ᠶᠧᠷᠧᠮᠢᠶᠠ ᠳᠥᠴᠢᠨ ᠵᠢᠷᠭᠤᠭᠠ
ᠶᠧᠵᠢᠫᠲ ᠤᠨ ᠲᠠᠯᠠ ᠪᠠᠷ ᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠠᠯᠠ ᠪᠠᠷ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠧᠷᠧᠮᠢᠶᠠ ᠳᠤ ᠶᠣᠬᠣᠸᠠ ᠠᠴᠠ ᠢᠷᠡᠭᠰᠡᠨ ᠦᠭᠡ᠄
2 ᠶᠧᠵᠢᠫᠲ ᠤᠨ ᠲᠤᠬᠠᠢ᠂ ᠲᠤᠬᠠᠢᠯᠠᠪᠠᠯ ᠶᠦᠳᠠ ᠶᠢᠨ ᠬᠠᠭᠠᠨ᠂ ᠶᠣᠰᠢᠶᠠ ᠶᠢᠨ ᠬᠦᠦ ᠶᠧᠬᠣᠢᠶᠠᠺᠢᠮ ᠤᠨ ᠳᠥᠷᠪᠡᠳᠦᠭᠡᠷ ᠣᠨ ᠳᠤ᠂ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠦ ᠳᠡᠷᠭᠡᠳᠡᠬᠢ ᠺᠠᠷᠾᠧᠮᠢᠱ ᠲᠤ ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠲᠤ ᠳᠡᠢᠯᠦᠭᠳᠡᠭᠰᠡᠨ ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠨᠧᠺᠣ ᠶᠢᠨ ᠴᠡᠷᠢᠭ ᠤᠨ ᠲᠤᠬᠠᠢ᠄
3 《ᠲᠣᠮᠣ ᠵᠢᠵᠢᠭ ᠪᠠᠮᠪᠠᠢ ᠪᠡᠯᠡᠳᠬᠡᠵᠦ ᠲᠤᠯᠤᠯᠳᠤᠭᠠᠨ ᠳᠤ ᠶᠠᠪᠤᠵᠠᠭᠠ︕
4 ᠮᠣᠷᠢᠳ ᠢᠶᠠᠨ ᠡᠮᠡᠭᠡᠯᠯᠡᠨ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠵᠤ ᠳᠤᠭᠤᠯᠠᠭᠠ ᠪᠠᠨ ᠡᠮᠦᠰᠦᠭᠡᠳ ᠵᠢᠭᠰᠠ︕ ᠵᠢᠳᠠ ᠪᠠᠨ ᠪᠢᠯᠡᠭᠦᠳᠡ᠂ ᠬᠤᠶᠠᠭ ᠢᠶᠠᠨ ᠡᠮᠦᠰ︕
