ᠶᠧᠷᠧᠮᠢᠶᠠ ᠳᠥᠴᠢᠨ ᠨᠠᠢ᠌ᠮᠠ
ᠮᠣᠶᠠᠪ ᠤᠨ ᠲᠠᠯᠠ ᠪᠠᠷ ᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠮᠣᠶᠠᠪ ᠤᠨ ᠲᠤᠬᠠᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠨᠧᠪᠣ ᠭᠠᠰᠠᠯᠠᠩᠲᠠᠶᠠ ᠡ᠂ ᠲᠡᠷᠡ ᠰᠦᠢᠷᠡᠨᠡ ᠺᠢᠷᠢᠶᠠᠲ᠋ᠠᠢᠮ ᠢᠴᠢᠭᠦᠷᠢ ᠳᠤ ᠣᠷᠣᠵᠤ ᠡᠵᠡᠯᠡᠭᠳᠡᠨᠡ ᠪᠡᠬᠢᠯᠡᠯᠲᠡ ᠨᠢ ᠢᠴᠢᠭᠦᠷᠢ ᠳᠤ ᠣᠷᠣᠵᠤ ᠨᠤᠷᠠᠭᠠᠭᠳᠠᠨᠠ᠃
2 ᠮᠣᠶᠠᠪ ᠤᠨ ᠨᠡᠷᠡ ᠠᠯᠳᠠᠷ ᠠᠯᠠᠭᠠ ᠪᠣᠯᠣᠨᠠ ᠾᠧᠱᠪᠣᠨ ᠳᠤ ᠲᠡᠭᠦᠨ ᠦ ᠰᠦᠢᠷᠡᠯ ᠢ ᠰᠡᠳᠦᠭᠴᠢᠳ ᠬᠥᠶᠶ᠂ ᠲᠡᠷᠡ ᠦᠨᠳᠦᠰᠦᠲᠡᠨ ᠢ ᠡᠴᠦᠰᠯᠡᠭᠦᠯᠦᠶᠡ ᠭᠡᠨᠡ᠂ ᠮᠠᠳ᠋ᠮᠧᠨ ᠡ᠂ ᠴᠢ ᠴᠤ ᠤᠰᠠᠳᠬᠠᠭᠳᠠᠨᠠ ᠴᠢᠨᠦ ᠠᠷᠤ ᠠᠴᠠ ᠢᠯᠳᠦ ᠳᠠᠭᠠᠬᠤ ᠪᠣᠯᠣᠨᠠ᠃
3 ᠬᠣᠷᠣᠨᠠᠢᠮ ᠠᠴᠠ ᠬᠠᠰᠬᠢᠷᠬᠤ ᠳᠠᠭᠤ ᠭᠠᠷᠴᠤ᠂ 〈ᠬᠣᠬᠢᠷᠠᠯ᠂ ᠠᠶᠤᠮᠰᠢᠭᠲᠤ ᠰᠦᠢᠷᠡᠯ〉 ᠭᠡᠨᠡ᠃
4 ᠮᠣᠶᠠᠪ ᠰᠦᠢᠷᠡᠬᠦ ᠳᠦ᠂ ᠲᠡᠭᠦᠨ ᠦ ᠬᠡᠦᠬᠡᠳ ᠤᠳ ᠬᠠᠰᠬᠢᠷᠤᠨᠠ
5 ᠬᠣᠷᠣᠨᠠᠢᠮ ᠤᠷᠤᠭᠤ ᠶᠠᠪᠤᠬᠤ ᠵᠠᠮ ᠳᠤ ᠰᠦᠢᠷᠡᠯ ᠦᠨ ᠰᠢᠨᠠᠯᠤᠭᠰᠠᠨ ᠬᠠᠰᠬᠢᠷᠤᠭᠠᠨ ᠰᠣᠨᠣᠰᠳᠠᠬᠤ ᠳᠤ᠂ ᠲᠡᠳᠡ ᠤᠬᠢᠯᠠᠭᠰᠠᠭᠠᠷ ᠯᠦᠾᠢᠲ ᠥᠭᠡᠳᠡ ᠥᠭᠰᠥᠨᠡ᠃
6 ᠲᠠ ᠨᠠᠷ ᠵᠢᠭᠤᠲᠠ᠂ ᠠᠮᠢ ᠪᠠᠨ ᠠᠪᠤᠷᠠ᠂ ᠴᠥᠯ ᠦᠨ ᠡᠯᠵᠢᠭᠡ ᠮᠡᠲᠦ ᠪᠣᠯ᠃
7 ᠦᠢᠯᠡᠰ ᠪᠣᠯᠣᠨ ᠡᠷᠳᠡᠨᠢᠰ ᠲᠡᠭᠡᠨ ᠢᠲᠡᠭᠡᠵᠦ ᠪᠠᠢᠭᠰᠠᠨ ᠲᠤᠯᠠ ᠴᠢ ᠮᠥᠨ ᠣᠯᠵᠠᠯᠠᠭᠳᠠᠬᠤ ᠪᠥᠭᠡᠳ ᠺᠧᠮᠣᠱ ᠥᠪᠡᠷ ᠦᠨ ᠲᠠᠬᠢᠯᠴᠢᠳ ᠪᠣᠯᠣᠨ ᠪᠠᠷᠠ ᠪᠣᠯᠣᠭᠰᠠᠳ ᠲᠠᠢ ᠪᠠᠨ ᠬᠠᠮᠲᠤ ᠴᠥᠯᠡᠯᠭᠡ ᠳᠦ ᠶᠠᠪᠤᠬᠤ ᠪᠣᠯᠣᠨᠠ᠃
