ᠢᠰᠠᠢᠶᠠ ᠳᠥᠴᠢᠨ ᠳᠥᠷᠪᠡ
ᠰᠦᠨᠡᠰᠦᠨ ᠦ ᠴᠢᠳᠬᠤᠯᠲᠠ
1 ᠮᠢᠨᠦ ᠵᠠᠷᠤᠴᠠ ᠶᠠᠺᠣᠪ ᠡ ᠮᠢᠨᠦ ᠰᠣᠩ᠋ᠭᠣᠭᠰᠠᠨ ᠢᠰᠷᠧᠯ ᠡ᠂ ᠣᠳᠣ ᠰᠣᠨᠣᠰᠣᠭᠲᠤᠨ᠂
2 ᠴᠢᠮᠠᠶᠢ ᠪᠦᠲᠦᠭᠡᠵᠦ᠂ ᠴᠢᠮᠠᠶᠢ ᠡᠬᠡ ᠶᠢᠨ ᠬᠡᠪᠡᠯᠢ ᠡᠴᠡ ᠬᠡᠯᠪᠡᠷᠢᠵᠢᠭᠦᠯᠦᠭᠰᠡᠨ ᠶᠣᠬᠣᠸᠠ᠂ ᠴᠢᠮᠠ ᠳᠤ ᠲᠤᠰᠠᠯᠠᠬᠤ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠦᠦ ᠠᠶᠤ᠂ ᠮᠢᠨᠦ ᠵᠠᠷᠤᠴᠠ ᠶᠠᠺᠣᠪ ᠡ ᠮᠢᠨᠦ ᠰᠣᠩ᠋ᠭᠣᠭᠰᠠᠨ ᠶᠧᠱᠦ᠋ᠷᠣᠨ ᠡ᠂
3 ᠪᠢ ᠴᠠᠩ᠋ᠭᠠᠭᠠ ᠲᠠᠢ ᠶᠢᠨ ᠬᠢᠨᠢ ᠳᠡᠭᠡᠷᠡ ᠤᠰᠤ ᠶᠢ ᠬᠠᠭᠤᠷᠠᠢ ᠶᠢᠨ ᠬᠢᠨᠢ ᠳᠡᠭᠡᠷᠡ ᠤᠷᠤᠰᠬᠠᠯ ᠢ ᠴᠢᠳᠬᠤᠨᠠ᠂ ᠪᠢ ᠦᠷᠡ ᠬᠣᠢᠴᠢ ᠶᠢᠨ ᠴᠢᠨᠢ ᠳᠡᠭᠡᠷᠡ ᠥᠪᠡᠷ ᠦᠨ ᠢᠶᠠᠨ ᠰᠦᠨᠡᠰᠦ ᠶᠢ ᠦᠷᠡ ᠬᠡᠦᠬᠡᠳ ᠦᠨ ᠴᠢᠨᠢ ᠳᠡᠭᠡᠷᠡ ᠥᠪᠡᠷ ᠦᠨ ᠢᠶᠠᠨ ᠢᠷᠥᠭᠡᠯ ᠢ ᠴᠢᠳᠬᠤᠨᠠ᠂
4 ᠲᠡᠳᠡ ᠡᠪᠡᠰᠦ ᠨᠣᠭᠣᠭᠠ ᠶᠢᠨ ᠳᠣᠲᠣᠷᠠ ᠠᠴᠠ ᠤᠷᠤᠰᠬᠠᠯ ᠤᠰᠤᠨ ᠤ ᠬᠠᠵᠠᠭᠤ ᠳᠠᠬᠢ ᠤᠳᠠ ᠮᠣᠳᠣ ᠮᠡᠲᠦ ᠤᠷᠭᠤᠵᠤ᠂
5 ᠨᠢᠭᠡ ᠨᠢ᠄ 〈ᠪᠢ ᠶᠣᠬᠣᠸᠠ ᠶᠢᠨ ᠬᠢ〉 ᠭᠡᠵᠦ ᠨᠥᠭᠥᠭᠡ ᠨᠢ ᠶᠠᠺᠣᠪ ᠤᠨ ᠨᠡᠷᠡ ᠪᠡᠷ ᠥᠪᠡᠷ ᠢ ᠪᠠᠨ ᠨᠡᠷᠡᠯᠡᠵᠦ ᠥᠭᠡᠷᠡ ᠨᠢᠭᠡ ᠨᠢ ᠭᠠᠷ ᠳᠡᠭᠡᠷᠡ ᠪᠡᠨ᠄ 〈ᠶᠣᠬᠣᠸᠠ ᠶᠢᠨ ᠬᠢ〉 ᠭᠡᠵᠦ ᠪᠢᠴᠢᠨ ᠢᠰᠷᠧᠯ ᠤᠨ ᠨᠡᠷᠡ ᠪᠡᠷ ᠳᠠᠭᠤᠳᠠᠭᠤᠯᠤᠨᠠ᠃》
