ᠶᠧᠷᠧᠮᠢᠶᠠ ᠠᠷᠪᠠᠨ ᠲᠠᠪᠤ
1 ᠶᠣᠬᠣᠸᠠ ᠨᠠᠳᠠ ᠳᠤ ᠠᠢᠯᠠᠳᠪᠠ᠄ 《ᠮᠣᠰᠧ᠂ ᠰᠠᠮᠦ᠋ᠶᠧᠯ ᠨᠠᠷ ᠮᠢᠨᠦ ᠡᠮᠦᠨᠡ ᠵᠣᠭᠰᠣᠬᠤ ᠪᠠᠢᠭᠰᠠᠨ ᠴᠤ ᠰᠡᠳᠬᠢᠯ ᠮᠢᠨᠢ ᠡᠨᠡ ᠠᠷᠠᠳ ᠲᠦᠮᠡᠨ ᠳᠡᠭᠡᠷᠡ ᠦᠭᠡᠢ᠃ ᠲᠡᠳᠡᠨ ᠢ ᠮᠢᠨᠦ ᠡᠮᠦᠨᠡ ᠡᠴᠡ ᠭᠠᠷᠭᠠᠨ ᠶᠠᠪᠤᠭᠤᠯ︕ 2 ᠲᠡᠳᠡ ᠴᠢᠮᠠ ᠳᠤ᠄ 〈ᠪᠢᠳᠡ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠶᠤᠮ ᠪᠤᠢ︖〉 ᠭᠡᠪᠡᠯ᠂ ᠴᠢ᠄ 〈ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠦᠬᠦᠯ ᠦᠨ ᠬᠤᠪᠢ ᠲᠠᠢ ᠨᠢ ᠦᠬᠦᠯ ᠤᠷᠤᠭᠤ ᠢᠯᠳᠦᠨ ᠦ ᠬᠤᠪᠢ ᠲᠠᠢ ᠨᠢ ᠢᠯᠳᠦ ᠤᠷᠤᠭᠤ ᠥᠯᠥᠰᠬᠥᠯᠡᠩ ᠦᠨ ᠬᠤᠪᠢ ᠲᠠᠢ ᠨᠢ ᠥᠯᠥᠰᠬᠥᠯᠡᠩ ᠤᠷᠤᠭᠤ ᠴᠥᠯᠡᠯᠭᠡ ᠶᠢᠨ ᠬᠤᠪᠢ ᠲᠠᠢ ᠨᠢ ᠴᠥᠯᠡᠯᠭᠡ ᠤᠷᠤᠭᠤ〉 ᠭᠡᠭᠡᠷᠡᠢ᠃》
3 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ ᠪᠢ ᠲᠡᠳᠡᠨ ᠦ ᠳᠡᠭᠡᠷᠡ ᠳᠥᠷᠪᠡᠨ ᠲᠥᠷᠥᠯ ᠦᠨ ᠰᠦᠢᠳᠬᠡᠭᠴᠢ ᠶᠢ ᠲᠣᠮᠢᠯᠠᠨᠠ᠂ ᠲᠡᠳᠡᠭᠡᠷ ᠨᠢ ᠬᠢᠳᠤᠭᠴᠢ ᠢᠯᠳᠦ᠂ ᠴᠢᠷᠦᠭᠴᠢ ᠨᠣᠬᠠᠳ᠂ ᠵᠠᠯᠭᠢᠭᠴᠢ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤ ᠪᠣᠯᠣᠨ ᠰᠦᠢᠳᠬᠡᠭᠴᠢ ᠭᠠᠵᠠᠷ ᠤᠨ ᠠᠷᠢᠶᠠᠲᠠᠨ ᠶᠤᠮ᠃ 4 ᠶᠦᠳᠠ ᠶᠢᠨ ᠬᠠᠭᠠᠨ ᠾᠧᠽᠧᠺᠢᠶᠠ ᠶᠢᠨ ᠬᠦᠦ ᠮᠠᠨᠠᠰᠧ ᠤᠨ ᠶᠧᠷᠦ᠋ᠰᠠᠯᠧᠮ ᠳᠤ ᠦᠢᠯᠡᠳᠦᠭᠰᠡᠨ ᠬᠡᠷᠡᠭ ᠦᠨ ᠤᠯᠠᠮ ᠢᠶᠠᠷ ᠪᠢ ᠲᠡᠳᠡᠨ ᠢ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠬᠠᠭᠠᠨᠴᠢᠯᠠᠯ ᠤᠨ ᠳᠤᠮᠳᠠ ᠵᠢᠭᠰᠢᠭᠦᠷᠢ ᠪᠣᠯᠭᠠᠨᠠ᠃