8 ᠬᠣᠲᠠ ᠪᠦᠷᠢ ᠳᠤ ᠤᠰᠠᠳᠬᠠᠭᠴᠢ ᠢᠷᠡᠬᠦ ᠪᠥᠭᠡᠳ ᠨᠢᠭᠡ ᠴᠤ ᠬᠣᠲᠠ ᠮᠤᠯᠲᠤᠷᠠᠬᠤ ᠦᠭᠡᠢ ᠬᠥᠨᠳᠡᠢ ᠴᠤ ᠰᠦᠢᠷᠡᠨ᠂ ᠲᠡᠭᠰᠢ ᠲᠠᠯᠠ ᠴᠤ ᠤᠰᠠᠳᠬᠠᠭᠳᠠᠨᠠ᠃ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠤᠭᠰᠠᠨ ᠶᠤᠮ᠃
9 ᠮᠣᠶᠠᠪ ᠲᠤ ᠵᠢᠭᠦᠷ ᠥᠭ ᠲᠡᠷᠡ ᠨᠢᠰᠦᠨ ᠣᠳᠬᠤ ᠪᠣᠯᠣᠨᠠ᠃ ᠬᠣᠲᠠ ᠲᠣᠰᠬᠣᠳ ᠨᠢ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠵᠡᠯᠢᠭᠦᠳ ᠭᠠᠵᠠᠷ ᠪᠣᠯᠣᠨᠠ᠃
10 ᠶᠣᠬᠣᠸᠠ ᠶᠢᠨ ᠠᠵᠢᠯ ᠢ ᠬᠠᠢᠩ᠋ᠭᠤ ᠬᠢᠳᠡᠭ ᠬᠥᠮᠦᠨ ᠬᠠᠷᠢᠶᠠᠭᠳᠠᠨᠠ ᠢᠯᠳᠦ ᠲᠠᠢ ᠪᠠᠢᠲᠠᠯᠠ ᠪᠠᠨ ᠴᠢᠰᠤ ᠤᠷᠤᠰᠬᠠᠬᠤ ᠦᠭᠡᠢ ᠬᠥᠮᠦᠨ ᠴᠤ ᠬᠠᠷᠢᠶᠠᠭᠳᠠᠨᠠ᠃
11 ᠢᠳᠡᠷ ᠵᠠᠯᠠᠭᠤ ᠠᠴᠠ ᠪᠠᠨ ᠮᠣᠶᠠᠪ ᠠᠮᠤᠷ ᠲᠠᠢᠪᠤᠩ ᠪᠠᠢᠵᠤ ᠴᠥᠯᠡᠯᠭᠡ ᠳᠦ ᠶᠠᠪᠤᠭᠠ ᠦᠭᠡᠢ ᠨᠢᠭᠡ ᠰᠠᠪᠠᠨ ᠠᠴᠠ ᠨᠥᠭᠥᠭᠡ ᠰᠠᠪᠠ ᠤᠷᠤᠭᠤ ᠶᠡᠭᠦᠯᠡᠭᠳᠡᠭᠡ ᠦᠭᠡᠢ ᠲᠤᠯᠠ ᠰᠢᠭᠠᠷᠤ ᠲᠣᠭᠲᠠᠭᠰᠠᠨ ᠳᠠᠷᠠᠰᠤ ᠲᠠᠢ ᠠᠳᠠᠯᠢ ᠠᠮᠲᠠ ᠨᠢ ᠬᠡᠪ ᠢᠶᠡᠷ ᠢᠶᠠᠨ᠂ ᠦᠨᠦᠷ ᠨᠢ ᠴᠤ ᠥᠭᠡᠷᠡᠴᠢᠯᠡᠭᠳᠡᠭᠡ ᠦᠭᠡᠢ᠃
12 〈ᠲᠡᠢᠮᠦ ᠡᠴᠡ ᠪᠢ ᠲᠡᠭᠦᠨ ᠤᠷᠤᠭᠤ ᠶᠡᠭᠦᠯᠡᠭᠴᠢᠳ ᠢ ᠢᠯᠡᠭᠡᠬᠦ ᠪᠥᠭᠡᠳ ᠲᠡᠳᠡ ᠲᠡᠭᠦᠨ ᠢ ᠶᠡᠭᠦᠯᠡᠨ ᠠᠰᠬᠠᠨᠠ᠂ ᠲᠡᠳᠡ ᠰᠠᠪᠠ ᠰᠠᠭᠤᠯᠠᠭᠠ ᠨᠤᠭᠤᠳ ᠢ ᠨᠢ ᠬᠣᠭᠣᠰᠣᠯᠠᠨ᠂ ᠸᠠᠭᠠᠷ ᠤᠳ ᠢ ᠨᠢ ᠬᠠᠭᠠᠯᠤᠨᠠ᠂ ᠬᠠᠷᠠ᠂ ᠲᠡᠷᠡ ᠡᠳᠦᠷ ᠢᠷᠡᠵᠦ ᠪᠠᠢᠨᠠ᠂〉 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 13 ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠪᠧᠲ᠋ᠧᠯ ᠳᠤ ᠢᠲᠡᠭᠡᠭᠰᠡᠨ ᠦ ᠤᠯᠠᠮ ᠢᠶᠠᠷ ᠢᠴᠢᠭᠦᠷᠢ ᠳᠤ ᠣᠷᠣᠭᠰᠠᠨ ᠲᠠᠢ ᠠᠳᠠᠯᠢ᠂ ᠮᠣᠶᠠᠪ ᠨᠢ ᠺᠧᠮᠣᠱ ᠤᠨ ᠤᠯᠠᠮ ᠢᠶᠠᠷ ᠢᠴᠢᠭᠦᠷᠢ ᠳᠤ ᠣᠷᠣᠨᠠ᠃
14 ᠶᠠᠭᠠᠬᠢᠭᠠᠳ ᠲᠠ ᠨᠠᠷ ᠥᠪᠡᠷᠰᠡᠳ ᠢ ᠪᠠᠨ 〈ᠪᠠᠭᠠᠲᠤᠷ ᠤᠳ᠂ ᠬᠦᠴᠦᠷᠬᠡᠭ ᠳᠠᠢᠴᠢᠳ〉 ᠭᠡᠵᠦ ᠬᠡᠯᠡᠨᠡ ᠪᠤᠢ︖ 15 ᠡᠳᠦᠭᠡ ᠮᠣᠶᠠᠪ ᠪᠣᠯᠣᠨ ᠲᠡᠭᠦᠨ ᠦ ᠬᠣᠲᠠ ᠲᠣᠰᠬᠣᠳ ᠢ ᠤᠰᠠᠳᠬᠠᠭᠴᠢ ᠢᠷᠡᠯᠡ᠂ ᠰᠢᠯᠢᠳᠡᠭ ᠵᠠᠯᠠᠭᠤᠰ ᠨᠢ ᠨᠢᠳᠤᠯᠤᠭᠳᠠᠬᠤ ᠭᠠᠵᠠᠷ ᠤᠷᠤᠭᠤ ᠶᠠᠪᠤᠯᠠ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠭᠳᠡᠳᠡᠭ ᠬᠠᠭᠠᠨ ᠠᠢᠯᠠᠳᠴᠤ ᠪᠠᠢᠨᠠ᠃
16 《ᠮᠣᠶᠠᠪ ᠤᠨ ᠭᠠᠢ ᠣᠢᠷᠠᠲᠤᠯᠠ᠂ ᠲᠡᠭᠦᠨ ᠦ ᠭᠠᠮᠰᠢᠭ ᠶᠠᠭᠠᠷᠠᠨ ᠢᠷᠡᠨᠡ᠃
17 ᠲᠡᠭᠦᠨ ᠦ ᠡᠷᠭᠢᠨ ᠲᠣᠭᠣᠷᠢᠨ ᠤ ᠬᠥᠮᠦᠨ ᠪᠦᠬᠦᠨ ᠲᠡᠭᠦᠨ ᠦ ᠨᠡᠷᠡ ᠶᠢ ᠮᠡᠳᠡᠳᠡᠭ ᠬᠥᠮᠦᠨ ᠪᠦᠬᠦᠨ ᠲᠡᠭᠦᠨ ᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠵᠤ᠄ 〈ᠬᠦᠴᠦᠷᠬᠡᠭ ᠲᠠᠶᠠᠭ᠂ ᠠᠯᠳᠠᠷᠲᠤ ᠲᠠᠶᠠᠭ ᠬᠡᠷᠬᠢᠨ ᠬᠤᠭᠤᠷᠠᠪᠠ ᠡ︕〉 ᠭᠡᠵᠦ ᠬᠡᠯᠡᠵᠡᠭᠡ᠃
