ᠢᠰᠠᠢᠶᠠ ᠵᠢᠷᠠᠨ ᠲᠠᠪᠤ
ᠰᠢᠳᠬᠡᠯ ᠪᠠ ᠠᠪᠤᠷᠠᠯ
1 ᠪᠢ ᠥᠪᠡᠷ ᠡᠴᠡ ᠮᠢᠨᠢ ᠦᠯᠦ ᠭᠤᠶᠤᠭᠰᠠᠳ ᠲᠤ ᠬᠠᠷᠢᠭᠤᠯᠪᠠ ᠥᠪᠡᠷ ᠢ ᠮᠢᠨᠢ ᠦᠯᠦ ᠬᠠᠢᠭᠰᠠᠳ ᠲᠤ ᠤᠯᠳᠠᠪᠠ᠂ ᠥᠪᠡᠷ ᠦᠨ ᠮᠢᠨᠢ ᠨᠡᠷᠡ ᠶᠢ ᠳᠠᠭᠤᠳᠠᠭᠠ ᠦᠭᠡᠢ ᠦᠨᠳᠦᠰᠦᠲᠡᠨ ᠳᠦ 《ᠪᠢ ᠡ᠊ᠨᠳᠡ ᠪᠠᠢᠨᠠ᠂ ᠪᠢ ᠡ᠊ᠨᠳᠡ ᠪᠠᠢᠨᠠ》 ᠭᠡᠵᠦ ᠬᠡᠯᠡᠪᠡ᠃
2 ᠮᠥᠨ ᠥᠪᠡᠷ ᠦᠨ ᠢᠶᠠᠨ ᠰᠠᠨᠠᠭᠠ ᠶᠢ ᠳᠠᠭᠠᠨ᠂ ᠰᠠᠢᠨ ᠪᠢᠰᠢ ᠵᠠᠮ ᠢᠶᠠᠷ ᠶᠠᠪᠤᠳᠠᠭ ᠵᠥᠷᠢᠭᠦᠳ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠪᠢ ᠡᠳᠦᠷᠵᠢᠨ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠭᠰᠠᠭᠠᠷ ᠪᠠᠢᠭᠰᠠᠨ ᠴᠤ
3 ᠡᠨᠡ ᠠᠷᠠᠳ ᠲᠦᠮᠡᠨ ᠨᠠᠮᠠᠶᠢ ᠨᠢᠭᠤᠷ ᠳᠡᠭᠡᠷᠡ ᠮᠢᠨᠢ ᠥᠳᠥᠭᠡᠵᠦ ᠪᠠᠢᠭᠰᠠᠨ᠂ ᠲᠡᠳᠡ ᠴᠡᠴᠡᠷᠯᠢᠭ ᠲᠤ ᠲᠠᠬᠢᠯ ᠡᠷᠭᠦᠨ ᠲᠣᠭᠣᠰᠬᠠᠨ ᠳᠡᠭᠡᠷᠡ ᠤᠲᠤᠯᠭᠠ ᠤᠭᠤᠭᠢᠭᠤᠯᠵᠤ
4 ᠪᠤᠯᠠᠰᠢᠨ ᠳᠤᠮᠳᠠ ᠰᠠᠭᠤᠨ ᠪᠤᠢᠳᠠ ᠭᠠᠵᠠᠷ ᠤᠳ ᠲᠤ ᠰᠥᠨᠢ ᠶᠢ ᠥᠩᠭᠡᠷᠡᠭᠡᠨ ᠭᠠᠬᠠᠢ ᠶᠢᠨ ᠮᠢᠬᠠ ᠢᠳᠡᠨ᠂ ᠰᠠᠪᠠᠨ ᠳᠠᠭᠠᠨ ᠪᠤᠵᠠᠷ ᠱᠥᠯᠥ ᠬᠢᠵᠦ
