ᠢᠰᠠᠢᠶᠠ ᠳᠥᠴᠢᠨ ᠭᠤᠷᠪᠠ
ᠵᠣᠯᠢᠭᠴᠢ ᠪᠤᠷᠬᠠᠨ ᠤ ᠡᠨᠡᠷᠢᠯ
1 ᠶᠠᠺᠣᠪ ᠡ᠂ ᠴᠢᠮᠠᠶᠢ ᠪᠦᠲᠦᠭᠡᠭᠰᠡᠨ ᠶᠣᠬᠣᠸᠠ ᠢᠰᠷᠧᠯ ᠡ᠂ ᠴᠢᠮᠠᠶᠢ ᠬᠡᠯᠪᠡᠷᠢᠵᠢᠭᠦᠯᠦᠭᠰᠡᠨ ᠶᠣᠬᠣᠸᠠ ᠣᠳᠣ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠪᠦᠦ ᠠᠶᠤ᠂ ᠪᠢ ᠴᠢᠮᠠᠶᠢ ᠵᠣᠯᠢᠨ ᠠᠪᠤᠭᠰᠠᠨ ᠪᠢ ᠴᠢᠮᠠᠶᠢ ᠨᠡᠷᠡ ᠪᠡᠷ ᠴᠢᠨᠢ ᠳᠠᠭᠤᠳᠠᠭᠰᠠᠨ ᠴᠢ ᠮᠢᠨᠦᠬᠢ᠃
2 ᠴᠢ ᠤᠰᠤ ᠪᠠᠷ ᠭᠠᠲᠤᠯᠬᠤ ᠳᠤ ᠪᠢ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠨᠠ ᠭᠣᠣᠯ ᠳᠤ ᠴᠢᠮᠠᠶᠢ ᠵᠢᠪᠪᠦᠭᠦᠯᠬᠦ ᠦᠭᠡᠢ ᠴᠢ ᠭᠠᠯ ᠳᠤᠮᠳᠠᠭᠤᠷ ᠶᠠᠪᠤᠬᠤ ᠳᠠᠭᠠᠨ ᠲᠦᠯᠡᠭᠳᠡᠬᠦ ᠦᠭᠡᠢ ᠳᠥᠯᠥ ᠴᠢᠮᠠᠶᠢ ᠰᠢᠲᠠᠭᠠᠬᠤ ᠦᠭᠡᠢ᠃
3 ᠪᠢ ᠪᠣᠯ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ᠂ ᠴᠢᠨᠦ ᠠᠪᠤᠷᠠᠭᠴᠢ᠂ ᠪᠢ ᠶᠧᠵᠢᠫᠲ ᠢ ᠴᠢᠨᠦ ᠵᠣᠯᠢᠶᠠᠰᠤᠨ ᠳᠤ ᠺᠦᠱ ᠪᠠ ᠱᠧᠪᠠ ᠶᠢ ᠴᠢᠨᠦ ᠣᠷᠣᠨ ᠳᠤ ᠥᠭᠪᠡ᠃
4 ᠴᠢ ᠮᠢᠨᠦ ᠨᠢᠳᠦᠨ ᠳᠦ ᠦᠨᠡ ᠲᠠᠢ᠂ ᠬᠦᠨᠳᠦᠲᠡᠢ ᠪᠢ ᠴᠢᠮᠠ ᠳᠤ ᠬᠠᠢᠷᠠᠲᠠᠢ ᠪᠢ ᠴᠢᠨᠦ ᠣᠷᠣᠨ ᠳᠤ ᠬᠥᠮᠦᠨ ᠢ ᠥᠭᠴᠦ ᠠᠮᠢ ᠶᠢᠨ ᠴᠢᠨᠢ ᠣᠷᠣᠨ ᠳᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠥᠭᠭᠥᠨᠡ᠃
5 ᠪᠦᠦ ᠠᠶᠤ᠂ ᠪᠢ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠨᠠ ᠪᠢ ᠦᠷᠡ ᠤᠳᠤᠮ ᠢ ᠴᠢᠨᠢ ᠳᠣᠷᠣᠨᠠ ᠵᠦᠭ ᠡᠴᠡ ᠠᠪᠴᠢᠷᠠᠨ ᠴᠢᠮᠠᠶᠢ ᠥᠷᠥᠨᠡ ᠵᠦᠭ ᠡᠴᠡ ᠴᠤᠭᠯᠠᠭᠤᠯᠤᠨᠠ᠃
6 ᠪᠢ ᠤᠮᠠᠷᠠᠲᠤ ᠳᠤ᠄ 〈ᠭᠠᠷᠭᠠᠵᠤ ᠥᠭ〉 ᠬᠡᠮᠡᠨ ᠡᠮᠦᠨᠡᠲᠦ ᠲᠤ ᠬᠠᠨᠳᠤᠨ᠄ 〈ᠪᠦᠦ ᠬᠣᠷᠢᠭᠯᠠ〉 ᠭᠡᠵᠦ 〈ᠬᠥᠪᠡᠭᠦᠳ ᠢ ᠮᠢᠨᠢ ᠠᠯᠤᠰ ᠬᠣᠯᠠ ᠠᠴᠠ ᠥᠬᠢᠳ ᠢ ᠮᠢᠨᠢ ᠭᠠᠵᠠᠷ ᠤᠨ ᠬᠢᠵᠠᠭᠠᠷ ᠠᠴᠠ ᠠᠪᠴᠢᠷᠠ
7 ᠮᠢᠨᠦ ᠨᠡᠷᠡ ᠪᠡᠷ ᠳᠠᠭᠤᠳᠠᠭᠤᠯᠤᠭᠴᠢ ᠪᠦᠭᠦᠳᠡ ᠶᠢ ᠠᠪᠴᠢᠷᠠ ᠪᠢ ᠲᠡᠳᠡᠨ ᠢ ᠠᠯᠳᠠᠷ ᠤᠨ ᠢᠶᠠᠨ ᠲᠥᠯᠥᠭᠡ ᠪᠦᠲᠦᠭᠡᠭᠰᠡᠨ ᠪᠢ ᠲᠡᠳᠡᠨ ᠢ ᠬᠡᠯᠪᠡᠷᠢᠵᠢᠭᠦᠯᠵᠦ ᠵᠣᠬᠢᠶᠠᠭᠰᠠᠨ〉 ᠭᠡᠬᠦ ᠪᠣᠯᠣᠨᠠ᠃》
8 ᠨᠢᠳᠦ ᠲᠠᠢ ᠪᠣᠯᠪᠠᠴᠤ ᠰᠣᠬᠣᠷ ᠴᠢᠬᠢ ᠲᠠᠢ ᠪᠣᠯᠪᠠᠴᠤ ᠳᠦᠯᠡᠢ ᠠᠷᠠᠳ ᠲᠦᠮᠡᠨ ᠢ ᠭᠠᠷᠭᠠ᠃
9 ᠬᠠᠮᠤᠭ ᠦᠨᠳᠦᠰᠦᠲᠡᠨ ᠬᠠᠮᠲᠤ ᠳᠠᠭᠠᠨ ᠬᠤᠷᠠᠵᠤ ᠶᠠᠰᠤᠲᠠᠨ ᠨᠤᠭᠤᠳ ᠴᠤᠭᠯᠠᠷᠠᠭᠰᠠᠨ ᠪᠠᠢᠨᠠ ᠲᠡᠳᠡᠨ ᠦ ᠳᠤᠮᠳᠠ ᠠᠴᠠ ᠬᠡᠨ ᠡᠳᠡᠭᠡᠷ ᠢ ᠢᠯᠡᠷᠬᠡᠶᠢᠯᠡᠵᠦ ᠤᠷᠢᠳᠤ ᠶᠢᠨ ᠵᠦᠢᠯᠡᠰ ᠢ ᠪᠢᠳᠡᠨ ᠳᠦ ᠰᠣᠨᠣᠰᠬᠠᠭᠰᠠᠨ ᠪᠤᠢ︖ ᠲᠡᠳᠡ ᠭᠡᠷᠡᠴᠢ ᠨᠦᠭᠦᠳ ᠢᠶᠡᠨ ᠠᠪᠴᠢᠷᠠᠵᠤ ᠵᠥᠪ ᠪᠠᠢᠭᠠ ᠪᠠᠨ ᠪᠠᠲᠤᠯᠠᠭ᠂ ᠬᠥᠮᠦᠰ ᠲᠦ ᠰᠣᠨᠣᠰᠬᠠᠨ᠂ ᠲᠡᠳᠡᠨ ᠢᠶᠡᠷ 《ᠦᠨᠡᠨ》 ᠭᠡᠵᠦ ᠬᠡᠯᠡᠭᠦᠯ᠃
10 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 《ᠲᠠ ᠨᠠᠷ ᠪᠣᠯ ᠮᠢᠨᠦ ᠭᠡᠷᠡᠴᠢ᠂ ᠮᠢᠨᠦ ᠵᠠᠷᠤᠴᠠ ᠪᠢ ᠲᠠ ᠨᠠᠷ ᠢ ᠰᠣᠩ᠋ᠭᠣᠭᠰᠠᠨ ᠲᠡᠢᠨ ᠬᠦ ᠪᠢ ᠥᠪᠡᠷ ᠢ ᠪᠠᠨ ᠲᠠᠨᠢᠭᠤᠯᠤᠨ᠂ ᠥᠪᠡᠷ ᠲᠡᠭᠡᠨ ᠢᠲᠡᠭᠡᠭᠦᠯᠦᠨ 〈ᠪᠢ ᠪᠣᠯ ᠲᠡᠷᠡ᠂ ᠨᠠᠳᠠ ᠠᠴᠠ ᠡᠮᠦᠨᠡ ᠪᠤᠢ ᠪᠣᠯᠣᠭᠰᠠᠨ ᠪᠤᠷᠬᠠᠨ ᠭᠡᠵᠦ ᠦᠭᠡᠢ᠂ ᠮᠢᠨᠦ ᠳᠠᠷᠠᠭᠠ ᠴᠤ ᠦᠭᠡᠢ〉 ᠭᠡᠳᠡᠭ ᠢ ᠣᠢᠯᠠᠭᠠᠭᠤᠯᠬᠤ ᠭᠡᠰᠡᠨ᠂
11 ᠪᠢ᠂ ᠵᠥᠪᠬᠡᠨ ᠪᠢ ᠪᠣᠯ ᠶᠣᠬᠣᠸᠠ᠂ ᠨᠠᠳᠠ ᠠᠴᠠ ᠥᠭᠡᠷᠡ ᠠᠪᠤᠷᠠᠭᠴᠢ ᠪᠠᠢᠬᠤ ᠦᠭᠡᠢ᠃
12 ᠲᠠ ᠨᠠᠷ ᠤᠨ ᠳᠤᠮᠳᠠᠬᠢ ᠬᠠᠷᠢ ᠶᠢᠨ ᠪᠤᠷᠬᠠᠨ ᠴᠢᠨᠢ ᠪᠢᠰᠢ᠂ ᠬᠠᠷᠢᠨ ᠪᠢ ᠢᠯᠡᠷᠬᠡᠶᠢᠯᠡᠭᠰᠡᠨ᠂ ᠪᠢ ᠠᠪᠤᠷᠠᠭᠰᠠᠨ᠂ ᠪᠢ ᠰᠣᠨᠣᠰᠬᠠᠭᠰᠠᠨ᠂ ᠡᠭᠦᠨ ᠳᠦ ᠲᠠ ᠨᠠᠷ ᠮᠢᠨᠦ ᠭᠡᠷᠡᠴᠢ ᠶᠤᠮ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ ᠪᠢ ᠯᠠ ᠪᠤᠷᠬᠠᠨ᠂
