ᠢᠰᠠᠢᠶᠠ ᠭᠤᠴᠢᠨ ᠳᠣᠯᠣᠭᠠ
ᠳᠠᠢᠰᠤᠨ ᠰᠤᠢᠷᠠᠪᠠ
1 ᠾᠧᠽᠧᠺᠢᠶᠠ ᠬᠠᠭᠠᠨ ᠡᠭᠦᠨ ᠢ ᠰᠣᠨᠣᠰᠣᠭᠠᠳ ᠬᠤᠪᠴᠠᠰᠤ ᠪᠠᠨ ᠤᠷᠠᠵᠤ᠂ ᠲᠠᠭᠠᠷ ᠨᠥᠮᠥᠷᠥᠨ᠂ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠳᠦ ᠣᠷᠣᠭᠰᠠᠨ ᠪᠥᠭᠡᠳ 2 ᠣᠷᠳᠣᠨ ᠤ ᠳᠠᠭᠠᠭᠠᠮᠠᠯ ᠡᠯᠢᠶᠠᠺᠢᠮ᠂ ᠪᠢᠴᠢᠭᠡᠴᠢ ᠱᠧᠪᠨᠠ ᠪᠣᠯᠣᠨ ᠲᠠᠬᠢᠯᠴᠢᠳ ᠤᠨ ᠠᠬᠠᠮᠠᠳ ᠤᠳ ᠢ ᠲᠠᠭᠠᠷ ᠨᠥᠮᠥᠷᠥᠭᠰᠡᠨ ᠬᠡᠪ ᠢᠶᠡᠷ ᠨᠢ᠂ ᠠᠮᠣᠽ ᠤᠨ ᠬᠦᠦ ᠡᠰᠢ ᠦᠵᠡᠭᠦᠯᠦᠭᠴᠢ ᠢᠰᠠᠢᠶᠠ ᠤᠷᠤᠭᠤ ᠢᠯᠡᠭᠡᠪᠡ᠃ 3 ᠲᠡᠳᠡ ᠢᠰᠠᠢᠶᠠ ᠳᠤ᠄ 《ᠾᠧᠽᠧᠺᠢᠶᠠ ᠡᠢᠨ ᠬᠦ ᠬᠡᠯᠡᠪᠡ᠄ 〈ᠡᠨᠡ ᠡᠳᠦᠷ ᠪᠣᠯ ᠵᠣᠪᠠᠯᠠᠩ᠂ ᠵᠢᠮᠡᠯᠡᠯ ᠪᠠ ᠪᠠᠰᠤᠮᠵᠢᠯᠠᠯ ᠤᠨ ᠡᠳᠦᠷ ᠶᠤᠮ᠃ ᠬᠡᠦᠬᠡᠳ ᠤᠳ ᠨᠢ ᠲᠥᠷᠥᠬᠦ ᠶᠢᠨ ᠠᠮᠠᠰᠠᠷ ᠳᠡᠭᠡᠷᠡ ᠢᠷᠡᠭᠰᠡᠨ ᠪᠠᠢᠬᠤ ᠳᠤ᠂ ᠲᠥᠷᠥᠭᠦᠯᠬᠦ ᠬᠦᠴᠦ ᠦᠭᠡᠢ᠃ 4 ᠲᠠᠨ ᠤ ᠪᠤᠷᠬᠠᠨ ᠶᠣᠬᠣᠸᠠ ᠷᠠᠪᠱᠠᠺᠧ ᠶᠢᠨ ᠬᠡᠯᠡᠭᠰᠡᠨ ᠪᠦᠭᠦᠳᠡ ᠶᠢ ᠰᠣᠨᠣᠰᠣᠭᠰᠠᠨ ᠪᠠᠢᠬᠠ᠃ ᠲᠡᠭᠦᠨ ᠦ ᠡᠵᠡᠨ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠲᠡᠭᠦᠨ ᠢ ᠢᠯᠡᠭᠡᠵᠦ ᠠᠮᠢᠳᠤ ᠪᠤᠷᠬᠠᠨ ᠢ ᠳᠣᠷᠣᠮᠵᠢᠯᠠᠭᠤᠯᠤᠭᠰᠠᠨ ᠶᠤᠮ᠃ ᠲᠠᠨ ᠤ ᠪᠤᠷᠬᠠᠨ ᠶᠣᠬᠣᠸᠠ ᠰᠣᠨᠣᠰᠣᠭᠰᠠᠨ ᠦᠭᠡ ᠪᠡᠷ ᠢᠶᠠᠨ ᠲᠡᠭᠦᠨ ᠢ ᠵᠢᠮᠡᠯᠡᠨᠡ᠃ ᠲᠡᠭᠡᠬᠦᠯᠡᠷ ᠲᠠ ᠡ᠊ᠨᠳᠡ ᠦᠯᠡᠳᠡᠭᠰᠡᠨ ᠬᠥᠮᠦᠰ ᠦᠨ ᠲᠥᠯᠥᠭᠡ ᠳᠠᠭᠠᠳᠬᠠᠨᠠ ᠤᠤ︖〉》 ᠭᠡᠵᠡᠢ᠃
