ᠢᠰᠠᠢᠶᠠ ᠨᠠᠢ᠌ᠮᠠ
ᠳᠠᠷᠤᠯᠠᠯ ᠪᠠ ᠲᠠᠢᠪᠤᠰᠢᠷᠠᠯ
1 ᠶᠣᠬᠣᠸᠠ ᠨᠠᠳᠠ ᠳᠤ ᠠᠢᠯᠠᠳᠤᠭᠰᠠᠨ ᠨᠢ᠄ 《ᠲᠣᠮᠣ ᠬᠠᠪᠲᠠᠰᠤ ᠠᠪᠤᠭᠠᠳ ᠳᠡᠭᠡᠷᠡ ᠨᠢ ᠵᠢᠷ ᠤᠨ ᠦᠰᠦᠭ ᠢᠶᠡᠷ 〈ᠮᠠᠾᠧᠷ ᠱᠠᠯᠠᠯ ᠬᠠᠱ ᠪᠠᠽ 6 〉 ᠭᠡᠵᠦ ᠪᠢᠴᠢ᠃ 2 ᠪᠢ ᠡᠭᠦᠨ ᠢ ᠭᠡᠷᠡᠴᠢᠯᠡᠭᠦᠯᠬᠦ ᠪᠡᠷ ᠲᠠᠬᠢᠯᠴᠢ ᠦᠦᠷᠢᠶᠠ ᠪᠣᠯᠣᠨ ᠶᠧᠪᠧᠷᠧᠺᠢᠶᠠ ᠶᠢᠨ ᠬᠦᠦ ᠽᠧᠺᠠᠷᠢᠶᠠ ᠶᠢ ᠢᠲᠡᠭᠡᠮᠵᠢᠲᠦ ᠭᠡᠷᠡᠴᠢ ᠪᠠᠷ ᠲᠣᠮᠢᠯᠠᠯᠠ》 ᠭᠡᠪᠡ᠃ 3 ᠢᠩᠭᠢᠭᠡᠳ ᠪᠢ ᠡᠬᠡᠨᠡᠷ 7 ᠲᠠᠢ ᠪᠠᠨ ᠳᠡᠷᠡ ᠨᠡᠢᠯᠡᠭᠦᠯᠦᠭᠰᠡᠨ ᠳᠦ᠂ ᠲᠡᠷᠡ ᠵᠢᠷᠮᠦᠰᠦᠯᠡᠵᠦ᠂ ᠬᠦᠦ ᠲᠥᠷᠥᠭᠦᠯᠪᠡ᠃ ᠶᠣᠬᠣᠸᠠ ᠨᠠᠳᠠ ᠳᠤ᠄ 《ᠲᠡᠭᠦᠨ ᠢ 〈ᠮᠠᠾᠧᠷ ᠱᠠᠯᠠᠯ ᠬᠠᠱ ᠪᠠᠽ〉 ᠭᠡᠵᠦ ᠨᠡᠷᠡᠯᠡ᠃ 4 ᠡᠨᠡ ᠬᠦᠦ 〈ᠠᠪᠤ᠂ ᠡᠵᠢ〉 ᠭᠡᠵᠦ ᠬᠡᠯᠡᠵᠦ ᠰᠤᠷᠬᠤ ᠠᠴᠠ ᠡᠮᠦᠨᠡ᠂ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠳ᠋ᠠᠮᠠᠰᠺᠦ᠋ᠰ ᠤᠨ ᠡᠳ᠋ ᠪᠠᠶᠠᠯᠢᠭ ᠪᠣᠯᠣᠨ ᠰᠠᠮᠠᠷᠢᠶᠠ ᠠᠴᠠ ᠣᠯᠣᠭᠰᠠᠨ ᠣᠯᠵᠠ ᠪᠠᠨ ᠠᠪᠠᠴᠢᠬᠤ ᠪᠣᠯᠣᠨᠠ》 ᠭᠡᠪᠡ᠃
