ᠢᠰᠠᠢᠶᠠ ᠭᠤᠴᠢᠨ ᠳᠣᠯᠣᠭᠠ
ᠡᠳᠡᠭᠡᠷᠡᠭᠰᠡᠨ ᠬᠠᠭᠠᠨ ᠤ ᠮᠠᠭᠲᠠᠭᠠᠯ
1 ᠲᠡᠷᠡ ᠡᠳᠦᠷ ᠤᠳ ᠲᠤ ᠾᠧᠽᠧᠺᠢᠶᠠ ᠡᠪᠡᠳᠴᠢᠯᠡᠵᠦ ᠦᠬᠦᠬᠦ ᠣᠢᠷᠠᠲᠤᠵᠠᠢ᠃ ᠠᠮᠣᠽ ᠤᠨ ᠬᠦᠦ ᠡᠰᠢ ᠦᠵᠡᠭᠦᠯᠦᠭᠴᠢ ᠢᠰᠠᠢᠶᠠ ᠲᠡᠭᠦᠨ ᠤᠷᠤᠭᠤ ᠢᠷᠡᠭᠡᠳ᠄ 《ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠭᠡᠷ ᠦᠨ ᠬᠢᠨ ᠳᠡᠭᠡᠨ ᠭᠡᠷᠢᠶᠡᠰ ᠦᠯᠡᠳᠡᠭᠡ᠃ ᠴᠢ ᠡᠳᠡᠭᠡᠷᠡᠬᠦ ᠦᠭᠡᠢ᠂ ᠦᠬᠦᠨᠡ〉》 ᠭᠡᠪᠡ᠃ 2 ᠾᠧᠽᠧᠺᠢᠶᠠ ᠨᠢᠭᠤᠷ ᠢᠶᠠᠨ ᠬᠠᠨᠠ ᠤᠷᠤᠭᠤ ᠬᠠᠷᠠᠭᠤᠯᠵᠤ ᠶᠣᠬᠣᠸᠠ ᠳᠤ ᠳᠠᠭᠠᠳᠬᠠᠨ᠄ 3 《ᠲᠠᠨ ᠠᠴᠠ ᠭᠤᠶᠤᠶᠠ᠂ ᠶᠣᠬᠣᠸᠠ ᠡ᠂ ᠪᠢ ᠲᠠᠨ ᠤ ᠡᠮᠦᠨᠡ ᠦᠨᠡᠨ ᠢᠶᠡᠷ᠂ ᠴᠢᠩ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠠᠮᠢᠳᠤᠷᠠᠵᠤ᠂ ᠲᠠᠨ ᠤ ᠮᠡᠯᠮᠡᠢ ᠳᠦ ᠰᠠᠢᠨ ᠢ ᠦᠢᠯᠡᠳᠴᠦ ᠪᠠᠢᠭᠰᠠᠨ ᠢ ᠣᠳᠣ ᠰᠠᠨᠠᠭᠠᠴᠢ》 ᠭᠡᠵᠦ ᠬᠡᠯᠡᠭᠡᠳ ᠴᠤᠷᠬᠢᠷᠠᠨ ᠤᠬᠢᠯᠠᠪᠠ᠃
4 ᠲᠡᠭᠡᠲᠡᠯᠡ ᠶᠣᠬᠣᠸᠠ ᠶᠢᠨ ᠦᠭᠡ ᠢᠰᠠᠢᠶᠠ ᠳᠤ ᠢᠷᠡᠵᠦ᠄ 5 《ᠴᠢ ᠾᠧᠽᠧᠺᠢᠶᠠ ᠤᠷᠤᠭᠤ ᠪᠤᠴᠠᠭᠠᠳ ᠶᠠᠷᠢ᠄ ᠴᠢᠨᠦ ᠡᠪᠦᠭᠡ ᠡᠴᠢᠭᠡ ᠳ᠋ᠠᠸᠢᠳ᠋ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠪᠢ ᠴᠢᠨᠦ ᠳᠠᠭᠠᠳᠬᠠᠯ ᠢ ᠰᠣᠨᠣᠰᠴᠤ᠂ ᠴᠢᠨᠦ ᠨᠢᠯᠪᠤᠰᠤ ᠶᠢ ᠬᠠᠷᠠᠯᠠ᠃ ᠬᠠᠷᠠ᠂ ᠪᠢ ᠴᠢᠨᠦ ᠡᠳᠦᠷ ᠤᠳ ᠳᠡᠭᠡᠷᠡ ᠠᠷᠪᠠᠨ ᠲᠠᠪᠤᠨ ᠵᠢᠯ ᠨᠡᠮᠡᠵᠦ ᠥᠭᠭᠥᠶᠡ᠂ 6 ᠪᠢ ᠴᠢᠮᠠᠶᠢ ᠪᠣᠯᠣᠨ ᠡᠨᠡ ᠬᠣᠲᠠ ᠶᠢ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠭᠠᠷ ᠠᠴᠠ ᠠᠪᠤᠷᠠᠵᠤ᠂ ᠡᠨᠡ ᠬᠣᠲᠠ ᠶᠢ ᠬᠠᠮᠠᠭᠠᠯᠠᠨᠠ᠃
