ᠢᠰᠠᠢᠶᠠ ᠳᠥᠴᠢᠨ ᠳᠣᠯᠣᠭᠠ
ᠪᠠᠪᠢᠯᠣᠨ ᠤ ᠨᠤᠷᠠᠯᠲᠠ
1 ᠪᠠᠪᠢᠯᠣᠨ ᠥᠬᠢᠨ ᠡ᠂ ᠪᠠᠭᠤᠨ ᠢᠷᠡᠵᠦ ᠰᠢᠷᠣᠢ ᠳᠡᠭᠡᠷᠡ ᠰᠠᠭᠤ ᠪᠠᠪᠢᠯᠣᠨ ᠥᠬᠢᠨ ᠡ ᠰᠡᠨᠲᠢ ᠴᠢᠨᠢ ᠠᠯᠠᠭᠠ᠂ ᠴᠢ ᠭᠠᠵᠠᠷ ᠳᠡᠭᠡᠷᠡ ᠰᠠᠭᠤ ᠴᠢᠨᠠᠭᠰᠢᠳᠠ ᠬᠡᠨ ᠴᠤ ᠴᠢᠮᠠᠶᠢ ᠪᠣᠯᠪᠠᠷᠠᠢ᠂ ᠲᠤᠶᠠᠬᠠᠨ ᠭᠡᠵᠦ ᠬᠡᠯᠡᠬᠦ ᠦᠭᠡᠢ᠃
2 ᠲᠡᠭᠡᠷᠮᠡ ᠪᠡᠷ ᠪᠤᠳᠠᠭᠠ ᠬᠡᠮᠬᠡᠯᠡ᠂ ᠭᠢᠪᠯᠡᠭᠦᠷ ᠢᠶᠡᠨ ᠠᠪ᠂ ᠪᠠᠩ᠋ᠵᠠᠯ ᠢᠶᠠᠨ ᠰᠡᠬᠦᠵᠦ ᠬᠥᠯ ᠢᠶᠡᠨ ᠢᠯᠡ ᠭᠠᠷᠭᠠᠨ ᠭᠣᠣᠯ ᠭᠠᠲᠤᠯ᠃
3 ᠨᠢᠴᠦᠭᠦᠨ ᠴᠢᠨᠢ ᠢᠯᠡ ᠭᠠᠷᠤᠨᠠ ᠢᠴᠢᠭᠦᠷᠢ ᠴᠢᠨᠢ ᠦᠵᠡᠭᠳᠡᠨᠡ ᠪᠢ ᠥᠰᠢᠶᠡ ᠠᠪᠤᠨᠠ᠂ ᠬᠡᠨ ᠢ ᠴᠤ ᠥᠷᠥᠰᠢᠶᠡᠬᠦ ᠦᠭᠡᠢ᠃
4 ᠬᠠᠷᠢᠨ ᠪᠢᠳᠡᠨ ᠢ ᠵᠣᠯᠢᠭᠴᠢ ᠨᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠭᠳᠡᠳᠡᠭ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠪᠢᠯᠡ᠃
5 ᠪᠠᠪᠢᠯᠣᠨ ᠥᠬᠢᠨ ᠡ ᠳᠠᠭᠤ ᠦᠭᠡᠢ ᠰᠠᠭᠤᠵᠤ ᠪᠠᠢᠭᠠᠳ ᠬᠠᠷᠠᠩ᠋ᠭᠤᠢ ᠤᠷᠤᠭᠤ ᠣᠷᠣ ᠳᠠᠬᠢᠨ ᠴᠢ ᠬᠠᠭᠠᠨᠴᠢᠯᠠᠯ ᠤᠳ ᠤᠨ ᠡᠵᠡᠭᠲᠡᠢ ᠭᠡᠵᠦ ᠳᠠᠭᠤᠳᠠᠭᠳᠠᠬᠤ ᠦᠭᠡᠢ᠃
6 ᠪᠢ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠬᠢᠯᠢᠩᠨᠡᠨ ᠥᠮᠴᠢ ᠪᠠᠨ ᠵᠢᠭᠰᠢᠪᠡ᠂ ᠬᠠᠷᠢᠨ ᠪᠢ ᠲᠡᠳᠡᠨ ᠢ ᠴᠢᠨᠦ ᠭᠠᠷ ᠲᠤ ᠲᠤᠰᠢᠶᠠᠬᠤ ᠳᠤ ᠴᠢ ᠲᠡᠳᠡᠨ ᠳᠦ ᠥᠷᠥᠰᠢᠶᠡᠯ ᠦᠵᠡᠭᠦᠯᠦᠭᠰᠡᠨ ᠦᠭᠡᠢ ᠥᠲᠡᠭᠦᠰ ᠲᠦ ᠴᠤ ᠬᠡᠲᠦᠷᠬᠡᠢ ᠬᠦᠨᠳᠦ ᠪᠤᠭᠤᠯᠠᠭᠠ ᠶᠢ ᠲᠣᠬᠣᠪᠠ᠃
