ᠢᠰᠠᠢᠶᠠ ᠳᠥᠴᠢᠨ ᠵᠢᠷᠭᠤᠭᠠ
ᠰᠢᠲᠦᠭᠡᠨ ᠨᠦᠭᠦᠳ ᠦᠨ ᠨᠤᠷᠠᠯᠲᠠ
1 ᠪᠧᠯ ᠪᠥᠬᠥᠢᠵᠦ᠂ ᠨᠧᠪᠣ ᠮᠡᠬᠦᠢᠵᠦ ᠪᠠᠢᠨᠠ ᠰᠢᠲᠦᠭᠡᠨ ᠨᠦᠭᠦᠳ ᠨᠢ ᠮᠠᠯ ᠠᠮᠢᠲᠠᠳ ᠤᠨ ᠳᠡᠭᠡᠷᠡ ᠠᠴᠢᠭᠳᠠᠭᠰᠠᠨ ᠪᠠᠢᠨᠠ᠃ ᠡᠭᠦᠷᠴᠦ ᠶᠠᠪᠤᠭᠰᠠᠨ ᠰᠢᠲᠦᠭᠡᠨ ᠨᠦᠭᠦᠳ ᠴᠢᠨᠢ ᠲᠡᠭᠡᠭᠡᠷᠡ᠂ ᠶᠠᠳᠠᠷᠠᠭᠰᠠᠳ ᠤᠨ ᠲᠡᠭᠡᠭᠡᠰᠢ᠃
2 ᠲᠡᠳᠡ ᠮᠡᠬᠦᠢᠵᠤ ᠬᠠᠮᠲᠤ ᠳᠠᠭᠠᠨ ᠪᠥᠬᠥᠢᠨᠡ ᠲᠡᠳᠡᠭᠡᠷ ᠲᠡᠭᠡᠭᠡᠰᠢ ᠪᠠᠨ ᠠᠪᠤᠷᠠᠵᠤ ᠴᠢᠳᠠᠯ ᠦᠭᠡᠢ ᠥᠪᠡᠷᠰᠡᠳ ᠢᠶᠡᠨ ᠣᠯᠵᠠ ᠪᠣᠯᠵᠤ ᠶᠠᠪᠤᠨᠠ᠃
3 ᠮᠢᠨᠦᠬᠢ ᠶᠢ ᠰᠣᠨᠣᠰᠴᠠᠭᠠ᠂ ᠶᠠᠺᠣᠪ ᠤᠨ ᠭᠡᠷ ᠦᠨ ᠬᠢᠨ᠂ ᠢᠰᠷᠧᠯ ᠤᠨ ᠭᠡᠷ ᠡᠴᠡ ᠦᠯᠡᠳᠡᠭᠰᠡᠳ ᠪᠦᠭᠦᠳᠡ ᠡ᠂ ᠬᠡᠪᠡᠯᠢ ᠳᠤ ᠪᠠᠢᠬᠤ ᠦᠶᠡ ᠡᠴᠡ ᠴᠢᠨᠢ ᠪᠢ ᠲᠠ ᠨᠠᠷ ᠢ ᠲᠡᠭᠡᠭᠡᠵᠦ ᠲᠥᠷᠥᠭᠰᠡᠨ ᠡᠴᠡ ᠴᠢᠨᠢ ᠬᠣᠢᠰᠢ ᠴᠤ ᠡᠭᠦᠷᠴᠦ ᠪᠠᠢᠭᠰᠠᠨ᠃
4 ᠪᠢ ᠲᠠ ᠨᠠᠷ ᠢ ᠥᠨᠳᠥᠷ ᠨᠠᠰᠤᠲᠠᠢ ᠪᠣᠯᠣᠭᠰᠠᠨ ᠴᠤ ᠲᠡᠭᠡᠵᠦ ᠦᠰᠦ ᠴᠢᠨᠢ ᠪᠤᠭᠤᠷᠤᠯ ᠪᠣᠯᠣᠭᠰᠠᠨ ᠴᠤ ᠠᠴᠢᠵᠤ ᠶᠠᠪᠤᠨᠠ ᠪᠢ ᠪᠦᠲᠦᠭᠡᠭᠰᠡᠨ ᠲᠤᠯᠠ ᠪᠢ ᠡᠭᠦᠷᠦᠨᠡ ᠪᠢ ᠠᠴᠢᠵᠤ᠂ ᠠᠪᠤᠷᠠᠨᠠ᠃
5 ᠲᠠ ᠨᠠᠷ ᠨᠠᠮᠠᠶᠢ ᠬᠡᠨ ᠲᠡᠢ ᠠᠳᠠᠯᠢᠳᠬᠠᠵᠤ᠂ ᠵᠦᠢᠷᠯᠡᠵᠦ᠂ ᠬᠠᠷᠢᠴᠠᠭᠤᠯᠤᠭᠠᠳ ᠠᠳᠠᠯᠢ ᠭᠡᠬᠦ ᠪᠢᠯᠡ︖
6 ᠵᠠᠷᠢᠮ ᠨᠢ ᠠᠯᠲᠠ ᠪᠠᠨ ᠲᠦᠷᠡᠢᠪᠴᠢ ᠡᠴᠡ ᠪᠡᠨ ᠬᠦᠨᠳᠡᠷᠴᠦ ᠮᠥᠩᠭᠥ ᠶᠢ ᠵᠢᠩᠯᠡᠭᠦᠷ ᠢᠶᠡᠷ ᠵᠢᠩᠯᠡᠨ ᠳᠠᠷᠬᠠᠨ ᠢ ᠬᠥᠯᠥᠰᠥᠯᠡᠵᠦ ᠪᠤᠷᠬᠠᠳ ᠬᠢᠯᠭᠡᠭᠡᠳ ᠲᠡᠳᠡᠨ ᠳᠡᠭᠡᠨ ᠪᠥᠬᠥᠢᠵᠦ ᠮᠥᠷᠭᠥᠳᠡᠭ᠃
7 ᠲᠡᠳᠡ ᠲᠡᠭᠦᠨ ᠢ ᠪᠠᠨ ᠮᠥᠷᠥᠨ ᠳᠡᠭᠡᠷᠡ ᠪᠡᠨ ᠡᠭᠦᠷᠴᠦ ᠠᠴᠢᠨᠠ ᠲᠡᠳᠡ ᠲᠡᠭᠦᠨ ᠢ ᠪᠠᠨ ᠪᠠᠢᠷᠢᠨ ᠳᠤᠨᠢ ᠲᠠᠯᠪᠢᠪᠠᠯ ᠲᠡᠷᠡ ᠵᠣᠭᠰᠣᠵᠤ ᠲᠡᠨᠳᠡ ᠡᠴᠡ ᠪᠡᠨ ᠬᠥᠳᠡᠯᠳᠡᠭ ᠦᠭᠡᠢ ᠬᠥᠮᠦᠨ ᠬᠠᠰᠬᠢᠷᠤᠭᠰᠠᠨ ᠴᠤ ᠲᠡᠷᠡ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠬᠦᠴᠢᠷ ᠵᠣᠪᠠᠯᠠᠩ ᠠᠴᠠ ᠨᠢ ᠠᠪᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃
8 ᠲᠠ ᠨᠠᠷ ᠡᠭᠦᠨ ᠢ ᠰᠠᠨᠠᠵᠤ᠂ ᠡᠷᠡ ᠬᠥᠮᠦᠨ ᠰᠢᠭ ᠪᠠᠢ ᠡᠭᠦᠨ ᠳᠦ ᠰᠠᠨᠠᠭᠠ ᠲᠠᠯᠪᠢ᠂ ᠨᠢᠭᠦᠯᠲᠦ ᠬᠥᠮᠦᠰ ᠡ᠂
