ᠶᠧᠷᠧᠮᠢᠶᠠ ᠠᠷᠪᠠᠨ ᠨᠠᠢ᠌ᠮᠠ
ᠸᠠᠭᠠᠷᠴᠢᠨ ᠤ ᠳᠤ
1 ᠶᠣᠬᠣᠸᠠ ᠶᠢᠨ ᠦᠭᠡ ᠶᠧᠷᠧᠮᠢᠶᠠ ᠳᠤ ᠢᠷᠡᠵᠦ ᠠᠢᠯᠠᠳᠪᠠ᠄ 2 《ᠴᠢ ᠸᠠᠭᠠᠷᠴᠢᠨ ᠤ ᠳᠤ ᠣᠴᠢ᠃ ᠲᠡᠨᠳᠡ ᠪᠢ ᠴᠢᠮᠠ ᠳᠤ ᠦᠭᠡ ᠪᠡᠨ ᠰᠣᠨᠣᠰᠬᠠᠨᠠ》 ᠭᠡᠪᠡ᠃ 3 ᠪᠢ ᠸᠠᠭᠠᠷᠴᠢᠨ ᠤ ᠳᠤ ᠣᠴᠢᠵᠤ ᠦᠵᠡᠬᠦ ᠳᠦ᠂ ᠲᠡᠷᠡ ᠡᠷᠭᠢᠭᠦᠯ ᠲᠠᠪᠠᠭ ᠳᠡᠭᠡᠷᠡ ᠠᠵᠢᠯ ᠬᠢᠵᠦ ᠪᠠᠢᠪᠠ᠃ 4 ᠬᠢᠵᠦ ᠪᠠᠢᠭᠰᠠᠨ ᠸᠠᠭᠠᠷ ᠨᠢ ᠲᠡᠭᠦᠨ ᠦ ᠭᠠᠷ ᠲᠤ ᠡᠪᠳᠡᠷᠡᠬᠦ ᠳᠦ᠂ ᠲᠡᠷᠡ ᠨᠥᠭᠥᠭᠡ ᠰᠢᠪᠠᠷ ᠢᠶᠠᠷ ᠥᠪᠡᠷ ᠲᠤᠨᠢ ᠲᠠᠭᠠᠯᠠᠭᠳᠠᠭᠰᠠᠨ ᠣᠨᠳᠣᠣ ᠸᠠᠭᠠᠷ ᠢ ᠬᠢᠪᠡ᠃
5 ᠲᠡᠭᠡᠲᠡᠯᠡ ᠶᠣᠬᠣᠸᠠ ᠶᠢᠨ ᠦᠭᠡ ᠨᠠᠳᠠ ᠳᠤ ᠢᠷᠡᠪᠡ᠄ 6 《ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠂ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠡ᠂ ᠪᠢ ᠲᠠ ᠨᠠᠷ ᠲᠤ ᠡᠨᠡ ᠸᠠᠭᠠᠷᠴᠢᠨ ᠲᠠᠢ ᠠᠳᠠᠯᠢ ᠦᠢᠯᠡᠳᠴᠦ ᠴᠢᠳᠠᠬᠤ ᠦᠭᠡᠢ ᠭᠡᠵᠢ ᠤᠤ︖ ᠬᠠᠷᠠ᠂ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠡ᠂ ᠰᠢᠪᠠᠷ ᠸᠠᠭᠠᠷᠴᠢᠨ ᠤ ᠭᠠᠷ ᠲᠤ ᠪᠠᠢᠭᠠ ᠲᠠᠢ ᠠᠳᠠᠯᠢ᠂ ᠲᠠ ᠨᠠᠷ ᠮᠢᠨᠦ ᠭᠠᠷ ᠲᠤ ᠪᠠᠢᠨᠠ᠃ 7 ᠬᠡᠵᠢᠶᠡ ᠨᠢᠭᠡᠨ ᠴᠠᠭ ᠲᠤ᠂ ᠪᠢ ᠠᠯᠢ ᠨᠢᠭᠡᠨ ᠤᠯᠤᠰ ᠦᠨᠳᠦᠰᠦᠲᠡᠨ ᠢ ᠲᠠᠰᠤᠳᠠᠨ ᠨᠤᠷᠠᠭᠠᠬᠤ ᠪᠠ ᠤᠰᠠᠳᠬᠠᠨᠠ ᠭᠡᠵᠦ ᠬᠡᠯᠡᠭᠰᠡᠨ ᠴᠤ᠂ 8 ᠮᠢᠨᠦ ᠬᠡᠯᠡᠭᠰᠡᠨ ᠲᠡᠷᠡ ᠦᠨᠳᠦᠰᠦᠲᠡᠨ ᠪᠤᠵᠠᠷ ᠮᠠᠭᠤ ᠠᠴᠠ ᠪᠠᠨ ᠡᠷᠭᠢᠪᠡᠯ᠂ ᠪᠢ ᠴᠤ ᠲᠡᠭᠦᠨ ᠦ ᠳᠡᠭᠡᠷᠡ ᠪᠠᠭᠤᠯᠭᠠᠬᠤ ᠪᠠᠷ ᠲᠥᠯᠥᠪᠯᠡᠭᠰᠡᠨ ᠭᠠᠢ ᠭᠠᠮᠰᠢᠭ ᠢᠶᠠᠨ ᠡᠷᠭᠢᠭᠦᠯᠦᠨᠡ᠃ 9 ᠬᠡᠵᠢᠶᠡ ᠨᠢᠭᠡᠨ ᠴᠠᠭ ᠲᠤ᠂ ᠪᠢ ᠠᠯᠢ ᠨᠢᠭᠡ ᠤᠯᠤᠰ ᠦᠨᠳᠦᠰᠦᠲᠡᠨ ᠢ ᠲᠠᠷᠢᠵᠤ ᠪᠣᠰᠬᠠᠨᠠ ᠭᠡᠵᠦ ᠬᠡᠯᠡᠭᠰᠡᠨ ᠴᠤ 10 ᠲᠡᠷᠡ ᠳᠠᠭᠤ ᠶᠢ ᠮᠢᠨᠢ ᠦᠯᠦ ᠰᠣᠨᠣᠰᠣᠨ ᠮᠢᠨᠦ ᠨᠢᠳᠦᠨ ᠦ ᠡᠮᠦᠨᠡ ᠪᠤᠵᠠᠷ ᠮᠠᠭᠤ ᠶᠢ ᠦᠢᠯᠡᠳᠪᠡᠯ᠂ ᠪᠢ ᠴᠤ ᠲᠡᠭᠦᠨ ᠢ ᠢᠪᠡᠭᠡᠬᠦ ᠭᠡᠰᠡᠨ ᠢᠪᠡᠭᠡᠯ ᠢᠶᠡᠨ ᠡᠷᠭᠢᠭᠦᠯᠦᠨᠡ᠃ 11 ᠣᠳᠣ ᠴᠢ ᠶᠦᠳᠠᠴᠤᠳ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠤᠨ ᠰᠠᠭᠤᠭᠠᠯᠢᠴᠢᠳ ᠲᠤ 〈ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠬᠠᠷᠠ᠂ ᠪᠢ ᠲᠠ ᠨᠠᠷ ᠤᠨ ᠡᠮᠦᠨᠡ ᠭᠠᠢ ᠭᠠᠮᠰᠢᠭ ᠢ ᠪᠡᠯᠡᠳᠬᠡᠨ ᠲᠥᠯᠥᠪᠯᠡᠵᠦ ᠪᠠᠢᠨᠠ᠃ ᠲᠠ ᠨᠠᠷ ᠤᠨ ᠬᠥᠮᠦᠨ ᠪᠦᠷᠢ ᠪᠤᠵᠠᠷ ᠮᠠᠭᠤ ᠵᠠᠮ ᠠᠴᠠ ᠪᠠᠨ ᠡᠷᠭᠢᠵᠦ᠂ ᠦᠢᠯᠡᠰ ᠮᠥᠷ ᠢᠶᠡᠨ ᠰᠢᠨᠡᠴᠢᠯᠡ ᠬᠡᠮᠡᠪᠡ〉 ᠭᠡᠵᠦ ᠬᠡᠯᠡ᠃