7 ᠶᠣᠬᠣᠸᠠ ᠠᠮᠠᠯᠠᠭᠰᠠᠨ ᠢᠶᠠᠨ ᠪᠡᠶᠡᠯᠡᠭᠦᠯᠦᠨᠡ᠂ ᠶᠣᠬᠣᠸᠠ ᠶᠢᠨ ᠲᠠᠨ ᠳᠤ ᠦᠵᠡᠭᠦᠯᠬᠦ ᠲᠡᠮᠳᠡᠭ ᠨᠢ ᠡᠨᠡ᠄ 8 ᠬᠠᠷᠠ᠂ ᠪᠢ ᠠᠬᠠᠽ ᠤᠨ ᠱᠠᠲᠤᠨ ᠳᠡᠭᠡᠷᠡ ᠲᠤᠰᠬᠤ ᠰᠡᠭᠦᠳᠡᠷ 16 ᠢ ᠠᠷᠪᠠᠨ ᠠᠯᠬᠤᠮ ᠤᠬᠤᠷᠢᠭᠤᠯᠤᠨᠠ〉 ᠭᠡᠵᠦ ᠬᠡᠯᠡ》 ᠭᠡᠯᠡ᠃ ᠢᠩᠭᠢᠭᠡᠳ ᠱᠠᠲᠤᠨ ᠳᠡᠭᠡᠷᠡ ᠲᠤᠰᠤᠭᠰᠠᠨ ᠰᠡᠭᠦᠳᠡᠷ ᠠᠷᠪᠠᠨ ᠠᠯᠬᠤᠮ ᠢᠶᠠᠷ ᠤᠬᠤᠷᠢᠪᠠ᠃
9 ᠶᠦᠳᠠ ᠶᠢᠨ ᠬᠠᠭᠠᠨ ᠾᠧᠽᠧᠺᠢᠶᠠ ᠡᠪᠡᠳᠴᠢᠨ ᠨᠢ ᠢᠯᠠᠷᠢᠰᠢᠭᠰᠠᠨ ᠤ ᠳᠠᠷᠠᠭᠠ ᠡᠢᠨ ᠬᠦ ᠪᠢᠴᠢᠪᠡ᠄
10 《ᠪᠢ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠢᠳᠡ ᠦᠶᠡ ᠳᠡᠭᠡᠨ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠤ ᠦᠯᠡᠳᠡᠭᠰᠡᠨ ᠣᠨ ᠵᠢᠯ ᠤᠳ ᠢᠶᠠᠨ ᠪᠤᠯᠢᠶᠠᠭᠳᠠᠬᠤ ᠪᠣᠯᠣᠯᠠ》 ᠭᠡᠵᠦ ᠪᠣᠳᠣᠪᠠ᠂
11 《ᠶᠣᠬᠣᠸᠠ ᠶᠢ ᠳᠠᠬᠢᠨ ᠬᠠᠷᠠᠬᠤ ᠦᠭᠡᠢ᠂ ᠶᠣᠬᠣᠸᠠ ᠶᠢ ᠠᠮᠢᠳᠤ ᠶᠢᠨ ᠭᠠᠵᠠᠷ ᠲᠤ ᠬᠠᠷᠠᠬᠤ ᠦᠭᠡᠢ ᠶᠢᠷᠲᠢᠨᠴᠦ ᠳᠦ ᠰᠠᠭᠤᠵᠤ ᠪᠤᠢ ᠬᠥᠮᠦᠨ ᠢ ᠪᠢ ᠦᠵᠡᠬᠦ ᠦᠭᠡᠢ ᠪᠣᠯᠣᠯᠠ》 ᠭᠡᠵᠦ ᠪᠣᠳᠣᠪᠠ᠃