5 ᠪᠡᠶᠡ ᠪᠡᠶᠡ ᠳᠡᠭᠡᠨ 《ᠴᠢ ᠵᠠᠢ ᠲᠠᠢ ᠪᠠᠢ᠂ ᠨᠠᠳᠠ ᠤᠷᠤᠭᠤ ᠪᠦᠦ ᠣᠢᠷᠠᠲᠤ ᠪᠢ ᠴᠢᠮᠠ ᠠᠴᠠ ᠢᠯᠡᠭᠦᠦ ᠠᠷᠢᠭᠤᠨ》 ᠭᠡᠯᠴᠡᠳᠡᠭ᠂ ᠲᠡᠳᠡ ᠬᠠᠮᠠᠷ ᠲᠤ ᠮᠢᠨᠢ ᠦᠨᠦᠷᠲᠦᠬᠦ ᠤᠲᠤᠭᠠ ᠡᠳᠦᠷᠵᠢᠨ ᠰᠢᠲᠠᠳᠠᠭ ᠭᠠᠯ ᠶᠤᠮ᠃
6 ᠠᠩ᠋ᠬᠠᠷᠤᠭᠲᠤᠨ᠂ ᠮᠢᠨᠦ ᠡᠮᠦᠨᠡ ᠪᠢᠴᠢᠭᠡᠰᠦᠲᠡᠢ ᠪᠠᠢᠨᠠ᠄ ᠪᠢ ᠳᠠᠭᠤ ᠦᠭᠡᠢ ᠪᠠᠢᠬᠤ ᠦᠭᠡᠢ᠂ ᠵᠠᠪᠠᠯ ᠬᠠᠷᠢᠭᠤᠯᠤᠨᠠ︕ ᠲᠠ ᠨᠠᠷ ᠤᠨ ᠡᠪᠦᠷ ᠲᠦ ᠪᠢ
7 ᠥᠪᠡᠷᠰᠡᠳ ᠦᠨ ᠴᠢᠨᠢ ᠨᠢᠭᠦᠯ ᠬᠢᠭᠡᠳ ᠡᠴᠢᠭᠡ ᠡᠪᠦᠭᠡᠳ ᠦᠨ ᠴᠢᠨᠢ ᠨᠢᠭᠦᠯ ᠦᠨ ᠬᠠᠷᠢᠭᠤᠯᠤᠯ ᠢ ᠬᠠᠮᠲᠤ ᠳᠤᠨᠢ ᠥᠭᠭᠥᠨᠡ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ ᠤᠴᠢᠷ ᠨᠢ ᠲᠡᠳᠡ ᠠᠭᠤᠯᠠᠨ ᠳᠡᠭᠡᠷᠡ ᠤᠲᠤᠯᠭᠠ ᠤᠭᠤᠭᠢᠭᠤᠯᠤᠨ ᠲᠣᠯᠣᠭᠠᠳ ᠳᠡᠭᠡᠷᠡ ᠨᠠᠮᠠᠶᠢ ᠭᠤᠲᠤᠭᠠᠭᠰᠠᠨ ᠤᠷᠢᠳᠤ ᠶᠢᠨ ᠦᠢᠯᠡᠰ ᠢ ᠨᠢ ᠪᠢ ᠬᠡᠮᠵᠢᠵᠦ ᠡᠪᠦᠷ ᠲᠤᠨᠢ ᠬᠠᠷᠢᠭᠤ ᠶᠢ ᠨᠢ ᠥᠭᠭᠥᠨᠡ᠃
8 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠠᠭᠴᠠ ᠦᠵᠦᠮ ᠦᠨ ᠳᠣᠲᠣᠷᠠ ᠠᠴᠠ ᠰᠢᠭᠦᠰᠦ ᠣᠯᠳᠠᠪᠠᠯ 〈ᠪᠦᠦ ᠬᠠᠶᠠᠴᠢᠬᠠ᠂ ᠰᠠᠢᠨ ᠨᠢ ᠪᠠᠰᠠ ᠪᠠᠢᠨᠠ〉 ᠭᠡᠳᠡᠭ᠂ ᠪᠢ ᠴᠤ ᠵᠠᠷᠤᠴᠠ ᠨᠠᠷ ᠤᠨ ᠢᠶᠠᠨ ᠲᠥᠯᠥᠭᠡ ᠲᠡᠢᠨ ᠬᠦ ᠬᠠᠨᠳᠤᠨᠠ᠂ ᠪᠢ ᠲᠡᠳᠡᠨ ᠢ ᠪᠦᠭᠦᠳᠡ ᠶᠢ ᠨᠢ ᠤᠰᠠᠳᠬᠠᠬᠤ ᠪᠢᠰᠢ᠂