5 ᠲᠡᠢᠨ ᠬᠦ ᠾᠧᠽᠧᠺᠢᠶᠠ ᠬᠠᠭᠠᠨ ᠤ ᠲᠦᠰᠢᠮᠡᠳ ᠢᠰᠠᠢᠶᠠ ᠤᠷᠤᠭᠤ ᠢᠷᠡᠬᠦ ᠳᠦ᠂ 6 ᠢᠰᠠᠢᠶᠠ ᠲᠡᠳᠡᠨ ᠳᠦ᠄ 《ᠡᠵᠡᠨ ᠳᠡᠭᠡᠨ ᠬᠡᠯᠡᠭᠲᠦᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠴᠢ ᠰᠣᠨᠣᠰᠣᠭᠰᠠᠨ ᠦᠭᠡᠨ ᠡᠴᠡ ᠪᠡᠨ᠂ ᠨᠠᠮᠠᠶᠢ ᠳᠣᠷᠣᠮᠵᠢᠯᠠᠭᠰᠠᠨ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠵᠠᠷᠤᠴᠠ ᠨᠠᠷ ᠤᠨ ᠦᠭᠡᠨ ᠡᠴᠡ ᠪᠦᠦ ᠠᠶᠤ᠃ 7 ᠬᠠᠷᠠ᠂ ᠪᠢ ᠲᠡᠭᠦᠨ ᠦ ᠳᠣᠲᠣᠷᠠ ᠨᠢᠭᠡ ᠰᠦᠨᠡᠰᠦ ᠶᠢ ᠣᠷᠣᠭᠤᠯᠤᠨᠠ᠂ ᠲᠡᠷᠡ ᠨᠢᠭᠡ ᠮᠡᠳᠡᠭᠡ ᠰᠣᠨᠣᠰᠣᠭᠠᠳ ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠬᠤ ᠪᠥᠭᠡᠳ ᠪᠢ ᠲᠡᠭᠦᠨ ᠢ ᠥᠪᠡᠷ ᠦᠨ ᠬᠢᠨᠢ ᠨᠤᠲᠤᠭ ᠲᠤ ᠢᠯᠳᠦ ᠪᠡᠷ ᠤᠨᠠᠭᠠᠨᠠ〉》 ᠭᠡᠪᠡ᠃
8 ᠲᠡᠭᠡᠬᠦ ᠳᠦ ᠷᠠᠪᠱᠠᠺᠧ ᠡᠷᠭᠢᠵᠦ᠂ ᠯᠢᠪᠨᠠ ᠳᠤ ᠳᠠᠢᠲᠤᠵᠤ ᠪᠤᠢ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠲᠠᠢ ᠪᠠᠨ ᠨᠠᠢᠯᠠᠪᠠ᠃ ᠤᠴᠢᠷ ᠨᠢ ᠬᠠᠭᠠᠨ ᠤ ᠪᠠᠨ ᠯᠠᠺᠢᠱ ᠡᠴᠡ ᠲᠡᠰᠢ ᠬᠥᠳᠡᠯᠬᠦ ᠶᠢ ᠷᠠᠪᠱᠠᠺᠧ ᠰᠣᠨᠣᠰᠣᠭᠰᠠᠨ ᠪᠠᠢᠪᠠ᠃ 9 ᠨᠥᠭᠥᠭᠡ ᠬᠠᠭᠠᠨ ᠳᠤ ᠺᠦᠱ ᠤᠨ ᠬᠠᠭᠠᠨ ᠲᠢᠷᠬᠠᠺᠠ ᠥᠪᠡᠷ ᠲᠡᠢ ᠨᠢ ᠳᠠᠢᠲᠤᠬᠤ ᠪᠠᠷ ᠢᠷᠡᠵᠦ ᠪᠤᠢ ᠮᠡᠳᠡᠭᠡ ᠬᠦᠷᠦᠭᠰᠡᠨ ᠠᠵᠢ᠃ ᠲᠡᠷᠡ ᠰᠣᠨᠣᠰᠣᠩ᠋ᠭᠤᠲᠠ ᠾᠧᠽᠧᠺᠢᠶᠠ ᠳᠤ ᠡᠯᠴᠢᠳ ᠢᠯᠡᠭᠡᠨ᠄ 10 《ᠶᠦᠳᠠ ᠶᠢᠨ ᠬᠠᠭᠠᠨ ᠾᠧᠽᠧᠺᠢᠶᠠ ᠳᠤ ᠶᠠᠷᠢ᠄ 〈ᠴᠢᠨᠦ ᠢᠲᠡᠭᠡᠵᠦ ᠪᠤᠢ ᠪᠤᠷᠬᠠᠨ ᠶᠧᠷᠦ᠋ᠰᠠᠯᠧᠮ ᠢ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠭᠠᠷ ᠲᠤ ᠲᠤᠰᠢᠶᠠᠬᠤ ᠦᠭᠡᠢ〉 ᠭᠡᠵᠦ ᠴᠢᠮᠠᠶᠢ ᠪᠦᠦ ᠮᠡᠬᠡᠯᠡᠭ᠃ 11 ᠠᠰᠢᠷᠢᠶᠠ ᠶᠢᠨ ᠬᠠᠭᠠᠳ ᠬᠠᠮᠤᠭ ᠭᠦᠷᠦᠨ ᠳᠦ ᠶᠠᠭᠤ ᠬᠢᠭᠰᠡᠨ ᠢ᠂ ᠲᠡᠳᠡᠨ ᠢ ᠬᠡᠷᠬᠢᠨ ᠤᠰᠠᠳᠬᠠᠭᠰᠠᠨ ᠢ ᠴᠢ ᠯᠠᠪ ᠰᠣᠨᠣᠰᠣᠭᠰᠠᠨ ᠪᠠᠢᠬᠠ᠂ ᠬᠠᠷᠢᠨ ᠴᠢ ᠯᠠ ᠠᠪᠤᠷᠠᠭᠳᠠᠨᠠ ᠭᠡᠵᠢ ᠤᠤ︖ 12 ᠮᠠᠨ ᠤ ᠡᠴᠢᠭᠡ ᠡᠪᠦᠭᠡᠳ ᠭᠣᠽᠠᠨ᠂ ᠾᠠᠷᠠᠨ᠂ ᠷᠧᠽᠧᠹ ᠬᠢᠭᠡᠳ ᠲᠧᠯᠠᠰᠠᠷ ᠳᠠᠬᠢ ᠡᠳᠧᠨᠴᠤᠳ ᠢ ᠤᠰᠠᠳᠬᠠᠬᠤ ᠳᠤ᠂ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠦ ᠪᠤᠷᠬᠠᠳ ᠲᠡᠳᠡᠨ ᠢ ᠠᠪᠤᠷᠠᠵᠤ ᠪᠠᠢᠭᠰᠠᠨ ᠤᠤ︖ 13 ᠬᠠᠮᠠᠲ ᠤᠨ ᠬᠠᠭᠠᠨ᠂ ᠠᠷᠫᠠᠳ᠋ ᠤᠨ ᠬᠠᠭᠠᠨ᠂ ᠰᠧᠹᠠᠷ ᠸᠠᠢᠮ ᠤᠨ ᠬᠣᠲᠠ ᠶᠢᠨ ᠬᠠᠭᠠᠨ᠂ ᠾᠧᠨᠠ ᠶᠢᠨ ᠬᠠᠭᠠᠨ ᠪᠣᠯᠣᠨ ᠢᠸᠠ ᠶᠢᠨ ᠬᠠᠭᠠᠨ ᠣᠳᠣ ᠬᠠᠮᠢᠭᠠ ᠪᠠᠢᠨᠠ︖〉》 ᠭᠡᠪᠡ᠃
14 ᠾᠧᠽᠧᠺᠢᠶᠠ ᠡᠯᠴᠢᠳ ᠤᠨ ᠭᠠᠷ ᠠᠴᠠ ᠵᠠᠬᠢᠳᠠᠯ ᠢ ᠠᠪᠴᠤ ᠤᠩ᠋ᠰᠢᠭᠠᠳ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡ ᠥᠭᠡᠳᠡ ᠣᠴᠢᠵᠤ᠂ ᠨᠥᠭᠥᠭᠡ ᠵᠠᠬᠢᠳᠠᠯ ᠢ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠳᠡᠯᠭᠡᠪᠡ᠃ 15 ᠾᠧᠽᠧᠺᠢᠶᠠ ᠶᠣᠬᠣᠸᠠ ᠳᠤ ᠳᠠᠭᠠᠳᠬᠠᠨ᠄ 16 《ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠺᠧᠷᠣᠪ ᠤᠳ ᠤᠨ ᠳᠡᠭᠡᠷᠡ ᠵᠠᠯᠠᠷᠠᠭᠴᠢ᠂ ᠭᠠᠭᠴᠠ ᠬᠦ ᠲᠠ ᠯᠠ ᠬᠠᠮᠤᠭ ᠬᠠᠭᠠᠨᠴᠢᠯᠠᠯ ᠤᠨ ᠪᠤᠷᠬᠠᠨ᠂ ᠲᠠ ᠯᠠ ᠲᠩᠷᠢ ᠪᠠ ᠭᠠᠵᠠᠷ ᠢ ᠪᠦᠲᠦᠭᠡᠭᠰᠡᠨ ᠪᠢᠯᠡ᠂ 17 ᠶᠣᠬᠣᠸᠠ ᠡ᠂ ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠣᠭᠠᠴᠢ᠂ ᠶᠣᠬᠣᠸᠠ ᠡ᠂ ᠮᠡᠯᠮᠡᠢ ᠨᠡᠭᠡᠭᠡᠨ ᠬᠠᠷᠠᠭᠠᠴᠢ᠂ ᠠᠮᠢᠳᠤ ᠪᠤᠷᠬᠠᠨ ᠢ ᠳᠣᠷᠣᠮᠵᠢᠯᠠᠬᠤ ᠪᠠᠷ ᠰᠧᠨᠠᠾᠧᠷᠢᠪ ᠤᠨ ᠢᠯᠡᠭᠡᠭᠰᠡᠨ ᠪᠦᠬᠦ ᠦᠭᠡ ᠶᠢ ᠰᠣᠨᠣᠰᠣᠭᠠᠴᠢ᠃ 18 ᠶᠣᠬᠣᠸᠠ ᠡ᠂ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠳ ᠲᠡᠳᠡᠭᠡᠷ ᠪᠦᠬᠦ ᠦᠨᠳᠦᠰᠦᠲᠡᠨ ᠢ ᠭᠠᠵᠠᠷ ᠨᠤᠲᠤᠭ ᠲᠠᠢ ᠨᠢ ᠬᠠᠮᠲᠤ ᠰᠦᠢᠳᠬᠡᠵᠦ᠂ 19 ᠲᠡᠳᠡᠨ ᠦ ᠪᠤᠷᠬᠠᠳ ᠢ ᠭᠠᠯ ᠳᠤ ᠬᠠᠶᠠᠭᠰᠠᠨ ᠨᠢ ᠦᠨᠡᠨ᠃ ᠦᠨᠡᠨ ᠳᠡᠭᠡᠨ ᠲᠡᠳᠡᠭᠡᠷ ᠨᠢ ᠪᠤᠷᠬᠠᠨ ᠪᠢᠰᠢ᠂ ᠵᠥᠪᠬᠡᠨ ᠮᠣᠳᠣ ᠴᠢᠯᠠᠭᠤ᠂ ᠬᠥᠮᠦᠨ ᠦ ᠭᠠᠷ ᠤᠨ ᠪᠦᠲᠦᠭᠡᠯ ᠪᠠᠢᠭᠰᠠᠨ᠂ ᠡᠢᠮᠦ ᠡᠴᠡ ᠯᠠ ᠲᠡᠳᠡ ᠤᠰᠠᠳᠬᠠᠭᠳᠠᠭᠰᠠᠨ ᠪᠢᠯᠡ᠃ 20 ᠣᠳᠣ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠡ᠂ ᠪᠢᠳᠡᠨ ᠢ ᠲᠡᠭᠦᠨ ᠦ ᠭᠠᠷ ᠠᠴᠠ ᠠᠪᠤᠷᠠᠭᠠᠴᠢ᠂ ᠭᠠᠭᠴᠠ ᠬᠦ ᠶᠣᠬᠣᠸᠠ ᠲᠠ ᠯᠠ ᠪᠤᠷᠬᠠᠨ ᠭᠡᠳᠡᠭ ᠢ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠬᠠᠭᠠᠨᠴᠢᠯᠠᠯ ᠮᠡᠳᠡᠬᠦ ᠪᠣᠯᠣᠨᠠ》 ᠭᠡᠪᠡ᠃
