ᠢᠰᠠᠢᠶᠠ ᠠᠷᠪᠠᠨ ᠭᠤᠷᠪᠠ
ᠪᠠᠪᠢᠯᠣᠨ ᠤ ᠲᠠᠯᠠ ᠪᠠᠷ ᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
1 ᠠᠮᠣᠽ ᠤᠨ ᠬᠦᠦ ᠢᠰᠠᠢᠶᠠ ᠶᠢᠨ ᠦᠵᠡᠭᠰᠡᠨ ᠪᠠᠪᠢᠯᠣᠨ ᠤ ᠲᠤᠬᠠᠢ ᠰᠡᠷᠡᠮᠵᠢᠯᠡᠭᠦᠯᠦᠯᠭᠡ᠄
2 ᠨᠢᠴᠦᠭᠦᠨ ᠲᠣᠯᠣᠭᠠᠳ ᠤᠨ ᠳᠡᠭᠡᠷᠡ ᠲᠤᠭ ᠮᠠᠨᠳᠤᠭᠤᠯᠵᠤ ᠴᠢᠩᠭ᠍ᠠ ᠪᠠᠷ ᠬᠠᠰᠬᠢᠷᠤᠨ ᠭᠠᠷ ᠢᠶᠠᠨ ᠳᠠᠯᠠᠯᠤᠨ ᠨᠣᠶᠠᠳ ᠤᠨ ᠬᠠᠭᠠᠯᠭᠠ ᠪᠠᠷ ᠲᠡᠳᠡᠨ ᠢ ᠣᠷᠣᠭᠤᠯ︕
3 ᠪᠢ ᠲᠤᠰᠠᠭᠠᠷᠯᠠᠭᠳᠠᠭᠰᠠᠨ ᠬᠥᠮᠦᠰ ᠲᠡᠭᠡᠨ ᠲᠤᠰᠢᠶᠠᠭᠰᠠᠨ ᠪᠢ ᠬᠢᠯᠢᠩ ᠢᠶᠠᠨ ᠴᠢᠳᠬᠤᠬᠤ ᠪᠠᠷ ᠳᠠᠢᠴᠢᠳ ᠢᠶᠠᠨ ᠴᠤᠭᠯᠠᠭᠤᠯᠤᠭᠰᠠᠨ ᠪᠢ ᠪᠠᠳᠠᠷᠠᠬᠤ ᠳᠤ ᠲᠡᠳᠡ ᠪᠠᠶᠠᠰᠤᠨᠠ᠃
4 ᠠᠭᠤᠯᠠᠨ ᠠᠴᠠ ᠣᠯᠠᠨ ᠤ ᠴᠢᠮᠡᠭᠡ ᠭᠠᠷᠴᠤ ᠪᠠᠢᠨᠠ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠴᠢᠮᠡᠭᠡ ᠰᠢᠭ ᠪᠠᠢᠨᠠ ᠣᠯᠠᠨ ᠬᠠᠭᠠᠨᠴᠢᠯᠠᠯ ᠤᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠬᠤᠷᠠᠭᠠᠳ ᠱᠤᠤᠭᠢᠯᠳᠤᠬᠤ ᠴᠢᠮᠡᠭᠡ ᠪᠠᠢᠨᠠ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠴᠡᠷᠢᠭ ᠤᠳ ᠢ ᠲᠤᠯᠤᠯᠳᠤᠭᠠᠨ ᠳᠤ ᠴᠤᠭᠯᠠᠭᠤᠯᠵᠤ ᠪᠠᠢᠨᠠ᠃