5 ᠶᠣᠬᠣᠸᠠ ᠳᠠᠬᠢᠨ ᠨᠠᠳᠠ ᠳᠤ ᠠᠢᠯᠠᠳᠤᠨ᠄ 6 《ᠲᠡᠷᠡ ᠠᠷᠠᠳ ᠲᠦᠮᠡᠨ ᠱᠢᠯᠣᠶᠠ ᠶᠢᠨ ᠳᠥᠯᠭᠡᠨ ᠤᠷᠤᠰᠬᠠᠯᠲᠤ ᠤᠰᠤ ᠶᠢ ᠣᠷᠬᠢᠵᠤ᠂ ᠷᠧᠮᠠᠯᠢᠶᠠ ᠶᠢᠨ ᠬᠦᠦ ᠪᠣᠯᠣᠨ ᠷᠧᠽᠢᠨ ᠤ ᠤᠴᠢᠷ ᠢᠶᠠᠷ ᠪᠠᠶᠠᠷᠯᠠᠵᠤ ᠪᠠᠢᠨᠠ᠃ 7 ᠡᠢᠮᠦ ᠡᠴᠡ ᠡᠵᠡᠨ ᠡᠶᠦ᠋ᠹᠷᠠᠲ᠋ᠧᠰ ᠤᠨ ᠬᠦᠴᠦᠲᠦ ᠶᠡᠬᠡ ᠤᠰᠤ᠂ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠪᠠ ᠲᠡᠭᠦᠨ ᠦ ᠪᠦᠬᠦᠢᠯᠡ ᠰᠦᠷ ᠬᠦᠴᠦ ᠪᠡᠷ ᠲᠡᠳᠡᠨ ᠢ ᠬᠥᠮᠥᠷᠢᠭᠦᠯᠬᠦ ᠭᠡᠵᠦ ᠪᠠᠢᠨᠠ᠂ ᠲᠡᠷᠡ ᠪᠡᠷ ᠪᠦᠬᠦ ᠰᠤᠪᠠᠭ ᠤᠨ ᠬᠢᠨᠢ ᠳᠡᠭᠡᠭᠦᠷ ᠬᠠᠯᠢᠨ᠂ ᠪᠦᠬᠦ ᠡᠷᠭᠢ ᠶᠢ ᠨᠢ ᠳᠠᠪᠠᠨ᠂ 8 ᠶᠦᠳᠠ ᠪᠠᠷ ᠳᠠᠭᠠᠷᠢᠨ ᠦᠶᠡᠷᠯᠡᠵᠦ᠂ ᠬᠦᠵᠦᠭᠦᠨ ᠳᠦᠨᠢ ᠲᠤᠯᠤᠨᠠ᠂ ᠲᠡᠭᠦᠨ ᠦ ᠳᠡᠯᠭᠡᠭᠰᠡᠨ ᠵᠢᠭᠦᠷ ᠲᠠᠨ ᠤ ᠪᠦᠬᠦ ᠨᠤᠲᠤᠭ ᠢ ᠪᠦᠷᠬᠦᠨᠡ ᠡ᠂ ᠢᠮᠠᠨᠦ᠋ᠶᠧᠯ 8 ᠡ︕》 ᠭᠡᠪᠡ᠃
9 ᠬᠣᠣᠷᠯᠠᠭᠠᠳ ᠦᠵᠡ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡ︕ ᠲᠠ ᠨᠠᠷ ᠪᠤᠲᠠ ᠴᠣᠬᠢᠭᠳᠠᠨᠠ ᠬᠣᠯᠠ ᠶᠢᠨ ᠭᠦᠷᠦᠨ ᠦ ᠬᠢᠨ ᠪᠦᠭᠦᠳᠡ ᠴᠢᠬᠢ ᠲᠠᠯᠪᠢ ᠲᠠ ᠨᠠᠷ ᠪᠦᠰᠡ ᠪᠡᠨ ᠴᠢᠩ᠋ᠭᠠᠯᠠᠭᠠᠳ ᠦᠵᠡ 9 ᠂ ᠪᠤᠲᠠ ᠴᠣᠬᠢᠭᠳᠠᠨᠠ ᠪᠦᠰᠡ ᠪᠡᠨ ᠴᠢᠩ᠋ᠭᠠᠯᠠᠭᠠᠳ ᠦᠵᠡ᠂ ᠪᠤᠲᠠ ᠴᠣᠬᠢᠭᠳᠠᠨᠠ