13 ᠥᠨᠥᠳᠥᠷ ᠡᠴᠡ ᠬᠣᠢᠰᠢ ᠴᠤ ᠪᠢ ᠯᠠ ᠲᠡᠷᠡ᠂ ᠮᠢᠨᠦ ᠭᠠᠷ ᠠᠴᠠ ᠪᠤᠯᠢᠶᠠᠭᠴᠢ ᠠᠯᠠᠭᠠ ᠪᠢ ᠦᠢᠯᠡᠳᠪᠡᠯ᠂ ᠬᠡᠨ ᠡᠷᠭᠢᠭᠦᠯᠵᠦ ᠴᠢᠳᠠᠬᠤ ᠪᠤᠢ︖》
14 ᠲᠠ ᠨᠠᠷ ᠤᠨ ᠵᠣᠯᠢᠭᠴᠢ᠂ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠠ ᠨᠠᠷ ᠤᠨ ᠡᠮᠦᠨᠡ ᠡᠴᠡ ᠪᠢ ᠪᠠᠪᠢᠯᠣᠨ ᠤᠷᠤᠭᠤ ᠴᠡᠷᠢᠭ ᠢᠯᠡᠭᠡᠵᠦ ᠪᠠᠪᠢᠯᠣᠨᠴᠤᠳ ᠢ ᠪᠦᠭᠦᠳᠡ ᠶᠢ ᠨᠢ ᠳᠦᠷᠪᠡᠭᠰᠡᠳ ᠪᠣᠯᠭᠠᠨᠠ ᠲᠡᠳᠡ ᠪᠠᠬᠠᠷᠬᠠᠯ ᠪᠣᠯᠭᠠᠳᠠᠭ ᠣᠩ᠋ᠭᠣᠴᠠ ᠪᠠᠷ ᠢᠶᠠᠨ ᠵᠢᠭᠤᠲᠠᠨᠠ᠂
15 ᠪᠢ ᠪᠣᠯ ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠠᠷᠢᠭᠤᠨ ᠨᠢᠭᠡᠨ ᠢᠰᠷᠧᠯ ᠢ ᠪᠤᠢ ᠪᠣᠯᠭᠠᠭᠴᠢ ᠲᠠ ᠨᠠᠷ ᠤᠨ ᠬᠠᠭᠠᠨ᠃》
16 ᠲᠠᠩᠭᠢᠰ ᠤᠨ ᠳᠤᠮᠳᠠᠭᠤᠷ ᠵᠠᠮ ᠨᠡᠭᠡᠭᠡᠵᠦ ᠬᠦᠴᠦᠲᠦ ᠤᠷᠤᠰᠬᠠᠯ ᠳᠤᠮᠳᠠᠭᠤᠷ ᠬᠠᠷᠭᠤᠢ ᠭᠠᠷᠭᠠᠭᠰᠠᠨ ᠶᠣᠬᠣᠸᠠ
17 ᠲᠡᠷᠭᠡ ᠪᠠ ᠮᠣᠷᠢᠳ ᠴᠡᠷᠢᠭ ᠪᠠ ᠬᠦᠴᠦᠲᠡᠳ ᠢ ᠭᠠᠷᠭᠠᠨ ᠠᠪᠴᠢᠷᠠᠵᠤ ᠲᠡᠳᠡᠨ ᠢ ᠳᠠᠬᠢᠨ ᠪᠣᠰᠬᠤ ᠦᠭᠡᠢ ᠬᠡᠪᠲᠡᠭᠴᠢᠳ᠂ ᠪᠥᠬᠥᠵᠦ ᠤᠨᠲᠠᠷᠠᠭᠰᠠᠨ ᠵᠤᠯᠠ ᠮᠡᠲᠦ ᠪᠣᠯᠭᠠᠭᠰᠠᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠃
18 《ᠤᠷᠢᠳᠤ ᠶᠢᠨ ᠵᠦᠢᠯᠡᠰ ᠢ ᠪᠦᠦ ᠳᠤᠷᠠᠰ ᠡᠷᠲᠡᠨ ᠦ ᠵᠦᠢᠯᠡᠰ ᠢ ᠪᠦᠦ ᠪᠣᠳᠣ᠃
