ᠢᠰᠠᠢᠶᠠ ᠬᠣᠷᠢ ᠶᠢᠰᠦ
ᠶᠦᠳᠠ ᠳᠤ ᠪᠠᠭᠤᠬᠤ ᠭᠠᠢ
1 ᠥ᠂ ᠠᠷᠢᠶᠧᠯ 14 ᠂ ᠠᠷᠢᠶᠧᠯ ᠡ ᠥᠨᠢ ᠡᠷᠲᠡ ᠳ᠋ᠠᠸᠢᠳ᠋ ᠤᠨ ᠰᠠᠭᠤᠷᠢᠰᠢᠭᠰᠠᠨ ᠬᠣᠲᠠ ᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠳ ᠴᠢᠨᠢ ᠵᠢᠯ ᠵᠢᠯ ᠡᠷᠭᠢᠨ ᠢᠷᠡᠳᠡᠭ ᠪᠣᠯᠪᠠᠴᠤ
2 ᠪᠢ ᠠᠷᠢᠶᠧᠯ ᠳᠤ ᠵᠣᠪᠠᠯᠠᠩ ᠠᠪᠴᠢᠷᠠᠨᠠ ᠲᠡᠷᠡ ᠤᠬᠢᠯᠠᠨ ᠭᠠᠰᠢᠭᠤᠳᠠᠵᠤ ᠮᠢᠨᠦ ᠡᠮᠦᠨᠡ ᠶᠠᠭ ᠯᠠ ᠠᠷᠢᠶᠧᠯ ᠮᠡᠲᠦ ᠪᠣᠯᠣᠨᠠ᠃
3 ᠴᠢᠨᠦ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠪᠢ ᠬᠤᠸᠠᠷᠠᠩᠨᠠᠨ ᠴᠠᠮᠬᠠᠭ ᠤᠳ ᠢᠶᠠᠷ ᠴᠢᠮᠠᠶᠢ ᠬᠦᠷᠢᠶᠡᠯᠡᠵᠦ ᠴᠢᠨᠦ ᠡᠰᠡᠷᠭᠦ ᠪᠦᠰᠡᠯᠡᠯᠲᠡ ᠶᠢᠨ ᠣᠪᠣᠭᠠ ᠪᠣᠰᠬᠠᠨᠠ
4 ᠴᠢ ᠳᠣᠷᠣᠭᠰᠢ ᠪᠠᠨ ᠬᠠᠶᠠᠭᠳᠠᠨᠠ ᠭᠠᠵᠠᠷ ᠳᠣᠣᠷᠠ ᠠᠴᠠ ᠴᠢ ᠦᠭᠡ ᠶᠠᠷᠢᠬᠤ ᠳᠤ ᠰᠤᠯᠠᠬᠠᠨ ᠦᠭᠡ ᠴᠢᠨᠢ ᠰᠢᠷᠣᠢ ᠳᠣᠲᠣᠷᠠ ᠠᠴᠠ ᠭᠠᠷᠤᠨᠠ ᠭᠠᠵᠠᠷ ᠠᠴᠠ ᠭᠠᠷᠬᠤ ᠰᠦᠨᠡᠰᠦᠨ ᠦ ᠳᠠᠭᠤ ᠮᠡᠲᠦ ᠳᠠᠭᠤ ᠴᠢᠨᠢ᠂ ᠪᠤᠪᠲᠤᠨᠠᠭᠰᠠᠨ ᠶᠠᠷᠢᠶᠠ ᠴᠢᠨᠢ ᠰᠢᠷᠣᠢ ᠠᠴᠠ ᠰᠣᠨᠣᠰᠳᠠᠨᠠ᠃
5 ᠭᠡᠪᠡᠴᠦ ᠦᠢ ᠣᠯᠠᠨ ᠳᠠᠢᠰᠤᠨ ᠴᠢᠨᠢ ᠬᠤᠮᠠᠬᠢ ᠲᠣᠭᠣᠰᠣ ᠮᠡᠲᠦ ᠦᠢ ᠣᠯᠠᠨ ᠳᠠᠷᠤᠯᠠᠭᠴᠢ ᠴᠢᠨᠢ ᠬᠡᠪᠡᠭ ᠮᠡᠲᠦ ᠬᠡᠶᠢᠰᠦᠨᠡ᠂ ᠬᠡᠪ ᠭᠡᠨᠡᠳᠲᠡᠬᠡᠨ
