ᠶᠧᠷᠧᠮᠢᠶᠠ ᠲᠠᠪᠤ
ᠦᠨᠡᠨᠴᠢ ᠰᠢᠳᠤᠷᠭᠤ ᠬᠥᠮᠦᠨ ᠦᠭᠡᠢ ᠪᠣᠯᠪᠠ
1 ᠲᠠ ᠨᠠᠷ ᠶᠧᠷᠦ᠋ᠰᠠᠯᠧᠮ ᠤᠨ ᠭᠤᠳᠤᠮᠵᠢ ᠪᠠᠷ ᠶᠠᠪᠤᠵᠤ ᠦᠵᠡᠭᠡᠳ ᠣᠢᠯᠠᠭᠠᠭᠲᠤᠨ᠂ ᠲᠠᠯᠠᠪᠠᠢ ᠪᠠᠷ ᠨᠡᠩᠵᠢᠭᠡᠳ᠂ ᠲᠡᠨᠳᠡ ᠰᠢᠳᠤᠷᠭᠤ ᠶᠢ ᠦᠢᠯᠡᠳᠳᠡᠭ ᠦᠨᠡᠨ ᠢ ᠬᠠᠢᠳᠠᠭ ᠬᠥᠮᠦᠨ ᠢ ᠣᠯᠵᠤ ᠴᠢᠳᠠᠬᠤ ᠶᠤᠮ ᠪᠣᠯ᠂ ᠪᠢ ᠲᠡᠷᠡ ᠬᠣᠲᠠ ᠶᠢ ᠥᠷᠥᠰᠢᠶᠡᠨᠡ᠃
2 ᠲᠡᠳᠡ ᠬᠡᠳᠦᠢᠪᠡᠷ᠄ 《ᠶᠣᠬᠣᠸᠠ ᠶᠢᠨ ᠠᠮᠢᠳᠤ ᠪᠤᠢ ᠪᠠᠷ》 ᠬᠡᠮᠡᠨ ᠶᠠᠷᠢᠳᠠᠭ ᠴᠤ ᠦᠨᠡᠨ ᠳᠡᠭᠡᠨ ᠬᠠᠭᠤᠷᠮᠠᠴᠢ ᠪᠠᠷ ᠲᠠᠩ᠋ᠭᠠᠷᠢᠭᠯᠠᠳᠠᠭ ᠶᠤᠮ᠃
3 ᠶᠣᠬᠣᠸᠠ᠂ ᠲᠠᠨ ᠤ ᠮᠡᠯᠮᠡᠢ ᠦᠨᠡᠨ ᠢ ᠬᠠᠢᠳᠠᠭ ᠪᠤᠰᠤ ᠤᠤ︖ ᠬᠠᠷᠢᠨ ᠲᠠ ᠲᠡᠳᠡᠨ ᠢ ᠴᠣᠬᠢᠭᠰᠠᠨ ᠴᠤ ᠲᠡᠳᠡ ᠡᠪᠡᠳᠬᠦ ᠶᠢ ᠮᠡᠳᠡᠬᠦ ᠦᠭᠡᠢ ᠰᠦᠢᠷᠡᠭᠦᠯᠦᠭᠰᠡᠨ ᠴᠤ ᠭᠡᠰᠬᠡᠯᠲᠡ ᠶᠢ ᠬᠦᠯᠢᠶᠡᠨ ᠠᠪᠤᠯ ᠦᠭᠡᠢ ᠴᠢᠷᠠᠢ ᠪᠠᠨ ᠬᠠᠳᠠᠨ ᠠᠴᠠ ᠢᠯᠡᠭᠦᠦ ᠬᠠᠲᠠᠭᠤᠷᠠᠭᠤᠯᠪᠠ ᠲᠡᠳᠡ ᠡᠷᠭᠢᠬᠦ ᠡᠴᠡ ᠲᠠᠲᠠᠭᠠᠯᠵᠠᠪᠠ᠃
4 ᠲᠡᠢᠮᠦ ᠡᠴᠡ ᠪᠢ᠄ 《ᠲᠡᠳᠡ ᠦᠨᠡᠬᠡᠷ ᠦᠭᠡᠭᠦᠦ ᠮᠤᠩ᠋ᠬᠠᠭ ᠬᠥᠮᠦᠰ︕ ᠲᠡᠳᠡ ᠶᠣᠬᠣᠸᠠ ᠶᠢᠨ ᠵᠠᠮ᠂ ᠥᠪᠡᠷᠰᠡᠳ ᠦᠨ ᠢᠶᠠᠨ ᠪᠤᠷᠬᠠᠨ ᠤ ᠵᠢᠷᠤᠮ ᠢ ᠮᠡᠳᠡᠳᠡᠭ ᠦᠭᠡᠢ᠃