5 ᠲᠡᠳᠡ ᠠᠯᠤᠰ ᠤᠨ ᠭᠠᠵᠠᠷ ᠠᠴᠠ ᠲᠩᠷᠢ ᠶᠢᠨ ᠬᠢᠵᠠᠭᠠᠷ ᠠᠴᠠ ᠶᠣᠬᠣᠸᠠ ᠶᠢᠨ ᠵᠢᠪᠡᠭᠦᠴᠡᠯ ᠦᠨ ᠵᠡᠪᠰᠡᠭ ᠪᠣᠯᠣᠭᠠᠳ ᠪᠦᠬᠦ ᠨᠤᠲᠤᠭ ᠢ ᠤᠰᠠᠳᠬᠠᠬᠤ ᠪᠠᠷ ᠢᠷᠡᠵᠦ ᠪᠠᠢᠨᠠ᠃
6 ᠶᠣᠬᠣᠸᠠ ᠶᠢᠨ ᠡᠳᠦᠷ ᠣᠢᠷᠠᠬᠠᠨ ᠲᠠ ᠨᠠᠷ ᠤᠬᠢᠯᠠᠭᠲᠤᠨ ᠲᠡᠭᠦᠰ ᠬᠦᠴᠦᠲᠡᠨ ᠡᠴᠡ ᠰᠦᠢᠷᠡᠯ ᠢᠷᠡᠨᠡ᠃
7 ᠡᠢᠮᠦ ᠡᠴᠡ ᠭᠠᠷ ᠪᠣᠯᠭᠠᠨ ᠰᠤᠯᠠᠷᠠᠵᠤ᠂ ᠬᠥᠮᠦᠨ ᠪᠣᠯᠭᠠᠨ ᠤ ᠵᠢᠷᠦᠬᠡ ᠦᠬᠦᠨᠡ᠃
8 ᠲᠡᠳᠡ ᠠᠢᠳᠠᠰ ᠲᠤ ᠠᠪᠲᠠᠨᠠ ᠲᠡᠳᠡ ᠵᠣᠪᠠᠯᠠᠩ ᠵᠦᠳᠡᠭᠦᠷᠢ ᠳᠤ ᠪᠠᠷᠢᠭᠳᠠᠨᠠ ᠲᠡᠳᠡ ᠲᠥᠷᠥᠭᠦᠯᠵᠦ ᠪᠤᠢ ᠪᠦᠰᠡᠭᠦᠢ ᠰᠢᠭ ᠲᠠᠷᠴᠢᠯᠠᠨᠠ ᠲᠡᠳᠡ ᠰᠠᠨᠳᠤᠷᠤᠨ ᠪᠡᠶᠡ ᠪᠡᠶᠡ ᠪᠡᠨ ᠬᠠᠷᠠᠬᠤ ᠳᠤ ᠲᠡᠳᠡᠨ ᠦ ᠴᠢᠷᠠᠢ ᠭᠠᠯ ᠤᠨ ᠳᠥᠯᠥ ᠮᠡᠲᠦ ᠪᠣᠯᠣᠨᠠ᠃
9 ᠬᠠᠷᠠ᠂ ᠶᠣᠬᠣᠸᠠ ᠶᠢᠨ ᠡᠳᠦᠷ ᠢᠷᠡᠵᠦ ᠪᠠᠢᠨᠠ ᠠᠶᠤᠮᠰᠢᠭᠲᠠᠢ ᠪᠥᠭᠡᠳ ᠳᠣᠭᠰᠢᠨ ᠠᠭᠤᠷ ᠬᠢᠯᠢᠩ ᠤᠨ ᠲᠡᠷᠡ ᠡᠳᠦᠷ ᠭᠠᠵᠠᠷ ᠬᠣᠭᠣᠰᠣᠷᠠᠵᠤ᠂ ᠨᠢᠭᠦᠯᠲᠡᠳ ᠤᠰᠠᠳᠬᠠᠭᠳᠠᠨᠠ᠂
10 ᠲᠩᠷᠢ ᠶᠢᠨ ᠣᠳᠣᠳ ᠪᠣᠯᠣᠨ ᠲᠡᠭᠦᠨ ᠦ ᠣᠷᠳᠣᠨ ᠨᠤᠭᠤᠳ ᠭᠡᠷᠡᠯᠲᠦᠬᠦ ᠦᠭᠡᠢ ᠨᠠᠷᠠ ᠮᠠᠨᠳᠤᠮᠠᠭᠴᠠ ᠪᠠᠨ ᠬᠠᠷᠠᠩ᠋ᠭᠤᠢᠯᠠᠵᠤ ᠰᠠᠷᠠ ᠭᠡᠷᠡᠯ ᠢᠶᠡᠨ ᠲᠤᠰᠬᠠᠬᠤ ᠦᠭᠡᠢ᠃