6 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠶᠤᠩ᠋ᠭᠠ᠂ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠪᠠ ᠶᠡᠬᠡ ᠳᠠᠭᠤᠨ ᠢᠶᠠᠷ᠂ ᠮᠥᠨ ᠬᠤᠢ ᠰᠠᠯᠬᠢ᠂ ᠰᠢᠭᠤᠷᠭᠠ ᠪᠠ ᠵᠠᠯᠭᠢᠭᠴᠢ ᠭᠠᠯ ᠤᠨ ᠳᠥᠯᠥ ᠪᠡᠷ ᠴᠢᠮᠠ ᠤᠷᠤᠭᠤ ᠢᠷᠡᠬᠦ ᠳᠦ
7 ᠠᠷᠢᠶᠧᠯ ᠢ ᠳᠣᠪᠲᠣᠯᠣᠭᠰᠠᠨ ᠦᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠪᠦᠭᠦᠳᠡ ᠲᠡᠭᠦᠨ ᠢ ᠪᠣᠯᠣᠨ ᠪᠡᠬᠢᠯᠡᠯᠲᠡ ᠶᠢ ᠨᠢ ᠳᠣᠪᠲᠣᠯᠵᠤ ᠰᠢᠬᠠᠮᠳᠠᠭᠤᠯᠤᠭᠰᠠᠨ ᠪᠦᠭᠦᠳᠡ ᠵᠡᠭᠦᠳᠦ ᠮᠡᠲᠦ᠂ ᠰᠥᠨᠢ ᠶᠢᠨ ᠦᠵᠡᠭᠳᠡᠯ ᠮᠡᠲᠦ ᠪᠣᠯᠣᠨᠠ᠃
8 ᠥᠯᠥᠰᠥᠭᠰᠡᠨ ᠬᠥᠮᠦᠨ ᠢᠳᠡᠵᠦ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠭᠰᠡᠨ ᠴᠤ ᠰᠡᠷᠢᠬᠦ ᠳᠡᠭᠡᠨ ᠥᠯᠥᠰᠬᠥᠯᠡᠩ ᠬᠡᠪ ᠢᠶᠡᠷ ᠢᠶᠠᠨ ᠴᠠᠩ᠋ᠭᠠᠭᠰᠠᠨ ᠬᠥᠮᠦᠨ ᠤᠤᠭᠤᠵᠤ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠭᠰᠡᠨ ᠴᠤ ᠰᠡᠷᠢᠬᠦ ᠳᠡᠭᠡᠨ ᠲᠠᠮᠢᠷ ᠦᠭᠡᠢ ᠬᠡᠪ ᠢᠶᠡᠷ ᠢᠶᠠᠨ ᠴᠠᠩ᠋ᠭᠠᠭᠠ ᠲᠠᠢ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠳᠠᠭ ᠤᠨ ᠠᠳᠠᠯᠢ ᠽᠢᠶᠣᠨ ᠠᠭᠤᠯᠠ ᠶᠢ ᠳᠣᠪᠲᠣᠯᠬᠤ ᠪᠦᠬᠦ ᠦᠨᠳᠦᠰᠦᠲᠡᠨ ᠦ ᠣᠯᠠᠨ ᠲᠦᠮᠡᠨ ᠲᠡᠢᠮᠦ ᠪᠣᠯᠣᠨᠠ᠃
9 ᠬᠠᠷᠢᠨ ᠲᠠ ᠨᠠᠷ ᠬᠠᠴᠢᠷᠬᠠᠨ ᠭᠠᠢᠬᠠ ᠬᠠᠷᠠᠭᠠ ᠦᠭᠡᠢ ᠬᠥᠮᠦᠨ ᠮᠡᠲᠦ ᠬᠠᠷᠠᠬᠤ ᠦᠭᠡᠢ ᠪᠠᠢᠵᠠᠭᠠ ᠲᠡᠳᠡ ᠰᠣᠭᠲᠣᠳᠠᠭ ᠪᠣᠯᠪᠠᠴᠤ ᠳᠠᠷᠠᠰᠤᠨ ᠠᠴᠠ ᠪᠢᠰᠢ ᠭᠤᠢᠪᠢᠳᠠᠭ ᠪᠣᠯᠪᠠᠴᠤ ᠠᠷᠢᠬᠢᠨ ᠠᠴᠠ ᠪᠢᠰᠢ ᠶᠤᠮ᠃