18 ᠥᠬᠢᠨ ᠳ᠋ᠢᠪᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠡ᠂ ᠠᠯᠳᠠᠷ ᠠᠴᠠ ᠪᠠᠨ ᠪᠠᠭᠤᠨ ᠢᠷᠡᠵᠦ᠂ ᠬᠠᠲᠠᠭᠰᠠᠨ ᠭᠠᠵᠠᠷ ᠳᠡᠭᠡᠷᠡ ᠰᠠᠭᠤ ᠮᠣᠶᠠᠪ ᠢ ᠤᠰᠠᠳᠬᠠᠭᠴᠢ ᠨᠢ ᠴᠢᠮᠠ ᠤᠷᠤᠭᠤ ᠢᠷᠡᠵᠦ᠂ ᠪᠠᠲᠤ ᠴᠠᠢᠵᠠ ᠨᠤᠭᠤᠳ ᠢ ᠴᠢᠨᠢ ᠨᠤᠷᠠᠭᠠᠨᠠ᠃
19 ᠠᠷᠣᠶᠧᠷ ᠲᠤ ᠰᠠᠭᠤᠳᠠᠭ ᠪᠦᠰᠡᠭᠦᠢ ᠡ᠂ ᠵᠠᠮ ᠤᠨ ᠳᠡᠷᠭᠡᠳᠡ ᠵᠣᠭᠰᠣᠨ ᠬᠠᠷᠠᠭᠤᠯᠳᠠᠵᠤ ᠣᠷᠭᠣᠵᠤ ᠪᠤᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠡᠴᠡ 〈ᠶᠠᠭᠤ ᠪᠣᠯᠣᠭᠰᠠᠨ ᠪᠤᠢ︖〉 ᠭᠡᠵᠦ ᠠᠰᠠᠭᠤ᠃
20 ᠮᠣᠶᠠᠪ ᠢᠯᠠᠭᠳᠠᠵᠤ᠂ ᠰᠢᠪᠰᠢᠭ ᠪᠣᠯᠣᠯᠠ᠂ ᠤᠬᠢᠯᠠᠨ ᠬᠠᠰᠬᠢᠷᠴᠤ᠂ 〈ᠮᠣᠶᠠᠪ ᠤᠰᠠᠳᠬᠠᠭᠳᠠᠭᠰᠠᠨ〉 ᠭᠡᠵᠦ ᠠᠷᠨᠣᠨ ᠤ ᠳᠡᠷᠭᠡᠳᠡ ᠲᠤᠩ᠋ᠬᠠᠭᠯᠠ᠃
21 ᠲᠠᠯᠠ ᠭᠠᠵᠠᠷ ᠳᠡᠭᠡᠷᠡ ᠰᠢᠳᠬᠡᠯ ᠢᠷᠡᠵᠦ᠂ ᠬᠣᠯᠣᠨ᠂ ᠶᠠᠽᠠ ᠮᠧᠹᠠᠶᠠᠲ᠂ 22 ᠳ᠋ᠢᠪᠣᠨ᠂ ᠨᠧᠪᠣ᠂ ᠪᠧᠲ ᠳ᠋ᠢᠪᠯᠠᠲ᠋ᠠᠢᠮ᠂ 23 ᠺᠢᠷᠢᠶᠠᠲ᠋ᠠᠢᠮ᠂ ᠪᠧᠲ ᠭᠠᠮᠦ᠋ᠯ᠂ ᠪᠧᠲ ᠮᠧᠶᠣᠨ᠂ 24 ᠺᠧᠷᠢᠶᠣᠲ᠂ ᠪᠣᠽᠷᠠ ᠵᠡᠷᠭᠡ ᠮᠣᠶᠠᠪ ᠤᠨ ᠨᠤᠲᠤᠭ ᠤᠨ ᠬᠣᠯᠠ ᠣᠢᠷᠠ ᠶᠢᠨ ᠪᠦᠬᠦ ᠬᠣᠲᠠ ᠳᠤ ᠬᠦᠷᠴᠡᠢ᠃ 25 ᠮᠣᠶᠠᠪ ᠤᠨ ᠡᠪᠡᠷ ᠳᠠᠭᠠᠷᠢᠭᠤᠯᠵᠤ᠂ ᠭᠠᠷ ᠨᠢ ᠬᠤᠭᠤᠷᠠᠪᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
26 《ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠥᠪᠡᠷ ᠢ ᠪᠠᠨ ᠡᠷᠭᠦᠮᠵᠢᠯᠡᠳᠡᠭ᠌ ᠮᠣᠶᠠᠪ ᠢ ᠰᠣᠭᠲᠣᠭᠠ᠃ ᠲᠡᠷᠡ ᠪᠥᠭᠡᠯᠵᠢᠰᠦᠨ ᠳᠡᠭᠡᠷᠡ ᠪᠡᠨ ᠬᠥᠯᠪᠡᠷᠢᠵᠦ᠂ ᠬᠥᠮᠦᠨ ᠦ ᠳᠣᠭᠣᠭᠢ ᠲᠣᠬᠣᠭᠤ ᠪᠣᠯᠣᠭ᠃ 27 ᠴᠢ ᠢᠰᠷᠧᠯ ᠢ ᠬᠤᠯᠠᠭᠠᠢᠯᠠᠵᠤ ᠪᠠᠢᠬᠤ ᠳᠤᠨᠢ ᠪᠠᠷᠢᠭᠰᠠᠨ ᠰᠢᠭ᠋ ᠳᠣᠭᠣᠭᠢ ᠲᠣᠬᠣᠭᠤ ᠪᠣᠯᠭᠠᠵᠤ᠂ ᠲᠡᠭᠦᠨ ᠦ ᠲᠤᠬᠠᠢ ᠶᠠᠷᠢᠬᠤ ᠪᠣᠯᠭᠠᠨ ᠳᠠᠭᠠᠨ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠴᠦ ᠪᠠᠢᠭᠰᠠᠨ ᠪᠢᠰᠢ ᠤᠤ︖
28 ᠬᠣᠲᠠ ᠪᠠᠨ ᠣᠷᠬᠢᠵᠤ᠂ ᠬᠠᠳᠠᠨ ᠳᠡᠭᠡᠷᠡ ᠠᠮᠢᠳᠤᠷᠠ᠂ ᠮᠣᠶᠠᠪ ᠤᠨ ᠰᠠᠭᠤᠭᠠᠯᠢᠴᠢᠳ ᠡ᠂ ᠬᠠᠪᠴᠢᠯ ᠤᠨ ᠠᠮᠠᠨ ᠳᠡᠭᠡᠷᠡ ᠡᠭᠦᠷᠯᠡᠳᠡᠭ ᠲᠠᠭᠲᠠᠭᠠ ᠮᠡᠲᠦ ᠪᠠᠢ᠃
29 ᠮᠣᠶᠠᠪ ᠤᠨ ᠪᠠᠷᠳᠠᠮᠨᠠᠯ᠂ ᠲᠡᠭᠦᠨ ᠦ ᠪᠠᠷᠳᠠᠮ᠂ ᠰᠠᠭᠰᠠᠭᠤ ᠣᠩ᠋ᠭᠢᠷᠠᠭᠠ᠂ ᠳᠡᠭᠡᠷᠡᠩᠭᠦᠢ ᠵᠠᠩ ᠤᠨ ᠲᠤᠬᠠᠢ ᠪᠢᠳᠡ ᠰᠣᠨᠣᠰᠣᠭᠰᠠᠨ᠃ ᠲᠡᠷᠡ ᠮᠠᠰᠢ ᠪᠠᠷᠳᠠᠮ ᠪᠢᠯᠡ
30 ᠲᠡᠭᠦᠨ ᠦ ᠢᠴᠢᠭᠦᠷᠢ ᠦᠭᠡᠢ ᠵᠠᠩ ᠢ ᠪᠢ ᠮᠡᠳᠡᠨᠡ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 《ᠲᠡᠭᠦᠨ ᠦ ᠰᠠᠢᠷᠬᠠᠯ ᠬᠣᠭᠣᠰᠣᠨ᠂ ᠲᠡᠭᠦᠨ ᠦ ᠦᠢᠯᠡᠰ ᠬᠣᠭᠣᠰᠣᠨ
31 ᠲᠡᠢᠮᠦ ᠡᠴᠡ ᠪᠢ ᠮᠣᠶᠠᠪ ᠤᠨ ᠲᠥᠯᠥᠭᠡ ᠣᠷᠢ ᠳᠠᠭᠤ ᠲᠠᠯᠪᠢᠨᠠ ᠪᠦᠬᠦ ᠮᠣᠶᠠᠪ ᠤᠨ ᠲᠥᠯᠥᠭᠡ ᠬᠠᠰᠬᠢᠷᠤᠨᠠ ᠺᠢᠷ ᠾᠧᠷᠧᠰ ᠤᠨ ᠬᠥᠮᠦᠰ ᠦᠨ ᠲᠥᠯᠥᠭᠡ ᠭᠠᠰᠢᠭᠤᠳᠠᠨᠠ᠃
