ᠢᠰᠠᠢᠶᠠ ᠬᠣᠷᠢᠨ ᠨᠠᠢ᠌ᠮᠠ
ᠰᠠᠮᠠᠷᠢᠶᠠ ᠳᠤ ᠪᠠᠭᠤᠬᠤ ᠭᠠᠢ
1 ᠥ᠂ ᠡᠹᠷᠠᠢᠮ ᠤᠨ ᠠᠷᠢᠬᠢᠴᠢᠳ ᠤᠨ ᠶᠡᠬᠡᠮᠰᠦᠭ ᠲᠢᠲᠢᠮ᠂ ᠭᠠᠰᠠᠯᠠᠩᠲᠠᠶᠠ᠂ ᠳᠠᠷᠠᠰᠤᠨ ᠳᠤ ᠠᠪᠲᠠᠭᠰᠠᠳ ᠤᠨ ᠬᠣᠲᠠ ᠦᠷᠡᠵᠢᠯᠲᠦ ᠬᠥᠨᠳᠡᠢ ᠶᠢᠨ ᠳᠡᠭᠡᠷᠡ ᠲᠠᠯᠠ ᠳᠠᠬᠢ ᠦᠵᠡᠰᠬᠦᠯᠡᠩᠲᠦ ᠭᠣᠶᠣ ᠴᠡᠴᠡᠭ ᠭᠤᠨᠳᠠᠵᠤ ᠪᠠᠢᠨᠠ᠂
2 ᠬᠠᠷᠠ᠂ ᠬᠠᠲᠠᠭᠤ᠂ ᠬᠦᠴᠦᠲᠦ ᠨᠢᠭᠡᠨ ᠨᠢ ᠡᠵᠡᠨ ᠳᠦ ᠪᠤᠢ᠂ ᠰᠢᠷᠦᠭᠦᠨ ᠮᠥᠨᠳᠥᠷ᠂ ᠰᠦᠢᠷᠡᠯ ᠦᠨ ᠰᠢᠭᠤᠷᠭᠠ᠂ ᠠᠭᠠᠳᠠᠷ ᠪᠣᠷᠣᠭᠠ᠂ ᠦᠶᠡᠷ ᠦᠨ ᠤᠰᠤ ᠮᠡᠲᠦ ᠲᠡᠷᠡ ᠮᠤᠲᠤᠷ ᠢᠶᠠᠷ ᠢᠶᠠᠨ ᠲᠢᠲᠢᠮ ᠢ ᠭᠠᠵᠠᠷ ᠤᠷᠤᠭᠤ ᠬᠠᠶᠠᠨᠠ᠂
3 ᠡᠹᠷᠠᠢᠮ ᠤᠨ ᠠᠷᠢᠬᠢᠴᠢᠳ ᠤᠨ ᠶᠡᠬᠡᠮᠰᠦᠭ ᠲᠢᠲᠢᠮ ᠬᠥᠯ ᠳᠤ ᠭᠢᠰᠬᠢᠭᠳᠡᠨᠡ᠂
4 ᠦᠷᠡᠵᠢᠯᠲᠦ ᠬᠥᠨᠳᠡᠢ ᠶᠢᠨ ᠳᠡᠭᠡᠷᠡ ᠲᠠᠯᠠ ᠳᠤ ᠪᠠᠢᠭᠠ ᠦᠵᠡᠰᠬᠦᠯᠡᠩ ᠭᠣᠶᠣ ᠪᠣᠯᠪᠠᠴᠤ ᠭᠤᠨᠳᠠᠬᠤ ᠲᠡᠷᠡ ᠴᠡᠴᠡᠭ ᠵᠤᠨ ᠠᠴᠠ ᠡᠮᠦᠨᠡ ᠠᠩᠬᠠ ᠪᠣᠯᠪᠠᠰᠤᠷᠠᠭᠰᠠᠨ ᠢᠨᠵᠢᠷ ᠤᠨ ᠵᠢᠮᠢᠰ ᠮᠡᠲᠦ ᠪᠣᠯᠣᠨᠠ᠂ ᠬᠥᠮᠦᠨ ᠬᠠᠷᠠᠮᠠᠭᠴᠠ ᠪᠠᠨ ᠲᠡᠭᠦᠨ ᠢ ᠲᠡᠭᠦᠵᠦ ᠵᠠᠯᠭᠢᠨᠠ᠃
5 ᠲᠡᠷᠡ ᠡᠳᠦᠷ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠥᠪᠡᠷ ᠢᠶᠡᠨ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠦᠯᠡᠳᠡᠭᠰᠡᠳ ᠲᠦ ᠭᠣᠶᠣ ᠲᠢᠲᠢᠮ᠂ ᠦᠵᠡᠰᠬᠦᠯᠡᠩᠲᠦ ᠬᠡᠯᠬᠢᠶᠡ ᠪᠣᠯᠵᠤ