10 ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠳᠡᠭᠡᠷᠡ ᠭᠦᠨ ᠨᠣᠢᠷ ᠤᠨ ᠰᠦᠨᠡᠰᠦ ᠶᠢ ᠴᠢᠳᠬᠤᠵᠠᠢ ᠶᠣᠬᠣᠸᠠ ᠡᠰᠢ ᠦᠵᠡᠭᠦᠯᠦᠭᠴᠢ ᠲᠠ ᠨᠠᠷ ᠤᠨ ᠨᠢᠳᠦ ᠶᠢ ᠬᠠᠭᠠᠵᠤ ᠪᠣᠱᠣᠭᠴᠢ ᠲᠠ ᠨᠠᠷ ᠤᠨ ᠲᠣᠯᠣᠭᠠᠢ ᠶᠢ ᠪᠦᠲᠡᠭᠡᠵᠡᠢ᠃
11 ᠡᠨᠡ ᠪᠦᠬᠦ ᠢᠯᠡᠷᠬᠡᠶᠢᠯᠡᠯᠭᠡ ᠲᠠ ᠨᠠᠷ ᠲᠤ ᠯᠠᠴᠠᠳᠠᠭᠤᠯᠤᠭᠰᠠᠨ ᠨᠣᠮ ᠤᠨ ᠦᠭᠡᠰ ᠮᠡᠲᠦ ᠪᠣᠯᠣᠯᠠ᠃ ᠡᠭᠦᠨ ᠢ ᠪᠢᠴᠢᠭ ᠮᠡᠳᠡᠬᠦ ᠬᠥᠮᠦᠨ ᠳᠦ ᠥᠭᠴᠦ᠂ 《ᠤᠩ᠋ᠰᠢᠵᠤ ᠬᠠᠢᠷᠠᠯᠠ》 ᠭᠡᠪᠡᠯ᠂ ᠲᠡᠷᠡ᠄ 《ᠯᠠᠴᠠᠳᠠᠭᠰᠠᠨ ᠤᠴᠢᠷ ᠪᠢ ᠴᠢᠳᠠᠬᠤ ᠦᠭᠡᠢ ᠨᠢ ᠡ》 ᠭᠡᠨᠡ᠃ 12 ᠲᠡᠷᠡ ᠨᠣᠮ ᠢ ᠪᠢᠴᠢᠭ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳᠦ ᠥᠭᠴᠦ᠂ 《ᠤᠩ᠋ᠰᠢᠵᠤ ᠬᠠᠢᠷᠠᠯᠠ》 ᠭᠡᠪᠡᠯ᠂ ᠲᠡᠷᠡ᠄ 《ᠪᠢ ᠪᠢᠴᠢᠭ ᠮᠡᠳᠡᠬᠦ ᠦᠭᠡᠢ》 ᠭᠡᠨᠡ᠃
13 ᠡᠵᠡᠨ ᠠᠢᠯᠠᠳᠤᠨ᠄ 《ᠡᠨᠡ ᠠᠷᠠᠳ ᠲᠦᠮᠡᠨ ᠠᠮᠠ ᠪᠠᠷ ᠢᠶᠠᠨ ᠨᠠᠳᠠ ᠤᠷᠤᠭᠤ ᠣᠢᠷᠠᠲᠤᠨ ᠣᠷᠣᠭᠤᠯ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠬᠦᠨᠳᠦᠯᠡᠳᠡᠭ ᠪᠣᠯᠪᠠᠴᠤ ᠵᠢᠷᠦᠬᠡ ᠨᠢ ᠨᠠᠳᠠ ᠠᠴᠠ ᠬᠣᠯᠠ ᠪᠠᠢᠨᠠ᠂ ᠲᠡᠳᠡᠨ ᠦ ᠬᠦᠨᠳᠦᠳᠬᠡᠳᠡᠭ ᠨᠢ ᠬᠥᠮᠦᠨ ᠦ ᠰᠤᠷᠭᠠᠵᠤ ᠪᠠᠢᠭᠠ ᠲᠤᠰᠢᠶᠠᠯ ᠶᠤᠮ᠃