5 ᠡᠢᠮᠦ ᠡᠴᠡ ᠪᠢ ᠶᠡᠬᠡᠰ ᠨᠣᠶᠠᠳ ᠳᠡᠭᠡᠷᠡ ᠣᠴᠢᠵᠤ᠂ ᠲᠡᠳᠡᠨ ᠲᠡᠢ ᠶᠠᠷᠢᠶᠠ ᠲᠡᠳᠡ ᠶᠣᠬᠣᠸᠠ ᠶᠢᠨ ᠵᠠᠮ᠂ ᠥᠪᠡᠷᠰᠡᠳ ᠦᠨ ᠪᠤᠷᠬᠠᠨ ᠤ ᠵᠢᠷᠤᠮ ᠢ ᠮᠡᠳᠡᠳᠡᠭ ᠪᠠᠢᠬᠠ》 ᠭᠡᠰᠡᠨ ᠪᠣᠯᠪᠠᠴᠤ ᠲᠡᠳᠡ ᠮᠥᠨ ᠠᠳᠠᠯᠢ ᠪᠤᠭᠤᠯᠠᠭᠠ ᠪᠠᠨ ᠡᠪᠳᠡᠵᠦ᠂ ᠤᠶᠠᠭᠠ ᠪᠠᠨ ᠲᠠᠰᠤᠯᠤᠭᠰᠠᠨ ᠪᠠᠢᠪᠠ᠃
6 ᠲᠡᠢᠮᠦ ᠡᠴᠡ ᠣᠢ ᠶᠢᠨ ᠠᠷᠰᠯᠠᠨ ᠲᠡᠳᠡᠨ ᠢ ᠠᠯᠠᠵᠤ ᠴᠥᠯ ᠦᠨ ᠴᠢᠨᠣᠠ ᠲᠡᠳᠡᠨ ᠢ ᠤᠰᠠᠳᠬᠠᠨᠠ ᠢᠷᠪᠢᠰ ᠬᠣᠲᠠ ᠨᠤᠭᠤᠳ ᠢ ᠨᠢ ᠭᠡᠲᠡᠭᠰᠡᠭᠡᠷ ᠪᠠᠢᠵᠤ ᠬᠣᠲᠠ ᠠᠴᠠ ᠭᠠᠷᠬᠤ ᠪᠣᠯᠭᠠᠨ ᠢ ᠨᠢ ᠲᠠᠰᠤᠳᠠᠨᠠ᠂ ᠤᠴᠢᠷ ᠨᠢ ᠲᠡᠳᠡᠨ ᠦ ᠨᠢᠭᠦᠯ ᠣᠯᠠᠰᠢᠷᠠᠵᠤ ᠲᠡᠳᠡᠨ ᠦ ᠤᠷᠪᠠᠯᠲᠠ ᠶᠡᠬᠡᠰᠦᠭᠰᠡᠨ ᠶᠤᠮ᠃
7 ᠪᠢ ᠶᠠᠭᠠᠬᠢᠭᠠᠳ ᠴᠢᠮᠠᠶᠢ ᠠᠭᠤᠴᠢᠯᠠᠬᠤ ᠶᠣᠰᠣᠲᠠᠢ ᠪᠢᠯᠡ︖ ᠬᠥᠪᠡᠭᠦᠳ ᠴᠢᠨᠢ ᠴᠤ ᠨᠠᠮᠠᠶᠢ ᠣᠷᠬᠢᠵᠤ ᠪᠤᠷᠬᠠᠳ ᠪᠢᠰᠢ ᠵᠦᠢᠯᠡᠰ ᠢᠶᠡᠷ ᠲᠠᠩ᠋ᠭᠠᠷᠢᠭᠯᠠᠳᠠᠭ ᠴᠠᠳᠲᠠᠯᠠ ᠬᠣᠭᠣᠯᠠᠯᠠᠬᠤ ᠳᠤ ᠮᠢᠨᠢ ᠲᠡᠳᠡ ᠵᠠᠪᠬᠠᠢᠷᠠᠵᠤ ᠪᠥᠭᠡᠮ ᠢᠶᠡᠷ ᠢᠶᠠᠨ ᠶᠠᠩ᠋ᠬᠠᠨ ᠤ ᠭᠡᠷ ᠲᠦ ᠴᠤᠭᠯᠠᠷᠠᠳᠠᠭ᠃
8 ᠪᠣᠷᠳᠣᠭᠰᠠᠨ᠂ ᠬᠦᠴᠦ ᠰᠠᠢᠲᠠᠢ ᠮᠣᠷᠢᠳ ᠮᠡᠲᠦ ᠲᠡᠳᠡ ᠪᠤᠰᠤᠳ ᠬᠥᠮᠦᠨ ᠦ ᠡᠬᠡᠨᠡᠷ ᠦᠨ ᠬᠣᠢᠨᠠ ᠠᠴᠠ ᠢᠨᠴᠠᠭᠠᠳᠠᠭ
