ᠶᠧᠷᠧᠮᠢᠶᠠ ᠶᠢᠰᠦ
1 ᠲᠣᠯᠣᠭᠠᠢ ᠮᠢᠨᠢ ᠤᠰᠤᠨ ᠣᠷᠭᠢᠯᠤᠭᠤᠷ᠂ ᠨᠢᠳᠦ ᠮᠢᠨᠢ ᠨᠢᠯᠪᠤᠰᠤᠨ ᠤ ᠤᠨᠳᠤᠷᠤᠭᠠ ᠪᠠᠢᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ᠂ ᠲᠡᠭᠡᠪᠡᠯ ᠪᠢ ᠥᠬᠢᠨ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠠᠯᠠᠭᠳᠠᠭᠰᠠᠨ ᠤ ᠲᠥᠯᠥᠭᠡ ᠡᠳᠦᠷ ᠰᠥᠨᠢ ᠦᠭᠡᠢ ᠤᠬᠢᠯᠠᠬᠤ ᠪᠠᠢᠭᠰᠠᠨ᠂
2 ᠠᠶᠠᠨᠴᠢᠳ ᠤᠨ ᠬᠣᠨᠣᠬᠤ ᠭᠠᠵᠠᠷ ᠴᠥᠯ ᠳᠤ ᠨᠠᠳᠠ ᠳᠤ ᠤᠯᠳᠠᠭᠠᠰᠠᠢ︕ ᠠᠷᠠᠳ ᠲᠦᠮᠡᠨ ᠢᠶᠡᠨ ᠪᠢ ᠣᠷᠬᠢᠭᠠᠳ ᠣᠴᠢᠬᠤ ᠶᠤᠮᠰᠠᠨ ᠲᠡᠳᠡ ᠪᠦᠭᠦᠳᠡ ᠵᠠᠪᠬᠠᠢ᠂ ᠲᠡᠷᠰᠯᠡᠭᠴᠢ ᠶᠢᠨ ᠪᠦᠯᠦᠭ ᠶᠤᠮ᠂
3 ᠲᠡᠳᠡ ᠬᠡᠯᠡ ᠪᠡᠨ ᠨᠤᠮᠤ ᠮᠡᠲᠦ ᠲᠡᠯᠡᠵᠦ ᠬᠤᠳᠠᠯ ᠢ ᠬᠠᠷᠪᠤᠨ᠂ ᠦᠨᠡᠨ ᠪᠢᠰᠢ ᠶᠠᠪᠤᠳᠠᠯ ᠢᠶᠠᠷ ᠭᠠᠵᠠᠷ ᠳᠡᠭᠡᠷᠡ ᠬᠦᠴᠦ ᠪᠡᠨ ᠨᠡᠮᠡᠭᠳᠡᠭᠦᠯᠵᠦ ᠨᠠᠮᠠᠶᠢ ᠦᠯᠦ ᠣᠢᠰᠢᠶᠠᠨ ᠪᠤᠵᠠᠷ ᠠᠴᠠ ᠪᠤᠵᠠᠷ ᠤᠷᠤᠭᠤ ᠶᠠᠪᠤᠳᠠᠭ᠂ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠂
4 ᠠᠬᠠ ᠳᠡᠭᠦᠦ ᠪᠣᠯᠭᠠᠨ ᠵᠠᠯᠢ ᠮᠡᠬᠡ ᠭᠠᠷᠭᠠᠨ ᠬᠥᠷᠰᠢ ᠪᠣᠯᠭᠠᠨ ᠬᠣᠪ ᠵᠥᠭᠡᠭᠡᠳᠡᠭ ᠬᠥᠮᠦᠨ ᠪᠦᠷᠢ ᠠᠢᠯ ᠬᠥᠷᠰᠢ ᠡᠴᠡ ᠪᠡᠨ ᠪᠣᠯᠭᠣᠮᠵᠢᠯᠠ ᠠᠬᠠ ᠳᠡᠭᠦᠦᠰ ᠲᠡᠭᠡᠨ ᠪᠦᠦ ᠢᠲᠡᠭᠡ᠂