5 ᠬᠠᠷᠢᠨ ᠪᠢ ᠶᠠᠭᠤ ᠬᠠᠷᠠᠪᠠ︖ ᠲᠡᠳᠡ ᠤᠷᠮᠠ ᠬᠤᠭᠤᠷᠠᠨ ᠤᠬᠤᠷᠢᠵᠤ ᠪᠠᠢᠨᠠ᠂ ᠬᠦᠴᠦᠲᠦ ᠡᠷᠡᠰ ᠨᠢ ᠢᠯᠠᠭᠳᠠᠵᠠᠢ᠂ ᠠᠶᠤᠯ ᠠᠢᠳᠠᠰ ᠲᠠᠯᠠ ᠪᠦᠷᠢ ᠳᠤ ᠪᠠᠢᠭᠠ ᠤᠴᠢᠷ ᠠᠴᠠ ᠲᠡᠳᠡ ᠠᠷᠤᠨᠰᠢ ᠪᠠᠨ ᠬᠠᠷᠠᠯ ᠦᠭᠡᠢ ᠪᠠᠷ ᠶᠠᠭᠠᠷᠠᠨ ᠵᠢᠭᠤᠲᠠᠵᠤ ᠪᠠᠢᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
6 ᠬᠤᠷᠳᠤᠨ ᠬᠥᠮᠦᠨ ᠪᠦᠦ ᠵᠢᠭᠤᠲᠠᠭ ᠬᠦᠴᠦᠲᠦ ᠬᠥᠮᠦᠨ ᠴᠤ ᠪᠦᠦ ᠮᠤᠯᠲᠤᠷᠠᠭ ᠬᠣᠢᠲᠤ ᠵᠦᠭ ᠲᠦ᠂ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠦ ᠳᠡᠷᠭᠡᠳᠡ ᠲᠡᠳᠡ ᠭᠤᠢᠪᠢᠨ ᠤᠨᠠᠵᠠᠢ᠃
7 ᠨᠢᠯ ᠮᠡᠲᠦ᠂ ᠤᠰᠤ ᠨᠢ ᠳᠡᠭᠡᠭᠰᠢᠯᠡᠵᠦ ᠪᠠᠢᠭᠠ ᠭᠣᠣᠯ ᠮᠡᠲᠦ ᠮᠠᠨᠳᠤᠵᠤ ᠪᠠᠢᠭᠠ ᠡᠨᠡ ᠬᠡᠨ ᠪᠤᠢ︖
8 ᠶᠧᠵᠢᠫᠲ ᠨᠢ ᠨᠢᠯ ᠮᠡᠲᠦ᠂ ᠤᠰᠤ ᠨᠢ ᠳᠡᠭᠡᠭᠰᠢᠯᠡᠵᠦ ᠪᠠᠢᠭᠠ ᠭᠣᠣᠯ ᠮᠡᠲᠦ ᠮᠠᠨᠳᠤᠭᠰᠠᠭᠠᠷ ᠪᠠᠢᠨᠠ ᠲᠡᠷᠡ ᠪᠡᠷ᠄ 《ᠪᠢ ᠮᠠᠨᠳᠤᠭᠰᠠᠭᠠᠷ ᠳᠡᠯᠡᠬᠡᠢ ᠶᠢ ᠪᠦᠷᠬᠦᠨᠡ ᠪᠢ ᠬᠣᠲᠠ ᠨᠤᠭᠤᠳ ᠪᠣᠯᠣᠨ ᠰᠠᠭᠤᠭᠠᠯᠢᠴᠢᠳ ᠢ ᠨᠢ ᠰᠦᠢᠷᠡᠭᠦᠯᠦᠨᠡ》 ᠭᠡᠬᠦ ᠶᠤᠮ᠃
9 ᠳᠠᠪᠬᠢ᠂ ᠮᠣᠷᠢᠳ ᠡ ᠲᠡᠪᠰᠢ᠂ ᠲᠡᠷᠭᠡ ᠨᠦᠭᠦᠳ ᠡ ᠬᠥᠳᠡᠯ᠂ ᠳᠠᠢᠴᠢᠳ ᠡ ᠶᠠᠪᠤ᠂ ᠪᠠᠮᠪᠠᠢ ᠪᠠᠷᠢᠭᠰᠠᠨ ᠺᠦᠱᠴᠦᠳ᠂ ᠫᠦᠲ᠋ᠴᠤᠳ ᠡ᠂ ᠨᠤᠮᠤ ᠬᠠᠷᠪᠤᠳᠠᠭ ᠯᠢᠳᠢᠴᠦᠳ ᠡ
10 ᠲᠡᠷᠡ ᠡᠳᠦᠷ ᠨᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠵᠡᠨ ᠦ ᠬᠢ ᠲᠡᠭᠦᠨ ᠦ ᠥᠰᠢᠶᠡ ᠠᠪᠬᠤ᠂ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠪᠠᠨ ᠥᠰᠢᠶᠡ ᠠᠪᠬᠤ ᠡᠳᠦᠷ ᠪᠢᠯᠡ ᠰᠡᠯᠡᠮᠡ ᠲᠡᠳᠡᠨ ᠢ ᠴᠠᠳᠲᠠᠯᠠ ᠪᠠᠨ ᠵᠠᠯᠭᠢᠵᠤ᠂ ᠴᠢᠰᠤ ᠶᠢ ᠨᠢ ᠰᠣᠭᠲᠣᠲᠠᠯᠠ ᠪᠠᠨ ᠤᠤᠭᠤᠨᠠ᠂ ᠬᠣᠢᠲᠤ ᠨᠤᠲᠤᠭ ᠤᠨ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠦ ᠳᠡᠷᠭᠡᠳᠡ ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠶᠢᠨ ᠲᠠᠬᠢᠯ ᠪᠤᠢ᠃
11 ᠥᠬᠢᠨ ᠶᠧᠵᠢᠫᠲ ᠡ᠂ ᠭᠢᠯᠧᠶᠠᠳ᠋ ᠤᠷᠤᠭᠤ ᠣᠴᠢᠵᠤ᠂ ᠭᠠᠪᠤᠷ ᠣᠯᠵᠤ ᠠᠪ ᠣᠯᠠᠨ ᠡᠮ ᠬᠡᠷᠡᠭᠯᠡᠭᠰᠡᠨ ᠴᠤ ᠴᠢᠮᠠ ᠳᠤ ᠨᠡᠮᠡᠷᠢ ᠪᠣᠯᠬᠤ ᠦᠭᠡᠢ᠂ ᠴᠢᠮᠠᠶᠢ ᠡᠳᠡᠭᠡᠭᠡᠬᠦ ᠦᠭᠡᠢ᠃
12 ᠴᠢᠨᠦ ᠢᠴᠢᠭᠦᠷᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠦ ᠰᠣᠨᠣᠰᠲᠠᠯᠠ ᠴᠢᠨᠦ ᠣᠷᠢᠯᠠᠭᠠᠨ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠳᠦᠭᠦᠷᠭᠡᠪᠡ ᠴᠢᠨᠦ ᠳᠠᠢᠴᠢᠨ ᠨᠢᠭᠡ ᠨᠢ ᠨᠥᠭᠥᠭᠡ ᠳᠡᠭᠡᠨ ᠪᠦᠳᠦᠷᠢᠵᠦ᠂ ᠬᠣᠶᠠᠭᠤᠯᠠ ᠪᠠᠨ ᠤᠨᠠᠵᠠᠢ᠃
13 ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠶᠧᠵᠢᠫᠲ ᠢ ᠳᠣᠪᠲᠣᠯᠬᠤ ᠪᠠᠷ ᠢᠷᠡᠬᠦ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠧᠷᠧᠮᠢᠶᠠ ᠳᠤ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠤᠭᠰᠠᠨ ᠦᠭᠡ᠄
