ᠢᠰᠠᠢᠶᠠ ᠵᠢᠷᠠᠨ ᠨᠢᠭᠡ
ᠥᠷᠥᠰᠢᠶᠡᠯ ᠦᠨ ᠵᠢᠯ
1 ᠡᠵᠡᠨ ᠶᠣᠬᠣᠸᠠ ᠶᠢᠨ ᠰᠦᠨᠡᠰᠦ ᠮᠢᠨᠦ ᠳᠡᠭᠡᠷᠡ ᠪᠠᠢᠨᠠ ᠶᠠᠳᠠᠭᠤᠰ ᠲᠤ ᠪᠠᠶᠠᠷ ᠤᠨ ᠮᠡᠳᠡᠭᠡ ᠬᠦᠷᠭᠡᠭᠦᠯᠬᠦ ᠪᠡᠷ ᠶᠣᠬᠣᠸᠠ ᠨᠠᠮᠠᠶᠢ ᠲᠣᠰᠣᠯᠠᠭᠰᠠᠨ ᠰᠢᠷᠬᠠᠲᠤᠭᠰᠠᠨ ᠵᠢᠷᠦᠬᠡ ᠶᠢ ᠡᠳᠡᠭᠡᠭᠡᠯᠭᠡᠵᠦ ᠣᠯᠵᠠᠯᠠᠭᠳᠠᠭᠰᠠᠳ ᠲᠤ ᠡᠷᠬᠡ ᠴᠢᠯᠥᠭᠡ ᠶᠢ᠂ ᠬᠣᠷᠢᠭᠳᠠᠯ ᠤᠳ ᠲᠤᠨᠢ ᠰᠤᠯᠠᠯᠠᠯᠲᠠ ᠶᠢ ᠲᠤᠩ᠋ᠬᠠᠭᠯᠠᠭᠤᠯᠬᠤ ᠪᠠᠷ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ᠂
2 ᠮᠥᠨ ᠶᠣᠬᠣᠸᠠ ᠶᠢᠨ ᠥᠷᠥᠰᠢᠶᠡᠯ ᠦᠨ ᠵᠢᠯ ᠪᠢᠳᠡᠨ ᠦ ᠪᠤᠷᠬᠠᠨ ᠤ ᠥᠰᠢᠶᠡ ᠠᠪᠬᠤ ᠡᠳᠦᠷ ᠢ ᠲᠤᠩ᠋ᠬᠠᠭᠯᠠᠭᠤᠯᠤᠨ ᠪᠦᠬᠦ ᠭᠠᠰᠢᠭᠤᠳᠠᠭᠴᠢ ᠶᠢ ᠲᠠᠢᠳᠬᠤᠷᠠᠭᠤᠯᠬᠤ ᠪᠠᠷ
3 ᠽᠢᠶᠣᠨ ᠳᠤ ᠭᠠᠰᠢᠭᠤᠳᠠᠭᠰᠠᠳ ᠲᠤ ᠦᠨᠡᠰᠦᠨ ᠦ ᠣᠷᠣᠨ ᠳᠤ ᠭᠣᠶᠣᠯ ᠢ ᠭᠠᠰᠢᠭᠤᠳᠠᠯ ᠤᠨ ᠣᠷᠣᠨ ᠳᠤ ᠪᠠᠶᠠᠷ ᠬᠥᠷ ᠦᠨ ᠲᠣᠰᠣ ᠶᠢ ᠴᠥᠬᠥᠷᠡᠭᠰᠡᠨ ᠰᠦᠨᠡᠰᠦᠨ ᠦ ᠣᠷᠣᠨ ᠳᠤ ᠮᠠᠭᠲᠠᠭᠠᠯ ᠤᠨ ᠳᠡᠪᠡᠯ ᠢ ᠥᠭᠭᠥᠭᠦᠯᠬᠦ ᠪᠡᠷ ᠢᠯᠡᠭᠡᠭᠰᠡᠨ᠂ ᠡᠢᠨ ᠬᠦ ᠲᠡᠳᠡ ᠶᠣᠬᠣᠸᠠ ᠶᠢᠨ ᠰᠠᠭᠤᠯᠭᠠᠭᠰᠠᠨ᠂ ᠲᠡᠭᠦᠨ ᠢ ᠠᠯᠳᠠᠷᠰᠢᠭᠤᠯᠤᠭᠰᠠᠨ 《ᠵᠥᠪ ᠦᠨ ᠴᠠᠷᠠᠰᠤ》 ᠭᠡᠵᠦ ᠨᠡᠷᠡᠯᠡᠭᠳᠡᠨᠡ᠃