6 ᠰᠢᠭᠦᠬᠦ ᠭᠠᠵᠠᠷ ᠲᠤ ᠰᠠᠭᠤᠭᠴᠢ ᠳᠤ ᠰᠢᠳᠤᠷᠭᠤ ᠰᠦᠨᠡᠰᠦ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠳᠠᠢᠲᠤᠨ ᠳᠠᠢᠰᠤᠨ ᠢᠶᠠᠨ ᠤᠬᠤᠷᠢᠭᠤᠯᠤᠭᠴᠢᠳ ᠲᠤ ᠬᠦᠴᠦ ᠪᠣᠯᠣᠨᠠ᠃
7 ᠬᠠᠷᠢᠨ ᠡ᠊ᠨᠳᠡᠬᠢ ᠶᠢᠨ ᠬᠢᠨ ᠴᠤ ᠳᠠᠷᠠᠰᠤᠨ ᠳᠤ ᠭᠤᠢᠪᠢᠵᠤ ᠠᠷᠢᠬᠢᠨ ᠳᠤ ᠨᠠᠢᠭᠤᠳᠠᠭ ᠪᠠᠢᠨᠠ ᠲᠠᠬᠢᠯᠴᠢ ᠬᠢᠭᠡᠳ ᠡᠰᠢ ᠦᠵᠡᠭᠦᠯᠦᠭᠴᠢ ᠠᠷᠢᠬᠢᠨ ᠳᠤ ᠭᠤᠢᠪᠢᠵᠤ ᠳᠠᠷᠠᠰᠤᠨ ᠳᠤ ᠠᠪᠲᠠᠭᠳᠠᠭᠰᠠᠨ ᠲᠡᠳᠡ ᠠᠷᠢᠬᠢᠨ ᠳᠤ ᠨᠠᠢᠭᠤᠨ᠂ ᠦᠵᠡᠭᠳᠡᠯ ᠳᠤᠮᠳᠠ ᠴᠤ ᠭᠤᠢᠪᠢᠵᠤ ᠰᠢᠭᠦᠬᠦ ᠳᠦ ᠪᠦᠳᠦᠷᠢᠳᠡᠭ ᠪᠣᠯᠬᠣᠷ
8 ᠰᠢᠷᠡᠭᠡ ᠪᠣᠯᠭᠠᠨ ᠵᠠᠪᠠᠭᠠᠨ ᠪᠥᠭᠡᠯᠵᠢᠰᠦ ᠪᠡᠷ ᠳᠦᠭᠦᠷᠴᠦ ᠴᠡᠪᠡᠷ ᠭᠠᠵᠠᠷ ᠦᠭᠡᠢ ᠪᠣᠯᠵᠤ ᠪᠠᠢᠨᠠ᠃
9 ᠲᠡᠳᠡ᠄ 《ᠡᠨᠡ ᠬᠥᠮᠦᠨ ᠬᠡᠨ ᠳᠦ ᠮᠡᠳᠡᠯᠭᠡ ᠵᠢᠭᠠᠬᠤ ᠭᠡᠵᠦ ᠪᠠᠢᠨᠠ ᠪᠤᠢ︖ ᠲᠡᠷᠡ ᠬᠡᠨ ᠳᠦ ᠮᠡᠳᠡᠭᠡ ᠶᠢ ᠣᠢᠯᠠᠭᠠᠭᠤᠯᠬᠤ ᠭᠡᠵᠦ ᠪᠠᠢᠨᠠ ᠪᠤᠢ︖ ᠰᠦ᠋ ᠡᠴᠡ ᠭᠠᠷᠤᠭᠰᠠᠳ ᠲᠤ ᠤᠤ︖ ᠬᠥᠬᠥᠨ ᠡᠴᠡ ᠰᠠᠯᠤᠭᠰᠠᠳ ᠲᠤ ᠤᠤ︖
10 ᠲᠡᠷᠡ ᠬᠥᠮᠦᠨ᠄ 〈ᠵᠠᠷᠯᠢᠭ ᠳᠡᠭᠡᠷᠡ ᠵᠠᠷᠯᠢᠭ᠂ ᠵᠠᠷᠯᠢᠭ ᠳᠡᠭᠡᠷᠡ ᠵᠠᠷᠯᠢᠭ ᠵᠢᠷᠤᠮ ᠳᠡᠭᠡᠷᠡ ᠵᠢᠷᠤᠮ᠂ ᠵᠢᠷᠤᠮ ᠳᠡᠭᠡᠷᠡ ᠵᠢᠷᠤᠮ ᠡ᠊ᠨᠳᠡ ᠨᠢᠭᠡ ᠵᠢᠭᠠᠬᠠᠨ᠂ ᠲᠡᠨᠳᠡ ᠨᠢᠭᠡ ᠵᠢᠭᠠᠬᠠᠨ〉 ᠭᠡᠵᠦ ᠪᠠᠢᠨᠠ᠃》
