦ ᠡᠪᠡᠷᠰᠢᠶᠡᠯ ᠪᠣᠯᠣᠨ ᠵᠣᠪᠠᠭᠤᠷᠢ ᠳᠤ ᠠᠪᠲᠠᠨᠠ᠃
44 《ᠬᠠᠷᠠ᠂ ᠠᠷᠰᠯᠠᠨ ᠶᠣᠷᠳᠠᠨ ᠤ ᠰᠢᠭᠤᠢ ᠠᠴᠠ ᠤᠰᠤᠨ ᠤ ᠳᠡᠷᠭᠡᠳᠡᠬᠢ ᠪᠡᠯᠴᠢᠭᠡᠷ ᠤᠷᠤᠭᠤ ᠭᠠᠷᠬᠤ ᠮᠡᠲᠦ ᠪᠢ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠪᠠᠪᠢᠯᠣᠨ ᠢ ᠭᠠᠵᠠᠷ ᠠᠴᠠ ᠨᠢ ᠬᠥᠭᠡᠭᠡᠵᠦ᠂ ᠰᠣᠩ᠋ᠭᠣᠭᠰᠠᠨ ᠨᠢᠭᠡᠨ ᠢᠶᠡᠨ ᠲᠡᠭᠦᠨ ᠦ ᠳᠡᠭᠡᠷᠡ ᠲᠣᠮᠢᠯᠠᠨᠠ᠃ ᠲᠡᠭᠡᠬᠦ ᠳᠦ ᠬᠡᠨ ᠨᠠᠳᠠ ᠲᠠᠢ ᠵᠡᠷᠭᠡᠴᠡᠬᠦ ᠪᠤᠢ︖ ᠬᠡᠨ ᠨᠠᠳᠠ ᠲᠠᠢ ᠵᠥᠷᠢᠯᠳᠦᠬᠦ ᠪᠤᠢ︖ ᠬᠡᠨ ᠮᠢᠨᠦ ᠡᠰᠡᠷᠭᠦ ᠵᠣᠭᠰᠣᠬᠤ ᠬᠣᠨᠢᠴᠢᠨ ᠪᠣᠯᠬᠤ ᠪᠤᠢ︖》 45 ᠲᠡᠢᠮᠦ ᠡᠴᠡ ᠪᠠᠪᠢᠯᠣᠨ ᠤ ᠲᠤᠬᠠᠢ ᠶᠣᠬᠣᠸᠠ ᠶᠠᠭᠤ ᠶᠢ ᠲᠥᠯᠥᠪᠯᠡᠭᠰᠡᠨ ᠢ᠂ ᠮᠥᠨ ᠪᠠᠪᠢᠯᠣᠨ ᠤ ᠨᠤᠲᠤᠭ ᠤᠨ ᠲᠤᠬᠠᠢ ᠶᠠᠭᠤ ᠳᠣᠬᠢᠶᠠᠭᠰᠠᠨ ᠢ ᠲᠠ ᠨᠠᠷ ᠰᠣᠨᠣᠰᠣᠭᠲᠤᠨ᠃ ᠲᠡᠳᠡᠨ ᠦ ᠰᠦᠷᠦᠭ ᠦᠨ ᠬᠢᠨᠢ ᠲᠥᠯ ᠤᠳ ᠬᠦᠷᠲᠡᠯᠡ ᠴᠢᠷᠦᠭᠳᠡᠨ ᠭᠠᠷᠴᠤ᠂ ᠰᠠᠭᠤᠳᠠᠭ ᠭᠠᠵᠠᠷ ᠨᠢ ᠲᠠᠯᠬᠢᠳᠠᠭᠳᠠᠨᠠ᠃ 46 ᠪᠠᠪᠢᠯᠣᠨ ᠤ ᠡᠵᠡᠯᠡᠭᠳᠡᠬᠦ ᠴᠢᠮᠡᠭᠡᠨ ᠳᠦ ᠭᠠᠵᠠᠷ ᠬᠥᠳᠡᠯᠵᠦ᠂ ᠲᠡᠭᠦᠨ ᠦ ᠬᠠᠰᠬᠢᠷᠬᠤ ᠳᠠᠭᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠰᠣᠨᠣᠰᠳᠠᠨᠠ᠃