4 ᠲᠡᠳᠡ ᠡᠷᠲᠡᠨ ᠦ ᠨᠤᠷᠠᠩ᠋ᠬᠠᠢ ᠶᠢ ᠪᠣᠰᠬᠠᠵᠤ ᠤᠷᠢᠳᠤ ᠶᠢᠨ ᠪᠠᠯᠭᠠᠰᠤ ᠶᠢ ᠰᠡᠷᠭᠦᠭᠡᠨ ᠦᠶᠡ ᠶᠢᠨ ᠦᠶᠡ ᠳᠦ ᠡᠪᠳᠡᠷᠬᠡᠢ ᠨᠤᠷᠠᠩᠬᠢ ᠪᠠᠢᠭᠰᠠᠨ ᠬᠣᠲᠠ ᠨᠤᠭᠤᠳ ᠢ ᠰᠢᠨᠡᠴᠢᠯᠡᠨᠡ᠃
5 ᠬᠠᠷᠢ ᠬᠥᠮᠦᠰ ᠲᠠ ᠨᠠᠷ ᠤᠨ ᠰᠦᠷᠦᠭ ᠢ ᠬᠠᠷᠢᠭᠤᠯᠤᠨᠠ᠂ ᠬᠠᠷᠢ ᠶᠢᠨ ᠬᠥᠪᠡᠭᠦᠳ ᠲᠠ ᠨᠠᠷ ᠤᠨ ᠲᠠᠷᠢᠶᠠᠴᠢᠳ᠂ ᠦᠵᠦᠮᠴᠢᠳ ᠪᠣᠯᠬᠤ ᠳᠤ᠂
6 ᠲᠠ ᠨᠠᠷ ᠶᠣᠬᠣᠸᠠ ᠶᠢᠨ ᠲᠠᠬᠢᠯᠴᠢᠳ ᠭᠡᠵᠦ ᠨᠡᠷᠡᠯᠡᠭᠳᠡᠨ ᠪᠢᠳᠡᠨ ᠦ ᠪᠤᠷᠬᠠᠨ ᠤ ᠦᠢᠯᠡᠴᠢᠯᠡᠭᠴᠢᠳ ᠭᠡᠭᠳᠡᠵᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠡᠳ᠋ ᠪᠠᠶᠠᠯᠢᠭ ᠢ ᠡᠳ᠋ᠯᠡᠨ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠨᠢ ᠰᠠᠢᠷᠬᠠᠬᠤ ᠪᠣᠯᠣᠨᠠ᠂
7 ᠢᠴᠢᠭᠦᠷᠢ ᠶᠢᠨ ᠢᠶᠠᠨ ᠣᠷᠣᠨ ᠳᠤ ᠬᠣᠶᠠᠷ ᠳᠠᠬᠢᠨ ᠠᠯᠳᠠᠷ ᠢ ᠣᠯᠵᠤ ᠭᠤᠲᠤᠮᠰᠢᠭ ᠤᠨ ᠣᠷᠣᠨ ᠳᠤ ᠬᠤᠪᠢ ᠨᠣᠭᠳᠠᠯ ᠳᠠᠭᠠᠨ ᠪᠠᠶᠠᠷᠯᠠᠨᠠ᠃ ᠡᠢᠨ ᠬᠦ ᠲᠡᠳᠡ ᠨᠤᠲᠤᠭ ᠲᠠᠭᠠᠨ ᠬᠣᠶᠠᠷ ᠳᠠᠬᠢᠨ ᠬᠦᠷᠲᠡᠪᠦᠷᠢ ᠲᠠᠢ ᠪᠣᠯᠵᠤ ᠡᠭᠦᠷᠢᠳᠡ ᠶᠢᠨ ᠵᠢᠷᠭᠠᠯ ᠲᠡᠳᠡᠨ ᠦ ᠬᠢ ᠪᠣᠯᠣᠨᠠ᠃
