ᠢᠰᠠᠢᠶᠠ ᠳᠥᠴᠢᠨ ᠨᠠᠢ᠌ᠮᠠ
ᠲᠡᠷᠰᠯᠡᠭᠦᠦ ᠠᠷᠠᠳ ᠢ ᠡᠨᠡᠷᠢᠪᠡ
1 ᠡᠭᠦᠨ ᠢ ᠰᠣᠨᠣᠰ᠂ ᠶᠠᠺᠣᠪ ᠤᠨ ᠭᠡᠷ ᠡ︕ ᠢᠰᠷᠧᠯ ᠤᠨ ᠨᠡᠷᠡ ᠪᠡᠷ ᠳᠠᠭᠤᠳᠠᠭᠳᠠᠨ ᠶᠦᠳᠠ ᠶᠢᠨ ᠤᠨᠳᠤᠷᠤᠭᠠ ᠠᠴᠠ ᠭᠠᠷᠤᠨ ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠲᠠᠩ᠋ᠭᠠᠷᠢᠭᠯᠠᠳᠠᠭ ᠠᠲᠠᠯᠠ ᠪᠠᠨ ᠢᠰᠷᠧᠯ ᠤᠨ ᠪᠤᠷᠬᠠᠨ ᠢ ᠦᠨᠡᠨ ᠢᠶᠡᠷ ᠪᠤᠰᠤ᠂ ᠵᠥᠪ ᠢᠶᠡᠷ ᠪᠤᠰᠤ ᠳᠠᠭᠤᠳᠠᠭᠴᠢᠳ ᠡ᠂
2 ᠥᠪᠡᠷᠰᠡᠳ ᠢ ᠪᠠᠨ ᠠᠷᠢᠭᠤᠨ ᠬᠣᠲᠠ ᠶᠢᠨ ᠬᠢᠨ ᠭᠡᠵᠦ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠭᠳᠡᠳᠡᠭ ᠨᠡᠷᠡ ᠲᠠᠢ ᠢᠰᠷᠧᠯ ᠤᠨ ᠪᠤᠷᠬᠠᠨ ᠳᠤ ᠲᠦᠰᠢᠭ᠍ᠴᠢᠳ ᠡ︕
3 ᠡᠷᠲᠡᠨ ᠡᠴᠡ ᠪᠢ ᠶᠠᠭᠤ ᠪᠣᠯᠬᠤ ᠶᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠲᠡᠳᠡᠭᠡᠷ ᠢ ᠠᠮᠠᠨ ᠠᠴᠠ ᠪᠠᠨ ᠭᠠᠷᠭᠠᠨ ᠰᠣᠨᠣᠰᠬᠠᠭᠠᠳ ᠭᠡᠨᠡᠳᠲᠡ ᠭᠦᠢᠴᠡᠳᠬᠡᠬᠦ ᠳᠦ ᠲᠡᠳᠡᠭᠡᠷ ᠨᠢ ᠪᠡᠶᠡᠯᠡᠭᠰᠡᠨ᠂
4 ᠴᠢ ᠵᠥᠷᠢᠭᠦᠳ᠂ ᠬᠦᠵᠦᠭᠦᠦ ᠴᠢᠨᠢ ᠲᠡᠮᠦᠷ ᠰᠢᠷᠪᠥᠰᠥ ᠲᠠᠢ ᠮᠠᠩᠨᠠᠢ ᠴᠢᠨᠢ ᠬᠦᠷᠡᠯ ᠭᠡᠳᠡᠭ ᠢ ᠪᠢ ᠮᠡᠳᠡᠳᠡᠭ ᠲᠤᠯᠠ