32 ᠰᠢᠪᠮᠠ ᠶᠢᠨ ᠦᠵᠦᠮ ᠡ᠂ ᠪᠢ ᠶᠠᠽᠧᠷ ᠤᠨ ᠲᠥᠯᠥᠭᠡ ᠤᠬᠢᠯᠠᠬᠤ ᠠᠴᠠ ᠢᠯᠡᠭᠦᠦ ᠪᠡᠷ ᠴᠢᠨᠦ ᠲᠥᠯᠥᠭᠡ ᠤᠬᠢᠯᠠᠬᠤ ᠪᠣᠯᠣᠨᠠ︕ ᠰᠥᠨᠥᠭᠰᠡᠨ ᠲᠠᠩᠭᠢᠰ ᠤᠨ ᠴᠠᠭᠠᠨᠠ ᠬᠦᠷᠲᠡᠯᠡ ᠮᠥᠴᠢᠷ ᠤᠳ ᠴᠢᠨᠢ ᠰᠤᠨᠤᠨ᠂ ᠶᠠᠽᠧᠷ ᠤᠨ ᠲᠠᠩᠭᠢᠰ ᠬᠦᠷᠦᠭᠰᠡᠨ ᠪᠠᠢᠬᠤ ᠳᠤ᠂ ᠰᠦᠢᠳᠬᠡᠭᠴᠢ ᠴᠢᠨᠦ ᠪᠣᠯᠪᠠᠰᠤᠷᠠᠭᠰᠠᠨ ᠵᠢᠮᠢᠰ ᠪᠣᠯᠣᠨ ᠦᠵᠦᠮ ᠳᠡᠭᠡᠷᠡ ᠪᠠᠭᠤᠪᠠ᠃
33 ᠮᠣᠶᠠᠪ ᠤᠨ ᠴᠡᠴᠡᠷᠯᠢᠭ ᠪᠠ ᠲᠠᠯᠠᠪᠠᠢ ᠠᠴᠠ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠪᠤᠯᠢᠶᠠᠭᠳᠠᠨᠠ᠃ ᠪᠢ ᠰᠢᠬᠠᠭᠤᠷᠭᠠ ᠨᠤᠭᠤᠳ ᠠᠴᠠ ᠳᠠᠷᠠᠰᠤ ᠶᠢ ᠵᠣᠭᠰᠣᠭᠠᠭᠰᠠᠨ ᠤᠴᠢᠷ ᠠᠴᠠ ᠲᠡᠳᠡᠭᠡᠷ ᠢ ᠭᠢᠰᠬᠢᠯᠡᠨ ᠤᠤᠬᠠᠢᠯᠠᠬᠤ ᠬᠥᠮᠦᠨ ᠠᠯᠠᠭᠠ᠂ ᠤᠤᠬᠠᠢ ᠨᠢ ᠴᠤ ᠤᠤᠬᠠᠢ ᠪᠢᠰᠢ ᠪᠣᠯᠣᠯᠠ᠃
34 ᠾᠧᠱᠪᠣᠨ ᠠᠴᠠ ᠡᠯᠧᠶᠠᠯᠧ ᠶᠢ ᠳᠠᠭᠠᠷᠢᠨ ᠶᠠᠬᠠᠽ ᠬᠦᠷᠲᠡᠯᠡ᠂ ᠽᠣᠶᠠᠷ ᠠᠴᠠ ᠬᠣᠷᠣᠨᠠᠢᠮ ᠢᠶᠠᠷ ᠳᠠᠮᠵᠢᠨ ᠡᠭᠯᠠᠲ ᠱᠧᠯᠢᠱᠢᠶᠠ ᠬᠦᠷᠲᠡᠯᠡ ᠬᠠᠰᠬᠢᠷᠬᠤ ᠳᠠᠭᠤ ᠰᠣᠨᠣᠰᠲᠠᠯᠠ᠃ ᠨᠢᠮᠷᠢᠮ ᠤᠨ ᠤᠰᠤ ᠴᠤ ᠰᠢᠷᠭᠢᠭᠰᠡᠨ ᠠᠵᠢ᠃ 35 ᠮᠣᠶᠠᠪ ᠤᠨ ᠮᠥᠷᠭᠥᠯ ᠦᠨ ᠮᠠᠨᠳᠠᠯ ᠳᠡᠭᠡᠷᠡ ᠲᠠᠬᠢᠯ ᠡᠷᠭᠦᠵᠦ᠂ ᠪᠤᠷᠬᠠᠳ ᠲᠠᠭᠠᠨ ᠤᠲᠤᠯᠭᠠ ᠤᠭᠤᠭᠢᠭᠤᠯᠳᠠᠭ ᠶᠣᠰᠣ ᠶᠢ ᠨᠢ ᠪᠢ ᠵᠣᠭᠰᠣᠭᠠᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 36 《ᠡᠳᠡᠭᠡᠷ ᠦᠨ ᠤᠯᠠᠮ ᠢᠶᠠᠷ ᠰᠡᠳᠬᠢᠯ ᠮᠢᠨᠢ ᠮᠣᠶᠠᠪ ᠤᠨ ᠲᠥᠯᠥᠭᠡ ᠯᠢᠩᠪᠦ ᠮᠡᠲᠦ ᠭᠠᠰᠢᠭᠤᠳᠠᠨᠠ᠃ ᠮᠥᠨ ᠺᠢᠷ ᠾᠧᠷᠧᠰ ᠤᠨ ᠬᠥᠮᠦᠰ ᠦᠨ ᠲᠥᠯᠥᠭᠡ ᠯᠢᠩᠪᠦ ᠮᠡᠲᠦ ᠭᠠᠰᠢᠭᠤᠳᠠᠨᠠ᠃ ᠲᠡᠳᠡᠨ ᠦ ᠣᠯᠣᠭᠰᠠᠨ ᠡᠳ᠋ ᠪᠠᠶᠠᠯᠢᠭ ᠠᠯᠠᠭᠠ ᠪᠣᠯᠣᠯᠠ᠃