9 ᠥᠨᠢ ᠡᠷᠲᠡᠨ ᠦ ᠵᠦᠢᠯᠡᠰ ᠢ ᠰᠠᠨᠠ ᠪᠢ ᠪᠣᠯ ᠪᠤᠷᠬᠠᠨ᠂ ᠥᠭᠡᠷᠡ ᠪᠠᠢᠬᠤ ᠦᠭᠡᠢ ᠪᠢ ᠪᠣᠯ ᠪᠤᠷᠬᠠᠨ᠂ ᠨᠠᠳᠠ ᠲᠠᠢ ᠠᠳᠠᠯᠢ ᠨᠢ ᠠᠯᠠᠭᠠ᠃
10 ᠪᠢ ᠪᠣᠯ ᠡᠬᠢᠨ ᠡᠴᠡ ᠡᠴᠦᠰ ᠢ ᠢᠯᠡᠷᠬᠡᠶᠢᠯᠡᠵᠦ ᠡᠷᠲᠡᠨ ᠡᠴᠡ ᠪᠡᠶᠡᠯᠡᠭᠳᠡᠭᠡ ᠦᠭᠡᠢ ᠵᠦᠢᠯᠡᠰ ᠢ ᠢᠯᠡᠷᠬᠡᠶᠢᠯᠡᠭᠴᠢ ᠶᠤᠮ᠃ 《ᠵᠣᠷᠢᠯᠭᠠ ᠮᠢᠨᠢ ᠪᠡᠶᠡᠯᠡᠭᠳᠡᠨᠡ ᠪᠢ ᠲᠠᠭᠠᠯᠠᠳᠠᠭ ᠪᠦᠬᠦᠨ ᠢᠶᠡᠨ ᠦᠢᠯᠡᠳᠦᠨᠡ》 ᠭᠡᠭᠴᠢ ᠶᠤᠮ᠃
11 ᠪᠢ ᠳᠣᠷᠣᠨᠠ ᠵᠦᠭ ᠡᠴᠡ ᠰᠢᠭᠦᠷᠳᠡᠭ ᠰᠢᠪᠠᠭᠤ ᠶᠢ ᠠᠯᠤᠰ ᠤᠨ ᠣᠷᠣᠨ ᠠᠴᠠ ᠵᠣᠷᠢᠯᠭᠠ ᠶᠢ ᠮᠢᠨᠢ ᠭᠦᠢᠴᠡᠳᠬᠡᠬᠦ ᠬᠥᠮᠦᠨ ᠢ ᠳᠠᠭᠤᠳᠠᠵᠤ ᠪᠠᠢᠨᠠ᠂ ᠪᠢ ᠲᠡᠢᠨ ᠬᠦ ᠬᠡᠯᠡᠭᠰᠡᠨ ᠲᠤᠯᠠ ᠲᠡᠢᠨ ᠬᠦ ᠪᠡᠶᠡᠯᠡᠭᠦᠯᠦᠨᠡ ᠲᠡᠢᠨ ᠬᠦ ᠵᠣᠷᠢᠭᠰᠠᠨ ᠲᠤᠯᠠ ᠲᠡᠢᠨ ᠬᠦ ᠦᠢᠯᠡᠳᠦᠨᠡ᠃
12 ᠮᠢᠨᠦᠬᠢ ᠶᠢ ᠰᠣᠨᠣᠰ᠂ ᠵᠥᠷᠢᠭᠦᠳ ᠵᠢᠷᠦᠬᠡᠲᠡᠨ᠂ ᠵᠥᠪ ᠡᠴᠡ ᠬᠣᠯᠠᠳᠠᠭᠴᠢ ᠡ᠂
13 ᠪᠢ ᠵᠥᠪ ᠢᠶᠡᠨ ᠣᠢᠷᠠᠲᠤᠭᠤᠯᠵᠤ ᠪᠠᠢᠨᠠ ᠲᠡᠷᠡ ᠬᠣᠯᠠ ᠪᠢᠰᠢ᠂ ᠠᠪᠤᠷᠠᠯ ᠮᠢᠨᠢ ᠰᠠᠭᠠᠲᠠᠬᠤ ᠦᠭᠡᠢ ᠪᠢ ᠽᠢᠶᠣᠨ ᠳᠤ ᠠᠪᠤᠷᠠᠯ ᠢ ᠠᠪᠴᠢᠷᠠᠵᠤ ᠢᠰᠷᠧᠯ ᠳᠤ ᠠᠯᠳᠠᠷ ᠢᠶᠠᠨ ᠣᠯᠭᠣᠨᠠ᠃