5 ᠶᠧᠷᠦ᠋ᠰᠠᠯᠧᠮ ᠡ᠂ ᠬᠡᠨ ᠴᠢᠮᠠᠶᠢ ᠥᠷᠥ ᠡᠪᠡᠳᠬᠦ ᠶᠤᠮ ᠪᠤᠢ︖ ᠬᠡᠨ ᠴᠢᠨᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠵᠤ ᠬᠡᠨ ᠴᠢᠨᠦ ᠠᠮᠤᠷ ᠢ ᠠᠰᠠᠭᠤᠬᠤ ᠪᠠᠷ ᠵᠣᠭᠰᠣᠬᠤ ᠪᠢᠯᠡ︖
6 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠄ ᠴᠢ ᠥᠪᠡᠷ ᠢᠶᠡᠨ ᠨᠠᠮᠠᠶᠢ ᠣᠷᠬᠢᠵᠤ ᠨᠠᠳᠠ ᠠᠴᠠ ᠤᠷᠪᠠᠭᠰᠠᠨ ᠲᠡᠢᠮᠦ ᠡᠴᠡ ᠪᠢ ᠴᠢᠮᠠ ᠤᠷᠤᠭᠤ ᠭᠠᠷ ᠢᠶᠠᠨ ᠰᠤᠩ᠋ᠭᠠᠵᠤ᠂ ᠴᠢᠮᠠᠶᠢ ᠰᠥᠨᠥᠭᠡᠨᠡ ᠪᠢ ᠥᠷᠥᠰᠢᠶᠡᠭᠰᠡᠭᠡᠷ ᠪᠠᠢᠭᠠᠳ ᠵᠠᠯᠬᠠᠵᠠᠢ᠃
7 ᠪᠢ ᠲᠡᠳᠡᠨ ᠢ ᠲᠡᠷᠡ ᠨᠤᠲᠤᠭ ᠤᠨ ᠬᠠᠭᠠᠯᠭᠠᠨ ᠳᠤ ᠰᠢᠭᠰᠢᠭᠦᠷ ᠢᠶᠡᠷ ᠰᠢᠭᠰᠢᠵᠦ ᠬᠡᠦᠬᠡᠳ ᠤᠳ ᠠᠴᠠ ᠨᠢ ᠬᠠᠭᠠᠴᠠᠭᠤᠯᠤᠨᠠ᠂ ᠲᠡᠢᠨ ᠬᠦ ᠪᠢ ᠠᠷᠠᠳ ᠲᠦᠮᠡᠨ ᠢᠶᠡᠨ ᠤᠰᠠᠳᠬᠠᠨᠠ᠃ ᠤᠴᠢᠷ ᠨᠢ ᠲᠡᠳᠡ ᠵᠠᠮ ᠠᠴᠠ ᠪᠠᠨ ᠡᠷᠭᠢᠭᠰᠡᠨ ᠦᠭᠡᠢ᠃
8 ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠨᠢ ᠳᠠᠯᠠᠢ ᠶᠢᠨ ᠡᠯᠡᠰᠦᠨ ᠡᠴᠡ ᠴᠤ ᠣᠯᠠᠨ ᠪᠣᠯᠣᠨᠠ᠂ ᠪᠢ ᠢᠳᠡᠷ ᠵᠠᠯᠠᠭᠤᠰ ᠤᠨ ᠡᠬᠡ ᠶᠢᠨ ᠬᠢᠨᠢ ᠳᠡᠭᠡᠷᠡ ᠰᠦᠢᠳᠬᠡᠭᠴᠢ ᠶᠢ ᠦᠳᠡ ᠳᠤᠮᠳᠠ ᠪᠠᠷ ᠠᠪᠴᠢᠷᠠᠵᠤ ᠡᠬᠡ ᠶᠢ ᠨᠢ ᠭᠡᠨᠡᠳᠲᠡ ᠶᠢᠨ ᠠᠢᠳᠠᠰ ᠴᠣᠴᠢᠷᠳᠠᠯ ᠳᠤ ᠣᠷᠣᠭᠤᠯᠤᠨᠠ᠂
