ᠢᠰᠠᠢᠶᠠ ᠵᠢᠷᠠᠨ ᠳᠥᠷᠪᠡ
1 ᠲᠠ ᠲᠩᠷᠢ ᠶᠢ ᠢᠷᠠᠨ᠂ ᠪᠠᠭᠤᠵᠤ ᠢᠷᠡᠭᠰᠡᠨ ᠴᠤ ᠪᠣᠯᠣᠭᠠᠰᠠᠢ ᠲᠠᠨ ᠤ ᠣᠷᠣᠰᠢᠬᠤᠢ ᠳᠤ ᠠᠭᠤᠯᠠᠰ ᠳᠣᠷᠭᠢᠨ ᠴᠡᠴᠡᠷᠡᠬᠦ ᠪᠣᠯᠣᠨᠠ᠂
2 ᠭᠠᠯ ᠰᠢᠷᠢᠩᠭᠢ ᠪᠤᠲᠠ ᠶᠢ ᠰᠢᠲᠠᠭᠠᠳᠠᠭ ᠮᠡᠲᠦ ᠭᠠᠯ ᠤᠰᠤ ᠶᠢ ᠪᠤᠴᠠᠯᠭᠠᠳᠠᠭ ᠮᠡᠲᠦ ᠲᠠ ᠥᠰᠢᠶᠡᠲᠡᠳ ᠲᠡᠭᠡᠨ ᠠᠯᠳᠠᠷ ᠨᠡᠷᠡ ᠪᠡᠨ ᠮᠡᠳᠡᠭᠦᠯᠵᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠴᠡᠴᠡᠷᠡᠭᠦᠯᠬᠦ ᠴᠤ ᠪᠣᠯᠣᠭᠠᠰᠠᠢ᠂
3 ᠲᠠ ᠪᠢᠳᠡᠨ ᠦ ᠰᠠᠨᠠᠵᠤ ᠪᠠᠢᠭᠠ ᠦᠭᠡᠢ ᠠᠶᠤᠮᠰᠢᠭᠲᠤ ᠵᠦᠢᠯᠡᠰ ᠢ ᠦᠢᠯᠡᠳᠴᠦ᠂ ᠪᠠᠭᠤᠨ ᠢᠷᠡᠬᠦ ᠳᠦ ᠠᠭᠤᠯᠠᠰ ᠲᠠᠨ ᠤ ᠡᠮᠦᠨᠡ ᠳᠣᠷᠭᠢᠭᠰᠠᠨ ᠪᠢᠯᠡ᠃
4 ᠥᠪᠡᠷ ᠲᠤᠨᠢ ᠨᠠᠢᠳᠠᠭᠴᠢ ᠶᠢᠨ ᠢᠶᠠᠨ ᠲᠥᠯᠥᠭᠡ ᠲᠠᠨ ᠰᠢᠭ᠋ ᠦᠢᠯᠡᠳᠳᠡᠭ ᠥᠭᠡᠷᠡ ᠪᠤᠷᠬᠠᠨ ᠢ ᠥᠨᠢ ᠡᠷᠲᠡᠨ ᠡᠴᠡ ᠨᠠᠰᠢ ᠬᠡᠨ ᠴᠤ ᠲᠤᠭᠤᠯᠤᠭᠠ ᠦᠭᠡᠢ ᠰᠣᠨᠣᠰᠣᠭᠰᠠᠨ ᠴᠢᠬᠢ ᠠᠯᠠᠭᠠ᠂ ᠦᠵᠡᠭᠰᠡᠨ ᠨᠢᠳᠦ ᠠᠯᠠᠭᠠ᠃
5 ᠵᠥᠪ ᠢ ᠪᠠᠶᠠᠷ ᠲᠠᠢ ᠪᠠᠷ ᠦᠢᠯᠡᠳᠦᠭᠴᠢ ᠵᠠᠮ ᠢ ᠲᠠᠨᠢ ᠳᠠᠭᠠᠨ ᠲᠠᠨ ᠢ ᠰᠠᠨᠠᠭᠴᠢ ᠬᠥᠮᠦᠨ ᠢ ᠲᠠ ᠬᠦᠯᠢᠶᠡᠨ ᠠᠪᠳᠠᠭ ᠬᠠᠷᠢᠨ ᠪᠢᠳᠡ ᠨᠢᠭᠦᠯ ᠦᠢᠯᠡᠳᠳᠡᠭ ᠬᠡᠪ ᠢᠶᠡᠷ ᠢᠶᠠᠨ ᠤᠳᠠᠭᠰᠠᠨ᠂ ᠬᠠᠷᠠᠭᠠᠴᠢ᠂ ᠲᠠ ᠠᠭᠤᠷ ᠲᠠᠢ ᠪᠠᠢᠨᠠ︕ ᠪᠢᠳᠡ ᠶᠠᠭᠠᠬᠢᠨ ᠠᠪᠤᠷᠠᠭᠳᠠᠬᠤ ᠪᠢᠯᠡ︖
6 ᠪᠢᠳᠡ ᠪᠦᠭᠦᠳᠡ ᠪᠤᠵᠠᠷ ᠮᠡᠲᠦ ᠪᠣᠯᠣᠯᠠ᠂ ᠪᠢᠳᠡᠨ ᠦ ᠵᠥᠪ ᠦᠢᠯᠡᠰ ᠴᠤ ᠪᠦᠭᠦᠳᠡ ᠪᠣᠬᠢᠷ ᠬᠤᠪᠴᠠᠰᠤ ᠮᠡᠲᠦ ᠪᠢᠳᠡ ᠪᠦᠭᠦᠳᠡ ᠨᠠᠪᠴᠢ ᠮᠡᠲᠦ ᠬᠣᠷᠪᠣᠢᠵᠤ ᠪᠢᠳᠡᠨ ᠦ ᠭᠡᠮ ᠨᠢᠭᠦᠯ ᠪᠢᠳᠡᠨ ᠢ ᠰᠠᠯᠬᠢ ᠮᠡᠲᠦ ᠬᠡᠶᠢᠰᠭᠡᠵᠦ ᠪᠠᠢᠨᠠ᠂