10 ᠵᠥᠪᠯᠡᠨ ᠵᠥᠪᠯᠡᠭᠰᠡᠨ ᠴᠤ ᠪᠦᠲᠦᠬᠦ ᠦᠭᠡᠢ ᠶᠠᠷᠢᠨ ᠶᠠᠷᠢᠭᠰᠠᠨ ᠴᠤ ᠪᠡᠶᠡᠯᠡᠭᠳᠡᠬᠦ ᠦᠭᠡᠢ ᠤᠴᠢᠷ ᠨᠢ ᠪᠤᠷᠬᠠᠨ ᠪᠢᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠳᠠᠭ᠃
11 ᠲᠡᠢᠨ ᠬᠦ ᠶᠣᠬᠣᠸᠠ ᠨᠠᠳᠠ ᠳᠤ ᠠᠢᠯᠠᠳᠴᠤ᠄ 《ᠬᠦᠴᠦᠲᠦ ᠮᠤᠲᠤᠷ ᠠᠴᠠ ᠮᠢᠨᠢ ᠵᠢᠭᠤᠷᠠ᠂ ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠵᠠᠮ ᠢᠶᠠᠷ ᠪᠦᠦ ᠶᠠᠪᠤ》 ᠭᠡᠵᠦ ᠰᠠᠨᠠᠭᠤᠯᠪᠠ᠃ ᠲᠡᠷᠡ ᠠᠢᠯᠠᠳᠪᠠ᠄
12 《ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠬᠤᠤᠪᠢᠯᠳᠤᠭᠠᠨ ᠭᠡᠵᠦ ᠦᠵᠡᠵᠦ ᠪᠠᠢᠭᠠ ᠪᠦᠬᠦᠨ ᠢ ᠲᠠ ᠨᠠᠷ ᠬᠤᠤᠪᠢᠯᠳᠤᠭᠠᠨ ᠭᠡᠵᠦ ᠪᠦᠦ ᠦᠵᠡ᠂ ᠲᠡᠳᠡᠨ ᠦ ᠠᠶᠤᠵᠤ ᠪᠠᠢᠭᠠ ᠶᠠᠭᠤᠮᠠᠨ ᠠᠴᠠ ᠪᠦᠦ ᠠᠶᠤ᠂ ᠪᠦᠦ ᠰᠦᠷᠳᠡ᠂
13 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢ ᠯᠠ ᠠᠷᠢᠭᠤᠨ ᠭᠡᠵᠦ ᠦᠵᠡ᠂ ᠲᠡᠭᠦᠨ ᠡᠴᠡ ᠯᠠ ᠠᠶᠤ ᠲᠡᠭᠦᠨ ᠡᠴᠡ ᠯᠠ ᠰᠦᠷᠳᠡ᠂