ᠠᠮᠢ ᠦᠭᠡᠢ ᠰᠢᠲᠦᠭᠡᠨ ᠨᠦᠭᠦᠳ
6 ᠢᠰᠷᠧᠯ ᠤᠨ ᠬᠠᠭᠠᠨ᠂ ᠲᠡᠭᠦᠨ ᠢ ᠵᠣᠯᠢᠭᠴᠢ ᠶᠣᠬᠣᠸᠠ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠪᠣᠯ ᠡᠬᠢᠨ᠂ ᠪᠢ ᠪᠣᠯ ᠡᠴᠦᠰ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠨ ᠭᠡᠵᠦ ᠦᠭᠡᠢ᠃
7 ᠬᠡᠨ ᠨᠠᠳᠠ ᠲᠠᠢ ᠠᠳᠠᠯᠢ ᠪᠠᠢᠨᠠ︖ ᠲᠡᠷᠡ ᠲᠤᠩ᠋ᠬᠠᠭᠯᠠᠭ ᠥᠨᠢ ᠡᠷᠲᠡ ᠪᠢ ᠠᠷᠠᠳ ᠲᠦᠮᠡᠨ ᠢᠶᠡᠨ ᠲᠣᠮᠢᠯᠠᠭᠰᠠᠨ ᠠᠴᠠ ᠬᠣᠢᠰᠢ ᠶᠠᠭᠤ ᠪᠣᠯᠵᠤ ᠪᠠᠢᠭᠰᠠᠨ ᠢ ᠮᠢᠨᠦ ᠡᠮᠦᠨᠡ ᠲᠣᠳᠣᠷᠬᠠᠢᠯᠠᠵᠤ ᠢᠯᠡᠷᠬᠡᠶᠢᠯᠡᠭ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠶᠢ᠂ ᠶᠠᠭᠤ ᠪᠣᠯᠬᠤ ᠶᠢ ᠴᠤ ᠢᠯᠡᠷᠬᠡᠶᠢᠯᠡᠭ᠃
8 ᠲᠠ ᠨᠠᠷ ᠪᠦᠦ ᠰᠦᠷᠳᠡ᠂ ᠪᠦᠦ ᠰᠠᠨᠳᠤᠷ᠂ ᠡᠷᠲᠡᠨ ᠡᠴᠡ ᠪᠢ ᠴᠢᠮᠠ ᠳᠤ ᠡᠭᠦᠨ ᠢ ᠰᠣᠨᠣᠰᠬᠠᠵᠤ᠂ ᠢᠯᠡᠷᠬᠡᠶᠢᠯᠡᠭᠰᠡᠨ ᠪᠢᠰᠢ ᠤᠤ︖ ᠲᠠ ᠨᠠᠷ ᠪᠣᠯ ᠮᠢᠨᠦ ᠭᠡᠷᠡᠴᠢ ᠶᠤᠮ᠂ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠨ ᠭᠡᠵᠦ ᠪᠠᠢᠨᠠ ᠤᠤ︖ ᠦᠭᠡᠢ᠂ ᠥᠭᠡᠷᠡ ᠬᠠᠳᠠ ᠦᠭᠡᠢ ᠥᠭᠡᠷᠡ ᠬᠡᠨ ᠢ ᠴᠤ ᠪᠢ ᠮᠡᠳᠡᠳᠡᠭ ᠦᠭᠡᠢ᠃》