9 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ ᠡᠳᠡᠭᠡᠷ ᠶᠠᠪᠤᠳᠠᠯ ᠢ ᠪᠢ ᠰᠢᠳᠬᠡᠭᠦ ᠦᠭᠡᠢ ᠭᠡᠵᠢ ᠤᠤ︖ ᠡᠢᠮᠦ ᠦᠨᠳᠦᠰᠦᠲᠡᠨ ᠡᠴᠡ ᠪᠢ ᠥᠰᠢᠶᠡ ᠠᠪᠬᠤ ᠦᠭᠡᠢ ᠭᠡᠵᠢ ᠤᠤ︖
10 ᠲᠠ ᠨᠠᠷ ᠦᠵᠦᠮ ᠦᠨ ᠲᠠᠯᠠᠪᠠᠢ ᠪᠠᠷ ᠨᠢ ᠶᠠᠪᠤᠵᠤ ᠲᠡᠭᠦᠨ ᠢ ᠰᠦᠢᠳᠬᠡ ᠭᠡᠬᠦ ᠳᠡᠭᠡᠨ ᠪᠦᠷᠢᠮᠦᠰᠦᠨ ᠪᠦᠦ ᠤᠰᠠᠳᠬᠠ ᠮᠥᠴᠢᠷ ᠤᠳ ᠢ ᠯᠠ ᠬᠤᠭᠤᠯ᠂ ᠲᠡᠳᠡ ᠶᠣᠬᠣᠸᠠ ᠶᠢᠨ ᠬᠢ ᠪᠢᠰᠢ᠃
11 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ ᠢᠰᠷᠧᠯ ᠤᠨ ᠭᠡᠷ ᠴᠤ᠂ ᠶᠦᠳᠠ ᠶᠢᠨ ᠭᠡᠷ ᠴᠤ ᠨᠠᠳᠠ ᠠᠴᠠ ᠲᠡᠷᠰᠯᠡᠨ ᠲᠡᠷᠰᠯᠡᠵᠦ ᠪᠠᠢᠪᠠ᠃
12 ᠲᠡᠳᠡ ᠶᠣᠬᠣᠸᠠ ᠶᠢᠨ ᠲᠤᠬᠠᠢ 《ᠲᠡᠷᠡ ᠲᠡᠭᠡᠬᠦ ᠦᠭᠡᠢ᠃ ᠬᠣᠣᠷ ᠬᠥᠨᠥᠭᠡᠯ ᠪᠢᠳᠡᠨ ᠳᠡᠭᠡᠷᠡ ᠢᠷᠡᠬᠦ ᠦᠭᠡᠢ᠃ ᠪᠢᠳᠡ ᠢᠯᠳᠦ ᠶᠢ ᠴᠤ᠂ ᠥᠯᠥᠰᠬᠥᠯᠡᠩ ᠢ ᠴᠤ ᠦᠵᠡᠬᠦ ᠦᠭᠡᠢ》 ᠭᠡᠵᠦ ᠬᠤᠳᠠᠯ ᠶᠠᠷᠢᠳᠠᠭ᠂
13 ᠡᠰᠢ ᠦᠵᠡᠭᠦᠯᠦᠭᠴᠢᠳ ᠨᠢ ᠰᠠᠯᠬᠢ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠲᠡᠳᠡᠨ ᠦ ᠳᠣᠲᠣᠷᠠ ᠠᠯᠠᠭᠠ ᠶᠠᠷᠢᠳᠠᠭ ᠦᠭᠡ ᠨᠢ ᠥᠪᠡᠷ ᠲᠤᠨᠢ ᠪᠠᠭᠤᠭ