7 ᠬᠠᠷᠢᠨ 〈ᠪᠢ ᠮᠥᠩᠬᠡᠳᠡ ᠡᠵᠡᠭᠲᠡᠢ ᠪᠠᠢᠬᠤ ᠪᠣᠯᠣᠨᠠ〉 ᠭᠡᠳ ᠴᠢ ᠡᠳᠡᠭᠡᠷ ᠵᠦᠢᠯ ᠳᠤ ᠰᠡᠳᠬᠢᠯ ᠲᠠᠯᠪᠢᠭᠠ ᠦᠭᠡᠢ ᠬᠣᠵᠢᠮ ᠶᠠᠭᠤ ᠪᠣᠯᠬᠤ ᠶᠢ ᠪᠣᠳᠣᠭᠠ ᠦᠭᠡᠢ᠃
8 ᠲᠠᠩᠰᠤᠭ᠂ ᠠᠮᠤᠷᠯᠢᠩ᠋ᠭᠤᠢ ᠰᠠᠭᠤᠭᠠᠳ 〈ᠪᠢ ᠪᠠᠢᠨᠠ᠂ ᠥᠭᠡᠷᠡ ᠬᠥᠮᠦᠨ ᠪᠢᠰᠢ ᠪᠢ ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠪᠣᠯᠬᠤ ᠦᠭᠡᠢ ᠬᠡᠦᠬᠡᠳ ᠢᠶᠡᠨ ᠠᠯᠳᠠᠬᠤ ᠶᠢ ᠬᠡᠵᠢᠶᠡ ᠴᠤ ᠮᠡᠳᠡᠬᠦ ᠦᠭᠡᠢ〉 ᠭᠡᠳᠡᠭ ᠴᠢ ᠣᠳᠣ ᠰᠣᠨᠣᠰᠣᠭᠲᠤᠨ᠃
9 ᠬᠡᠦᠬᠡᠳ ᠢᠶᠡᠨ ᠠᠯᠳᠠᠬᠤ ᠪᠠ ᠪᠡᠯᠪᠡᠰᠦᠷᠡᠬᠦ ᠬᠣᠶᠠᠷ ᠨᠢ ᠨᠢᠭᠡ ᠯᠠ ᠡᠳᠦᠷ ᠴᠢᠮᠠ ᠳᠡᠭᠡᠷᠡ ᠭᠡᠨᠡᠳᠲᠡ ᠢᠷᠡᠨᠡ ᠶᠧᠯᠸᠢ ᠴᠢᠨᠢ ᠣᠯᠠᠨ᠂ ᠷᠢᠳᠢ ᠰᠢᠳᠢ ᠴᠢᠨᠢ ᠬᠦᠴᠦᠲᠡᠢ ᠪᠠᠢᠪᠠᠴᠤ ᠡᠨᠡ ᠪᠦᠭᠦᠳᠡ ᠴᠢᠮᠠ ᠳᠤ ᠭᠦᠢᠴᠡᠳ ᠪᠡᠶᠡᠯᠡᠭᠳᠡᠨᠡ᠃
10 ᠴᠢ 〈ᠬᠡᠨ ᠴᠤ ᠨᠠᠮᠠᠶᠢ ᠬᠠᠷᠠᠬᠤ ᠦᠭᠡᠢ〉 ᠭᠡᠳ ᠬᠣᠷᠣᠨ ᠮᠠᠭᠤ ᠳᠠᠭᠠᠨ ᠢᠲᠡᠭᠡᠵᠦ ᠵᠢᠷᠦᠬᠡᠨ ᠳᠡᠭᠡᠨ᠄ 〈ᠪᠢ ᠯᠠ ᠪᠠᠢᠨᠠ᠂ ᠨᠠᠳᠠ ᠠᠴᠠ ᠥᠭᠡᠷᠡ ᠬᠡᠨ ᠴᠤ ᠦᠭᠡᠢ〉 ᠭᠡᠭᠰᠡᠭᠡᠷ ᠮᠡᠷᠭᠡᠨ ᠪᠠ ᠮᠡᠳᠡᠯᠭᠡ ᠳᠡᠭᠡᠨ ᠲᠥᠭᠡᠷᠢᠵᠡᠢ᠃