5 ᠪᠢ ᠡᠷᠲᠡᠨ ᠡᠴᠡ ᠢᠯᠡᠷᠬᠡᠶᠢᠯᠡᠭᠰᠡᠨ ᠪᠥᠭᠡᠳ ᠪᠡᠶᠡᠯᠡᠭᠦᠯᠬᠦ ᠡᠴᠡ ᠪᠡᠨ ᠡᠮᠦᠨᠡ ᠴᠢᠮᠠ ᠳᠤ ᠮᠡᠳᠡᠭᠦᠯᠦᠭᠰᠡᠨ ᠡᠰᠡ ᠪᠥᠭᠡᠰᠦ ᠴᠢ 〈ᠰᠢᠲᠦᠭᠡᠨ ᠮᠢᠨᠢ ᠡᠳᠡᠭᠡᠷ ᠢ ᠦᠢᠯᠡᠳᠦᠭᠰᠡᠨ ᠰᠡᠢᠯᠦᠮᠡᠯ᠂ ᠴᠢᠳᠬᠤᠮᠠᠯ ᠬᠥᠷᠥᠭ ᠮᠢᠨᠢ ᠡᠳᠡᠭᠡᠷ ᠢ ᠵᠣᠬᠢᠶᠠᠭᠰᠠᠨ〉 ᠭᠡᠬᠦ ᠪᠠᠢᠭᠰᠠᠨ᠃
6 ᠡᠳᠡᠭᠡᠷ ᠢ ᠴᠢ ᠬᠡᠳᠦᠢᠨ ᠰᠣᠨᠣᠰᠣᠭᠰᠠᠨ ᠡᠨᠡ ᠪᠦᠭᠦᠳᠡ ᠶᠢ ᠴᠢ ᠠᠩ᠋ᠬᠠᠷᠤᠯ ᠲᠠᠢ ᠦᠵᠡ ᠬᠠᠷᠢᠨ ᠲᠠ ᠨᠠᠷ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠭᠡᠵᠢ ᠤᠤ︖ ᠡᠨᠡ ᠴᠠᠭ ᠠᠴᠠ ᠡᠬᠢᠯᠡᠨ ᠪᠢ ᠴᠢᠮᠠ ᠳᠤ ᠰᠢᠨᠡ ᠵᠦᠢᠯᠡᠰ ᠢ ᠴᠢᠨᠦ ᠮᠡᠳᠡᠳᠡᠭ ᠦᠭᠡᠢ ᠨᠢᠭᠤᠴᠠ ᠵᠦᠢᠯᠡᠰ ᠢ ᠰᠣᠨᠣᠰᠬᠠᠶᠠ᠃
7 ᠡᠳᠡᠭᠡᠷ ᠨᠢ ᠡᠷᠲᠡᠨ ᠦ ᠬᠢ ᠪᠢᠰᠢ ᠡᠳᠦᠭᠡ ᠪᠤᠢ ᠪᠣᠯᠣᠭᠰᠠᠨ ᠥᠨᠥᠳᠥᠷ ᠡᠴᠡ ᠡᠮᠦᠨᠡ ᠴᠢ ᠡᠳᠡᠭᠡᠷ ᠢ ᠰᠣᠨᠣᠰᠴᠤ ᠪᠠᠢᠭᠠ ᠦᠭᠡᠢ ᠤᠴᠢᠷ ᠠᠴᠠ ᠴᠢ 〈ᠬᠥᠶᠶ᠂ ᠪᠢ ᠮᠡᠳᠡᠳᠡᠭ ᠪᠠᠢᠭᠰᠠᠨ〉 ᠭᠡᠵᠦ ᠬᠡᠯᠡᠵᠦ ᠦᠯᠦ ᠴᠢᠳᠠᠨᠠ᠃
8 ᠴᠢ ᠰᠣᠨᠣᠰᠣᠭᠰᠠᠨ ᠴᠤ ᠦᠭᠡᠢ᠂ ᠣᠢᠯᠠᠭᠠᠭᠰᠠᠨ ᠴᠤ ᠦᠭᠡᠢ ᠴᠢᠬᠢ ᠪᠠᠨ ᠨᠡᠭᠡᠭᠡᠭᠰᠡᠨ ᠴᠤ ᠦᠭᠡᠢ ᠴᠢ ᠪᠣᠯ ᠲᠡᠷᠰᠯᠡᠭᠴᠢ ᠲᠡᠷᠰᠯᠡᠭᠦᠦ ᠭᠡᠳᠡᠭ ᠢ ᠪᠢ ᠮᠡᠳᠡᠵᠦ ᠪᠠᠢᠭᠰᠠᠨ ᠴᠢ ᠬᠡᠪᠡᠯᠢ ᠳᠤ ᠪᠠᠢᠬᠤ ᠦᠶᠡ ᠡᠴᠡ ᠪᠡᠨ ᠤᠷᠪᠠᠭᠴᠢ ᠭᠡᠭᠳᠡᠳᠡᠭ ᠪᠠᠢᠭᠰᠠᠨ᠃