14 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠠ ᠨᠠᠷ ᠡᠳᠡᠭᠡᠷ ᠦᠭᠡ ᠶᠢ ᠶᠠᠷᠢᠭᠰᠠᠨ ᠲᠤᠯᠠ ᠪᠢ ᠠᠮᠠᠨ ᠳᠤ ᠴᠢᠨᠢ ᠪᠤᠢ ᠥᠪᠡᠷ ᠦᠨ ᠢᠶᠠᠨ ᠦᠭᠡ ᠶᠢ ᠭᠠᠯ᠂ ᠡᠨᠡ ᠠᠷᠠᠳ ᠲᠦᠮᠡᠨ ᠢ ᠲᠦᠯᠡᠭᠡ ᠪᠣᠯᠭᠠᠵᠤ᠂ ᠲᠡᠳᠡᠨ ᠢ ᠰᠢᠲᠠᠭᠠᠬᠤ ᠪᠣᠯᠣᠨᠠ᠃
15 ᠢᠰᠷᠧᠯ ᠤᠨ ᠭᠡᠷ ᠡ︕ ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ ᠠᠯᠤᠰ ᠬᠣᠯᠠ ᠠᠴᠠ ᠪᠢ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠢ ᠴᠢᠮᠠ ᠳᠤ ᠠᠪᠴᠢᠷᠠᠵᠤ ᠪᠠᠢᠨᠠ》 《ᠲᠡᠷᠡ ᠪᠣᠯ ᠪᠠᠲᠤ ᠪᠥᠭᠡ ᠦᠨᠳᠦᠰᠦᠲᠡᠨ᠂ ᠡᠷᠲᠡᠨ ᠦ ᠦᠨᠳᠦᠰᠦᠲᠡᠨ ᠪᠥᠭᠡᠳ ᠴᠢᠨᠦ ᠮᠡᠳᠡᠬᠦ ᠦᠭᠡᠢ ᠬᠡᠯᠡ ᠲᠠᠢ᠃ ᠲᠡᠳᠡᠨ ᠦ ᠶᠠᠭᠤ ᠬᠡᠯᠡᠵᠦ ᠪᠠᠢᠭᠠ ᠶᠢ ᠴᠢ ᠣᠢᠯᠠᠭᠠᠬᠤ ᠦᠭᠡᠢ᠃
16 ᠲᠡᠳᠡ ᠪᠦᠭᠦᠳᠡ ᠬᠦᠴᠦᠲᠦ ᠳᠠᠢᠴᠢᠨ᠂ ᠰᠠᠭᠠᠳᠠᠭ ᠨᠢ ᠣᠩ᠋ᠭᠣᠷᠬᠠᠢ ᠪᠤᠯᠠᠰᠢ
17 ᠲᠡᠳᠡ ᠬᠤᠷᠢᠶᠠᠯᠲᠠ ᠪᠣᠯᠣᠨ ᠬᠣᠭᠣᠯᠠ ᠬᠦᠨᠡᠰᠦ ᠶᠢ ᠴᠢᠨᠢ ᠵᠠᠯᠭᠢᠨᠠ ᠲᠡᠳᠡ ᠬᠥᠪᠡᠭᠦᠳ ᠥᠬᠢᠳ ᠢ ᠴᠢᠨᠢ ᠵᠠᠯᠭᠢᠨᠠ ᠲᠡᠳᠡ ᠬᠣᠨᠢᠨ ᠰᠦᠷᠦᠭ ᠪᠣᠯᠣᠨ ᠦᠬᠡᠷ ᠦᠨ ᠰᠦᠷᠦᠭ ᠢ ᠴᠢᠨᠢ ᠵᠠᠯᠭᠢᠨᠠ ᠲᠡᠳᠡ ᠦᠵᠦᠮ ᠪᠣᠯᠣᠨ ᠢᠨᠵᠢᠷ ᠤᠨ ᠮᠣᠳᠣᠳ ᠢ ᠴᠢᠨᠢ ᠵᠠᠯᠭᠢᠨᠠ ᠲᠡᠳᠡ ᠨᠠᠢᠳᠠᠳᠠᠭ ᠪᠡᠬᠢᠯᠡᠯᠲᠡᠲᠦ ᠬᠣᠲᠠ ᠨᠤᠭᠤᠳ ᠢ ᠴᠢᠨᠢ ᠢᠯᠳᠦ ᠪᠡᠷ ᠨᠤᠷᠠᠭᠠᠨᠠ᠃》
18 《ᠬᠠᠷᠢᠨ ᠲᠡᠷᠡ ᠡᠳᠦᠷ ᠤᠳ ᠲᠤ ᠴᠤ ᠪᠢ ᠲᠠ ᠨᠠᠷ ᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠬᠤ ᠪᠢᠰᠢ᠂》 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
19 ᠬᠡᠷᠪᠡ ᠲᠡᠳᠡ᠄ 《ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠢᠳᠡᠨ ᠳᠦ ᠶᠠᠭᠠᠬᠢᠭᠠᠳ ᠡᠨᠡ ᠪᠦᠬᠦ ᠵᠦᠢᠯ ᠢ ᠤᠴᠠᠷᠠᠭᠤᠯᠪᠠ︖》 ᠭᠡᠵᠦ ᠬᠡᠯᠡᠪᠡᠯ᠂ ᠴᠢ᠄ 《ᠶᠣᠬᠣᠸᠠ᠄ 〈ᠲᠠ ᠨᠠᠷ ᠨᠠᠮᠠᠶᠢ ᠣᠷᠬᠢᠵᠤ᠂ ᠥᠪᠡᠷᠰᠡᠳ ᠦᠨ ᠢᠶᠠᠨ ᠨᠤᠲᠤᠭ ᠲᠤ ᠬᠠᠷᠢ ᠶᠢᠨ ᠪᠤᠷᠬᠠᠳ ᠲᠤ ᠦᠢᠯᠡᠴᠢᠯᠡᠭᠰᠡᠨ᠂ ᠲᠡᠢᠨ ᠬᠦ ᠲᠠ ᠨᠠᠷ ᠥᠪᠡᠷᠰᠡᠳ ᠦᠨ ᠪᠤᠰᠤ ᠨᠤᠲᠤᠭ ᠲᠤ ᠬᠠᠷᠢ ᠶᠢᠨ ᠬᠢᠨ ᠳᠤ ᠦᠢᠯᠡᠴᠢᠯᠡᠬᠦ ᠪᠣᠯᠣᠨᠠ〉 ᠭᠡᠰᠡᠨ》 ᠭᠡᠵᠦ ᠬᠡᠯᠡᠭᠲᠦᠨ᠃
20 ᠴᠢ ᠡᠭᠦᠨ ᠢ ᠶᠠᠺᠣᠪ ᠤᠨ ᠭᠡᠷ ᠲᠦ ᠵᠠᠷᠯᠠᠵᠤ᠂ ᠶᠦᠳᠠ ᠳᠤ ᠲᠤᠩ᠋ᠬᠠᠭᠯᠠᠭᠲᠤᠨ᠄
21 《ᠪᠣᠳᠣᠯ ᠦᠭᠡᠢ ᠮᠤᠩ᠋ᠬᠠᠭ ᠨᠢᠳᠦ ᠲᠠᠢ ᠪᠣᠯᠪᠠᠴᠤ ᠬᠠᠷᠠᠳᠠᠭ ᠦᠭᠡᠢ ᠴᠢᠬᠢ ᠲᠠᠢ ᠪᠣᠯᠪᠠᠴᠤ ᠰᠣᠨᠣᠰᠳᠠᠭ ᠦᠭᠡᠢ ᠬᠥᠮᠦᠰ ᠡ᠂ ᠡᠭᠦᠨ ᠢ ᠰᠣᠨᠣᠰ᠃