12 《ᠮᠢᠨᠦ ᠣᠷᠣᠮᠵᠢ ᠬᠣᠨᠢᠴᠢᠨ ᠤ ᠮᠠᠢᠬᠠᠨ ᠮᠡᠲᠦ ᠨᠤᠷᠠᠭᠠᠭᠳᠠᠨ ᠠᠪᠠᠴᠢᠭᠳᠠᠬᠤ ᠪᠣᠯᠪᠠ ᠪᠢ ᠠᠮᠢᠳᠤᠷᠠᠯ ᠢᠶᠠᠨ ᠨᠡᠬᠡᠮᠡᠯᠴᠢᠨ ᠰᠢᠭ ᠬᠤᠢᠯᠠᠵᠤ ᠲᠡᠷᠡ ᠨᠠᠮᠠᠶᠢ ᠨᠡᠬᠡᠮᠡᠯ ᠦᠨ ᠰᠠᠤᠷᠢ ᠡᠴᠡ ᠬᠠᠢᠴᠢᠯᠠᠬᠤ ᠪᠣᠯᠪᠠ ᠡᠳᠦᠷ ᠰᠥᠨᠢ ᠶᠢᠨ ᠠᠯᠢ ᠨᠢᠭᠡᠨ ᠳᠦ ᠲᠠ ᠨᠠᠮᠠᠶᠢ ᠡᠴᠦᠰᠯᠡᠭᠦᠯᠬᠦ ᠭᠡᠪᠡ᠃
13 ᠪᠢ ᠥᠷᠯᠥᠭᠡ ᠪᠣᠯᠲᠠᠯᠠ ᠲᠡᠰᠪᠦᠷᠢᠯᠡᠬᠦ ᠳᠦ ᠲᠡᠷᠡ ᠠᠷᠰᠯᠠᠨ ᠮᠡᠲᠦ ᠪᠦᠬᠦ ᠶᠠᠰᠤ ᠶᠢ ᠮᠢᠨᠢ ᠬᠡᠮᠬᠡᠴᠢᠪᠡ ᠡᠳᠦᠷ ᠰᠥᠨᠢ ᠶᠢᠨ ᠠᠯᠢ ᠨᠢᠭᠡᠨ ᠳᠦ ᠲᠠ ᠨᠠᠮᠠᠶᠢ ᠡᠴᠦᠰᠯᠡᠭᠦᠯᠬᠦ ᠭᠡᠪᠡ᠃
14 ᠪᠢ ᠬᠠᠷᠢᠶᠠᠴᠠᠢ ᠮᠡᠲᠦ᠂ ᠲᠣᠭᠣᠷᠤᠤ ᠮᠡᠲᠦ ᠱᠤᠯᠤᠭᠠᠨᠠᠨ ᠲᠠᠭᠲᠠᠭᠠ ᠮᠡᠲᠦ ᠭᠦᠭᠦᠭᠯᠡᠵᠦ ᠪᠠᠢᠨᠠ ᠨᠢᠳᠦ ᠮᠢᠨᠢ ᠳᠡᠭᠡᠭᠰᠢ ᠪᠠᠨ ᠬᠠᠷᠠᠭᠰᠠᠭᠠᠷ ᠴᠢᠯᠡᠵᠦ ᠪᠠᠢᠨᠠ ᠶᠣᠬᠣᠸᠠ ᠡ᠂ ᠪᠢ ᠳᠠᠷᠤᠮᠲᠠᠯᠠᠭᠳᠠᠵᠤ ᠪᠠᠢᠨᠠ ᠮᠢᠨᠦ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠪᠣᠯᠣᠭᠠᠴᠢ᠃
15 ᠪᠢ ᠶᠠᠭᠤ ᠬᠡᠯᠡᠬᠦ ᠪᠢᠯᠡ︖ ᠲᠡᠷᠡ ᠠᠢᠯᠠᠳᠤᠭᠰᠠᠨ᠂ ᠥᠪᠡᠷ ᠢᠶᠡᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠢ ᠠᠮᠰᠠᠭᠰᠠᠨ ᠵᠣᠪᠠᠯᠠᠩ ᠢᠶᠠᠨ ᠰᠠᠨᠠᠨ ᠪᠦᠬᠦ ᠵᠢᠯ ᠤᠳ ᠲᠡᠭᠡᠨ ᠳᠠᠷᠤᠤ ᠠᠮᠢᠳᠤᠷᠠᠨᠠ
16 ᠡᠵᠡᠨ ᠡ᠂ ᠬᠥᠮᠦᠨ ᠡᠳᠡᠭᠡᠷ ᠢᠶᠡᠷ ᠠᠮᠢᠳᠤᠷᠠᠨᠠ ᠡᠨᠡ ᠪᠦᠬᠦᠨ ᠳᠦ ᠠᠮᠢ᠂ ᠰᠦᠨᠡᠰᠦ ᠮᠢᠨᠢ ᠪᠠᠢᠨᠠ ᠲᠠ ᠨᠠᠮᠠᠶᠢ ᠡᠳᠡᠭᠡᠭᠡᠵᠦ᠂ ᠠᠮᠢᠳᠤᠷᠠᠭᠤᠯᠤᠭᠰᠠᠨ᠃