9 ᠭᠡᠪᠡᠴᠦ ᠪᠢ ᠥᠪᠡᠷ ᠦᠨ ᠢᠶᠠᠨ ᠨᠡᠷᠡ ᠶᠢᠨ ᠲᠥᠯᠥᠭᠡ ᠠᠭᠤᠷ ᠢᠶᠠᠨ ᠤᠳᠠᠭᠠᠰᠢᠷᠠᠭᠤᠯᠤᠨᠠ᠂ ᠥᠪᠡᠷ ᠦᠨ ᠢᠶᠠᠨ ᠠᠯᠳᠠᠷ ᠤᠨ ᠲᠥᠯᠥᠭᠡ ᠴᠢᠮᠠᠶᠢ ᠤᠰᠠᠳᠬᠠᠯ ᠦᠭᠡᠢ ᠲᠡᠰᠪᠦᠷᠢᠯᠡᠨᠡ᠃
10 ᠬᠠᠷᠠ᠂ ᠪᠢ ᠴᠢᠮᠠᠶᠢ ᠴᠡᠪᠡᠷᠰᠢᠭᠦᠯᠦᠭᠰᠡᠨ ᠭᠡᠬᠦ ᠳᠡᠭᠡᠨ ᠮᠥᠩᠭᠥ ᠶᠢᠨ ᠠᠳᠠᠯᠢ ᠪᠠᠷ ᠪᠢᠰᠢ᠂ ᠵᠣᠪᠠᠯᠠᠩ ᠤᠨ ᠵᠤᠤᠬᠠ ᠪᠠᠷ ᠰᠣᠷᠢᠭᠰᠠᠨ
11 ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ᠂ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠪᠢ ᠦᠢᠯᠡᠳᠦᠨᠡ᠂ ᠶᠠᠭᠠᠬᠢᠨ ᠭᠤᠲᠤᠭᠠᠭᠳᠠᠵᠤ ᠪᠣᠯᠬᠤ ᠪᠤᠢ︖ ᠠᠯᠳᠠᠷ ᠰᠤᠤ ᠪᠠᠨ ᠪᠢ ᠪᠤᠰᠤᠳ ᠲᠤ ᠥᠭᠬᠦ ᠦᠭᠡᠢ᠃
ᠴᠢᠯᠥᠭᠡᠯᠡᠯᠲᠡ ᠢᠷᠡᠨᠡ
12 ᠮᠢᠨᠦᠬᠢ ᠶᠢ ᠰᠣᠨᠣᠰᠣᠭᠲᠤᠨ᠂ ᠶᠠᠺᠣᠪ ᠡ᠂ ᠮᠢᠨᠦ ᠳᠠᠭᠤᠳᠠᠭᠰᠠᠨ ᠢᠰᠷᠧᠯ ᠡ ᠪᠢ ᠯᠠ ᠲᠡᠷᠡ᠂ ᠪᠢ ᠯᠠ ᠡᠬᠢᠨ᠂ ᠪᠢ ᠯᠠ ᠡᠴᠦᠰ᠃
13 ᠳᠡᠯᠡᠬᠡᠢ ᠶᠢᠨ ᠰᠠᠭᠤᠷᠢ ᠶᠢ ᠮᠢᠨᠦ ᠮᠤᠲᠤᠷ ᠯᠠ ᠲᠠᠯᠪᠢᠭᠰᠠᠨ ᠲᠩᠷᠢ ᠶᠢ ᠮᠢᠨᠦ ᠪᠠᠷᠠᠭᠤᠨ ᠭᠠᠷ ᠳᠡᠯᠭᠡᠭᠰᠡᠨ ᠪᠢ ᠲᠡᠳᠡᠨ ᠢ ᠳᠠᠭᠤᠳᠠᠪᠠᠯ ᠲᠡᠳᠡ ᠬᠠᠮᠲᠤ ᠳᠠᠭᠠᠨ ᠵᠣᠭᠰᠣᠨᠠ᠃