22 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃ ᠲᠠ ᠨᠠᠷ ᠨᠠᠳᠠ ᠠᠴᠠ ᠡᠮᠢᠶᠡᠵᠦ ᠮᠢᠨᠦ ᠡᠮᠦᠨᠡ ᠴᠡᠴᠡᠷᠡᠬᠦ ᠶᠣᠰᠣᠲᠠᠢ ᠪᠢᠰᠢ ᠤᠤ︖ ᠪᠢ ᠡᠯᠡᠰᠦ ᠪᠡᠷ ᠳᠠᠯᠠᠢ ᠶᠢᠨ ᠬᠢᠯᠢ ᠶᠢ ᠮᠥᠩᠬᠡᠳᠡ ᠲᠣᠭᠲᠠᠭᠠᠭᠰᠠᠨ ᠳᠠᠯᠠᠢ ᠲᠡᠭᠦᠨ ᠢ ᠳᠠᠪᠠᠵᠤ ᠴᠢᠳᠠᠬᠤ ᠦᠭᠡᠢ ᠬᠡᠳᠦᠢ ᠲᠠᠪᠠᠯᠭᠠᠯᠠᠭᠰᠠᠨ ᠴᠤ ᠳᠡᠢᠯᠬᠦ ᠦᠭᠡᠢ ᠬᠡᠳᠦᠢ ᠬᠦᠷᠬᠢᠷᠡᠭᠰᠡᠨ ᠴᠤ ᠳᠠᠪᠠᠵᠤ ᠴᠢᠳᠠᠬᠤ ᠦᠭᠡᠢ᠂
23 ᠬᠠᠷᠢᠨ ᠡᠨᠡ ᠠᠷᠠᠳ ᠲᠦᠮᠡᠨ ᠵᠥᠷᠢᠭᠦᠳ᠂ ᠲᠡᠷᠰ ᠵᠢᠷᠦᠬᠡ ᠲᠠᠢ ᠪᠣᠯᠬᠣᠷ ᠭᠠᠵᠢᠨ ᠶᠠᠪᠤᠵᠤ ᠬᠣᠯᠠᠳᠠᠪᠠ᠃
24 《ᠨᠠᠮᠤᠷ ᠤᠨ ᠪᠣᠯᠣᠨ ᠬᠠᠪᠤᠷ ᠤᠨ ᠪᠣᠷᠣᠭᠠᠨ ᠢ ᠴᠠᠭ ᠲᠤᠨᠢ ᠰᠣᠶᠣᠷᠬᠠᠳᠠᠭ᠂ ᠬᠤᠷᠢᠶᠠᠯᠲᠠ ᠶᠢᠨ ᠬᠤᠭᠤᠴᠠᠭᠠ ᠶᠢ ᠲᠣᠭᠲᠠᠭᠠᠵᠤ ᠥᠭᠳᠡᠭ ᠶᠣᠬᠣᠸᠠ ᠪᠤᠷᠬᠠᠨ ᠠᠴᠠ ᠪᠠᠨ ᠡᠮᠢᠶᠡᠬᠦ ᠶᠣᠰᠣᠲᠠᠢ》 ᠭᠡᠵᠦ ᠲᠡᠳᠡ ᠶᠡᠷᠦ ᠪᠣᠳᠣᠳᠠᠭ ᠦᠭᠡᠢ᠂
25 《ᠲᠠ ᠨᠠᠷ ᠤᠨ ᠭᠡᠮ ᠪᠤᠷᠤᠭᠤ ᠡᠳᠡᠭᠡᠷ ᠢ ᠵᠠᠢᠯᠠᠭᠤᠯᠤᠭᠰᠠᠨ ᠲᠠ ᠨᠠᠷ ᠤᠨ ᠨᠢᠭᠦᠯ ᠰᠠᠢᠨ ᠢ ᠥᠪᠡᠷᠰᠡᠳ ᠡᠴᠡ ᠴᠢᠨᠢ ᠨᠢᠭᠤᠪᠠ᠃