11 ᠪᠢ ᠶᠢᠷᠲᠢᠨᠴᠦ ᠶᠢ ᠬᠣᠷᠣᠨ ᠮᠠᠭᠤ ᠶᠢᠨ ᠬᠢᠨᠢ ᠤᠯᠠᠮ ᠢᠶᠠᠷ ᠪᠤᠷᠤᠭᠤᠲᠠᠳ ᠢ ᠨᠢᠭᠦᠯ ᠦᠨ ᠬᠢᠨᠢ ᠤᠯᠠᠮ ᠢᠶᠠᠷ ᠰᠢᠳᠬᠡᠨᠡ ᠪᠠᠷᠳᠠᠮᠨᠠᠭᠴᠢᠳ ᠤᠨ ᠶᠡᠬᠡ ᠵᠠᠩ ᠢ ᠡᠴᠦᠰᠯᠡᠭᠦᠯᠵᠦ ᠪᠠᠯᠠᠮᠠᠳᠯᠠᠭᠴᠢᠳ ᠤᠨ ᠳᠡᠭᠡᠷᠡᠩᠭᠦᠢ ᠵᠠᠩ ᠢ ᠳᠠᠷᠤᠨᠠ᠃
12 ᠪᠢ ᠡᠷᠡᠴᠦᠦᠯ ᠢ ᠴᠡᠪᠡᠷ ᠠᠯᠲᠠᠨ ᠠᠴᠠ ᠴᠤ ᠬᠣᠪᠣᠷ ᠬᠥᠮᠦᠨ ᠢ ᠣᠹᠢᠷ ᠤᠨ ᠠᠯᠲᠠᠨ ᠠᠴᠠ ᠴᠤ ᠴᠥᠭᠡᠨ ᠪᠣᠯᠭᠠᠨᠠ᠃
13 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠳᠣᠭᠰᠢᠨ ᠬᠢᠯᠢᠩ ᠤᠨ ᠢᠶᠠᠨ ᠡᠳᠦᠷ ᠠᠭᠤᠷᠯᠠᠬᠤ ᠳᠤ ᠲᠩᠷᠢ ᠳᠣᠩᠰᠣᠯᠵᠤ ᠭᠠᠵᠠᠷ ᠪᠠᠢᠷᠢ ᠡᠴᠡ ᠪᠡᠨ ᠬᠥᠳᠡᠯᠦᠨᠡ᠃
14 ᠬᠥᠭᠡᠭᠡᠭᠳᠡᠵᠦ ᠪᠤᠢ ᠭᠥᠷᠥᠭᠡᠰᠦ ᠮᠡᠲᠦ ᠬᠣᠨᠢᠴᠢᠨ ᠦᠭᠡᠢ ᠬᠣᠨᠢ ᠮᠡᠲᠦ ᠬᠥᠮᠦᠨ ᠪᠦᠷᠢ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠦᠨᠳᠦᠰᠦᠲᠡᠨ ᠤᠷᠤᠭᠤ ᠡᠷᠭᠢᠵᠦ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠨᠤᠲᠤᠭ ᠤᠷᠤᠭᠤ ᠵᠢᠭᠤᠲᠠᠨᠠ
15 ᠣᠯᠳᠠᠭᠰᠠᠨ ᠬᠥᠮᠦᠨ ᠪᠣᠯᠭᠠᠨ ᠵᠢᠳᠠᠯᠠᠭᠳᠠᠨᠠ ᠣᠯᠵᠠᠯᠠᠭᠳᠠᠭᠰᠠᠨ ᠬᠥᠮᠦᠨ ᠪᠣᠯᠭᠠᠨ ᠢᠯᠳᠦᠨ ᠳᠦ ᠤᠨᠠᠨᠠ᠃
16 ᠨᠢᠳᠦᠨ ᠦ ᠬᠢᠨᠢ ᠡᠮᠦᠨᠡ ᠨᠢᠯᠬᠠᠰ ᠨᠢ ᠨᠢᠴᠠᠯᠤᠭᠳᠠᠵᠤ ᠭᠡᠷ ᠨᠢ ᠲᠣᠨᠣᠭᠳᠠᠵᠤ ᠭᠡᠷᠭᠡᠢ ᠨᠢ ᠬᠦᠴᠦᠷᠬᠡᠭᠯᠡᠭᠳᠡᠨᠡ᠃