37 ᠬᠥᠮᠦᠨ ᠪᠣᠯᠭᠠᠨ ᠲᠣᠯᠣᠭᠠᠢ ᠪᠠᠨ ᠮᠤᠬᠤᠷ ᠪᠣᠯᠭᠠᠵᠤ᠂ ᠰᠠᠬᠠᠯ ᠢᠶᠠᠨ ᠬᠤᠰᠤᠨ᠂ ᠭᠠᠷ ᠢᠶᠠᠨ ᠵᠦᠰᠦᠭᠰᠡᠨ ᠪᠠ ᠪᠡᠯᠬᠡᠭᠦᠰᠦᠨ ᠳᠡᠭᠡᠨ ᠲᠠᠭᠠᠷ ᠲᠠᠢ᠃ 38 ᠮᠣᠶᠠᠪ ᠤᠨ ᠪᠦᠬᠦ ᠪᠠᠢᠰᠢᠩ ᠤᠨ ᠳᠡᠭᠡᠪᠦᠷ᠂ ᠲᠡᠭᠦᠨ ᠦ ᠪᠦᠬᠦ ᠭᠤᠳᠤᠮᠵᠢᠨ ᠳᠡᠭᠡᠷᠡ ᠭᠠᠵᠠᠷ ᠰᠠᠢ ᠦᠭᠡᠢ ᠭᠠᠰᠢᠭᠤᠳᠠᠯ ᠪᠠᠢᠨᠠ᠃ ᠪᠢ ᠮᠣᠶᠠᠪ ᠢ ᠬᠡᠷᠡᠭ ᠦᠭᠡᠢ ᠰᠠᠪᠠ ᠮᠡᠲᠦ ᠬᠠᠭᠠᠯᠤᠭᠰᠠᠨ ᠠᠵᠢ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 39 《ᠮᠣᠶᠠᠪ ᠨᠤᠷᠠᠵᠠᠢ︕ ᠲᠡᠳᠡ ᠭᠠᠰᠢᠭᠤᠳᠠᠵᠤ ᠪᠠᠢᠨᠠ︕ ᠮᠣᠶᠠᠪ ᠢᠴᠢᠵᠦ ᠨᠢᠷᠤᠭᠤ ᠪᠠᠨ ᠬᠠᠷᠠᠭᠤᠯᠵᠠᠢ︕ ᠲᠡᠢᠨ ᠬᠦ ᠮᠣᠶᠠᠪ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠪᠦᠬᠦᠨ ᠳᠦ ᠳᠣᠭᠣᠭᠢ ᠲᠣᠬᠣᠭᠤ ᠪᠠ ᠵᠢᠭ᠍ᠰᠢᠯ ᠪᠣᠯᠣᠨᠠ᠃》
40 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠨᠢᠭᠡᠨ ᠪᠦᠷᠭᠦᠳ ᠰᠤᠮᠤᠳᠠᠨ ᠢᠷᠡᠭᠡᠳ ᠮᠣᠶᠠᠪ ᠤᠨ ᠳᠡᠭᠡᠷᠡ ᠵᠢᠭᠦᠷ ᠢᠶᠡᠨ ᠳᠡᠯᠭᠡᠨᠡ᠃
41 ᠬᠣᠲᠠ ᠨᠤᠭᠤᠳ ᠣᠯᠵᠠᠯᠠᠭᠳᠠᠵᠤ᠂ ᠴᠠᠢᠵᠠ ᠨᠤᠭᠤᠳ ᠡᠵᠡᠯᠡᠭᠳᠡᠨᠡ᠂ ᠲᠡᠷᠡ ᠡᠳᠦᠷ ᠮᠣᠶᠠᠪ ᠤᠨ ᠳᠠᠢᠴᠢᠳ ᠤᠨ ᠵᠢᠷᠦᠬᠡ ᠨᠢᠷᠠᠢᠯᠠᠵᠤ ᠪᠤᠢ ᠪᠦᠰᠡᠭᠦᠢ ᠶᠢᠨ ᠵᠢᠷᠦᠬᠡ ᠮᠡᠲᠦ ᠪᠣᠯᠣᠨᠠ᠃
42 ᠮᠣᠶᠠᠪ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠥᠪᠡᠷ ᠢ ᠪᠠᠨ ᠡᠷᠭᠦᠮᠵᠢᠯᠡᠳᠡᠭ᠌ ᠲᠤᠯᠠ ᠤᠰᠠᠳᠬᠠᠭᠳᠠᠵᠤ᠂ ᠦᠨᠳᠦᠰᠦᠲᠡᠨ ᠪᠠᠢᠬᠤ ᠪᠠᠨ ᠪᠣᠯᠢᠨᠠ᠃