14 ᠡᠢᠮᠦ ᠡᠴᠡ ᠪᠢ ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠳᠤᠮᠳᠠ ᠭᠠᠢᠬᠠᠮᠰᠢᠭᠲᠤ ᠦᠢᠯᠡ᠂ ᠭᠠᠢᠬᠠᠯᠲᠠᠢ ᠭᠠᠢᠬᠠᠮᠰᠢᠭ ᠢ ᠳᠠᠬᠢᠨ ᠦᠢᠯᠡᠳᠦᠨᠡ᠂ ᠮᠡᠷᠭᠡᠳ ᠦᠨ ᠮᠡᠷᠭᠡᠨ ᠮᠥᠬᠥᠵᠦ ᠤᠬᠠᠭᠠᠨᠲᠠᠳ ᠤᠨ ᠤᠬᠠᠭᠠᠨ ᠤᠰᠠᠲᠤᠨᠠ》 ᠭᠡᠪᠡ᠃
15 ᠥ᠂ ᠶᠣᠬᠣᠸᠠ ᠠᠴᠠ ᠲᠥᠯᠥᠪᠯᠡᠭᠡ ᠪᠡᠨ ᠭᠦᠨ ᠨᠢᠭᠤᠳᠠᠭ ᠬᠥᠮᠦᠰ ᠦᠢᠯᠡᠰ ᠢᠶᠡᠨ ᠬᠠᠷᠠᠩ᠋ᠭᠤᠢ ᠳᠤ ᠬᠢᠵᠦ 《ᠬᠡᠨ ᠬᠠᠷᠠᠬᠤ ᠪᠢᠯᠡ︖》 《ᠬᠡᠨ ᠮᠡᠳᠡᠬᠦ ᠪᠢᠯᠡ︖》 ᠭᠡᠨᠡ᠃
16 ᠳᠡᠮᠡᠢᠷᠡᠯ︕ ᠲᠠ ᠨᠠᠷ ᠸᠠᠭᠠᠷᠴᠢᠨ ᠢ ᠰᠢᠪᠠᠷ ᠲᠠᠢ ᠠᠳᠠᠯᠢ ᠭᠡᠵᠦ ᠦᠵᠡᠳᠡᠭ ᠤᠤ︖ ᠪᠦᠲᠦᠭᠡᠯ ᠨᠢ ᠪᠦᠲᠦᠭᠡᠭᠴᠢ ᠪᠠᠨ 《ᠲᠡᠷᠡ ᠨᠠᠮᠠᠶᠢ ᠪᠦᠲᠦᠭᠡᠭᠰᠡᠨ ᠪᠢᠰᠢ》 ᠭᠡᠵᠦ ᠬᠡᠯᠡᠳᠡᠭ ᠤᠤ︖ ᠸᠠᠭᠠᠷ ᠨᠢ ᠸᠠᠭᠠᠷᠴᠢᠨ ᠢᠶᠠᠨ 《ᠲᠡᠷᠡ ᠠᠪᠬᠠᠯᠵᠢ ᠦᠭᠡᠢ》 ᠭᠡᠵᠦ ᠬᠡᠯᠡᠳᠡᠭ ᠤᠤ︖
17 ᠭᠱᠠᠨ ᠵᠠᠭᠤᠷᠠ ᠶᠢᠨ ᠳᠠᠷᠠᠭᠠ ᠯᠧᠪᠠᠨᠣᠨ ᠤ ᠣᠢ ᠨᠢ ᠰᠢᠮᠡ ᠲᠠᠢ ᠲᠠᠯᠠᠪᠠᠢ ᠪᠣᠯᠣᠨ ᠬᠤᠪᠢᠷᠠᠵᠤ ᠰᠢᠮᠡ ᠲᠠᠢ ᠲᠠᠯᠠᠪᠠᠢ ᠨᠢ ᠣᠢ ᠳᠤ ᠲᠣᠭᠠᠴᠠᠭᠳᠠᠨᠠ᠃
18 ᠲᠡᠷᠡ ᠡᠳᠦᠷ ᠳᠦᠯᠡᠢ ᠨᠢ ᠨᠣᠮ ᠤᠨ ᠦᠭᠡᠰ ᠢ ᠰᠣᠨᠣᠰᠴᠤ ᠰᠣᠬᠣᠷ ᠤᠨ ᠨᠢᠳᠦ ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠳᠤᠮᠳᠠ ᠬᠠᠷᠠᠨᠠ᠃