12 ᠭᠡᠪᠡᠴᠦ ᠲᠡᠳᠡ᠄ 〈ᠬᠡᠷᠡᠭ ᠦᠭᠡᠢ︕ ᠪᠢᠳᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠲᠥᠯᠥᠪᠯᠡᠭᠡ ᠪᠡᠷ ᠬᠢᠨᠡ〉 ᠭᠡᠳ ᠬᠥᠮᠦᠨ ᠪᠦᠷᠢ ᠬᠣᠷᠣᠨ ᠮᠠᠭᠤ ᠰᠠᠨᠠᠭᠠ ᠪᠠᠨ ᠳᠠᠭᠠᠵᠤ᠂ ᠵᠥᠷᠢᠭᠦᠳᠯᠡᠨ ᠦᠢᠯᠡᠳᠬᠦ ᠪᠣᠯᠣᠨᠠ᠃》
13 ᠲᠡᠢᠮᠦ ᠡᠴᠡ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡᠴᠡ ᠠᠰᠠᠭᠤ᠂ ᠡᠳᠡᠭᠡᠷ ᠵᠦᠢᠯ ᠢ ᠰᠣᠨᠣᠰᠣᠭᠰᠠᠨ ᠬᠥᠮᠦᠨ ᠬᠠᠮᠢᠭᠠ ᠪᠠᠢᠨᠠ︖ ᠣᠩ᠋ᠭᠣᠨ ᠥᠬᠢᠨ ᠢᠰᠷᠧᠯ ᠦᠨᠡᠬᠡᠷ ᠠᠶᠤᠮᠰᠢᠭ ᠲᠠᠢ ᠵᠦᠢᠯ ᠢ ᠬᠢᠭᠰᠡᠨ ᠪᠠᠢᠨᠠ᠃
14 ᠯᠧᠪᠠᠨᠣᠨ ᠤ ᠠᠭᠤᠯᠠ ᠬᠠᠳᠠᠨ ᠠᠴᠠ ᠴᠠᠰᠤ ᠠᠷᠢᠯᠬᠤ ᠤᠤ︖ ᠬᠣᠯᠠ ᠠᠴᠠ ᠡᠬᠢ ᠲᠠᠢ ᠬᠦᠢᠲᠡᠨ ᠤᠰᠤ ᠤᠷᠤᠰᠬᠤ ᠪᠠᠨ ᠵᠣᠭᠰᠣᠬᠤ ᠤᠤ︖
15 ᠬᠠᠷᠢᠨ ᠮᠢᠨᠦ ᠠᠷᠠᠳ ᠲᠦᠮᠡᠨ ᠨᠠᠮᠠᠶᠢ ᠤᠮᠠᠷᠲᠠᠨ ᠬᠠᠭᠤᠷᠮᠠᠭ ᠪᠤᠷᠬᠠᠳ ᠲᠤ ᠤᠲᠤᠯᠭᠠ ᠤᠭᠤᠭᠢᠭᠤᠯᠤᠭᠰᠠᠨ ᠳᠤ ᠲᠡᠳᠡᠭᠡᠷ ᠪᠤᠷᠬᠠᠨ ᠨᠢ ᠲᠡᠳᠡᠨ ᠢ ᠵᠠᠮ ᠠᠴᠠ ᠨᠢ᠂ ᠤᠷᠢᠳᠤ ᠶᠢᠨ ᠵᠠᠮ ᠠᠴᠠ ᠨᠢ ᠪᠦᠳᠦᠷᠢᠭᠦᠯᠵᠦ ᠭᠣᠣᠯ ᠵᠠᠮ ᠪᠤᠰᠤ ᠭᠠᠵᠢ ᠵᠠᠮ ᠢᠶᠠᠷ ᠬᠥᠲᠥᠯᠥᠭᠰᠡᠨ