9 ᠳᠣᠯᠣᠭᠠᠨ ᠬᠥᠪᠡᠭᠦᠨ ᠲᠡᠢ ᠡᠬᠡ ᠮᠣᠬᠣᠵᠤ᠂ ᠤᠬᠠᠭᠠᠨ ᠠᠯᠳᠠᠨᠠ᠂ ᠲᠡᠭᠦᠨ ᠦ ᠨᠠᠷᠠ ᠡᠳᠦᠷ ᠢᠶᠡᠷ ᠰᠢᠩᠭᠡᠭᠰᠡᠨ ᠲᠤᠯᠠ ᠲᠡᠷᠡ ᠪᠡᠷ ᠰᠢᠪᠰᠢᠭ ᠪᠣᠯᠵᠤ ᠪᠠᠰᠤᠮᠵᠢᠯᠠᠭᠳᠠᠬᠤ ᠪᠣᠯᠣᠨᠠ᠂ ᠲᠡᠳᠡᠨ ᠦ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠢ ᠪᠢ ᠳᠠᠢᠰᠤᠨ ᠨᠤᠭᠤᠳ ᠤᠨ ᠬᠢᠨᠢ ᠢᠯᠳᠦᠨ ᠳᠦ ᠲᠤᠰᠢᠶᠠᠨᠠ᠂ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
10 〈ᠡᠵᠢ ᠮᠢᠨᠢ᠂ ᠲᠠ ᠨᠠᠮᠠᠶᠢ ᠲᠥᠷᠥᠭᠦᠯᠦᠭᠰᠡᠨ ᠲᠤᠯᠠ ᠪᠢ ᠭᠠᠰᠠᠯᠠᠩᠲᠠᠶᠠ︕ ᠪᠢ ᠪᠦᠬᠦ ᠳᠡᠯᠡᠬᠡᠢ ᠲᠡᠢ ᠲᠡᠮᠡᠴᠡᠵᠦ ᠮᠠᠷᠭᠤᠳᠠᠭ ᠬᠥᠮᠦᠨ ᠪᠣᠯᠣᠯᠠ ᠪᠢ ᠵᠢᠭᠡᠯᠡᠭᠡ ᠦᠭᠡᠢ᠂ ᠵᠢᠭᠡᠯᠡᠭᠦᠯᠦᠭᠡ ᠦᠭᠡᠢ ᠪᠠᠢᠲᠠᠯᠠ ᠬᠥᠮᠦᠨ ᠪᠦᠷᠢ ᠨᠠᠮᠠᠶᠢ ᠬᠠᠷᠢᠶᠠᠵᠤ ᠪᠠᠢᠨᠠ᠃〉
11 ᠶᠣᠬᠣᠸᠠ ᠠᠢᠯᠠᠳᠤᠨ᠄ 〈ᠪᠢ ᠯᠠᠪᠲᠠᠢ ᠰᠠᠢᠨ ᠰᠠᠢᠬᠠᠨ ᠤ ᠲᠥᠯᠥᠭᠡ ᠴᠢᠮᠠᠶᠢ ᠴᠢᠯᠥᠭᠡᠯᠡᠨᠡ ᠭᠠᠢ ᠭᠠᠮᠰᠢᠭ᠂ ᠵᠣᠪᠠᠯᠠᠩ ᠤᠨ ᠦᠶᠡ ᠳᠦ ᠳᠠᠢᠰᠤᠨ ᠴᠢᠨᠢ ᠴᠤ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠴᠢᠨᠦ ᠭᠤᠶᠤᠵᠤ ᠥᠭᠬᠦ ᠶᠢ ᠬᠦᠰᠡᠬᠦ ᠪᠣᠯᠣᠨᠠ᠂〉
12 ᠬᠣᠢᠲᠤ ᠵᠦᠭ ᠡᠴᠡ ᠢᠷᠡᠭᠰᠡᠨ ᠲᠡᠮᠦᠷ᠂ ᠲᠡᠢᠮᠦ ᠲᠡᠮᠦᠷ ᠪᠤᠶᠤ ᠬᠦᠷᠡᠯ ᠢ ᠬᠡᠨ ᠬᠠᠭᠠᠯᠵᠤ ᠴᠢᠳᠠᠬᠤ ᠪᠢᠯᠡ︖