5 ᠬᠥᠮᠦᠨ ᠪᠦᠷᠢ ᠦᠨᠡᠨ ᠢ ᠬᠡᠯᠡᠯ ᠦᠭᠡᠢ ᠬᠥᠷᠰᠢ ᠪᠠᠨ ᠮᠡᠬᠡᠯᠡᠨ ᠬᠤᠳᠠᠯ ᠶᠠᠷᠢᠬᠤ ᠳᠤ ᠬᠡᠯᠡ ᠪᠡᠨ ᠳᠠᠰᠬᠠᠵᠤ ᠬᠣᠷᠣᠨ ᠮᠠᠭᠤ ᠶᠢ ᠦᠢᠯᠡᠳᠬᠦ ᠪᠡᠷ ᠵᠦᠳᠡᠷᠡᠨᠡ᠃
6 ᠣᠷᠣᠨ ᠰᠠᠭᠤᠴᠠ ᠴᠢᠨᠢ ᠣᠪ ᠮᠡᠬᠡ ᠶᠢᠨ ᠳᠤᠮᠳᠠ ᠪᠤᠢ ᠨᠠᠮᠠᠶᠢ ᠲᠠᠨᠢᠬᠤ ᠶᠢ ᠣᠪ ᠮᠡᠬᠡ ᠪᠡᠷ ᠢᠶᠠᠨ ᠡᠰᠡᠷᠭᠦᠴᠡᠳᠡᠭ᠂ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
7 ᠲᠡᠢᠮᠦ ᠡᠴᠡ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠥᠬᠢᠨ ᠠᠷᠠᠳ ᠲᠦᠮᠡᠨ ᠢᠶᠡᠨ ᠪᠢ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠢᠯᠡ ᠬᠠᠷᠠ᠂ ᠪᠢ ᠲᠡᠳᠡᠨ ᠢ ᠴᠡᠪᠡᠷᠰᠢᠭᠦᠯᠵᠦ᠂ ᠰᠢᠯᠭᠠᠨᠠ
8 ᠲᠡᠳᠡᠨ ᠦ ᠬᠡᠯᠡ ᠪᠣᠯ ᠬᠣᠣᠷᠲᠤ ᠰᠤᠮᠤ ᠲᠡᠳᠡ ᠬᠤᠳᠠᠯ ᠢ ᠶᠠᠷᠢᠳᠠᠭ ᠪᠥᠭᠡᠳ ᠠᠮᠠ ᠪᠠᠷ ᠢᠶᠠᠨ ᠬᠥᠷᠰᠢ ᠳᠡᠭᠡᠨ ᠠᠮᠤᠭᠤᠯᠠᠩ ᠢ ᠶᠠᠷᠢᠳᠠᠭ ᠴᠤ ᠳᠣᠲᠣᠷᠠ ᠪᠠᠨ ᠬᠠᠪᠬᠠ ᠲᠠᠯᠪᠢᠳᠠᠭ᠃
9 ᠡᠢᠮᠦ ᠪᠠᠢᠬᠤ ᠳᠤ ᠪᠢ ᠲᠡᠳᠡᠨ ᠢ ᠰᠢᠳᠬᠡᠬᠦ ᠦᠭᠡᠢ ᠭᠡᠵᠢ ᠤᠤ︖〉 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ 〈ᠡᠢᠮᠦ ᠦᠨᠳᠦᠰᠦᠲᠡᠨ ᠡᠴᠡ ᠪᠢ ᠥᠰᠢᠶᠡ ᠪᠡᠨ ᠠᠪᠬᠤ ᠦᠭᠡᠢ ᠭᠡᠵᠢ ᠤᠤ︖〉