17 ᠬᠠᠷᠠ᠂ ᠪᠢ ᠲᠡᠳᠡᠨ ᠦ ᠡᠰᠡᠷᠭᠦ ᠮᠧᠳᠧᠴᠤᠳ ᠢ ᠬᠥᠳᠡᠯᠭᠡᠨᠡ ᠲᠡᠳᠡ ᠮᠥᠩᠭᠥ ᠶᠢ ᠲᠣᠭᠣᠬᠤ ᠦᠭᠡᠢ᠂ ᠠᠯᠲᠠ ᠶᠢ ᠴᠤ ᠲᠠᠭᠠᠰᠢᠶᠠᠬᠤ ᠦᠭᠡᠢ᠃
18 ᠲᠡᠳᠡᠨ ᠦ ᠨᠤᠮᠤ ᠵᠠᠯᠠᠭᠤᠰ ᠢ ᠰᠥᠨᠥᠭᠡᠨᠡ ᠨᠢᠯᠬᠠᠰ ᠢ ᠨᠢᠭᠦᠯᠡᠰᠦᠬᠦ ᠦᠭᠡᠢ ᠲᠡᠳᠡᠨ ᠦ ᠨᠢᠳᠦ ᠬᠡᠦᠬᠡᠳ ᠢ ᠴᠤ ᠥᠷᠥᠪᠳᠥᠬᠦ ᠦᠭᠡᠢ᠃
19 ᠬᠠᠭᠠᠨᠴᠢᠯᠠᠯ ᠤᠳ ᠤᠨ ᠳᠤᠮᠳᠠ ᠵᠢᠪᠬᠤᠯᠠᠩ ᠲᠠᠢ ᠺᠠᠯᠳᠧᠶᠠᠴᠤᠳ ᠤᠨ ᠪᠠᠬᠠᠷᠬᠠᠯ ᠪᠠ ᠠᠯᠳᠠᠷ ᠪᠣᠯᠣᠭᠰᠠᠨ ᠪᠠᠪᠢᠯᠣᠨ᠂ ᠪᠤᠷᠬᠠᠨ ᠤ ᠬᠥᠮᠥᠷᠢᠭᠰᠡᠨ ᠰᠣᠳᠣᠮ ᠭᠣᠮᠣᠷᠠ ᠮᠡᠲᠦ ᠪᠣᠯᠵᠤ
20 ᠪᠠᠭᠤᠵᠤ ᠰᠠᠭᠤᠬᠤ ᠬᠥᠮᠦᠨ ᠲᠡᠨᠳᠡ ᠦᠶᠡ ᠶᠢᠨ ᠦᠶᠡ ᠳᠦ ᠠᠯᠠᠭᠠ ᠪᠣᠯᠣᠨᠠ᠂ ᠠᠷᠠᠪ ᠤᠳ ᠴᠤ ᠮᠠᠢᠬᠠᠨ ᠢᠶᠠᠨ ᠲᠡᠨᠳᠡ ᠪᠠᠷᠢᠬᠤ ᠦᠭᠡᠢ ᠬᠣᠨᠢᠴᠢᠳ ᠴᠤ ᠰᠦᠷᠦᠭ ᠢᠶᠡᠨ ᠲᠡᠨᠳᠡ ᠬᠣᠲᠠᠯᠠᠬᠤ ᠦᠭᠡᠢ᠃
21 ᠬᠠᠷᠢᠨ ᠲᠡᠨᠳᠡ ᠴᠥᠯ ᠦᠨ ᠠᠷᠢᠶᠠᠲᠠᠨ ᠬᠡᠪᠲᠡᠨ ᠣᠭᠣᠯᠢ ᠪᠠᠢᠰᠢᠩ ᠤᠳ ᠲᠤᠨᠢ ᠳᠦᠭᠦᠷᠴᠦ ᠲᠡᠮᠡᠭᠡᠨ ᠬᠢᠷᠭᠤᠤᠯ ᠲᠡᠨᠳᠡ ᠣᠷᠣᠩᠨᠠᠨ ᠶᠠᠩᠭᠢᠷ ᠲᠡᠨᠳᠡ ᠲᠣᠭᠯᠠᠨᠠ᠃
22 ᠴᠠᠮᠬᠠᠭ ᠤᠳ ᠲᠤᠨᠢ ᠰᠢᠷᠠᠨᠤᠳ ᠲᠠᠩᠰᠤᠭ ᠣᠷᠳᠣᠨ ᠨᠤᠭᠤᠳ ᠲᠤᠨᠢ ᠴᠢᠨᠣᠠ ᠤᠯᠢᠬᠤ ᠪᠣᠯᠣᠨᠠ ᠲᠡᠷᠡ ᠴᠠᠭ ᠣᠢᠷᠠᠬᠠᠨ᠂ ᠲᠡᠷᠡ ᠡᠳᠦᠷ ᠤᠳᠠᠬᠤ ᠦᠭᠡᠢ᠃