11 ᠲᠡᠢᠮᠦ ᠡᠴᠡ ᠪᠤᠷᠬᠠᠨ ᠡᠨᠡ ᠠᠷᠠᠳ ᠲᠦᠮᠡᠨ ᠳᠦ ᠬᠠᠷᠢ ᠶᠢᠨ ᠦᠭᠡ᠂ ᠬᠠᠴᠢᠨ ᠬᠡᠯᠡ ᠪᠡᠷ ᠠᠢᠯᠠᠳᠬᠤ ᠪᠣᠯᠣᠨᠠ᠃
12 ᠤᠷᠢᠳᠤ ᠨᠢ ᠲᠡᠷᠡ᠄ 《ᠠᠮᠠᠷᠠᠯ ᠨᠢ ᠡᠨᠡ᠂ ᠡᠴᠡᠭᠰᠡᠳ ᠢ ᠠᠮᠠᠷᠠᠭᠠ᠂ ᠠᠮᠠᠷᠠᠯᠲᠠ ᠭᠡᠳᠡᠭ ᠨᠢ ᠡᠨᠡ》 ᠭᠡᠰᠡᠨ ᠪᠣᠯᠪᠠᠴᠤ ᠲᠡᠳᠡ ᠰᠣᠨᠣᠰᠬᠤ ᠳᠤᠷᠠ ᠦᠭᠡᠢ ᠪᠠᠢᠯᠠ᠃
13 ᠲᠡᠳᠡᠨ ᠳᠦ ᠲᠠᠭᠠᠷᠠᠬᠤ ᠶᠣᠬᠣᠸᠠ ᠶᠢᠨ ᠦᠭᠡ ᠡᠨᠡ᠂ 〈ᠵᠠᠷᠯᠢᠭ ᠳᠡᠭᠡᠷᠡ ᠵᠠᠷᠯᠢᠭ᠂ ᠵᠠᠷᠯᠢᠭ ᠳᠡᠭᠡᠷᠡ ᠵᠠᠷᠯᠢᠭ ᠵᠢᠷᠤᠮ ᠳᠡᠭᠡᠷᠡ ᠵᠢᠷᠤᠮ᠂ ᠵᠢᠷᠤᠮ ᠳᠡᠭᠡᠷᠡ ᠵᠢᠷᠤᠮ ᠡ᠊ᠨᠳᠡ ᠨᠢᠭᠡ ᠵᠢᠭᠠᠬᠠᠨ᠂ ᠲᠡᠨᠳᠡ ᠨᠢᠭᠡ ᠵᠢᠭᠠᠬᠠᠨ᠂〉 ᠲᠡᠳᠡ ᠶᠠᠪᠤᠬᠤ ᠳᠠᠭᠠᠨ ᠭᠡᠳᠡᠷᠭᠦ ᠬᠠᠨᠲᠠᠷᠤᠨ ᠤᠨᠠᠭᠠᠳ ᠤᠷᠠᠬᠠᠨ ᠳᠤ ᠣᠷᠣᠵᠤ ᠪᠠᠷᠢᠭᠳᠠᠨᠠ᠃
14 ᠲᠡᠢᠮᠦ ᠡᠴᠡ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰᠣᠭᠲᠤᠨ᠂ ᠶᠧᠷᠦ᠋ᠰᠠᠯᠧᠮ ᠳᠤ ᠡᠨᠡ ᠠᠷᠠᠳ ᠲᠦᠮᠡᠨ ᠢ ᠵᠠᠬᠢᠷᠳᠠᠭ ᠳᠣᠷᠣᠮᠵᠢᠯᠠᠭᠴᠢ ᠬᠥᠮᠦᠰ ᠡ
