ᠢᠰᠠᠢᠶᠠ ᠲᠠᠪᠢᠨ ᠬᠣᠶᠠᠷ
1 ᠰᠡᠷᠢ᠂ ᠰᠡᠷᠢ᠂ ᠰᠦᠷ ᠬᠦᠴᠦ ᠪᠡᠨ ᠨᠥᠮᠥᠷ᠂ ᠽᠢᠶᠣᠨ ᠡ ᠦᠵᠡᠰᠬᠦᠯᠡᠩᠲᠦ ᠬᠤᠪᠴᠠᠰᠤ ᠪᠠᠨ ᠡᠮᠦᠰ᠂ ᠠᠷᠢᠭᠤᠨ ᠬᠣᠲᠠ ᠶᠧᠷᠦ᠋ᠰᠠᠯᠧᠮ ᠡ᠂ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠪᠤᠵᠠᠷ ᠨᠢ ᠳᠠᠬᠢᠨ ᠴᠢᠨᠦ ᠳᠣᠲᠣᠷᠠ ᠢᠷᠡᠬᠦ ᠦᠭᠡᠢ᠃
2 ᠶᠧᠷᠦ᠋ᠰᠠᠯᠧᠮ ᠡ᠂ ᠪᠣᠰ᠂ ᠲᠣᠭᠣᠰᠣ ᠪᠠᠨ ᠭᠦᠪᠢᠵᠦ᠂ ᠰᠢᠷᠡᠭᠡᠨ ᠳᠦ ᠰᠠᠭᠤ ᠣᠯᠵᠠᠯᠠᠭᠳᠠᠭᠰᠠᠨ ᠽᠢᠶᠣᠨ ᠥᠬᠢᠨ ᠡ᠂ ᠬᠦᠵᠦᠭᠦᠨ ᠳᠠᠬᠢ ᠭᠢᠨᠵᠢ ᠪᠠᠨ ᠲᠠᠢᠯ᠃
3 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠠ ᠨᠠᠷ ᠦᠨᠡ ᠦᠭᠡᠢ ᠪᠠᠷ ᠬᠤᠳᠠᠯᠳᠤᠭᠳᠠᠭᠰᠠᠨ᠂ ᠮᠥᠩᠭᠥ ᠦᠭᠡᠢ ᠪᠠᠷ ᠵᠣᠯᠢᠭᠳᠠᠨᠠ᠂》 4 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠮᠢᠨᠦ ᠠᠷᠠᠳ ᠲᠦᠮᠡᠨ ᠠᠩ᠋ᠬᠠᠨ ᠳᠠᠭᠠᠨ ᠶᠧᠵᠢᠫᠲ ᠤᠷᠤᠭᠤ ᠶᠠᠪᠤᠵᠤ ᠲᠡᠨᠳᠡ ᠴᠠᠭᠠᠴᠢᠯᠠᠭᠰᠠᠨ᠂ ᠠᠰᠢᠷᠢᠶᠠᠴᠤᠳ ᠰᠢᠯᠲᠠᠭᠠᠨ ᠦᠭᠡᠢ ᠪᠠᠷ ᠲᠡᠳᠡᠨ ᠢ ᠳᠠᠷᠤᠯᠠᠪᠠ᠃》 5 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 《ᠠᠷᠠᠳ ᠲᠦᠮᠡᠨ ᠮᠢᠨᠢ ᠦᠨᠡ ᠦᠭᠡᠢ ᠪᠠᠷ ᠠᠪᠠᠴᠢᠭᠳᠠᠭᠰᠠᠨ᠂ ᠣᠳᠣ ᠪᠢ ᠡ᠊ᠨᠳᠡ ᠶᠠᠭᠤ ᠬᠢᠬᠦ ᠪᠤᠢ︖ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠲᠡᠳᠡᠨ ᠦ ᠵᠠᠬᠢᠷᠤᠭᠴᠢᠳ ᠱᠤᠤᠭᠢᠯᠳᠤᠵᠤ ᠪᠠᠢᠨᠠ᠂ ᠨᠡᠷᠡ ᠮᠢᠨᠢ ᠡᠳᠦᠷᠵᠢᠨ ᠳᠣᠷᠣᠮᠵᠢᠯᠠᠭᠳᠠᠵᠤ ᠪᠠᠢᠨᠠ᠃》 6 《ᠲᠡᠢᠮᠦ ᠡᠴᠡ ᠠᠷᠠᠳ ᠲᠦᠮᠡᠨ ᠮᠢᠨᠢ ᠮᠢᠨᠦ ᠨᠡᠷᠡ ᠶᠢ ᠮᠡᠳᠡᠬᠦ ᠪᠣᠯᠣᠨᠠ᠃ ᠲᠡᠢᠮᠦ ᠡᠴᠡ ᠲᠡᠷᠡ ᠡᠳᠦᠷ ᠲᠡᠳᠡ ᠨᠠᠮᠠᠶᠢ 〈ᠬᠠᠷᠠ᠂ ᠪᠢ ᠡ᠊ᠨᠳᠡ ᠪᠠᠢᠨᠠ〉 ᠭᠡᠵᠦ ᠠᠢᠯᠠᠳᠤᠭᠴᠢ ᠮᠥᠨ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃》
7 ᠮᠡᠳᠡᠭᠡ ᠠᠪᠴᠢᠷᠠᠭᠠᠳ ᠠᠮᠤᠷ ᠠᠮᠤᠭᠤᠯᠠᠩ ᠢ ᠰᠣᠨᠣᠰᠬᠠᠭᠴᠢ ᠪᠠᠶᠠᠷ ᠤᠨ ᠮᠡᠳᠡᠭᠡ ᠠᠪᠴᠢᠷᠠᠵᠤ ᠠᠪᠤᠷᠠᠯ ᠢ ᠰᠣᠨᠣᠰᠬᠠᠭᠴᠢ 《ᠴᠢᠨᠦ ᠪᠤᠷᠬᠠᠨ ᠬᠠᠭᠠᠨᠴᠢᠯᠠᠬᠤ ᠪᠣᠯᠣᠯᠠ》 ᠭᠡᠵᠦ ᠽᠢᠶᠣᠨ ᠳᠤ ᠬᠡᠯᠡᠭᠴᠢ ᠶᠢᠨ ᠠᠭᠤᠯᠠᠰ ᠤᠨ ᠳᠡᠭᠡᠭᠦᠷ ᠶᠠᠪᠤᠬᠤ ᠬᠥᠯ ᠶᠠᠭᠤᠲᠠᠢ ᠰᠠᠢᠬᠠᠨ ᠪᠤᠢ︖
8 ᠬᠠᠷᠠᠭᠤᠯ ᠤᠳ ᠴᠢᠨᠢ ᠳᠠᠭᠤ ᠪᠠᠨ ᠥᠨᠳᠥᠷᠰᠡᠭᠡᠯᠡ ᠬᠠᠮᠲᠤ ᠳᠠᠭᠠᠨ ᠲᠡᠳᠡ ᠪᠠᠶᠠᠷ ᠤᠨ ᠳᠠᠭᠤᠤ ᠳᠠᠭᠤᠯᠠᠨᠠ᠂ ᠶᠣᠬᠣᠸᠠ ᠽᠢᠶᠣᠨ ᠤᠷᠤᠭᠤ ᠪᠤᠴᠠᠵᠤ ᠢᠷᠡᠬᠦ ᠳᠦ ᠡᠭᠦᠨ ᠢ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠨᠢᠳᠦ ᠪᠡᠷ ᠦᠵᠡᠬᠦ ᠪᠣᠯᠣᠨᠠ᠃
9 ᠶᠧᠷᠦ᠋ᠰᠠᠯᠧᠮ ᠤᠨ ᠡᠵᠡᠭᠦᠢ ᠭᠠᠵᠠᠷ ᠤᠳ ᠡ᠂ ᠬᠠᠮᠲᠤ ᠳᠠᠭᠠᠨ ᠪᠠᠶᠠᠷ ᠤᠨ ᠳᠠᠭᠤᠤ ᠪᠠᠨ ᠡᠷᠭᠦᠭᠲᠦᠨ᠂ ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠲᠠᠢᠪᠤᠰᠢᠷᠠᠭᠤᠯᠤᠭᠰᠠᠨ ᠶᠧᠷᠦ᠋ᠰᠠᠯᠧᠮ ᠢ ᠵᠣᠯᠢᠵᠤ ᠠᠪᠤᠭᠰᠠᠨ᠃
10 ᠬᠠᠮᠤᠭ ᠦᠨᠳᠦᠰᠦᠲᠡᠨ ᠦ ᠨᠢᠳᠦᠨ ᠳᠡᠭᠡᠷᠡ ᠶᠣᠬᠣᠸᠠ ᠠᠷᠢᠭᠤᠨ ᠮᠤᠲᠤᠷ ᠢᠶᠠᠨ ᠢᠯᠡ ᠭᠠᠷᠭᠠᠨᠠ ᠭᠠᠵᠠᠷ ᠤᠨ ᠪᠦᠬᠦ ᠬᠢᠵᠠᠭᠠᠷ ᠪᠢᠳᠡᠨ ᠦ ᠪᠤᠷᠬᠠᠨ ᠤ ᠠᠪᠤᠷᠠᠯ ᠢ ᠬᠠᠷᠠᠨᠠ᠃