21 ᠠᠮᠣᠽ ᠤᠨ ᠬᠦᠦ ᠢᠰᠠᠢᠶᠠ ᠾᠧᠽᠧᠺᠢᠶᠠ ᠳᠤ ᠦᠭᠡ ᠢᠯᠡᠭᠡᠨ᠄ 《ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠤᠯᠠ᠄ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠰᠧᠨᠠᠾᠧᠷᠢᠪ ᠤᠨ ᠤᠯᠠᠮ ᠢᠶᠠᠷ ᠴᠢ ᠨᠠᠳᠠ ᠳᠤ ᠳᠠᠭᠠᠳᠬᠠᠭᠰᠠᠨ᠂ 22 ᠲᠡᠭᠦᠨ ᠦ ᠲᠤᠬᠠᠢ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠤᠭᠰᠠᠨ ᠦᠭᠡ ᠨᠢ ᠡᠨᠡ᠄ 〈ᠽᠢᠶᠣᠨ ᠤ ᠣᠩ᠋ᠭᠣᠨ ᠥᠬᠢᠨ ᠴᠢᠮᠠᠶᠢ ᠳᠣᠭᠣᠭᠢᠯᠠᠵᠤ᠂ ᠡᠯᠡᠭᠯᠡᠪᠡ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠨ ᠴᠢᠨᠦ ᠠᠷᠤ ᠠᠴᠠ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠪᠡ᠃
23 ᠬᠡᠨ ᠢ ᠴᠢ ᠳᠣᠷᠣᠮᠵᠢᠯᠠᠵᠤ᠂ ᠲᠣᠬᠣᠭᠤᠷᠬᠠᠪᠠ︖ ᠬᠡᠨ ᠦ ᠡᠰᠡᠷᠭᠦ ᠳᠠᠭᠤ ᠪᠠᠨ ᠥᠨᠳᠥᠷᠰᠡᠭᠡᠨ᠂ ᠶᠡᠬᠡᠮᠰᠦᠭ ᠢᠶᠡᠷ ᠨᠢᠳᠦ ᠪᠡᠨ ᠡᠷᠭᠦᠪᠡ︖ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠡᠰᠡᠷᠭᠦ︕
24 ᠴᠢ ᠵᠠᠷᠤᠴᠠ ᠨᠠᠷ ᠢᠶᠠᠷ ᠢᠶᠠᠨ ᠶᠣᠬᠣᠸᠠ ᠶᠢ ᠳᠣᠷᠣᠮᠵᠢᠯᠠᠭᠤᠯᠵᠠᠢ 〈ᠪᠢ ᠦᠢ ᠣᠯᠠᠨ ᠲᠡᠷᠭᠡ ᠪᠡᠷ ᠢᠶᠠᠨ ᠥᠨᠳᠥᠷ ᠠᠭᠤᠯᠠᠰ ᠲᠤ ᠯᠧᠪᠠᠨᠣᠨ ᠤ ᠠᠯᠤᠰ ᠬᠢᠵᠠᠭᠠᠷ ᠲᠤ ᠬᠦᠷᠦᠯᠡ ᠪᠢ ᠲᠡᠨᠳᠡᠬᠢ ᠶᠢᠨ ᠥᠨᠳᠥᠷ ᠬᠤᠱᠢ᠂ ᠰᠢᠯᠢᠮᠡᠯ ᠨᠠᠷᠠᠰᠤᠨ ᠮᠣᠳᠣᠳ ᠢ ᠨᠢ ᠲᠠᠰᠤ ᠴᠠᠪᠴᠢᠨ ᠲᠡᠭᠦᠨ ᠦ ᠬᠠᠮᠤᠭ ᠤᠨ ᠥᠨᠳᠥᠷ ᠣᠷᠭᠢᠯ᠂ ᠬᠠᠮᠤᠭ ᠤᠨ ᠥᠳᠬᠡᠨ ᠣᠢ ᠳᠤᠨᠢ ᠬᠦᠷᠴᠦ ᠣᠴᠢᠯᠠ᠃