15 ᠲᠠ ᠨᠠᠷ᠄ 《ᠪᠢᠳᠡ ᠦᠬᠦᠯ ᠲᠡᠢ ᠭᠡᠷᠡ ᠬᠢᠵᠦ ᠦᠬᠦᠭᠰᠡᠳ ᠦᠨ ᠣᠷᠣᠨ ᠲᠠᠢ ᠬᠣᠯᠪᠣᠭᠠ ᠪᠠᠢᠭᠤᠯᠤᠭᠰᠠᠨ ᠠᠶᠤᠮᠰᠢᠭᠲᠤ ᠭᠠᠮᠰᠢᠭ ᠳᠠᠭᠠᠷᠢᠭᠰᠠᠨ ᠴᠤ ᠪᠢᠳᠡᠨ ᠳᠦ ᠬᠦᠷᠬᠦ ᠦᠭᠡᠢ ᠤᠴᠢᠷ ᠨᠢ ᠪᠢᠳᠡ ᠬᠤᠳᠠᠯ ᠢ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠢᠶᠠᠨ ᠪᠣᠯᠭᠠᠵᠤ ᠬᠠᠭᠤᠷᠮᠠᠭ ᠢᠶᠠᠷ ᠪᠡᠶᠡ ᠪᠡᠨ ᠳᠠᠯᠳᠠᠯᠠᠭᠰᠠᠨ》 ᠭᠡᠨᠡ᠃
16 ᠲᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠤᠨ᠄ 《ᠬᠠᠷᠠ᠂ ᠪᠢ ᠽᠢᠶᠣᠨ ᠳᠤ ᠨᠢᠭᠡ ᠴᠢᠯᠠᠭᠤ ᠲᠠᠯᠪᠢᠨᠠ ᠲᠡᠷᠡ ᠪᠣᠯ ᠰᠢᠯᠭᠠᠭᠳᠠᠭᠰᠠᠨ᠂ ᠪᠤᠯᠤᠩ ᠤᠨ ᠦᠨᠡᠲᠦ ᠴᠢᠯᠠᠭᠤ ᠪᠥᠭᠡᠳ ᠪᠠᠲᠤ ᠰᠠᠭᠤᠷᠢ ᠪᠣᠯᠬᠤ ᠴᠢᠯᠠᠭᠤ ᠶᠤᠮ ᠲᠡᠭᠦᠨ ᠳᠦ ᠢᠲᠡᠭᠡᠭᠴᠢ ᠨᠢ ᠰᠠᠨᠳᠤᠷᠬᠤ ᠦᠭᠡᠢ᠃
17 ᠪᠢ ᠰᠢᠳᠤᠷᠭᠤ ᠶᠢ ᠬᠡᠮᠵᠢᠭᠦᠷ ᠵᠥᠪ ᠢ ᠡᠭᠴᠡᠯᠡᠭᠦᠷ ᠪᠣᠯᠭᠠᠨᠠ ᠬᠤᠳᠠᠯ ᠤᠨ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠢ ᠮᠥᠨᠳᠥᠷ ᠱᠦᠭᠦᠷᠳᠡᠨ ᠳᠠᠯᠳᠠᠯᠠᠭᠰᠠᠨ ᠭᠠᠵᠠᠷ ᠢ ᠨᠢ ᠦᠶᠡᠷ ᠬᠠᠮᠤᠨᠠ
18 ᠦᠬᠦᠯ ᠲᠡᠢ ᠬᠢᠭᠰᠡᠨ ᠭᠡᠷᠡ ᠴᠢᠨᠢ ᠴᠤᠴᠠᠯᠤᠭᠳᠠᠵᠤ ᠦᠬᠦᠭᠰᠡᠳ ᠦᠨ ᠣᠷᠣᠨ ᠲᠠᠢ ᠪᠠᠢᠭᠤᠯᠤᠭᠰᠠᠨ ᠬᠣᠯᠪᠣᠭᠠ ᠴᠢᠨᠢ ᠬᠦᠴᠦᠨ ᠦᠭᠡᠢ ᠪᠣᠯᠣᠨᠠ ᠠᠶᠤᠮᠰᠢᠭᠲᠤ ᠭᠠᠮᠰᠢᠭ ᠳᠠᠭᠠᠷᠢᠬᠤ ᠳᠤ ᠲᠠ ᠨᠠᠷ ᠭᠢᠰᠬᠢᠭᠳᠡᠨᠡ᠃