13 ᠴᠢᠨᠦ ᠨᠤᠲᠤᠭ ᠳᠡᠪᠢᠰᠬᠡᠷ ᠳᠡᠭᠡᠷᠡᠬᠢ ᠪᠦᠬᠦ ᠨᠢᠭᠦᠯ ᠦᠨ ᠴᠢᠨᠢ ᠤᠯᠠᠮ ᠢᠶᠠᠷ ᠪᠢ ᠴᠢᠨᠦ ᠡᠳ᠋ ᠬᠥᠷᠥᠩᠭᠡ ᠪᠣᠯᠣᠨ ᠡᠷᠳᠡᠨᠢᠰ ᠢ ᠦᠨᠡ ᠦᠭᠡᠢ ᠪᠠᠷ ᠣᠯᠵᠠ ᠪᠣᠯᠭᠠᠬᠤ ᠪᠥᠭᠡᠳ
14 ᠴᠢᠨᠦ ᠮᠡᠳᠡᠬᠦ ᠦᠭᠡᠢ ᠭᠦᠷᠦᠨ ᠳᠦ ᠴᠢᠮᠠᠶᠢ ᠳᠠᠢᠰᠤᠨ ᠤ ᠴᠢᠨᠢ ᠪᠣᠭᠣᠯ ᠪᠣᠯᠭᠠᠨᠠ ᠲᠡᠢᠨ ᠬᠦ ᠠᠭᠤᠷ ᠬᠢᠯᠢᠩ ᠤᠨ ᠮᠢᠨᠢ ᠭᠠᠯ ᠨᠣᠴᠣᠵᠤ ᠴᠢᠮᠠᠶᠢ ᠰᠢᠲᠠᠭᠠᠬᠤ ᠪᠣᠯᠣᠨᠠ》 ᠭᠡᠪᠡ᠃
15 ᠲᠠ ᠪᠦᠭᠦᠳᠡ ᠶᠢ ᠮᠡᠳᠡᠨᠡ᠂ ᠶᠣᠬᠣᠸᠠ ᠨᠠᠮᠠᠶᠢ ᠰᠠᠨᠠᠨ ᠬᠠᠯᠠᠮᠵᠢᠯᠠᠵᠤ᠂ ᠬᠠᠪᠴᠢᠭᠴᠢᠳ ᠠᠴᠠ ᠥᠰᠢᠶᠡ ᠠᠪᠤᠭᠠᠴᠢ ᠠᠭᠤᠷ ᠢᠶᠠᠨ ᠤᠳᠠᠭᠠᠰᠢᠷᠠᠭᠤᠯᠵᠤ᠂ ᠠᠮᠢ ᠶᠢ ᠮᠢᠨᠢ ᠪᠦᠦ ᠠᠪᠠᠴᠢᠭᠠᠴᠢ ᠲᠠᠨ ᠤ ᠲᠥᠯᠥᠭᠡ ᠳᠣᠷᠣᠮᠵᠢᠯᠠᠭᠳᠠᠵᠤ ᠪᠠᠢᠬᠤ ᠶᠢ ᠮᠢᠨᠢ ᠰᠠᠨᠠᠭᠠᠴᠢ᠃
16 ᠲᠠᠨ ᠤ ᠦᠭᠡᠰ ᠣᠯᠳᠠᠬᠤ ᠳᠤ ᠪᠢ ᠲᠡᠳᠡᠭᠡᠷ ᠢ ᠢᠳᠡᠳᠡᠭ ᠲᠠᠨ ᠤ ᠦᠭᠡᠰ ᠨᠠᠳᠠ ᠳᠤ ᠪᠠᠶᠠᠷ᠂ ᠵᠢᠷᠦᠬᠡᠨ ᠦ ᠮᠢᠨᠢ ᠪᠠᠶᠠᠰᠤᠯ ᠪᠣᠯᠳᠠᠭ ᠤᠴᠢᠷ ᠨᠢ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠪᠢ ᠲᠠᠨ ᠤ ᠨᠡᠷᠡ ᠪᠡᠷ ᠳᠠᠭᠤᠳᠠᠭᠳᠠᠭᠰᠠᠨ᠃
17 ᠪᠢ ᠨᠠᠷᠭᠢᠭᠴᠢᠳ ᠤᠨ ᠳᠤᠮᠳᠠ ᠰᠠᠭᠤᠭᠠ ᠦᠭᠡᠢ᠂ ᠲᠡᠳᠡᠨ ᠲᠡᠢ ᠴᠡᠩᠭᠡᠭᠡ ᠴᠤ ᠦᠭᠡᠢ ᠲᠠᠨ ᠤ ᠮᠤᠲᠤᠷ ᠤᠨ ᠬᠦᠴᠦᠨ ᠳᠦ ᠪᠢ ᠭᠠᠭᠴᠠᠭᠠᠷ ᠢᠶᠠᠨ ᠰᠠᠭᠤᠭᠰᠠᠨ ᠤᠴᠢᠷ ᠨᠢ ᠲᠠ ᠨᠠᠮᠠᠶᠢ ᠬᠢᠯᠢᠩ ᠢᠶᠠᠷ ᠳᠦᠭᠦᠷᠭᠡᠭᠰᠡᠨ ᠪᠢᠯᠡ᠃