25 ᠪᠢ ᠬᠤᠳᠳᠤᠭ ᠮᠠᠯᠲᠠᠵᠤ᠂ ᠤᠰᠤ ᠤᠤᠭᠤᠨ ᠬᠥᠯ ᠦᠨ ᠢᠶᠠᠨ ᠤᠯᠠ ᠪᠠᠷ ᠶᠧᠵᠢᠫᠲ ᠤᠨ ᠪᠦᠬᠦ ᠤᠷᠤᠰᠬᠠᠯ ᠢ ᠬᠠᠲᠠᠭᠠᠭᠰᠠᠨ ᠪᠢᠯᠡ〉 ᠭᠡᠵᠡᠢ᠃
26 ᠬᠠᠷᠢᠨ ᠴᠢ ᠰᠣᠨᠣᠰᠣᠭᠠ ᠦᠭᠡᠢ ᠶᠤᠮ ᠤᠤ︖ ᠥᠨᠢ ᠡᠷᠲᠡᠨ ᠡᠴᠡ ᠪᠢ ᠡᠭᠦᠨ ᠢ ᠬᠢᠵᠦ ᠡᠷᠲᠡ ᠴᠠᠭ ᠲᠤ ᠡᠭᠦᠨ ᠢ ᠲᠥᠯᠥᠪᠯᠡᠵᠦ ᠡᠳᠦᠭᠡ ᠪᠡᠶᠡᠯᠡᠭᠦᠯᠦᠭᠰᠡᠨ ᠢᠶᠡᠷ ᠴᠢ ᠪᠡᠬᠢᠯᠡᠯᠲᠡᠲᠦ ᠬᠣᠲᠠᠳ ᠢ ᠰᠦᠢᠷᠡᠭᠦᠯᠦᠨ ᠲᠡᠳᠡᠭᠡᠷ ᠢ ᠨᠤᠷᠠᠩᠬᠢ ᠪᠠᠯᠭᠠᠰᠤ ᠪᠣᠯᠭᠠᠭᠰᠠᠨ ᠶᠤᠮ᠃
27 ᠡᠢᠮᠦ ᠡᠴᠡ ᠲᠡᠳᠡᠨ ᠦ ᠰᠠᠭᠤᠭᠠᠯᠢᠴᠢᠳ ᠬᠦᠴᠦ ᠮᠡᠬᠦᠰᠳᠡᠵᠦ ᠠᠶᠤᠨ ᠲᠦᠭᠰᠢᠵᠦ᠂ ᠢᠴᠢᠭᠦᠷᠢ ᠳᠤ ᠣᠷᠣᠭᠰᠠᠨ ᠲᠡᠳᠡ ᠬᠡᠭᠡᠷᠡ ᠲᠠᠯᠠ ᠶᠢᠨ ᠡᠪᠡᠰᠦ᠂ ᠨᠢᠯᠬᠠ ᠨᠣᠭᠣᠭᠠ ᠰᠢᠭ᠋ ᠪᠠᠢᠰᠢᠩ ᠤᠨ ᠣᠷᠣᠢ ᠳᠡᠭᠡᠷᠡᠬᠢ ᠨᠠᠬᠢᠶᠠᠯᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠬᠠᠲᠠᠳᠠᠭ ᠡᠪᠡᠰᠦ ᠮᠡᠲᠦ ᠪᠣᠯᠪᠠ᠃
28 ᠬᠠᠷᠢᠨ ᠪᠢ ᠴᠢᠨᠦ ᠰᠠᠭᠤᠬᠤ ᠪᠣᠯᠣᠨ ᠭᠠᠷᠬᠤ᠂ ᠣᠷᠣᠬᠤ ᠶᠢ ᠮᠥᠨ ᠨᠠᠳᠠ ᠳᠤ ᠳᠣᠭᠰᠢᠷᠠᠬᠤ ᠶᠢ ᠴᠢᠨᠢ ᠮᠡᠳᠡᠨᠡ᠃
29 ᠮᠢᠨᠦ ᠡᠰᠡᠷᠭᠦ ᠪᠠᠢᠭᠠ ᠴᠢᠨᠦ ᠠᠭᠤᠷ ᠬᠢᠭᠡᠳ ᠮᠢᠨᠦ ᠰᠣᠨᠣᠷ ᠲᠤ ᠬᠦᠷᠦᠭᠰᠡᠨ ᠴᠢᠨᠦ ᠦᠢᠮᠡᠭᠦᠯᠦᠯᠭᠡ ᠶᠢᠨ ᠤᠴᠢᠷ ᠢᠶᠠᠷ ᠪᠢ ᠥᠪᠡᠷ ᠦᠨ ᠢᠶᠠᠨ ᠳᠥᠷᠥ ᠶᠢ ᠴᠢᠨᠦ ᠬᠠᠮᠠᠷ ᠲᠤ ᠵᠡᠭᠦᠯᠭᠡᠵᠦ ᠠᠮᠠ ᠶᠢ ᠴᠢᠨᠢ ᠬᠠᠵᠠᠭᠠᠷᠯᠠᠵᠤ ᠢᠷᠡᠭᠰᠡᠨ ᠵᠠᠮ ᠢᠶᠠᠷ ᠴᠢᠨᠢ ᠴᠢᠮᠠᠶᠢ ᠪᠤᠴᠠᠭᠠᠨᠠ᠃