16 ᠡᠢᠮᠦ ᠡᠴᠡ ᠲᠡᠳᠡᠨ ᠦ ᠨᠤᠲᠤᠭ ᠡᠵᠡᠭᠦᠢᠷᠡᠨ ᠡᠭᠦᠷᠢᠳᠡ ᠶᠢᠨ ᠳᠣᠭᠣᠭᠢ ᠪᠣᠯᠵᠤ ᠡᠨᠡᠭᠦᠷ ᠥᠩᠭᠡᠷᠡᠭᠴᠢ ᠬᠥᠮᠦᠨ ᠪᠦᠷᠢ ᠰᠣᠴᠢᠵᠤ᠂ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠦᠨᠡ᠃
17 ᠳᠠᠢᠰᠤᠨ ᠤ ᠬᠢᠨᠢ ᠡᠮᠦᠨᠡ ᠪᠢ ᠲᠡᠳᠡᠨ ᠢ ᠳᠣᠷᠣᠨᠠ ᠶᠢᠨ ᠰᠠᠯᠬᠢ ᠮᠡᠲᠦ ᠰᠠᠷᠨᠢᠭᠤᠯᠵᠤ ᠭᠠᠮᠰᠢᠭ ᠤᠨ ᠡᠳᠦᠷ ᠨᠢ ᠪᠢ ᠲᠡᠳᠡᠨ ᠳᠦ ᠨᠢᠭᠤᠷ ᠢᠶᠠᠨ ᠪᠤᠰᠤ᠂ ᠨᠢᠷᠤᠭᠤ ᠪᠠᠨ ᠬᠠᠷᠠᠭᠤᠯᠤᠨᠠ᠃》
18 ᠲᠡᠳᠡ᠄ 《ᠬᠥᠶᠶ᠂ ᠶᠧᠷᠧᠮᠢᠶᠠ ᠶᠢᠨ ᠡᠰᠡᠷᠭᠦ ᠲᠥᠯᠥᠪᠯᠡᠭᠡ ᠰᠡᠳᠦᠶᠡ᠃ ᠲᠡᠷᠡ ᠦᠭᠡᠢ ᠪᠠᠷ ᠲᠠᠬᠢᠯᠴᠢ ᠶᠢᠨ ᠵᠢᠭᠠᠪᠤᠷᠢ᠂ ᠮᠡᠷᠭᠡᠨ ᠬᠥᠮᠦᠨ ᠦ ᠵᠥᠪᠯᠡᠯᠭᠡ᠂ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠦᠭᠡ ᠲᠠᠰᠤᠷᠠᠬᠤ ᠶᠤᠮ ᠪᠢᠰᠢ᠃ ᠬᠥᠶᠶ᠂ ᠪᠢᠳᠡ ᠲᠡᠭᠦᠨ ᠢ ᠬᠡᠯᠡ ᠪᠡᠷ ᠳᠠᠭᠠᠷᠢᠶᠠ᠂ ᠦᠭᠡᠨ ᠳᠦᠨᠢ ᠠᠩ᠋ᠬᠠᠷᠤᠯ ᠲᠠᠯᠪᠢᠬᠤ ᠪᠠᠨ ᠪᠣᠯᠢᠶᠠ》 ᠭᠡᠵᠦ ᠬᠡᠯᠡᠪᠡ᠃
19 ᠶᠣᠬᠣᠸᠠ ᠦᠭᠡᠨ ᠳᠦ ᠮᠢᠨᠢ ᠠᠩ᠋ᠬᠠᠷᠤᠯ ᠲᠠᠯᠪᠢᠵᠤ᠂ ᠮᠢᠨᠦ ᠳᠠᠢᠰᠤᠨ ᠨᠤᠭᠤᠳ ᠤᠨ ᠶᠠᠭᠤ ᠶᠠᠷᠢᠵᠤ ᠪᠠᠢᠭᠠ ᠶᠢ ᠰᠣᠨᠣᠰᠣᠭᠠᠴᠢ︕
20 ᠲᠡᠳᠡ ᠮᠢᠨᠦ ᠠᠮᠢ ᠶᠢ ᠬᠥᠨᠥᠭᠡᠬᠦ ᠪᠡᠷ ᠨᠦᠬᠡ ᠤᠬᠤᠭᠰᠠᠨ︕ ᠢᠩᠭᠢᠵᠦ ᠰᠠᠢᠨ ᠢ ᠮᠠᠭᠤ ᠪᠠᠷ ᠬᠠᠷᠢᠭᠤᠯᠬᠤ ᠭᠡᠵᠢ ᠤᠤ︖ ᠬᠠᠷᠢᠨ ᠪᠢ ᠲᠠᠨ ᠤ ᠠᠭᠤᠷ ᠬᠢᠯᠢᠩ ᠢ ᠲᠡᠳᠡᠨ ᠡᠴᠡ ᠵᠠᠢᠯᠠᠭᠤᠯᠬᠤ ᠪᠠᠷ ᠲᠠᠨ ᠤ ᠡᠮᠦᠨᠡ ᠵᠣᠭᠰᠣᠭᠠᠳ ᠲᠡᠳᠡᠨ ᠦ ᠡᠮᠦᠨᠡ ᠡᠴᠡ ᠰᠠᠢᠨ ᠢ ᠶᠠᠷᠢᠭᠰᠠᠨ ᠪᠢᠯᠡ᠂ ᠡᠭᠦᠨ ᠢ ᠲᠠ ᠰᠠᠨᠠᠵᠤ