19 ᠬᠠᠷᠠ᠂ ᠪᠢ ᠰᠢᠨᠡ ᠵᠦᠢᠯ ᠢ ᠦᠢᠯᠡᠳᠦᠨᠡ᠂ ᠣᠳᠣ ᠲᠡᠷᠡ ᠨᠠᠬᠢᠶᠠᠯᠠᠨᠠ ᠡᠭᠦᠨ ᠢ ᠲᠠ ᠨᠠᠷ ᠮᠡᠳᠡᠭᠡ ᠦᠭᠡᠢ ᠭᠡᠵᠢ ᠤᠤ︖ ᠪᠢ ᠵᠡᠯᠢᠭᠦᠳ ᠭᠠᠵᠠᠷ ᠲᠤ ᠵᠠᠮ ᠭᠠᠷᠭᠠᠵᠤ᠂ ᠴᠥᠯ ᠳᠤ ᠭᠣᠣᠯ ᠤᠷᠤᠰᠬᠠᠨᠠ᠃
20 ᠰᠣᠩ᠋ᠭᠣᠭᠰᠠᠨ ᠠᠷᠠᠳ ᠲᠦᠮᠡᠨ ᠢᠶᠡᠨ ᠤᠮᠳᠠᠯᠠᠬᠤ ᠪᠠᠷ ᠵᠡᠯᠢᠭᠦᠳ ᠭᠠᠵᠠᠷ ᠲᠤ ᠤᠰᠤ ᠬᠠᠩ᠋ᠭᠠᠵᠤ ᠴᠥᠯ ᠢᠶᠡᠷ ᠭᠣᠣᠯ ᠤᠷᠤᠰᠬᠠᠬᠤ ᠳᠤ ᠮᠢᠨᠢ ᠵᠡᠷᠯᠢᠭ ᠠᠮᠢᠲᠠᠨ᠂ ᠴᠢᠨᠣᠠ᠂ ᠬᠢᠷᠭᠤᠤᠯ ᠴᠤ ᠨᠠᠮᠠᠶᠢ ᠬᠦᠨᠳᠦᠳᠬᠡᠨᠡ
21 ᠪᠢ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠪᠤᠢ ᠪᠣᠯᠭᠠᠭᠰᠠᠨ ᠡᠨᠡ ᠠᠷᠠᠳ ᠲᠦᠮᠡᠨ ᠢ ᠤᠮᠳᠠᠯᠠᠨᠠ᠃ ᠲᠡᠳᠡ ᠮᠢᠨᠦ ᠠᠯᠳᠠᠷ ᠢ ᠤᠯᠠᠮᠵᠢᠯᠠᠨᠠ᠃
ᠢᠲᠡᠭᠡᠯ ᠦᠭᠡᠢ ᠳᠦ ᠬᠢᠯᠢᠩᠨᠡᠪᠡ
22 ᠬᠠᠷᠢᠨ ᠶᠠᠺᠣᠪ ᠡ᠂ ᠴᠢ ᠨᠠᠮᠠᠶᠢ ᠳᠠᠭᠤᠳᠠᠭᠰᠠᠨ ᠦᠭᠡᠢ ᠢᠰᠷᠧᠯ ᠡ᠂ ᠴᠢ ᠨᠠᠳᠠ ᠠᠴᠠ ᠬᠠᠰᠢᠷᠠᠵᠠᠢ᠃
23 ᠴᠢ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠤᠨ ᠢᠶᠠᠨ ᠪᠣᠭ ᠮᠠᠯ ᠢ ᠨᠠᠳᠠ ᠳᠤ ᠠᠪᠴᠢᠷᠠᠭᠠ ᠦᠭᠡᠢ ᠲᠠᠬᠢᠯ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠬᠦᠨᠳᠦᠳᠬᠡᠭᠡ ᠦᠭᠡᠢ ᠪᠢ ᠡᠷᠭᠦᠯ ᠢ ᠴᠢᠮᠠ ᠳᠤ ᠳᠠᠷᠤᠭᠠᠰᠤ ᠪᠣᠯᠭᠠᠭᠠ ᠦᠭᠡᠢ ᠤᠲᠤᠯᠭᠠ ᠪᠠᠷ ᠬᠠᠰᠢᠷᠠᠭᠠᠭᠠ ᠦᠭᠡᠢ᠃