19 ᠳᠠᠷᠤᠤ ᠨᠢᠭᠡᠨ ᠨᠢ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠪᠠᠶᠠᠷ ᠳᠡᠭᠡᠷᠡ ᠪᠠᠶᠠᠷ ᠣᠯᠵᠤ ᠳᠣᠷᠣᠢ ᠠᠷᠠᠳ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠳᠣᠲᠣᠷᠠ ᠪᠠᠶᠠᠰᠤᠨᠠ᠃
20 ᠳᠠᠷᠤᠯᠠᠭᠴᠢᠳ ᠳᠠᠯᠳᠠ ᠣᠷᠣᠵᠤ ᠳᠣᠷᠣᠮᠵᠢᠯᠠᠭᠴᠢᠳ ᠠᠯᠠᠭᠠ ᠪᠣᠯᠵᠤ ᠮᠠᠭᠤ ᠶᠢ ᠦᠢᠯᠡᠳᠬᠦ ᠶᠢ ᠬᠦᠰᠡᠭᠴᠢ ᠪᠦᠬᠦᠨ᠂
21 ᠦᠭᠡ ᠪᠡᠷ ᠬᠥᠮᠦᠨ ᠢ ᠨᠢᠭᠦᠯᠲᠡᠨ ᠪᠣᠯᠭᠠᠭᠴᠢᠳ ᠬᠣᠲᠠ ᠶᠢᠨ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠰᠢᠭᠦᠭᠴᠢ ᠶᠢ ᠵᠠᠩ᠋ᠭᠤᠨ ᠳᠤ ᠣᠷᠣᠭᠤᠯᠵᠤ ᠵᠥᠪᠲᠡᠨ ᠢ ᠬᠠᠭᠤᠷᠮᠠᠭ ᠢᠶᠠᠷ ᠬᠢᠯᠢᠰᠳᠡᠭᠦᠯᠦᠭᠴᠢᠳ ᠲᠠᠰᠤᠯᠤᠭᠳᠠᠨᠠ᠃
22 ᠡᠢᠮᠦ ᠡᠴᠡ ᠠᠪᠷᠠᠬᠠᠮ ᠢ ᠠᠪᠤᠷᠠᠭᠰᠠᠨ ᠶᠣᠬᠣᠸᠠ ᠶᠠᠺᠣᠪ ᠤᠨ ᠭᠡᠷ ᠦᠨ ᠲᠤᠬᠠᠢ ᠠᠢᠯᠠᠳᠤᠨ᠄ 《ᠣᠳᠣ ᠶᠠᠺᠣᠪ ᠢᠴᠢᠬᠦ ᠦᠭᠡᠢ᠂ ᠣᠳᠣ ᠴᠢᠷᠠᠢ ᠨᠢ ᠵᠡᠪᠡᠬᠡᠶᠢᠷᠡᠬᠦ ᠦᠭᠡᠢ
23 ᠲᠡᠷᠡ ᠪᠡᠷ ᠮᠤᠲᠤᠷ ᠤᠨ ᠮᠢᠨᠢ ᠪᠦᠲᠦᠭᠡᠯ ᠪᠣᠯᠬᠤ ᠦᠷᠡ ᠬᠡᠦᠬᠡᠳ ᠤᠳ ᠢᠶᠠᠨ ᠥᠪᠡᠷ ᠦᠨ ᠢᠶᠠᠨ ᠲᠡᠨᠳᠡ ᠠᠵᠢᠭᠯᠠᠵᠤ ᠪᠠᠢᠬᠤ ᠳᠤ ᠲᠡᠳᠡ ᠨᠡᠷᠡ ᠶᠢ ᠮᠢᠨᠢ ᠠᠷᠢᠭᠤᠨ ᠭᠡᠨᠡ ᠶᠠᠺᠣᠪ ᠤᠨ ᠠᠷᠢᠭᠤᠨ ᠨᠢᠭᠡᠨ ᠢ ᠠᠷᠢᠭᠤᠨ ᠭᠡᠵᠦ ᠢᠰᠷᠧᠯ ᠤᠨ ᠪᠤᠷᠬᠠᠨ ᠠᠴᠠ ᠡᠮᠢᠶᠡᠨᠡ᠃
24 ᠲᠡᠨᠦᠮᠡᠯ ᠰᠦᠨᠡᠰᠦᠲᠡᠳ ᠲᠦ ᠤᠬᠠᠭᠠᠨ ᠰᠠᠭᠤᠵᠤ ᠭᠣᠮᠣᠳᠠᠭᠴᠢᠳ ᠰᠤᠷᠭᠠᠯ ᠢ ᠰᠤᠷᠤᠨᠠ》 ᠭᠡᠪᠡ᠃