9 ᠬᠥᠷᠥᠭ ᠦᠢᠯᠡᠳᠦᠭᠴᠢ ᠪᠦᠭᠦᠳᠡ ᠬᠣᠭᠣᠰᠣᠨ᠃ ᠲᠠᠭᠠᠯᠠᠳᠠᠭ ᠵᠦᠢᠯᠡᠰ ᠨᠢ ᠬᠡᠷᠡᠭ ᠦᠭᠡᠢ᠂ ᠲᠡᠳᠡᠭᠡᠷ ᠢ ᠥᠮᠥᠭᠯᠡᠭᠴᠢ ᠨᠢ ᠥᠪᠡᠷ ᠢᠶᠡᠨ ᠴᠤ ᠬᠠᠷᠠᠭᠠ ᠦᠭᠡᠢ᠂ ᠮᠡᠳᠡᠭᠡ ᠦᠭᠡᠢ ᠪᠣᠯᠬᠣᠷ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠪᠣᠯᠣᠨᠠ᠃ 10 ᠬᠡᠷᠡᠭ ᠦᠭᠡᠢ ᠪᠤᠷᠬᠠᠳ᠂ ᠴᠢᠳᠬᠤᠮᠠᠯ ᠰᠢᠲᠦᠭᠡᠨ ᠢ ᠬᠡᠨ ᠦᠢᠯᠡᠳᠳᠡᠭ ᠪᠤᠢ︖ 11 ᠬᠠᠷᠠ᠂ ᠲᠡᠳᠡᠨ ᠦ ᠬᠠᠮᠰᠠᠭᠠᠲᠠᠨ ᠪᠦᠭᠦᠳᠡᠭᠡᠷ ᠢᠶᠡᠨ ᠢᠴᠢᠬᠦ ᠪᠣᠯᠣᠨᠠ᠂ ᠳᠠᠷᠬᠠᠳ ᠨᠢ ᠴᠤ ᠬᠥᠮᠦᠨ ᠯᠠ ᠶᠤᠮ᠂ ᠲᠡᠳᠡ ᠪᠦᠭᠦᠳᠡ ᠴᠤᠭᠯᠠᠷᠠᠵᠤ ᠵᠣᠭᠰᠣᠭ᠂ ᠲᠡᠳᠡ ᠲᠦᠭᠰᠢᠵᠦ᠂ ᠪᠦᠭᠦᠳᠡᠭᠡᠷ ᠢᠶᠡᠨ ᠢᠴᠢᠬᠦ ᠪᠣᠯᠣᠨᠠ᠃
12 ᠲᠡᠮᠦᠷ ᠦᠨ ᠳᠠᠷᠬᠠᠨ ᠪᠠᠭᠠᠵᠢ ᠪᠠᠷᠢᠨ᠂ ᠲᠡᠮᠦᠷ ᠢᠶᠡᠨ ᠨᠡᠭᠦᠷᠡᠰᠦᠨ ᠳᠡᠭᠡᠷᠡ ᠳᠠᠪᠲᠠᠵᠤ᠂ ᠠᠯᠤᠬᠠ ᠪᠠᠷ ᠬᠡᠯᠪᠡᠷᠢᠵᠢᠭᠦᠯᠦᠨ᠂ ᠭᠠᠷ ᠤᠨ ᠢᠶᠠᠨ ᠬᠦᠴᠦ ᠪᠡᠷ ᠰᠢᠲᠦᠭᠡᠨ ᠦᠢᠯᠡᠳᠳᠡᠭ᠃ ᠲᠡᠷᠡ ᠪᠠᠰᠠ ᠥᠯᠥᠰᠴᠦ ᠲᠠᠮᠢᠷᠳᠠᠨᠠ᠂ ᠤᠰᠤ ᠤᠮᠳᠠ ᠦᠭᠡᠢ ᠪᠣᠯ ᠶᠠᠳᠠᠷᠠᠨᠠ᠃ 13 ᠮᠣᠳᠣᠨ ᠳᠠᠷᠬᠠᠨ ᠱᠤᠭᠤᠮ ᠲᠠᠲᠠᠵᠤ᠂ ᠴᠣᠬᠣᠢ ᠪᠠᠷ ᠲᠡᠮᠳᠡᠭ ᠲᠠᠯᠪᠢᠵᠤ᠂ ᠬᠠᠷᠤᠭᠤᠯ ᠢᠶᠠᠷ ᠥᠭᠡᠯᠡᠵᠦ᠂ ᠭᠣᠷᠲᠢᠭ ᠢᠶᠠᠷ ᠲᠡᠮᠳᠡᠭ ᠲᠠᠯᠪᠢᠵᠤ᠂ ᠬᠥᠮᠦᠨ ᠦ ᠠᠯᠳᠠᠷ ᠪᠦᠬᠦᠢ ᠬᠥᠮᠦᠨ ᠳᠦᠷᠰᠦᠲᠡᠨ ᠢ ᠬᠢᠵᠦ ᠳᠤᠭᠠᠩ ᠳᠤ ᠲᠠᠯᠪᠢᠳᠠᠭ᠃ 14 ᠡᠭᠦᠨ ᠦ ᠲᠥᠯᠥᠭᠡ ᠲᠡᠷᠡ ᠪᠡᠷ ᠬᠤᠱᠢ ᠮᠣᠳᠣ ᠶᠢ ᠳᠠᠭᠠᠷᠢᠳᠠᠭ᠂ ᠨᠠᠷᠠᠰᠤ᠂ ᠴᠠᠷᠠᠰᠤ ᠶᠢ ᠰᠣᠩ᠋ᠭᠣᠵᠤ ᠣᠢ ᠶᠢᠨ ᠮᠣᠳᠣᠳ ᠤᠨ ᠳᠤᠮᠳᠠ ᠤᠷᠭᠤᠭᠤᠯᠳᠠᠭ᠂ ᠡᠰᠡᠪᠡᠯ ᠬᠤᠱᠢ ᠮᠣᠳᠣ ᠲᠠᠷᠢᠵᠤ ᠬᠤᠷᠠ ᠪᠣᠷᠣᠭᠠᠨ ᠢᠶᠠᠷ ᠤᠷᠭᠤᠭᠤᠯᠳᠠᠭ᠃ 15 ᠲᠡᠳᠡᠭᠡᠷ ᠨᠢ ᠬᠥᠮᠦᠨ ᠦ ᠲᠦᠯᠡᠰᠢ ᠴᠤ ᠪᠣᠯᠳᠠᠭ᠃ ᠬᠥᠮᠦᠨ ᠵᠠᠷᠢᠮ ᠢ ᠨᠢ ᠠᠪᠴᠤ ᠪᠡᠶᠡ ᠪᠡᠨ ᠳᠤᠯᠠᠭᠠᠴᠠᠭᠤᠯᠵᠤ᠂ ᠭᠠᠯ ᠥᠷᠳᠡᠨ ᠪᠣᠣᠪᠣ ᠬᠢᠬᠦ ᠶᠢᠨ ᠬᠠᠵᠠᠭᠤ ᠪᠠᠷ ᠪᠤᠷᠬᠠᠳ ᠬᠢᠵᠦ᠂ ᠲᠡᠭᠦᠨ ᠳᠡᠭᠡᠨ ᠮᠥᠷᠭᠥᠳᠡᠭ᠂ ᠪᠠᠰᠠ ᠰᠢᠲᠦᠭᠡᠨ ᠦᠢᠯᠡᠳᠴᠦ ᠲᠡᠭᠦᠨ ᠦ ᠪᠠᠨ ᠡᠮᠦᠨᠡ ᠪᠥᠬᠥᠢᠳᠡᠭ᠃ 16 ᠬᠠᠭᠠᠰ ᠢᠶᠠᠷ ᠨᠢ ᠲᠡᠷᠡ ᠭᠠᠯ ᠲᠦᠯᠡᠵᠦ᠂ ᠡᠭᠦᠪᠡᠷ ᠪᠠᠰᠠ ᠮᠢᠬᠠ ᠰᠢᠷᠠᠭᠠᠳ᠂ ᠴᠠᠳᠲᠠᠯᠠ ᠪᠠᠨ ᠢᠳᠡᠳᠡᠭ᠂ ᠪᠠᠰᠠ 〈ᠳᠤᠯᠠᠭᠠᠬᠠᠨ ᠪᠠᠢᠨᠠ᠂ ᠪᠢ ᠭᠠᠯ ᠦᠵᠡᠯᠡ〉 ᠭᠡᠳ ᠪᠡᠶᠡ ᠪᠡᠨ ᠳᠤᠯᠠᠭᠠᠴᠠᠳᠠᠭ᠃ 17 ᠬᠠᠷᠢᠨ ᠦᠯᠡᠳᠡᠪᠦᠷᠢ ᠪᠠᠷ ᠨᠢ ᠲᠡᠷᠡ ᠬᠥᠷᠥᠭ᠂ ᠪᠤᠷᠬᠠᠳ ᠬᠢᠵᠦ᠂ ᠲᠡᠭᠦᠨ ᠦ ᠪᠠᠨ ᠡᠮᠦᠨᠡ ᠪᠥᠬᠥᠢᠨ ᠮᠥᠷᠭᠥᠵᠦ᠂ ᠲᠡᠭᠦᠨ ᠳᠡᠭᠡᠨ ᠳᠠᠭᠠᠳᠬᠠᠨ᠄ 《ᠲᠠ ᠪᠣᠯ ᠮᠢᠨᠦ ᠪᠤᠷᠬᠠᠨ᠂ ᠨᠠᠮᠠᠶᠢ ᠠᠪᠤᠷᠠᠭᠠᠴᠢ》 ᠭᠡᠨᠡ᠃
18 ᠲᠡᠳᠡ ᠮᠡᠳᠡᠳᠡᠭ ᠦᠭᠡᠢ᠂ ᠣᠢᠯᠠᠭᠠᠳᠠᠭ ᠦᠭᠡᠢ᠃ ᠨᠢᠳᠦ ᠨᠢ ᠪᠦᠲᠡᠭᠡᠭᠳᠡᠭᠰᠡᠨ ᠲᠤᠯᠠ ᠬᠠᠷᠠᠵᠤ ᠴᠢᠳᠠᠳᠠᠭ ᠦᠭᠡᠢ᠂ ᠰᠠᠨᠠᠭᠠ ᠨᠢ ᠪᠦᠳᠡᠭᠢ ᠪᠣᠯᠬᠣᠷ ᠤᠬᠠᠭᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃ 19 ᠲᠡᠳᠡ ᠪᠣᠳᠣᠯ ᠢᠶᠠᠨ ᠡᠷᠭᠢᠭᠦᠯᠳᠡᠭ ᠦᠭᠡᠢ᠂ ᠮᠡᠳᠡᠯᠭᠡ ᠦᠭᠡᠢ᠂ ᠣᠢᠯᠠᠭᠠᠯᠲᠠ ᠴᠤ ᠦᠭᠡᠢ ᠪᠣᠯᠬᠣᠷ 《ᠪᠢ ᠡᠭᠦᠨ ᠦ ᠬᠠᠭᠠᠰ ᠢ ᠭᠠᠯ ᠳᠤ ᠲᠦᠯᠡᠭᠰᠡᠨ᠂ ᠨᠡᠭᠦᠷᠡᠰᠦᠨ ᠳᠡᠭᠡᠷᠡ ᠨᠢ ᠪᠣᠣᠪᠣ ᠬᠢᠵᠦ᠂ ᠮᠢᠬᠠ ᠰᠢᠷᠠᠵᠤ ᠢᠲᠠᠯᠠ᠂ ᠦᠯᠡᠳᠡᠭᠰᠡᠨ ᠢᠶᠡᠷ ᠨᠢ ᠪᠢ 〈ᠵᠢᠭᠰᠢᠭᠦᠷᠢ 18 〉 ᠶᠢ ᠪᠦᠲᠦᠭᠡᠵᠦ᠂ ᠡᠨᠡ ᠮᠣᠳᠣᠨ ᠲᠠᠭᠠᠷᠢᠳᠠᠰᠤᠨ ᠤ ᠡᠮᠦᠨᠡ ᠮᠥᠷᠭᠥᠶᠡ》 ᠭᠡᠨᠡ᠂ 20 ᠲᠡᠷᠡ ᠦᠨᠡᠰᠦ ᠪᠡᠷ ᠬᠦᠨᠡᠰᠦ ᠪᠣᠯᠭᠠᠵᠤ ᠪᠠᠢᠨᠠ︕ ᠮᠡᠬᠡᠯᠡᠭᠳᠡᠭᠰᠡᠨ ᠰᠡᠳᠬᠢᠯ ᠨᠢ ᠡᠵᠡᠨ ᠢᠶᠡᠨ ᠲᠥᠭᠡᠷᠢᠭᠦᠯᠵᠡᠢ᠃ ᠲᠡᠷᠡ ᠠᠮᠢ ᠪᠠᠨ ᠠᠪᠤᠷᠠᠵᠤ ᠦᠯᠦ ᠴᠢᠳᠠᠨᠠ᠂ ᠲᠡᠷᠡ 《ᠪᠠᠷᠠᠭᠤᠨ ᠭᠠᠷ ᠲᠤ ᠮᠢᠨᠢ ᠪᠠᠢᠭᠠ ᠶᠠᠭᠤᠮᠠ ᠬᠠᠭᠤᠷᠮᠠᠭ ᠪᠢᠰᠢ ᠤᠤ︖》 ᠭᠡᠵᠦ ᠪᠣᠳᠣᠵᠤ ᠴᠢᠳᠠᠳᠠᠭ ᠦᠭᠡᠢ᠃