26 ᠮᠢᠨᠦ ᠠᠷᠠᠳ ᠲᠦᠮᠡᠨ ᠦ ᠳᠤᠮᠳᠠ ᠬᠣᠷᠣᠨ ᠮᠠᠭᠤ ᠬᠥᠮᠦᠰ ᠪᠤᠢ ᠲᠡᠳᠡ ᠰᠢᠪᠠᠭᠤ ᠪᠠᠷᠢᠭᠴᠢᠳ ᠰᠢᠭ᠋ ᠣᠳᠣᠵᠤ ᠪᠠᠢᠭᠠᠳ ᠤᠷᠠᠬᠠ ᠲᠠᠯᠪᠢᠨ ᠬᠥᠮᠦᠰ ᠢ ᠪᠠᠷᠢᠳᠠᠭ᠃
27 ᠰᠢᠩᠭᠡᠯᠢᠭ ᠰᠢᠪᠠᠭᠤ ᠪᠠᠷ ᠳᠦᠭᠦᠷᠡᠩ ᠪᠠᠢᠬᠤ ᠶᠢᠨ ᠠᠳᠠᠯᠢ ᠲᠡᠳᠡᠨ ᠦ ᠭᠡᠷ ᠵᠠᠯᠢ ᠮᠡᠬᠡ ᠪᠡᠷ ᠳᠦᠭᠦᠷᠡᠩ ᠲᠡᠭᠦᠨ ᠢᠶᠡᠷ ᠲᠡᠳᠡ ᠪᠠᠶᠠᠨ ᠬᠦᠴᠦᠷᠬᠡᠭ ᠪᠣᠯᠵᠠᠢ᠃
28 ᠲᠡᠳᠡ ᠲᠠᠷᠭᠤᠯᠠᠵᠤ ᠲᠣᠰᠣ ᠲᠠᠭᠠᠪᠤᠷᠢᠯᠠᠪᠠ ᠲᠡᠳᠡ ᠬᠣᠷᠣᠨ ᠮᠠᠭᠤ ᠦᠢᠯᠡᠰ ᠲᠡᠭᠡᠨ ᠭᠠᠷᠮᠠᠭᠠᠢ ᠥᠨᠥᠴᠢᠨ ᠤ ᠡᠷᠬᠡ ᠶᠢ ᠣᠢᠰᠢᠶᠠᠳᠠᠭ ᠦᠭᠡᠢ᠂ ᠦᠭᠡᠭᠦᠦ ᠶᠢᠨ ᠡᠷᠬᠡ ᠶᠢ ᠥᠮᠥᠭᠯᠡᠳᠡᠭ ᠦᠭᠡᠢ ᠬᠢᠷᠢ ᠨᠢ ᠥᠷᠨᠢᠨ ᠬᠥᠭᠵᠢᠨᠡ
29 《ᠡᠳᠡᠭᠡᠷ ᠢ ᠪᠢ ᠰᠢᠳᠬᠡᠬᠦ ᠦᠭᠡᠢ ᠪᠠᠢᠬᠤ ᠭᠡᠵᠢ ᠤᠤ︖ ᠡᠢᠮᠦ ᠦᠨᠳᠦᠰᠦᠲᠡᠨ ᠡᠴᠡ ᠪᠢ ᠥᠰᠢᠶᠡ ᠪᠡᠨ ᠠᠪᠬᠤ ᠦᠭᠡᠢ ᠭᠡᠵᠢ ᠤᠤ︖》 ᠶᠣᠬᠣᠸᠠ ᠪᠢ ᠠᠢᠯᠠᠳᠴᠤ ᠪᠠᠢᠨᠠ᠃
30 ᠡᠨᠡ ᠭᠠᠵᠠᠷ ᠲᠤ ᠵᠢᠭ᠍ᠰᠢᠮᠡᠷ ᠠᠶᠤᠮᠰᠢᠭᠲᠤ ᠶᠠᠪᠤᠳᠠᠯ ᠪᠣᠯᠵᠤ ᠪᠠᠢᠨᠠ᠂
31 ᠡᠰᠢ ᠦᠵᠡᠭᠦᠯᠦᠭᠴᠢᠳ ᠬᠠᠭᠤᠷᠮᠠᠴᠢ ᠪᠠᠷ ᠡᠰᠢ ᠦᠵᠡᠭᠦᠯᠵᠦ ᠲᠠᠬᠢᠯᠴᠢᠳ ᠥᠪᠡᠷᠰᠡᠳ ᠦᠨ ᠢᠶᠠᠨ ᠬᠦᠴᠦ ᠪᠡᠷ ᠨᠣᠶᠠᠯᠠᠬᠤ ᠳᠤ ᠮᠢᠨᠦ ᠠᠷᠠᠳ ᠲᠦᠮᠡᠨ ᠡᠭᠦᠨ ᠳᠦ ᠳᠤᠷᠠᠲᠠᠢ ᠪᠠᠢᠭᠠ ᠶᠤᠮ ᠡᠴᠦᠰ ᠲᠤᠨᠢ ᠲᠠ ᠨᠠᠷ ᠶᠠᠭᠤ ᠪᠣᠯᠬᠤ ᠪᠣᠯ︖