21 ᠲᠡᠳᠡᠨ ᠦ ᠬᠡᠦᠬᠡᠳ ᠤᠳ ᠢ ᠥᠯᠥᠰᠬᠥᠯᠡᠩ ᠳᠤ ᠲᠤᠰᠢᠶᠠ ᠲᠡᠳᠡᠨ ᠢ ᠢᠯᠳᠦᠨ ᠦ ᠬᠦᠴᠦᠨ ᠳᠦ ᠰᠥᠨᠥᠭᠡ ᠡᠬᠡᠨᠡᠷ ᠤᠳ ᠢ ᠨᠢ ᠦᠷᠡ ᠬᠡᠦᠬᠡᠳ ᠦᠭᠡᠢ ᠪᠡᠯᠪᠡᠰᠦᠨ ᠪᠣᠯᠭᠠᠨ ᠨᠥᠬᠥᠷ ᠤᠳ ᠢ ᠨᠢ ᠦᠬᠦᠯ ᠳᠦ ᠬᠦᠷᠭᠡᠵᠦ ᠢᠳᠡᠷ ᠵᠠᠯᠠᠭᠤᠰ ᠢ ᠨᠢ ᠲᠤᠯᠤᠯᠳᠤᠭᠠᠨ ᠤ ᠢᠯᠳᠦᠨ ᠳᠦ ᠥᠷᠲᠥᠭᠦᠯᠦᠭᠡᠴᠢ᠃
22 ᠲᠠᠨ ᠤ ᠭᠡᠨᠡᠳᠲᠡ ᠶᠠᠪᠤᠭᠤᠯᠤᠭᠰᠠᠨ ᠴᠡᠷᠢᠭ ᠤᠨ ᠬᠦᠴᠦᠨ ᠳᠦ ᠲᠡᠳᠡᠨ ᠦ ᠭᠡᠷ ᠤᠳ ᠠᠴᠠ ᠬᠠᠰᠬᠢᠷᠤᠭᠠᠨ ᠰᠣᠨᠣᠰᠳᠠᠬᠤ ᠪᠣᠯᠣᠨᠠ ᠨᠠᠮᠠᠶᠢ ᠪᠠᠷᠢᠬᠤ ᠪᠠᠷ ᠲᠡᠳᠡ ᠨᠦᠬᠡ ᠤᠬᠤᠵᠤ ᠮᠢᠨᠦ ᠬᠥᠯ ᠢ ᠬᠠᠪᠴᠢᠬᠤ ᠪᠠᠷ ᠬᠠᠪᠬᠠ ᠲᠠᠯᠪᠢᠭᠰᠠᠨ ᠪᠣᠯᠪᠠᠴᠤ
23 ᠨᠠᠮᠠᠶᠢ ᠬᠥᠨᠥᠭᠡᠬᠦ ᠭᠡᠵᠦ ᠪᠤᠢ ᠪᠦᠬᠦ ᠬᠤᠤᠪᠢᠯᠳᠤᠭᠠᠨ ᠢ ᠨᠢ ᠶᠣᠬᠣᠸᠠ ᠲᠠ ᠮᠡᠳᠡᠨᠡ᠂ ᠲᠡᠳᠡᠨ ᠦ ᠭᠡᠮ ᠪᠤᠷᠤᠭᠤ ᠶᠢ ᠪᠦᠦ ᠠᠭᠤᠴᠢᠯᠠ ᠲᠡᠳᠡᠨ ᠦ ᠨᠢᠭᠦᠯ ᠢ ᠥᠪᠡᠷ ᠦᠨ ᠢᠶᠠᠨ ᠮᠡᠯᠮᠡᠢ ᠡᠴᠡ ᠪᠦᠦ ᠠᠷᠴᠢᠭᠠᠴᠢ ᠲᠡᠳᠡ ᠲᠠᠨ ᠤ ᠡᠮᠦᠨᠡ ᠲᠣᠩ᠋ᠭᠣᠷᠴᠤ ᠤᠨᠠᠭ ᠲᠡᠢᠨ ᠬᠦ ᠲᠠ ᠠᠭᠤᠷ ᠬᠢᠯᠢᠩ ᠤᠨ ᠴᠠᠭ ᠲᠠᠭᠠᠨ ᠲᠡᠳᠡᠨ ᠳᠦ ᠦᠢᠯᠡᠳᠦᠭᠡᠴᠢ︕