21 《ᠴᠢ ᠮᠢᠨᠦ ᠵᠠᠷᠤᠴᠠ ᠭᠡᠳᠡᠭ ᠢᠶᠡᠨ ᠰᠠᠨᠠᠵᠤ ᠶᠠᠪᠤ᠂ ᠶᠠᠺᠣᠪ ᠡ᠂ ᠪᠢ ᠴᠢᠮᠠᠶᠢ ᠪᠦᠲᠦᠭᠡᠭᠰᠡᠨ᠂ ᠢᠰᠷᠧᠯ ᠡ᠂ ᠴᠢ ᠮᠢᠨᠦ ᠵᠠᠷᠤᠴᠠ ᠪᠢ ᠴᠢᠮᠠᠶᠢ ᠮᠠᠷᠲᠠᠬᠤ ᠦᠭᠡᠢ᠂ ᠢᠰᠷᠧᠯ ᠡ᠂
22 ᠥᠳᠬᠡᠨ ᠡᠭᠦᠯᠡ ᠮᠡᠲᠦ ᠭᠡᠮ ᠢ ᠴᠢᠨᠢ ᠥᠷᠯᠥᠭᠡᠨ ᠦ ᠮᠠᠨᠠᠨ ᠮᠡᠲᠦ ᠨᠢᠭᠦᠯ ᠢ ᠴᠢᠨᠢ ᠪᠢ ᠠᠷᠢᠯᠭᠠᠭᠰᠠᠨ ᠴᠢ ᠨᠠᠳᠠ ᠤᠷᠤᠭᠤ ᠡᠷᠭᠢ ᠪᠢ ᠴᠢᠮᠠᠶᠢ ᠵᠣᠯᠢᠵᠤ ᠠᠪᠤᠭᠰᠠᠨ᠃》
23 ᠶᠣᠬᠣᠸᠠ ᠡᠭᠦᠨ ᠢ ᠬᠢᠭᠰᠡᠨ᠂ ᠳᠠᠭᠤᠯᠠᠭᠲᠤᠨ᠂ ᠲᠩᠷᠢ ᠡ᠂ ᠳᠠᠭᠤ ᠪᠠᠨ ᠥᠨᠳᠥᠷᠰᠡᠭᠡ᠂ ᠳᠣᠣᠷᠠ ᠳᠡᠯᠡᠬᠡᠢ ᠡ᠂ ᠶᠣᠬᠣᠸᠠ ᠶᠠᠺᠣᠪ ᠢ ᠠᠪᠤᠷᠠᠭᠰᠠᠨ᠂ ᠢᠰᠷᠧᠯ ᠳᠤ ᠲᠡᠷᠡ ᠠᠯᠳᠠᠷᠰᠢᠬᠤ ᠪᠣᠯᠣᠨᠠ᠂ ᠤᠤᠬᠠᠢᠯᠠᠨ ᠳᠠᠭᠤᠯᠠᠭᠲᠤᠨ᠂ ᠠᠭᠤᠯᠠᠰ᠂ ᠣᠢ ᠬᠢᠭᠡᠳ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠬᠦ ᠮᠣᠳᠣ ᠡ᠃
ᠰᠡᠷᠭᠦᠭᠡᠭᠴᠢ ᠲᠣᠮᠢᠯᠠᠭᠳᠠᠪᠠ
24 ᠴᠢᠨᠦ ᠠᠪᠤᠷᠠᠭᠴᠢ᠂ ᠴᠢᠮᠠᠶᠢ ᠡᠬᠡ ᠶᠢᠨ ᠬᠡᠪᠡᠯᠢ ᠳᠤ ᠬᠡᠯᠪᠡᠷᠢᠵᠢᠭᠦᠯᠦᠭᠰᠡᠨ ᠶᠣᠬᠣᠸᠠ ᠡᠭᠦᠨ ᠢ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠪᠦᠬᠦᠨ ᠢ ᠪᠦᠲᠦᠭᠡᠭᠰᠡᠨ ᠶᠣᠬᠣᠸᠠ ᠪᠢ ᠥᠪᠡᠷ ᠢᠶᠡᠨ ᠲᠩᠷᠢ ᠶᠢ ᠰᠤᠩ᠋ᠭᠠᠵᠤ ᠭᠠᠭᠴᠠᠭᠠᠷ ᠢᠶᠠᠨ ᠳᠡᠯᠡᠬᠡᠢ ᠶᠢ ᠳᠡᠯᠭᠡᠭᠰᠡᠨ᠃