43 ᠮᠣᠶᠠᠪ ᠲᠤ ᠰᠠᠭᠤᠳᠠᠭ ᠬᠥᠮᠦᠨ ᠡ᠂ ᠠᠶᠤᠮᠰᠢᠭᠲᠤ ᠤᠨᠠᠭᠤᠯᠢ ᠪᠠ ᠤᠷᠠᠬᠠ ᠡᠮᠦᠨᠡ ᠴᠢᠨᠢ ᠪᠠᠢᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
44 《ᠠᠶᠤᠮᠰᠢᠭ ᠠᠴᠠ ᠵᠢᠭᠤᠲᠠᠬᠤ ᠨᠢᠭᠡᠨ ᠨᠢ ᠤᠨᠠᠭᠤᠯᠢ ᠳᠤ ᠤᠨᠠᠵᠤ᠂ ᠤᠨᠠᠭᠤᠯᠢ ᠡᠴᠡ ᠭᠠᠷᠬᠤ ᠨᠢᠭᠡᠨ ᠨᠢ ᠤᠷᠠᠬᠠᠨ ᠳᠤ ᠣᠷᠣᠨᠠ᠂ ᠡᠳᠡᠭᠡᠷ ᠢ ᠪᠢ ᠮᠣᠶᠠᠪ ᠢ ᠰᠢᠳᠬᠡᠬᠦ ᠵᠢᠯ ᠳᠡᠭᠡᠨ ᠲᠡᠭᠦᠨ ᠳᠡᠭᠡᠷᠡ ᠠᠪᠴᠢᠷᠠᠬᠤ ᠪᠣᠯᠣᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
45 《ᠲᠠᠮᠢᠷᠳᠠᠭᠰᠠᠨ ᠳᠦᠷᠪᠡᠭᠴᠢᠳ ᠾᠧᠱᠪᠣᠨ ᠤ ᠬᠡᠷᠡᠮ ᠦᠨ ᠰᠡᠭᠦᠳᠡᠷ ᠲᠦ ᠵᠣᠭᠰᠣᠭᠰᠠᠨ ᠴᠤ ᠾᠧᠱᠪᠣᠨ ᠠᠴᠠ ᠭᠠᠯ᠂ ᠰᠢᠬᠣᠨ ᠠᠴᠠ ᠳᠥᠯᠥ ᠭᠠᠷᠴᠤ ᠮᠣᠶᠠᠪ ᠤᠨ ᠳᠤᠬᠤ᠂ ᠦᠢᠮᠡᠭᠡᠨ ᠳᠡᠭᠳᠡᠭᠡᠭᠴᠢᠳ ᠤᠨ ᠬᠤᠢᠬᠠ ᠶᠢ ᠰᠢᠲᠠᠭᠠᠨᠠ᠃
46 ᠭᠠᠰᠠᠯᠠᠩᠲᠠᠶᠠ ᠮᠣᠶᠠᠪ ᠡ᠂ ᠺᠧᠮᠣᠱ ᠤᠨ ᠦᠨᠳᠦᠰᠦᠲᠡᠨ ᠮᠥᠬᠥᠵᠡᠢ ᠬᠥᠪᠡᠭᠦᠳ ᠴᠢᠨᠢ ᠣᠯᠵᠠᠯᠠᠭᠳᠠᠵᠤ᠂ ᠥᠬᠢᠳ ᠴᠢᠨᠢ ᠴᠥᠯᠡᠭᠳᠡᠵᠡᠢ᠃
47 ᠭᠡᠪᠡᠴᠦ ᠬᠣᠵᠢᠮ ᠤᠨ ᠡᠳᠦᠷ ᠤᠳ ᠲᠤ ᠪᠢ ᠮᠣᠶᠠᠪ ᠤᠨ ᠴᠥᠯᠡᠭᠳᠡᠭᠰᠡᠳ ᠢ ᠪᠤᠴᠠᠭᠠᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠮᠣᠶᠠᠪ ᠲᠤ ᠢᠷᠡᠬᠦ ᠰᠢᠳᠬᠡᠯ ᠦᠨ ᠲᠠᠯᠠ ᠪᠠᠷ ᠬᠢ ᠦᠭᠡ ᠡᠢᠨ ᠬᠦ ᠲᠡᠭᠦᠰᠪᠡ᠃