9 ᠶᠠᠺᠣᠪ ᠠᠴᠠ ᠦᠷᠡ ᠤᠳᠤᠮ ᠢ ᠨᠢ ᠭᠠᠷᠭᠠᠵᠤ ᠶᠦᠳᠠ ᠠᠴᠠ ᠠᠭᠤᠯᠠᠰ ᠢ ᠮᠢᠨᠢ ᠥᠪᠯᠡᠭᠴᠢ ᠶᠢ ᠠᠪᠴᠢᠷᠠᠨᠠ ᠰᠣᠩ᠋ᠭᠣᠭᠳᠠᠭᠰᠠᠳ ᠮᠢᠨᠢ ᠭᠠᠵᠠᠷ ᠢ ᠥᠪᠯᠡᠨ ᠵᠠᠷᠤᠴᠠ ᠨᠠᠷ ᠮᠢᠨᠢ ᠲᠡᠨᠳᠡ ᠰᠠᠭᠤᠷᠢᠰᠢᠨᠠ᠃
10 ᠨᠠᠮᠠᠶᠢ ᠬᠠᠢᠭᠴᠢ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠲᠥᠯᠥᠭᠡ ᠱᠠᠷᠣᠨ ᠨᠢ ᠬᠣᠨᠢᠨ ᠤ ᠪᠡᠯᠴᠢᠭᠡᠷ ᠠᠺᠣᠷ ᠤᠨ ᠬᠥᠨᠳᠡᠢ ᠨᠢ ᠦᠬᠡᠷ ᠦᠨ ᠬᠡᠪᠲᠡᠷᠢ ᠪᠣᠯᠣᠨᠠ᠃
11 ᠬᠠᠷᠢᠨ ᠶᠣᠬᠣᠸᠠ ᠶᠢ ᠣᠷᠬᠢᠨ ᠠᠷᠢᠭᠤᠨ ᠠᠭᠤᠯᠠ ᠶᠢ ᠮᠢᠨᠢ ᠮᠠᠷᠲᠠᠵᠤ ᠠᠵᠠ ᠵᠠᠪᠰᠢᠶᠠᠨ ᠤ ᠰᠢᠲᠦᠭᠡᠨ ᠳᠦ ᠰᠢᠷᠡᠭᠡ ᠵᠠᠰᠠᠨ ᠬᠤᠪᠢ ᠵᠠᠶᠠᠭᠠᠨ ᠤ ᠰᠢᠲᠦᠭᠡᠨ ᠳᠦ ᠨᠠᠢᠷᠠᠭᠤᠯᠤᠭᠰᠠᠨ ᠳᠠᠷᠠᠰᠤ ᠶᠢ ᠠᠶᠠᠭᠠᠨ ᠳᠠᠭᠠᠨ ᠳᠦᠭᠦᠷᠭᠡᠳᠡᠭ ᠲᠠ ᠨᠠᠷ ᠤᠨ ᠬᠤᠪᠢ ᠳᠤ ᠭᠡᠪᠡᠯ᠂
12 ᠪᠢ ᠲᠠ ᠨᠠᠷ ᠢ ᠢᠯᠳᠦᠨ ᠦ ᠬᠤᠪᠢ ᠵᠠᠶᠠᠭᠠᠨ ᠳᠤ ᠲᠤᠰᠢᠶᠠᠨᠠ ᠲᠠ ᠨᠠᠷ ᠪᠦᠭᠦᠳᠡ ᠨᠢᠳᠤᠯᠤᠭᠴᠢ ᠶᠢᠨ ᠡᠮᠦᠨᠡ ᠪᠥᠬᠥᠢᠬᠦ ᠪᠣᠯᠣᠨᠠ᠂ ᠤᠴᠢᠷ ᠨᠢ ᠪᠢ ᠳᠠᠭᠤᠳᠠᠬᠤ ᠳᠤ ᠲᠠ ᠨᠠᠷ ᠬᠠᠷᠢᠭᠤᠯᠤᠭᠰᠠᠨ ᠦᠭᠡᠢ ᠪᠢ ᠶᠠᠷᠢᠬᠤ ᠳᠤ ᠲᠠ ᠨᠠᠷ ᠰᠣᠨᠣᠰᠣᠭᠰᠠᠨ ᠦᠭᠡᠢ ᠬᠠᠷᠢᠨ ᠮᠢᠨᠦ ᠡᠮᠦᠨᠡ ᠮᠠᠭᠤ ᠶᠢ ᠦᠢᠯᠡᠳᠦᠭᠰᠡᠭᠡᠷ ᠮᠢᠨᠦ ᠲᠠᠭᠠᠯᠠᠳᠠᠭ ᠦᠭᠡᠢ ᠶᠢ ᠰᠣᠩ᠋ᠭᠣᠭᠰᠠᠨ ᠶᠤᠮ᠃