18 ᠶᠠᠭᠠᠬᠢᠭᠠᠳ ᠮᠢᠨᠦ ᠡᠪᠡᠳᠦᠯᠲᠡ ᠳᠠᠭᠤᠰᠤᠰᠢ ᠦᠭᠡᠢ᠂ ᠮᠢᠨᠦ ᠰᠢᠷᠬᠠ ᠬᠦᠨᠳᠦ ᠪᠥᠭᠡᠳ ᠡᠳᠡᠭᠡᠷᠡᠰᠢ ᠦᠭᠡᠢ ᠪᠠᠢᠨᠠ ᠪᠤᠢ︖ ᠮᠢᠨᠦ ᠬᠤᠪᠢ ᠳᠤ ᠲᠠ ᠶᠠᠭ ᠯᠠ ᠬᠠᠭᠤᠷᠮᠠᠴᠢ᠂ ᠢᠲᠡᠭᠡᠮᠵᠢ ᠦᠭᠡᠢ ᠭᠣᠷᠣᠬᠠ ᠮᠡᠲᠦ ᠪᠣᠯᠪᠠ᠃
19 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠡᠷᠪᠡ ᠴᠢ ᠪᠤᠴᠠᠵᠤ ᠢᠷᠡᠪᠡᠯ᠂ ᠪᠢ ᠴᠢᠮᠠᠶᠢ ᠪᠤᠴᠠᠭᠠᠵᠤ ᠠᠪᠤᠭᠠᠳ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠦᠢᠯᠡᠴᠢᠯᠡᠭᠦᠯᠦᠨᠡ ᠬᠡᠷᠪᠡ ᠴᠢ ᠬᠣᠭᠣᠰᠣᠨ ᠪᠢᠰᠢ᠂ ᠦᠨᠡᠲᠦ ᠦᠭᠡ ᠶᠢ ᠭᠠᠷᠭᠠᠵᠤ ᠶᠠᠷᠢᠪᠠᠯ ᠮᠢᠨᠦ ᠠᠮᠠ ᠮᠡᠲᠦ ᠪᠣᠯᠣᠨᠠ ᠲᠡᠳᠡ ᠴᠢᠮᠠ ᠤᠷᠤᠭᠤ ᠡᠷᠭᠢᠬᠦ ᠶᠣᠰᠣᠲᠠᠢ ᠬᠠᠷᠢᠨ ᠴᠢ ᠲᠡᠳᠡᠨ ᠤᠷᠤᠭᠤ ᠡᠷᠭᠢᠬᠦ ᠶᠣᠰᠣ ᠦᠭᠡᠢ᠃
20 ᠪᠢ ᠴᠢᠮᠠᠶᠢ ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠡᠮᠦᠨᠡ ᠪᠡᠬᠢᠯᠡᠭᠳᠡᠭᠰᠡᠨ ᠬᠦᠷᠡᠯ ᠬᠡᠷᠡᠮ ᠪᠣᠯᠭᠠᠨᠠ ᠲᠡᠳᠡ ᠴᠢᠮᠠ ᠲᠠᠢ ᠲᠤᠯᠤᠯᠳᠤᠬᠤ ᠪᠣᠯᠪᠠᠴᠤ ᠴᠢᠮᠠᠶᠢ ᠳᠡᠢᠯᠬᠦ ᠦᠭᠡᠢ᠂ ᠪᠢ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠵᠤ᠂ ᠴᠢᠮᠠᠶᠢ ᠠᠪᠤᠷᠠᠵᠤ ᠭᠡᠲᠦᠯᠭᠡᠨᠡ᠃ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
21 ᠪᠢ ᠴᠢᠮᠠᠶᠢ ᠬᠣᠷᠣᠨ ᠮᠠᠭᠤ ᠶᠢᠨ ᠰᠠᠪᠠᠷ ᠠᠴᠠ ᠭᠡᠲᠦᠯᠭᠡᠵᠦ ᠪᠠᠯᠠᠮᠠᠳ ᠡᠳᠡᠭᠡᠳ ᠦᠨ ᠠᠳᠬᠤᠨ ᠠᠴᠠ ᠵᠣᠯᠢᠨᠠ᠃》