17 ᠬᠠᠷᠠᠭᠠᠴᠢ᠂ ᠵᠢᠷᠭᠠᠯ ᠤᠨ ᠲᠥᠯᠥᠭᠡ ᠨᠠᠳᠠ ᠳᠤ ᠭᠠᠰᠢᠭᠤᠨ ᠵᠣᠪᠠᠯᠠᠩ ᠪᠠᠢᠵᠠᠢ ᠲᠠ ᠠᠮᠢ ᠶᠢ ᠮᠢᠨᠢ ᠬᠠᠢᠷᠠᠯᠠᠵᠤ ᠮᠥᠬᠥᠯ ᠦᠨ ᠨᠦᠬᠡᠨ ᠡᠴᠡ ᠬᠠᠮᠠᠭᠠᠯᠠᠭᠰᠠᠨ ᠲᠠ ᠪᠦᠬᠦ ᠨᠢᠭᠦᠯ ᠢ ᠮᠢᠨᠢ ᠠᠷᠤ ᠳᠠᠭᠠᠨ ᠬᠠᠶᠠᠭᠰᠠᠨ᠃
18 ᠦᠬᠦᠭᠰᠡᠳ ᠦᠨ ᠣᠷᠣᠨ ᠲᠠᠨ ᠳᠤ ᠲᠠᠯᠠᠷᠬᠠᠵᠤ ᠴᠢᠳᠠᠬᠤ ᠦᠭᠡᠢ ᠦᠬᠦᠯ ᠲᠠᠨ ᠢ ᠮᠠᠭᠲᠠᠵᠤ ᠴᠢᠳᠠᠬᠤ ᠦᠭᠡᠢ ᠨᠦᠬᠡᠨ ᠳᠦ ᠣᠷᠣᠭᠰᠠᠳ ᠲᠠᠨ ᠤ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠯ ᠳᠤ ᠨᠠᠢᠳᠠᠵᠤ ᠴᠢᠳᠠᠬᠤ ᠦᠭᠡᠢ᠃
19 ᠠᠮᠢᠳᠤ ᠨᠢ᠂ ᠠᠮᠢᠳᠤ ᠨᠢ ᠯᠠ ᠥᠨᠥᠳᠥᠷ ᠮᠢᠨᠦ ᠠᠳᠠᠯᠢ ᠲᠠᠨ ᠢ ᠮᠠᠭᠲᠠᠨᠠ ᠡᠴᠢᠭᠡ ᠨᠢ ᠬᠥᠪᠡᠭᠦᠳ ᠲᠡᠭᠡᠨ ᠲᠠᠨ ᠤ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠯ ᠢ ᠮᠡᠳᠡᠭᠦᠯᠦᠨᠡ᠃
20 ᠶᠣᠬᠣᠸᠠ ᠨᠠᠮᠠᠶᠢ ᠠᠪᠤᠷᠠᠨᠠ ᠪᠢᠳᠡ ᠪᠦᠬᠦ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠡᠳᠦᠷ ᠤᠳ ᠲᠤ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠳᠦ ᠬᠤᠭᠤᠷ ᠲᠣᠭᠯᠠᠨ ᠳᠠᠭᠤᠤ ᠳᠠᠭᠤᠯᠠᠨᠠ᠃》
21 ᠤᠤᠯ ᠨᠢ ᠢᠰᠠᠢᠶᠠ᠄ 《ᠢᠨᠵᠢᠷ ᠤᠨ ᠬᠠᠲᠠᠭᠠᠮᠠᠯ ᠢ ᠠᠪᠴᠢᠷᠠᠵᠤ᠂ ᠬᠠᠲᠠᠭᠢ ᠳᠡᠭᠡᠷᠡ ᠨᠠᠭᠠᠪᠠᠯ ᠡᠳᠡᠭᠡᠨᠡ》 ᠭᠡᠵᠦ᠂ 22 ᠾᠧᠽᠧᠺᠢᠶᠠ᠄ 《ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡ ᠥᠭᠡᠳᠡ ᠣᠴᠢᠬᠤ ᠶᠢᠨ ᠮᠢᠨᠢ ᠲᠡᠮᠳᠡᠭ ᠶᠠᠭᠤ ᠪᠤᠢ︖》 ᠭᠡᠵᠦ ᠠᠰᠠᠭᠤᠭᠰᠠᠨ ᠪᠠᠢᠵᠠᠢ᠃