ᠢᠰᠠᠢᠶᠠ ᠭᠤᠴᠢ ᠶᠢᠰᠦ
ᠰᠠᠢᠷᠬᠠᠭᠰᠠᠨ ᠪᠠ ᠵᠢᠮᠡᠯᠡᠭᠳᠡᠭᠰᠡᠨ
1 ᠲᠡᠷᠡ ᠦᠶᠡ ᠳᠦ ᠾᠧᠽᠧᠺᠢᠶᠠ ᠡᠪᠡᠳᠦᠭᠡᠳ ᠢᠯᠠᠷᠢᠰᠢᠭᠰᠠᠨ ᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠪᠠᠯᠠᠳᠠᠨ ᠤ ᠬᠦᠦ ᠪᠧᠷᠣᠳᠠᠭ ᠪᠠᠯᠠᠳᠠᠨ ᠳᠤᠭᠤᠯᠤᠭᠠᠳ᠂ ᠲᠡᠭᠦᠨ ᠳᠦ ᠵᠠᠬᠢᠳᠠᠯ ᠪᠠ ᠪᠡᠯᠡᠭ ᠢᠯᠡᠭᠡᠪᠡ᠃ 2 ᠾᠧᠽᠧᠺᠢᠶᠠ ᠡᠯᠴᠢᠳ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠥᠭᠡᠳ ᠲᠡᠳᠡᠨ ᠳᠦ ᠮᠥᠩᠭᠥ᠂ ᠠᠯᠲᠠ᠂ ᠠᠩᠬᠢᠯᠤᠮᠠ ᠦᠨᠦᠷᠲᠡᠨ᠂ ᠦᠨᠡᠲᠦ ᠲᠣᠰᠣ ᠵᠡᠷᠭᠡ ᠦᠨᠡᠲᠦ ᠵᠦᠢᠯᠡᠰ ᠦᠨ ᠬᠥᠮᠥᠷᠭᠡ᠂ ᠪᠦᠬᠦ ᠵᠡᠪᠰᠡᠭ ᠦᠨ ᠬᠥᠮᠥᠷᠭᠡ ᠪᠣᠯᠣᠨ ᠡᠷᠳᠡᠨᠢᠰ ᠤᠨ ᠰᠠᠩ ᠳᠤ ᠪᠠᠢᠭᠠ ᠪᠦᠭᠦᠳᠡ ᠪᠡᠨ ᠦᠵᠡᠭᠦᠯᠪᠡ᠃ ᠾᠧᠽᠧᠺᠢᠶᠠ ᠢᠩᠭᠢᠵᠦ ᠣᠷᠳᠣᠨ ᠳᠤ ᠪᠠᠢᠭᠠ᠂ ᠪᠠᠰᠠ ᠡᠵᠡᠮᠰᠢᠯ ᠳᠤ ᠪᠠᠢᠭᠠ ᠪᠦᠬᠦᠨ ᠢᠶᠡᠨ ᠦᠯᠡᠳᠡᠭᠡᠯ ᠦᠭᠡᠢ ᠲᠡᠳᠡᠨ ᠳᠦ ᠦᠵᠡᠭᠦᠯᠵᠡᠢ᠃ 3 ᠡᠰᠢ ᠦᠵᠡᠭᠦᠯᠦᠭᠴᠢ ᠢᠰᠠᠢᠶᠠ ᠾᠧᠽᠧᠺᠢᠶᠠ ᠬᠠᠭᠠᠨ ᠤᠷᠤᠭᠤ ᠢᠷᠡᠵᠦ᠄ 《ᠡᠨᠡ ᠬᠥᠮᠦᠰ ᠶᠠᠭᠤ ᠶᠠᠷᠢᠭᠰᠠᠨ ᠪᠤᠢ︖ ᠲᠡᠳᠡ ᠬᠠᠮᠢᠭᠠ ᠠᠴᠠ ᠲᠠᠨ ᠢ ᠵᠣᠷᠢᠵᠤ ᠢᠷᠡᠪᠡ︖》 ᠭᠡᠵᠦ ᠠᠰᠠᠭᠤᠬᠤ ᠳᠤ᠂ ᠾᠧᠽᠧᠺᠢᠶᠠ᠄ 《ᠲᠡᠳᠡ ᠠᠯᠤᠰ ᠬᠣᠯᠠ ᠶᠢᠨ ᠣᠷᠣᠨ᠂ ᠪᠠᠪᠢᠯᠣᠨ ᠠᠴᠠ ᠨᠠᠰᠢ ᠢᠷᠡᠭᠰᠡᠨ》 ᠭᠡᠵᠦ ᠬᠠᠷᠢᠭᠤᠯᠪᠠ᠃ 