11 ᠶᠠᠪᠤ᠂ ᠶᠠᠪᠤ᠂ ᠲᠡᠨᠳᠡ ᠡᠴᠡ ᠭᠠᠷ ᠪᠤᠵᠠᠷ ᠲᠤ ᠪᠦᠦ ᠬᠦᠷ ᠲᠡᠷᠡ ᠳᠤᠮᠳᠠ ᠠᠴᠠ ᠰᠠᠯᠵᠤ᠂ ᠴᠡᠪᠡᠷ ᠪᠠᠢ ᠶᠣᠬᠣᠸᠠ ᠶᠢᠨ ᠰᠠᠪᠠ ᠨᠤᠭᠤᠳ ᠢ ᠡᠭᠦᠷᠦᠭᠴᠢᠳ ᠡ᠂
12 ᠬᠠᠷᠢᠨ ᠶᠠᠭᠠᠷᠠᠯᠲᠠᠢ ᠭᠠᠷᠬᠤ ᠬᠡᠷᠡᠭ ᠦᠭᠡᠢ ᠳᠦᠷᠪᠡᠭᠰᠡᠳ ᠮᠡᠲᠦ ᠶᠠᠪᠤᠬᠤ ᠬᠡᠷᠡᠭ ᠦᠭᠡᠢ ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠡᠮᠦᠨᠡ ᠶᠠᠪᠤᠨᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠠᠷᠤ ᠲᠠᠯᠠ ᠶᠢ ᠴᠢᠨᠢ ᠬᠠᠮᠠᠭᠠᠯᠠᠨᠠ᠃
ᠮᠧᠰᠢᠶᠠ ᠶᠢᠨ ᠡᠳ᠋ᠯᠡᠬᠦ ᠵᠣᠪᠠᠯᠠᠩ ᠪᠠ ᠡᠷᠭᠦᠮᠵᠢᠯᠡᠯ
13 ᠬᠠᠷᠠ᠂ ᠵᠠᠷᠤᠴᠠ ᠮᠢᠨᠢ ᠮᠡᠷᠭᠡᠨ ᠢᠶᠡᠷ ᠦᠢᠯᠡᠳᠦᠨᠡ 21 ᠲᠡᠷᠡ ᠳᠡᠭᠡᠭᠰᠢᠯᠡᠨ ᠡᠷᠭᠦᠮᠵᠢᠯᠡᠭᠳᠡᠵᠦ᠂ ᠮᠠᠰᠢ ᠶᠡᠬᠡ ᠳᠡᠭᠡᠳᠦᠯᠡᠭᠳᠡᠨᠡ᠃
14 ᠲᠡᠭᠦᠨ ᠡᠴᠡ 22 ᠪᠣᠯᠵᠤ᠂ ᠣᠯᠠᠨ ᠨᠢ ᠰᠣᠴᠢᠪᠠ᠃ ᠲᠡᠭᠦᠨ ᠦ ᠲᠥᠷᠬᠥ ᠠᠯᠢᠪᠠ ᠬᠥᠮᠦᠨ ᠦ ᠬᠢ ᠡᠴᠡ ᠲᠡᠭᠦᠨ ᠦ ᠳᠦᠷᠰᠦ ᠬᠥᠮᠦᠨ ᠦ ᠦᠷᠡᠰ ᠦᠨ ᠬᠢ ᠡᠴᠡ ᠢᠯᠡᠭᠦᠦ ᠪᠡᠷ ᠡᠪᠳᠡᠷᠡᠭᠰᠡᠨ ᠠᠵᠢ᠃
15 ᠲᠡᠢᠨ ᠬᠦ ᠲᠡᠷᠡ ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠳᠡᠭᠡᠷᠡ ᠰᠦᠷᠴᠢᠨᠡ ᠲᠡᠭᠦᠨ ᠡᠴᠡ ᠪᠣᠯᠵᠤ ᠬᠠᠭᠠᠳ ᠠᠮᠠ ᠪᠠᠨ ᠬᠠᠮᠬᠢᠨᠠ ᠤᠴᠢᠷ ᠨᠢ ᠥᠪᠡᠷᠰᠡᠳ ᠲᠤᠨᠢ ᠬᠡᠯᠡᠭᠡ ᠦᠭᠡᠢ ᠶᠢ ᠲᠡᠳᠡ ᠬᠠᠷᠠᠵᠤ ᠥᠪᠡᠷᠰᠡᠳ ᠲᠤᠨᠢ ᠰᠣᠨᠣᠰᠬᠠᠭᠠ ᠦᠭᠡᠢ ᠶᠢ ᠲᠡᠳᠡ ᠤᠬᠠᠭᠠᠷᠠᠨᠠ᠃