14 ᠶᠧᠵᠢᠫᠲ ᠲᠤ ᠮᠡᠳᠡᠭᠦᠯ᠂ ᠮᠢᠭᠳᠣᠯ ᠳᠤ ᠰᠣᠨᠣᠰᠬᠠ ᠮᠥᠨ ᠮᠧᠮᠹᠢᠰ ᠪᠣᠯᠣᠨ ᠲᠠᠬᠫᠠᠨᠬᠧᠰ ᠲᠤ ᠰᠣᠨᠣᠰᠬᠠ᠄ 《ᠪᠠᠢᠷᠢᠨ ᠳᠠᠭᠠᠨ ᠵᠣᠭᠰᠣᠵᠤ᠂ ᠪᠡᠯᠡᠨ ᠪᠠᠢᠵᠠᠭᠠ ᠰᠡᠯᠡᠮᠡ ᠡᠷᠭᠢᠨ ᠲᠣᠭᠣᠷᠢᠨ ᠢ ᠴᠢᠨᠢ ᠵᠠᠯᠭᠢᠨᠠ》 ᠭᠡᠵᠦ ᠬᠡᠯᠡ᠃
15 ᠶᠠᠭᠠᠬᠢᠭᠠᠳ ᠳᠠᠢᠴᠢᠳ ᠴᠢᠨᠢ ᠤᠨᠠᠪᠠ︖ ᠶᠣᠬᠣᠸᠠ ᠲᠦᠯᠬᠢᠨ ᠤᠨᠠᠭᠠᠭᠰᠠᠨ ᠲᠤᠯᠠ ᠲᠡᠳᠡ ᠥᠨᠳᠡᠢᠬᠦ ᠦᠭᠡᠢ᠃
16 ᠲᠡᠷᠡ ᠪᠡᠷ ᠣᠯᠠᠨ ᠢ ᠪᠦᠳᠦᠷᠢᠭᠦᠯᠦᠭᠰᠡᠨ ᠦᠨᠡᠬᠡᠷ ᠨᠢᠭᠡ ᠨᠢ ᠨᠥᠭᠥᠭᠡ ᠶᠢᠨ ᠬᠢ ᠪᠠᠨ ᠳᠡᠭᠡᠷᠡ ᠤᠨᠠᠪᠠ᠂ ᠲᠡᠳᠡ᠄ 《ᠬᠥᠶᠶ︕ ᠰᠦᠢᠳᠬᠡᠭᠴᠢ ᠢᠯᠳᠦᠨ ᠡᠴᠡ ᠪᠢᠳᠡ ᠵᠠᠢᠯᠠᠵᠤ ᠠᠷᠠᠳ ᠲᠦᠮᠡᠨ᠂ ᠲᠥᠷᠥᠭᠰᠡᠨ ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠵᠠᠭᠠᠶᠠ》 ᠭᠡᠬᠦ ᠪᠣᠯᠣᠨᠠ᠃
17 ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠶᠢ 《ᠪᠣᠯᠣᠮᠵᠢ ᠶᠢ ᠠᠯᠳᠠᠭᠰᠠᠨ ᠬᠣᠭᠣᠰᠣᠨ ᠠᠮᠠ︕》 ᠭᠡᠵᠦ ᠨᠡᠷᠡᠯᠡ᠃
18 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠭᠳᠡᠳᠡᠭ ᠬᠠᠭᠠᠨ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠠᠭᠤᠯᠠᠰ ᠤᠨ ᠳᠤᠮᠳᠠᠬᠢ ᠲᠠᠪᠣᠷ ᠲᠠᠩᠭᠢᠰ ᠤᠨ ᠳᠡᠷᠭᠡᠳᠡᠬᠢ ᠺᠠᠷᠮᠧᠯ ᠲᠠᠢ ᠠᠳᠠᠯᠢ ᠨᠢᠭᠡᠨ ᠢᠷᠡᠨᠡ᠃
19 ᠶᠧᠵᠢᠫᠲ ᠤᠨ ᠰᠠᠭᠤᠭᠠᠯᠢᠴᠢᠳ ᠡ᠂ ᠠᠴᠢᠶᠠ ᠲᠡᠭᠡᠭᠡᠰᠢ ᠪᠠᠨ ᠴᠥᠯᠡᠯᠭᠡ ᠳᠦ ᠪᠡᠯᠡᠳ ᠮᠧᠮᠹᠢᠰ ᠰᠠᠭᠤᠬᠤ ᠬᠥᠮᠦᠨ ᠦᠭᠡᠢ ᠡᠵᠡᠭᠦᠢ ᠪᠠᠯᠭᠠᠰᠤ ᠪᠣᠯᠣᠨᠠ