14 ᠲᠡᠭᠡᠪᠡᠯ ᠲᠡᠷᠡ ᠠᠷᠢᠭᠤᠨ ᠭᠠᠵᠠᠷ ᠪᠣᠯᠣᠨᠠ ᠬᠠᠷᠢᠨ ᠢᠰᠷᠧᠯ ᠤᠨ ᠬᠣᠶᠠᠷ ᠭᠡᠷ ᠲᠦ ᠲᠡᠷᠡ ᠪᠦᠳᠦᠷᠢᠭᠦᠯᠬᠦ ᠴᠢᠯᠠᠭᠤ᠂ ᠣᠢᠴᠢᠭᠤᠯᠬᠤ ᠬᠠᠳᠠ ᠪᠣᠯᠵᠤ ᠶᠧᠷᠦ᠋ᠰᠠᠯᠧᠮ ᠤᠨ ᠰᠠᠭᠤᠭᠠᠯᠢᠴᠢᠳ ᠲᠤ ᠲᠡᠷᠡ ᠤᠷᠠᠬᠠ ᠪᠠ ᠴᠠᠯᠮᠠ ᠪᠣᠯᠣᠨᠠ᠃
15 ᠣᠯᠠᠨ ᠨᠢ ᠲᠡᠭᠦᠨ ᠳᠦ ᠪᠦᠳᠦᠷᠢᠨᠡ ᠲᠡᠳᠡ ᠤᠨᠠᠵᠤ ᠬᠡᠮᠬᠡᠷᠡᠨᠡ ᠲᠡᠳᠡ ᠤᠷᠠᠬᠠ ᠳᠤ ᠣᠷᠣᠵᠤ᠂ ᠪᠠᠷᠢᠭᠳᠠᠨᠠ᠃》
16 《ᠴᠢ ᠱᠠᠪᠢ ᠨᠠᠷ ᠤᠨ ᠮᠢᠨᠢ ᠳᠤᠮᠳᠠ ᠡᠨᠡ ᠭᠡᠷᠡᠴᠢᠯᠡᠯ ᠢ ᠪᠣᠭᠣᠵᠤ᠂ ᠡᠨᠡ ᠰᠤᠷᠭᠠᠯ ᠢ ᠪᠢᠲᠡᠭᠦᠮᠵᠢᠯᠡ᠃》 17 ᠶᠠᠺᠣᠪ ᠤᠨ ᠭᠡᠷ ᠡᠴᠡ ᠨᠢᠭᠤᠷ ᠢᠶᠠᠨ ᠨᠢᠭᠤᠭᠰᠠᠨ ᠶᠣᠬᠣᠸᠠ ᠶᠢ ᠪᠢ ᠬᠦᠯᠢᠶᠡᠨᠡ᠂ ᠪᠢ ᠲᠡᠭᠦᠨ ᠳᠦ ᠨᠠᠢᠳᠠᠨᠠ᠃ 18 ᠬᠠᠷᠠ᠂ ᠪᠢ ᠶᠣᠬᠣᠸᠠ ᠶᠢᠨ ᠨᠠᠳᠠ ᠳᠤ ᠥᠭᠭᠥᠭᠰᠡᠨ ᠬᠡᠦᠬᠡᠳ ᠤᠳ ᠲᠠᠢ ᠬᠠᠮᠲᠤ ᠪᠠᠢᠨᠠ᠃ ᠪᠢᠳᠡ ᠪᠣᠯ ᠽᠢᠶᠣᠨ ᠠᠭᠤᠯᠠᠨ ᠳᠡᠭᠡᠷᠡ ᠣᠷᠣᠰᠢᠭᠴᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠢᠰᠷᠧᠯ ᠳᠤ ᠢᠯᠡᠭᠡᠭᠰᠡᠨ ᠳᠣᠬᠢᠶᠠ ᠪᠠ ᠲᠡᠮᠳᠡᠭ ᠮᠥᠨ᠃ 19 ᠬᠡᠷᠪᠡ ᠬᠥᠮᠦᠰ ᠲᠠ ᠨᠠᠷ ᠢ ᠰᠢᠪᠰᠢᠨ ᠴᠠᠯᠴᠢᠳᠠᠭ ᠰᠦᠨᠡᠰᠦ ᠳᠠᠭᠤᠳᠠᠭᠴᠢᠳ ᠪᠣᠯᠣᠨ ᠶᠢᠯᠸᠢᠴᠢᠳ ᠲᠠᠢ ᠵᠥᠪᠯᠡᠯᠳᠦᠭᠦᠯᠬᠦ ᠭᠡᠪᠡᠯ᠂ ᠲᠡᠳᠡᠨ ᠳᠦ᠄ 《ᠠᠷᠠᠳ ᠲᠦᠮᠡᠨ ᠥᠪᠡᠷᠰᠡᠳ ᠦᠨ ᠢᠶᠠᠨ ᠪᠤᠷᠬᠠᠨ ᠲᠠᠢ ᠵᠥᠪᠯᠡᠯᠳᠦᠬᠦ ᠶᠣᠰᠣᠲᠠᠢ ᠪᠢᠰᠢ ᠤᠤ︖ ᠶᠠᠭᠤᠨ ᠳᠤ ᠠᠮᠢᠳᠤᠷᠠᠭᠰᠠᠳ ᠤᠨ ᠡᠮᠦᠨᠡ ᠡᠴᠡ ᠦᠬᠦᠭᠰᠡᠳ ᠲᠡᠢ ᠵᠥᠪᠯᠡᠯᠳᠦᠨᠡ ᠪᠤᠢ︖》 ᠭᠡᠵᠦ ᠬᠡᠯᠡ᠃ 20 ᠰᠤᠷᠭᠠᠯ ᠬᠢᠭᠡᠳ ᠭᠡᠷᠡᠴᠢᠯᠡᠯ ᠢ ᠠᠩ᠋ᠬᠠᠷ᠃ ᠬᠡᠷᠪᠡ ᠲᠡᠳᠡ ᠡᠨᠡ ᠦᠭᠡᠨ ᠦ ᠳᠠᠭᠠᠤ ᠶᠠᠷᠢᠬᠤ ᠦᠭᠡᠢ ᠪᠣᠯ᠂ ᠲᠡᠳᠡᠨ ᠳᠦ ᠭᠡᠭᠡ ᠪᠠᠢᠬᠤ ᠦᠭᠡᠢ᠃ 21 ᠲᠡᠳᠡ ᠭᠠᠴᠢᠭᠳᠠᠨ ᠥᠯᠥᠰᠴᠦ ᠭᠠᠵᠠᠷ ᠳᠠᠶᠠᠭᠠᠷ ᠲᠡᠨᠦᠬᠦ ᠪᠣᠯᠣᠨᠠ᠂ ᠲᠡᠳᠡ ᠥᠯᠥᠰᠪᠡᠯ ᠠᠭᠤᠷᠯᠠᠵᠤ ᠥᠪᠡᠷᠰᠡᠳ ᠦᠨ ᠢᠶᠠᠨ ᠬᠠᠭᠠᠨ᠂ ᠥᠪᠡᠷᠰᠡᠳ ᠦᠨ ᠢᠶᠠᠨ ᠪᠤᠷᠬᠠᠨ ᠢ ᠬᠠᠷᠢᠶᠠᠨᠠ᠂ ᠳᠡᠭᠡᠭᠰᠢ ᠪᠠᠨ ᠬᠠᠷᠠᠭᠰᠠᠨ ᠴᠤ᠂ 22 ᠭᠠᠵᠠᠷ ᠢ ᠬᠠᠷᠠᠭᠰᠠᠨ ᠴᠤ ᠭᠠᠮᠰᠢᠭ ᠪᠠ ᠬᠠᠷᠠᠩ᠋ᠭᠤᠢ᠂ ᠵᠣᠪᠠᠯᠠᠩ ᠤᠨ ᠰᠡᠭᠦᠳᠡᠷ ᠢ ᠯᠠ ᠬᠠᠷᠠᠨᠠ᠃ ᠲᠡᠢᠨ ᠬᠦ ᠲᠡᠳᠡ ᠬᠠᠷᠠᠩ᠋ᠭᠤᠢ ᠤᠷᠤᠭᠤ ᠬᠥᠭᠡᠭᠡᠭᠳᠡᠨᠡ᠃