10 ᠠᠭᠤᠯᠠᠰ ᠤᠨ ᠲᠥᠯᠥᠭᠡ ᠪᠢ ᠴᠢᠷᠠᠯᠠᠨ ᠤᠬᠢᠯᠠᠵᠤ ᠵᠡᠯᠢᠭᠦᠳ ᠲᠠᠯᠠ ᠶᠢᠨ ᠪᠡᠯᠴᠢᠭᠡᠷ ᠤᠳ ᠤᠨ ᠲᠥᠯᠥᠭᠡ ᠣᠷᠢ ᠳᠠᠭᠤ ᠲᠠᠯᠪᠢᠨᠠ᠂ ᠤᠴᠢᠷ ᠨᠢ ᠲᠡᠨᠳᠡᠬᠢ ᠨᠢ ᠵᠡᠯᠢᠭᠦᠳ ᠪᠣᠯᠵᠤ᠂ ᠥᠩᠭᠡᠷᠡᠬᠦ ᠬᠥᠮᠦᠨ ᠦᠭᠡᠢ ᠪᠣᠯᠵᠠᠢ ᠮᠠᠯ ᠰᠦᠷᠦᠭ ᠦᠨ ᠳᠠᠭᠤ ᠴᠢᠮᠡᠭᠡ ᠰᠣᠨᠣᠰᠳᠠᠬᠤ ᠦᠭᠡᠢ ᠪᠣᠯᠵᠠᠢ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤᠳ᠂ ᠠᠷᠢᠶᠠᠲᠠᠨ ᠠᠮᠢᠲᠠᠳ ᠪᠦᠭᠦᠳᠡ ᠵᠢᠭᠤᠲᠠᠭᠠᠳ ᠠᠯᠠᠭᠠ ᠪᠣᠯᠵᠠᠢ᠂
11 〈ᠶᠧᠷᠦ᠋ᠰᠠᠯᠧᠮ ᠢ ᠪᠢ ᠨᠤᠷᠠᠩᠬᠠᠢ ᠣᠪᠣᠭᠠ᠂ ᠴᠢᠨᠣᠠ ᠶᠢᠨ ᠡᠭᠦᠷ ᠪᠣᠯᠭᠠᠵᠤ ᠶᠦᠳᠠ ᠶᠢᠨ ᠬᠣᠲᠠ ᠨᠤᠭᠤᠳ ᠢ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠡᠵᠡᠭᠦᠢ ᠪᠣᠯᠭᠠᠨᠠ〉 ᠭᠡᠪᠡ᠃
12 ᠡᠭᠦᠨ ᠢ ᠣᠢᠯᠠᠭᠠᠵᠤ ᠴᠢᠳᠠᠬᠤ ᠮᠡᠷᠭᠡᠨ ᠬᠥᠮᠦᠨ ᠬᠡᠨ ᠪᠤᠢ︖ ᠡᠭᠦᠨ ᠢ ᠲᠤᠩ᠋ᠬᠠᠭᠯᠠᠭᠤᠯᠬᠤ ᠪᠠᠷ ᠶᠣᠬᠣᠸᠠ ᠶᠢᠨ ᠠᠮᠠ ᠬᠡᠨ ᠳᠦ ᠶᠠᠷᠢᠭᠰᠠᠨ ᠪᠤᠢ︖ ᠶᠠᠭᠠᠬᠢᠭᠠᠳ ᠭᠠᠵᠠᠷ ᠨᠢ ᠰᠦᠢᠷᠡᠵᠦ᠂ ᠴᠥᠯ ᠮᠡᠲᠦ ᠡᠵᠡᠭᠦᠢᠷᠡᠨ ᠥᠩᠭᠡᠷᠡᠬᠦ ᠬᠥᠮᠦᠨ ᠦᠭᠡᠢ ᠪᠣᠯᠪᠠ︖ 13 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠤᠴᠢᠷ ᠨᠢ ᠲᠡᠳᠡ ᠮᠢᠨᠦ ᠥᠭᠭᠥᠭᠰᠡᠨ ᠬᠠᠤᠯᠢ ᠶᠢ ᠣᠷᠬᠢᠵᠤ᠂ ᠳᠠᠭᠤ ᠶᠢ ᠮᠢᠨᠢ ᠦᠯᠦ ᠣᠢᠰᠢᠶᠠᠨ᠂ ᠬᠠᠤᠯᠢ ᠶᠢ ᠮᠢᠨᠢ ᠳᠠᠭᠠᠭᠠ ᠦᠭᠡᠢ᠂ 14 ᠥᠪᠡᠷᠰᠡᠳ ᠦᠨ ᠢᠶᠠᠨ ᠵᠥᠷᠢᠭᠦᠳ ᠵᠠᠩ ᠢ ᠳᠠᠭᠠᠵᠤ᠂ ᠡᠴᠢᠭᠡ ᠡᠪᠦᠭᠡᠳ ᠦᠨ ᠢᠶᠠᠨ ᠵᠢᠭᠠᠭᠰᠠᠨ ᠢᠶᠠᠷ ᠪᠠᠯ ᠤᠳ ᠢ ᠳᠠᠭᠠᠭᠰᠠᠨ ᠶᠤᠮ᠂〉 15 ᠲᠡᠢᠮᠦ ᠡᠴᠡ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠡᠨᠡ ᠠᠷᠠᠳ ᠲᠦᠮᠡᠨ ᠢ ᠪᠢ ᠭᠠᠰᠢᠭᠤᠨ ᠢᠶᠠᠷ ᠬᠣᠭᠣᠯᠠᠯᠠᠵᠤ᠂ ᠬᠣᠣᠷᠲᠤ ᠤᠰᠤ ᠤᠤᠭᠤᠯᠭᠠᠬᠤ ᠪᠥᠭᠡᠳ 16 ᠥᠪᠡᠷᠰᠡᠳ ᠦᠨ ᠬᠢᠨᠢ ᠴᠤ᠂ ᠡᠴᠢᠭᠡ ᠡᠪᠦᠭᠡᠳ ᠦᠨ ᠬᠢᠨᠢ ᠴᠤ ᠮᠡᠳᠡᠭᠡ ᠦᠭᠡᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠷᠬᠠᠭᠠᠨ ᠠᠷᠤ ᠠᠴᠠ ᠨᠢ ᠢᠯᠳᠦ ᠶᠠᠪᠤᠭᠤᠯᠵᠤ ᠰᠥᠨᠥᠭᠡᠨᠡ᠂〉
17 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠲᠠ ᠨᠠᠷ ᠲᠤᠩ᠋ᠭᠠᠨ ᠪᠣᠳᠣᠵᠤ᠂ ᠡᠮᠭᠡᠨᠢᠬᠦ ᠡᠮᠡᠭᠲᠡᠢᠴᠦᠳ ᠢ ᠳᠠᠭᠤᠳᠠᠵᠤ ᠡᠭᠦᠨ ᠳᠦ ᠠᠪᠢᠶᠠᠰ ᠲᠠᠢ ᠶᠢ ᠨᠢ ᠢᠷᠡᠭᠦᠯ
18 ᠲᠡᠳᠡ ᠶᠠᠭᠠᠷᠠᠪᠴᠢᠯᠠᠵᠤ᠂ ᠪᠢᠳᠡᠨ ᠦ ᠲᠥᠯᠥᠭᠡ ᠣᠷᠢ ᠳᠠᠭᠤ ᠲᠠᠯᠪᠢᠭ ᠨᠢᠳᠦ ᠮᠠᠨᠢ ᠨᠢᠯᠪᠤᠰᠤ ᠳᠤᠰᠤᠯᠠᠭᠤᠯᠵᠤ ᠵᠣᠪᠬᠢᠨ ᠠᠴᠠ ᠮᠢᠨᠢ ᠤᠰᠤ ᠤᠷᠤᠰᠬᠤ ᠪᠣᠯᠣᠨᠠ᠂