19 ᠲᠡᠷᠡ ᠥᠷᠯᠥᠭᠡ ᠥᠷᠯᠥᠭᠡ᠂ ᠡᠳᠦᠷ ᠰᠥᠨᠢ ᠦᠭᠡᠢ ᠥᠩᠭᠡᠷᠡᠬᠦ ᠪᠥᠭᠡᠳ ᠥᠩᠭᠡᠷᠡᠬᠦ ᠪᠣᠯᠭᠠᠨ ᠳᠠᠭᠠᠨ ᠲᠠ ᠨᠠᠷ ᠢ ᠠᠪᠠᠴᠢᠨᠠ》 ᠭᠡᠪᠡ᠃ ᠡᠨᠡ ᠮᠡᠳᠡᠭᠡ ᠶᠢ ᠣᠢᠯᠠᠭᠠᠬᠤ ᠨᠢ ᠦᠨᠡᠬᠡᠷ ᠠᠶᠤᠮᠰᠢᠭ ᠪᠣᠯᠣᠨᠠ᠂
20 ᠬᠡᠪᠲᠡᠬᠦ ᠳᠦ ᠣᠷᠣ ᠨᠢ ᠪᠣᠭᠣᠨᠢᠳᠠᠵᠤ ᠬᠤᠴᠢᠬᠤ ᠳᠤ ᠬᠥᠨᠵᠢᠯᠡ ᠨᠢ ᠪᠠᠭᠠᠳᠠᠨᠠ᠃
21 ᠶᠣᠬᠣᠸᠠ ᠫᠧᠷᠠᠽᠢᠮ ᠠᠭᠤᠯᠠᠨ ᠳᠡᠭᠡᠷᠡ ᠪᠣᠰᠣᠭᠰᠠᠨ ᠰᠢᠭ᠋ ᠪᠣᠰᠴᠤ ᠭᠢᠪᠧᠶᠣᠨ ᠤ ᠬᠥᠨᠳᠡᠢ ᠳᠦ ᠬᠢᠯᠢᠩᠨᠡᠭᠰᠡᠨ ᠰᠢᠭ ᠬᠢᠯᠢᠩᠨᠡᠨ ᠥᠪᠡᠷ ᠦᠨ ᠢᠶᠠᠨ ᠰᠣᠳᠣᠨ ᠦᠢᠯᠡ ᠶᠢ ᠦᠢᠯᠡᠳᠦᠨᠡ ᠥᠪᠡᠷ ᠦᠨ ᠢᠶᠠᠨ ᠰᠣᠨᠢᠨ ᠠᠵᠢᠯ ᠢ ᠬᠢᠨᠡ᠃
22 ᠡᠳᠦᠭᠡ ᠲᠠ ᠨᠠᠷ ᠡᠯᠡᠭᠯᠡᠬᠦ ᠪᠡᠨ ᠪᠣᠯᠢ᠂ ᠡᠰᠡ ᠲᠡᠭᠡᠪᠡᠯ ᠭᠢᠨᠵᠢ ᠴᠢᠨᠢ ᠴᠢᠩ᠋ᠭᠠᠷᠠᠨᠠ ᠪᠦᠬᠦ ᠭᠠᠵᠠᠷ ᠢ ᠤᠰᠠᠳᠬᠠᠬᠤ ᠪᠠᠷ ᠰᠢᠢᠳᠦᠭᠰᠡᠨ ᠢ ᠨᠢ ᠪᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠴᠠ ᠰᠣᠨᠣᠰᠪᠠ᠃
23 ᠲᠠ ᠨᠠᠷ ᠴᠢᠬᠢ ᠲᠠᠯᠪᠢᠵᠤ ᠳᠠᠭᠤ ᠶᠢ ᠮᠢᠨᠢ ᠰᠣᠨᠣᠰᠴᠠᠭᠠ ᠠᠩ᠋ᠬᠠᠷᠤᠯ ᠲᠠᠯᠪᠢᠨ ᠶᠠᠷᠢᠶᠠ ᠶᠢ ᠮᠢᠨᠢ ᠰᠣᠨᠣᠰᠴᠠᠭᠠ᠃
24 ᠦᠷᠡ ᠰᠠᠴᠤᠬᠤ ᠪᠠᠷ ᠭᠠᠵᠠᠷ ᠬᠠᠭᠠᠯᠤᠭᠴᠢ ᠨᠢ ᠡᠳᠦᠷᠵᠢᠨ ᠬᠠᠭᠠᠯᠤᠭᠰᠠᠭᠠᠷ ᠪᠠᠢᠬᠤ ᠤᠤ︖ ᠦᠷᠭᠦᠯᠵᠢ ᠭᠠᠵᠠᠷ ᠤᠬᠤᠨ ᠨᠠᠷᠬᠠᠳᠠᠭᠠᠳ ᠪᠠᠢᠬᠤ ᠤᠤ︖