13 ᠲᠡᠢᠮᠦ ᠤᠴᠢᠷ ᠠᠴᠠ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠮᠢᠨᠦ ᠵᠠᠷᠤᠴᠠ ᠨᠠᠷ ᠢᠳᠡᠨᠡ᠂ ᠬᠠᠷᠢᠨ ᠲᠠ ᠨᠠᠷ ᠥᠯᠥᠰᠥᠨᠡ ᠬᠠᠷᠠ᠂ ᠮᠢᠨᠦ ᠵᠠᠷᠤᠴᠠ ᠨᠠᠷ ᠤᠤᠭᠤᠨᠠ᠂ ᠬᠠᠷᠢᠨ ᠲᠠ ᠨᠠᠷ ᠴᠠᠩ᠋ᠭᠠᠨᠠ ᠬᠠᠷᠠ᠂ ᠮᠢᠨᠦ ᠵᠠᠷᠤᠴᠠ ᠨᠠᠷ ᠪᠠᠶᠠᠰᠤᠨᠠ᠂ ᠬᠠᠷᠢᠨ ᠲᠠ ᠨᠠᠷ ᠢᠴᠢᠨᠡ᠃
14 ᠬᠠᠷᠠ᠂ ᠮᠢᠨᠦ ᠵᠠᠷᠤᠴᠠ ᠨᠠᠷ ᠵᠢᠷᠦᠬᠡᠨ ᠳᠡᠭᠡᠨ ᠵᠢᠷᠭᠠᠯ ᠲᠠᠢ ᠳᠠᠭᠤᠯᠠᠬᠤ ᠪᠣᠯᠪᠠᠴᠤ ᠲᠠ ᠨᠠᠷ ᠵᠢᠷᠦᠬᠡᠨ ᠳᠡᠭᠡᠨ ᠵᠣᠪᠠᠯᠠᠩ ᠲᠠᠢ ᠬᠠᠰᠬᠢᠷᠤᠨᠠ ᠴᠥᠬᠥᠷᠡᠭᠰᠡᠨ ᠰᠦᠨᠡᠰᠦ ᠪᠡᠷ ᠭᠠᠰᠢᠭᠤᠳᠠᠨᠠ᠃
15 ᠦᠯᠡᠳᠡᠬᠦ ᠨᠡᠷᠡ ᠴᠢᠨᠢ ᠰᠣᠩ᠋ᠭᠣᠭᠳᠠᠭᠰᠠᠳ ᠲᠤ ᠮᠢᠨᠢ ᠬᠠᠷᠢᠶᠠᠯ ᠪᠣᠯᠣᠨᠠ᠂ ᠡᠵᠡᠨ ᠶᠣᠬᠣᠸᠠ ᠲᠠ ᠨᠠᠷ ᠢ ᠦᠬᠦᠭᠦᠯᠦᠨᠡ᠂ ᠬᠠᠷᠢᠨ ᠥᠪᠡᠷ ᠦᠨ ᠢᠶᠠᠨ ᠵᠠᠷᠤᠴᠠ ᠨᠠᠷ ᠢ ᠥᠭᠡᠷᠡ ᠨᠡᠷᠡ ᠪᠡᠷ ᠳᠠᠭᠤᠳᠠᠨᠠ᠃
16 ᠤᠷᠢᠳᠤ ᠶᠢᠨ ᠵᠣᠪᠠᠯᠠᠩ ᠮᠠᠷᠲᠠᠭᠳᠠᠵᠤ᠂ ᠨᠢᠳᠦᠨ ᠡᠴᠡ ᠮᠢᠨᠢ ᠳᠠᠯᠳᠠ ᠣᠷᠣᠭᠰᠠᠨ ᠲᠤᠯᠠ ᠭᠠᠵᠠᠷ ᠳᠡᠭᠡᠷᠡ ᠢᠪᠡᠭᠡᠯ ᠭᠤᠶᠤᠭᠴᠢ ᠨᠢ ᠦᠨᠡᠨ ᠦ ᠪᠤᠷᠬᠠᠨ ᠤ ᠨᠡᠷᠡ ᠪᠡᠷ ᠢᠪᠡᠭᠡᠯ ᠭᠤᠶᠤᠭ ᠭᠠᠵᠠᠷ ᠳᠡᠭᠡᠷᠡ ᠲᠠᠩ᠋ᠭᠠᠷᠢᠭᠯᠠᠭᠴᠢ ᠨᠢ ᠦᠨᠡᠨ ᠦ ᠪᠤᠷᠬᠠᠨ ᠤ ᠨᠡᠷᠡ ᠪᠡᠷ ᠲᠠᠩ᠋ᠭᠠᠷᠢᠭᠯᠠᠭ᠂