19 ᠤᠴᠢᠷ ᠨᠢ ᠽᠢᠶᠣᠨ ᠠᠴᠠ ᠣᠷᠢ ᠳᠠᠭᠤ ᠰᠣᠨᠣᠰᠳᠠᠵᠤ᠄ 〈ᠪᠢᠳᠡ ᠲᠤᠢᠯᠪᠤᠷᠢᠲᠠᠢ ᠰᠦᠢᠷᠡᠵᠦ ᠶᠡᠬᠡ ᠰᠢᠪᠰᠢᠭ ᠪᠣᠯᠵᠠᠢ ᠣᠷᠣᠨ ᠰᠠᠭᠤᠴᠠ ᠨᠤᠷᠠᠭᠰᠠᠨ ᠪᠢᠳᠡ ᠨᠤᠲᠤᠭ ᠢᠶᠠᠨ ᠣᠷᠬᠢᠬᠤ ᠶᠣᠰᠣᠲᠠᠢ〉 ᠭᠡᠰᠡᠨ ᠪᠢᠯᠡ᠃
20 ᠡᠮᠡᠭᠲᠡᠢᠴᠦᠳ ᠡ᠂ ᠣᠳᠣ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰᠴᠠᠭᠠ ᠠᠮᠠᠨ ᠠᠴᠠ ᠨᠢ ᠭᠠᠷᠬᠤ ᠦᠭᠡ ᠶᠢ ᠲᠠ ᠨᠠᠷ ᠤᠨ ᠴᠢᠬᠢ ᠬᠦᠯᠢᠶᠡᠨ ᠠᠪᠤᠭ ᠥᠬᠢᠳ ᠲᠡᠭᠡᠨ ᠣᠷᠢ ᠳᠠᠭᠤ ᠶᠢ᠂ ᠪᠡᠶᠡ ᠪᠡᠶᠡ ᠳᠡᠭᠡᠨ ᠤᠢ ᠭᠠᠰᠢᠭᠤ ᠶᠢ ᠵᠢᠭᠠ᠂
21 ᠦᠬᠦᠯ ᠮᠠᠨ ᠤ ᠴᠣᠩ᠋ᠬᠣ ᠪᠠᠷ ᠠᠪᠠᠷᠢᠨ᠂ ᠣᠷᠳᠣᠨ ᠳᠤ ᠮᠢᠨᠢ ᠣᠷᠣᠵᠤ ᠭᠤᠳᠤᠮᠵᠢ ᠡᠴᠡ ᠪᠠᠭᠠᠴᠤᠳ ᠢ᠂ ᠲᠠᠯᠠᠪᠠᠢ ᠠᠴᠠ ᠵᠠᠯᠠᠭᠤᠴᠤᠳ ᠢ ᠤᠰᠠᠳᠬᠠᠬᠤ ᠭᠡᠵᠦ ᠪᠠᠢᠨᠠ᠂
22 ᠶᠠᠷᠢ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠥᠮᠦᠰ ᠦᠨ ᠬᠡᠭᠦᠷ ᠬᠡᠭᠡᠷᠡ ᠲᠠᠯᠠ ᠳᠠᠬᠢ ᠠᠷᠭᠠᠯ ᠮᠡᠲᠦ ᠬᠠᠳᠤᠭᠴᠢ ᠶᠢᠨ ᠦᠯᠡᠳᠡᠭᠡᠭᠰᠡᠨ ᠶᠡᠦᠵᠢ ᠮᠡᠲᠦ ᠬᠦᠭᠯᠡᠷᠡᠭᠰᠡᠨ ᠠᠲᠠᠯᠠ ᠬᠤᠷᠢᠶᠠᠬᠤ ᠬᠥᠮᠦᠨ ᠠᠯᠠᠭᠠ ᠪᠠᠢᠬᠤ ᠪᠣᠯᠣᠨᠠ᠂〉 〉
23 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠮᠡᠷᠭᠡᠨ ᠬᠥᠮᠦᠨ ᠮᠡᠷᠭᠡᠨ ᠢᠶᠡᠷ ᠢᠶᠠᠨ ᠪᠦᠦ ᠰᠠᠢᠷᠠᠬᠠᠭ᠂ ᠬᠦᠴᠦᠲᠡᠨ ᠬᠦᠴᠦ ᠪᠡᠷ ᠢᠶᠠᠨ ᠪᠦᠦ ᠰᠠᠢᠷᠬᠠᠭ᠂ ᠪᠠᠶᠠᠨ ᠨᠢ ᠪᠠᠶᠠᠯᠢᠭ ᠢᠶᠠᠷ ᠢᠶᠠᠨ ᠪᠦᠦ ᠰᠠᠢᠷᠬᠠᠭ᠃ 24 ᠰᠠᠢᠷᠬᠠᠭᠴᠢ ᠨᠢ ᠭᠢᠷᠠᠬᠠᠢ ᠪᠠᠢᠵᠤ᠂ ᠨᠠᠮᠠᠶᠢ ᠲᠠᠨᠢᠳᠠᠭ ᠢᠶᠠᠷ᠂ 〈ᠶᠣᠬᠣᠸᠠ ᠪᠣᠯ ᠡᠨᠡᠷᠢᠯ᠂ ᠵᠥᠪ ᠪᠣᠯᠣᠨ ᠰᠢᠳᠤᠷᠭᠤ ᠶᠢ ᠲᠠᠭᠠᠯᠠᠵᠤ᠂ ᠡᠳᠡᠭᠡᠷ ᠢ ᠭᠠᠵᠠᠷ ᠳᠡᠭᠡᠷᠡ ᠦᠢᠯᠡᠳᠳᠡᠭ ᠨᠢᠭᠡᠨ〉 ᠭᠡᠳᠡᠭ ᠢᠶᠡᠷ ᠰᠠᠢᠷᠬᠠᠭ᠂ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
25 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠠᠷᠠ᠂ ᠮᠢᠨᠦ ᠰᠢᠳᠬᠡᠬᠦ ᠡᠳᠦᠷ ᠤᠳ ᠢᠷᠡᠵᠦ ᠪᠠᠢᠨᠠ᠂ ᠲᠡᠭᠡᠬᠦ ᠳᠦ ᠪᠢ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠰᠡᠨ᠂ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠪᠦᠭᠦᠳᠡ ᠶᠢ᠂ 26 ᠲᠤᠬᠠᠢᠯᠠᠪᠠᠯ ᠶᠧᠵᠢᠫᠲ᠂ ᠶᠦᠳᠠ᠂ ᠡᠳᠣᠮ᠂ ᠠᠮᠣᠨ᠂ ᠮᠣᠶᠠᠪ ᠪᠣᠯᠣᠨ ᠬᠣᠯᠠ ᠶᠢᠨ ᠴᠥᠯ ᠳᠤ ᠰᠠᠭᠤᠳᠠᠭ ᠪᠦᠭᠦᠳᠡ ᠶᠢ ᠬᠠᠮᠲᠤ ᠰᠢᠳᠬᠡᠨᠡ᠃ ᠤᠴᠢᠷ ᠨᠢ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠪᠣᠯ᠂ ᠢᠰᠷᠧᠯ ᠤᠨ ᠪᠦᠬᠦ ᠭᠡᠷ ᠦᠨ ᠬᠢᠨ ᠵᠢᠷᠦᠬᠡᠨ ᠦ ᠪᠠᠨ ᠬᠥᠪᠴᠢᠷᠬᠡᠢ ᠶᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠠᠵᠢ᠃〉