11 ᠡᠢᠮᠦ ᠡᠴᠡ ᠴᠢ ᠭᠠᠮᠰᠢᠭ ᠢᠷᠡᠬᠦ ᠳᠦ ᠬᠠᠮᠢᠭᠠ ᠠᠴᠠ ᠭᠠᠷᠤᠭᠰᠠᠨ ᠢ ᠨᠢ ᠴᠤ ᠮᠡᠳᠡᠬᠦ ᠦᠭᠡᠢ ᠭᠠᠢ ᠪᠠᠭᠤᠬᠤ ᠳᠤ ᠬᠡᠯᠲᠦᠷᠢᠵᠦ ᠳᠡᠢᠯᠬᠦ ᠦᠭᠡᠢ ᠭᠡᠨᠡᠳᠲᠡᠬᠡᠨ ᠰᠦᠢᠷᠡᠯ ᠪᠣᠯᠬᠤ ᠳᠤ ᠶᠠᠭᠠᠬᠢᠬᠤ ᠪᠠᠨ ᠴᠤ ᠮᠡᠳᠡᠬᠦ ᠦᠭᠡᠢ ᠪᠣᠯᠣᠨᠠ᠃
12 ᠵᠠᠯᠠᠭᠤ ᠠᠴᠠ ᠪᠠᠨ ᠵᠢᠳᠬᠦᠵᠦ ᠪᠠᠢᠭᠰᠠᠨ ᠶᠧᠯᠸᠢ ᠬᠢᠭᠡᠳ ᠣᠯᠠᠨ ᠷᠢᠳᠢ ᠰᠢᠳᠢ ᠳᠣᠲᠣᠷᠠ ᠪᠠᠨ ᠣᠳᠣ ᠵᠣᠭᠰᠣᠭᠠᠳ ᠦᠵᠡ ᠠᠮᠵᠢᠯᠲᠠ ᠣᠯᠵᠤ ᠮᠠᠭᠠᠳ ᠦᠭᠡᠢ ᠠᠢᠳᠠᠰ ᠬᠦᠷᠭᠡᠵᠦ ᠮᠠᠭᠠᠳ ᠦᠭᠡᠢ᠃
13 ᠣᠯᠠᠨ ᠵᠥᠪᠯᠡᠯᠭᠡ ᠡᠴᠡ ᠪᠣᠯᠵᠤ ᠴᠢ ᠶᠠᠳᠠᠷᠠᠵᠠᠢ᠃ ᠲᠩᠷᠢ ᠰᠢᠨᠵᠢᠭᠡᠴᠢᠳ᠂ ᠣᠳᠣᠨ ᠵᠢᠷᠤᠬᠠᠢᠴᠢᠳ ᠪᠤᠶᠤ ᠰᠠᠷᠠ ᠪᠣᠯᠭᠠᠨ ᠳᠤ ᠶᠠᠭᠤ ᠪᠣᠯᠬᠤ ᠶᠢ ᠮᠡᠳᠡᠭᠦᠯᠦᠭᠴᠢᠳ ᠣᠳᠣ ᠪᠣᠰᠣᠭᠠᠳ ᠴᠢᠮᠠᠶᠢ ᠠᠪᠤᠷᠠᠭ᠃
14 ᠬᠠᠷᠠ᠂ ᠲᠡᠳᠡᠭᠡᠷ ᠨᠢ ᠬᠡᠪᠡᠭ ᠮᠡᠲᠦ ᠪᠣᠯᠵᠤ᠂ ᠭᠠᠯ ᠳᠤ ᠰᠢᠲᠠᠨᠠ ᠳᠤᠯᠠᠭᠠᠴᠠᠭᠤᠯᠳᠠᠭ ᠨᠡᠭᠦᠷᠡᠰᠦᠨ ᠦ ᠭᠠᠯ ᠪᠢᠰᠢ᠂ ᠳᠡᠷᠭᠡᠳᠡ ᠨᠢ ᠰᠠᠭᠤᠵᠤ ᠪᠣᠯᠳᠠᠭ ᠭᠠᠯ ᠴᠤ ᠪᠢᠰᠢ᠂ ᠲᠡᠷᠡ ᠬᠦ ᠳᠥᠯᠥ ᠶᠢᠨ ᠬᠦᠴᠦᠨ ᠡᠴᠡ ᠲᠡᠳᠡ ᠥᠪᠡᠷ ᠦᠨ ᠢᠶᠠᠨ ᠠᠮᠢ ᠶᠢ ᠴᠤ ᠠᠪᠤᠷᠠᠵᠤ ᠦᠯᠦ ᠴᠢᠳᠠᠨᠠ
15 ᠵᠠᠯᠠᠭᠤ ᠠᠴᠠ ᠪᠠᠨ ᠴᠢᠮᠠ ᠲᠠᠢ ᠵᠢᠳᠬᠦᠵᠦ᠂ ᠴᠢᠮᠠ ᠲᠠᠢ ᠠᠷᠠᠯᠵᠢᠶᠠ ᠬᠢᠵᠦ ᠪᠠᠢᠭᠰᠠᠨ ᠪᠦᠭᠦᠳᠡ ᠴᠢᠨᠢ ᠲᠡᠢᠮᠦ ᠪᠣᠯᠣᠨᠠ ᠬᠥᠮᠦᠨ ᠪᠦᠷᠢ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢᠶᠠᠷ ᠲᠡᠨᠦᠨ ᠬᠡᠨ ᠴᠤ ᠴᠢᠮᠠᠶᠢ ᠠᠪᠤᠷᠠᠵᠤ ᠦᠯᠦ ᠴᠢᠳᠠᠨᠠ᠃