ᠰᠢᠨᠡ ᠲᠩᠷᠢ᠂ ᠰᠢᠨᠡ ᠭᠠᠵᠠᠷ
17 ᠬᠠᠷᠠ᠂ ᠪᠢ ᠰᠢᠨᠡ ᠲᠩᠷᠢ᠂ ᠰᠢᠨᠡ ᠭᠠᠵᠠᠷ ᠢ ᠪᠦᠲᠦᠭᠡᠨᠡ ᠤᠷᠢᠳᠤ ᠶᠢᠨ ᠶᠠᠭᠤᠮᠠᠰ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ᠂ ᠰᠠᠨᠠᠭᠠᠨ ᠳᠤ ᠴᠤ ᠦᠯᠦ ᠣᠷᠣᠨᠠ᠃
18 ᠲᠠ ᠨᠠᠷ ᠮᠢᠨᠦ ᠪᠦᠲᠦᠭᠡᠬᠦ ᠵᠦᠢᠯ ᠳᠤ ᠡᠭᠦᠷᠢᠳᠡ ᠪᠠᠬᠠᠳᠤᠨ ᠪᠠᠶᠠᠰᠤᠭᠲᠤᠨ︕ ᠬᠠᠷᠠ᠂ ᠪᠢ ᠪᠠᠶᠠᠷᠲᠤ ᠶᠧᠷᠦ᠋ᠰᠠᠯᠧᠮ ᠬᠢᠭᠡᠳ ᠪᠠᠶᠠᠰᠬᠤᠯᠠᠩᠲᠤ ᠠᠷᠠᠳ ᠲᠦᠮᠡᠨ ᠢ ᠪᠤᠢ ᠪᠣᠯᠭᠠᠨᠠ᠃
19 ᠪᠢ ᠶᠧᠷᠦ᠋ᠰᠠᠯᠧᠮ ᠳᠤ ᠪᠠᠶᠠᠷᠯᠠᠨ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠪᠠᠶᠠᠰᠤᠨᠠ ᠲᠡᠨᠳᠡ ᠤᠬᠢᠯᠠᠬᠤ ᠪᠠ ᠣᠷᠢᠯᠠᠬᠤ ᠳᠠᠭᠤ ᠳᠠᠬᠢᠭᠠᠳ ᠰᠣᠨᠣᠰᠳᠠᠬᠤ ᠦᠭᠡᠢ
20 ᠲᠡᠨᠳᠡ ᠨᠠᠰᠤᠨ ᠤ ᠲᠣᠭᠠ ᠭᠦᠢᠴᠡᠯ ᠦᠭᠡᠢ ᠪᠠᠷ ᠦᠬᠦᠬᠦ ᠨᠢᠯᠬᠠᠰ ᠪᠤᠶᠤ ᠨᠠᠰᠤᠲᠠᠨ ᠠᠯᠠᠭᠠ᠂ ᠵᠠᠭᠤ ᠲᠠᠢ ᠦᠬᠦᠬᠦ ᠨᠢ ᠵᠠᠯᠠᠭᠤ ᠭᠡᠭᠳᠡᠵᠦ ᠵᠠᠭᠤ ᠨᠠᠰᠤᠯᠠᠭᠠ ᠦᠭᠡᠢ ᠦᠬᠦᠭᠰᠡᠨ ᠨᠢ ᠬᠠᠷᠢᠶᠠᠭᠳᠠᠭᠰᠠᠨ ᠳᠤ ᠲᠣᠭᠠᠴᠠᠭᠳᠠᠨᠠ᠃
21 ᠲᠡᠳᠡ ᠭᠡᠷ ᠪᠠᠷᠢᠵᠤ᠂ ᠲᠡᠨᠳᠡ ᠪᠡᠨ ᠰᠠᠭᠤᠨᠠ ᠲᠡᠳᠡ ᠦᠵᠦᠮ ᠲᠠᠷᠢᠶᠠᠯᠠᠵᠤ᠂ ᠦᠷᠡ ᠵᠢᠮᠢᠰ ᠢ ᠨᠢ ᠢᠳᠡᠨᠡ