7 ᠲᠠᠨ ᠤ ᠨᠡᠷᠡ ᠶᠢ ᠳᠠᠭᠤᠳᠠᠭᠴᠢ ᠲᠠᠨ ᠠᠴᠠ ᠵᠢᠭᠤᠷᠠᠬᠤ ᠪᠠᠷ ᠵᠢᠳᠬᠦᠭᠴᠢ ᠠᠯᠠᠭᠠ ᠲᠠ ᠪᠢᠳᠡᠨ ᠡᠴᠡ ᠨᠢᠭᠤᠷ ᠢᠶᠠᠨ ᠨᠢᠭᠤᠵᠤ ᠪᠢᠳᠡᠨ ᠢ ᠥᠪᠡᠷᠰᠡᠳ ᠦᠨ ᠮᠢᠨᠢ ᠨᠢᠭᠦᠯ ᠳᠦ ᠬᠠᠢᠯᠤᠭᠤᠯᠤᠭᠰᠠᠨ ᠶᠤᠮ᠃
8 ᠬᠠᠷᠢᠨ ᠣᠳᠣ ᠴᠤ ᠶᠣᠬᠣᠸᠠ ᠡ᠂ ᠪᠢᠳᠡᠨ ᠦ ᠡᠴᠢᠭᠡ ᠪᠣᠯ ᠲᠠ ᠪᠢᠯᠡ ᠪᠢᠳᠡ ᠰᠢᠪᠠᠷ᠂ ᠲᠠ ᠪᠣᠯ ᠪᠢᠳᠡᠨ ᠦ ᠸᠠᠭᠠᠷᠴᠢᠨ ᠪᠢᠳᠡ ᠪᠦᠭᠦᠳᠡ ᠲᠠᠨ ᠤ ᠮᠤᠲᠤᠷ ᠤᠨ ᠪᠦᠲᠦᠭᠡᠯ ᠶᠤᠮ᠃
9 ᠶᠣᠬᠣᠸᠠ ᠡ᠂ ᠪᠦᠦ ᠶᠡᠬᠡᠳᠡ ᠬᠢᠯᠢᠩᠨᠡᠭᠡᠴᠢ ᠭᠡᠮ ᠪᠤᠷᠤᠭᠤ ᠶᠢ ᠮᠠᠨᠢ ᠪᠦᠦ ᠪᠠᠢᠩ᠋ᠭᠤ ᠳᠤᠷᠠᠰᠤᠭᠠᠴᠢ ᠥ᠂ ᠬᠠᠷᠠᠭᠠᠴᠢ᠂ ᠪᠢᠳᠡ ᠪᠦᠭᠦᠳᠡ ᠲᠠᠨ ᠤ ᠠᠷᠠᠳ ᠲᠦᠮᠡᠨ ᠶᠤᠮ᠃
10 ᠬᠠᠷᠢᠨ ᠲᠠᠨ ᠤ ᠠᠷᠢᠭᠤᠨ ᠬᠣᠲᠠ ᠨᠤᠭᠤᠳ ᠴᠥᠯ ᠪᠣᠯᠣᠭᠰᠠᠨ᠂ ᠽᠢᠶᠣᠨ ᠴᠥᠯ ᠪᠣᠯᠵᠤ᠂ ᠶᠧᠷᠦ᠋ᠰᠠᠯᠧᠮ ᠵᠡᠯᠢᠭᠦᠳ ᠭᠠᠵᠠᠷ ᠪᠣᠯᠵᠤ
11 ᠡᠴᠢᠭᠡ ᠡᠪᠦᠭᠡᠳ ᠦᠨ ᠮᠠᠨᠢ ᠲᠠᠨ ᠢ ᠮᠠᠭᠲᠠᠵᠤ ᠪᠠᠢᠭᠰᠠᠨ ᠠᠷᠢᠭᠤᠨ ᠵᠢᠪᠬᠤᠯᠠᠩᠲᠤ ᠥᠷᠭᠥᠭᠡ ᠮᠠᠨᠢ ᠭᠠᠯ ᠳᠤ ᠰᠢᠲᠠᠭᠰᠠᠨ ᠪᠢᠳᠡᠨ ᠦ ᠨᠠᠨᠳᠢᠩᠨᠠᠭᠰᠠᠨ ᠪᠦᠬᠦᠨ ᠪᠠᠯᠭᠠᠰᠤ ᠪᠣᠯᠣᠭᠰᠠᠨ ᠶᠤᠮ᠃
12 ᠶᠣᠬᠣᠸᠠ ᠡ᠂ ᠡᠳᠡᠭᠡᠷ ᠦᠨ ᠲᠠᠯᠠ ᠪᠠᠷ ᠲᠠ ᠬᠠᠮᠢᠶᠠᠷᠬᠤ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠤᠤ︖ ᠲᠠ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠭᠠᠷ᠂ ᠪᠢᠳᠡᠨ ᠢ ᠶᠡᠬᠡᠳᠡ ᠵᠣᠪᠠᠭᠠᠬᠤ ᠨᠢ ᠤᠤ︖