20 ᠶᠧᠵᠢᠫᠲ ᠪᠣᠯ ᠰᠠᠢᠬᠠᠨ ᠥᠬᠢᠨ ᠪᠢᠷᠠᠭᠤ ᠬᠠᠷᠢᠨ ᠲᠡᠭᠦᠨ ᠤᠷᠤᠭᠤ ᠰᠢᠮᠠᠭᠤᠯ ᠢᠷᠡᠵᠦ ᠪᠠᠢᠨᠠ ᠬᠣᠢᠲᠤ ᠵᠦᠭ ᠡᠴᠡ ᠢᠷᠡᠵᠦ ᠪᠠᠢᠨᠠ︕
21 ᠶᠧᠵᠢᠫᠲ ᠤᠨ ᠬᠥᠯᠥᠰᠥᠯᠡᠭᠰᠡᠨ ᠴᠡᠷᠢᠭ ᠤᠳ ᠬᠠᠰᠢᠶᠠᠨ ᠳᠠᠬᠢ ᠲᠤᠭᠤᠯ ᠤᠳ ᠮᠡᠲᠦ ᠪᠣᠯᠵᠤ ᠰᠦᠢᠷᠡᠯ ᠦᠨ ᠡᠳᠦᠷ᠂ ᠰᠢᠳᠬᠡᠯ ᠦᠨ ᠴᠠᠭ ᠢᠷᠡᠬᠦ ᠳᠦ ᠵᠣᠭᠰᠣᠬᠤ ᠴᠤ ᠦᠭᠡᠢ ᠡᠷᠭᠢᠨ ᠵᠢᠭᠤᠲᠠᠨᠠ
22 ᠮᠣᠳᠣ ᠴᠠᠪᠴᠢᠭᠴᠢ ᠮᠡᠲᠦ ᠰᠦᠬᠡ ᠪᠠᠷᠢᠭᠰᠠᠨ ᠴᠡᠷᠢᠭ ᠤᠳ ᠢᠷᠡᠬᠦ ᠳᠦ ᠮᠣᠭᠠᠢ ᠮᠡᠲᠦ ᠱᠠᠷᠴᠢᠭᠢᠨᠠᠵᠤ ᠶᠧᠵᠢᠫᠲ᠋ᠴᠦᠳ ᠵᠢᠭᠤᠲᠠᠨᠠ᠃
23 ᠴᠠᠪᠴᠢᠭᠴᠢᠳ ᠲᠣᠭᠠᠯᠠᠰᠢ ᠦᠭᠡᠢ᠂ ᠴᠠᠷᠴᠠᠬᠠᠢ ᠠᠴᠠ ᠣᠯᠠᠨ ᠪᠣᠯᠬᠣᠷ ᠶᠧᠵᠢᠫᠲ ᠤᠨ ᠪᠢᠲᠡᠭᠦᠦ ᠣᠢ ᠮᠣᠳᠣ ᠶᠢ ᠴᠤ ᠴᠠᠪᠴᠢᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
24 ᠥᠬᠢᠨ ᠶᠧᠵᠢᠫᠲ ᠢᠴᠢᠭᠦᠷᠢ ᠳᠤ ᠣᠷᠣᠵᠤ᠂ ᠤᠮᠠᠷᠠᠲᠤ ᠵᠦᠭ ᠦᠨ ᠦᠨᠳᠦᠰᠦᠲᠡᠨ ᠦ ᠭᠠᠷ ᠲᠤ ᠲᠤᠰᠢᠶᠠᠭᠳᠠᠨᠠ᠃
25 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠲᠧᠪᠧᠱ ᠤᠨ ᠠᠮᠣᠨ᠂ ᠹᠠᠷᠠᠣ᠋᠂ ᠶᠧᠵᠢᠫᠲ ᠢ ᠪᠤᠷᠬᠠᠳ ᠪᠣᠯᠣᠨ ᠬᠠᠭᠠᠳ ᠲᠠᠢ ᠨᠢ ᠬᠠᠮᠲᠤ᠂ ᠮᠥᠨ ᠹᠠᠷᠠᠣ᠋ ᠶᠢ ᠲᠡᠭᠦᠨ ᠳᠦ ᠨᠠᠢᠳᠠᠳᠠᠭ ᠬᠥᠮᠦᠰ ᠦᠨ ᠬᠢᠨᠢ ᠬᠠᠮᠲᠤ ᠰᠢᠳᠬᠡᠬᠦ ᠭᠡᠵᠦ ᠪᠠᠢᠨᠠ᠃ 26 ᠪᠢ ᠲᠡᠳᠡᠨ ᠢ ᠥᠪᠡᠷᠰᠡᠳ ᠦᠨ ᠬᠢᠨᠢ ᠠᠮᠢ ᠶᠢ ᠡᠷᠢᠭ᠍ᠴᠢ ᠬᠥᠮᠦᠰ᠂ ᠪᠠᠪᠢᠯᠣᠨ ᠤ ᠬᠠᠭᠠᠨ ᠨᠧᠪᠦ᠋ᠺᠠᠨᠧᠽᠠᠷ ᠪᠣᠯᠣᠨ ᠲᠡᠭᠦᠨ ᠦ ᠲᠦᠰᠢᠮᠡᠳ ᠦᠨ ᠭᠠᠷ ᠲᠤ ᠲᠤᠰᠢᠶᠠᠨᠠ᠃ ᠬᠠᠷᠢᠨ ᠬᠣᠵᠢᠮ ᠨᠢ ᠶᠧᠵᠢᠫᠲ ᠤᠤᠯ ᠤᠨ ᠬᠢ ᠰᠢᠭ᠋ ᠢᠶᠠᠨ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠪᠣᠯᠣᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
27 ᠬᠠᠷᠢᠨ ᠴᠢ ᠪᠦᠦ ᠠᠶᠤ᠂ ᠮᠢᠨᠦ ᠵᠠᠷᠤᠴᠠ ᠶᠠᠺᠣᠪ ᠡ ᠪᠦᠦ ᠭᠤᠲᠤᠷᠠ᠂ ᠢᠰᠷᠧᠯ ᠡ ᠬᠠᠷᠠ᠂ ᠪᠢ ᠯᠠᠪᠲᠠᠢ ᠴᠢᠮᠠᠶᠢ ᠬᠣᠯᠠ ᠠᠴᠠ ᠦᠷᠡ ᠤᠳᠤᠮ ᠢ ᠴᠢᠨᠢ ᠴᠥᠯᠡᠭᠳᠡᠭᠰᠡᠨ ᠭᠠᠵᠠᠷ ᠠᠴᠠ ᠠᠪᠤᠷᠠᠨᠠ ᠶᠠᠺᠣᠪ ᠪᠤᠴᠠᠨ ᠢᠷᠡᠵᠦ᠂ ᠠᠶᠤᠯ ᠦᠭᠡᠢ ᠲᠠᠢᠪᠤᠩ ᠠᠮᠠᠷᠠᠨᠠ ᠬᠡᠨ ᠴᠤ ᠲᠡᠭᠦᠨ ᠢ ᠠᠶᠤᠯᠭᠠᠬᠤ ᠦᠭᠡᠢ᠃
28 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ ᠮᠢᠨᠦ ᠵᠠᠷᠤᠴᠠ ᠶᠠᠺᠣᠪ ᠡ᠂ ᠪᠢ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠨᠠ᠂ ᠪᠦᠦ ᠠᠶᠤ ᠪᠢ ᠴᠢᠮᠠᠶᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠤᠲᠠᠷᠠᠭᠠᠭᠰᠠᠨ᠂ ᠬᠠᠷᠢᠨ ᠪᠢ ᠲᠡᠳᠡᠨ ᠢ ᠡᠴᠦᠰᠯᠡᠭᠦᠯᠦᠨᠡ ᠴᠢᠮᠠᠶᠢ ᠡᠴᠦᠰᠯᠡᠭᠦᠯᠬᠦ ᠦᠭᠡᠢ ᠭᠡᠪᠡᠴᠦ ᠪᠢ ᠴᠢᠮᠠᠶᠢ ᠰᠢᠳᠤᠷᠭᠤ ᠪᠠᠷ ᠭᠡᠰᠬᠡᠭᠡᠨᠡ᠂ ᠬᠡᠷᠬᠢᠪᠡᠴᠦ ᠬᠡᠯᠲᠦᠷᠢᠭᠦᠯᠬᠦ ᠦᠭᠡᠢ᠃