22 ᠲᠡᠳᠡᠨ ᠦ ᠪᠠᠷᠢᠭᠰᠠᠨ ᠳᠤ ᠥᠭᠡᠷᠡ ᠬᠥᠮᠦᠨ ᠰᠠᠭᠤᠬᠤ ᠦᠭᠡᠢ ᠲᠡᠳᠡᠨ ᠦ ᠲᠠᠷᠢᠭᠰᠠᠨ ᠢ ᠥᠭᠡᠷᠡ ᠬᠥᠮᠦᠨ ᠢᠳᠡᠬᠦ ᠦᠭᠡᠢ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠨᠠᠰᠤ ᠮᠣᠳᠣᠨ ᠤ ᠬᠢ ᠲᠠᠢ ᠠᠳᠠᠯᠢ ᠪᠣᠯᠬᠣᠷ ᠰᠣᠩ᠋ᠭᠣᠭᠳᠠᠭᠰᠠᠳ ᠮᠢᠨᠢ ᠭᠠᠷ ᠢᠶᠠᠷ ᠢᠶᠠᠨ ᠬᠥᠳᠡᠯᠮᠦᠷᠢᠯᠡᠵᠦ ᠣᠯᠣᠭᠰᠠᠨ ᠢᠶᠠᠨ ᠤᠳᠠᠭᠠᠨ ᠡᠳ᠋ᠯᠡᠨᠡ᠃
23 ᠬᠥᠳᠡᠯᠮᠦᠷᠢ ᠨᠢ ᠬᠣᠭᠣᠰᠣᠨ ᠪᠣᠯᠬᠤ ᠦᠭᠡᠢ᠂ ᠲᠥᠷᠥᠭᠦᠯᠦᠭᠰᠡᠨ ᠦᠷᠡ ᠳᠦᠨᠢ ᠲᠦᠭᠰᠢᠭᠦᠷᠢ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ᠂ ᠤᠴᠢᠷ ᠨᠢ ᠲᠡᠳᠡ ᠴᠤ᠂ ᠬᠣᠢᠴᠢ ᠦᠶᠡ ᠨᠢ ᠴᠤ ᠶᠣᠬᠣᠸᠠ ᠶᠢᠨ ᠢᠷᠥᠭᠡᠯᠳᠦ ᠦᠷᠡᠰ ᠶᠤᠮ᠃
24 ᠲᠡᠳᠡ ᠳᠠᠭᠤᠳᠠᠬᠤ ᠠᠴᠠ ᠡᠮᠦᠨᠡ ᠪᠢ ᠬᠠᠷᠢᠭᠤᠯᠤᠨᠠ᠂ ᠲᠡᠳᠡ ᠶᠠᠷᠢᠵᠤ ᠪᠠᠢᠬᠤ ᠳᠤ ᠪᠢ ᠰᠣᠨᠣᠰᠣᠨᠠ᠃
25 ᠴᠢᠨᠣᠠ ᠬᠤᠷᠠᠭᠠ ᠲᠠᠢ ᠬᠠᠮᠲᠤ ᠪᠡᠯᠴᠢᠨ ᠠᠷᠰᠯᠠᠨ ᠦᠬᠡᠷ ᠮᠡᠲᠦ ᠡᠪᠡᠰᠦ ᠢᠳᠡᠵᠦ ᠮᠣᠭᠠᠢ ᠰᠢᠷᠣᠢ ᠪᠠᠷ ᠬᠣᠭᠣᠯᠠᠯᠠᠨᠠ ᠪᠦᠬᠦᠢᠯᠡ ᠠᠷᠢᠭᠤᠨ ᠠᠭᠤᠯᠠᠨ ᠳᠤ ᠮᠢᠨᠢ ᠲᠡᠳᠡ ᠶᠠᠮᠠᠷ ᠴᠤ ᠬᠣᠣᠷ ᠬᠥᠨᠥᠭᠡᠯ ᠤᠴᠠᠷᠠᠭᠤᠯᠬᠤ ᠦᠭᠡᠢ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