4 ᠢᠰᠠᠢᠶᠠ᠄ 《ᠲᠡᠳᠡ ᠲᠠᠨ ᠤ ᠣᠷᠳᠣᠨ ᠳᠤ ᠶᠠᠭᠤ ᠦᠵᠡᠪᠡ︖》 ᠭᠡᠬᠦ ᠳᠦ᠂ ᠾᠧᠽᠧᠺᠢᠶᠠ᠄ 《ᠲᠡᠳᠡ ᠮᠠᠨ ᠤ ᠣᠷᠳᠣᠨ ᠳᠤ ᠪᠠᠢᠭᠠ ᠪᠦᠬᠦᠨ ᠢ ᠦᠵᠡᠭᠰᠡᠨ᠃ ᠪᠢ ᠬᠥᠮᠥᠷᠭᠡ ᠲᠡᠭᠡᠨ ᠪᠠᠢᠭᠠ ᠪᠦᠬᠦᠨ ᠢ ᠲᠡᠳᠡᠨ ᠳᠦ ᠦᠯᠡᠳᠡᠭᠡᠯ ᠦᠭᠡᠢ ᠦᠵᠡᠭᠦᠯᠦᠭᠰᠡᠨ》 ᠭᠡᠪᠡ᠃
5 ᠢᠰᠠᠢᠶᠠ ᠾᠧᠽᠧᠺᠢᠶᠠ ᠳᠤ᠄ 《ᠲᠠ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰᠣᠭᠲᠤᠨ᠄ 6 ᠶᠣᠬᠣᠸᠠ᠄ 〈ᠬᠠᠷᠠ᠂ ᠴᠢᠨᠦ ᠣᠷᠳᠣᠨ ᠳᠤ ᠪᠠᠢᠭᠠ ᠪᠦᠬᠦᠨ᠂ ᠴᠢᠨᠦ ᠡᠴᠢᠭᠡ ᠡᠪᠦᠭᠡᠳ ᠦᠨ ᠥᠨᠥᠳᠥᠷ ᠬᠦᠷᠲᠡᠯᠡ ᠴᠤᠭᠯᠠᠭᠤᠯᠤᠭᠰᠠᠨ ᠪᠦᠬᠦᠨ ᠪᠠᠪᠢᠯᠣᠨ ᠤᠷᠤᠭᠤ ᠵᠥᠭᠡᠭᠡᠭᠳᠡᠬᠦ ᠡᠳᠦᠷ ᠤᠳ ᠢᠷᠡᠵᠦ ᠪᠠᠢᠨᠠ᠂ ᠲᠡᠷᠡ ᠦᠶᠡ ᠳᠦ ᠶᠠᠭᠤ ᠴᠤ ᠦᠯᠡᠳᠡᠬᠦ ᠦᠭᠡᠢ〉 ᠭᠡᠵᠦ ᠠᠢᠯᠠᠳᠤᠨ᠂ 7 ᠪᠠᠰᠠ 〈ᠴᠢᠮᠠ ᠠᠴᠠ ᠲᠥᠷᠥᠬᠦ ᠶᠠᠰᠤ ᠮᠢᠬᠠᠨ ᠤ ᠲᠠᠰᠤᠷᠬᠠᠢ ᠪᠣᠯᠬᠤ ᠦᠷᠡ ᠤᠳᠤᠮ ᠤᠨ ᠴᠢᠨᠢ ᠵᠠᠷᠢᠮ ᠨᠢ ᠴᠥᠯᠡᠭᠳᠡᠵᠦ᠂ ᠪᠠᠪᠢᠯᠣᠨ ᠤ ᠬᠠᠭᠠᠨ ᠤ ᠣᠷᠳᠣᠨ ᠳᠤ ᠲᠠᠢᠭᠠᠨ ᠪᠣᠯᠣᠨᠠ〉》 ᠭᠡᠬᠦ ᠳᠦ᠂ 8 ᠾᠧᠽᠧᠺᠢᠶᠠ ᠢᠰᠠᠢᠶᠠ ᠳᠤ᠄ 《ᠲᠠᠨ ᠢᠶᠠᠷ ᠬᠡᠯᠡᠭᠦᠯᠦᠭᠰᠡᠨ ᠶᠣᠬᠣᠸᠠ ᠶᠢᠨ ᠦᠭᠡ ᠰᠠᠢᠨ ᠶᠤᠮ》 ᠭᠡᠪᠡ᠃ ᠲᠡᠷᠡ᠄ 《ᠮᠢᠨᠦ ᠡᠳᠦᠷ ᠤᠳ ᠲᠤ ᠯᠠ ᠠᠮᠤᠷ ᠠᠮᠤᠭᠤᠯᠠᠩ᠂ ᠲᠣᠭᠲᠠᠭᠤᠨ ᠪᠠᠢᠪᠠᠯ ᠪᠣᠯᠣᠨᠠ》 ᠭᠡᠵᠦ ᠪᠣᠳᠣᠵᠠᠢ᠃