25 ᠪᠢ ᠬᠠᠭᠤᠷᠮᠠᠴᠢᠳ ᠤᠨ ᠲᠡᠮᠳᠡᠭ ᠢ ᠬᠣᠭᠣᠰᠣᠨ ᠪᠣᠯᠭᠠᠵᠤ ᠮᠡᠷᠭᠡᠴᠢᠳ ᠢ ᠪᠠᠰᠤᠮᠵᠢᠯᠠᠨ ᠮᠡᠷᠭᠡᠳ ᠢ ᠪᠤᠴᠠᠭᠠᠨ ᠮᠡᠳᠡᠯᠭᠡ ᠶᠢ ᠨᠢ ᠮᠤᠩ᠋ᠬᠠᠭᠯᠠᠯ ᠪᠣᠯᠭᠠᠳᠠᠭ᠃
26 ᠭᠡᠪᠡᠴᠦ ᠪᠢ ᠵᠠᠷᠤᠴᠠ ᠨᠠᠷ ᠤᠨ ᠢᠶᠠᠨ ᠦᠭᠡ ᠶᠢ ᠪᠠᠲᠤᠯᠠᠵᠤ ᠡᠯᠴᠢᠳ ᠤᠨ ᠢᠶᠠᠨ ᠵᠥᠪᠯᠡᠯᠭᠡ ᠶᠢ ᠪᠡᠶᠡᠯᠡᠭᠦᠯᠳᠡᠭ ᠪᠢ ᠶᠧᠷᠦ᠋ᠰᠠᠯᠧᠮ ᠳᠤ᠄ 〈ᠴᠢ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠪᠣᠯᠣᠨᠠ〉 ᠭᠡᠳ ᠶᠦᠳᠠ ᠶᠢᠨ ᠬᠣᠲᠠ ᠲᠣᠰᠬᠣᠳ ᠲᠤ᠄ 〈ᠲᠠ ᠨᠠᠷ ᠰᠡᠷᠭᠦᠭᠡᠭᠳᠡᠨᠡ〉 ᠭᠡᠵᠦ᠂ ᠪᠠᠯᠭᠠᠰᠤ ᠨᠤᠭᠤᠳ ᠤᠨ ᠲᠤᠬᠠᠢ 〈ᠪᠢ ᠰᠡᠷᠭᠦᠭᠡᠨᠡ〉 ᠭᠡᠳᠡᠭ᠃
27 ᠪᠢ ᠲᠠᠩᠭᠢᠰ ᠤᠨ ᠭᠦᠨ ᠳᠦ 〈ᠬᠠᠲᠠᠭᠲᠤᠨ᠂ ᠪᠢ ᠤᠷᠤᠰᠬᠠᠯ ᠤᠳ ᠢ ᠴᠢᠨᠢ ᠰᠢᠷᠭᠢᠭᠡᠨᠡ〉 ᠭᠡᠵᠦ᠂
28 ᠺᠦᠷᠣᠰ ᠤᠨ ᠲᠤᠬᠠᠢ᠄ 〈ᠲᠡᠷᠡ ᠮᠢᠨᠦ ᠬᠣᠨᠢᠴᠢᠨ ᠪᠦᠬᠦ ᠬᠦᠰᠡᠯ ᠢ ᠮᠢᠨᠢ ᠭᠦᠢᠴᠡᠳᠬᠡᠨᠡ᠂ ᠲᠡᠷᠡ ᠪᠡᠷ ᠶᠧᠷᠦ᠋ᠰᠠᠯᠧᠮ ᠳᠤ 〈ᠴᠢ ᠰᠡᠷᠭᠦᠭᠡᠭᠳᠡᠨᠡ〉 ᠥᠷᠭᠥᠭᠡᠨ ᠦ ᠲᠤᠬᠠᠢ᠄ 〈ᠰᠠᠭᠤᠷᠢ ᠴᠢᠨᠢ ᠲᠠᠯᠪᠢᠭᠳᠠᠨᠠ〉 ᠭᠡᠬᠦ ᠪᠣᠯᠣᠨᠠ》 ᠭᠡᠳᠡᠭ᠃