25 ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠶᠢ ᠨᠢ ᠲᠡᠭᠰᠢᠯᠡᠭᠰᠡᠨ ᠪᠣᠯ ᠵᠣᠷᠭᠣᠳᠠᠰᠤ ᠲᠠᠷᠢᠵᠤ᠂ ᠵᠣᠷᠭᠣᠳᠠᠰᠤ ᠰᠠᠴᠤᠳᠠᠭ ᠪᠢᠰᠢ ᠤᠤ︖ ᠪᠤᠭᠤᠳᠠᠢ ᠶᠢ ᠱᠠᠩ ᠢᠶᠠᠷ᠂ ᠠᠷᠪᠠᠢ ᠶᠢ ᠭᠠᠵᠠᠷ ᠲᠤᠨᠢ ᠬᠥᠬᠡ ᠲᠠᠷᠢᠶᠠ ᠶᠢ ᠲᠠᠯᠠᠪᠠᠢ ᠳᠡᠭᠡᠷᠡ ᠨᠢ ᠲᠠᠷᠢᠳᠠᠭ ᠪᠢᠰᠢ ᠤᠤ︖
26 ᠲᠡᠭᠦᠨ ᠦ ᠪᠤᠷᠬᠠᠨ ᠵᠣᠬᠢᠰᠲᠠᠢ ᠠᠷᠭᠠ ᠪᠠᠷ ᠲᠡᠭᠦᠨ ᠳᠦ ᠵᠢᠭᠠᠨ ᠰᠤᠷᠭᠠᠳᠠᠭ᠃
27 ᠵᠣᠷᠭᠣᠳᠠᠰᠤ ᠶᠢ ᠲᠡᠭᠡᠷᠮᠡᠳᠡᠳᠡᠭ᠌ ᠦᠭᠡᠢ ᠵᠣᠷᠭᠣᠳᠠᠰᠤ ᠳᠡᠭᠡᠭᠦᠷ ᠲᠡᠷᠭᠡᠨ ᠦ ᠳᠤᠭᠤᠢ ᠥᠩᠬᠥᠷᠢᠳᠡᠭ ᠦᠭᠡᠢ ᠵᠣᠷᠭᠣᠳᠠᠰᠤ ᠶᠢ ᠰᠠᠪᠠᠭᠠ ᠪᠠᠷ ᠵᠣᠷᠭᠣᠳᠠᠰᠤ ᠶᠢ ᠰᠢᠳᠠᠮ ᠢᠶᠠᠷ ᠴᠣᠬᠢᠳᠠᠭ᠃
28 ᠪᠣᠣᠪᠣ ᠬᠢᠶᠡ ᠭᠡᠪᠡᠯ ᠠᠮᠤ ᠶᠢ ᠨᠤᠨᠲᠠᠭᠯᠠᠬᠤ ᠬᠡᠷᠡᠭᠲᠡᠢ ᠦᠷᠭᠦᠯᠵᠢ ᠲᠡᠭᠦᠨ ᠢ ᠴᠠᠢᠷᠠᠭᠤᠯᠤᠭᠠᠳ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠲᠡᠷᠭᠡᠨ ᠬᠦᠷᠳᠦ ᠶᠢ ᠲᠡᠭᠦᠨ ᠦ ᠳᠡᠭᠡᠭᠦᠷ ᠥᠩᠬᠥᠷᠢᠭᠦᠯᠳᠡᠭ ᠪᠣᠯᠪᠠᠴᠤ ᠮᠣᠷᠢ ᠲᠡᠭᠦᠨ ᠢ ᠨᠤᠨᠲᠠᠭᠯᠠᠳᠠᠭ ᠪᠢᠰᠢ᠃
29 ᠡᠨᠡ ᠨᠢ ᠪᠠᠰᠠ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠴᠠ ᠭᠠᠷᠤᠭᠰᠠᠨ ᠵᠥᠪᠯᠡᠯᠭᠡ ᠨᠢ ᠭᠠᠢᠬᠠᠮᠰᠢᠭᠲᠠᠢ᠂ ᠴᠡᠴᠡᠨ ᠤᠬᠠᠭᠠᠨ ᠨᠢ ᠠᠭᠤᠤ ᠪᠢᠯᠡ᠃