30 ᠾᠧᠽᠧᠺᠢᠶᠠ᠂ ᠴᠢᠮᠠ ᠳᠤ ᠡᠢᠮᠦ ᠲᠡᠮᠳᠡᠭ ᠪᠠᠢᠨᠠ᠄ ᠲᠠ ᠨᠠᠷ ᠥᠨᠥ ᠵᠢᠯ ᠬᠤᠷ ᠲᠠᠷᠢᠶᠠ ᠢᠳᠡᠵᠦ᠂ ᠬᠣᠶᠠᠳᠠᠬᠢ ᠵᠢᠯ ᠳᠤ ᠮᠥᠨ ᠬᠤᠷ ᠲᠠᠷᠢᠶᠠ ᠢᠳᠡᠬᠦ ᠪᠣᠯᠣᠨᠠ᠂ ᠬᠠᠷᠢᠨ ᠭᠤᠷᠪᠠᠳᠠᠬᠢ ᠵᠢᠯ ᠳᠦᠨᠢ ᠦᠷᠡ ᠲᠠᠷᠢᠵᠤ ᠬᠤᠷᠢᠶᠠᠵᠠᠭᠠ᠂ ᠦᠵᠦᠮ ᠲᠠᠷᠢᠶᠠᠯᠠᠵᠤ᠂ ᠵᠢᠮᠢᠰ ᠢ ᠨᠢ ᠢᠳᠡᠵᠡᠭᠡ᠃ 31 ᠶᠦᠳᠠ ᠶᠢᠨ ᠭᠡᠷ ᠡᠴᠡ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠳᠠᠬᠢᠨ ᠳᠣᠷᠣᠭᠰᠢ ᠪᠠᠨ ᠦᠨᠳᠦᠰᠦ ᠬᠠᠳᠬᠤᠨ᠂ ᠳᠡᠭᠡᠭᠰᠢ ᠪᠠᠨ ᠵᠢᠮᠢᠰ ᠢᠶᠠᠨ ᠭᠠᠷᠭᠠᠨᠠ᠃ 32 ᠤᠴᠢᠷ ᠨᠢ ᠶᠧᠷᠦ᠋ᠰᠠᠯᠧᠮ ᠡᠴᠡ ᠦᠯᠡᠳᠡᠭᠰᠡᠳ᠂ ᠽᠢᠶᠣᠨ ᠠᠭᠤᠯᠠ ᠠᠴᠠ ᠳᠦᠷᠪᠡᠭᠰᠡᠳ ᠭᠠᠷᠴᠤ ᠢᠷᠡᠨᠡ᠃ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠬᠠᠯᠠᠭᠤᠨ ᠰᠡᠳᠬᠢᠯ ᠡᠭᠦᠨ ᠢ ᠪᠡᠶᠡᠯᠡᠭᠦᠯᠦᠨᠡ᠃ 33 ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠲᠠᠯᠠ ᠪᠠᠷ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠡᠨᠡ ᠬᠣᠲᠠ ᠳᠤ ᠲᠡᠷᠡ ᠣᠷᠣᠵᠤ ᠢᠷᠡᠬᠦ ᠦᠭᠡᠢ᠂ ᠡᠰᠢ ᠪᠠᠨ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ ᠦᠭᠡᠢ᠂ ᠪᠠᠮᠪᠠᠢ ᠪᠠᠷᠢᠨ ᠳᠠᠪᠰᠢᠬᠤ ᠦᠭᠡᠢ᠂ ᠪᠡᠬᠢᠯᠡᠯᠲᠡ ᠪᠣᠰᠬᠠᠬᠤ ᠦᠭᠡᠢ᠂ 34 