14 ᠲᠠ ᠨᠠᠷ ᠪᠦᠭᠦᠳᠡᠭᠡᠷ ᠢᠶᠡᠨ ᠴᠤᠭᠯᠠᠷᠠᠵᠤ᠂ ᠰᠣᠨᠣᠰᠴᠠᠭᠠ᠂ ᠡᠳᠡᠭᠡᠷ ᠢ ᠲᠡᠳᠡᠨ ᠦ ᠬᠡᠨ ᠨᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠪᠤᠢ︖ ᠶᠣᠬᠣᠸᠠ ᠶᠢᠨ ᠬᠠᠢᠷᠠᠲᠠᠢ ᠨᠢᠭᠡᠨ ᠲᠠᠭᠠᠯᠠᠯ ᠢᠶᠠᠨ ᠪᠠᠪᠢᠯᠣᠨ ᠳᠤ ᠪᠡᠶᠡᠯᠡᠭᠦᠯᠦᠨᠡ ᠨᠢᠳᠤᠷᠭᠠ ᠨᠢ ᠪᠠᠪᠢᠯᠣᠨᠴᠤᠳ ᠤᠨ ᠡᠰᠡᠷᠭᠦ ᠪᠠᠢᠨᠠ᠃
15 ᠪᠢ᠂ ᠪᠢ ᠥᠪᠡᠷ ᠢᠶᠡᠨ ᠬᠡᠯᠡᠵᠦ ᠲᠡᠭᠦᠨ ᠢ ᠳᠠᠭᠤᠳᠠᠨ ᠠᠪᠴᠢᠷᠠᠭᠰᠠᠨ ᠲᠡᠭᠦᠨ ᠦ ᠵᠠᠮ ᠪᠠᠳᠠᠷᠠᠨᠠ᠂
16 ᠲᠠ ᠨᠠᠷ ᠨᠠᠳᠠ ᠳᠤ ᠣᠢᠷᠠᠲᠤᠨ ᠢᠷᠡᠭᠡᠳ ᠰᠣᠨᠣᠰᠴᠠᠭᠠ᠂ ᠡᠬᠢᠨ ᠡᠴᠡ ᠪᠡᠨ ᠪᠢ ᠨᠢᠭᠤᠴᠠ ᠪᠠᠷ ᠶᠠᠷᠢᠭᠠ ᠦᠭᠡᠢ ᠪᠣᠯᠬᠤ ᠴᠠᠭ ᠠᠴᠠ ᠨᠢ ᠪᠢ ᠲᠡᠨᠳᠡ ᠪᠠᠢᠭᠰᠠᠨ ᠡᠳᠦᠭᠡ ᠡᠵᠡᠨ ᠶᠣᠬᠣᠸᠠ ᠪᠣᠯᠣᠨ ᠲᠡᠭᠦᠨ ᠦ ᠰᠦᠨᠡᠰᠦ ᠨᠠᠮᠠᠶᠢ ᠢᠯᠡᠭᠡᠯᠡ᠃
17 ᠴᠢᠨᠦ ᠠᠪᠤᠷᠠᠭᠴᠢ᠂ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠴᠢᠮᠠ ᠳᠤ ᠲᠤᠰᠠᠲᠠᠢ ᠶᠢ ᠰᠤᠷᠭᠠᠭᠴᠢ ᠶᠠᠪᠤᠬᠤ ᠶᠣᠰᠣᠲᠠᠢ ᠵᠠᠮ ᠢᠶᠠᠷ ᠴᠢᠨᠢ ᠵᠠᠮᠴᠢᠯᠠᠭᠴᠢ ᠨᠢ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠢ ᠶᠤᠮ᠃