8 ᠤᠴᠢᠷ ᠨᠢ ᠶᠣᠬᠣᠸᠠ ᠪᠢ ᠰᠢᠳᠤᠷᠭᠤ ᠶᠢ ᠬᠠᠢᠷᠠᠯᠠᠵᠤ ᠵᠥᠪ ᠪᠤᠰᠤ ᠳᠡᠭᠡᠷᠡᠮᠳᠡᠯ ᠢ ᠦᠵᠡᠨ ᠶᠠᠳᠠᠳᠠᠭ ᠪᠢ ᠬᠠᠷᠢᠭᠤ ᠶᠢ ᠨᠢ ᠭᠣᠣᠯᠴᠢ ᠪᠠᠷ ᠥᠭᠴᠦ ᠲᠡᠳᠡᠨ ᠲᠡᠢ ᠮᠥᠩᠬᠡ ᠶᠢᠨ ᠭᠡᠷᠡ ᠪᠠᠢᠭᠤᠯᠤᠨᠠ᠃
9 ᠲᠡᠳᠡᠨ ᠦ ᠦᠷᠡ ᠤᠳᠤᠮ ᠤᠯᠤᠰ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠨᠢᠭᠳᠠᠨᠠ᠂ ᠲᠡᠳᠡᠨ ᠢ ᠦᠵᠡᠭᠰᠡᠨ ᠪᠦᠬᠦᠨ 《ᠶᠣᠬᠣᠸᠠ ᠶᠢᠨ ᠢᠷᠥᠭᠡᠭᠰᠡᠨ ᠦᠷᠡ ᠤᠳᠤᠮ》 ᠭᠡᠳᠡᠭ ᠢ ᠨᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠨᠡ᠃
10 ᠪᠢ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠶᠡᠬᠡᠳᠡ ᠪᠠᠬᠠᠳᠤᠨᠠ ᠰᠡᠳᠬᠢᠯ ᠮᠢᠨᠢ ᠥᠪᠡᠷ ᠦᠨ ᠪᠤᠷᠬᠠᠨ ᠳᠤ ᠪᠠᠶᠠᠷᠯᠠᠨᠠ ᠲᠡᠷᠡ ᠨᠠᠮᠠᠶᠢ ᠠᠪᠤᠷᠠᠯ ᠤᠨ ᠬᠤᠪᠴᠠᠰᠤ ᠪᠠᠷ ᠬᠤᠪᠴᠠᠰᠤᠯᠠᠵᠤ᠂ ᠵᠥᠪ ᠦᠨ ᠳᠡᠪᠡᠯ ᠢᠶᠡᠷ ᠬᠤᠴᠢᠭᠰᠠᠨ᠂ ᠪᠢ ᠰᠦᠢᠲᠦ ᠵᠠᠯᠠᠭᠤ ᠴᠡᠴᠡᠭ ᠦᠨ ᠬᠡᠯᠬᠢᠶᠡ ᠪᠡᠷ ᠴᠢᠮᠡᠳᠡᠭ ᠰᠢᠭ ᠰᠦᠢᠲᠦ ᠪᠦᠰᠡᠭᠦᠢ ᠦᠨᠡᠲᠦ ᠴᠢᠯᠠᠭᠤ ᠪᠠᠷ ᠭᠣᠶᠣᠳᠠᠭ ᠰᠢᠭ᠋ ᠪᠣᠯᠣᠯᠠ᠃
11 ᠭᠠᠵᠠᠷ ᠨᠠᠬᠢᠶᠠ ᠶᠢ ᠤᠷᠭᠤᠭᠤᠯᠤᠨ ᠴᠡᠴᠡᠷᠯᠢᠭ ᠦᠷᠡ ᠶᠢ ᠨᠠᠬᠢᠶᠠᠯᠠᠭᠤᠯᠳᠠᠭ ᠰᠢᠭ᠋ ᠡᠵᠡᠨ ᠶᠣᠬᠣᠸᠠ ᠪᠦᠬᠦ ᠦᠨᠳᠦᠰᠦᠲᠡᠨ ᠦ ᠡᠮᠦᠨᠡ ᠵᠥᠪ ᠪᠠ ᠮᠠᠭᠲᠠᠭᠠᠯ ᠢ ᠨᠠᠬᠢᠶᠠᠯᠠᠭᠤᠯᠤᠨᠠ᠃