ᠢᠷᠡᠭᠰᠡᠨ ᠵᠠᠮ ᠢᠶᠠᠷ ᠢᠶᠠᠨ ᠪᠤᠴᠠᠬᠤ ᠪᠥᠭᠡᠳ ᠡᠨᠡ ᠬᠣᠲᠠ ᠳᠤ ᠣᠷᠣᠵᠤ ᠢᠷᠡᠬᠦ ᠦᠭᠡᠢ᠂〉 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 35 〈ᠪᠢ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠡᠴᠡ᠂ ᠮᠥᠨ ᠵᠠᠷᠤᠴᠠ ᠳ᠋ᠠᠸᠢᠳ᠋ ᠤᠨ ᠢᠶᠠᠨ ᠡᠮᠦᠨᠡ ᠡᠴᠡ ᠡᠨᠡ ᠬᠣᠲᠠ ᠶᠢ ᠬᠠᠮᠠᠭᠠᠯᠠᠵᠤ ᠠᠪᠤᠷᠠᠨᠠ〉》 ᠭᠡᠵᠦ ᠬᠡᠯᠡᠵᠡᠢ᠃
36 ᠶᠣᠬᠣᠸᠠ ᠶᠢᠨ ᠡᠯᠴᠢ ᠭᠠᠷᠴᠤ ᠢᠷᠡᠭᠡᠳ ᠠᠰᠢᠷᠢᠶᠠᠴᠤᠳ ᠤᠨ ᠬᠤᠸᠠᠷᠠᠨ ᠳᠤ ᠠᠷᠪᠠᠨ ᠨᠠᠢ᠌ᠮᠠᠨ ᠲᠦᠮᠡ ᠲᠠᠪᠤᠨ ᠮᠢᠩ᠋ᠭᠠᠨ ᠬᠥᠮᠦᠨ ᠢ ᠴᠣᠬᠢᠪᠠ᠃ ᠬᠥᠮᠦᠰ ᠥᠷᠯᠥᠭᠡ ᠡᠷᠲᠡ ᠪᠣᠰᠴᠤ ᠦᠵᠡᠬᠦ ᠳᠦ᠂ ᠲᠡᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠦᠬᠦᠵᠦ᠂ ᠬᠡᠭᠦᠷ ᠪᠣᠯᠵᠠᠢ︕ 37 ᠢᠩᠭᠢᠭᠡᠳ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠰᠧᠨᠠᠾᠧᠷᠢᠪ ᠲᠡᠨᠳᠡ ᠡᠴᠡ ᠬᠥᠳᠡᠯᠦᠨ᠂ ᠨᠢᠨᠧᠸᠧ ᠤᠷᠤᠭᠤ ᠪᠤᠴᠠᠵᠤ ᠲᠡᠨᠳᠡ ᠪᠡᠨ ᠪᠠᠢᠪᠠ᠃ 38 ᠨᠢᠭᠡᠨ ᠡᠳᠦᠷ ᠲᠡᠷᠡ ᠨᠢᠰᠷᠣᠺ ᠪᠤᠷᠬᠠᠨ ᠤ ᠪᠠᠨ ᠳᠤᠭᠠᠩ ᠳᠤ ᠮᠥᠷᠭᠥᠯ ᠬᠢᠵᠦ ᠪᠠᠢᠬᠤ ᠳᠤ᠂ ᠠᠳ᠋ᠷᠠᠮᠧᠯᠧᠺ᠂ ᠱᠠᠷᠧᠽᠧᠷ ᠵᠡᠷᠭᠡ ᠬᠥᠪᠡᠭᠦᠳ ᠨᠢ ᠲᠡᠭᠦᠨ ᠢ ᠢᠯᠳᠦ ᠪᠡᠷ ᠠᠯᠠᠭᠠᠳ ᠥᠪᠡᠷᠰᠡᠳ ᠢᠶᠡᠨ ᠠᠷᠠᠷᠠᠲ ᠨᠤᠲᠤᠭ ᠤᠷᠤᠭᠤ ᠵᠢᠭᠤᠲᠠᠪᠠ᠃ ᠲᠡᠭᠦᠨ ᠦ ᠣᠷᠣᠨ ᠳᠤ ᠬᠦᠦ ᠡᠰᠠᠷᠬᠠᠳᠣᠨ ᠨᠢ ᠬᠠᠭᠠᠨ ᠪᠣᠯᠵᠠᠢ᠃