18 ᠥ᠂ ᠴᠢ ᠲᠤᠰᠢᠶᠠᠯ ᠤᠳ ᠲᠤ ᠮᠢᠨᠢ ᠠᠩ᠋ᠬᠠᠷᠤᠯ ᠲᠠᠯᠪᠢᠳᠠᠭ ᠴᠤ ᠪᠣᠯᠣᠭᠠᠰᠠᠢ ᠲᠡᠭᠡᠪᠡᠯ ᠠᠮᠤᠷ ᠠᠮᠤᠭᠤᠯᠠᠩ ᠴᠢᠨᠢ ᠭᠣᠣᠯ ᠮᠡᠲᠦ ᠵᠥᠪ ᠴᠢᠨᠢ ᠳᠠᠯᠠᠢ ᠶᠢᠨ ᠳᠠᠪᠠᠯᠭᠠᠨ ᠮᠡᠲᠦ ᠪᠠᠢᠬᠤ ᠰᠠᠨ
19 ᠦᠷᠡ ᠤᠳᠤᠮ ᠴᠢᠨᠢ ᠡᠯᠡᠰᠦ ᠮᠡᠲᠦ᠂ ᠦᠷᠡ ᠬᠡᠦᠬᠡᠳ ᠤᠳ ᠴᠢᠨᠢ ᠡᠯᠡᠰᠦᠨ ᠦ ᠮᠥᠬᠥᠯᠢᠭ ᠮᠡᠲᠦ ᠪᠠᠢᠬᠤ ᠰᠠᠨ ᠲᠡᠳᠡᠨ ᠦ ᠨᠡᠷᠡᠰ ᠣᠷᠣᠰᠢᠬᠤᠢ ᠠᠴᠠ ᠮᠢᠨᠢ ᠬᠡᠵᠢᠶᠡ ᠴᠤ ᠲᠠᠰᠤᠯᠤᠭᠳᠠᠬᠤ ᠦᠭᠡᠢ᠂ ᠤᠰᠠᠳᠬᠤ ᠦᠭᠡᠢ ᠪᠠᠢᠬᠤ ᠰᠠᠨ᠃》
20 ᠣᠳᠣ ᠲᠠ ᠨᠠᠷ ᠪᠠᠪᠢᠯᠣᠨ ᠠᠴᠠ ᠭᠠᠷᠴᠤ ᠢᠷᠡ ᠪᠠᠪᠢᠯᠣᠨᠴᠤᠳ ᠠᠴᠠ ᠵᠢᠭᠤᠲᠠ ᠪᠠᠶᠠᠷ ᠤᠨ ᠳᠠᠭᠤ ᠪᠠᠷ ᠲᠤᠩ᠋ᠬᠠᠭᠯᠠᠨ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠬᠦᠷᠲᠡᠯᠡ 《ᠶᠣᠬᠣᠸᠠ ᠵᠠᠷᠤᠴᠠ ᠶᠠᠺᠣᠪ ᠢᠶᠠᠨ ᠵᠣᠯᠢᠨ ᠠᠪᠤᠯᠠ》 ᠭᠡᠵᠦ ᠰᠣᠨᠣᠰᠬᠠᠨ ᠤᠯᠠᠮᠵᠢᠯᠠ᠃
21 ᠶᠣᠬᠣᠸᠠ ᠲᠡᠳᠡᠨ ᠢ ᠴᠥᠯ ᠢᠶᠡᠷ ᠬᠥᠲᠥᠯᠬᠦ ᠳᠦ ᠲᠡᠳᠡ ᠴᠠᠩ᠋ᠭᠠᠭᠰᠠᠨ ᠦᠭᠡᠢ ᠲᠡᠷᠡ ᠲᠡᠳᠡᠨ ᠦ ᠲᠥᠯᠥᠭᠡ ᠬᠠᠳᠠᠨ ᠠᠴᠠ ᠤᠰᠤ ᠤᠷᠤᠰᠬᠠᠵᠤ ᠬᠠᠳᠠ ᠶᠢ ᠬᠠᠭᠠᠯᠤᠨ ᠤᠰᠤ ᠣᠷᠭᠢᠯᠣᠭᠤᠯᠤᠭᠰᠠᠨ᠃
22 ᠬᠠᠷᠢᠨ 《ᠪᠤᠷᠤᠭᠤᠲᠠᠨ ᠳᠤ ᠠᠮᠤᠷ ᠠᠮᠤᠭᠤᠯᠠᠩ ᠪᠠᠢᠬᠤ ᠦᠭᠡᠢ》 ᠭᠡᠵᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