ᠢᠰᠠᠢᠶᠠ ᠬᠣᠶᠠᠷ
ᠵᠢᠪᠬᠤᠯᠠᠩᠲᠤ ᠢᠷᠡᠭᠡᠳᠦᠢ
1 ᠶᠦᠳᠠ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠲᠠᠯᠠ ᠪᠠᠷ ᠠᠮᠣᠽ ᠤᠨ ᠬᠦᠦ ᠢᠰᠠᠢᠶᠠ ᠶᠢᠨ ᠦᠵᠡᠭᠰᠡᠨ ᠨᠢ᠄
2 ᠰᠡᠭᠦᠯᠴᠢ ᠶᠢᠨ ᠡᠳᠦᠷ ᠤᠳ ᠲᠤ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠦ ᠠᠭᠤᠯᠠ ᠠᠭᠤᠯᠠᠰ ᠤᠨ ᠣᠷᠣᠢ ᠳᠤ ᠲᠣᠭᠲᠠᠨ ᠲᠣᠯᠣᠭᠠᠳ ᠤᠨ ᠳᠡᠭᠡᠭᠦᠷ ᠡᠷᠭᠦᠮᠵᠢᠯᠡᠭᠳᠡᠨᠡ᠂ ᠦᠨᠳᠦᠰᠦᠲᠡᠨ ᠪᠦᠷᠢ ᠲᠡᠭᠦᠨ ᠤᠷᠤᠭᠤ ᠤᠷᠤᠰᠬᠤ ᠪᠣᠯᠣᠨᠠ᠃
3 ᠣᠯᠠᠨ ᠦᠨᠳᠦᠰᠦᠲᠡᠨ᠄ 《ᠵᠠ︕ ᠪᠢᠳᠡ ᠶᠣᠬᠣᠸᠠ ᠶᠢᠨ ᠠᠭᠤᠯᠠ᠂ ᠶᠠᠺᠣᠪ ᠤᠨ ᠪᠤᠷᠬᠠᠨ ᠤ ᠥᠷᠭᠥᠭᠡ ᠥᠭᠡᠳᠡ ᠶᠠᠪᠤᠵᠠᠭᠠᠶᠠ ᠲᠡᠷᠡ ᠪᠡᠷ ᠪᠢᠳᠡᠨ ᠳᠦ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠤᠳ ᠢ ᠵᠢᠭᠠᠨᠠ ᠪᠢᠳᠡ ᠲᠡᠭᠦᠨ ᠦ ᠵᠠᠮ ᠢᠶᠠᠷ ᠠᠮᠢᠳᠤᠷᠠᠶᠠ》 ᠬᠡᠮᠡᠨ ᠢᠷᠡᠵᠡᠭᠡᠬᠦ ᠪᠣᠯᠣᠨᠠ᠃ ᠤᠴᠢᠷ ᠨᠢ ᠽᠢᠶᠣᠨ ᠠᠴᠠ ᠰᠤᠷᠭᠠᠯ ᠶᠧᠷᠦ᠋ᠰᠠᠯᠧᠮ ᠡᠴᠡ ᠶᠣᠬᠣᠸᠠ ᠶᠢᠨ ᠦᠭᠡ ᠭᠠᠷᠤᠨᠠ᠃
4 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠣᠭᠣᠷᠣᠨᠳᠣᠬᠢ ᠶᠢ ᠲᠡᠷᠡ ᠰᠢᠭᠦᠵᠦ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠲᠠᠯᠠ ᠪᠠᠷ ᠴᠤ ᠲᠡᠷᠡ ᠰᠢᠢᠳᠦᠨᠡ ᠲᠡᠳᠡ ᠢᠯᠳᠦ ᠪᠡᠨ ᠳᠠᠪᠲᠠᠨ ᠠᠨᠵᠢᠰᠤ᠂ ᠵᠢᠳᠠ ᠪᠠᠨ ᠳᠠᠪᠲᠠᠨ ᠬᠠᠳᠤᠭᠤᠷ ᠪᠣᠯᠭᠠᠨᠠ ᠦᠨᠳᠦᠰᠦᠲᠡᠨ ᠦᠨᠳᠦᠰᠦᠲᠡᠨ ᠦ ᠪᠠᠨ ᠡᠰᠡᠷᠭᠦ ᠢᠯᠳᠦ ᠳᠠᠯᠠᠢᠬᠤ ᠦᠭᠡᠢ ᠳᠠᠢᠲᠤᠬᠤ ᠪᠠᠷ ᠳᠠᠬᠢᠨ ᠰᠤᠷᠭᠠᠭᠤᠯᠢᠯ ᠬᠢᠬᠦ ᠦᠭᠡᠢ᠃
5 ᠶᠠᠺᠣᠪ ᠤᠨ ᠭᠡᠷ ᠦᠨ ᠬᠢᠨ ᠡ᠂ ᠢᠷᠡᠵᠡᠭᠡ ᠶᠣᠬᠣᠸᠠ ᠶᠢᠨ ᠭᠡᠷᠡᠯ ᠦᠨ ᠳᠤᠮᠳᠠᠭᠤᠷ ᠠᠯᠬᠤᠵᠠᠭᠠᠶᠠ᠃
ᠢᠴᠢᠭᠦᠷᠢᠲᠦ ᠪᠠᠢᠳᠠᠯ
6 ᠬᠠᠷᠢᠨ ᠲᠡᠳᠡ ᠹᠢᠯᠢᠰᠲ᠋ᠴᠦᠳ ᠲᠡᠢ ᠠᠳᠠᠯᠢ᠂ ᠳᠣᠷᠣᠨᠠ ᠶᠢᠨ ᠶᠠᠭᠤᠮᠠᠰ ᠪᠣᠯᠣᠨ ᠲᠥᠯᠭᠡᠴᠢᠳ ᠢᠶᠠᠷ ᠳᠦᠭᠦᠷᠴᠦ ᠬᠠᠷᠢᠴᠤᠳ ᠲᠠᠢ ᠭᠠᠷ ᠨᠡᠢᠯᠡᠵᠡᠢ᠂ ᠲᠡᠢᠮᠦ ᠡᠴᠡ ᠲᠠ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠶᠠᠺᠣᠪ ᠤᠨ ᠭᠡᠷ ᠢ ᠬᠠᠶᠠᠵᠠᠢ᠃
7 ᠲᠡᠳᠡᠨ ᠦ ᠨᠤᠲᠤᠭ ᠠᠯᠲᠠ ᠮᠥᠩᠭᠥ ᠪᠡᠷ ᠳᠦᠭᠦᠷᠡᠩ ᠡᠳ᠋ ᠪᠠᠶᠠᠯᠢᠭ ᠨᠢ ᠲᠣᠭᠠ ᠲᠣᠮᠰᠢ ᠦᠭᠡᠢ ᠲᠡᠳᠡᠨ ᠦ ᠨᠤᠲᠤᠭ ᠮᠣᠷᠢ ᠪᠠᠷ ᠳᠦᠭᠦᠷᠡᠩ ᠲᠡᠷᠭᠡ ᠨᠦᠭᠦᠳ ᠨᠢ ᠲᠣᠭᠠ ᠲᠣᠮᠰᠢ ᠦᠭᠡᠢ
8 ᠲᠡᠳᠡᠨ ᠦ ᠨᠤᠲᠤᠭ ᠮᠥᠨ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠷ ᠳᠦᠭᠦᠷᠴᠦ ᠲᠡᠳᠡ ᠬᠤᠷᠤᠭᠤ ᠪᠠᠷ ᠢᠶᠠᠨ ᠬᠢᠭᠰᠡᠨ ᠶᠠᠭᠤᠮᠠ᠂ ᠭᠠᠷ ᠤᠨ ᠢᠶᠠᠨ ᠪᠦᠲᠦᠭᠡᠯ ᠳᠦ ᠮᠥᠷᠭᠥᠳᠡᠭ᠃
9 ᠲᠡᠢᠨ ᠬᠦ ᠬᠥᠮᠦᠰ ᠳᠣᠷᠣᠢ ᠪᠣᠯᠵᠤ ᠬᠥᠮᠦᠨ ᠪᠦᠷᠢ ᠥᠪᠡᠷ ᠢ ᠪᠠᠨ ᠳᠣᠣᠷᠠᠳᠤ ᠪᠣᠯᠭᠠᠳᠠᠭ ᠲᠠ ᠲᠡᠳᠡᠨ ᠢ ᠪᠦᠦ ᠥᠷᠥᠰᠢᠶᠡ᠃
10 ᠲᠠ ᠨᠠᠷ ᠬᠠᠳᠠᠨ ᠳᠤ ᠰᠢᠷᠭᠤᠵᠤ ᠰᠢᠷᠣᠢ ᠳᠤ ᠨᠢᠭᠤᠭᠳᠠᠨ ᠶᠣᠬᠣᠸᠠ ᠶᠢᠨ ᠠᠶᠤᠮᠰᠢᠭ᠂ ᠰᠦᠷ ᠵᠢᠪᠬᠤᠯᠠᠩ ᠠᠴᠠ ᠮᠤᠯᠲᠤᠷᠠᠵᠤ ᠦᠵᠡ
11 ᠲᠡᠷᠡ ᠡᠳᠦᠷ ᠳᠡᠭᠡᠷᠡᠩᠭᠦᠢ ᠬᠥᠮᠦᠨ ᠦ ᠬᠠᠷᠠᠴᠠ ᠳᠣᠭᠣᠭᠰᠢᠯᠠᠵᠤ ᠬᠥᠮᠦᠰ ᠦᠨ ᠪᠠᠷᠳᠠᠮᠨᠠᠯ ᠪᠥᠬᠥᠢᠵᠦ ᠭᠠᠭᠴᠠ ᠬᠦ ᠶᠣᠬᠣᠸᠠ ᠳᠡᠭᠡᠳᠦᠯᠡᠭᠳᠡᠨᠡ᠃
12 ᠥᠪᠡᠷ ᠢ ᠪᠠᠨ ᠡᠷᠭᠦᠮᠵᠢᠯᠡᠭᠴᠢ ᠪᠦᠭᠦᠳᠡ ᠶᠢ ᠳᠣᠭᠣᠭᠰᠢᠯᠠᠭᠤᠯᠬᠤ ᠪᠠᠷ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠡᠳᠦᠷ ᠠᠭᠠᠭ ᠲᠠᠢ ᠪᠠᠷᠳᠠᠮ ᠪᠦᠭᠦᠳᠡ ᠶᠢᠨ ᠳᠡᠭᠡᠷᠡ
13 ᠮᠥᠨ ᠯᠧᠪᠠᠨᠣᠨ ᠤ ᠥᠨᠳᠥᠷ ᠬᠤᠱᠢ ᠪᠦᠭᠦᠳᠡ ᠶᠢᠨ ᠳᠡᠭᠡᠷᠡ ᠪᠠᠱᠠᠨ ᠤ ᠡᠷᠭᠦᠭᠳᠡᠭᠰᠡᠨ ᠪᠦᠬᠦ ᠴᠠᠷᠠᠰᠤ ᠪᠣᠯᠣᠨ
14 ᠶᠡᠬᠡᠷᠬᠡᠭ ᠠᠭᠤᠯᠠ ᠪᠦᠬᠦᠨ ᠡᠷᠭᠦᠭᠳᠡᠭᠰᠡᠨ ᠲᠣᠯᠣᠭᠠᠳ ᠪᠦᠭᠦᠳᠡ ᠶᠢᠨ ᠳᠡᠭᠡᠷᠡ
15 ᠥᠨᠳᠥᠷ ᠴᠠᠮᠬᠠᠭ ᠪᠡᠬᠢᠯᠡᠭᠳᠡᠭᠰᠡᠨ ᠬᠡᠷᠡᠮ ᠪᠦᠭᠦᠳᠡ ᠶᠢᠨ ᠳᠡᠭᠡᠷᠡ
16 ᠬᠤᠳᠠᠯᠳᠤᠭᠠᠨ ᠤ ᠣᠩ᠋ᠭᠣᠴᠠ ᠦᠵᠡᠰᠬᠦᠯᠡᠩᠲᠦ ᠤᠷᠠᠯᠠᠯ ᠪᠦᠭᠦᠳᠡ ᠶᠢᠨ ᠳᠡᠭᠡᠷᠡ ᠢᠷᠡᠨᠡ᠃
17 ᠲᠡᠷᠡ ᠡᠳᠦᠷ ᠬᠥᠮᠦᠨ ᠦ ᠰᠠᠭᠰᠠᠭᠤᠷᠠᠯ ᠪᠥᠬᠥᠢᠵᠦ ᠬᠥᠮᠦᠰ ᠦᠨ ᠪᠠᠷᠳᠠᠮᠨᠠᠯ ᠳᠣᠭᠣᠭᠰᠢᠯᠠᠨᠠ ᠭᠠᠭᠴᠠ ᠬᠦ ᠶᠣᠬᠣᠸᠠ ᠳᠡᠭᠡᠳᠦᠯᠡᠭᠳᠡᠨᠡ᠂
18 ᠰᠢᠲᠦᠭᠡᠨ ᠨᠦᠭᠦᠳ ᠣᠷᠣ ᠦᠭᠡᠢ ᠠᠯᠠᠭᠠ ᠪᠣᠯᠣᠨᠠ᠃
19 ᠶᠣᠬᠣᠸᠠ ᠭᠠᠵᠠᠷ ᠢ ᠴᠡᠴᠡᠷᠡᠭᠦᠯᠬᠦ ᠪᠡᠷ ᠪᠣᠰᠬᠤ ᠳᠤ ᠶᠣᠬᠣᠸᠠ ᠶᠢᠨ ᠠᠶᠤᠮᠰᠢᠭ᠂ ᠰᠦᠷ ᠵᠢᠪᠬᠤᠯᠠᠩ ᠠᠴᠠ ᠮᠤᠯᠲᠤᠷᠠᠬᠤ ᠭᠡᠵᠦ ᠬᠥᠮᠦᠰ ᠬᠠᠳᠠᠨ ᠤ ᠠᠭᠤᠢ᠂ ᠬᠠᠪᠴᠢᠯ ᠤᠨ ᠠᠩ ᠤᠷᠤᠭᠤ ᠣᠷᠣᠬᠤ ᠪᠣᠯᠣᠨᠠ᠃
20 ᠲᠡᠷᠡ ᠡᠳᠦᠷ ᠬᠥᠮᠦᠰ ᠥᠪᠡᠷᠰᠡᠳ ᠢᠶᠡᠨ ᠮᠥᠷᠭᠥᠬᠦ ᠪᠡᠷ ᠪᠦᠲᠦᠭᠡᠭᠰᠡᠨ ᠮᠥᠩᠭᠥᠨ ᠰᠢᠲᠦᠭᠡᠨ ᠨᠦᠭᠦᠳ᠂ ᠠᠯᠲᠠᠨ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠨ ᠰᠣᠬᠣᠷ ᠨᠣᠮᠣᠨ᠂ ᠰᠠᠷᠢᠰᠤᠨ ᠪᠠᠭᠪᠠᠬᠠᠢ ᠨᠤᠭᠤᠳ ᠤᠷᠤᠭᠤ ᠰᠢᠳᠡᠨᠡ᠃
21 ᠶᠣᠬᠣᠸᠠ ᠭᠠᠵᠠᠷ ᠢ ᠴᠡᠴᠡᠷᠡᠭᠦᠯᠬᠦ ᠪᠡᠷ ᠪᠣᠰᠬᠤ ᠳᠤ᠂ ᠶᠣᠬᠣᠸᠠ ᠶᠢᠨ ᠠᠶᠤᠮᠰᠢᠭ᠂ ᠰᠦᠷ ᠵᠢᠪᠬᠤᠯᠠᠩ ᠠᠴᠠ ᠮᠤᠯᠲᠤᠷᠠᠬᠤ ᠭᠡᠵᠦ ᠬᠥᠮᠦᠰ ᠬᠠᠳᠠᠨ ᠤ ᠠᠭᠤᠢ᠂ ᠭᠠᠵᠠᠷ ᠤᠨ ᠨᠦᠬᠡ ᠤᠷᠤᠭᠤ ᠣᠷᠣᠬᠤ ᠪᠣᠯᠣᠨᠠ᠃
22 ᠲᠠ ᠨᠠᠷ ᠬᠥᠮᠦᠨ ᠳᠦ ᠨᠠᠢᠳᠠᠬᠤ ᠪᠠᠨ ᠪᠣᠯᠢ ᠬᠠᠮᠠᠷ ᠤᠨ ᠠᠮᠢᠰᠬᠤᠯ ᠲᠠᠢ ᠯᠠ ᠲᠡᠷᠡ ᠬᠢᠷᠢ ᠵᠡᠷᠭᠡ ᠦᠨᠡ ᠴᠡᠨᠡ ᠲᠠᠢ ᠶᠤᠮ ᠪᠤᠢ︖