24 ᠴᠢ ᠮᠥᠩᠭᠥ ᠪᠡᠷ ᠢᠶᠠᠨ ᠨᠠᠳᠠ ᠳᠤ ᠠᠩᠬᠢᠯᠤᠭᠤᠨ ᠦᠨᠦᠷᠲᠡᠨ ᠠᠪᠤᠭᠠ ᠦᠭᠡᠢ ᠲᠠᠬᠢᠯ ᠤᠨ ᠥᠭᠡᠬᠦ ᠪᠡᠷ ᠨᠠᠮᠠᠶᠢ ᠬᠠᠨᠤᠭᠠᠭᠠ ᠦᠭᠡᠢ ᠬᠠᠷᠢᠨ ᠨᠢᠭᠦᠯ ᠢᠶᠡᠷ ᠢᠶᠠᠨ ᠨᠠᠳᠠ ᠳᠤ ᠳᠠᠷᠤᠭᠠᠰᠤ ᠪᠣᠯᠵᠤ ᠭᠡᠮ ᠪᠤᠷᠤᠭᠤ ᠪᠠᠷ ᠢᠶᠠᠨ ᠨᠠᠮᠠᠶᠢ ᠬᠠᠰᠢᠷᠠᠭᠠᠪᠠ᠃
25 ᠭᠡᠪᠡᠴᠦ ᠪᠢ ᠥᠪᠡᠷ ᠢᠶᠡᠨ ᠠᠯᠳᠠᠭᠠ ᠶᠢ ᠴᠢᠨᠢ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠠᠷᠢᠯᠭᠠᠬᠤ ᠭᠡᠵᠦ ᠪᠠᠢᠨᠠ ᠪᠢ ᠨᠢᠭᠦᠯ ᠤᠳ ᠢ ᠴᠢᠨᠢ ᠰᠠᠨᠠᠬᠤ ᠦᠭᠡᠢ᠂
26 ᠨᠠᠳᠠ ᠳᠤ ᠰᠠᠨᠠᠭᠤᠯᠤᠭᠲᠤᠨ ᠪᠢᠳᠡ ᠬᠠᠮᠲᠤ ᠳᠠᠭᠠᠨ ᠶᠠᠷᠢᠯᠴᠠᠶᠠ ᠴᠢ ᠥᠴᠢᠭ ᠢᠶᠠᠨ ᠥᠭᠴᠦ ᠵᠥᠪ ᠭᠡᠳᠡᠭ ᠢᠶᠡᠨ ᠭᠡᠷᠡᠴᠢᠯᠡ᠂
27 ᠠᠩ᠋ᠬᠠᠨ ᠤ ᠡᠪᠦᠭᠡ ᠴᠢᠨᠢ ᠨᠢᠭᠦᠯ ᠦᠢᠯᠡᠳᠪᠡ ᠤᠳᠤᠷᠢᠳᠤᠭᠴᠢᠳ ᠴᠢᠨᠢ ᠴᠤ ᠨᠠᠳᠠ ᠠᠴᠠ ᠤᠷᠪᠠᠪᠠ᠂
28 ᠲᠡᠢᠮᠦ ᠡᠴᠡ ᠪᠢ ᠠᠷᠢᠭᠤᠨ ᠭᠠᠵᠠᠷ ᠤᠨ ᠴᠢᠨᠢ ᠲᠡᠷᠢᠭᠦᠨ ᠨᠦᠭᠦᠳ ᠢ ᠰᠢᠪᠰᠢᠭ ᠪᠣᠯᠭᠠᠨ ᠶᠠᠺᠣᠪ ᠢ ᠰᠦᠢᠳᠬᠡᠭᠴᠢᠳ ᠲᠤ᠂ ᠢᠰᠷᠧᠯ ᠢ ᠱᠣᠣᠯᠠᠭᠴᠢᠳ ᠲᠤ ᠥᠭᠭᠥᠨᠡ᠃》